Lajmidites.com

Tag: barça

  • Musiala kthehet këtë vit, Jamal piketohet nga Al-Hilal, Barça e hedh…

    Musiala kthehet këtë vit, Jamal piketohet nga Al-Hilal, Barça e hedh…

    Sezonet e fundit kanë qenë sfiduese për Xhamal Musiala, 22 vjeç, një nga lojtarët e rinj më të talentuar të gjeneratës së tij. Lojtari i Bajern Mynih është detyruar të përballet me një sërë zhvillimesh.

    Ndalesa e fundit erdhi gjatë çerekfinaleve të Kupës së Botës për Klube, në një përballje të ashpër me portierin italian Donaruma që i shkaktoi një frakturë të fibulës dhe një dëmtim të kyçit të këmbës duke e mbajtur jashtë fushave për 3 muaj. Sipas medias gjermane AZ, mesfushori sulmues i lindur në Shtutgart mund të rikthehet në fushë që në fund të vitit 2025.

    Lamine Jamal është tani një yll i padiskutueshëm për Barcelonën, duke thyer rekorde për moshën që ka (18) duke u bërë një lojtar kyç për skuadrën e Hansi Flik. Një pagë bazë prej mbi 10 milionë eurosh neto, një kontratë prej 25 milionë eurosh e shtrirë në gjashtë vjet dhe bonuse të ndryshueshme që mund t’i çojnë të ardhurat e tij deri në 20 milionë euro neto nëse i përmbush të gjitha objektivat e tij.

    Sipas Fichajes.net, Al-Hilal ofroi 400 milionë euro për kontratën e tij, me një kontratë shtatëvjeçare. Barça e mohoi ofertën dhe konfirmoi se Jamal nuk është në shitje./Sportiim.al/

    Vazhdo leximin

  • Luis Enrique: Ndeshje e shkëlqyer. Barça, kandidate e qartë për ta fituar Ligën e Kampionëve

    Luis Enrique: Ndeshje e shkëlqyer. Barça, kandidate e qartë për ta fituar Ligën e Kampionëve

    2 Tetor 2025

    7:59

    Alfred Lleshi

    Luis Enrique e bëri sërish. PSG mposhti Barcelonën në “Montjuïc”, këtë herë jo me goleadën e dy viteve më parë, por me një gol të vonshëm të Gonçalo Ramos. Ndeshja tregoi qartë se ky PSG është aktualisht ekipi më i fortë në Europë. As mungesat e rëndësishme nuk e penguan Luis Enrique të merrte 3 pikët.
    Në fushë nuk pati festë të madhe si më 2024, pas fitores 4-1 të parizienëve, por disa buzëqeshje, një përshëndetje e shpejtë për Hansi Flick dhe një gjest për publikun. Në zonën e intervistave, Luis Enrique tha për “Movistar+”: “U pa një ndeshje e shkëlqyer. Deri te goli ata ishin superiorë, na kushtoi, por pastaj rikuperuam nivelin. Nuno bëri një aksion të jashtëzakonshëm dhe Senny (Mayulu) finalizoi. Pjesa e parë u barazua, por në të dytën ishim më të mirë”.
    Ai mbrojti Vitinha, pas gabimit që solli golin katalanas: “Gabimi është normal. ‘Viti’ është, bashkë me Pedrin, mesfushori më i mirë në botë”. Për Pedrin shtoi: “Na kushtoi shumë ta ndalonim, është jashtëzakonisht i vështirë. Është bukur të përballesh me lojtarë të tillë, që të shtyjnë të përmirësohesh. Barça është një kandidate e qartë për ta fituar Ligën e Kampionëve”.

  • Barça i përgjigjet Realit, triumf me përmbysje ndaj Oviedo-s, Flick: Kemi skuadër fantastike

    Barça i përgjigjet Realit, triumf me përmbysje ndaj Oviedo-s, Flick: Kemi skuadër fantastike

    Reali dhe Barça. dy “bigët” spanjoll, vijojnë në distancë betejën për titull në La Liga. Pas suksesit 4-1 të “Los Blancos” ndaj Levantes, ekipi i Hansi Flick i kundërpërgjigjet menjëherë, me një fitore me përmbysje 1-3 përballë Real Oviedo-s duke mos lejuar ekipin e Alonos të arratiset, për momentin, pas javës së 6-të, diferenca mbetet -2.
    Kjo transfertë nisi në malore për Barçën, ku një gafë portierit Joan Garcia i dhuroi mundësinë Alberto Reina-s të realizonte një gol fantastik. Me fillimin e pjesës së dytë, për të rikthyer Barcelonën në lojë mendoi Eric Garcia, me mbrojtësin që përfitoi nga një top i ngecur në zonë duke barazuar shifrat në 1-1. Në minutën e 65-të, Flick hodhi në fushë Robert Lewandowski-n. Pesë minuta lojë i mjaftuan “bomberit” polak që të përmbyste rezultatit, ku i shërbyer në zonë nga De Jong, me kokë realizoi një gol shumë të bukur. Për të mbyllur llogaritë me Oviedo-n mendoi Araujo që në minutën e 88-të me një goditje me kokë sigloi shifrat në 1-3.

    Kjo ishte fitorja e tretë radhazi për Barçën në La Liga. Sigurisht ky sukses kënaq trajnerin Hansi Flick, për më tepër që ishte fitorja e katërt pa Lamine Yamal në dispozicion: “Po rritemi, kemi një skuadër fantastike. Jam i lumtur për këtë tre pikësh. Jam i kënaqur edhe me paraqitjen e Lewandowskit dhe De Jong, ishin përcaktues. Gafa e Joan Garcia? Po flasim për futboll, janë gjera që mund të ndodhin. Ai është një portier i madh, diti të reagojë”, u shpreh Hansi Flick.
    © BalkanWeb

  • Ekspertët e futbollit spanjoll: Pedri për Barcelonën, ndikim të njëjtë me Xavi dhe Iniesta

    Ekspertët e futbollit spanjoll: Pedri për Barcelonën, ndikim të njëjtë me Xavi dhe Iniesta

    19 Shtator 2025

    11:10

    Alfred Lleshi

    ​​​​ Pedri, sipas ekspertëve të futbollit spanjoll, është thelbësor për Barcelonën. Ai krahasohet me legjendat Xavi dhe Iniesta.
    Pipi Estrada: “Ai mban ritmin e Barcelonës, është vetë futbolli. Edhe pa Lamine, Barça ka shënuar 8 gola në 2 ndeshje. Megjithatë, Lamine është shumë i rëndësishëm”.
    David Bernabéu: “Në pjesën e parë, Barça e ndjeu mungesën e Lamine Yamal. Për mua, Lamine dhe Pedri janë lojtarët e pazëvendësueshëm. Pedri, në lojë, është në të njëjtin nivel me Xavi dhe Iniesta. Barça ka portierin më të mirë të Spanjës”.
    Ricardo Reyes: “Në pjesën e parë, Barcelona u mbajt gjallë nga Joan García”.
    Ferrán Martínez: “I pazëvendësueshëm te Barça është Pedri. Mund t’i largosh çdo lojtar, përveç Pedrit, dhe skuadra katalanase nuk e humb identitetin e vet”.

  • Siti- Napoli, Njukasëll- Barça, të tjera takime me peshë

    Siti- Napoli, Njukasëll- Barça, të tjera takime me peshë

    Champions League me ndeshjet e ligës raundi i parë, dita e tretë. Programi për sot e enjte 18 shtator 2025. Në fushë, Barcelona, Siti, Napoli, etj. Duele që luhen në 18:45 dhe 21:00

    18:45

    Bryzh- Monako

    Kopenhagë- Leverkusen

    21:00

    Eintraht- Gallatasaraji

    Sporting- Kairat Almati

    Mançester Siti- Napoli

    Njukasëll- Barcelona/Sportiim.al/

    Vazhdo leximin

  • Barcelona nuk e harron kurrë Messin, feston 25-vjetorin e transferimit të yllit argjentinas

    Barcelona nuk e harron kurrë Messin, feston 25-vjetorin e transferimit të yllit argjentinas

    Edhe pse kanë kaluar vite, Barcelona nuk e harron Leo Messin. Klubi katalanas kujton sot 25-vjetorin e mbërritjes së tij, në moshën 13-vjeçare, për provë te Barça, ku la mbresa të mëdha. Fillimisht ishte Carles Rexach, ai që vendosi ta transferonte. Ky moment shënoi fillimin e një marrëdhënieje me suksese të padiskutueshme.
    Messi e veshi fanellën blaugrana në periudhën 2000-2021. Plot 21 vite historike për të dhe klubin katalanas. Me Barcelonën, argjentinasi fitoi 4 Champions League, 19 La Liga, 7 Kupa të Mbretit, 3 Superkupa Europe, 3 Botërorë Klubesh, 6 “Këpucë të Arta” dhe 7 “Topa të Artë” (të tetin e fitoi si lojtar i Inter Miami, më 2023), ndërsa është edhe golashënuesi më i madh i historisë blaugrana, lojtari i huaj me më shumë ndeshje dhe asistuesi më i mirë i La Liga-s.
    Sot, ndërsa Messi luan tek Inter Miami, Barcelona ende pret të organizojë një ndeshje lamtumire pas largimit të diskutueshëm, duke kujtuar gjithashtu debutimin e tij të famshëm te katalanasit.

    ✨ Avui fa 25 anys que Leo Messi, amb 13 anys, va arribar a Barcelona per provar amb el Barça. Va impressionar tant a Rexach que va decidir fitxar-lo.
    La resta és història 🐐
    🔵🔴 Quin és el teu record preferit de Messi al Barça?
    👉 Més a Players: https://t.co/BkJBaY2oG4 pic.twitter.com/Yl2Y6vQ9tf
    — FCB Jugadors (@FCBjugadors) September 17, 2025

     
     

  • Kryqëzata ndaj arbitrimit, Real Madridi po e drejton gishtin tashmë edhe nga Barcelona

    Kryqëzata ndaj arbitrimit, Real Madridi po e drejton gishtin tashmë edhe nga Barcelona

    15 Shtator 2025

    8:42

    Alfred Lleshi

    Real Madridi ka ndryshuar strategji dhe tashmë nuk e fsheh pakënaqësinë për vendimet e arbitrave në javët e para të La Liga-s. Sipas klubit, gabimet e përsëritura, të cilat kulmuan në ndeshjen ndaj Real Sociedad, tregojnë se gabimet nga VAR nuk janë korrigjuar. Komiteti Teknik i Arbitrave pritet të penalizojë disa gjyqtarë për këto vendime.
    Në Valdebebas theksojnë se trajtimi i Real Madridit nuk është i njëjtë me atë të Barcelonës. “Real Madrid TV” ka nisur të krahasojë situatat mes dy ekipeve, duke kujtuar se Barça nuk mori asnjë penallti kundër nga shkurti 2016 deri në mars 2018. Kjo, sipas tyre, tregon qartë trajtimin e pabarabartë.
    Ndërkohë, çështja “Negreira” po fiton peshë me thirrjen e figurave si Luis Enrique, Valverde dhe Joan Laporta. Real Madridi është i vendosur ta çojë këtë çështje deri në fund, siç ka theksuar Florentino Pérez. Megjithëse Real Madrid dhe Barça janë të bashkuar në projektin e Superligës, interesat e tyre ndahen në futbollin spanjoll. Barça duket afër La Liga-s dhe UEFA-s, ndërsa Reali mban distancë të qartë.
     
     

  • Mesfushori dëmtohet rëndë në gju, Barça në alarm pasi konfirmoi edhe Jamalin me De Jong

    Mesfushori dëmtohet rëndë në gju, Barça në alarm pasi konfirmoi edhe Jamalin me De Jong

    Që në muajin gusht, Gavi nuk është nd jerë mirë. Në arë kohë klubi Barcelonës do lëshonte një deklaratë të thatë sipas së cilës futbollisti ish dëmtuar. Vetëm kaq. Nuk specifikohej dëmtimi apo koha e parashikuar që ai do të qëndronte jashtë. Që atëherë, lojtari nuk është stërvitur. Është mësuar se ai po i nënshtrohet një trajtimi konservativ, por mundësia e një ndërhyrjeje të mëtejshme kirurgjikale është një tjetër opsion. Të premten klubi për herë të parë ka dalë hapur duke shpjeguar gjithçka.
    Për momentin është zgjedhur trajtimi konservativ, por nuk është përjashtuar mundësia e ndërhyrjes kirurgjikale. Një takim i ri do sqarojë përfundimisht edhe gjendjen aktuale të futbollistit. Ajo që është e qartë është se Gavi nuk do të jetë në gjendje të luajë përsëri për Barcelonën deri pas pushimit të ardhshëm të ndeshjeve të kombëtares. Në fakt, disponueshmëria e tij për El Klasikon kundër Real Madridit, që do zhvillohet më 26 tetor, është shumë e komplikuar.
    Koha e parashikuar për t’u rikthyer në fushë është një muaj e gjysmë dhe pak shanse ka që ai të jetë gati në këtë datë. Pavarësisht asaj që është raportuar, mesfushori nuk ka pësuar një rikthim të dëmtimit të tij. Duhet kujtuar se Gavi pësoi dëmtimin me ekipin kombëtar dhe iu nënshtrua një ndërhyrjeje kirurgjikale në meniskun e tij si dhe një këputje të ligamentit, gjë e cila e detyroi atë të qëndronte jashtë fushave për gati një vit.
    Zona e prekur nuk është e njëjtë tani, megjithëse është në të njëjtin gju atë të djathtë. Prandaj, është një dëmtim i ri dhe ka pak shanse të ndikojë të i vjetri. Tani është koha të prititet dhe të shihet se si do të përparojë gjuri, por ky dëmtim është një pengesë serioze për Hansi Flik, i cili mbështetej te seviljani për këtë sezon pasi ai nuk ishte në formën e tij më të mirë sezonin e kaluar.
    Kjo sepse ka patur vështirësi të rikthehej në ritëm pas rikthimit nga lëndimi. Dhe ditët për skuadrën katalanase bëhen më rë vështira, ashtu si kundër edhe për të gjithë ekipet e tjera që marrin pjesë në Ligën e Kampioneve. Barça rifillon aksionin këtë të diel pas pushimit ndërkombëtar. Që tani e tutje, orari bëhet më i vështirë me ardhjen e Ligës së Kampionëve dhe dy ndeshjeve në javë. Deri tani, luhej vetëm një ndeshje dhe koha e rikuperimit ishte më e gjatë, por që tani e tutje, situata ndryshon rrënjësisht dhe Flik do të duhet të përdorë kohëmatësin me lojtarët e tij.

  • Figo “këshillon” Florentino Perez: “Ky është lojtari që do i merrja Barcelona-s”

    Figo “këshillon” Florentino Perez: “Ky është lojtari që do i merrja Barcelona-s”

    Ish-ylli i Real Madrid-it, Luis Figo, ka zgjedhur mesfushorin spanjoll Pedri si lojtarin e Barcelona-s që do ta merrte nga skuadra katalanase për Los Blancos. Ai beson se i riu është i besueshëm dhe rëndësia e tij duket në fushë.
    Duke folur për Sport, Figo tha:
    “Nëse do të mund të merrja dikë nga Barça për Real Madridin, do të ishte Pedri. Ai është një lojtar shumë i rëndësishëm”.
    Pedri pati një provë me Los Blancos kur ishte adoleshent, por u refuzua nga gjigantët spanjollë. Ai iu bashkua skuadrës katalanase disa ditë më vonë në vitin 2020 dhe foli hapur për refuzimin e madrilenëve në vitin 2022.
    Ai deklaroi për Marca:
    “Shkova te Real Madridi dhe ditët e para nuk munda të stërvitesha sepse kishte borë në fusha. U stërvita për tre ditë. Më çuan me ekipin B për t’u stërvitur, dhe në fund më thanë se nuk kisha nivelin për të qenë atje dhe se do të më linin për të vazhduar kërkimin.
    “Në fillim, nuk të pëlqen të të refuzojnë, por pastaj të motivon të mendosh se nëse nuk të donin, tani do të punosh shumë në mënyrë që diçka tjetër të vijë në të ardhmen.
    “Tani jam aty ku dua të jem te Barça. Nuk e kam takuar kurrë personin që më refuzoi. Nuk mbaj mend kush është. Do t’i thoja se tani po e shijoj veten te Barça”.
    Pedri ka luajtur 12 ndeshje për Barcelona-n kundër Real Madrid-it në karrierën e tij. Ai ka shënuar dy herë dhe ka dhënë një asist, ndërsa ka fituar gjashtë ndeshje dhe ka humbur po aq herë.

  • Pamje të pazakonta, Laporta bën veten “kurban” në mesin e “Camp Nou” (video)

    Pamje të pazakonta, Laporta bën veten “kurban” në mesin e “Camp Nou” (video)

    Të hënën pritet takimi vendimtar mes Bashkisë, zjarrfikësve dhe Gardës Urbane për të vendosur nëse “Spotify Camp Nou” do të mund të hapet për ndeshjen Barça-Valencia, më 13 ose 14 shtator.
    Bordi drejtues i Barcelonës vazhdon punën intensive. Këtë të premte, një përfaqësi e vogël, e udhëhequr nga presidenti Joan Laporta, vizitoi stadiumin dhe avancimin e punimeve, të cilat po vazhdojnë me ritëm të shpejtë. Në momentin më të pazakontë, Laporta u shtri në qendrën e fushës, në rrethin qendror të stadiumit, simbolikisht, duke ndjerë afërsinë e rikthimit në “tempullin” blaugrana.

    Në fushë ishin gjithashtu Elena Fort, zv.presidentja institucionale dhe përgjegjëse e projektit “Espai Barça”, drejtuesi Xavi Puig, si dhe disa ekzekutivë të tjerë të klubit.
    Klubi katalanas mbetet i kujdesshëm për mundësinë e rikthimit në “Spotify Camp Nou”, ku faza e parë do të pranojë 27.000 spektatorë midis tribunës dhe pjesës “Gol Sud”. Nëse nuk merret ende “ok” për Barça-Valencia, stadiumi “Johan Cruyff” mbetet opsioni më i besueshëm, megjithëse La Liga do të duhet të bëjë një përjashtim, duke pasur vetëm 6.000 vende.
    “Estadi Olímpic” do të jetë i disponueshëm për Barçën vetëm nga java e pestë e La Liga-s, kundër Getafes (20 ose 21 shtator), pasi më 12 shtator aty do të mbahet koncerti i Post Malone.