Lajmidites.com

Tag: banorëve

  • Zjarr në një pallat në Lushnjë/ Panik mes banorëve, evakuuohen nga zjarrfikësit, raportohet për pesë lënduar

    Zjarr në një pallat në Lushnjë/ Panik mes banorëve, evakuuohen nga zjarrfikësit, raportohet për pesë lënduar

    Një zjarr ka përfshirë një pallat në qytetin e Lushnjës këtë mbrëmje, duke rrezikuar banorët.

    Korrespondenti i Top Channel, Bledi Korreshi, raporton se zjarri ra në një biznes në kat të parë, si pasojë e një defekti në kabinës elektrike.
    Tymi u përhap në të gjithë pallatin 15-katësh, duke shkaktuar panik mes banorëve, disa prej të cilëve u evakuuan, nga ballkonet e apartamenteve. Një grua raportohet se u asfiksua dhe u dërgua në spital për trajtim mjekësor. Në spitalin e qytetit, u dërguan edhe katër persona të tjerë, që pësuan dëmtime tlehta.
    Në pallat, vijon të mos ketë energji elektrike, ndërsa banorët qëndrojnë jashtë banesave. Në vendngjarje ndodhet një ambulancë, teksa situata është nën monitorim.

    Top Channel

  • VIDEO – Bashkia Shkodër nis rikonstruksionin e rrugës së varrezave publike, zgjidhet problemi 20- vjeçar

    VIDEO – Bashkia Shkodër nis rikonstruksionin e rrugës së varrezave publike, zgjidhet problemi 20- vjeçar

    Rruga e varrezave të qytetit prej disa ditësh është përfshirë në një rikonstruksion të plotë. E trajtuar si shqetësim i banorëve, ky segment rrugor brenda 2 muajsh pritet të përfundojë. Për të inspektuar nga afër punimet ka qenë vetë Kryetari i Bashkisë Shkodër, Benet Beci, i cili u shpreh se me këtë investim nga buxheti i Bashkisë Shkodër zgjidhet një herë e mirë një problematikë e mbartur në vite për banorët e zonës, të cilët shfrytëzonin këtë segment rrugor për t’u lidhur me rrugën kryesore.

    Paralelisht me këtë segment, në brendësi të varrezave të qytetit, Bashkia Shkodër po punon edhe në një tjetër segment që zgjidh qarkullimin dhe aksesin e banorëve të zonës në fshatin Golem me rrugën kryesore “Pjetrushi”. Me përfundimin e këtyre dy investimeve infrastrukturore merr fund edhe shqetësimi i ngritur prej 20 vitesh i banorëve, të cilët përballeshin me gropa të mëdha uji dhe mungesë infrastrukture për të çuar fëmijët në shkollë apo për komunikimin e banorëve me rrugën nacionale.

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

  • Rikonstruktimi i spitalit të Gjirokastrës/ Rama ndan pamjet: Për t’i shërbyer mbi 60 mijë banorëve

    Rikonstruktimi i spitalit të Gjirokastrës/ Rama ndan pamjet: Për t’i shërbyer mbi 60 mijë banorëve

    Kryeministri Edi Rama ka ndarë pamjet nga rikonstruktimi i Spitalit Rajonal të Gjirokastrës.

    Ndërkohë që në pamje duket procesi i rikonstruktimit, Rama shkruan se ky spital do t’i shërbyer banorëve të zonës, por edhe turistëve që vizitojnë qytetin e gurtë.
    “Spitali Rajonal i Gjirokastrës po rilind nga themelet, për t’i shërbyer mbi 60 mijë banorëve të zonës dhe qindra mijëra turistëve që vizitojnë qytetin e gurtë”, shkruan Rama në postimin e tij.

  • SYRI TV/ Vlorë, shemben 26 banesa në lagjen ‘1 maji’, banorët kundërshtojnë aksionin e IKMT

    SYRI TV/ Vlorë, shemben 26 banesa në lagjen ‘1 maji’, banorët kundërshtojnë aksionin e IKMT

    Inspektorati Kombëtar i Mbrojtjes së Territorit ka nisur shembjet e objekteve në lagjen “1 Maji” në Vlorë, për t’i hapur rrugë ndërtimit të portit të ri të jahteve në këtë qytet. Pronarët e banesave kanë kundërshtuar ndërhyrjen, pasi nuk janë të kënaqur me vlerën e shpronësimit që u është ofruar.

    Gjatë aksionit u vu re edhe standardi i dyfishtë i përdorur nga IKMT, duke e krahasuar rastin e Vlorës me atë të Thethit. Në kryeqendrën turistike të veriut, drejtori i shembjeve të IKMT-së, Fatmir Meta, përdori fjalor banal dhe nuk u dha kohë banorëve të merrnin as rrobat e trupit nga pronat e tyre. Ndërkohë, në Vlorë, i njëjti zyrtar ka ndaluar shembjen e një banese deri në gjetjen e një zgjidhjeje dhe madje ka bërë thirrje për të shmangur përdorimin e fjalorit të rëndë.

    Shembjet në lagjen “1 Maji” janë pjesë e projektit për ndërtimin e rrugës së re që të çon në Portin e Vlorës. Por banorët kanë kundërshtuar aksionin e IKMT-së, duke refuzuar të largohen nga banesat e tyre. Ata akuzojnë shtetin se po u zapton pronën dhe theksojnë se vlera e kompensimit është qesharake dhe e pamjaftueshme për të blerë një shtëpi të re.

    Edhe pse një pjesë e banorëve në Vlorë janë kompensuar, ata sërish kanë kundërshtuar shembjet. Krahasuar me Thethin, sjellja e shtetit ndaj tyre duket të jetë në një standard krejt tjetër.

    Për realizimin e projektit të portit të ri të jahteve janë shembur deri tani 12 banesa, ndërsa pritet të shemben edhe 26 të tjera. Një pjesë e banorëve kanë marrë kompensim në vlerën e 26 milionë lekëve, ndërsa të tjerë nuk përfitojnë, pasi nuk kanë certifikatë pronësie, duke mbetur kështu në qiell të hapur.

  • Zjarret, Zhupa kërkesë institucioneve për dëmshpërblimin e banorëve të Delvinës, Finiqit e Konispolit

    Zjarret, Zhupa kërkesë institucioneve për dëmshpërblimin e banorëve të Delvinës, Finiqit e Konispolit

    Deputetja e PD-së Ina Zhupa, përfaqësuese e qarkut të Vlorës në Kuvend, i është drejtuar me një kërkesë zyrtare ministrisë së Brendshme, së Mbrojtjes, Bashkive Delvinë, Finiq, Konispol, Prefektit të Vlorës dhe Agjencisë Kombëtare të Mbrojtjes Civile, ku kërkon ngritjen e një grupi pune për evidentimin e dëmeve nga zjarret dhe marrjen e masave për dëmshpërblimin e plotë të banorëve të prekur.
    “Të ngrihet një grup pune i përbashkët, i përbërë nga përfaqësues të Ministrisë së Mbrojtjes, së Ministrisë së Brendshme, të secilës nga bashkitë, përfaqësues tëprefektit të Qarkut dhe përfaqësues të Agjencisë Kombëtare të Mbrojtjes Civile. Të bëhet një proces evidentimi real dhe i shpejtë nëterren i dëmeve që la pas situata e zjarreve. Të përgatitet një projektvendim që dëmshpërblen nëmënyrë të plotë sipas cmimeve të tregut të dëmeve të shkaktuara banorëve.”, janë tre kërkesat e parashtruara nga Zhupa.
    Zhupa thotë se edhe përfaqësuesit demokratë në këshillat bashkiakë janë të gatshëm të bëhen pjesë e grupit të punës për të evidentuar dëmet me paanshmëri dhe korrektësi. Sipas saj, “banorët nuk mund të braktisen në premtime boshe me thasë koncentratesh” dhe se shteti duhet t’iu përgjigjet menjëherë pa asnjë vonesë.
    Pak ditë më parë, kryeministri Edi Rama bëri me dije se nga një vlerësim paraprak ishin dëmtuar 207 shtëpi nga zjarret në vend, 40 prej të cilave të djegura plotësisht. Ai tha se shteti do të jetë pranë banorëve të prekur, duke shtuar se ka nisur edhe inventarizimi për dëmet dhe dëmshpërblimi. Kreu i qeverisë tha se do të ketë dëmshpërmblim edhe për krerët e bagëtive të humbura, që sipas të dhënave që dha ai, ishin 3 619.
    Reagimi i plotë: 
    Si deputete e Qarkut të Vlorës, ju kam dërguar sot një kërkesë zyrtare ministrive të brendshme dhe të mbrojtjes për ngritjen e menjëhershme të grupi të përbashkët pune për evidentimin e dëmeve të zjarreve në Bashkitë Delvinë; Finiq; Konispol dhe marrjen e masave për dëmshpërblimin e plotë të banorëve të prekur.
    Duke pasur parasysh përmasat e mëdha dhe dëmet kolosale që kanë sjell kërkoj që pa asnjë vonesë në shërbim të banorëve:
    1. Të ngrihet një grup pune i përbashkët, i përbërë nga përfaqësues të Ministrisë së Mbrojtjes, së Ministrisë së Brendshme, të secilës nga bashkitë, përfaqësues tëprefektit të Qarkut dhe përfaqësues të Agjencisë Kombëtare të Mbrojtjes Civile.
    2. Të bëhet një proces evidentimi real dhe i shpejtë nëterren i dëmeve që la pas situata e zjarreve.
    3. Të përgatitet një projektvendim që dëmshpërblen nëmënyrë të plotë sipas cmimeve të tregut të dëmeve të shkaktuara banorëve.
    Shpreh gaditshmërinë e përfaqësuesve tanë në këshillat bashkiak për të qënë pjesë e grupeve të punës për evidentimin e dëmeve me paanshmëri dhe korrektësi. Dhe vullnetin për të votuar cdo vendim për dëmshpërblimin e plotë dhe të shpejtë të banorëve të prekur nga zjarret.
    Sic e parashikon ligji për “Mbrojtjen Civile” pamundësia financiare e buxheteve të këtyre bashkive nuk është dhe nuk mund të jetë justifikim për dëmshpërblimet e banorëve, në këtë rast janë institucionet qëndrore që do duhet të përgjigjen. Por fillimisht është evidentimi dhe nxjerrja e faturës financiare si detyrë e drejtpërdrejtë e grupit të punës, proces që nuk duhet vonohet.
    Djegie e shtëpive, djegie e tokave bashkë me prodhimet e tyre bujqësore, djegie e ullishteve, djegie e bagëtive, e kanë kthyer jetesën e këtyre banorëve të pamundur për shkak se nuk kanë më asgjë. Banorët nuk mund të braktisen në premtime boshe me thasë koncentratesh. Është detyrë e shtetit tju përgjigjet në këtë fatkeqësi për të cilën ata nuk kanë asnjë përgjegjësi.

  • Biznesmeni pukjan ‘lan duart’ me banorët e Shëngjergjit: Kemi marrë leje sipas ligjit, për vaditje nuk i pengojmë

    Biznesmeni pukjan ‘lan duart’ me banorët e Shëngjergjit: Kemi marrë leje sipas ligjit, për vaditje nuk i pengojmë

    Pamje nga perplasja

    TIRANE- Një video e cila u kthye virale në rrjetet sociale mesditën e të dielës, ngriti edhe njëherë shqetësimin për përdorimin e burimeve ujore në vend nga kompanitë private. Pas Kaçinarit, Kurdarit, dje në Shëngjergj ndodhi një tjetër përplasje mes banorëve të revoltuar dhe administratorit të subjektit “Krullia shpk”, Blerim Ndou.
    Shkak ishte kalimi në tokën e banorëve të tubove të kompanisë për të zgjeruar aktivitetin në zonën e Shëngjergjit. Në fakt arsyeja kryesore përse banorët pengojnë privatin është ruajtja e burimeve ujore përmes të cilave ata kryejnë vaditje dhe punët e përditshme.

    “ZËRI” e ka ndjekur më tej këtë çështje dhe kontaktoi via “email” administratorin Blerim Ndreu. Ky i fundit, pretendon se ka një leje konform ligjit e cila i jep të drejtë të shfrytëzojë burimet ujore në Shëngjergj.
    Pyetjeve tona, se a ka një kontratë apo marrëveshje me banorët e cila ka vlerë ligjore përsa i përket përdorimit të burimit për vaditje, Ndou nuk i është përgjigjur, por ka thënë se në lejen që institucionet i kanë dhënë është e sqaruar që banorët mund të vazhdojnë të përdorin burimet për vaditje.
    “Jemi subjekt në përputhje me ligjin, kemi shmangur çdo konflikt të mundshëm me banorët duke i kuptuar për mos-informimin. Kemi hasur në vështirësi dhe jemi munduar t’i informojmë rreth kushteve të lejes për shfrytëzimin e ujit dhe detyrave që na janë dhënë nga institucionet për mirëmbajtjen e burimit, duke siguruar kushtet për të parandaluar ndotjen e burimit nga kafshët e egra dhe duke e rrethuar me rrjetë, sipas ‘kriterit të sigurisë’.
    I kemi shpjeguar me shumë durim dhe respekt disa herë se kemi kushte në lejen e dhënë, të cilat përcaktojnë që nuk do të pengohet marrja e ujit nga banorët e fshatit për nevojat e tyre, si për vaditje apo për nevoja të ndryshme. Ne kemi të drejtë të shfrytëzojmë vetëm një pjesë të vogël të ujit, duke respektuar gjithmonë kushtet e lejes.
    Banorët, fatkeqësisht, nuk na kanë kuptuar, duke menduar se ne do t’ua marrim ujin, edhe pse ua kemi shpjeguar disa herë se kushtet e lejes përcaktojnë qartë: ‘mos të pengohet furnizimi me ujë i banorëve të fshatit dhe të mos kufizohen nevojat për ujitje, duke respektuar sasinë që është në përdorim’.
    Sa i përket Policisë së Shtetit, kemi bërë disa kallëzime në Komisariatin nr. 4, duke kërkuar mbështetje për zbatimin e ligjit dhe duke dorëzuar dokumentat. Por kemi hasur shumë vështirësi edhe nga ata, pasi nuk kanë vepruar, madje shpesh na kanë keqtrajtuar, duke mos i dhënë zgjidhje problemit dhe duke mos shmangur konfliktet me banorët.
    Shpresoj që Policia të veprojë sipas ligjit dhe të mos keqtrajtojë subjektet apo personat që kërkojnë vetëm zbatimin e ligjit”,-mbyll Ndou reagimin e tij për ZËRI.
    Por çfarë është duke ndodhur me burimet ujore të vendit? Nga jugu në veri, dhjetra denoncime këtë verë kanë qenë në qendër të protestave dhe përplasjeve të banorëve me përfaqësuesit e kompanive private. Një prej tyre është edhe ndërtimi i 4 hidrocentraleve të vegjël në Kaçinar të Mirditës, rast i cili është shoqëruar me protesta të vazhdueshme e përplasje mes banorëve dhe autoriteteve. Ndërkohë, rezistenca e banorëve të fshatit Suç për ndalimin e ndërtimit të një hidrocentrali në zallin e “Lusës” ka muaj që zhvillohet. Në Mirditë banorët u betuan mbi bibël që do të mbrojnë burimet ujore të zonës dhe se do ti ruajnë ato, një traditë e hershme kanunore./ZËRI

  • ‘Kthehu…mos prek’! Përplasje në Shëngjergj, banorët: Një pukjan po na merr ujin me dhunë

    ‘Kthehu…mos prek’! Përplasje në Shëngjergj, banorët: Një pukjan po na merr ujin me dhunë

    PAMJE NGA NGJARJA

    TIRANË-Uji tashmë nuk prodhon më vetëm protesta dhe tubime, por së fundmi edhe dhunë! Tensione dhe përplasje fizike janë raportuar në fshatin Shëngjergj të Tiranës, ku shkak është bërë një burim uji. Sipas banorëve burimi i Krullisë në fshatin Shëngjergj po merret me dhunë nga një individ me origjinë nga Puka që e shet ujin me emrin e fshatit. 
    Një banore e zonës denoncon se personat që po tentojnë të marrin burimin kanë nisur punën në mes të natës, duke shtyrë e goditur gratë dhe burrat e fshatit të cilët ruajnë burimin. Në pamjet e publikuara në JOQ, shihet teksa banorët përplasen në pyll me personat të cilët mbajnë në dorë materialet që ju nevojiten për të marrë ujin, duke mos i lejuar të kalojnë. Po ashtu në të njëjtën kohë shihet edhe një helikopter për të transportuar materialet që shërbejnë për marrjen e burimit të ujit, për të cilin pretendohet se është pajisur me leje.

    Nuk dihet ende se kush po investon në këtë zonë dhe a do të ndërtohet sërish një hidrocentral apo fabrikë, por banorët thonë se personat në fjalë mbrohen nga pushtetarët lokalë dhe akuzojnë policinë për mbajtjen anës së tyre, ndërsa vetë fshatarët po qëndrojnë prej tre ditësh në pyll duke ruajtur burimin.
    Sipas banorëve, shteti nuk po ofron ndihmë të nevojshme për zjarret, por në të njëjtën kohë sjell helikopterë për të transportuar materialet që shërbejnë për marrjen e burimit të ujit, për të cilin pretendohet se është pajisur me leje nga ministrat.
    Rasti është vetëm një ngjarje e përsëritur ku prej kohësht tashmë banorët e shumë zonave në Shqipëri protestojnë kërkojnë ndalimin e hidrocentraleve. Një prej tyre është edhe ndërtimi i 4 hidrocentraleve të vegjël në Kaçinar të Mirditës, rast i cili është shoqëruar me protesta të vazhdueshme e përplasje mes banorëve dhe autoriteteve. Ata shprehen se ky projekt përbën një kërcënim serioz për jetën dhe mirëqenien e komunitetit, ndërsa denoncuan se janë dhunuar dhe kërcënuar me jetë.

    Banorët e Kaçinarit paditën koncesionarin dhe zyrtarët e Bashkisë Mirditë që kishin dhënë lejet në Prokurorinë e Posaçme, por kjo e fundit regjistroi procedim penal për veprat e “shpërdorimit të detyrës” dhe “falsifikimit të dokumenteve” dhe ia transferoi çështjen Prokurorisë së Lezhës.
    Ndërkohë, rezistenca e banorëve të fshatit Suç për ndalimin e ndërtimit të një hidrocentrali në zallin e “Lusës” ka muaj që zhvillohet. Banorët kanë kërkuar ndalimin e ndërtimit dhe nisjen e hetimeve, pasi pretendojnë se ka paligjshmëri në dokumentat dhe punimet që kërkon të kryejë kompania. Por teksa përballen me mungesë uji dhe ndërtimin e Hec-ve, banorët e zonave të ndryshme nuk kanë marrë ende një zgjidhje.

  • Poliçani dhe Gramshi vijojnë betejën me flakët e zjarrit

    Poliçani dhe Gramshi vijojnë betejën me flakët e zjarrit

    Shqipëria vijon betejën me zjarret, të cilat prej 24 orësh janë kthyer në një kërcënim serioz jo vetëm për banesat, bagëtinë e bujqësinë, por edhe jetët e qytetarëve.
    Zonat më kritike vijojnë të jenë ende Poliçani, Delvina dhe Gramshi, në të cilat që prej së martës po luftohet nga toka e ajri për shuarjen e flakëve.
    Në Poliçan, flakët i janë afruar fshatit Plashnik, ku është bërë evakuimi i menjëhershëm i banorëve.
    Autoritetet lokale thonë se po bëjnë të gjitha përpjekjet për të menaxhuar situatën.
    “Kemi një situatë shumë, shumë, shumë kritike. Nga momenti në moment po presim ndihmë nga ajri dhe mezi po nxjerrim banorët nga shtëpitë e tyre”, u shpreh Adriatik Zotka, kryetari i Bashkisë së Poliçanit.
    Pas natës së vështirë që Delvina kaloi të martën, ku zjarri mbërriti deri në lagjet periferike të qytetit, flakët janë rishfaqur duke djegur një shtëpi, një stallë dhe plantacione me ullinj e bimësi.
    “Kjo që na ka ndodhur, s’na ka bërë vaki. Kurrë në Delvinë.”
    Nisur nga rreziku i lartë, autoritetet urdhëruan evakuimin e banorëve të zonës dhe ndaluan hyrjen e personave të tjerë.
    300 efektivëve të angazhuar nga terreni, së bashku me 24 mjetet zjarrfikëse, u janë shtuar edhe dy helikopterë të Forcës Ajrore për ndërhyrje nga ajri. Banorët janë duke bërë vlerësimin e dëmeve.
    Problematike paraqitet situata edhe në malin e Sopotit, ku zjarri po i afrohet territorit të Bashkisë së Gjirokastrës.
    Në shtatë fshatra të Gramshit, gjendja paraqitet më e qetë, megjithatë një vatër është aktivizuar në fshatin Nartë të Njësisë Administrative Skënderbegas, ku zjarri po përparon me shpejtësi.
    “Era e fortë ka bërë të mundur që flakët të përparojnë me shpejtësi, gjë e cila ka bërë të marrim një vendim për evakuuimin e banorëve”, u shpreh Arben Cara, drejtues i Zjarrfikëses.
    Për këtë qëllim, Ministria e Mbrojtjes ka bërë thirrje banorëve të ndjekin udhëzimet e ekipeve të emergjencës dhe të evakuohen menjëherë drejt zonave të sigurta, ku deri më tani janë evakuuar rreth 30 familje në qytet.
    Mësohet se të paktën 36 shtëpi janë djegur në këto fshatra. Po ashtu, humbje të mëdha ka në bagëti e bujqësi.
    “Tërë plaçkat… siç kam punuar 70 vjet. Plasa unë të shpëtoj vet… ç’e desha unë jetën time?”, u shpreh e prekur një prej banorëve.
    “S’e mbajta dot objektin, punën time 35-vjeçare”, tha një banor tjetër.
    Zjarre ka edhe në veri, ku më serioze paraqitet situata në fshatin Xath të Fushë Arrëzit, dhe ku po vijon puna për mbajtjen e situatës nën kontroll.
    Gjatë 24 orëve të fundit janë evidentuar 64 vatra zjarri, nga të cilat 24 vatra janë ende aktive.
    Tv Klan

  • Zjarri përfshin të gjithë njësinë administrative të Plashnikut në Poliçan, një pjesë e banorëve refuzojnë evakuuimin

    Zjarri përfshin të gjithë njësinë administrative të Plashnikut në Poliçan, një pjesë e banorëve refuzojnë evakuuimin

    Ekipet e emergjencave civile po vijojnë me evakuimin e banorëve në fshatin Plashnik të Poliçanit.

    “Zjarri ka përfshirë pothuajse të gjithë njësinë, e gjitha kjo gryka, që në Tepelenë deri në kufi me Veleshnjën. Janë rreth 15 shtëpi të banuara, gjithsej janë 30-40 banesa”, shprehet për mediat kryetari i Bashkisë Poliçan, Adriatik Zotkaj.
    Korrespondeti i Top Channel, Bledar Korreshi, raporton se një pjesë e banorëve refuzojnë të largohen dhe të braktisin shtëpitë dhe bagëtitë.

    Top Channel

  • Situatë e rëndë në Poliçan, kërkohet evakuim i banorëve dhe ndërhyrje nga ajri

    Situatë e rëndë në Poliçan, kërkohet evakuim i banorëve dhe ndërhyrje nga ajri

    Situata me zjarret në fshatin Plashnik të Poliçanit paraqitet në gjendje kritike.

    Kryetari i Bashkisë Poliçan kërkon evakuimin e banorëve, ndërkohë që pritet ndërhyrje nga ajri.
    “Është një situatë e rënduar në fshatin Plashnik, sidomos në komunën Tërban. Është situatë kritike. Mezi po nxjerrim banorët nga banesat për shkak të zjarrit dhe tymit”.