Gazeta Standard është portali zyrtar i gazetës se përditshme “Standard”. Parimi ynë është informimi i thelluar i mbeshtetur ne objektivitet dhe investigim. “Behu pjese e lajmit”- eshte motoja jone kryesore qe fton lexuesit te jene pjese e jona
Tag: banor
-
Shqipëria, e dyta nga fundi në Europë për shpenzimet qeveritare për kërkim dhe zhvillim
Shqipëria renditet ndër vendet me nivelin më të ulët të shpenzimeve qeveritare për kërkim dhe zhvillim në Europë.Sipas të dhënave më të fundit të Eurostat për vitin 2024, buxheti i alokuar nga qeveria shqiptare për kërkim-zhvillim ishte vetëm 0.19% e PBB-së, ose 40.9 milionë euro në vlerë absolute.Kjo e vendos Shqipërinë në vendin e parafundit në kontinent, duke lënë pas vetëm Rumaninë. Në Serbi, ku janë të dhënat e disponueshme për 2024, treguesi është 0.4% e PBB-së.Në krahasim, mesatarja e Bashkimit Europian ishte 0.71% e PBB-së, me një vlerë totale prej afro 128 miliardë euro të alokuara nga buxhetet qeveritare për R&D. Diferenca është e thellë dhe tregon për mospërputhje serioze mes Shqipërisë dhe vendeve që investojnë në mënyrë të qëndrueshme në dijen, inovacionin dhe zhvillimin teknologjik.Ekspertët e lidhin këtë nivel të ulët shpenzimesh në Shqipëri me mungesën e vëmendjes institucionale ndaj kërkimit shkencor dhe me strukturën e ekonomisë shqiptare, e cila është e përqendruar kryesisht në sektorë si ndërtimi dhe turizmi – të cilët nuk nxisin kërkim, teknologji apo risi. Për më tepër, mungesa e një politike të qartë kombëtare për kërkim dhe zhvillim ka çuar në një nënfinancim të qëndrueshëm dhe në mungesë të infrastrukturës akademike moderne.Në një epokë ku ekonomitë globale po orientohen drejt teknologjisë së informacionit, inteligjencës artificiale dhe zhvillimeve digjitale, mungesa e investimeve në kërkim dhe zhvillim përbën një pengesë serioze për rritjen afatgjatë të Shqipërisë. Sipas Eurostat, investimet publike në R&D janë kyçe për konkurrueshmërinë dhe zhvillimin e qëndrueshëm, ndaj mbetja në fund të listës përbën një thirrje për reflektim dhe ndryshim të drejtimit strategjik të vendit. EuropaSipas Eurostat, Në vitin 2024, alokimet buxhetore të qeverive të vendeve të Bashkimit Europian për kërkim dhe zhvillim (GBARD) arritën në rreth 127.9 miliardë euro, ose 0.71% të Prodhimit të Brendshëm Bruto (PBB). Kjo përfaqëson një rritje prej 3.4% krahasuar me vitin 2023 (123.7 miliardë euro) dhe një rritje prej 59.5% krahasuar me vitin 2014, kur kjo shumë ishte rreth 80.2 miliardë euro.Në vitin 2024, buxheti qeveritar për kërkim dhe zhvillim në nivelin e BE-së ishte ekuivalent me 284.7 euro për banor, që përbën një rritje prej 57.0% krahasuar me vitin 2014, kur ishte 181.3 euro për banor.Vendet që shpenzuan më shumë për R&D për frymë ishin Luksemburgu (759.2 euro për banor), ndjekur nga Danimarka (586.8 euro) dhe Holanda (542.7 euro). Ndërkohë, shpenzimet më të ulëta për banor u regjistruan në Rumani (19.1 euro), Bullgari (38.3 euro) dhe Hungari (58.7 euro). Duhet theksuar se ndryshimet në shpenzimet për frymë mund të pasqyrojnë gjithashtu ndryshime në popullsinë e vendeve përkatëse.Të gjitha vendet e Bashkimit Europian kanë rritur buxhetet e tyre për kërkim dhe zhvillim gjatë periudhës 2014–2024, të llogaritura në euro për banor. Rritjet më të mëdha në përqindje janë regjistruar në vendet e Europës Lindore, duke reflektuar një përpjekje për të kapur hendekun me pjesën tjetër të kontinentit.Letonia kryeson listën me një rritje prej 313%, duke kaluar nga vetëm 19.1 euro për banor në vitin 2014 në 78.9 euro në vitin 2024. Pas saj vjen Sllovenia me një rritje prej 252%, nga 78.3 euro në 275 euro për banor, dhe Lituania me 197%, duke kaluar nga 42.7 euro në 123 euro për banor.Sa i përket shpërndarjes sipas objektivave socio-ekonomike, 35.7% e fondeve buxhetore qeveritare për kërkim dhe zhvillim (GBARD) u drejtuan për avancimin e përgjithshëm të dijes, kryesisht të financuara përmes një granti të përgjithshëm publik të njohur si fondet publike të përgjithshme universitare (GUF), të cilat përdoren nga institucionet e arsimit të lartë publik për të mbështetur aktivitetet e tyre.Përveç kësaj, 16.6% e fondeve GBARD iu dedikuan gjithashtu avancimit të përgjithshëm të dijes, por nga burime të tjera përveç GUF. Ndërkohë, 9.4% e fondeve u orientuan drejt prodhimit industrial dhe teknologjisë, 7.0% për shëndetësinë dhe 6.1% për eksplorimin dhe shfrytëzimin e hapësirës. Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
-
Rëndohet gjendja shëndetësore e 42-vjeçarit që u lëndua gjatë tentativës për shuarjen e flakëve në Delvinë, niset drejt Traumës
Një tjetër banor i lënduar nga zjarri në fshatin Kopaçez, bashkia Delvinë, është transportuar drejt spitalit të traumës në Tiranë për trajtim të specializuar.
42-vjeçari Apostol Zhupa, banor i Kopaçezës, ishte pjesë e grupit të banorëve që po përpiqeshin të shuanin flakët që kishin përfshirë zonën. Ai ka pësuar djegie të shumta në pjesën e gjoksit dhe shpatullave.
Fillimisht, Zhupa mori ndihmën e parë në spitalin rajonal të Sarandës, ndërsa më pas u dërgua me ambulancë drejt Tiranës për shkak të gjendjes së rënduar shëndetësore.
Autoritetet vendore kanë konfirmuar se ky është personi i dytë që ka pësuar djegie serioze nga zjarret që kanë përfshirë zonën e Delvinës në ditët e fundit.Top Channel
-
Vijon aksioni në Theth, lirohen hapësirat publike në Veri të Shqipërisë, banorët ankohen edhe pse kanë ndërtuar pa leje
Banorët e Thethit kanë shfaqur pakënaqësinë e tyre pas aksionit për shkatërrimin e ndërtimeve pa leje.
“Isha këtu 3 vite më parë dhe tani është më shumë turistike, më shumë zhvillim, më shumë godina. Në opinionin tim, nuk është aq bukur sa ishte. Shumë ndërtime të reja. Nuk e di nëse është mirë apo keq që po prishin, por jam i sigurt se, nëse do të kishte më pak ndërtime, do të ishte shumë më mirë për të ardhmen e turizmit dhe origjinalitetin e zonës. Koha e zgjedhur për të prishur është padyshim më e gabuara”, u shpreh një banor.
“Ndoshta duhet ta kishin bërë në dimër. Është një ide e mirë për të prishur ndërtimet ilegale, pasi duhet gjithçka natyrale”, tha një banor tjetër.
Pas urdhrit të kryeministrit Rama dhe pamjeve të publikuara në Fiks Fare, IKMT dhe policia kanë planifikuar të prishin fillimisht rreth 40 objekte të ndërtuara pa leje, në një aksion që do të zgjasë disa ditë. Banorët kërkojnë një zgjidhje.
Top Channel
-
Tirana nën pushtetin e të nxehtit përvëlues, Selita mbetet pa ujë
Banor
TIRANË- Në Tiranë temperaturat shënojnë mbi 38 gradë Celsius, pork a zona që kanë probleme me furnizimin me ujë. Banorët e Selitës prej katër ditësh nuk kanë ujë. Ata rrëfejnë për Report TV se kanë bërë ankesa, por nga Ujësjellës Kanalizimet Tiranë u japin të njëjtën përgjigje: Do ta raportojmë sërish ankesën tuaj. Faleminderit.
“Kemi katër ditë që telefonojmë, por na thonë të njëjtën gjë: do ta raportojmë. Nuk merret asnjë masë konkrete”, thotë një banor.
43 familje të këtij pallati janë të detyruar të blejnë ujë për të përmbushur nevojat bazike.
“Me bidonë, kemi bërë ankesa pa fund por kemi 4 ditë pa ujë,”- thotë një tjetër.
“Nuk dimë si ta përballojmë. Unë jam pensionist, me pensionin po blejë edhe ujë tani,”- thotë një tjetër banor. -
Avioni bie mbi shtëpitë, ka viktima në San Diego
Bota E Enjte, 22 Maj 2025 17:49
Në San Diego të Kalifornisë, një avion i vogël ra mbi një lagje banimi, duke shkaktuar shkatërrim të madh dhe viktima. Disa pasagjerë të avionit kanë humbur jetën, ndërsa asnjë banor i zonës nuk është lënduar rëndë. Avioni kishte 8 deri në 10 pasagjerë dhe u rrëzua në lagjen Murphy Canyon mëngjesin e së enjtes.
Disa shtëpi u shkatërruan dhe makina të shumta morën flakë. Një banor, Christopher Moore, tregoi se u zgjua nga një shpërthim i fortë dhe, duke parë tymin, mori familjen dhe iku në rrugë, ku panë një makinë të përfshirë nga flakët. Ai e përshkroi situatën si “tmerruese”, por theksoi rëndësinë e shpëtimit të jetës.Avioni dyshohet se po shkonte drejt Montgomery Field, një aeroport i afërt. Hetimet janë në vazhdim dhe priten më shumë informacione në orët në vijim.
-
Ky është ishulli grek, destinacioni më i mbipopulluar turistik në Evropë
Destinacionet në Bullgari, Poloni dhe Itali janë identifikuar si disa vende alternative për t’u larguar nga turma.
Me sezonin e pushimeve verore që po afron, destinacionet e njohura turistike po përgatiten për fluksin e vizitorëve.
Shumë vende të nxehta tani janë sinonim i mbiturizmit, si Venecia, Barcelona dhe Amsterdami.
Por një raport i ri nga Which? Travel, sugjeron se janë edhe destinacionet më të vogla në Evropë ato që po mbajnë peshën kryesore të turizmit masiv.
Zakynthos i mbingarkuar me 150 turistë për banor
Hulumtimi i ri analizoi ndikimin e mbiturizmit përmes tre metrikave të ndryshme, bazuar në shifra nga Komisioni Evropian.
Përveç totalit të qëndrimeve me netë, u mor në konsideratë edhe dendësia e turistëve për kilometër katror dhe numri i turistëve për banor.
Ky i fundit nxori në pah disa destinacione, për të cilat udhëtarët mund të mos jenë të vetëdijshëm se po vuajnë nga presionet e turizmit masiv.
Zakynthos (Zante) kryesoi listën me një raport marramendës prej 150 me 1, të vizitorëve ndaj banorëve.
Ishulli grek reklamohet si një vendpushim parajse, ku ka ende shumë vende të egra dhe të pazbuluara.
Por gjetjet nga Which? paraqesin një pamje të ndryshme – atë të një destinacioni që përballet me rritjen e kostove të strehimit, dëmtimin e mjedisit dhe një presion në infrastrukturën lokale gjatë periudhave të pikut.
«Po bëhet gjithnjë e më e vështirë për banorët të jetojnë rehat këtu gjatë gjithë vitit», tha një banor vendas nga qyteti kryesor i ishullit për faqen greke të lajmeve Neos Kosmos.
“Qiratë janë rritur, trafiku është konstant në verë dhe shërbimet janë të pakta. Ne e mirëpresim turizmin, por vëllimi duhet të menaxhohet.”
Destinacioni që u rendit i dyti për numrin e turistëve për banor është gjithashtu një destinacion që udhëtarët mund të mos e shoqërojnë menjëherë me mbiturizmin.
Istria në Kroaci po sforcohet nën presionin e 133,467 vizitorëve për 1,000 vendas, pavarësisht se shpesh quhet ende “sekreti më i ruajtur” i vendit.
Ishujt Kanarie shënojnë numër rekord vizitorësh pavarësisht protestave
Megjithatë, destinacioni i tretë më i mbushur me njerëz është ai që është gjithnjë e më i zëshëm për luftën e tij me mbiturizmin.
Në Fuerteventura në Ishujt Kanarie, vizitorët janë më të shumtë se banorët në raportin 120 me 1, sipas studimit.
Pavarësisht dhjetëra protestave të banorëve kundër turizmit masiv verën e kaluar, arkipelagu priti më shumë se 1.55 milion vizitorë të huaj në mars të vitit 2025, një shifër rekord dhe 0.9% më shumë krahasuar me të njëjtin muaj të vitit të kaluar.
Destinacionet që kryesojnë renditjen për dendësinë më të lartë turistike nuk janë gjithashtu të habitshme. Parisi pret një shifër marramendëse prej 418,280 vizitorësh për kilometër katror, duke tejkaluar shumë Athinën në vendin e dytë me 88,535 dhe Kopenhagenin me 63,944.
Cilat janë destinacionet më pak të vizituara në Evropë?
Studimi gjithashtu nxjerr në pah destinacionet më pak të prekura nga turizmi masiv. Ato me raportin më të ulët të qëndrimeve me netë për banor janë Targovishte në Bullgari me 332:1 dhe Rybnik në Poloni me 351:1.
Pavarësisht statusit të Italisë si një magnet turistik, qyteti i Beneventos në rajonin jugor të Kampanjës u rendit në vendin e tretë me 398 turistë për banor.
Sa i përket destinacioneve me më pak vizitorë për kilometër katror, vendin e parë e zuri Jan Mayen në Norvegji me zero turistë. Ishulli ndodhet thellë në Rrethin Arktik dhe kërkon leje të veçantë për ta vizituar.
Teleorman në Rumani me një dendësi vizitorësh prej 1.21 dhe Svalbard në Norvegji me 2.4 u renditën përkatësisht në vendin e dytë dhe të tretë.
«Këto të dhëna tregojnë se turizmi i tepërt ka mbingarkuar disa nga destinacionet më të njohura të Evropës», thotë Rory Boland, redaktor i Which? Travel.
“Me kaq shumë vende fantastike në Evropë, e vërteta është se do të keni pushime shumë më të mira në një destinacion ku nuk ka qindra apo edhe mijëra më shumë turistë sesa vendas.”/ Euronews.
-
“Veliaj tani është banor i Durrësit”/ Këlliçi: Sipas ligjit dhe Kushtetutës s’mund të jetë më kryetar bashkie i Tiranës
Belind Këlliçi, Drejtues politik i PD në Tiranë i ftuar në një emision u shpreh se bazuar në ligjin dhe Kushtetutën e Republikës së Shqipërisë, Erion Veliaj nuk mund të jetë më kreu i bashkisë së Tiranës pasi ai tani është banor i qarkut të Durrësit dhe voton në Durrës.
Këlliçi: Thelbi nuk është tek Erion Veliaj si individ, është tek filozofia e Edi Ramës dhe e Rilindjes pas vitit 2013 që ka nga një Erion Veliaj në çdo zonë.
Në çdo komunë apo ish komunë apo në çdo bashki të Shqipërisë. ‘5D’ në thelb, kryevepra e Erion Veliajt në bashkinë e Tiranës, mënyra më e sofistikuar që ai kishte gjetur për të vjedhur paratë e qytetarëve të Tiranës me drejtorët e tij është një skemë që po ta shihni është e shpërndarë edhe në institucione të tjera, edhe në ministrinë e Infrastrukturës edhe nëpër ministri të tjera, por është e shpërndarë edhe nëpër ish-komuna.
Unë vij nga zona e Vaqarrit ku ka një Erion tjetër por që në atë rast quhet Gentian Myrto. Një bandit elektoral por jo vetëm, një hajdut I tokave të qytetarëve dhe banorëve të zonës së Vaqarrit i cili ka goditur për vite me radhë të gjithë qytetarët që nuk kanë votuar PS apo që kanë qenë mbështetës të PD. E njëjta gjë ndodh në zona të tjera të Tiranës ku kam përmendur shpesh herë Arben Malokun, një prej banditëve më të mëdhenj elektoral që ka sot ende Tirana.
Adriatik Kupi një person tjetër në zonën e Bërzhitës, Baldushkut. Administratori I Lundrës, hajdut elektoral. Makineria e cila ka blerë dhjetëra mijëra vota në Tiranë që është bashkia e Tiranës sot nuk funksionon ashtu siç ishte më parë. Edhe pse Rama ka dhënë garancinë e tij të plotë që është ai tashmë kryetar i bashkisë së Tiranës dhe që është ai që i del garant punonjësve të bashkisë për të vijuar për të vjedhur votat. Në thelb po, Veliaj sot nuk është në fushatë. Veliaj nga sot de facto e de jure është banor i qarkut të Durrësit.
Është votues në qarkun e Durrësit. Automatikisht do duhej të kishtë pasuar një dorëheqje apo një shkarkim i Veliajt nga kryeministri. Bazuar edhe në ligjin e Republikës së Shqipërisë, një kryetar bashkie që humbet banimin e përhershëm në zonën ku ai drejton bashkinë nuk mund të jetë më kreu i asaj bashkie. Dhe sot Veliaj është banor i Durrësit dhe voton në burgun e Durrësit. -
Jo vetëm i paraburgosur në Durrës por edhe…/ Tirana pa Veliajn? ‘Kryebashkiaku’ zyrtarisht banor i qytetit bregdetar
Kryetari në detyrë i Bashkisë së Tiranës, Erion Veliaj, nuk është vetëm i paraburgosur në Burgun e Durrësit, por rezulton tashmë edhe banor i qytetit bregdetar.
Veliaj figuron zyrtarisht si banor i Bashkisë Durrës, njësisë Administrative Durrës dhe me qendër votimi në I. E. P. V. D. Durrës. Nga një kërkim në listën e KZS-së për zgjedhjet parlamentare të 11 majit, Veliaj rezulton t’i jetë shtuar listës së zgjedhësve në Durrës.
Këshilltari ligjor i Partisë Demokratike dhe avokati Marash Logu me anë të një postimi në rrjetet sociale shkruan se neni 61, pika 1, gërma “c”, e Ligjit nr. 139/2015 “Për vetëqeverisjen vendore”, i ndryshuar, parashikon se mandati i kryetarit të bashkisë përfundon përpara afatit në rastet kur kryetari nuk është më banor i përhershëm i bashkisë ku është zgjedhur.
Logu shton se duke qenë se tashmë Veliaj nuk rezulton më si banor i Bashkisë Tiranë, por si banor i Bashkisë Durrës, kjo do të thotë që ai automatikisht humbet mandatin e kryebashkiakut të Tiranës. Gjithashtu ai thotë se Këshillit Bashkiak të Tiranës nuk i mbetet tjetër veçse të njoftojë Këshillin e Ministrave, i cili ia përcjell njoftimin Presidentit të Republikës për shpalljen e zgjedhjeve të parakohshme.
Postimi i plotë:
Erion Veliaj humbet mandatin e kryetarit të Bashkisë Tiranë!
Neni 61, pika 1, gërma “c”, e Ligjit nr. 139/2015 “Për vetëqeverisjen vendore”, i ndryshuar, parashikon se mandati i kryetarit të bashkisë përfundon përpara afatit në rastet kur kryetari nuk është më banor i përhershëm i bashkisë ku është zgjedhur. Duke qenë se tashmë Erion Veliaj nuk rezulton më si banor i Bashkisë Tiranë, por si banor i Bashkisë Durrës, kjo do të thotë që ai automatikisht humbet mandatin e kryebashkiakut të Tiranës. Këshillit Bashkiak të Tiranës nuk i mbetet tjetër veçse të njoftojë Këshillin e Ministrave, i cili ia përcjell njoftimin Presidentit të Republikës për shpalljen e zgjedhjeve të parakohshme. -
Erion Veliaj regjistrohet si votues në qelitë e Durrësit, juristi: Kryebashkiaku ka humbur automatikisht mandatin
Juristi Marash Logu thotë se kryetari i Bashkisë së Tiranës, Erion Veliaj ka humbur zyrtarisht mandatin. Ai i referohet përditësimit të bërë në platformën qeveritare “e-Albania”, ku kryebashkiaku është regjistruar si votues në qelitë e Paraburgimit të Durrësit.
“Duke qenë se tashmë Erion Veliaj nuk rezulton më si banor i Bashkisë Tiranë, por si banor i Bashkisë Durrës, kjo do të thotë që ai automatikisht humbet mandatin e kryebashkiakut të Tiranës”, shkruan juristi Marash Logu, duke cituar dhe ligjin.“Neni 61, pika 1, gërma “c”, e Ligjit nr. 139/2015 “Për vetëqeverisjen vendore”, i ndryshuar, parashikon se mandati i kryetarit të bashkisë përfundon përpara afatit në rastet kur kryetari nuk është më banor i përhershëm i bashkisë ku është zgjedhur”, vijon ai.
Sipas Marash Logut, Këshillit Bashkiak të Tiranës nuk i mbetet tjetër veçse të njoftojë Këshillin e Ministrave, i cili ia përcjell njoftimin Presidentit të Republikës për shpalljen e zgjedhjeve të parakohshme.
Ka qenë gazetari Isa Myzyraj që ka ndarë në llogarinë e tij një përditësim të qendrës së votimit të deklaruar nga kryebashkiaku dhe politikani i lartë socialist Erion Veliaj. Ai është regjistruar si banor i Njësisë Administrative Durrës, Bashkia Durrës dhe qendra e votimit është IEVP Durrës.