Lajmidites.com

Tag: banesën

  • I shpërthyen banesën / Tonin Qafa sapo ishte kthyer nga SHBA, në 2009-ën i vranë vëllanë, dyshime edhe…

    I shpërthyen banesën / Tonin Qafa sapo ishte kthyer nga SHBA, në 2009-ën i vranë vëllanë, dyshime edhe…

    Detaje të reja kanë dalë nga ngjarja e ndodhur orët e para të së mërkurës në Tiranë, ku banesa e shtetasit Tonin Qafa u shpërthye me lëndë plasëse, tritol. Gazetari i SYRI TV, Klajdi Bodlli, mëson nga burimet në Polici se Qafa ishte kthyer nga Amerika vetëm 3 muaj më parë.

    Ndërsa, kthimi i tij në Shqipëri përkon me ngjarjen e rëndë, pasi i shpërthyen banesën me tritol.

    Kjo ngjarje ka bërë që hetimet e policisë të fokusohen në një ngjarje të ndodhur në vitin 2009, ku Tonin Qafës i kanë vrarë një vëlla.

    Mirëpo, një tjetër pistë hetimi janë edhe konfliktet e djalit të Qafës, i cili jeton jashtë vendit. Hetuesit dyshojnë se kjo ngjarje mund të jetë një pasojë e këtyre konflikteve, për të cilat informacionet e para mbeten të pakta.

    Fatmirësisht, ngjarja e fundit nuk ka shkaktuar viktima, por ka shkaktuar dëme materiale në shtëpinë e Tonin Qafës dhe disa mjete të parkuara në zonë. Policia ka nisur një hetim të thelluar dhe po përpiqet të zbardhë arsyet dhe autorët e shpërthimit.

  • Ishin nën vëzhgim, u ndaluan kur hipën në mjetin e të atit! Si u kontrollua banesa e motrave Nikolli

    Ishin nën vëzhgim, u ndaluan kur hipën në mjetin e të atit! Si u kontrollua banesa e motrave Nikolli

    Amarildo Xhanej, Xhovana Nikolli dhe Nuredin Dumani

    TIRANË- Zbulohen detaje të reja lidhur me aksionin e Prokurorisë së Posaçme kundër Korrupsionit dhe Krimit të Organizuar në banesën e motrave, Alda dhe Xhovana Nikolli. Kontrolli në banesën e tyre është ushtruar 2 ditë më parë në qytetin e Elbasanit, ku motrat dhe familja e tyre janë shpërngulur për të jetuar. Sipas “News24”, agjentët e Byrosë Kombëtare të Hetimit me urdhër të SPAK kishin nisur vëzhgimin e motrave dhe të atit të tyre.
    Në një moment kur ato hipën në një makinë “BMW X1”, që drejtohej nga babai i tyre, forcat e Policisë iu prenë rrugën dhe informuan ata se ka një urdhër gjykate për kontrolluar banesën. Pas ndalimit nga forcat e Policisë, dy motrave dhe babait të tyre iu sekuestrua celulari dhe u shoqëruan në banesë, ku edhe u ushtrua kontrolli. Por vetë Xhovana Nikolli pretendon se agjentët nuk kishin urdhër kontrolli për t’u futur në banesën e tyre. Duke ripostuar një video të “ZËRI-t”, Xhovana thotë se SPAK ka sekuestruar sende private pa urdhër gjykate. Ajo shprehet se Prokuroria e Posaçme ka sekuestruar edhe telefonin e prindërve të saj.

    Alda dhe Xhovana Nikolli dyshohet të kenë stisur sulmin me tritol të ndodhur më 13 korrik 2024, që i mori jetën fqinjit të tyre, Enea Thomarai. Hetuesit e Prokurorisë së Posaçme Kundër Korrupsionit dhe Krimit të Organizuar (SPAK) zbarkuan një ditë më parë në banesën ku motrat Nikolli kanë jetuar me qira në Elbasan dhe ushtruan kontroll të prani të pronarit të apartamentit. Ajo që dihet për këtë ngjarje është se kamerat kanë pikasur një person që afrohet me biçikletë, lë lëndën plasëse dhe më pas largohet. Ai është një person me precedentë penalë, është identifikuar nga autoritetet, por ende nuk është prangosur dhe mungesa e dëshmisë së tij e ka lënë këtë çështje pa një autor.
    Gjatë kohës së kësaj ngjarjeje, njëra nga motrat, Alda Nikolli ka akuzuar të penduarin e drejtësisë Nuredin Dumani si autor. Këtë gjë, ajo e tha në një intervistë për Top Channel dhe në daljet e drejtpërdrejta që ka bërë në “Tik Tok”. Alda Nikolli rrëfente se me Nuredin Dumanin kishte pasur një raport intim që nuk kishte përfunduar mirë dhe ai e kishte kërcënuar, arsye për të cilën ajo kishte krijuar bindjen se më pas ai i ka vendosur sasinë e tritolit në derën e banesës.
    Ndërsa motra tjetër, Xhovana Nikolli është e dashura e Amarildo Xhanejt (Nikolli) që u vu në pranga në Vlorë, pasi dyshohet se kishte shkuar të vriste Inez Hajrullën. Pas arrestimit, Amarildo Xhanej u bë bashkëpunëtor i drejtësisë dhe u dënua nga Gjykata e Posaçme me 2 vite e 9 muaj burg për armëmbajtje pa leje në kuadër të grupit kriminal./ZËRI

  • SPAK kontroll në banesën e motrave Nikolli, revoltohet Xhovana: Shtet ordiner

    SPAK kontroll në banesën e motrave Nikolli, revoltohet Xhovana: Shtet ordiner

    Xhovana Nikolli ka reaguar pas kontrollit që SPAK ka ushtruar në banesën ku jeton modelja me motrën e saj në Elbasan.
    Xhovana thotë se SPAK ka sekuestruar sende private pa urdhër gjykate. Ajo shprehet se Prokuroria e Posacme ka sekuestruar telefonin e prindërve të saj.
    Xhovana Nikolli është bashkëjetuesja e Amarildo Xhanej nga Shkodra, i arrestuar në gusht të 2023 në Vlorë si vrasës me pagesë.
    Ndërsa e motra e saj, Alda Nikolli krijoi një romancë me vrasësin me pagesë, Nuredin Dumani, teksa ky i fundit ndodhej në qeli.

  • SPAK kontroll në banesën e motrave Nikolli, Xhovana: Shtet ordiner! Sekuestruan telefonat e prindërve

    SPAK kontroll në banesën e motrave Nikolli, Xhovana: Shtet ordiner! Sekuestruan telefonat e prindërve

    Alda dhe Xhovana Nikolli

    TIRANË-Xhovana Nikolli ka reaguar pas kontrollit që SPAK ka ushtruar në banesën ku jeton ajo me motrën e saj në Elbasan. Xhovana thotë se SPAK ka sekuestruar sende private pa urdhër gjykate. Ajo shprehet se Prokuroria e Posaçme ka sekuestruar edhe telefonin e prindërve të saj.
    “Nuk e di po të vijnë kontroll në shtëpi, të shkatrrohet banesa…të ushtrohet presion dhe të sekustrohen sende private pa urdhër të Gjykatës veç këtë shtet ordiner kam parë. Përveç kësaj të ikin te shtëpia e prindërve që s’kanë lidhje ti sekustrohet telefoni nënës dhe babës pa pikë lidhje…mundësisht tu shku në SPAK pothuajse çdo ditë, duke u pyetur e duke ushtruar presion psikologjik mbi mua,”-shkruan ajo në një postim në rrjetet sociale.

    POSTIMI

    Struktura e Posaçme kundër Korrupsionit dhe Krimit të Organizuar ushtruoi një ditë më parë (28 mars) kontroll në banesën e motrave, Alda dhe Xhovana Nikolli. Kontrolli është bërë disa muaj pasi dy motrave iu vendos tritol në shkallën e pallatit, nga shpërthimi i lëndës plasëse humbi jetën fqinji i tyre, Enea Themollari. Pas shpërthimit të ndodhur, Alda Nikolli dha një intervistë në media dhe u shpreh se dyshimet i kishte tek i penduari i drejtësisë, Nuredin Dumani, me të cilin kishte kontaktuar, edhe pse ai aktualisht është në burg./ZËRI

    whatsapp image 2025 03 29 at 135428

    0 500 1743240102xxh 175

  • SPAK kontrolle në banesën e saj, reagon Xhovana Nikolli: Shtet ordiner, kanë sekuestruar telefonin e familjarëve…

    SPAK kontrolle në banesën e saj, reagon Xhovana Nikolli: Shtet ordiner, kanë sekuestruar telefonin e familjarëve…

    Xhovana Nikolli ka reaguar, në lidhje me kontrollet e kryera nga Prokuroria e Posaçme, një ditë më parë në banesën ku jeton ajo bashkë me të motrën në Elbasan. Në një reagim në rrjete sociale, Nikolli shkruan se SPAK i ka sekuestruar familjes së saj sende private dhe ju është marrë telefoni prindërve të saj. Nikolli shton më tej se vetë kjo e fundit është paraqitur çdo ditë në SPAK për tu marrë në pyetje ndërsa shton se mbi të është ushtruar presion psikologjik nga Prokuroria.

    Disa muaj më parë në hyrjen e banesës së marrë me qira nga dy motrat, persona të paidentifikuar vendosën tritol. Si pasojë humbi jetën, Enea Themollari, 26 vjeç, fqinj i dy motrave Nikolli. Këto të fundit akuzuan Nuredin Dumanin si porositës të vendosjes së tritolit. Nuredin Dumani është i penduar i drejtësisë dhe është hetuar nga SPAK.
    Asokohe pas ngjarjes, Alda Nikolli, motra e Xhovana Nikollit, deklaroi në media se me Nuredin Dumanin kishte nisur një romancë në distancë disa kohë më parë. Nga ana tjetër, Xhovana Nikolli njihet për lidhjen e saj me Amarildo Nikollin alias Xhanej i cili u arrestua nga policia më shumë se një vit më parë, pasi dyshohej se ishte porositur për të vrarë dy persona në qytetin e Vlorës.

  • Gjovana Nikolli reagon pas kontrollit që SPAK bëri në banesën e saj: Të ushtrohet presion dhe…

    Gjovana Nikolli reagon pas kontrollit që SPAK bëri në banesën e saj: Të ushtrohet presion dhe…

    Gjovana Nikolli ka reaguar përmes një postimi në rrjetet sociale pas kontrollit që SPAK bëri në banesën e saj.

    Oficerë të BKH-së, kryen ditën e djeshme një kontroll “blic” në një apartament në Elbasan, i cili kohë më parë ishte marrë me qera nga motrat, Alda dhe Xhovana Nikolli.

    Apartamenti mësohet të jetë kontrolluar në prani të pronarit, ndërsa nuk dihet me saktësie se çfarë është gjendur në banesë.

    Pikërisht në këtë apartament në 13 korrik 2024 shpërtheu një sasi tritoli, duke plagosur rëndë dhe më pas gjeti vdekjen i riu, Enea Thomarai, i cili ishte banor në apartamentin përballë ku u vendos tritoli.

    Kontrolli është kryer me shpresën e kapjes së provave, që mund të implikojnë motrat Nikolli në këtë ngjarje, pasi SPAK ka të dhëna se ngjarja është e montuar.

  • SPAK kontroll në banesën e motrave Nikolli, në korrik 2024 iu vendosën tritol në derë, akuzuan Nuredin Dumanin për…

    SPAK kontroll në banesën e motrave Nikolli, në korrik 2024 iu vendosën tritol në derë, akuzuan Nuredin Dumanin për…

    Me urdhër të SPAK, policia ka kryer dje kontrolle në banesën e dy motrave, Xhovana dhe Alda Nikollit. Mësohet se Prokuroria e Posaçme ka dhënë një urdhër kontrolli për banesën e dy motrave, të cilat kanë qenë kryefjalë e medias lidhur me një ngjarje të rëndë të ndodhur pak muaj më parë në Elbasan. Një sasi tritoli që kishte në shënjestër banesën e dy motrave shpërtheu, por la të plagosur rëndë 29-vjeçarin Enea Themollari. Ky i fundit ndërroi jetë pas 3 muajsh në koma në spital për shkak të plagëve të marra.
    Tritoli shpërtheu në shtëpinë ku jetonin me qira Alda dhe Xhovana Nikolli, po pati dëmtime edhe në banesën ngjitur, ku i riu jetonte me familjen e tij. Si pasojë e shpërthimit dera e banesës së 29-vjeçarit ra, duke e plagosur rëndë. Dy motrat akuzuan publikisht Nuredin Dumanin si autor të ngjarjes. Alda Nikolli deklaroi se kishte qenë në një lidhje me Dumani, ndërsa motra tjetër dyshohet se është e dashura e Amarildo Xhanej, i cili akuzohet se në bashkëpunimin me Leonard Luzin, Muharrem Koroveshin (alias Muharrem Ismaili alias Muharrem Myftaraj) dhe Erio Zejnon po planifikonin vrasjen e Ervis Matodashajt dhe Inez Hajrullait në qytetin e Vlorës dy vite më parë.
    Alda Nikolli rrëfen lidhjen me vrasësin me pagesë
    E reja ka rrëfyer pak kohë më parë se me Nuredin Dumanin është njohur nëpërmjet të dashurit të motrës së saj Giovanna Nikolli, Amarildo Xhanej, po ashtu i dyshuar si vrasës me pagesë, pasi të dy ndodhen në burgun 313 në Tiranë. Por gjërat, sipas Alda Nikollit, ndryshuan pasi e dashura e Nuredin Dumanit, Mirjeta Avdiu, zbuloi lidhjen me tyre. Mirjeta Avdiu është 22-vjeçarja nga Kosova, e cila ishte në banesën me Nuredin Dumanin në momentin që ai u arrestua më 29 Mars në Fier, ku ishte strehuar pasi u plagos gjatë një atentati që i bënë në qytetin e Elbasanit po atë ditë.
    “Mirjeta mori mundimin edhe të na kërcënojë, ma vërteto thoshte që ti ke folur me të. Moj po kam folur i thosha, jo “ma vërteto”. Ia vërtetova me një vokal, mbas 5 minutash pastaj ka marrë Nuredin Dumani dhe më ka kërcënuar”, rrëfeu ajo në një intervistë për TCH. Gjithashtu tregoi se vrasësi me pagesë i kishte rrëfyer disa prej krimeve të tij. “Më tregonte për vrasjet që kishte bërë me gjakftohtësi, tregonte për vajzën që kishte përdhunuar e ishte hedhur para makinës, që ka vdekur. Shumë gjëra të tjera”, tha ajo, duke pohuar se Nuredin Dumani në fakt po e përdorte, pasi sipas saj kërkonte t’i hiqte statusin e të pandehurit kunatit të saj, Amarildo Nikoll (Xhanej).

  • Pensionistët që kanë futur njerëz me qira në banesën ku jetojnë vetë do të taksohen

    Pensionistët që kanë futur njerëz me qira në banesën ku jetojnë vetë do të taksohen

    FOTO ILUSTRUESE

    TIRANË- Pensionistët, të cilët për arsye ekonomike kanë futur qiraxhinj në banesën e tyre do të paguajnë tatim nëse të ardhurat nga qiraja tejkalojnë shumën 50 mijë lekë në vit. Tatimet kanë sqaruar përmes një rubrike të posaçme pyetje-përgjigjesh se individët që kanë të ardhura qiraje mbi 50 mijë lekë në vit janë të detyruar të plotësojnë deklaratën individuale vjetore të të ardhurave.
    Pyetje: Jam një pesionist që në banesën time në vitin 2025, për arsye ekonomike, jeton dhe shoku im i cili më paguan dhe 5 mijë lekë në muaj. A kam detyrimin të deklaroj DIVA dhe paguaj detyrime tatimore?
    Përgjigje: Duke qenë se e ardhura vjetore është mbi 50,000 lekë dhe për këtë të ardhur individi nuk është tatuar, lind detyrimi që individi pensionist duhet të deklarojë dhe paguajë tatimin 15% mbi të ardhurat e përfituara, duke dorëzuar Deklaratën Vjetore të të Ardhurave të DIVA 2025.
    Ndryshimet e njëpasnjëshme në ligjin e procedurave tatimore dhe ato të ligjeve të tjera fiskale kanë krijuar një lëmsh burokratik, por edhe konfuzion duke i lënë shumë qytetarë të paqartë, se kur dhe çfarë duhet të deklarojnë.
    Për këtë arsye, Tatimet kanë publikuar një material të gjatë me pyetje përgjigje sqaruese se kush ka detyrim për deklarim dhe pagesë taksash, sipas situatave të ndryshme./KAPITAL