Lajmidites.com

Tag: balotazh

  • Supremja hedh poshtë kërkesën e PDK-së për rivotim në Mitrovicë të Jugut

    Supremja hedh poshtë kërkesën e PDK-së për rivotim në Mitrovicë të Jugut

    Gjykata Supreme e ka refuzuar si “të pathemeltë” kërkesën e Partisë Demokratike të Kosovës për urdhërimin e Komisionit Qendror të Zgjedhjeve që të organizojë rivotim për zgjedhjet për kryetar komune në Mitrovicë të Jugut.
    Supremja tha se “duke u nisur nga gjendja e tillë faktike dhe ligjore e çështjes, e ka pranuar në tërësi si të drejtë dhe të bazuar qëndrimin juridik” të Panelit Zgjedhor për Ankesa dhe Parashtresa.
    “Gjykata Supreme konstaton se asnjë nga pretendimet e palëve nuk është provuar dhe faktuar dhe nuk ekziston bazë ligjore që të provojë se ka pasur shkelje të natyrës substanciale që mund të ndikojnë në integritetin e procesit zgjedhor ose në rezultatin përfundimtar, andaj, vlerësoi se dëshmitë e paraqitura nuk krijojnë bazë të mjaftueshme për gjykatën që të krijohet bindja se në rastin konkret duhet të urdhërohet rivotimi”, u tha në vendim.

    PDK-ja i ishte drejtuar Supremes më 16 nëntor, pasi PZAP-i ia refuzoi kërkesën për rivotim në Mitrovicë të Jugut.
    Garën për Mitrovicën e Jugut e fitoi në balotazh më 9 nëntor Faton Peci i Lëvizjes Vetëvendosje, kundër Arian Tahirit të PDK-së, , me një diferencë prej mbi 2 mijë votash.
    Një ditë pas votimeve në balotazh, komisionerët PDK-së dhe ata të Lidhjes Demokratike të Kosovës (LDK) në Mitrovicë të Jugut u tërhoqën nga procesi i verifikimit të votave me dyshimet për keqpërdorim.
    Ata kishin hasur në fletëvotime me kod të vendvotimit që nuk përputhej me vendvotimin prej nga ato vinin. Më vonë u kuptua se bëhej fjalë për 75 fletëvotime të tilla.
    Prokuroria urdhëroi ndaljen e verifikimit dhe procesi rifilloi një ditë më vonë, po me vendimin e Prokurorisë.
    PDK-ja u ankua në PZAP duke argumentuar se, përveç fletëvotimeve që ishin gjetur të përziera ndërmjet klasave dhe shkollave të ndryshme, në shpërputhje me kodet unike të vendvotimeve, pjesëmarrja e votuesve në balotazh ishte më e lartë se ajo në rundin e parë më 12 tetor.
    Ajo ishte ankuar gjithashtu se gjatë procesit të numërimit janë hasur shumë fletëvotime të pavulosura, ndërsa disa të tjera janë gjetur të vulosura dy herë.
    PZAP-ja shtoi se pretendimet e PDK-së janë të pabazuara, duke qenë se KQZ-ja ka formuar komision për verifikimin e fletëvotimeve të dyshimta, dhe se kompania përgjegjëse për shtypjen e tyre ka sqaruar se bëhet fjalë për “gabim teknik”.
    Paneli vlerësoi se nuk ka pasur cenim të integritetit të zgjedhjeve./rel

  • Sot, raundi i dytë i vendoreve në Kosovë. 18 komuna në balotazh

    Sot, raundi i dytë i vendoreve në Kosovë. 18 komuna në balotazh

    Qytetarët e 18 komunave të Kosovës votojnë sot për raundin e dytë të zgjedhjeve për kryetarë komunash. Komisioni Qendror i Zgjedhjeve (KQZ) ka konfirmuar se të gjitha vendvotimet janë hapur në kohë dhe procesi i votimit ka nisur pa pengesa.
    Në konferencën e parë për media, zëdhënësi i KQZ-së, Valmir Elezi, njoftoi se materiali zgjedhor, përfshirë edhe fletëvotimet, është shpërndarë në orët e para të mëngjesit në të gjitha Qendrat e Votimit.
    “Sipas informacioneve të marra nga KQZ, procesi i votimit ka filluar në të gjitha Qendrat e Votimit,” tha Elezi.
    Sot, procesi i votimit po zhvillohet në 525 Qendra të Votimit, me gjithsej 1,648 vendvotime. 507 qendra me 1,628 vendvotime janë të destinuara për votimin e rregullt. 18 qendra të tjera, nga një për secilën komunë, me gjithsej 20 vendvotime, janë hapur për votimin me kusht.
    Raundi i dytë i zgjedhjeve për kryetarë komunash po mbahet në këto komuna: Gjakovë, Gjilan, Dragash, Kaçanik, Klinë, Fushë Kosovë, Mitrovicë e Jugut, Obiliq, Rahovec, Pejë, Prishtinë, Prizren, Suharekë, Viti, Vushtrri, Junik, Mamushë dhe Kllokot.
    Sipas listës së votuesve, numri i qytetarëve me të drejtë vote në këto komuna është 1,316,672. Përveç votimit të rregullt, KQZ ka organizuar edhe ekipe mobile/lëvizëse për 2,541 votues me nevoja të veçanta, të cilët janë regjistruar paraprakisht.
    Raundi i dytë i zgjedhjeve për kryetarë komunash zhvillohet pasi asnjë prej kandidatëve nuk mundi të siguronte mbi 50% të votave të nevojshme, konkretisht në: Gjakovë, Gjilan, Dragash, Kaçanik, Klinë, Fushë Kosovë, Mitrovicë e Jugut, Obiliq, Rahovec, Pejë, Prishtinë, Prizren, Suharekë, Viti, Vushtrri, Junik, Mamushë dhe Kllokot.
    Lëvizja Vetëvendosje (LVV) udhëheq me numrin më të madh të garave në balotazh, e pasuar nga LDK, PDK, AAK dhe Lista Serbe. Lëvizja Vetëvendosje e fitoi garën pa balotazh në tre komuna Podujevë, Kamenicë dhe Shtime dhe shkon në balotazh në 12 të tjera. LDK-ja, garon në 9 komuna në balotazh, PDK-ja garon në 6 komuna në balotazh, AAK-ja garon në 5 komuna në balotazh, ndërsa Lista Serbe shënoi fitore në 9 komunat e banuara me shumicë serbe, ndërsa në Kllokot kryesoi, por shkon në balotazh me Unitetin Kombëtar Serb.

  • Balotazh në Kosovë/ Të dielën votohet në 18 komuna, gara më e fortë për Prishtinën dhe Prizrenin

    Balotazh në Kosovë/ Të dielën votohet në 18 komuna, gara më e fortë për Prishtinën dhe Prizrenin

    Ditën e diel qytetarët e Kosovës votojnë në raundin e dytë të zgjedhjeve vendore. Mbi 1 milion e 300 mijë qytetarë më të drejtë vote zgjedhin kryetarët e 18 komunave, në të cilat kryetari nuk u zgjodh në raundin e parë në 12 tetor.
    Prishtina, Prizreni, Gjakova, Gjilani, Dragashi, Kaçaniku, Fushë Kosova, Mitrovica e Jugut, Obiliqi, Rahoveci, Peja, Suhareka, Vitia, Vushtria, Juniku dhe Mamushi e Kllokoti, janë komunat që shkojnë sërish në zgjedhje.
    Në raundin e parë Partia Demokratike e Kosovës fitoi 3 komuna (Skënderaj, Ferizaj dhe Hani i Elezit) dhe kryeson në 4 komuna që shkojnë në balotazh: Prizren, Kaçanik, Vushtrri dhe Mitrovicë e Jugut.
    Lidhja Demokratike e Kosovës fitoi 2 komuna (Istog dhe Lipjan) por kryeson në 6 nga 9 komuna të tjera që shkon në balotazh: Prishtinë, Pejë, Junik, Dragash, Viti dhe Obiliq.
    Ndërkohë Lëvizja Vetëvendosje e Albin Kurtit u përballë me një humbje të thellë në raundin e parë, duke marrë vetëm tre komuna, Podujevë, Kamenicë dhe Shtime.
    Partia e Kurtit nuk fitoi asnjë komunë të madhe më 12 tetor dhe shkon në balotazh në 12 të tjera, ku veç Gjilanit dhe Fushë Kosovës renditet forcë e dyte. Edhe në Prishtinë, kandidati i Vetëvendosje, Hajrullah Çeku, doli pas Përparim Ramës së Lidhjes Demokratike në raundin e parë, edhe pse askush nuk mori 50% + të votave.
    Nga ana tjetër, Aleanca për Ardhmërinë e Kosovës e Ramush Haradinajt fitoi vetëm në Deçan dhe shkon si kryesuese në Gjakovë, Rahovec, Klinë, Suharekë e Junik.
    Partia më e madhe e serbëve në Kosovë, Lista Serbe, që ka mbështetjen e Beogradit zyrtar, mori 9 komuna në raundin e parë: Mitrovicë e Veriut, Zveçan, Leposaviç, Zubin Potok, Novobërdë, Shtërpcë, Graçanicë, Ranillug dhe Partesh.

  • Kosova zgjedh të dielën: 18 komuna në balotazh!

    Kosova zgjedh të dielën: 18 komuna në balotazh!

    Kosova do të votojë të dielën në raundin e dytë në zgjedhjet lokale!
    Janë 18 komuna të rëndësishme që kanë shkuar në balotazh dhe qytetarët do ti drejtohen kutive të votimeve!
    Sipas planifikimeve nga KQZ, fletëvotimet do të shpërndahen në Qendra të Votimit të dielën në mëngjes, të cilat do të hapen në orën 7:00 dhe do të mbyllen në orën 19:00.
    Procesi zgjedhor do të zhvillohet në 525 Qendra të Votimit, me gjithsej 1,648 vendvotime.
    Sipas vendimit të KQZ-së, kanë shtypur 1,158,015 fletëvotime apo rreth 16% më pak se numri i përgjithshëm i qytetarëve me të drejtë vote në këtë raund.
    Raundi i dytë i zgjedhjeve për Kryetarë të Komunave do të mbahet në këto 18 komuna: Gjakovë, Gjilan, Dragash, Kaçanik, Klinë, Fushë Kosovë, Mitrovicë e Jugut, Obiliq, Rahovec, Pejë, Prishtinë, Prizren, Suharekë, Viti, Vushtrri, Junik, Mamushë dhe Kllokot.
    Sipas Listës së Votuesve të aprovuar nga KQZ, pas përditësimit të të dhënave me votuesit e rinjë që kanë mbushin 18 vjeç nga 13 tetori deri më 9 nëntor dhe pas largimit të personave të vdekur dhe të atyre që kanë hequr dorë nga shtetësia e Kosovës, numri i përgjithshëm i qytetarëve me të drejtë vote në këto 18 komuna është 1,316,672, pra vetëm 543 votues më shumë se në raundin e parë.
    Gara më e fortë pritet të Zhvillohet në Prishtinë ku Hajrullah Cceku  I Vetëvendosjes po sfidon përparim Ramën e LDK-së i cili kërkon një mandate të dytë në krye të kryeqytetit!

  • Hapja e fushatës së LVV për raundin e balotazhit/ Kurti thirrje qytetarëve: Mos votoni ata që nuk duan punën

    Hapja e fushatës së LVV për raundin e balotazhit/ Kurti thirrje qytetarëve: Mos votoni ata që nuk duan punën

    Kryeministri në detyrë i Kosovës, Albin Kurti ka mbajtur fjalën e tij në tubimin e hapjes së fushatës së Lëvizjes Vetëvendosje për zgjedhjet lokale 2025, raundi i balotazhit. Në nisje të fjalimit, Kurti përshëndeti në veçanti qytetarët e komunave ku do të ketë balotazh. Ai u shpreh më tej se rritja e LVV në këto zgjedhje lokale ishte e ngadaltë por e sigurt.
    Kryeministri shprehu siguri se qytetarët në balotazh do të votojnë Vetëvendosjen si forca politike që për vendin synon modernizimin dhe zhvillimin. Gjatë fjalës së tij, ai i bëri thirrje qytetarëve të mos votojnë ato kandidatë që nuk e duan punën, pasi sipas tij ato nuk sjellin zhvillim.
    “Lëvizim me ide dhe dije dhe studime. Këto zgjedhje janë për qytetarët e atyre komunave që kanë shkuar në balotazh. Ata kanë mundësinë të vulosin ndryshimin. Të votoni për atë parti e cila në nivelin qendror i ka rritur ndjeshëm pagat, pensionet e bursat për student. Ndërkaq niveli lokal kudo ku këmi qeverisur kemi investuar shumë më shumë se paraardhësit tanë,. Prej raundit të parë fituam tre komuna e kaluam në balotazh në 12 komuna të tjera më shumë se sa cdo parti tjeter. Rritja jonë në zgjedhjet lokale ka qenë e ngadaltë por e sigurt. Keni për të parë se ky popull do tju befasojë në balotazh dhe do të votojë kundër bllokimeve të prapaskenës, sepse ne duam hapjen e modernizimin dhe zhvillimin e punën. Ne kemi premtuar dhe do të mbajmë fjalën 1 mliardë euro investime në komuna. Por ju e dini unë nuk e jap buxhetin e shtetit dhe paratë e taksave për ata kryetarë të cilët nuk dinë të punojnë mirë apo për ata që vjedhin. Mos i votoni ata që nuk dinë dhe nuk duan punën, e as ata që dinë e duan vjedhjen. Me ata nuk ka zhvillime as investim.”, u shpreh Kurti ndër të tjera.
    Komisioni Qendror i Zgjedhjeve miratoi listën e votuesve për raundin e dytë të zgjedhjeve për kryetarë komunash, i cili do të zhvillohet në 18 komuna. Komunat ku do të ketë balotazh janë Gjakova, Gjilani, Dragashi, Kaçaniku, Klina, Fushë Kosova, Mitrovica e Jugut, Obiliqi, Rahoveci, Peja, Prishtina, Prizreni, Suhareka, Vitia, Vushtrria, Juniku, Mamusha dhe Kllokoti. Raundi i dytë do të mbahet më 9 nëntor 2025. Sipas vendimit të KQZ-së, për këtë raund do të shtypen 1.158.015 fletëvotime – rreth 16 % më pak se numri i përgjithshëm i qytetarëve me të drejtë vote në këtë raund.

  • Raundi i dytë i zgjedhjeve lokale në Kosovë, 18 komuna në balotazh më 9 nëntor! KQZ miraton listën e votuesve

    Raundi i dytë i zgjedhjeve lokale në Kosovë, 18 komuna në balotazh më 9 nëntor! KQZ miraton listën e votuesve

    Komisioni Qendror i Zgjedhjeve e ka miratuar listën e votuesve e për raundin e dytë të zgjedhjeve për kryetarë komunash, i cili do të zhvillohet në 18 komuna.
    Komunat ku do të ketë balotazh janë Gjakova, Gjilani, Dragashi, Kaçaniku, Klina, Fushë Kosova, Mitrovica e Jugut, Obiliqi, Rahoveci, Peja, Prishtina, Prizreni, Suhareka, Vitia, Vushtrria, Juniku, Mamusha dhe Kllokoti.
    Raundi i dytë është caktuar të mbahet më 9 nëntor 2025. Sipas vendimit të KQZ-së, për këtë raund do të shtypen 1.158.015 fletëvotime – rreth 16 % më pak se numri i përgjithshëm i qytetarëve me të drejtë vote në këtë raund.
    “Ky numër përfshin fletëvotimet për: vendvotimet e rregullta, votimin me kusht, personat me nevoja të veçanta, fletëvotimet rezervë dhe votimin me postë”, thuhet në njoftimin e KQZ-së, pas mbledhjes së mbajtur.
    Për zgjedhjet e rundit të parë, të zhvilluara më 12 tetor, KQZ-ja kishte certifikuar listën me mbi dy milionë persona të drejtë vote, prej të cilëve 43.993 ishin votues nga jashtë Kosovës.
    Megjithatë, në 20 komuna, kryetarët e rinj dhe përbërja e re në asamble komunale u zgjodh qysh në rundin e parë të zgjedhjeve lokale.
    Në raundin e dytë, në këto komuna, numri i votuesve është rritur pasi që janë 1.690 qytetarë që kanë mbushur 18 vjeç që nga rundi i parë, në krahasim me 1.147 që kanë vdekur që prej atëherë.
    Në ditën e zgjedhjeve, në raundin e parë, votuan 39.58 për qind e mbi dy milionë qytetarëve me të drejtë vote brenda vendit.
    Praktikat e mëparshme kanë treguar se fitorja në rundin e parë nuk garanton fitoren përfundimtare edhe në raundin e dytë në rastet kur ka balotazh.
    Nga komunat me shumicë serbe, vetëm në Kllokot do të ketë rund të dytë, ndërsa në nëntë të tjerat ka fituar Lista Serbe, partia më e madhe e serbëve të Kosovës, e cila ka mbështetjen e Beogradit./REL

  • KQZ-ja certifikon listën e votuesve për balotazh

    KQZ-ja certifikon listën e votuesve për balotazh

    Komisioni Qendror i Zgjedhjeve e ka miratuar listën e votuesve e për raundin e dytë të zgjedhjeve për kryetarë komunash, i cili do të zhvillohet në 18 komuna.

    Komunat ku do të ketë balotazh janë Gjakova, Gjilani, Dragashi, Kaçaniku, Klina, Fushë Kosova, Mitrovica e Jugut, Obiliqi, Rahoveci, Peja, Prishtina, Prizreni, Suhareka, Vitia, Vushtrria, Juniku, Mamusha dhe Kllokoti.

    Raundi i dytë është caktuar të mbahet më 9 nëntor 2025. Sipas vendimit të KQZ-së, për këtë raund do të shtypen 1 158 015 fletëvotime – rreth 16 % më pak se numri i përgjithshëm i qytetarëve me të drejtë vote në këtë raund.

    “Ky numër përfshin fletëvotimet për: vendvotimet e rregullta, votimin me kusht, personat me nevoja të veçanta, fletëvotimet rezervë dhe votimin me postë”, thuhet në njoftimin e KQZ-së, pas mbledhjes së mbajtur.

    Për zgjedhjet e rundit të parë, të zhvilluara më 12 tetor, KQZ-ja kishte certifikuar listën me mbi dy milionë persona të drejtë vote, prej të cilëve 43 993 ishin votues nga jashtë Kosovës.

    Megjithatë, në 20 komuna, kyetarët e rinj dhe përbërja e re në asamble komunale u zgjodh qysh në rundin e parë të zgjedhjeve lokale.

    Në rundin e dytë, në këto komuna, numri i votuesve është rritur pasi që janë 1.690 qytetarë që kanë mbushur 18 vjec që nga rundi i parë, në krahasim me 1.147 që kanë vdekur që prej atëherë.

    Në ditën e zgjedhjeve, në rundin e parë, votuan 39.58 për qind e mbi dy milionë qytetarëve me të drejtë vote brenda vendit.

    Praktikat e mëparshme kanë treguar se fitorja në rundin e parë nuk garanton fitoren përfundimtare edhe në raundin e dytë në rastet kur ka balotazh.

    Nga komunat me shumicë serbe, vetëm në Kllokot do të ketë rund të dytë, ndërsa në nëntë të tjerat ka fituar Lista Serbe, partia më e madhe e serbëve të Kosovës, e cila ka mbështetjen e Beogradit./REL

  • Zgjedhjet në Maqedoninë e Veriut, Berat Buzhala: Kandidati i VLEN-it fiton pa balotazh

    Zgjedhjet në Maqedoninë e Veriut, Berat Buzhala: Kandidati i VLEN-it fiton pa balotazh

    Gazetari Berat Buzhala ka komentuar zgjedhjet që u zhvilluan ditën e djeshme në Maqedoninë e Veriut, ku kandidati i VLEN-it fitoi pa balotazh. ”Ja një ilustrim perfekt në Saraj, ku kandidati i VLEN’it fiton pa balotazh me votat e maqedonëve të VMRO’së. Njëra fotografi i tregon votat për Kuvend Komunal, ku shihet që VLEN’i është parti e dytë pas koalicionit rreth BDI’së, sepse maqedonët kanë votuar për deputet të partisë së tyre. Kurse për kryetar të komunës, siç shihet nga fotoja tjetër, maqedonët kanë votuar taktikisht, duke e zgjedhur kandidatin e VLEN’it. Pra, lërini pallavrat, sepse fitorja kryesisht është me vota të maqedonëve”,-shkruan Buzhala.

     

  • Për herë të parë në histori, një shqiptar zgjidhet kryetar komune në Çashkë të Maqedonisë së Veriut

    Për herë të parë në histori, një shqiptar zgjidhet kryetar komune në Çashkë të Maqedonisë së Veriut

    Nga zgjedhjet lokale të 19 tetorit në Maqedoni të Veriut, në Komunën e Çashkës është zgjedhur një kryetar shqiptar.
    Në një konferencë për media, zëdhënësi i Aleancës Kombëtare për Integrim, Arbër Ademi, ka pohuar se atje për herë të parë është zgjedhur një kryetar shqiptar.
    “Sapo më njoftuan bashkëpartiakët është shkruar historia për herë të parë një shqiptar do ta drejtojë Komunën e Çashkës. Pra, Suat Shaqiri është kryetar, në Çashkë shkruhet historia për herë të parë me kryetar shqiptar”, ka thënë Ademi.
    Ademi shpalli fitoren në komunë e Gostivarit dhe njoftoi se kandidatët e AKI-së për Strugën dhe Kërçovën shkojnë në balotazh me kandidatët e VMRO-DPMNE-së.
    “Edhe në tre Komuna ët tjera, në Gostivar pa balotazh që në raundin e parë. Që sonte kryetar i Gostivarit është zoti Valbon Limani. Në Kërçovë dhe në Strugë kandidatët tanë shkojnë në balotazh kundrejt dy kandidatëve të VMRO-së”, deklaroi Arbër Ademi.

  • Zgjedhjet në Kosovë/ Analisti: Vetëvendosja me rezultat të dobët, mungesa e bashkëpunimit po dëmton Kurtin në Prishtinë

    Zgjedhjet në Kosovë/ Analisti: Vetëvendosja me rezultat të dobët, mungesa e bashkëpunimit po dëmton Kurtin në Prishtinë

    21 nga 38 komunat e Kosovës zgjodhën kryetarin e ri pas raundit të parë të votimeve të dielën. 17 të tjera do të shkojnë në balotazh, mes tyre edhe kryeqyteti i vendit, Prishtina, ku pritet të përballen Përparim Rama nga LDK, i cili ka fituar 33.8% të votave, dhe Hajrulla Çeku nga Vetëvendosje me 33%.
    Partia Demokratike e Kosovës fitoi 3 komuna në raundin e parë dhe kryeson në 4 të tjera që do të shkojnë në balotazh. Lidhja Demokratike e Kosovës fitoi 2 komuna dhe kryeson në 6 të tjera që po ashtu do të jenë në balotazh.
    Aleanca për Ardhmërinë e Kosovës e Ramush Haradinajt ka fituar vetëm në Deçan dhe do të vijojë betejën për 5 të tjera.
    Lista Serbe, e cila u rikthye pas vitesh bojkoti, fitoi 9 nga 10 komunat me shumicë serbe në Kosovë.
    Analisti Blerim Burjani, në një lidhje të drejtpërdrejtë në edicionin qendror të lajmeve në televizionin kombëtar Vizion Plus me moderator Aleksandër Furxhi, tha se partia Vetëvendosje ka dalë me rezultate shumë të dobëta.
    Sipas analistit Blerim Burjani, partia në pushtet po përsërit rezultatet e dobëta të katër viteve më parë dhe pritet të fitojë jo më shumë se katër deri në pesë komuna pas balotazhit.
    Në Prishtinë, Vetëvendosja përballet me rënie të mbështetjes dhe mungesë vullneti për bashkëpunim me opozitën. Burjani thekson se qëndrimi i Kurtit dhe partisë së tij po e izolon Vetëvendosjen politikisht, ndërsa paralajmëron se pas afateve kushtetuese mund të hapet rruga për zgjedhje të parakohshme.

    INTERVISTA E PLOTË:
    Çfarë tregoi në përgjithësi turi i parë i zgjedhjeve dhe më tej si është gjendja në Prishtinë?
    Burjani: Po shihet e qartë që Vetëvendosja do të mbetet subjekt me vështirësi të mëdha sa i përket zgjedhjeve në pushtetin lokal. Edhe para katër viteve kishte të njëjtat probleme, nuk ka reflektuar më shumë në pozitivitet dhe në fitore as para katër vjetëve. Pra, po përsëritet një rezultat i dobët i Vetëvendosjes në qeverisjen lokale. Vetëvendosja do ta ketë shumë vështirë të fitojë më shumë se katër komuna pas balotazhit. Ata po shpresojnë që në shumicën janë gati në disa komuna në balotazh dhe shpresojnë që do të kenë gjasa më të mëdha. Mirëpo, problemi kryesor te Vetëvendosja është se ata nuk dëshirojnë të bashkëpunojnë fare me opozitën. Po sikur të kish pasur një bashkëpunim me opozitën, për shembull me LDK-në apo me PDK-në në Prishtinë, do ta kishte pasur më lehtë z. Çeku të jetë kryetar i Komunës së Prishtinës. Por ata kanë bërë me dije se nuk janë të interesuar fare për asnjë koalicion me askënd për balotazh, dhe kështu që problemi kryesor mbetet te ata. Nuk kanë vullnet të bashkëpunojnë me asnjë subjekt politik tjetër dhe kryesisht përqendrohen në fuqinë e tyre elektorale. Pak ka shpresa Vetëvendosja që mund të fitojë më shumë komuna. Unë mendoj që katër komuna, deri në pesë maksimumi, është ajo që mund të fitojnë ata. Pjesën tjetër do ta marrë plotësisht opozita, madje edhe Aleanca për Ardhmërinë e Kosovës. AAK-ja gjasat i ka më shumë në pushtetin lokal për të fituar komuna sesa në nivelin nacional.
    Kryeqyteti do të shkojë edhe ai në balotazh, në turin e dytë. Në turin e parë gjithsesi prin Lidhja Demokratike e Kosovës me Përparim Ramën. Çfarë tregon Prishtina? Çfarë është pozita e Vetëvendosjes dhe e kryeministrit Kurti në Prishtinë, krahasuar me katër vite më parë?
    Burjani: Qëndrimi i Vetëvendosjes është i njëjtë. Është i çuditshëm ky qëndrim. Pra, është një qëndrim pa vullnet politik për të bashkëpunuar në nivelin lokal, madje as në Komunën e Prishtinës me Partinë Demokratike apo me Aleancën, gjë që do t’i kishte rritur gjasat jashtëzakonisht shumë për të fituar në balotazh për Lëvizjen Vetëvendosje. Po këta nuk po japin kurrfarë interesimi fare. Madje, s’kanë vullnet për të biseduar me Partinë Demokratike në Prishtinë dhe janë deklaruar shumë të qartë. Ky mosdeklarim për bashkëpunim i prish punë jashtëzakonisht shumë Vetëvendosjes. Vetëvendosja është një parti kryeneçe. Ata kështu funksionojnë, ose krejt ose hiç. Pra, “ose krejt ose hiç” nuk ka me këtë sistem proporcional. Kur je i dobët edhe në zgjedhje, edhe në atë çfarë ke mundur të fitosh si rezultat zgjedhor, nuk mundesh ta kesh kokën lart e të thuash “nuk bashkëpunoj me askënd,” sepse do të mbetesh në opozitë.
    Një parti kryeneçe që ka ende në dispozicion 15 ditë kohë për të formuar qeverinë, sigurisht nën drejtimin e Kurtit. Më pas, shanset janë më të larta që të shkojmë në zgjedhje të parakohshme, definitivisht, apo ka ende mundësi për ta ruajtur establishmentin aktual?
    Burjani: Mbas afatit 15-ditor kushtetues, është edhe afati tjetër 10-ditor. Por duhet të ndërrohet kandidati. Nëse dështon kandidati i parë në 15 ditët e para, nuk ke të drejtë të kandidosh në fazën e dytë që është 10-ditore. Pra, duhet të gjesh një kandidat tjetër për të propozuar, për të mundësuar që procedura të ecë përpara në Parlament. Nëse edhe atëherë dështon, atëherë do të shohim se si do të rrjedhë pozicioni. Kurti po mbetet në qëndrimet, ose ai Kryeministër ose zgjedhje. Edhe kjo është e çuditshme, kjo nuk funksionon në demokracitë normale shtetërore. Në demokracitë normale gjithkush bashkëpunon. Ky do që të jetë veç vetë sepse i ka quajtur me emra të ndryshëm opozitën. I ka quajtur mashtrues, i ka quajtur hajna të korruptuar, dhe nuk ka lënë derë të hapur për të biseduar dhe për të bashkëpunuar me ta. Ai nuk është fare i interesuar madje hiç të bisedojë me ta, dhe kjo po i prish punët z. Kurti. Ai vetë po ia prish punën këtu.
    /vizionplus.tv