Kolegji i Gjykatës Kushtetuese nuk arriti dot të merrte sot një vendim për t’i kaluar Mbledhjes së Gjyqtarëve ankimin e kryeministrit Edi Rama për rastin e pezullimit të Belinda Ballukut nga detyra.
Lidhur më këtë për juristin Romeo Kara, seanca në Gjykatën Kushtetuese për Ballukun duhet që të jetë publike, pasi sipas tij ka interes.
‘Masat shtrënguese janë që personi të mos largohet sidomos kur parashikohet që mund të jenë të rënda dhe masat ndaluese si pezullimi janë për të ruajtur procesin. Është një organ akuze dhe një gjykatë që vlerëson a mund që personi të bëjë vepra të tjera që të dëmtojë provat apo të intimidojë dëshmitarët atë e dinë ata. Po seanca në GJK duhet që të jetë e hapur, pasi ka interes shumë të madh publik’, tha ai.
Tag: ballukut
-
“Seanca të jetë publike”/ Pezullimi i Ballukut, juristi Kara: Ka interes shumë të madh, masa shtrënguese…
-
“Janë 5 mijë faqe dosje”/ Vendimi për Ballukun, flet gazetari: Më e rëndësishmja, sa i takon goditjes së korrupsionit
Kolegji i Gjykatës Kushtetuese nuk arriti dot të merrte sot një vendim për t’i kaluar Mbledhjes së Gjyqtarëve ankimin e kryeministrit Edi Rama për rastin e pezullimit të Belinda Ballukut nga detyra.
Lidhur më këtë gazetari Adriatik Doçi, i ftuar në një studio televizive, tha se trupa nuk pati unanimitet pasi njëra prej anëtareve të trupës e cila është e besuara e Berishës doli kundër.
‘SPAK mund ti drejtohet kuvendit me kërkesë për heqjen e imunitetit të Ballukut bazuar në vendimin e GJK për ti hapur rrugë marrjes së një mase sigurie. Heqja e imunitetit të Ballukut mund të çojë në një precedentë që qeveria të kundërshtojë heqjen e imunitetit për Ballukun. Por SPAK duke kërkuar heqjen e imuniteti e miraton ose jo parlamenti lexon dosjen dhe mund të nxjerr detaje të llahtarshme që diskrediton qeverinë.
Nëse ka sinjale që qeveria e kundërshton SPAK mund të lexoj pjesë nga dosja hetimore. Janë 5 mijë faqe dosje është dosja më e rëndësishme dhe serioze sa i takon goditjes së korrupsionit, edhe pse deri tani nuk kemi ende akuzë për korrupsion, mund të shkohet në një moment tjetër në atë akuzë’, tha ai. -
Njoftimi i Kushtetueses, fati i Ballukut vendoset nga trupa e plotë e gjykatës
Gazeta Standard është portali zyrtar i gazetës se përditshme “Standard”. Parimi ynë është informimi i thelluar i mbeshtetur ne objektivitet dhe investigim. “Behu pjese e lajmit”- eshte motoja jone kryesore qe fton lexuesit te jene pjese e jona
-
A do të shqyrtohet ankimi i Ramës për pezullimin e posteve të Ballukut? Gjyqtarët mblidhen në 4 dhjetor
Belinda Balluku
TIRANË-Belinda Balluku mbetet ende pa poste! Tre gjyqtarët që përbënin kolegjin Sandër Beci, Marsida Xhaferllari dhe Sonila Bejtja nuk arritën dot unanimitet për të vendosur nëse ankimi i kryeministrit Edi Rama për vendimin e GJKKO, e cila pezulloi nga detyrat Ballukun, do të kalojë për shqyrtim. Çështja i kalon Mbledhjes së Gjyqtarëve.
Mbledhja e Gjyqtarëve do të zhvillohet më 4 dhjetor, ku janë tetë gjyqtarë të cilët do të marrin një vendimmarrje për kërkesën paraprake të qeverisë, për pezullimin e vendimit të GJKKO-së për Ballukun, deri në marrjen e një vendimi përfundimtar nga Kushtetuesja. Nëse ata vendosin pro kërkesës për heqjen e përkohëshme të masës zv/kryeministrja do te rikthehet ne post deri në përfundim të gjykimit.
Konkretisht për moskalimin e ankimimit për shqyrtim duhet “shumicë votash”. Nëse nuk kapet shumica prej 5 votash në favor të mosshqyrtimit, çështja i kalon automatikisht seancës plenare.
Sa i përket ankimimit të qeverisë në Kushtetuese, kryeministri Edi Rama kërkon shfuqizimin e vendimit. Në kërkesën drejtuar Kushtetueses, qeveria kërkon pezullimin e vendimit të GJKKO vetëm për pjesën e pezullimit nga detyra të Belinda Balluku, teksa argumenton se ky vendim sjell pasoja të rënda të interesit shtetëror e shoqëror.
Rama komentoi sërish sot vendimin, ku u shpreh se ky është një rast unikal në botë dhe në asnjë vend nuk është parë që një prokuror dhe një gjykatës të pezullojnë nga detyra një anëtar qeverie. Kreu i qeverisë theksoi se ai do të vazhdojë të jetë mbështetësi më i madh i Reformës dhe Pavarësisë së Drejtësisë, ndërsa vendimin e GJKKO-së e krahasoi si një nga ato rrëzimet e fëmijës kur sapo kanë mësuar të ecin.Gjykata e Posaçme kundër Krimit dhe Korrupsionit vendosi për pezullim nga detyra të zëvendës kryeministres dhe ministres së Infrastrukturës dhe Energjisë, Belinda Balluku dhe ndalim daljeje jashtë vendit. Gjykata arsyetoi se vendimi erdhi pasi Balluku mund të prishë provat dhe të intimidojë dëshmitarët, në sajë të detyrës që mban. Balluku me vartësit e saj akuzohen se kanë paracaktuar fituesit në dy tenderë me vlerë 210 mln euro, atë të Tunelit të Llogarasë 190 mln euro dhe loti 4 i Unazës së Madhe 20 mln euro. GJKKO ka caktuar edhe arrest shtëpie për kreun e ARRSH-së, Gentian Gjyli dhe Erald Elezin, aktualisht drejtor i KESH.
Kushtetuesja është ajo që do të vendosë për ‘fatin’ e Ballukut, ndërsa kryeministri Edi Rama ka deklaruar se zëvendësimi i Ballukut në qeveri nuk do të ndodhë./ZËRI -
Belinda Balluku e pezulluar nga detyra për aferat korruptive/Gjykata Kushtetuese shtyn seancën për ankimimin e qeverisë
Gjykata Kushtetuese ka shtyrë seancën ku do të shqyrtohet ankimimi i qeverisë për pezullimin nga detyra të Belinda Ballukut si ministre dhe zëvendës kryeministre me vendim të GJKKO.
Mbledhja e gjyqtarëve në Gjykatën Kushtetuese do të mblidhet ditën e enjte, në 4 dhjetor, për të diskutuar mbi kërkesën e qeverisë për çështjen e Belinda Ballukut dhe nëse do të kalohet apo jo për shqyrtim kërkesa e qeverisë.
Kujtojmë se Kolegji i Kushtetueses u mblodh sot për shqyrtimin paraprak të kërkesës së paraqitur nga Kryeministri Edi Rama, për të hedhur poshtë pezullimin e Belinda Ballukut.
Gjykata Kushtetuese sqaroi më herët se pas analizimit fillestar, Kolegji vendosi që çështja t’i kalojë Mbledhjes së Gjyqtarëve, e cila do të vlerësojë nëse plotësohen të gjitha kriteret e pranueshmërisë për ta dërguar atë në seancë plenare apo jo. -
Hetimet e SPAK/ Dy vartësit besnik të Belinda Ballukut, Gjyli dhe Elezi dëshmojnë në prokurori
Drejtori i KESH Erald Elezi, ka përfunduar dhënien e dëshmisë së tij në SPAK në lidhje me dosjen Balluku, ndërsa pas tij pritet të japë versionin e ngjarjeve edhe kreu i ARRSH, Gentian Gjyli.
Të dy vartësit e Ballukut u paraqitën sot në SPAK, ndërsa më herët GJKKO ka caktuar masën e sigurisë “arrest shtëpie” për të dy.
Nga ana tjetër, për Ballukun, e cila është zyrtarisht e pandehur janë caktuar masat e sigurisë që pezullojnë atë nga detyra si zv/kryeministre dhe ministre, si edhe i është hequr pasaporta. -
Pezullimi i Ballukut, gjyqtarët mblidhen të Enjten për të shqyrtuar kërkesën
Të Enjten pritet mbledhja e gjyqtarëve për kërkesën e qeverisë në Gjykatën Kushtetuese për çështjen Balluku. Do të vendosë nëse e pranon ose jo kërkesën.
Në varësi te vendimmarrjes vendoset edhe për qëndrimin ose rrëzimin e masës së pezullimit të urdhëruar nga Gjykata e Posaçme. Euronews.al -
Pezullimi i Ballukut, Rama: Mbështes i paepur drejtësinë, por vendimi i GJKKO ishte si rrëzimi i fëmijës që sapo nis të ecë
Kryeministri Edi Rama reagon pasi Gjykata Kushtetuese kaloi në shqyrtim ankimimin e tij për pezullimin e Belinda Ballukut nga detyra e zv,.kryeministres dhe ministres së Infrastrukturës, vendim që u mor nga GJKKO, pas marrjes së zyrtares si e pandehur për tunelin e Llogarasë.
“Fjalët e shumta janë fukarallëk, gjeni një rast të dytë në botë ku një prokuror dhe një gjykatës – për më tepër edhe i shkallës së parë fare – pezullojnë nga detyra një anëtar qeverie! Se të më thoni që kjo qenka kaq normale, paçka se s’është parë kurrë, askund, në botën demokratike, është njësoj si të më thoni se drejtësia qenka normale vetëm në Shqipëri!
E pra, pavarësisht se nga dita 1 kam qenë, jam e do të jem mbështetësi më i paepur i Reformës dhe Pavarësisë së Drejtësisë, këtë risi botërore të drejtësisë sonë të re, unë nuk e quaj dot asgjë tjetër përveçse një nga ato rrëzimet e fëmijës kur sapo ka mësuar të eci. Me ndryshimin që kur fëmija i vërtetë rrëzohet, lëndon vetëm vetveten, ndërsa kur drejtësia rrëshqet kështu si këtë herë, cënon parimet kushtetuese, prish balancën mes pushteteve të pavarura dhe ndërhyn brutalisht në procesin qeverisës.Le të jemi të qartë: Qëllimi i lartë i luftës kundër korrupsionit nuk e justifikon përdorimin e asnjë mjeti të gabuar dhe historia e vendeve që kanë kaluar më parë nga kjo rrugë e domosdoshme, na mëson se justifikimi i mjeteve të gabuara për hir të qëllimit madhor, e kthen kurën me mjete të tilla, në një të keqe edhe më të madhe se sa vetë sëmundja që thuhet se këto mjete po kurojnë. Ky mësim nuk duhet harruar kurrësesi. Nga askush”, tha Rama./vizionplus.tv