Ka dalë nga SPAK, pasi qëndroi aty për dy orë, kreu i Prokurimeve Publike. Jonaid Myzyri nuk ka bërë asnjë deklaratë për mediat, duke zgjedhur të heshtë përballë pyetjeve të gazetarëve. Myzyri, një prej vartësve dhe njerëzve të afërt të Belinda Ballukut, është marrë në pyetje në lidhje me dhënien e disa tenderave publikë.
Në KPP janë marrë në hetim disa procedura dhe po zhvillohet hetim më i gjerë në lidhje me rastin.
Tag: ballukut
-
Del pas 3 orësh nga SPAK vartësi i Ballukut/ Jonaid Myzyri kyç sërish gojën përballë gazetarëve
-
Tronditen pozitat e Belinda Ballukut dhe vartësve të saj, Prokuroria nis hetimet për keqpërdorimin e burimeve…
Një goditje e papritur ka tronditur themelet e pushtetit lokal të Partisë Socialiste në Fier. Prokuroria ka nisur hetimet për përdorimin e burimeve shtetërore në funksion të fushatës elektorale, një zhvillim që për herë të parë ngre zyrtarisht dyshime për një skemë kriminale të organizuar nga vetë administrata shtetërore. Në epiqendër të akuzave është ministrja e Infrastrukturës dhe zëvendëskryeministrja Belinda Balluku, e cila sipas opozitës ka drejtuar një rrjet të strukturuar me vartësit e saj për të deformuar vullnetin e votuesve përmes presionit dhe manipulimit. Bazuar në një dokument që mban firmën e prokurores Elida Hoxhaj në shkresë urdhërohet sekuestrimi i pamjeve filmike të publikuara në media, apo nga emisionet investigative, kamerat e fshehta etj, që tregojnë se si në mënyrë të organizuar janë detyruar punonjësit e administratës të marrin pjesë në takimet elektorale apo mitingjet e fushatës së Partisë Socialiste.
Denoncimi
Reagimi i parë ka ardhur me tone të forta nga drejtuesi politik i Partisë Demokratike për Fierin, Gazment Bardhi, i cili e përshëndet hetimin, por paralajmëron se kjo është vetëm maja e ajsbergut. Ai kërkon ndërhyrje të menjëhershme nga SPAK dhe e cilëson Ballukun si drejtuesen e një “bande elektorale”, që ka kthyer shtetin në një makineri votash në shërbim të pushtetit. “Nisja e hetimeve për keqpërdorimin e burimeve shtetërore për fushatë elektorale është pozitive dhe meriton vlerësim, por është e pamjaftueshme! Në hetimin e krimeve zgjedhore është domosdoshmëri shpejtësia në hetime dhe vënia në kohë para përgjegjësisë e shkelësve të ligjit,” shprehet Bardhi. Sipas tij, përmasat e skandalit kërkojnë ndërhyrjen e strukturave të specializuara antikorrupsion: “Ne presim që ligji të veprojë ndaj bandës elektorale të Belinda Ballukut në qarkun Fier, dhe çështje të kësaj natyre duhet t’i kalojnë për kompetencë SPAK, për shkak se jemi përpara një grupi të strukturuar kriminal, me role të qarta dhe të mirëpërcaktuara, me në krye Belinda Ballukun”, tha ai.
“Pushtimi” i Fierit nga administrata e Ballukut
Deklarata e Bardhit nuk ndalet vetëm në përgjegjësitë penale të drejtuesve lokalë. Ai përshkruan një situatë të paprecedentë në Fier, ku sipas tij, qindra punonjës të administratës, të komanduar nga Balluku, kanë braktisur detyrat e tyre shtetërore për t’u shndërruar në militantë partiakë që ushtruan presion dhe shpërndanë favore në këmbim të votave. “Prej muajsh tashmë qindra punonjës të administratës publike nën varësinë e Belinda Ballukut kanë pushtuar si bandë qarkun e Fierit, duke braktisur detyrën shtetërore dhe duke ushtruar presion apo ofruar favore në këmbim të votave,” thekson ai.
Më tej, ai përshkruan mënyrën sesi një pjesë e këtyre individëve janë zhvendosur fiktivisht në Fier vetëm për të ndikuar zgjedhjet dhe për të komanduar strukturat vendore të PS. “Një pjesë e tyre në mënyrë fiktive janë bërë edhe ‘banorë’ të qarkut Fier, në zonat që drejtuesja e bandës i ka lënë nën përgjegjësi. Janë këta individë endacak që i japin urdhrat e paligjshëm ndaj punonjësve të administratës në Fier, janë këta që urdhërojnë strukturat e PS të angazhohen në krime elektorale, janë këta individë që terrorizojnë bizneset”, u shpreh Bardhi.
Bardhi paralajmëron ndryshim më 11 maj
Në vijim të reagimit të tij, Bardhi lëshon akuza të drejtpërdrejta dhe përçmon rolin e individëve të sjellë nga Tirana, të cilët i cilëson si “endacakë me kohë skadence”, të destinuar sipas tij të largohen nga skena politike pas 11 majit: “Fatmirësisht ata janë të gjithë të identifikuar me emër e mbiemër si shkelës të ligjit, dhe qytetarët e qarkut Fier e kanë të qartë se si çdo endacak, ato janë individë me kohë skadence në 11 Maj dhe në 12 në mëngjes kthehen në Tiranë për t’u bërë gati për të shkuar atje ku e ka vendin çdo shkelës i ligjit.” Ai shpreh besimin se qytetarët e Fierit do t’i rezistojnë çdo presioni dhe do të japin një përgjigje të qartë në kutitë e votimit. “Prandaj më 11 Maj qytetarët e qarkut Fier e kanë të qartë se çfarë do të bëjnë, nuk do t’i nënshtrohen presionit dhe do të votojnë për ndryshimin për mirë të Shqipërisë, duke mbështetur alternativën e shkëlqyer ekonomike të Partisë Demokratike”, tha ai. -
Bardhi: Pas kallëzimit në SPAK, njerëzit e Ballukut në Fier hoqën kompjuterat nga zyrat
Drejtuesi i Qarkut Fier për PD-në, Gazment Bardhi,kallëzoi ditën e sotme në SPAK Belinda Ballukun, e cila sipas tij po u blen qytetarëve të Fierit votën me para në dorë.
Bardhi ka reaguar sërish dhe bën me dije se njerëzit e Ballukut në Fier kanë tentuar të heqin kompjuterat nga zyrat, të fshijnë të dhënat e qytetarëve të cilëve u kanë premtuar para, vende pune, certifikata pronësie e të tjera, në këmbim të votës për të.
Demokrati i ka bërë thirrje SPAK-ut të veprojë menjëherë për të ndëshkuar në mënyrë shembullore krimet elektorale të Belinda Ballukut dhe bandës së saj elektorale në Fier.
“Hiqni kompjuterat nga zyrat sa të doni, fshini të dhëna sa herë të doni, shkulni tela e ctju urdhërojnë, të gjitha provat janë dorëzuar tashmë në SPAK dhe fatin tuaj e keni kërkuar vetë!
I bej edhe njeherë thirrje SPAK të veprojë menjëherë për të ndëshkuar në mënyrë shembullore krimet elektorale të Belinda Ballukut dhe bandës së saj elektorale në qarkun Fier!”– shprehet Bardhi. -
‘Të gjitha provat janë dorëzuar në SPAK’, Bardhi: Ndëshkimi i Ballukut është i pashmangshëm
Sekretari i Përgjithshëm i Partisë Demokratike dhe drejtuesi politik i qarkut Fier, Gazment Bardhi, ka përshkallëzuar akuzat ndaj zv.kryeministres Belinda Balluku, duke e akuzuar për korrupsion zgjedhor dhe blerje votash në Fier. Në një deklaratë të fortë, ai i ka bërë thirrje SPAK-ut të ndërhyjë menjëherë dhe të veprojë ndaj, siç e cilëson ai, “bandës elektorale” të Ballukut.
Sipas Bardhit, pasi ai depozitoi kallëzimin penal në SPAK, njerëz të afërt me Ballukun kanë hequr kompjuterët nga zyrat dhe kanë fshirë të dhëna. Por ai thekson se provat janë tashmë dorëzuar dhe nuk mund të fshihen.‘Hiqni kompjuterat nga zyrat sa të doni, fshini të dhëna sa herë të doni, shkulni tela e ctju urdhërojnë, të gjitha provat janë dorëzuar tashmë në SPAK dhe fatin tuaj e keni kërkuar vetë!
I bej edhe njeherë thirrje SPAK të veprojë menjëherë për të ndëshkuar në mënyrë shembullore krimet elektorale të Belinda Ballukut dhe bandës së saj elektorale në qarkun Fier!’, shkroi Bardhi.Më herët, Bardhi pretendoi se ka dorëzuar prova të “pakundërshtueshme” që tregojnë se Partia Socialiste po blen votat e qytetarëve me para në dorë, vende pune, leje ndërtimi, legalizime dhe presion nga grupe kriminale. Ai thotë se lista përmban qindra emra dhe të dhëna personale, që përfshijnë qendrën e votimit, nivelin arsimor, punësimin e mëparshëm dhe angazhimin në strukturat e PS-së, si dhe premtimet për punësim në administratë si shpërblim për mbështetjen elektorale.
Për të ilustruar rastin, Bardhi përmend shembullin e një shtetasi të identifikuar si S.Ll., që ka kërkuar punësim në DPSHTRR apo si drejtor bashkie, në këmbim të angazhimit në fushatë. Ai thekson se ky është një rast i pastër i veprës penale “korrupsion aktiv në zgjedhje”, që dënohet me deri në pesë vite burg.
Në fund të deklaratës, Bardhi e cilëson këtë rast si një provë e qartë se qeveria Rama nuk ka hequr dorë nga korrupsioni zgjedhor, por përkundrazi e ka ngritur në një nivel më të lartë, duke blerë hapur vullnetin e qytetarëve. -
“Propaganda cinike e Belindës, e papranueshme dhe kriminale”, Bardhi akuza Ballukut për situatën e fermerëve të luleshtrydheve në Fier
Drejtuesi politik i PD në qarkun Fier, ka akuzuar zv.kryeministren Belinda Balluku për braktisjen dhe përdorimin që po iu bëhet fermerëve të luleshtrydheve në zonën e Kafarajt në Fier.
Bardhi shkruan në një postim në rrjetet sociale, se fermerët që kultivojnë luleshtrydhe po përballen me vështirësi, dhe nuk iu nevojiten fotot propagandistike të Ballukut, por ndihmë reale për t’i shpëtuar falimentit.
“E papranueshme dhe kriminale propaganda cinike e Belinda Ballukut me fermerët e luleshtrydheve në Kafaraj. Në vend që t’u japë zgjidhje fermerëve që protestojnë për zhvlerësimin e punës së tyre nga luleshtrydhet me pesticide të importit, bën sikur nuk ka ndodhur asgjë pak ditë më parë”, shkruan Bardhi ndër të tjera në reagimin e tij në Facebook.
Sipas Bardhit ky është dështimi i radhës i qeverisë në bujqësi, dhe kjo gjë tashmë nuk mund të mbulohet më me propagandë. -
‘Blerësi’ i votave në Lushnjë/ PD: Distancohemi nga çdo krim elektoral, sajesat e Ballukut si të Sigurimit të Shtetit
Menjëherë pas publikimit të lajmit se qenka arrestuar një blerës votash në Lushnjë, që i përket Partisë Demokratike, ka reaguar shtabi elektoral i opozitës në këtë qark.
“Manipulimet e opinionit publik të kryer nga Policia e Shtetit, një bandë në shërbim të Belinda Ballukut, duhet të marrin përgjigje nga Prokuroria e Posaçme. SPAK duhet të hetojë menjëherë rastin dhe të vendosë para përgjegjësisë cilindo që ka shkelur ligjin”, thuhet në reagim.
Reagimi
Sajesat e turpshme si të Sigurimit të Shtetit as na ndikojnë, as na shfokusojnë nga misioni ynë për të bërë më të mirën për Shqipërinë. Ne distancohemi nga çdo krim elektoral dhe jemi në krye të betejës kundër shkeljeve të ligjit në zgjedhje.
Manipulimet e opinionit publik të kryer nga Policia e Shtetit, një bandë në shërbim të Belinda Ballukut, duhet të marrin përgjigje nga Prokuroria e Posaçme. SPAK duhet të hetojë menjëherë rastin dhe të vendosë para përgjegjësisë cilindo që ka shkelur ligjin.
Ne kemi besim të plotë tek SPAK për zbardhjen e këtij rasti, ku po keqpërdoret Policia e Shtetit për propagandë bajate kundër PD.
Sajesa e trashë, qesharake dhe e turpshme e Policisë së Shtetit është bërë për llogari të PS dhe Belinda Ballukut për të zhurmuar krimin elektoral të detyrimit të administratës për të marrë pjesë në mitingjet e PS. 35 fletëthirrje janë dërguar tek strukturat e Partisë Socialiste për krime zgjedhore vetëm ditën e djeshme për këtë krim elektoral. Ne inkurajojmë Prokurorinë e Posaçme që të vijojë punën për goditjen e çdo krimi zgjedhor në qarkun Fier. -
‘Balluku detyron administratën të marrë pjesë në miting’, Bardhi: SPAK të nisi hetimet
Sekretari i Përgjithshëm i Partisë Demokratike, Gazment Bardhi, ka denoncuar publikisht krimin elektoral të Belinda Ballukut, duke bërë thirrje për veprim urgjent nga SPAK.
Ai ka theksuar se detyrimi i punonjësve të administratës për të marrë pjesë në mitingje, premtime pune në këmbim të votës, dhe autobusët që sjellin njerëz nga Qarku Fier për të mbushur sheshet janë dëshmi të qarta të shkeljeve të ligjit elektoral.
Bardhi shprehu keqardhje për SPAK-un, duke thënë se ata nuk mund të injorojnë këto krime, dhe e akuzoi Ballukun për arrogancë dhe shkelje të ligjit. Ai mbylli denoncimin me një premtim për çlirimin e Fierit dhe administratës publike nga ky ndikim më 11 maj.
Denoncimi i Bardhit:
Të detyrosh punonjësit e administratës që të marrin pjesë në miting është krim elektoral.
T’u premtosh njerëzve vende pune në këmbim të votës, është krim elektoral.
Autobusë të sjellë nga Qarku Fier për të mbushur sheshin bosh të Edi Ramës dhe Belinda Ballukut. Janë dëshmi që SPAK-u nuk mund t’i injorojë!
Keqardhje për SPAK-un që nuk arrin të zbulojë krimet elektorale që po kryhen në qarkun e Fierit, në drejtimin e Belinda Ballukut!
Jo vetëm metodat e paligjshme në shkelje të ligjit elektoral nga Balluku por sidomos arroganca e saj në komunitet dhe me vetë socialistët, janë për nga lloji të ngjashme me çizme pushtuesish!
Fieri dhe administrata publike do të çlirohet nga kjo më 11 Maj! -
Kreu i ARRSH-së u paraqit në SPAK, Bardhi: Drejtorët e Ballukut janë të gjithë për burg, me në krye vetë atë
Gazment Bardhi ka reaguar lidhur me paraqitjen në Prokurorinë e Posaçme ditën e sotme të drejtorit të ARRSH-së Gentian Gjyli.
Në një postim në Facebook, Bardhi shkruan se drejtorët e Ballukut janë të gjithë për burg.
“Janë të gjithë për burg drejtorët e Belindës, me në krye vetë atë! Është vetëm çështje kohe! Mandatin e deputetit nuk e duan për qytetarët! Nuk e duan që tu shërbejnë njerëzve. E duan thjesht për t’u mbrojtur nga drejtësia! Do dështojnë“, shkruan Bardhi në Facebook.
Vartësi i Belinda Ballukut, Gentian Gjyli u paraqit sot në SPAK, teksa u pyet nga prokurorët. Kujtojmë se Gjyli ka qenë edhe më herët në SPAK, ndërsa paraardhësi i tij, Evis Berberi, edhe ai vartës i ministres së Infrastrukturës dhe Energjisë, Belinda Balluku ndodhet pas hekurave prej hetimeve të SPAK.
Gentian Gjyli mori postin e Berberit më 28 mars 2024 dhe ka qenë në qendër të raportimeve mediatike lidhur me procedura tenderuese të dyshimta të lidhura nga Autoriteti Rrugor Shqiptar. -
Abuzimet me tenderat, njeriu i Belinda Ballukut drejt prangave, masakroi 2.5 miliardë euro të buxhetit, thellohen…
Njeriu më i besuar i zv/kryeministres dhe ministres së Infrastrukturës dhe Energjisë, Belinda Balluku, është thirrur në Prokurorinë e Posaçme (SPAK), në kuadër të një hetimi të thelluar për abuzime kolosale me tenderë publikë. Jonaid Myzyri, kreu i Komisionit të Prokurimit Publik (KPP), u paraqit ditën e djeshme në ambientet e SPAK, ku për më shumë se dy orë është marrë në pyetje nga prokurorët e çështjes. Burime bëjnë të ditur se Myzyri ka dhënë sqarime të detajuara mbi një sërë procedurash prokurimi të realizuara përgjatë periudhës 2020–2023, periudhë në të cilën ka pasur dyshime të forta për shkelje të rënda të ligjit. Hetimet janë përqendruar në një praktikë të përsëritur ku tenderat janë zhvilluar në mungesë të konkurrencës, me vetëm një kompani pjesëmarrëse në shumicën e rasteve, ndërsa në raste të tjera janë konstatuar skualifikime të dyshimta që kanë favorizuar subjekte të caktuara.
SPAK ka ndërmarrë më herët sekuestrimin e disa procedurave të dyshimta, të cilat pritet të jenë në qendër të akuzave që po përgatiten. Një rol kyç në këto zhvillime ka pasur Kontrolli i Lartë i Shtetit (KLSH), i cili në një auditim të thelluar ka evidentuar një dëm të rëndë ekonomik ndaj buxhetit të shtetit, në vlerën alarmante të 2 miliardë e 550 milionë eurove. Theksojmë se kjo është hera e dytë që Myzyri ngjit shkallët e godinës së SPAK, ndërsa nuk ka dhënë asnjë prononcim për mediat. Pas dy orësh marrje në pyetje, ai nuk ka pranuar të flasë për gazetarët në lidhje me arsyen e paraqitjen e tij në ambientet e Prokurorisë së Posaçme.
Thellohen skandalet
Tashmë shohim se laku po ngushtohet edhe më shumë drejt Ballukut. Kjo e fundit ka pasur rol direkt në procedurat më të mëdha të prokurimit publik në vend gjatë viteve të fundit. Emri i Ballukut figuron në disa dosje hetimore të hapura, që lidhen me koncesione dhe tendera strategjikë në fushën e energjisë dhe infrastrukturës, përfshirë procedura të dyshimta në ndërtimin e rrugëve, investimet në sektorin hekurudhor dhe partneritetet publike-private. Disa nga drejtorët dhe bashkëpunëtorët e saj të afërt tashmë ndodhen pas hekurave, ndërsa të tjerë janë thirrur për të dhënë shpjegime në SPAK.
Rrjeti i njerëzve të Ballukut, që për vite me radhë ka funksionuar si një piramidë e pushtetit institucional dhe financiar, duket se po shpërbëhet me shpejtësi nën presionin e hetimeve të drejtësisë. Megjithëse deri tani vetë Balluku nuk është marrë zyrtarisht si e pandehur, rrjedha e hetimeve dhe dëshmitë e mbledhura pritet ta vendosin gjithnjë e më pranë qendrës së hetimeve, duke shtuar edhe më shumë tensionin brenda kupolës së qeverisë “Rama”.
Akuzat drejt Ballukut
Ndërkohë, kreu i Grupit Parlamentar të PD, Gazment Bardhi hodhi dje akuza ndaj Ballukut se po përpiqet të imponojë rizgjedhjen e Myzyrit në krye të KPP-së edhe pse i përfundon mandati në korrik. Bardhi e akuzon atë si financues të fushatës së Ballukut. “Belinda Balluku po bën ç’mos që të imponojë rizgjedhjen e Jonaid Myzyrit në krye të Komisionit të Prokurimeve Publike pas dy muajsh dhe pse Myzyrit i përfundon mandati në korrik.
Jonaid Myzyri është i implikuar jo vetëm me favorizimet multimilionëshe të Alko-Impex të cilat po hetohen nga SPAK por ai është dhe tërthorazi financues i fushatës së Ballukut dhe blerjes së votave pasi firmos fitoren e kompanive të sugjeruara nga Balluku që më pas këto kompani të punojnë në Fier për blerje votash. Por harrojnë që nuk kanë kohë e mundësi, SPAK po u troket në derë!”, shkruan Bardhi. -
Shefi i tenderave në SPAK, Gaz Bardhi: Ai financon fushatën e Ballukut
Kreu i Komisionit të Prokurimeve Publike, Jonaid Myzyri u paraqit sot në SPAK. Nuk dihet cfarë statusi dhe për cfarë dosje, por kur doli nuk pranoi që të flasë. Kryetari i grupit të PD-së, Gazment Bardhi shkruan se ai është masha e Belinda Ballukut.
“Belinda Balluku po bën ç’mos që të imponojë rizgjedhjen e Jonaid Myzyrit në krye të Komisionit të Prokurimeve Publike pas dy muajsh dhe pse Myzyrit i përfundon mandati në korrik.
Jonaid Myzyri është i implikuar jo vetëm me favorizimet multimilionëshe të Alko-Impex të cilat po hetohen nga SPAK por ai është dhe tërthorazi financues i fushatës së Ballukut dhe blerjes së votave pasi firmos fitoren e kompanive të sugjeruara nga Balluku që më pas këto kompani të punojnë në Fier për blerje votash. Por harrojnë që nuk kanë kohë e mundësi, SPAK po u troket në derë” shkruana i.