Lajmidites.com

Tag: ballë

  • Dy tërmete të forta shkundin Stambollin, njerëzit boshatisin banesat

    Dy tërmete të forta shkundin Stambollin, njerëzit boshatisin banesat

    Dy tërmete të forta radhazi kanë tronditur Stambollin pasditen e së mërkurës. Konkretisht, i pari ka ndodhur në orën 12:49 me orën lokale dhe ka qenë me magnitudë 6.2 ballë të shkallës Rihter, ndërsa pak më vonë është regjistruar edhe një pasgoditje me magnitudë 5 ballë të shkallës Rihter.
    Lëkundja kryesore është pasuar nga disa tërmete më të lehta, përkatësisht me magnitudë 3.9 dhe 4.4 ballë.
    Megjithëse deri tani nuk ka raportime për persona të lënduar apo dëme materiale, qindra qytetarë të frikësuar kanë dalë në rrugë dhe zona të hapura, ndërsa shumë prej tyre janë parë me lot në sy nga paniku dhe pasiguria. Parqet dhe hapësirat publike janë mbushur me njerëz që kërkojnë siguri larg ndërtesave.

    6.2 magnitude earthquake strikes Istanbul at 12:49 pm, epicentered in Silivri and felt as far as Eskisehir—citizens rush to streets after tremor pic.twitter.com/032H1UI83L

    — Türkiye Today (@turkiyetodaycom) April 23, 2025

    Autoritetet janë në gatishmëri dhe vijojnë të monitorojnë situatën, ndërsa qytetarëve u është bërë thirrje të qëndrojnë të qetë dhe të ndjekin udhëzimet zyrtare.
    /vizionplus.tv

  • Tërmeti 6.2 ballë në Stamboll, eksperti turk bën deklaratën e fortë: Mund të ketë edhe një tërmet më të fortë! Duhet vigjilencë 

    Tërmeti 6.2 ballë në Stamboll, eksperti turk bën deklaratën e fortë: Mund të ketë edhe një tërmet më të fortë! Duhet vigjilencë 

    Stambolli u trondit paraditen e sotme nga tërmete të njëpasnjëshme, pas atij me magnitudë 6.2.

    AFAD bëri të ditur magnitudën e tërmetit me qendër në Silivri në orën 12:49 me magnitudë 6.2 ballë.
    Ndërsa Ministri i Punëve të Brendshme Ali Yerlikaya bëri një deklaratë duke thënë: AFAD dhe institucionet tona përkatëse kanë filluar skanimin me të gjitha ekipet e tyre.
    Sipas medias turke Sabah, eksperti i tërmeteve Şükrü Ersoy bëri deklarata të rëndësishme ndërsa tha se edhe në vitin 2019 në po të njëitn vend ka pasur sërish një tërmet të fortë.
    “Kur po komentonim 3.9, thamë se vendndodhja e tij ishte kritike. Po kështu, një tërmet me magnitudë 5.8 ka ndodhur në të njëjtin vend në vitin 2019. Pra, thamë se mund të jemi të shqetësuar sepse mund të jetë pikënisja e tërmetit të ardhshëm të Marmarasë. Kjo madhësi është shumë e rëndësishme. Mund të ketë një tjrtër tërmet në vijim edhe më i fortë”, tha ai.
    “Është e dobishme të jesh vigjilent. Një pikë ku mund të pritet një tërmet më i madh, pasi vetë tërmeti mund të shkaktojë dëme. Nëse qëndrojmë jashtë, duhet të qëndrojmë në një zonë të hapur, jo aty ku ka shtëpi”, shtoi ai.

    Top Channel

  • SHBA dhe Evropa ballë për ballë në Paris! Bisedime të nivelit të lartë për t’i dhënë fund luftës në Ukrainë

    SHBA dhe Evropa ballë për ballë në Paris! Bisedime të nivelit të lartë për t’i dhënë fund luftës në Ukrainë

    Shtetet e Bashkuara dhe aleatët evropianë zhvillojnë sot në Paris një raund bisedimesh të rëndësishme me fokus përpjekjet për t’i dhënë fund luftës në Ukrainë, në një nga angazhimet më të larta transatlantike që nga fillimi i vitit.

    I dërguari special i Presidentit Donald Trump, Steve Witkoff, dhe senatori Marco Rubio, i cili vepron aktualisht si kryediplomati amerikan në këtë proces, do të takohen me homologët e tyre nga Mbretëria e Bashkuar, Franca dhe Gjermania. Në takim do të marrë pjesë edhe Sekretari i Jashtëm britanik, David Lammy.
    Ky takim vjen në një kohë kur lufta në Ukrainë vazhdon të marrë jetë, siç u dëshmua së fundmi nga sulmet me raketa ruse që shënuan viktima.
    Witkoff pritet të raportojë për një takim të tij të zhvilluar javën e kaluar me presidentin rus Vladimir Putin, një takim që sipas Departamentit Amerikan të Shtetit synon të shfrytëzojë çdo kanal të mundshëm për të ndalur luftimeve.
    Sipas burimeve diplomatike, përfaqësuesit evropianë do t’i kërkojnë Uashingtonit të ushtrojë presion më të madh ndaj Moskës, për të detyruar një armëpushim pa kushte.
    Pas takimeve me presidentin Emmanuel Macron dhe ekipin e tij, Rubio dhe Witkoff do të zhvillojnë gjithashtu bisedime të ndara me zyrtarë të lartë francezë dhe gjermanë, si dhe me këshilltarët e sigurisë kombëtare evropianë.

    Top Channel

  • Tonga goditet nga tërmeti me magnitudë 7.1 ballë, paralajmërim për cunami

    Tonga goditet nga tërmeti me magnitudë 7.1 ballë, paralajmërim për cunami

    Tonga është tronditur nga një tërmet i fuqishëm me magnitudë 7.1 ballë, duke shkaktuar frikën e një cunami.

    Tërmeti ishte në një thellësi prej 10 kilometra nga bregu Pangai, në anën perëndimore të vendit ishullor të Paqësorit Jugor të hënën herët në mëngjes.
    Ekziston një kërcënim për cunami për rajonet përreth me valë të rrezikshme të mundshme, për brigjet që ndodhen brenda 300 kilometrave nga epiqendra.
    Më shumë se 1000 njerëz kanë raportuar se e kanë ndjerë lëkundjen. Nuk pati raportime të menjëhershme për dëme.
    Byroja e Meteorologjisë konfirmoi se nuk ka kërcënim për cunami për Australinë.
    Tonga përbëhet nga 171 ishuj dhe ka një popullsi prej  mbi 100,000 banorësh.

    Top Channel

  • Dalin pamjet satelitore tronditëse nga tërmeti 7.7 ballë që shkatërroi lagje të tëra në Myanmar

    Dalin pamjet satelitore tronditëse nga tërmeti 7.7 ballë që shkatërroi lagje të tëra në Myanmar

    Pamje satelitore tronditëse kanë zbuluar përmasat e jashtëzakonshme të shkatërrimit të shkaktuar nga tërmeti i fuqishëm 7.7 ballë që goditi Myanmarin të premten.

    Imazhet tregojnë ndërtesa të shembura, ura të dëmtuara dhe rrugë të çara në të gjithë Myanmarin qendror, me epiqendër pranë qytetit të dytë më të madh të vendit, Mandalay.

    Operacionet e kërkim-shpëtimit vazhdojnë me intensitet të lartë, duke hyrë në ditën e tretë të përpjekjeve për të gjetur të mbijetuarit nën rrënoja.

    Sipas autoriteteve, numri i viktimave vazhdon të rritet, me të paktën 1,600 të vdekur, mbi 3,400 të plagosur dhe 139 të zhdukur. Ekipet vendase dhe ndërkombëtare po përballen me sfida të mëdha, ndërsa çdo orë është vendimtare për të shpëtuar jetë.

    Tërmeti ndodhi në orët e pasdites së premtes, duke shkaktuar shkatërrimin më të madh në historinë moderne të rajonit. Veçanërisht në Mandalay, shumë lagje janë rrafshuar plotësisht, duke lënë mijëra njerëz të pastrehë.

    Pamjet satelitore para dhe pas tërmetit ofrojnë një pasqyrë të dhimbshme të dëmeve katastrofike dhe vështirësive të rindërtimit që do të pasojnë këtë tragjedi.

  • Shkundet nga tërmeti 7.1 ballë ishulli në oqeanin Paqësor, ja ku ishte epiqendra

    Shkundet nga tërmeti 7.1 ballë ishulli në oqeanin Paqësor, ja ku ishte epiqendra

    Kombi i vogël ishullor Tonga në Paqësor ishte epiqendra e një tërmeti të madh me magnitudë 7.1 ballë. Tërmeti u regjistrua mesditën e së dielës së 30 marsit.

    Sipas të dhënave fillestare nga Instituti Amerikan, tërmeti me magnitudë 7.1 Rihter kishte një thellësi fokale prej 10 kilometrash.

    Qendra e Paralajmërimit të Tsunamit të Paqësorit lëshoi ​​një paralajmërim duke thënë se mund të ketë valë të rrezikshme në brigjet brenda 300 kilometrave (185 milje) nga epiqendra.

    #Earthquake confirmed by seismic data.⚠Preliminary info: M7.0 || 94 km SE of #Pangai (#Tonga) || 10 min ago (local time 01:18:47). Follow the thread for the updates👇 pic.twitter.com/Wnbx9VMXMe— EMSC (@LastQuake) March 30, 2025

  • Tërmeti në Mianmar dhe Tajlandë, bilanci thellohet i viktimave! Regjistrohen dhe dy lëkundje të tjera nga 5,1 ballë!

    Tërmeti në Mianmar dhe Tajlandë, bilanci thellohet i viktimave! Regjistrohen dhe dy lëkundje të tjera nga 5,1 ballë!

    Numri i të vdekurve nga tërmeti me magnitudë 7.7 ballë i shkallës Rihter që tronditi Mianmarin dhe Tajlandën të premten (28 mars) është rritur në mënyrë dramatike.

    Numri i fundit i viktimave sipas autoriteteve në vend flet për mbi 1600 të vdekur, 3408 të plagosur dhe 139 të zhdukur.
    Megjithatë, sipas vlerësimeve të Shërbimit Gjeologjik të Shteteve të Bashkuara (USGS), viktimat mund të arrijnë në 10,000. Në fakt, gërmimet vazhdojnë pa u ndalur mes rrënojave, duke kërkuar për të mbijetuar, por më shpesh për trupa të pajetë.
    Ashtu si 12 fëmijët dhe mësuesja e tyre që u tërhoqën nga pjesa e mbetur e çerdhes së tyre, rajoni Mandalay, ku ishte edhe epiqendra e tërmetit.
    Por frika dhe paniku nuk kanë kaluar ende për banorët. Pasi dy tërmete të tjerë kanë goditur Mianmarin në orët e fundit, pas atyre shumë të fuqishëm (7.7 dhe 6.4) të premten: në orën 10.20 me orën lokale (03.50 me orën europiane) Instituti Amerikan Gjeosezmik (USGS) regjistroi një tërmet me magnitudë 5.1 ballë afër kryeqytetit Naypyidaw, në veri të Mandalay, informon “La Repubblica”.
    Kurse numri i të vdekurve në Bangkok nga tërmeti është rritur në 17, thanë autoritetet e qytetit. Autoriteti Metropolitan i Bangkok tha se 32 persona u plagosën dhe 83 rezultojnë të zhdukur, kryesisht në vendin e ndërtimit të kullës 30-katëshe, që u shemb në tërmetin e së premtes.
    Qentë Sniffer janë vënë në aksion dhe po kërkojnë të mbijetuar nën rrënojat e një ndërtese të shembur në Bangkok.
    Kurse Mbretëria e Bashkuar ka premtuar 10 milionë funte në ndihmë humanitare për Mianmarin, pas një tërmeti që vrau më shumë se 1600 njerëz dhe shkaktoi dëme të gjera në të gjithë vendin.

    Top Channel

  • Pasojat tragjike të tërmetit 7.7 ballë në Mianmar, mbi 1 000 viktima

    Pasojat tragjike të tërmetit 7.7 ballë në Mianmar, mbi 1 000 viktima

    Më shumë se 1 000 persona kanë humbur jetën dhe mijëra të tjerë janë plagosur nga tërmeti shkatërrues me magnitudë 7.7 ballë që goditi ditën e djeshme Mianmarin.
    Qeveria e juntës në Mianmar njoftoi një rritje të ndjeshme të numrit të viktimave, duke konfirmuar deri tani 1 002 të vdekur dhe 2 376 të plagosur.
    Shumica e viktimave ndodhen në Mandalay, qytetin e dytë më të madh të vendit dhe më afër epiqendrës së tërmetit. Ekipet e shpëtimit në Mandalay raportojnë se njerëzit po kërkojnë me duar në rrënoja për të gjetur të mbijetuarit.
    Ndërkohë, qyteti Naypyidaw është goditur rëndë, me 94 të vdekur sipas një deklarate zyrtare.
    Në Bangkok të Tajlandës, operacionet e kërkimit po vazhdojnë pasi një ndërtesë e papërfunduar u shemb, duke lënë të zhdukur rreth 100 punëtorë dhe duke shkaktuar vdekjen e 6 personave, sipas zyrtarëve lokalë.
    Ekipet e shpëtimit në Bangkok raportojnë se kanë zbuluar të paktën 15 persona të gjallë nën rrënoja, ku të mbijetuarit ndodhen në një thellësi prej 5 deri në 10 metra.
    Pritet të përdoren makineri të rënda për të hequr sa më shpejt pjesët e ndërtesës së shembur. BE ka njoftuar se do të japë 2.5 milionë euro ndihmë për Mianmarin. Po ashtu edhe Korea e Jugut do të ofrojë 2 milionë dollarë ndihmë humanitare për Mianmarin përmes organizatave ndërkombëtare si ndihmë fillestare.

    FACT CHECK:
    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

    KLIKO PËR TË VOTUAR

  • Tërmeti me magnitudë 7.7 ballë në Mianmar, shkon në 1002 numri i të vdekurve

    Tërmeti me magnitudë 7.7 ballë në Mianmar, shkon në 1002 numri i të vdekurve

    PAMJE NGA VENDNGJARJA

    MIANMAR- Numri i të vdekurve nga tërmeti i fuqishëm që goditi Mianmarin një ditë më parë ka kaluar mbi 1000 viktima, ndërkohë raportohet se të paktën 2376 kanë mbetur të plagosur.
    Numri i të vdekurve në Mianmar është 1,002, tha qeveria ushtarake të shtunën, shumë më i lartë nga raportet fillestare të medias shtetërore për 144 të vdekur të premten. Të paktën nëntë persona u vranë edhe në Tajlandë, ku tërmeti me magnitudë 7.7 rihter rrëzoi një ndërtesë në kryeqytetin Bangkok, duke bllokuar 30 njerëz nën rrënoja, ndërsa janë 49 të tjerë të zhdukur.
    Pas kësaj tragjedie BE ka njoftuar se do të japë 2.5 milionë euro ndihmë për Mianmarin. Po ashtu edhe Korea e Jugut do të ofrojë 2 milionë dollarë ndihmë humanitare për Mianmarin përmes organizatave ndërkombëtare si ndihmë fillestare, tha të shtunën ministria e saj e jashtme.

    Tërmeti dëmtoi rrugë, ura dhe ndërtesa në Mianmar. Tërmeti me magnitudë 7,7 ballë Rihter goditi dje (28 mars) Mianmarin qendror, në një thellësi prej 10 kilometrash. Ai u pasua pak minuta më vonë nga një pasgoditje me magnitudë 6,7 ballë. Instituti gjeozizmik italian, tha se goditja kryesore ishte 300 herë më e fuqishme se ajo e Amatrice në vitin 2016./ZËRI