Lajmidites.com

Tag: babait

  • Humbja e peshës pas vdekjes së babait, Kelly Osbourne i përgjigjet ashpër kritikëve

    Humbja e peshës pas vdekjes së babait, Kelly Osbourne i përgjigjet ashpër kritikëve

    Kelly Osbourne po merr qëndrim ndaj kritikave të ashpra për humbjen e saj të dukshme në peshë, me mbështetje të plotë nga nëna e saj, Sharon Osbourne. Gjatë një interviste me gazetarin britanik Piers Morgan, Sharon u shpreh mbi ditët e fundit të bashkëshortit të saj, legjendës së rockut Ozzy Osbourne, ndërsa u transmetua një video nga Instagrami i Kelly, në të cilën ajo përballet me komentet negative të ndjekësve për humbjen e saj të peshës.
    Në videon e fshirë më vonë, Kelly tha: “Për ata që mendojnë se janë qesharake dhe të keqija duke shkruar komente si ‘A je e sëmurë?’ apo ‘Shkruaj nga Ozempic, nuk dukesh mirë.’ Babai im sapo vdiq dhe po bëj më të mirën që mundem, dhe e vetmja gjë që kam për të jetuar tani është familja ime. Dhe unë zgjedh të ndaj me ju pjesën e lumtur të jetës sime, jo atë të mjerueshme.”
    Ajo përfundoi mesazhin e saj të fortë me një “F— off” për ata që e kritikojnë.
    Sharon, gjithashtu e shprehu mbështetjen e saj për vajzën dhe theksoi se Kelly po kalon një periudhë shumë të vështirë pas humbjes së babait të saj. “Ajo ka humbur babain e saj, nuk mund të hajë tani,” tha Sharon.

    Kelly, tani 41 vjeç, u bë e njohur që në moshën 15-vjeçare përmes shfaqjes së realitetit The Osbournes, dhe ka qenë gjithmonë e hapur për sfidat që ka përjetuar me imazhin e trupit dhe peshën e saj.

  • Eric Trump bëhet 10 herë më i pasur që nga zgjedhja e babait të tij si president i SHBA-ve

    Eric Trump bëhet 10 herë më i pasur që nga zgjedhja e babait të tij si president i SHBA-ve

    Eric Trump, i cili menaxhon biznesin e babait të tij, Donald Trump, prej nëntë vitesh, ka arritur një pasuri të konsiderueshme, duke arritur një vlerë neto prej rreth 400 milionë dollarësh, më shumë se çdo vëlla e motër tjetër në familje. Megjithëse ai nuk zotëron asnjë pjesë të pronësisë së njohur të Trump Organization, Eric ka përfituar nga bizneset e reja që shfrytëzojnë famën politike të babait të tij.
    Shumica e pasurisë së tij vjen nga American Bitcoin, një kompani që minon dhe ruan kriptovaluta. Deri në fund të shtatorit, kompania mbante 3 mijë e 418 Bitcoin, vlerë rreth 320 milionë dollarë, ndërsa pjesa e Eric prej 7.3% vlerësohet rreth 160 milionë dollarë. Ai është gjithashtu bashkë-themelues i World Liberty Financial, që ka shtuar edhe rreth 135 milionë dollarë në pasurinë e tij.
    Eric-u filloi aventurën e tij me kriptovaluta me American Data Centers, që më pas u bashkua me Hut 8 për të krijuar American Bitcoin dhe më pas me Gryphon, një kompani publike e minimit të Bitcoin. Qëllimi i kompanisë është të zgjidhë puzzle-t e Bitcoin sa më lirë të jetë e mundur dhe të rrisë stoqet e saj.
    Megjithëse vlera e aksioneve të tij ka pësuar luhatje të mëdha, duke rënë këtë javë në 2.39 dollarë për aksion, Eric-u mbetet i përkushtuar në industrinë e kriptomonedhave dhe pretendon se nuk ka ndërmend të shesë aksionet e tij.
    Përveç kriptove, Eric ka përfituar edhe nga marrëveshjet e licencimit dhe menaxhimit të Trump Organization, duke përfshirë tregje të reja në Dubai, Arabinë Saudite, Vietnam, Katar, Indi, Rumani dhe Maldivet. Ai zotëron gjithashtu prona luksoze në Florida dhe New York, dhe aksione në firma të ndryshme financiare që kanë mbështetur investimet e tij dhe të vëllait të tij.
    Me këtë pasuri dhe eksperiencë, Eric Trump duket se po ndjek modelin e babait të tij, duke përdorur famën politike dhe biznesin për të ndërtuar një status më të qëndrueshëm si miliarder, ndërsa nuk përjashton mundësinë e një karriere politike në të ardhmen.

  • Orinda Huta flet për humbjen e babait: Më mungon shumë

    Orinda Huta flet për humbjen e babait: Më mungon shumë

    Artistja e njohur, Orinda Huta ka ndarë sot një moment të ndjeshëm nga jeta e saj personale, duke folur me sinqeritet për humbjen e të atit dhe boshllëkun e madh që ai la pas.
    Gjatë pjesëmarrjes në panelin e emisionit “Goca dhe Gra”, moderatorja tregoi se i ati ka qenë jo vetëm shtylla kryesore e familjes, por edhe burimi i energjisë pozitive dhe i frymës së punës që ajo dhe motra e saj mbartin sot.
    “Do kisha dashur të kisha më shumë momente të fotografuara me familjarët. Kur na duhen këto momente, nuk i kemi,” – u shpreh ajo me emocione.
    Ajo tregoi se mungesa e babait është e thellë dhe e pazëvendësueshme, por kujtimet e tij mbeten një udhërrëfyes në jetën e saj të përditshme.
    “Absolutisht ai na ka rritur me një frymë shumë të mirë. Ka bërë një punë të shkëlqyer me mamin. Është përpjekur gjithmonë të na japë pozitivitet, punë dhe mirënjohje. Nuk kam asgjë tjetër për t’i thënë, veçse se e dua shumë,” shtoi Orinda, duke emocionuar panelin dhe publikun.
    Në fund, Orinda theksoi se kujtimet me të atin mbeten sot një nga thesaret më të çmuara të jetës së saj dhe një arsye më shumë për të vlerësuar familjen dhe çdo moment me njerëzit e dashur.

  • Greer Grammer flet për mungesën e babait: 12 vjet pa kontakt

    Greer Grammer flet për mungesën e babait: 12 vjet pa kontakt

    Aktorja Greer Grammer ka folur për herë të parë kaq hapur rreth marrëdhënies së komplikuar me të atin, aktorin e njohur të Hollywood-it, Kelsey Grammer. Gjatë një interviste në podcast-in “Pretty Basic”, Greer zbuloi se për plot dymbëdhjetë vjet nuk ka pasur asnjë kontakt me të atin, një periudhë që nisi kur ajo ishte vetëm katër vjeçe dhe zgjati deri në moshën gjashtëmbëdhjetë vjeçare.
    E pyetur nga moderatorja Alisha Marie nëse ekziston ndonjë keqkuptim që njerëzit shpesh kanë për të, Greer u shpreh se mbiemri i saj i njohur i bën njerëzit të besojnë se ajo është rritur në luksin e botës së Hollywood-it. “Njerëzit mendojnë se unë kam pasur gjithë jetën time praninë e babait tim dhe privilegjet që vijnë me këtë. Por e vërteta është krejt ndryshe. Babai im më la kur isha katër vjeç dhe nuk e takova sërish deri në moshën 16 vjeçare,” tregoi ajo.
    Aktorja shtoi se gjatë terapisë është përballur me pyetjen se kur e kishte kuptuar për herë të parë mungesën e babait, por nuk arrinte ta kujtonte. Greer zbuloi gjithashtu se e kishte takuar Kelsey-n vetëm një herë kur ishte 11 vjeç, por takimi nuk kishte pasur ndonjë ndikim të madh në jetën e saj të asaj kohe.
    Sot, marrëdhënia e tyre është përmirësuar dukshëm. Greer, që është fëmija i vetëm i Kelsey Grammer me Barrie Buckner, tha se së fundmi ata kanë krijuar një raport të mirë dhe se babai i saj ka qenë mbështetës në mënyrë financiare dhe emocionale gjatë viteve të fundit.

  • Lindita Ahmeti: Udhëtimi i babait nëpër këngën e vjeshtës

    Lindita Ahmeti: Udhëtimi i babait nëpër këngën e vjeshtës

    Lindita Ahmeti

    Nga Lindita Ahmeti

    hapat e babait nëpër natën vjeshtore me selenën e purpurt që hedh dritë në shtege nxisin komunikimin me qetësinë e pyllitdhe kuptohen mirë mes vetes babai e qetësiababai ndonëse e ka një pyetje nostalgjike për vjeshtëns’e thotë me gojës’e turbullon qetësinëpo e shkruan pyetjen në fletët e heshtjes ulur në rrënjën e bungutjanë foljet e shpërndara gjithandej që e çojnë babanë të ngrihet në këmbëecën aindërsa gjethet e thata zgjohen dhe bëjnë muzikë xhazi nën këmbët e lodhura të plakutpastaj fryn pak eolitingujt e butë të erës së freskët kur i ledhatojnë gjethetdhe dalja në skenë e mbiemrave të përmallshëmjanë në të vërtetë përgjigje e vjeshtës për babanë e cila pëshpëritju iku vera e blertëju iku vera e blertëzogjtë të renditur si fjalët e demostenit para athinasvekur filipi futej në polis me ushtarët e tijkërkojnë shpresën e mirë duke lënë mbrapa ngjyrat e vjeshtëspastaj tingujt e freskët të gjetheve të thata kërcëllojnëbëhen vërejtje për krijesat e imta të pyllitpër merimangat që prodhojnë mëndafshin më të mirëpër mizat gjarpërinjtë minjtë buklat e shqarthatpër ndonjë hardhucë të blertë që s’ndalet së vrapuari nëpër bar pas ndonjë kandredhe për breshkat që e demonstrojnë hijerëndësinë kur ecindhe ta merr mendja edhe për sutat e buta që e zbukurojnë pamjen e pyllit kur i bie hënapër të gjithë banorët e gjelbërimit që janë rehatuar në mbretërinë e gjumitjepet alarmi e shtohen thirrmat e larëvekujdesndonëse babai shpërndan ëndrrën e bukur në këtë mbretëri magjepse si gjithmonëbota e pyllit ka rendin e vet dhe e dëgjon vetëm përvojëne veshur me njëqind ngjyra që hedh hëna ajo shkon shtigjeve të sajpa e dalluar babanë nga kalimtari i pakujdesshëm i cili kënaqet kur shkel fluturadhe babai ecën ecën nëpër këtë botë që e bën të prekshme vetminëdhe me gjithë kujdesin që kandonjë thnegël e pëson prej këmbës së tijduke dështuar në luftën e egër të darvinit për një kënd të padukshëm ngrohtësiekapërcejnë pastaj nëpër mendjen e babait foljet e ngarkuara me pikëllimpër një mijë këngë të lisnajës që tretenpastaj babai ulet sërish në rrënjë të bungutpërballë një ketri që kërcen nga imazhi në imazhatëherë visorja e hap faqen e magjisë së sajnë dritë të këtij tregimi shfaqen kuqëloret si ombrellat e zanavevendosur nëpër shtigjet kah kalon dianadhe dalin si në shuplakë pikturat e pyllitbabai vazhdon udhënvihen në lëvizje mijëra zëre nga frika kur ofshan ai nga pesha e udhëtimitkjo në pyll merret si bori e faunitbabai i heq këpucët atëherë dhe i dorëzohet harmonisë së pyllite koha rrjedhduke sjellë mëngjesin e kuqërremtëharabelat nëpër degëzat e kaçubave dhe të fijeve të barit të gjatë me fara të imtae ndërpresin ëndrrënia nisin këngës koraledhe bashkë me kandrat e hapin librin e muzikësme tinguj të cilët nga shporta semasiologjike e asaj bote e shpërfaqin hijeshinëe kërpudhave kuqëloretë mijëra e mijëra kuqëloreve që e stolisin pyllindhe e gjithë kjo do të jetë një poezi e pashkruar e sapfos që është dashur të bëhet himnpër mrekullinë e kuqëlorevemidis të cilave kalon zbathurnë majë të gishtaveim atë i mirëdhe të cilat i mbledh e i ruan nimfa në herbariumin prej papirusie që më vonë do të flasinsi një ditar i shkruar shqip.

    ObserverKult

    Lexo edhe:

    LINDITA AHMETI: LETËR VËLLAIT

  • E rëndë në Itali, nëna vret fëmijën e saj 9-vjeçar. Gjykata ia besoi babait pas divorcit, gruaja kundërshtoi vendimin

    E rëndë në Itali, nëna vret fëmijën e saj 9-vjeçar. Gjykata ia besoi babait pas divorcit, gruaja kundërshtoi vendimin

    Një ngjarje e rëndë ka ndodhur në Itali mbrëmjen e djeshme. Sipas mediave vendase, një grua vrau  djalin e saj 9-vjeçar duke i prerë fytin.
    Fëmija i ishte besuar babait të tij pasi çifti ishte divorcuar, por gruaja, e cila po trajtohet në një qendër të shëndetit mendor, e kundërshtoi vendimin.
    Ansa raporton se gruaja dyshohet se përdori një thikë kuzhine për të vrarë djalin e mitur dhe më pas u përpoq të lëndonte veten.

    Sipas raportimeve, kur zjarrfikësit dhe forcat e rendit mbërritën në shtëpi, fëmija kishte qenë i vdekur prej orësh dhe trupi i tij ishte në banjo.
    Gruaja pasi mori ndihmë mjekësore, u arrestua./vizionplus.tv

  • Film ndërkombëtar për Reçakun dhe luftën në Kosovë, pjesë e kastit edhe Robert De Niro

    Film ndërkombëtar për Reçakun dhe luftën në Kosovë, pjesë e kastit edhe Robert De Niro

    Një film ndërkombëtar që do të trajtojë luftën e Kosovës pritet të mbledhë dhjetëra aktorë të njohur të Hollywoodit, përfshirë edhe legjendën e kinemasë Robert De Niro.

    Lajmin e ka bërë të ditur producenti nga Kosova, Fitim Krasniqi, i cili prej vitesh realizon filma për tregun ndërkombëtar.

    Në një intervistë me Blendi Fevziun, Krasniqi konfirmoi se Robert De Niro do të luajë rolin e babait të tij.

    “Është historia e babait tim, dhe masakrën e Reçakut, dhe luftës që ka ndodhur në Kosovë nga fillimi deri në fund”, ka deklaruar ai.

    Producenti ndau me emocion edhe rrëfimin e dhimbshëm për fatin e të atit, i cili gjatë luftës ishte plagosur dhe më pas djegur për së gjalli, një histori që tani do të shndërrohet në një film me mesazh të fuqishëm njerëzor.

    Krasniqi pohoi se në këtë projekt do të marrin pjesë 71 aktorë nga Hollywoodi, ndër ta edhe Robert De Niro, dhe se të gjitha kontratat tashmë janë nënshkruar.

    Ai konfirmoi gjithashtu se De Niro ka pranuar të portretizojë rolin e babait të tij.

    Xhirimet për filmin pritet të nisin vitin e ardhshëm, pasi fillimisht ishin planifikuar të fillonin këtë vit, por janë shtyrë për arsye organizative.

    ObserverKult

    Lexo edhe:

    GJERGJ FISHTA: KUSH NA E KRITIKON GJUHËN ASHT HASËM

  • Pano “shpërthen” ndaj deputetëve/ O të paudhë, si do t’i dilni përballë babait dhe nënës

    Pano “shpërthen” ndaj deputetëve/ O të paudhë, si do t’i dilni përballë babait dhe nënës

    Pastori Akil Pano ka bërë një reagim të ashpër ndaj deputetëve të Kuvendit të Shqipërisë, të cilët në seancën e djeshme plenare miratuan projektligjin për “Barazinë Gjinore”, i cili tashmë pas botimit në Fletoren Zyrtare merr formën totale të ligjit.
    “Çmimi i tradhëtisë së 77 kartonave”, e nis mesazhin e tij Pastori, duke ju referuar 77 votave që mori projektligji nga deputetët e mazhorancës, ndërsa opozita votoi kundër, ashtu siç kishte paralajmëruar.
    “Sekti votoi kundër interesave më të lartë të familjes, shqiptarëve, Shqipërisë. Mes tyre, të krishterët dhe muslimanët votuan kundër Biblës dhe Kuranit. Dishepujt dhe një herë treguan që kulti i tyre më i lartë është pushteti. Çdo gjë veç Zotit.
    Si do të dilni sot përpara babait dhe nënës, gruas dhe fëmijëve tuaj o të paudhë. Ju që me ngritjen e kartonit mohuat ata që ju rritën dhe dënuat ata që quani të ardhmen tuaj. Ofruat bijtë tuaj si olokaust në zjarr, mbi altarët e Baalit dhe Molekut në këmbim të pushtetit.
    Sektarë të paditur, të kapur nga një botë instiktesh, të verbër që ndiqni qorrazi udhën e gjerë që ju çon në shkatërrim. Shitët shpirtin e kombit për 30 monedha argjendi pa menduar që ky është çmimi që i vendosët shpirtit tuaj”, përmbyllet reagimi i Akil Panos.
    Kundërshtimet e opozitës në Kuvend dhe përfaqësuesve të komuniteteve fetare e shoqërisë civile u fokusuan tek terminologjia për identitetin gjinor, me pretendimet se përkufizimet e nismës binin ndesh me familjen dhe traditën shqiptare si dhe i hapnin rrugë sipas tyre, njohjes ligjore të komunitetit LGBTI+.

  • Kleofina rrëfen për herë të parë historinë e njohjes me futbollistin Benjamin Pavard

    Kleofina rrëfen për herë të parë historinë e njohjes me futbollistin Benjamin Pavard

    Modelja dhe influencerja shqiptare Kleofina ka ndarë detaje nga jeta e saj private, gjatë intervistës në emisionin “Mirëmbrëma yje”. Ajo ka folur hapur për fillimet e lidhjes së saj me futbollistin francez Benjamin Pavard, një histori që, siç tregon ajo, nuk ka qenë e lehtë për ta vendosur në dijeni familjen. Kleofina rrëfeu se për muaj të tërë kishte hezituar t’i tregonte babait të saj se ishte në një marrëdhënie me një lojtar të njohur ndërkombëtar.
    “E kisha të pamundur ta imagjinoja veten përballë babait duke i thënë se po dilja me një francez,” – tregoi ajo.Pikërisht për këtë arsye, rolin e “lajmëtarit” e mori vëllai i saj, i cili ishte i vetmi që e dinte fillimisht lidhjen.
    Sipas saj, edhe pasi babai u informua, ai nuk shfaqi asnjë reagim të dukshëm.
    “Ne ishim në pushime në Greqi kur vëllai ia tha babait. Ai u soll sikur nuk e kishte dëgjuar fare këtë lajm. E vazhdoi ditën krejt normalisht,”- kujtoi modelja.
    Kleofina tregoi se pas disa muajsh marrëdhënia me Pavard ishte ende e qëndrueshme dhe serioze, çka bëri që familja të kthehej sërish te biseda e ndërlikuar.
    “Kaluan gjashtë muaj dhe unë ende isha e dashuruar me Benjaminin. Vëllai im shkoi edhe një herë dhe ia tha babait, më qartë këtë herë,” – tha ajo.
    Në vijim të rrëfimit, Kleofina zbuloi edhe një moment vendimtar që e ndryshoi krejt situatën.
    “Benjamin udhëtoi nga Milano në jug të Francës vetëm për të takuar babain tim. Qëndroi tre ditë atje duke pritur, sepse babai im nuk pranonte të dilte ta takonte,”- tregoi modelja.
    “Takimi përfundoi më mirë sesa e kisha imagjinuar,” – shtoi ajo.

  • Dhimbje e madhe në familjen e lojtarit të Manchester United, babai vret veten

    Dhimbje e madhe në familjen e lojtarit të Manchester United, babai vret veten

    Lajmi tragjik i vdekjes së babait të Rhys Bennett, një lojtari i akademisë së Manchester United, ka prekur thellë komunitetin e futbollit dhe familjen.
    Mbrojtësi 21-vjeçar Rhys, ndau hidhërimin e tij për vetëvrasjen e të atit, duke u shprehur  se është i shkatërruar pas kësaj humbje-je të madhe..

    “Babi, nuk e mendova kurrë se do të më duhej ta shkruaja kaq herët. Jam i thyer, i shkatërruar, nuk dua ta besoj, por është e vërtetë. Nga drejtimi i makinës për të më çuar në stërvitje, deri te çdo ndeshje ku më shikoje të përmbushja ëndrrën time për t’u bërë futbollist profesionist — të dua në këtë jetë dhe në tjetrën,” shkroi Bennett në rrjetet sociale.
    Ndërkaq, motra e Rhys, Megan, ndau historinë e babait të saj për të rritur ndërgjegjësimin rreth shëndetit mendor, duke theksuar se si depresioni dhe alkooli kishin ndikuar në jetën e babait të saj. Ajo theksoi nevojën për të folur hapur për këto çështje në mënyrë që të tjerët të mos ndihen vetëm në vuajtjet e tyre.