Lajmidites.com

Tag: avokatëve

  • Dosja “Partizani”, zvarritet çështja në Gjykatë, seanca u shty pasi mungonte njëri prej avokatëve

    Dosja “Partizani”, zvarritet çështja në Gjykatë, seanca u shty pasi mungonte njëri prej avokatëve

    sali berisha dhe jamarber malltezi

    TIRANË- Dosja ‘Partizani’ është zvarritur sërish, ndërsa këtë të martë seanca u shty për shkak se mungonte një prej avokatëve. Gjykata e Posaçme shtyu seancën për në datën 10 Dhjetor në ngarkim të Sali Berishës, Jamambër Malltezit, Fatmir Bektashit, Xhimi Begesë dhe Andia Pustinës, për shkak të mungesës së avokatit Sokol Hazizaj. Ky i fundit është avokati mbrojtës i Bektashit.
    Në seancën e datës 10 nëntor, GJKKO rrëzoi kërkesat paraprake të avokatëve mbrojtës të ish-kryeministrit Sali Berisha dhe dhëndrit të tij, Jamarbër Malltezi, lidhur me pavlefshmërinë e akteve të administruara gjatë hetimeve për dosjen “Partizani”.
    Sipas vendimit të gjykatës, pretendimet e mbrojtjes u vlerësuan si të pabazuara në ligj. Trupi gjykues theksoi se ndaj prokurores së çështjes, Irena Gjoka, nuk ekziston asnjë vendim që ndalon ushtrimin e detyrës së saj, ndërsa caktimi i ekspertëve është bërë në përputhje me procedurat ligjore.
    Ish-kryeministri Sali Berisha akuzohet për “korrupsion pasiv të zyrtarëve të lartë”, kryer në bashkëpunim, ndërsa Jamarbër Malltezi për korrupsion aktiv dhe pastrim parash.
    Dosja lidhet me privatizimin e ish-kompleksit sportiv “Partizani” në Tiranë, që dikur ishte pronë e Ministrisë së Mbrojtjes. Hetimet e SPAK pretendojnë se ky proces është zhvilluar në mënyrë të paligjshme dhe ka sjellë përfitime të padrejta për Jamarbër Malltezin, dhëndrin e ish-kryeministrit Sali Berisha.

  • Plarent Dervishaj braktis gjyqin dhe heq dorë nga avokatët: Bëjeni vetë…

    Plarent Dervishaj braktis gjyqin dhe heq dorë nga avokatët: Bëjeni vetë…

    Plarent Dervishaj vendosi të heqë dorë nga mbrojtja e tij. Ai deklaroi se nuk mund të përballej më me mënyrën se si gazetarët dizinformojnë deklarimet e dëshmitarëve.

    “Nuk e kam për të gjithë, por për emra të veçantë. Atëherë çfarë kërkojmë ne këtu? Unë heq dorë nga avokatët Ilia Ilia dhe Gerta Gorjani. Bëni gjyqin vetë, prokurorin ja ku e keni. Nuk paraqitem më në gjyq,” tha Dervishaj para se të largohej nga salla. Pas tij, avokatët gjithashtu braktisën seancën.

    Prokurori Adnan Xholi u shpreh se e drejta e të pandehurit për të marrë pjesë ose jo në gjykim duhet respektuar, por largimi i avokatëve nuk ishte i nevojshëm. Ai kërkoi që gjykata të merrte masa, duke përfshirë zëvendësimin e avokatëve ose shtyrjen e seancës, pa ndërprerë afatet e paraburgimit, si dhe njoftimin e Dhomës Kombëtare të Avokatisë për braktisjen e seancës.

    Nga ana e tij, avokati Isuf Shehu theksoi se nuk kishte arsye për pezullimin e afateve të paraburgimit dhe as për shtyrjen e gjykimit.

  • Veliaj kërkon laptop në qeli…Shtyhet seanca, përplasje në GJKKO mes avokatëve dhe prokurorit të SPAK

    Veliaj kërkon laptop në qeli…Shtyhet seanca, përplasje në GJKKO mes avokatëve dhe prokurorit të SPAK

    erion veliaj

    TIRANË- Gjykata e Posaçme Antikorrupsion (GJKKO) ka shtyrë seancën paraprake për Erion Veliaj dhe të pandehurit e tjerë në dosjen e njohur, duke caktuar datën e re më 2 dhjetor. Shkak i shtyrjes u bë kërkesa e avokatëve të Veliajt për t’u njohur me aktet.
    Mësohet se gjatë seancës së sotme, avokatët e Veliaj i kanë kërkuar kohë gjykatës gjithashtu që klienti i tyre të njihet personalisht me aktet e dosjes dhe që ato t’i dërgohen në burg. Nga ana tjetër, prokurori i SPAK ka replikuar duke theksuar se: “Jeni njohur me aktet, kërkoni të gjykoheni dhe nuk vini në gjykim”.
    Mgjithatë, gjykata ende nuk është shprehur lidhur me kërkesën për laptopin në qeli të Veliajt për të lexuar aktet. Kërkesa e kryebashkiakut u bë publike në sallën e gjyqit nga avokatët e tij.
    Veliaj u arrestua më 10 shkurt pasi akuzohet se, së bashku me bashkëshorten Ajola Xoxa, ndërtuan një skemë komplekse korrupsioni dhe pastrimi parash, për të përfituar në mënyrë të paligjshme nga fondet e bashkisë së kryeqytetit dhe ryshfete nga biznesmenë, kontraktorë të saj, duke përdorur një rrjet kompanish dhe organizatash jofitimprurëse.
    Sipas SPAK, kryebashkiaku i kryeqytetit dhe bashkëshortja e tij kanë përfituar rreth 1 milionë euro nga kjo skemë korruptive, para që janë përdorur kryesisht për blerje luksoze në internet nga Ajola Xoxa. Mbi Veliajn rëndon gjithashtu akuza për ‘shpërdorim detyre’, ‘pastrimi i produkteve të veprës penale ose veprimtarisë kriminale’, ‘futja ose mbajtja e sendeve të ndaluara në institucionin e ekzekutimit të vendimeve me burgim’ dhe refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim./ZËRI

  • SYRI TV/ Dosja ‘Partizani’, GJKKO pranon dy kërkesat e avokatëve

    SYRI TV/ Dosja ‘Partizani’, GJKKO pranon dy kërkesat e avokatëve

    Gjykata e Posaçme pranon dy nga kërkesat e avokatëve gjatë seancës për dosjen “Partizani” mbi ekstraktet e disa kompjuterëve të sekuestruar, që u konsideruan si masa antikushtetuese, si dhe mbi kërkesën e avokatëve të Berishës që të pyetet si dëshmitar një ekspert topograf. Mbrojtja gjithashtu kishte evidentuar konfliktin e interesit të ekspertëve shkencor në policinë që dikur drejtohej nga kallëzuesi i Berishës Taulant Balla, por togat e zeza e rrëzuan.

    Syri TV

    Gjykata e Posaçme pranoi kërkesën e avokatëve të të akuzuarve për dosjen “Patrtizani”, që të pyetet një ekspert topografik, dhe të thirret si dëshmitarë nëse ka plotësuar kushtet ose jo për të kryer këtë detyrë. Po ashtu GJKKO urdhëroi SPAK që të dhënat e ekstraktuara nga 3 pajisje kompjuterike të sekuestruara “Studio Pustina”, por që janë kthyer më pas, të mos përdoren dhe të konsiderohen të pavlefshme. Por teksa pranoi dy nga kërkesat, togat e zeza rrëzuan disa të tjera të depozituara nga mbrojtja e liderit të opozitës Sali Berisha dhe Jamarbër Malltezit. Ato kanë të bëjnë me ekspertët e policisë shkencore që të pandehurit pretendonin se kanë qenë në konflikt interesi pasi kanë kryer ekspertime ndërkohë që kallëzimi ishte kryer nga Taulant Balla, ish-ministër i Brendshëm. Avokatët kërkuan pavlefshmëri absolute të akteve hetimore të SPAK që lidhen me vendimet e marra gjatë hetimeve paraprake nga gjyqtarja Irena Gjoka. Në arsyetimin e GJKKO-së të gjitha pretendimet për masat e sigurimit i janë nënshtruar kontrollit gjyqësor deri në Gjykatën kushtetuese. GJKKO shton se shkaqet që parashtrohen nga kërkuesi mbeten deklarative, dhe se ekspertët e institutit të policisë shkencore kanë kryer detyrën bazuar në ligj. Por ndërkohë GJKKO do thërrasë një ekspert topograf të dëshmoje për njohuritë dhe kualifikimet e tij e më pas do shprehet për një nga kërkesat për pavlefshmëri absolute.

    GJKKO konstaton se disa nga pretendimet nuk përfshihen në kategorinë e kërkesave paraprake por duhet ti nënshtrohen shqyrtimit gjyqësor. Gjatë seancës së kësaj të hënë, Gjykata rrëzoi kërkesën e shoqërisë ‘Kontakt” për gjykim të shkurtuar ndërsa avokatët kërkuan kohë duke bërë që gjyqi të shtyhej për në datën 25 nëntor në orën 11.00

  • Dita Europiane e Avokatëve/ U arrestua pak ditë më parë, Ulian Barjami: Cenim i shtetit të së drejtës

    Dita Europiane e Avokatëve/ U arrestua pak ditë më parë, Ulian Barjami: Cenim i shtetit të së drejtës

    Ulian Barjami, avokati i arrestuar pak ditë më parë në Elbasan, ka reaguar sot në ditën Europiane të Avokatëve.

    Barjami shkruan se është ” gjendur viktimë e një ndalimi të paligjshëm, që nuk ishte vetëm një përvojë personale, ishte një kujtesë e fortë se respekti për avokatin është respekt për drejtësinë”.
    Cenimi ndaj avokatit thotë Barjami është cenim i themeleve të shtetit të së drejtës.
    Reagimi i avokatit Ulian Barjami:
    Sot, në Ditën Europiane të Avokatëve, ndjej më shumë se kurrë peshën dhe përgjegjësinë që mbart ky profesion fisnik. Ngjarja e fundit, ku u gjenda viktimë e një ndalimi të paligjshëm, nuk ishte vetëm një përvojë personale, ishte një kujtesë e fortë se respekti për avokatin është respekt për drejtësinë.
    Kjo ditë na kujton se avokatët janë mburoja e qytetarëve përballë çdo padrejtësie. Çdo cenim ndaj tyre është cenim ndaj vetë themeleve të shtetit të së drejtës.
    Le ta shfrytëzojmë këtë ditë për të reflektuar, për t’u bashkuar dhe për të mbrojtur dinjitetin e profesionit tonë. Sepse drejtësia nuk ekziston pa avokatin, dhe avokati nuk mund të ekzistojë pa respektin që i detyrohemi si shoqëri.

    Top Channel

  • Dita Europian e avokatëve/ U arrestua pak ditë më parë, Ulian Barjami: Cenim i shtetit të së drejtës

    Dita Europian e avokatëve/ U arrestua pak ditë më parë, Ulian Barjami: Cenim i shtetit të së drejtës

    Reagimi i avokatit Ulian Barjami:
    Sot, në Ditën Europiane të Avokatëve, ndjej më shumë se kurrë peshën dhe përgjegjësinë që mbart ky profesion fisnik. Ngjarja e fundit, ku u gjenda viktimë e një ndalimi të paligjshëm, nuk ishte vetëm një përvojë personale, ishte një kujtesë e fortë se respekti për avokatin është respekt për drejtësinë.
    Kjo ditë na kujton se avokatët janë mburoja e qytetarëve përballë çdo padrejtësie. Çdo cenim ndaj tyre është cenim ndaj vetë themeleve të shtetit të së drejtës.
    Le ta shfrytëzojmë këtë ditë për të reflektuar, për t’u bashkuar dhe për të mbrojtur dinjitetin e profesionit tonë. Sepse drejtësia nuk ekziston pa avokatin, dhe avokati nuk mund të ekzistojë pa respektin që i detyrohemi si shoqëri.

    Top Channel

  • Dita Europiane e avokatëve/ U arrestua pak ditë më parë, Ulian Barjami: U gjenda viktimë e një ndalimi…

    Dita Europiane e avokatëve/ U arrestua pak ditë më parë, Ulian Barjami: U gjenda viktimë e një ndalimi…

    Në Ditën Europiane të Avokatëve, avokati Ulian Barjami ka reaguar duke kujtuar rëndësinë e rolit të avokatëve si mburojë e qytetarëve përballë padrejtësive. Duke u rikthyer tek përvoja e tij e fundit me një ndalim të paligjshëm, Barjami thekson se respekti për avokatin është respekt për drejtësinë dhe themelet e shtetit të së drejtës, duke bërë thirrje për reflektim dhe mbrojtjen e dinjitetit të këtij profesioni fisnik.

    Reagimi i avokatit Ulian Barjami:

    Sot, në Ditën Europiane të Avokatëve, ndjej më shumë se kurrë peshën dhe përgjegjësinë që mbart ky profesion fisnik. Ngjarja e fundit, ku u gjenda viktimë e një ndalimi të paligjshëm, nuk ishte vetëm një përvojë personale, ishte një kujtesë e fortë se respekti për avokatin është respekt për drejtësinë.

    Kjo ditë na kujton se avokatët janë mburoja e qytetarëve përballë çdo padrejtësie. Çdo cenim ndaj tyre është cenim ndaj vetë themeleve të shtetit të së drejtës.

    Le ta shfrytëzojmë këtë ditë për të reflektuar, për t’u bashkuar dhe për të mbrojtur dinjitetin e profesionit tonë. Sepse drejtësia nuk ekziston pa avokatin, dhe avokati nuk mund të ekzistojë pa respektin që i detyrohemi si shoqëri.

  • Shoqata e Avokatëve Penalistë: KOLAPS, një gjyqtar ka mbi 1500 dosje, në Apel ka 50 mijë dosje stok

    Shoqata e Avokatëve Penalistë: KOLAPS, një gjyqtar ka mbi 1500 dosje, në Apel ka 50 mijë dosje stok

    FOTO ILUSTRUESE

    TIRANË-Numri i çështjeve të prapambetura në Gjykata, është kthyer në një pengesë serioze të aksesit për drejtësi.  Kryetarja e Shoqatës së Avokatëve Penalistë, Joana Qeleshi ka deklaruar se sistemi gjyqësor po përballet me mbingarkesë të paprecedent, duke e cilësuar gjendjen “në kolaps”. Qeleshi u shpreh se shteti të ndërmarrë një verifikim të plotë për të vlerësuar si do zgjidhet situata.
    “Ka ardhur momenti që shteti të ndërmarrë një verifikim të plotë për të vlerësuar si do zgjidhet situata. Gjyqtarët bëjnë maksimumin, por kanë kapacitete të kufizuara. Asnjë magjistrat sot nuk punon në kushte normale. Një gjyqtar i shkallës së parë ka mbi 1,500 dosje, ndërsa në Apel ka një stok prej 50 mijë dosjesh,” deklaroi ajo për News.24.
    Gjatë raportimit vjetor të KLP në Kuvend më 20 tetor, problemi i dosjeve u ngrit si shqetësim nga anëtari i Këshillit të Lartë të Prokurorisë (KLP), Vatë Staka. Sipas Stakës, një nga arsyet kryesore për vonesat në shqyrtimin e çështjeve është numri i pamjaftueshëm i prokurorëve që ushtrojnë detyrën. Ai sqaroi se shumë prokurorë janë të angazhuar në pozicione të tjera ose pranë institucioneve të ndryshme, dhe kjo redukton numrin e atyre që mund të ndjekn çështjet penale.
    Nga ana tjetër kryetarja e KLP-së, Mirela Bogdani, tha se kanë kërkuar në mënyrë informale nga Bashkimi Evropian një studim mbi nevojat reale për sistemin gjyqësor bazuar në popullsinë dhe ngarkesën e punës.

    Më herët gjatë viti 2024 Këshilli i Lartë Gjyqësor hartoi një projekt-strategji, i cili shihte si zgjidhje kryesore rritjen e ndjeshme të numrit të gjykimeve për një gjyqtar në vit, në një kohë kur këta të fundit janë reduktuar për shkak të procesit të rivlerësimit, por sërish stoku i dosjeve mbetet pa zgjidhje./ZËRI

  • Pas arrestimit të Ulian Barjamit, avokatët përshkallëzojnë qëndrimin. Kërkojnë bojkot privat në nismën anonime

    Pas arrestimit të Ulian Barjamit, avokatët përshkallëzojnë qëndrimin. Kërkojnë bojkot privat në nismën anonime

    Pas arrestimit të Ulian Barjamit, disa avokatë kanë ndërmarrë një nismë për bojkot pa afat, e duke i kërkuar kështu mbledhje Dhomës së Avokatisë.

    Gazetarja e Top Channel Anila Hoxha raporton se kërkesa po shpërndahet në numrat e telefonave të avokatëve.
    Më poshtë po ju paraqesim kërkesat, pjesë e dokumentit që po qarkullon në telefonat e avokatëve:
    Bllokimin, nëpërmjet bojkotit pa afat, të të gjitha proceseve civile dhe penale, si në hetim dhe në gjykim, në të gjitha shkallët, përfshi edhe proceset në Gjykatën Kushtetuese duke përjashtuar nga efektet e këtij bojkoti pjesmarrjen në çështjet penale me objekt caktimi, ndryshimi, zëvendësimi dhe shuarje e masave të sigurimit, deri në përmbushjen e këtyre kushteve:
    -të vendoset menjëherë mosfillimi i procedimit penal të regjistruar në mënyrë të paligjshme nga Prokuroria e Elbasanit, prokurorja Ajkuna Anxhaku, ndaj avokatit Ulian Barjami për deklarimet e tij në seancën e datës 17.10.2025.
    – ti kthehet menjëherë telefoni i avokatit Ulian Barjami i sekuestruar në mënyrë të paligjshme nga oficerja e policisë gjyqësore Zmeralda Mehilli, në datën 18.10.2025.
    – të hetohet dhe të merren masa ndëshkuese për oficeren e policisë gjyqësore Zmeralda Mehilli dhe të gjithë zinxhirin drejtues të Drejtorisë Vendore të Policisë Elbasan, për ndalimin e paligjshëm që i kanë bërë avokatit Ulian Barjami në datën 18.10.2025 ora 17.40 në ambientet e kësaj drejtorie.
    – të hetohet dhe të merren masa ndëshkuese për prokuroren e gatshme në Prokurorinë e Elbasanit për datën 18.10.2025 Ajkuna Anxhaku, e cila me neglizhencë nuk mori masa për ndalimin e paligjshmerisë së kryer nga opgj-Zmeralda Mehilli, madje në shpërdorim detyre, edhe pasi u njoftua me mesazh telefonik nga avokati mbrojtës Adriatik Kuka ne orët e para të mëngjesit të datës 19.10.2025 për rastin dhe nevojën për ndërhyrjen e saj, nuk mori asnjë masë për të ndaluar paligjshmërinë por e zgjati këtë paligjshmëri deri në orët e pasdites së datës 20.10.2025 pra deri në fund të afatit ligjor maksimal 48 orë nga momenti i ndalimit të paligjshëm.
    – të hetohet dhe të merren masa ndëshkuese për prokurorin Gjergji Ceka dhe gjyqtaren Megi Strakosha për shkelje shumë të rëndë të etikës në lidhje me komunikimin e tyre drejtuar avokatit Ulian Barjami, në seancën e datës 17.10.2025 për shqyrtimin e kërkesës për caktimin e disa masave të sigurimit.
    2. Ti dërgohet vendimi, për njoftim dhe plotësim të kushteve, Këshillit të Lartë Gjyqësor, Këshillit të Lartë të Prokurorisë, Inspektoriatit të Lartë të Drejtësisë, Prokurorisë së Posaçme kundër Korrupsionit dhe Krimit të Organizuar dhe të gjitha mediave në Republikën e Shqipërisë.
    3.Mospjesmarrja e avokatëve në proceset penale si në hetim dhe gjykim në datat e mësipërme, është arsye objektive për shtyrjen e proceseve gjyqësore.
    4.Moszbatimi i këtij vendimi nga avokatet përbën shkelje të rëndë disiplinore, si rrjedhojë shërben si bazë për fillim të procedimit disiplinor nga Komiteti i Disiplinës, duke u shoqëruar me vendosjen e masave më të rënda disiplinore, pezullim deri në heqjen e liçensës së ushtrimit të profesionit.

    Top Channel

  • Bojkoti i avokatëve paralizon gjykatat – Haxhia: Reforma në drejtësi ka nevojë për rishikim tërësor

    Bojkoti i avokatëve paralizon gjykatat – Haxhia: Reforma në drejtësi ka nevojë për rishikim tërësor

    Edhe pse avokati Ulian Bajrami është liruar, sistemi gjyqësor në vend vazhdon të jetë në kolaps, pasi bojkoti i avokatëve do të vijojë për të paktën pesë ditë.
    Kreu i Dhomës Kombëtare të Avokatisë, Maksim Haxhia, konfirmoi se pezullimi i seancave është një reagim i domosdoshëm ndaj asaj që ai e cilësoi “shkelje të rëndë të dinjitetit dhe të drejtave të mbrojtësve ligjorë”.

    “Ky është një reagim institucional dhe i arsyeshëm. Nëse situata e tillë përsëritet, bojkoti do të zgjasë me muaj. Reforma në drejtësi ka nevojë për një rishikim tërësor, që të garantojë barazinë e palëve dhe respektin ndaj profesionit të avokatit,” – deklaroi Haxhia në një prononcim për mediat.

    Sipas tij, problemi nuk qëndron vetëm te rasti i Bajramit, por në marrëdhënien e tensionuar mes avokatëve, prokurorëve dhe gjyqtarëve në disa gjykata të vendit, ku shpesh, siç u shpreh ai, “avokatia trajtohet me përbuzje”.

    Ngjarja që ndezi bojkotin
    Bojkoti nisi pas arrestimit të avokatit Ulian Bajrami, pas një përplasjeje verbale me prokurorin Gjergji Ceka gjatë një seance në Gjykatën e Elbasanit për caktimin e masës së sigurisë ndaj një të pandehuri.
    Pavarësisht lirimit të menjëhershëm të avokatit, Dhoma Kombëtare e Avokatisë vendosi pezullimin e të gjitha seancave gjyqësore për pesë ditë, në shenjë proteste ndaj asaj që e konsideron ndërhyrje dhe trajtim arbitrar ndaj mbrojtësve ligjorë.
    Nga Elbasani, kreu i Dhomës së Avokatisë lokale, Demir Çiftja, deklaroi se “përbuzja ndaj avokatëve është bërë rutinë nga prokurorët dhe gjyqtarët e këtij qyteti”, duke shtuar se ngjarja e fundit “ishte vetëm pika që derdhi gotën”.
    Reagimi i institucioneve: ILD dhe Prokuroria në hetim
    Vetëm këtë të martë, Inspektoriati i Lartë i Drejtësisë (ILD) njoftoi se ka dërguar inspektor në Elbasan për të dokumentuar incidentin.
    Në të njëjtën ditë, Prokuroria e Elbasanit shpalli moskompetencë dhe ia kaloi dosjen Prokurorisë së Tiranës, për shkak të konfliktit të interesit.
    Sipas juristëve, Prokuroria e Elbasanit kishte vepruar në dy role të papajtueshme ligjërisht – si “viktimë e pretenduar” dhe njëkohësisht si “organ hetues”, duke kompromentuar paanësinë e procedurës.
    Dhoma Kombëtare e Avokatisë ka paralajmëruar se nëse nuk merren masa strukturore për të garantuar integritetin e profesionit, do të intensifikojë protestat dhe bojkotin në të gjithë vendin.