Lajmidites.com

Tag: athletic

  • E BUJSHME NGA SPANJA! Nëse Real Madrid nuk fiton nesër, ikën Alonso

    E BUJSHME NGA SPANJA! Nëse Real Madrid nuk fiton nesër, ikën Alonso

    2 Dhjetor 2025

    18:28

    Telesport

    Aventura e Xabi Alonso në krye të Real Madridit nuk po shkon aspak siç pritej. Trajneri bask është në rrezik të madh pas tre barazimeve rresht në La Liga dhe në rast humbjeje nesër ndaj Athletic Bilbao, ai mund të shkarkohet.
    Gazetari i njohur sportiv në Spanjë, Eduardo Inda, në programin e fundit të “El Chiringuito de Jugones”, paralajmëroi se fati i Xabi Alonso varet nga transferta e nesërme ndaj Athletic Bilbao.
    “Mendoj se nëse barazojnë në Bilbao, asgjë nuk do të ndodhë. Por nëse Real Madridi ka humbur kundër Athletic të mërkurën në orën nëntë të darkës, ka një shans të mirë që Xabi Alonso të mos jetë më trajner,” pohoi ai.
    Inda avzhdoi me tutje duke zbuluar edhe dy emrat që mund të zëvendësojnë Xabi Alonso-n në rast largimi. “I pari është Alvaro Arbeloa, i cili mund të jetë një zgjidhje deri në fund të sezonit. I dyti është Zidane. Është e vërtetë që francezi ka një marrëveshje me Francën për t’u bërë trajneri i ekipit të tyre kombëtar pas Kupës së Botës, por një telefonatë nga Valdebebas mund të ndryshojë gjithçka”, shtoi Inda.

  • Refuzoi Barcelonën, por jo PL. Nico Williams drejt Londrës, oferta është 70 mln euro

    Refuzoi Barcelonën, por jo PL. Nico Williams drejt Londrës, oferta është 70 mln euro

    22 Nëntor 2025

    21:50

    Telesport

    Nico Williams ishte padyshim një nga protagonistët kryesor të merkatos së fundit. Anësori spanjoll ishte shumë pranë transferimit te Barcelona, por në fundi zgjodhi të rinovojë deri në vitin 2035 me Athletic Bilbao.
    Pavarësisht rinovimit afatgjatë me klubin bask, mediet spanjolle bëjnë me dije se Nico Williams do të largohet në fund të këtij sezoni nga Athletic Bilbao dhe Spanja.
    E ardhmja e sulmuesit do të jetë në Premier League. Chelsea dhe Tottenham ofrojnë 70 milionë euro për anësorin 22-vjeçar, shifër e kënaqshme dhe brenda pritshmërive të klubit bask.
    Williams ka qenë edhe më parë i lidhur me Premier League, ku për të ka pasur interes konkret nga Arsenal, por “Topçinjtë” u tërhoqen nga gara, duke parë dëshirën e madhe të lojtarit për t’u transferuar te Barcelona, edhe pse në fundi vendosi të rinovojë me klubin bask.

  • Rikthim me këmbë të mbarë në “Camp Nou”, Barcelona dhuron spektakël ndaj Athletic (video)

    Rikthim me këmbë të mbarë në “Camp Nou”, Barcelona dhuron spektakël ndaj Athletic (video)

    22 Nëntor 2025

    18:19

    Telesport

    Barcelona është rikthyer me këmbë të mbarë në “Camp Nou”, duke mundur 3-0 Athletic Bilbao-n, për javën e 13-të në La Liga. Katalanasit kanë zhbllokuar shifrat që në minutën e 4-të me Robert Lewandowski-n, sulmuesi polak shënon me një goditje të bukur me të majtën. Pavarësisht zërave për një largim në fund të sezonit, sulmuesi polak po tregon që është ende i aftë të udhëheqë më së miri sulmin e Barcelonës.
    Në fund të pjesës së parë, Barcelona dyfishon shifrat me Ferran Torres, pas një asisti magjik të Lamine Yamal. Katalanasit e nisin “zjarr” edhe pjesën e dytë, duke gjetur golin që në minutën e 57-të me Fermin Lopez, pas një topi të humbur nga baskët në zonën e tyre.
    Në minutën e 54-të, Athletic Bilbao mbetet me 10 lojtarë, pasi Oihan Sancet ndëshkohet direkt me karton të kuq për ndërhyrje brutale ndaj Fermin Lopez.
    Në minutat e fundit, ishte Ferran Torres që shënoi golin e dytë personal, sërish me asistin e Lamine Yamal dhe vulosi fitoren 4-0 të Barcelonës. Katalanasit kryesojnë me 31 pikë, aq sa Real Madrid, vetëm se këta të fundit luajnë nesër ndaj Elche.
    SHIKOGOLAT

  • Nico Williams i jashtëzkonshëm, Athletic Bilbao dhe Sevilla dhurojnë spektakël. Në fund festojnë vendasit (video)

    Nico Williams i jashtëzkonshëm, Athletic Bilbao dhe Sevilla dhurojnë spektakël. Në fund festojnë vendasit (video)

    17 Gusht 2025

    21:26

    Telesport

    Athletic Bilbao e ka nisur me fitore sezonin e ri, pasi mposhti në “San Mames” 3-2 Sevilla-n. Protagonisti kryesor i takimit ishte Nico Williams. 23-vjeçari fillimisht fitoi një penallti, pasi u pengua brenda zonës, të cilën e shndërroi vetë në gol në minutën e 35-të.
    Në minutën e 42-të, Nico Williams bëhet sërish protagonist, ku falë pasimit të tij brenda në zonë, i devijuar edhe nga kundërshtari, Maroan Sannadi dërgon topin në rrjetë dhe i jep avantazhin e dyfishtë Bilbaos. Pjesa e parë mbyllet me shifrat 2-0.
    Në minutën e 60-të, Lukebakio shënoi për Sevilla-n gol spektakolar nga distanca. Në minutën e 72-të, Agoume barazoi shifrat për miqtë pasi shënoi me një goditje të bukur në kufijtë e zonës së rreptësisë.
    Vendasit nuk u dorëzuan dhe gjetën në minutën e 80-të golin e tretë, falë një kombinimi të përkryer mes vëllezërve ëilliams dhe në fund ishte Navarro që dërgoi topin në rrjetë me një goditje akrobatike.
    SHIKOGOLATETAKIMIT

  • Nico Williams, jo vetëm Barça. Flet vëllai i tij: Kishte shumë oferta, ja pse qëndroi tek Athletic

    Nico Williams, jo vetëm Barça. Flet vëllai i tij: Kishte shumë oferta, ja pse qëndroi tek Athletic

    Saga e Nico Williams te Barcelona, pas takimeve mes agjentit të tij dhe drejtuesve blaugrana dhe ndjesisë se marrëveshja ishte drejt përfundimit të lumtur, në të vërtetë ka zbuluar vendimin e marrë nga sulmuesi i ri spanjoll i lindur në vitin 2002. Ai ka rinovuar kontratën me Athletic Bilbao deri në vitin 2035. Një sinjal i qartë se sa shumë e vlerësonte ai lidhjen afatgjatë me klubin bask.
    Pikërisht për gjithçka që ka përjetuar Nico këtë verë, ka folur sot në konferencë për shtyp vëllai i tij i madh dhe kapiteni i Athletic, Iñaki Williams: “Në nivel familjar ishte paksa e komplikuar, sepse u fol shumë për vëllain tim dhe shumë nga ato që u thanë për të nuk ishin të vërteta.
    E vetmja gjë që ai bëri ishte të qëndronte i heshtur. Të gjithë kanë të drejtë të reflektojnë për të ardhmen e tyre. Gjatë shumë momenteve këtë verë, njerëzit nuk ishin të drejtë me vëllain tim. Kur një person shkon në restorant dhe i sjellin menunë, ndonjëherë i duhen minuta për të zgjedhur. Vendimi i vëllait tim nuk ishte i lehtë”.
    Më tej ai shtoi: “Pjekuria e Nico ka qenë e jashtëzakonshme, kishte përpara shumë mundësi dhe zgjodhi Athletic, një klub që po bën hapa gjigantë dhe që sot ka një nga skuadrat më të mira që kur unë jam në ekipin e parë, pra prej 12 vitesh”.
    Pa harruar se në tavolinë kishte mjaft oferta për djaloshin e lindur më 2002: “Nico kishte mundësi të zgjidhte, sepse kishte shumë oferta. Shumë klube ishin të interesuara për të, sepse është një lojtar i nivelit shumë të lartë dhe me një klauzolë që mund të përballohej. Ishte një rast i artë për klubet e mëdha”.

  • Nico Williams zbulon arsyen përse rinovoi kontratën me Athletic duke refuzuar Barça e Bayern

    Nico Williams zbulon arsyen përse rinovoi kontratën me Athletic duke refuzuar Barça e Bayern

    18 Korrik 2025

    11:25

    Telesport

    Sulmuesi spanjoll Nico Williams nënshkroi një rinovim historik të kontratës me Athletic Club, duke e lidhur veten me klubin bask deri më 30 qershor 2035. Një kontratë e paprecedentë në historinë e futbollit: tetë vjet shtesë nga marrëveshja e mëparshme.
    Gjatë ceremonisë, Nico veshi një fanellë të re të frymëzuar nga koncepti “WIN” (Williams, Iñaki dhe Nico), një simbol i besnikërisë ndaj projektit bask pavarësisht presionit të klubeve më të fuqishme.
    “Ne kemi qëllime ambicioze, si Champions League dhe dua t’i arrij ato me klubin e jetës sime. Kjo është edhe për tifozët, të cilët gjithmonë më kanë mbështetur. Shpresoj t’i bëj ata të festojnë në San Mamés për një kohë të gjatë”, tha Nico Williams.

  • Marrin fund aludimet, Niko Uilliams rinovon kontratën me Atletiko Bilbaon

    Marrin fund aludimet, Niko Uilliams rinovon kontratën me Atletiko Bilbaon

    Adriatik BALLA
    Merkato po sjell befasi në shumë liga europiane, edhe pse emrat e mëdhenj nuk kanë bërë lëvizje të dukshme këtë herë. Gjithsesi, njëri prej lojtarëve më cilësor nga të rinjtë e Spanjës, Niko Uilliams, i ka dhënë drejtim karrierës së tij, duke bërë zgjedhje përfundimtare për sezonin e ri. Kështu, referuar edhe asaj që shkruajnë mnediat sportive spanjolle, “ylli” i përfaqësueses “Furia e Kuqe” dhe kampion i Euro 2024, Niko Uilliams, ka konfirmuar zyrtarisht rinovimin e kontratës me Athletik Klub Bilbao deri në vitin 2035. Lajmi u bë publik përmes një videoje emocionuese, ku sulmuesi “nënshkruan” marrëveshjen mbi një mural të dedikuar atij, i cili ishte vandalizuar disa herë javët e fundit. “Kur duhet të marrësh vendime, për mua pesha më e madhe është zemra.
    Jam aty ku dua të jem, pranë të miqve. Kjo është shtëpia ime. Aupa Athletic!”, u shpreh Niko në video. Sipas njoftimit zyrtar nga Athletic Club, kontrata e re do të zgjatet për tetë vite të tjera, deri më 30 qershor 2035, ndërsa klauzola e largimit është rritur me mbi 50%, nga 58 milionë euro që ishte më parë. Ky është një sinjal i fortë besimi nga Ëilliams ndaj projektit sportiv të klubit bask, i cili tashmë ka siguruar një brez të ri premtues lojtarësh të rinj si Unai Simón, Oihan Sancet, Dani Vivian e të tjerë, nën drejtimin e trajnerit Ernesto Valverde. Në mesin e tyre, edhe vëllai i madh, Iñaki Ëilliams, kapiten i skuadrës. Në javët e fundit, mediat spanjolle, përfshirë MARCA, raportuan për dyshimet e Nikos rreth transferimit te Barcelona, për shkak të problemeve të regjistrimit të lojtarëve nga klubi katalanas dhe situatave të ngjashme me emra si Dani Olmo apo Pau Víktor.
    Por, në vend të një transferimi të bujshëm, Ëilliams zgjodhi të qëndrojë te Athletic, duke u bërë simbol i një klubi që është “Unik në Botë” për filozofinë e tij dhe përkushtimin ndaj futbollistëve vendas. Niko Uilliams (Iruñea, 2002) iu bashkua Akademisë së Athletic në sezonin 2013/14 dhe debutoi me ekipin e parë më 28 prill 2021, në moshën 18-vjeçare. Që atëherë ka zhvilluar 167 ndeshje zyrtare, ka shënuar 31 gola dhe ka ndihmuar klubin të fitojë Kupën e Mbretit, si dhe të sigurojë pjesëmarrjen në Europa League dhe Champions League. Përveç paraqitjeve mbresëlënëse në fushë, ai u shpall MVP i finales së Euro 2024, ku u shpall kampion me Spanjën, si dhe u rendit i 15-ti në listën e Topit të Artë, duke forcuar më tej statusin e tij si një ambasador ndërkombëtar i Athletic Club.

  • Mashtrimi i dytë, që rëndon si poshtërim. Zemërim i madh te Barça ndaj Nico Williams

    Mashtrimi i dytë, që rëndon si poshtërim. Zemërim i madh te Barça ndaj Nico Williams

    Te Barça mbetën të shokuar nga njoftimi i rinovimit të Nico Williams me Athletic, një goditje që nuk e prisnin, pasi ishin të bindur se javën e ardhshme do të mund të mbyllnin marrëveshjen, nëse lojtari pranonte pagesën e klauzolës së lirimit.
    Gjithçka ishte gati, por klubi katalanas e mori vesh vendimin e sotëm të lojtarit vetëm nga zyrtarizimi i rinovimit, megjithëse orët e fundit kishin filluar të ndjenin se diçka nuk po shkonte. Zemërimi i klubit blaugrana me lojtarin dhe rrethin e tij është i jashtëzakonshëm, pasi ndihen të përdorur dhe besojnë se ai nuk ka vepruar me sinqeritet në orët e fundit, duke i lënë në baltë pas 15 ditësh negociata intensive.
    Ndjenja që mbizotëroi te Barça ishte ajo e mosbesimit, njësoj si vitin e kaluar kur Nico u paraqit me fanellën e re të Athletic, ndërkohë që në videokonferenca iu siguronte drejtuesve të Barçës se donte të firmoste për ta. Atëherë vendosi të qëndronte duke i zhgënjyer blaugranat, por këtë vit negociatat ishin shumë më të avancuara. Ishte arritur marrëveshja për pagën deri në vitin 2031 dhe po përgatitej pagesa e klauzolës së lirimit javën e ardhshme.
    Te Barça besojnë se rrethi i Nico Williams nuk ka luajtur ndershëm dhe ka shfrytëzuar ofertën e Barçës për të arritur rinovimin e tij të madh me Athletic, me një rritje të konsiderueshme të pagës. Fakti që nuk paralajmëroi as për vendimin përfundimtar shihet si një manovër e fundit që i la blaugranat të papërgatitur, duke shkaktuar habi dhe zemërim, pas kontakteve të vazhdueshme të ditëve të fundit.
    Operacioni nisi të ndërlikohej kur “SPORT” zbuloi takimin në Barcelonë më 13 qershor mes agjentit të lojtarit, Félix Tainta, dhe drejtorit sportiv të Barçës, Deco. Në atë takim, përfaqësuesi i lojtarit komunikoi gatishmërinë e Nico për të avancuar me transferimin dhe angazhimin se anësori dëshironte të vishte fanellën blaugrana pas zhgënjimit të vitit të kaluar.
    Bërja publike e këtij takimi bëri që Athletic të ushtronte presion të madh mbi lojtarin dhe rrethin e tij, duke e ndërlikuar vendimin përfundimtar të Nico. Madje, klubi bask bëri ankesë zyrtare te La Liga dhe kërkoi kontroll financiar të llogarive të Barçës.
    Qëndrimi i Nico Williams dukej aq i vendosur sa optimizmi te Barça u rrit. Aq më tepër kur ai dhe rrethi i tij pranuan kushtet financiare të kontratës. Çdo gjë dukej se ishte e mbyllur, por problemet nisën.
    Rrethi i Nico, që madje kishte lënë të kuptohej se mund të kishte lehtësira në pagesën e klauzolës, filloi papritur të kërkonte garanci të forta për regjistrimin e lojtarit. Më pas, pranuan të riformulonin marrëveshjen me zgjidhje të pranueshme për Barçën, si mundësia e shitjes ose huazimit gjatë muajit gusht, nëse regjistrimi do të bëhej i vështirë.
    Të gjitha këto përparime bënë që te Barça të besonin se këtë verë transferimi ishte i mundur, por përgjigjja përfundimtare e Nico vonohej. Pagesa e klauzolës u shty për javën e ardhshme për t’i dhënë më shumë kohë përfaqësuesit dhe lojtarit.
    Derisa erdhi njoftimi i rinovimit të lojtarit me Athletic deri në vitin 2035, vendim që i la të habitur drejtuesit e Barçës. Që janë të indinjuar është pak të thuhet, por tashmë po punojnë me urgjencë për të vazhduar përforcimet e skuadrës.

  • ZYRTARE | Dështon transferimi te Barcelona, Williams rinovon 10 vite te Athletic dhe ndryshohen detajet e kushtet. Deklaratat e tij

    ZYRTARE | Dështon transferimi te Barcelona, Williams rinovon 10 vite te Athletic dhe ndryshohen detajet e kushtet. Deklaratat e tij

    4 Korrik 2025

    11:50

    Telesport

    Telenovela mbaron. Athletic Bilbao ka njoftuar zyrtarisht rinovimin e kontratës me sulmuesin anësor, Nico Williams, deri në vitin 2035, duke siguruar një nga talentet e tyre më premtuese për një kohë të gjatë dhe duke konfirmuar dështimin e transferimit te Barcelona, e cila e kërkonte me ngulm.
    22-vjeçari, i cili është ngjitur në radhët e akademisë rinore të klubit, është vendosur si një lojtar kyç si për Bilbaon ashtu edhe për ekipin kombëtar spanjoll.
    “Nico Williams nënshkruan zgjatje tetëvjeçare të kontratës me Athletic Club, deri në vitin 2035”.
    “Anësori bardhekuq do të qëndrojë dhjetë sezonet e ardhshme në klubin e zemrës së tij dhe klauzola e tij e lirimit është rritur më shumë se 50% krahasuar me atë të mëparshmen”, thuhet në njoftim.
    Transferimi te Barcelona dështon për vitin e dytë radhazi për probleme regjistrimi.
    Deklarata e spanjollit: “Kur bëhet fjalë për marrjen e vendimeve, për mua gjëja më e rëndësishme është të dëgjoj zemrën time. Unë jam aty ku dua të jem, me njerëzit e mi. Kjo është shtëpia ime”.

  • Barcelona sherr mediatik me Athletic për Nico Williams, presidenti Laporta vë “pikat mbi i”

    Barcelona sherr mediatik me Athletic për Nico Williams, presidenti Laporta vë “pikat mbi i”

    Presidenti i Barcelonës, Joan Laporta, komentoi sot mbi ardhjen e mundshme të Nico Williams në “Camp Nou”. Një operacion që ka ngjallur protesta nga Athletic Club, klub me të cilin luan talenti spanjoll.
    Në fakt, drejtuesit baskë i kanë kërkuar La Liga të verifikojnë gjendjen financiare të Barçës, duke besuar se nuk ka mundësinë të paguajë klauzolën e përfundimit të kontratës së lojtarit spanjoll për shkak të problemeve me fair play-in financiar.
    Laporta reagoi, ku sqaroi situatën: “Secili bën atë që mendon se është e përshtatshme. Ne po ndjekim udhëzimet e drejtorit tonë sportiv dhe trajnerit. Ne e respektojmë atë që bën Athletic dhe shpresojmë që edhe ata të respektojnë zgjedhjet tona“.
    Duke folur për vështirësitë e hasura, presidenti i klubit katalanas shtoi: “Nuk po flas për persekutim, por për pengesa që duhen kapërcyer. Ne po punojmë për t’u përballur me to dhe për të arritur objektivat tona“.
    “La Liga po bën punën e saj. Financat tona janë nën kontroll dhe ne respektojmë rregullat e Fair Play Financiar. Nëse lind një mundësi dhe ka një klauzolë për të paguar, ne jemi gati ta bëjmë atë“, tha Joan Laporta në lidhje me Nico Williams.
    “Ne nuk kemi asgjë për të fshehur. Ne duam që të gjithë të trajtohen në mënyrë të barabartë. Ne i bëjmë gjërat në mënyrë korrekte dhe sipas rregullave“, përfundoi Laporta.