Lajmidites.com

Tag: atentatit

  • Vrasja e Gilmando Danit dhe Muçi Shaljanit pa autor, lirohet i riu nga Fushë-Kruja, del ekspertiza e armëve që u gjetën në mjet

    Vrasja e Gilmando Danit dhe Muçi Shaljanit pa autor, lirohet i riu nga Fushë-Kruja, del ekspertiza e armëve që u gjetën në mjet

    gilmando dani

    TIRANË- 35-vjeçari i shoqëruar mbrëmjen e së martës nga policia në lidhje me atentatin në Rinas ku mbetën të vrarë Gilmando Dani dhe Muçi Shaljani është liruar, pasi u mor në pyetje për disa orë.
    Burime nga policia bëjnë me dije se ai është banor i fshatit Halil, shumë pranë vendit ku u gjet dhe u dogj makina “Toyota” që besohet të jetë përdorur nga autorët e atentatit.
    Gjatë dëshmisë, i riu ka deklaruar se në momentin e djegies së mjetit nuk ndodhej në banesë dhe mohoi të ketë parë lëvizje të dyshimta apo të ketë ndonjë lidhje me ngjarjen.
    Shoqërimi i tij është bërë për shkak se më herët rezulton i dënuar për vjedhje me dhunë, ndërsa nuk janë gjetur prova për implikimin e tij në atentatin e Rinas.

    Ndërsa ka kaluar 1 muaj nga atentati, policia vijon të marrë në pyetje persona që mund të kenë dijeni për ngjarjen, por deri tani nuk ka as autorë dhe as porositës të identifikuar.
    Nga ana tjetër, policia ka marrë përgjigjet e ekspertizës për armët e gjetura në makinën e djegur. Sipas burimeve, armët nuk rezultojnë të jenë përdorur në ngjarje të tjera kriminale.
    Pas atentatit, në fshatin Zall u zbulua edhe një banesë me arsenal armësh në pronësi të Ylli Zallës, i cili u shpall në kërkim. Fillimisht u ngritën dyshime se autorët mund t’i kishin siguruar armët aty, por ekspertiza përfundimtare ka përjashtuar këtë pistë.
    Si ndodhi atentati i Rinasit
    Gilmando Dani, mik dhe bashkëpunëtor i Emiljano Shullazit u ekzekutua mesditën e 11 nëntorit me breshëri plumbash pranë aeroportit ‘Nënë Tereza’, teksa i plagosur rëndë mbeti edhe miku i tij, që e shoqëronte Muçi Shaljani Sheqeri, agjent i AMP-së. Ky i fundit ndërroi jetë disa ditë më pas në spitalin e Traumës në Tiranë, si pasojë e plagëve të marra.
    Ndaj automjetit të tyre ‘Benz’ u qëllua nga persona të paidentifikuar me një mjet tip “Toyota Yaris”, e cila u gjet e djegur pak minuta pas ngjarjes në Fushë Krujë. Autorët e maskuar dhe të veshur me uniforma që ngjanin me ato të policisë, kanë qëlluar në drejtim të mjetit, duke e ndaluar atë në vend. Më pas, një prej autorëve ka zbritur nga makina, ka rimbushur armën dhe ka qëlluar sërish në drejtim të Gilmando Danit, i ulur në sediljen e pasagjerit.
    Gilmando Dani sapo kishte mbërritur me mikun e tij në Shqipëri nga Barcelona, Spanjë. Të dy ishin nisur me avion drejt Barcelonës më 7 nëntor dhe kishin lënë makinën të parkuar në aeroport, ndërsa u kthyen nga Barcelona më 11 nëntor. Avioni me të cilin udhëtonte Dani zbriti në tokën shqiptare në orën 13:55, rreth 35 minuta para orarit të planifikuar. Atentati ka ndodhur 25 minuta më pas në rrethrrotullimin e Rinasi.
    Që prej momenteve të para, aksioni i policisë u përqëndrua në zonën e Niklës dhe Fushë Krujës, nga dhe ku dyshohet se u larguan autorët. Disa ditë pas ngjarjes në një prej fshatrave të Fushë Krujës, në një banesë të braktisur u zbuluar një arsenal armësh, por deri në momentet që flasim nuk është bërë lidhja mes armëve të gjetura, dhe atentatit të Rinasit. /ZËRI

  • Atentati ndaj Gilmando Danit dhe Muçi Shaljanit, policia shoqëron një të dyshuar nga Fushë-Kruja

    Atentati ndaj Gilmando Danit dhe Muçi Shaljanit, policia shoqëron një të dyshuar nga Fushë-Kruja

    gilmando dani dhe muci shaljani

    TIRANË- Rreth një muaj pas atentatit në Rinas, ku mbetën të vrarë Gilmand Dani dhe Muçi Shaljani, policia ende nuk ka rënë në gjurmët e autorëve, pavarësisht të shoqërimit të dhjetra personave që mund të kenë dijeni në lidhje me ngjarjen. Gjatë ditës së djeshme një person nga Fushë Kruja mësohet se është shoqëruar në ambientet e policisë, pasi dyshohet se mund të jetë në dijeni të atentatit, dhe personave që kanë qenë të implikuar në një prej ngjarjeve më të rënda që ka ndodhur në vitet e fundit në vendin tonë. Personi në fjalë, identiteti i të cilit nuk bëhet i ditur, do të merret në pyetje, dhe deri tani nuk i është komunikuar asnjë akuzë.

    Si ndodhi atentati i Rinasit
    Gilmando Dani, mik dhe bashkëpunëtor i Emiljano Shullazit u ekzekutua mesditën e 11 nëntorit me breshëri plumbash pranë aeroportit ‘Nënë Tereza’, teksa i plagosur rëndë mbeti edhe miku i tij, që e shoqëronte Muçi Shaljani Sheqeri, agjent i AMP-së. Ky i fundit ndërroi jetë disa ditë më pas në spitalin e Traumës në Tiranë, si pasojë e plagëve të marra.
    Ndaj automjetit të tyre ‘Benz’ u qëllua nga persona të paidentifikuar me një mjet tip “Toyota Yaris”, e cila u gjet e djegur pak minuta pas ngjarjes në Fushë Krujë. Autorët e maskuar dhe të veshur me uniforma që ngjanin me ato të policisë, kanë qëlluar në drejtim të mjetit, duke e ndaluar atë në vend. Më pas, një prej autorëve ka zbritur nga makina, ka rimbushur armën dhe ka qëlluar sërish në drejtim të Gilmando Danit, i ulur në sediljen e pasagjerit.
    Gilmando Dani sapo kishte mbërritur me mikun e tij në Shqipëri nga Barcelona, Spanjë. Të dy ishin nisur me avion drejt Barcelonës më 7 nëntor dhe kishin lënë makinën të parkuar në aeroport, ndërsa u kthyen nga Barcelona më 11 nëntor. Avioni me të cilin udhëtonte Dani zbriti në tokën shqiptare në orën 13:55, rreth 35 minuta para orarit të planifikuar. Atentati ka ndodhur 25 minuta më pas në rrethrrotullimin e Rinasi.
    Që prej momenteve të para, aksioni i policisë u përqëndrua në zonën e Niklës dhe Fushë Krujës, nga dhe ku dyshohet se u larguan autorët. Disa ditë pas ngjarjes në një prej fshatrave të Fushë Krujës, në një banesë të braktisur u zbuluar një arsenal armësh, por deri në momentet që flasim nuk është bërë lidhja mes armëve të gjetura, dhe atentatit të Rinasit. /ZËRI

  • Qëllohet me armë drejt rivalit të Aldo Bares, kush është “Juli Pashako” shënjestra e atentatit në Lushnjë

    Qëllohet me armë drejt rivalit të Aldo Bares, kush është “Juli Pashako” shënjestra e atentatit në Lushnjë

    Julian Sula

    LUSHNJË-Julian Sula është shënjestra e atentatit në Lushnjë, të ndodhur mesditën e sotme. Ngjarja ka ndodhur në rrugën “Misto Mame”, ku ndaj automjetit në të cilin ndodhej Sula është qëlluar me breshëri nga tre persona të cilët ndodheshin në një tjetër makinë në lëvizje. Julian Sula i njohur edhe si “Juli i Pashakos” ka mbetur i plagosur në këmbë, ndërsa ndodhet jashtë rreikut për jetën.
    Njoftimi i policisë:
    Rreth orës 10:40, në afërsi të stadiumit Lushnjë, dyshohet se është plagosur në këmbë me armë zjarri shtetasi J. S., 45 vjeç, i cili ndodhet jashtë rrezikut për jetën.
    Shërbimet e Policisë kanë ngritur pika kontrolli në hyrje-dalje të qytetit dhe po punojnë për identifikimin dhe kapjen e autorëve.
    Në afërsi të fshatit Lifaj, është konstatuar një automjet duke u djegur, i cili dyshohet se u përket autorëve. Grupi hetimor në drejtimin e Prokurorisë po punon për zbardhjen e plotë të rrethanave të ngjarjes.

  • Atentati në Rinas/ Policia ende pa prova për autorët

    Atentati në Rinas/ Policia ende pa prova për autorët

    Një javë pas atentatit në Rinas ku mbeti i vrarë Gilmando Dani dhe pas disa ditësh në spital ndërroi jetë edhe miku i tij, agjent i Agjencisë së Mbikëqyrjes Policore Muçi Shaljani, hetimet e policisë dhe të prokurorisë mbeten ende pa një drejtim të qartë.
    Burime nga grupi hetimor bëjnë të ditur se, pavarësisht verifikimeve të kryera në vendngjarje dhe marrjes në pyetje të disa personave me rrezikshmëri të lartë shoqërore, deri më tani nuk është siguruar asnjë provë që mund të çojë në zbardhjen e ngjarjes dhe identifikimin e autorëve.
    Deri më tani hetuesit kanë analizuar pamjet e kamerave të sigurisë në zonë si dhe gjurmët e mbetura në vendngjarje, por rezultatet nuk kanë prodhuar të dhëna të vlefshme. Kjo pasi edhe autorët kenë vepruar me profesionalizëm, duke shmangur lënien e provave të drejtpërdrejta.
    Policia është përqendruar tek grupet kriminale në Nikël dhe në Fushë-Krujë si të dyshuar për atentatin nga ku dyshohet të jetë dhënë edhe urdhri për shkak të përplasjeve të vjetra mes grupeve rivale.
    Gilmando Dani, i njohur si krahu i djathtë i Emiljano Shullazit bashkë me Muçi Shaljanin sapo u kthyen nga Spanja kur iu zu pritë në Rinas. Për të verifikuar lëvizjet e tyre, autoritetet shqiptare i kërkuan informacion Spanjës nëse mund të siguronin ndonjë të dhënë të vlefshme. Por deri më tani hetuesit nuk kanë mundur të marrin ende përgjigje prej tyre.
    Pas atentatit në Krujë u zbulua një banesë e kthyer në një bazë të tërë armatimi, ndërsa në kërkim u shpall poseduesi Ylli Zalla. Dyshimet e hetuesve janë se prej andej mund të ketë lëvizur automjeti Toyota i atentatorëve, por pa pasur sërish prova konkrete për fajësi.
    4 autorët, 3 prej të cilëve dolën nga makina dhe qëlluan me breshëri kallashnikovi ishin nisur nga zona e Krujës para se të kryenin vrasjen, nga dhe u larguan sërish pasi kryen krimin.
    Në fshatin Halil ata dogjën makinën bashkë me 4 armët e zjarrit brenda, por edhe ekspertiza balistike e tyre nuk ka nxjerrë prova të rëndësishme, për shkak se armët ishin të dëmtuara nga zjarri.

  • Pas atentatit në Rinas, Gjykata “shpëton” policët që lëshuan vërtetimin për Muçi Shaljanin

    Pas atentatit në Rinas, Gjykata “shpëton” policët që lëshuan vërtetimin për Muçi Shaljanin

    Gjykata Penale e Tiranës ka vendosur të cilësojë të paligjshëm arrestimin e policëve të komisariatit numër 3 në kryeqytet dhe nuk caktoi masë sigurimi në ngarkim të tyre.
    Prokuroria kishte kërkuar caktimin e masave të sigurimit detyrim paraqitje dhe ndalim për të dalë jashtë vendit deri në sqarimin e plotë të rrethave të hetimit.
    Dy efektivët u proceduan nga AMP pasi kanë dhënë vërtetimin që të hynte në punë Muçi Shaljani alias Sheqeri. Ata u ndaluan më 12 nëntor, pas atentatit të ndodhur në Rinas ku mbeti i vrarë Gilmando Dani dhe u plagos efektivi i AMP-së, që ka ndërruar jetë këtë të shtunë në spital, 15 nëntor.

  • Zbulohet kush ishte ministri që kaloi pak sekonda pas atentatit në Rinas

    Zbulohet kush ishte ministri që kaloi pak sekonda pas atentatit në Rinas

    Detaje të reja janë mësuar lidhur me ekzekutimin mafioz të Gilmando Danit dhe shoferit të tij, agjentit të AMP-së, Muçi Shaljani.
    Pamjet nga vendngjarja tregojnë se vetëm pak sekonda pas atentatit, një autokolonë prej 4 makinash të një delegacioni zyrtar, kalojnë pikërisht pranë vendit ku ndodhi ngjarja.
    Raportohet se eskorta e delegacionit që ka kaluar ka qenë e një ministri të Malit të Zi.
    Ngjarja e rëndë ndodhi pasditen e së martës, më 11 nëntor, kur persona të armatosur hapën zjarr ndaj një automjeti tip “Mercedes Benz S-Class”, duke lënë të vrarë Gilmando Danin dhe duke plagosur rëndë agjentin e AMP-së Muçi Shaljani.

  • U përdor nga autorët në atentatin ndaj Gilmando Danit, “Toyota” e vjedhur në Greqi në vitin 2023

    U përdor nga autorët në atentatin ndaj Gilmando Danit, “Toyota” e vjedhur në Greqi në vitin 2023

    Makina tip “Toyota” e cila u përdor nga autorët e atentatit të ndodhur në Rinas më 11 nëntor rezulton e vjedhur në Greqi në vitin 2023.
    Ndërsa targat janë vjedhur gjithashtu në shtetin fqinj, në vitin 2024.Lexo edhe :Related Posts
    Disa orë pas atentatit të ndodhur Rinas, mjeti u gjet i djegur në fshatin Halil të Krujës, ndërsa brenda tij u gjetën edhe katër armë tip kallashnikov.

    Si pasojë e të shtënave mbeti i vrër në vendngjarj Gilmando Dani, ndërsa u plagos rëndë punonjësi i AMP, Muçi Sheqeri.
    Vision Plus një ditë më parë publikoi edhe videon e atentatit të rëndë të ndodhur në mes të ditës në një zonë mjaft të populluar.

    /vizionplus.tv

  • “Eskorta policie, kalojnë para krimit”/ Berisha komenton videon e atentatit: Kjo është siguria në narko-shtetin e…

    “Eskorta policie, kalojnë para krimit”/ Berisha komenton videon e atentatit: Kjo është siguria në narko-shtetin e…

    Kryetari i opozitës, Sali Berisha, publikoi pamjet kur një delegacion zyrtar kalon para makinës së Gilmando Danit dhe Muçi Sheqerit, shumë pak pas atentatit mafioz.
    “Kjo është siguria në narko-shtetin e Ramaduros.
    Eskorta policie me një delegacion të huaj që shoqëronte, kalon para makinës së Danit dhe Sheqerit!” shkruan Berisha. Kujtojmë se krimi ndodhi në atë që duhet të jetë zona më e sigurt në Shqipëri.

  • Publikohen pamjet e atentatit të Rinasit, autorët qëllojnë me ‘tre nivele’

    Publikohen pamjet e atentatit të Rinasit, autorët qëllojnë me ‘tre nivele’

    Janë publikuar pamjet e atentatit të Rinasit, ku mbeti i vrarë Gilmando Dani dhe u plagos Muçi Shaljani.

    Pamjet janë bërë publike nga “Shtegu”, ku shihet momenti kur mjeti ‘Benz’ i ndaluar pranë rreth rrotullimit të aeroportit të Rinasit. Një person afrohet te xhami i pasagjerit dhe qëllon me armë, dhe sapo largohet, breshëri plumbash zbrazet mbi makinën e bardhi, nga një distancë jo shumë e largët.
    Pamjet tregojnë se ndaj automjetit është qëlluar në tre momente të ndryshme.
    Autorët, të maskuar dhe të veshur me uniforma që ngjanin me ato të policisë, kanë qëlluar në drejtim të mjetit, duke e ndaluar atë në vend. Më pas, një prej autorëve ka zbritur nga makina, ka rimbushur armën dhe ka qëlluar sërish në drejtim të objektivit të tyre, Gilmando Danit, i ulur në sediljen e pasagjerit.
    Pas këtij momenti, duket se ndaj makinës së viktimave është qëlluar serish, në distancë për herë të tretë.
    Pamjet tregojnë se atentatorët janë larguar në drejtim të Fushë-Krujës, ndërsa kalimtarë të rastit janë afruar për të ndihmuar personat brenda mjetit.
     

    Top Channel

  • VIDEO / Dalin pamjet tronditëse të atentatit në Rinas, qitësi gjakftohtë zbret nga makina dhe ekzekuton Danin me…

    VIDEO / Dalin pamjet tronditëse të atentatit në Rinas, qitësi gjakftohtë zbret nga makina dhe ekzekuton Danin me…

    Zbardhet dinamika e atentatit mafioz, në një nga zonat më të sigurta të vendit, vetëm pak metra larg aeroportit ndërkombëtar “Nënë Tereza”.
    Ngjarja ka ndodhur në më pak se një minutë.
    Në një zonë të populluar ku ndodhen dhjetëra kamera sigurie dhe forca policore, mesditën e së martës së 11 nëntorit 2025, u ekzekutua një emër i njohur për lidhjet e tij me figura të botës së krimit, Gilmando Dani.
    Pamjet e tjera të siguruara nga “shteg.org” tregojnë se vetëm 2 minuta pas atentatit, një autokolonë prej 4 makinash të një delegacioni zyrtar, kalojnë pikërisht pranë vendit ku ndodhi ngjarja.
    Policia e Tiranës njoftoi se atentati ka ndodhur rreth orës 14:20, kur persona ende të paidentifikuar kanë hapur zjarr me breshëri kallashnikovi në drejtim të shënjestrës së tyre, të sapoardhur nga Spanja.
    Pamjet tregojnë se ndaj automjetit është qëlluar në tre momente të ndryshme.
    Autorët, të maskuar dhe të veshur me uniforma që ngjanin me ato të policisë, kanë qëlluar në drejtim të mjetit, duke e ndaluar atë në vend.
    Më pas, një prej autorëve ka zbritur nga makina, ka rimbushur armën dhe ka qëlluar sërish në drejtim të objektivit të tyre, Gilmando Danit, i ulur në sediljen e pasagjerit.
    Pas këtij momenti, duket se ndaj makinës së viktimave është qëlluar sërisht, në distancë për herë të tretë.
    Pamjet tregojnë se atentatorët janë larguar në drejtim të Fushë-Krujës, ndërsa kalimtarë të rastit janë afruar për të ndihmuar personat brenda mjetit.
    Në sediljen e parë u gjet i pajetë Gilmando Dani, 47 vjeç, ndërsa shoferi, Muçi Shaljani, që më vonë rezultoi të ishte një agjent i Agjencisë së Mbikëqyrjes Policore, u nxor nga makina me shenja jete.
    Policia njofton se po vijon hetimet mbi ngjarjen, por mënyra se si grupet kriminale lajnë hesapet me njëri-tjetrin ka ngritur shqetësime serioze për sigurinë në vend.
    Jo vetëm për natyrën brutale të ekzekutimit, por edhe për faktin se atentati u kryen në një zonë që konsiderohet ndër më të sigurta, në hyrje të aeroportit kryesor të Shqipërisë.