Lajmidites.com

Tag: asllani

  • Asllani dhe Torino surprizojnë Napolin, Conte “tërbohet” në fund (video)

    Asllani dhe Torino surprizojnë Napolin, Conte “tërbohet” në fund (video)

    18 Tetor 2025

    20:06

    Telesport

    Torino ka fituar 1-0 ndaj Napoli-t për javën e 7-të në Serie A, duke i shkaktuar humbjen e dytë ekipit të drejtuar nga Antonio Conte, pas asaj ndaj Milanit. Golin vendimtar për vendasit e shënoi Giovanni Simeone në minutën e 32-të.
    Në minutat shtesë, Napoli gjetën rrjetën me Noa Lang, por goli i sulmuesit holandez u anullua për pozicion jashtë loje. Zhgënjim i madh te napolitanët, Antonio Conte-n nuk e mban vendi. SHIKOGOLINEANULLUAR
    Kristjan Asllani luajti për 85 minuta dhe ishte një nga më të mirët në fushë. Elbasanasi u zëvendësua në 5 minutat e fundit të kohës së rregullt nga Ardian Ismajli. Mbrojtësi kuqezi lë pas dëmtimin dhe rikthehet në fushë.

  • Fisnik Asllani tregon emocionet e pabesueshme pas golit më të bukur në Suedi!

    Fisnik Asllani tregon emocionet e pabesueshme pas golit më të bukur në Suedi!

    Fisnik Asllani e ka vlerësuar si eksperiencë të veçantë dhe emocionuese pas dy ndeshjeve që zhvilloi me Kosovën.
    Kosova i mori katër pikë të rëndësishme, për të barazuar me Slloveninë, e pastaj mposhti Suedinë falë golit të Asllanit.
    Qendërsulmuesi ka dhënë një intervistë për faqen zyrtare të Hoffenheimit, ku komentoi dy ndeshjet e Kosovës.
    “Mendoj se ishte një eksperiencë shumë e mirë që patëm me ekipin kombëtar. Shumë e veçantë dhe emocionuese. Mendoj se për të gjithë vendin ishte një ditë shumë e bukur dhe jemi thjesht shumë të lumtur si shkoi”.
    Ndërkohë, i pyetur për bashkëpunimin me dy yjet e Hoffenheimit Albian Hajdari e Leon Avdullahu, Asllani shtoi se njihen mjaftë mirë prandaj edhe e kanë të lehtë të merren vesh.
    Sigurisht, ne e njohim njëri-tjetrin shumë mirë nga klubi. Është shumë e lehtë edhe për ne, sepse ne e kuptojmë njëri-tjetrin mirë.
    Këtu kalojmë shumicën e kohës me njëri-tjetrin dhe pastaj bëjmë të njëjtën gjë me ekipin kombëtar”, nënvizoi Asllani.
    Asllani ndërkohë pritet të jetë titullar edhe në sfidën e radhës të Hoffenheimit kundër St.Paui.

  • E bujshme nga Gjermania, Barcelona monitoron sulmuesin shqiptar që shkëlqeu në Kualifikuese

    E bujshme nga Gjermania, Barcelona monitoron sulmuesin shqiptar që shkëlqeu në Kualifikuese

    Barcelona është një ndër klubet që po monitoron nga afër sulmuesin e talentuar të Kosovës, Fisnik Asllani, sipas raportimeve të Sky Germany.

    23-vjeçari, që po shkëlqen këtë sezon me Hoffenheimin, thuhet se ka një klauzolë lirimi në kontratën e tij me klubin gjerman dhe po planifikon të ndërmarrë hapin e radhës në karrierë verën e ardhshme. Megjithatë, ka një kusht të qartë: klubi i tij i ardhshëm duhet të jetë pjesëmarrës në Ligën e Kampionëve.
    Barcelona është një nga klubet e interesuara për kartonin e Asllanit, sidomos duke pasur parasysh pasigurinë që rrethon të ardhmen e Robert Lewandowskit në “Camp Nou”. Për më tepër, vetë Asllani e ka pranuar në të kaluarën se ëndrra e tij është të luajë për Barcelonën.
    Pas kthimit nga një huazim shumë i suksesshëm te Elversberg në 2. Bundesliga, Asllani ka shpërthyer me Hoffenheimin këtë sezon. Në 7 ndeshje, ai ka shënuar 5 gola dhe ka dhënë 2 asistime, duke qenë golashënuesi më i mirë i ekipit.
    Forma e mirë e tij nuk është kufizuar vetëm te klubi – sulmuesi ka dhënë një kontribut të rëndësishëm edhe te përfaqësuesja e Kosovës, ku ka ndihmuar skuadrën të qëndrojë në garë për një vend në Botëror.

  • Nga Asllani te Vlahovic, Barça kërkon një zëvendësues për Lewandowskin

    Nga Asllani te Vlahovic, Barça kërkon një zëvendësues për Lewandowskin

    Në Barcelonë, stafi drejtues po punon për një projekt të ri, janë të fokusuar totalisht në gjetjen e një sulmuesi të ri, fundja Roberto Lewandowski është në moshë, 37-vjeç. Sulmuesi polak mbetet pikë referimi në fazën sulmuese, por pa diskutim Leva nuk përfaqëson të ardhmen. Ëndrra e madhe e Laporta-s quhet Erling Haaland, por në të njëjtën kohë është edhe objektivi më i vështirë i mundshëm, me biondin që sapo ka rinovuar kontratën e tij me Man.City.
    Në kushte të tilla, drejtori Deco dhe pjesa tjetër e stafit po mendojnë për një tjetër emër. “Sky Sport” raporton se mes emrave që Barça po ndjek ka përfunduar edhe sulmuesi i përfaqësueses së Kosovës, Fisnik Asllani. Sulmuesi i Hoffenheim po kalon një moment fantastik, kjo reflektohet edhe në vlerën e tij të kartonit në “Transfermak” që ka pësuar një rritje shumë të madhe nga 8 në 18 milionë euro. Asllani gjithashtu realizoi një gol 3 pikësh me shumë peshë për Kosovën në suksesin 0-1 në Suedi.

    Një tjetër emër në listën e dëshirave është edhe Dusan Vlahovic. Sulmuesi i Juves është futur në vitin që i përfundon kontrata, në verë përfaqëson një okazion të vërtetë për Barcelonën pasi mund të sigurojnë falas shërbimet e tij. Për Vlahovic, gjithnjë nëse nuk rinovon me Juven, në verë pritet të ketë shumë konkurrencë pasi edhe Bayern Munich e sheh si pasuesin e Harry Kane.
    (BalkanWeb)

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • E BUJSHME! Barcelona po monitoron sulmuesin e kombëtares së Kosovës

    E BUJSHME! Barcelona po monitoron sulmuesin e kombëtares së Kosovës

    17 Tetor 2025

    10:10

    Alfred Lleshi

    Barcelona ka nisur të monitorojë sulmuesin e Hoffenheim, Fisnik Asllani, sipas gazetarit Florian Plettenberg të “Sky Germany”. 23-vjeçari premtues ka një klauzolë lirimi për verën e ardhshme dhe Barcelona është plotësisht e vetëdijshme për këtë. Asllani ëndërron të luajë në një klub të madh dhe së fundmi ka deklaruar dashurinë e tij për Barcelonën, në një intervistë për “Sports Bild”: “Gjithmonë kam dashur të luaj atje.”
    Barcelona po kërkon një sulmues për të zëvendësuar Robert Lewandowskin, i cili pritet të largohet në fund të sezonit. Klubi katalanas po shqyrton nëse do të marrë një sulmues të gatshëm për titullar apo një talent të ri me potencial.
    Dušan Vlahović shihet gjithashtu si kandidat i fortë për ta zëvendësuar Lewandowskin te Barcelona, por problem konsiderohet paga e tij e lartë, e cila për momentin është 12 milionë euro në sezon te Juventusi.

  • Asllani: Largimi nga Interi më mërziti, por ishte zgjedhja më e mirë për të dyja palët

    Asllani: Largimi nga Interi më mërziti, por ishte zgjedhja më e mirë për të dyja palët

    Shqipëria e mbylli me sukses “dritaren” e tetorit për ndeshjet ndërkombëtare, e pamposhtur, me 2 fitore në 2 ndeshje, ndaj Serbisë (zyrtare) dhe Jordanisë (miqësore). Pas fitores 4-2, Kristjan Asllani, mesfushori i Torinos, foli për përshtatjen e tij te skuadra “granata”, pas largimit nga Interi: “Ambientimi po shkon mirë. Barazuam me Lazion në Romë, por meritonim më shumë. Bëmë një ndeshje të fortë. Torino është kthyer në nivelin që i takon, lufton për objektiva serioze”.
    Asllani shtoi: “Tani na pret Napoli, një ndeshje shumë e vështirë. Çdo herë që hyjmë në fushë, synimi është për të fituar. Jemi shumë konkurrues në stërvitje dhe japim maksimumin. Ndonjëherë rezultatet nuk vijnë, si në Parma, por kemi treguar forcë për t’u rikthyer të fortë”.
    Sa i përket lamtumirës nga Interi, ai u shpreh: “U mërzita, sepse lashë pas një grup fantastik dhe një klub të madh, por ishte zgjedhja më e mirë për të dyja palët. Doja shumë të transferohesha te Torino, ku më kanë pritur shkëlqyeshëm”. Për konkurrencën me Brozović dhe Çalhanoglu te zikaltrit tha: “E pata të vështirë, ata luanin më shpesh, por jam i kënaqur me rrugëtimin tim. Tani më takon mua të jap maksimumin”.
     

  • KUALIFIKUESET, 45′ e para: Asllani nderon Kosovën. Gjermania dhe Belgjika “ok”, Franca “ngrin” në Islandë

    KUALIFIKUESET, 45′ e para: Asllani nderon Kosovën. Gjermania dhe Belgjika “ok”, Franca “ngrin” në Islandë

    13 Tetor 2025

    21:34

    Telesport

    Luhen këtë mbrëmje ndeshjet e radhës kualifikuese për Kupën e Botës 2026, për zonën e Europës. Vëmendja e gjithë shqiptarëve është në Goteborg, aty ku Kosova po fiton 0-1 në transfertë ndaj Suedisë.  Goditja nga jashtë zone e Vedat Muriqit devijohet dhe më pas dërgohet në rrjetë nga Fisnik Asllani në minutën e 31′. Pjesa e parë mbyllet 0-1 për Dardanët. Po në këtë grup, Sllovenia po barazon pa gola ndaj Zvicrës.
    Në sfidat e tjera, Gjermania po fiton në transfertë në Belfast 0-1 ndaj Irlandës së Veriut, falë golit të Nick Woltemade. Surpriza vjen nga Reykjavik, aty ku Islanda po udhëheq 1-0 ndaj Francës, me golin e Palsonn në minutën e 39-të.
    Në Cardiff, Belgjika përmbysi shpejt disavantazhin ndaj Wellsit. Vendasit gjetën golin me Joe Rodon në minutën e 8′, belgët fillimisht barazuan me De Bruyne nga penalltia në minutën e 18-të dhe gjashtë minuta më pas kaluan në avantazh me Thomas Meunier. Po në këtë grup, Maqedonia po barazon në fushën e saj 0-0 ndaj Kazakhstan.

  • Kuqezinjtë në avantazh, tension në minutat e fundit në Leskovc, Manaj lë fushën i dëmtuar, në vendin e tij Daku

    Kuqezinjtë në avantazh, tension në minutat e fundit në Leskovc, Manaj lë fushën i dëmtuar, në vendin e tij Daku

    Shqipëria luan ndeshjen më të rëndësishme të kësaj fushate kualifikuese, ku në Leskovc përballet me Serbinë, një duel direkt për vendin e dytë në Grupin K që të dërgon në “Play Off”-et e Botërorit.
    Sylvinho i ka besuar rreshtimit të tij “bazë” 4-3-3.
    Në portë është Strakosha. Mbrojtja do të përbëhet nga Hysaj, Ajeti, Gjimshiti dhe Mitaj. Në mesfushë është treshja Asllani, Laçi dhe Shehu. Ndryshimi i vetëm vjen nga krahu i majtë i sulmit, aty ku nuk do të jetë as Bajrami dhe as Hoxha, por Myrto Uzuni, ndërsa krahu i djathtë i është besuar Brojës. Në majën e sulmit do të jetë sërish Manaj.
    Ndërkohë edhe Serbia ka publikuar 11-shen e saj me rreshtimin 3-5-2.
    REZULTATI LIVE:
    SERBI 0-1 SHQIPËRI
    Manaj 45+1′
    KOMENTI LIVE:
    78′ Dy zëvendësime te Shqipëria. Largohen Manaj dhe Laçi, në vendet e tyre futen Daku dhe Bajrami.
    76′ Strakosha del i sigurt dhe kontrollon topin në zonë.
    75′ Zëvendësim i dyfishtë te Serbia. Largohen Samardzic dhe Maksimovic, në vendet e tyre Kostov dhe Zukic.
    73′ Asllani godet nga distanca, por Petrovic arrin ta ndalë.
    67′ Pavlovic godet nga distanca, me topin që shkon mbi kuadrat.
    64′ Zëvendësim te Shqipëria. Largohet Broja, në vendin e tij futet Hoxha.
    63′ Zëvendësim te Serbia. Largohen Mitrovic dhe Zivkovic, në vendet e tyre Jovic dhe Stefan Mitrovic.
    62′ Vlahovic lëviz në zonë dhe godet me të majtën, duke goditur mbi kuadrat.
    56′ Një krosim i rrezikshëm hidhet në zonë, por Strakosha tregohet sërish i saktë duke e kontrolluar topin.
    53′ Kostic hedh një krosim në zonë dhe Mitrovic tenton me kokë, me topin që shkon mbi kuadrat.
    50′ Samardzic godet nga distanca, por Strakosha tregohet sërish vigjilent duke ndalur topin.
    46′ Nis pjesa e dytë!
    45+2′ Mbyllet pjesa e parë!
    45+2′ Manaj ndëshkohet me karton të verdhë pas festës me shqiponjë.
    45+1′ GOOOL SHQIPËRIA/ Një krosim në zonë, gjen Ajetin, i cili nuk godet siç duhet, por topi përfundon te Manaj, i cili me të djathtën tund rrjetën. (VIDEO)
    45′ Akordohet vetëm 1 minutë shtesë.
    42′ Juljan Shehu shkakton në ndërhyrje të gabuar dhe ndëshkohet me kartonin e parë të verdhë të mbrëmjes.
    41′ Broja lëviz bukur në hyrje të zonës serbe, duke kaluar disa lojtarë. Më pas, Asllani gjen topin dhe provon fluturimthi me të majtën, por tentativa e tij shkon lart kuadratit.
    38′ Samardzic provon me një gjuajtje të lehtë në hyrje të zonës, por Strakosha e ndal pa probleme.
    37′ Serbët pretendojnë për 11-metërsh, pas një prekje të Laçit me gjoks. Pas konsultimit me VAR, gjyqtari lejon lojën të vazhdojë.
    30′ Vlahovic godet në hyrje të zonës, me topin që shkon jashtë kuadratit.
    26′ Vlahovic godet nga distanca, por Strakosha arrin ta ndalë topin në dy kohë.
    22′ Asllani hedh një krosim në zonë dhe Mitrovic e devijon duke rrezikuar autogolin, por Petrovic e kontrollon pa probleme.
    21′ Samardzic shkakton një ndërhyrje të gabuar dhe Uzuni fiton një goditje dënimi në një zonë të rrezikshme.
    12′ Hysaj hedh një krosim në zonë dhe Manaj provon me kokë, por topi shkon mbi kuadratin e portës.
    7′ Stankovic provon me një gjuajtje nga distanca, por bllokohet nga Asllani.
    1′ Shkelmohet topi në Leskovc!

  • Shpërthen festa, Rej Manaj shënon gol në fund të pjesës së parë

    Shpërthen festa, Rej Manaj shënon gol në fund të pjesës së parë

    Shqipëria luan ndeshjen më të rëndësishme të kësaj fushate kualifikuese, ku në Leskovc përballet me Serbinë, një duel direkt për vendin e dytë në Grupin K që të dërgon në “Play Off”-et e Botërorit.
    Sylvinho i ka besuar rreshtimit të tij “bazë” 4-3-3.
    Në portë është Strakosha. Mbrojtja do të përbëhet nga Hysaj, ajeti, Gjimshiti dhe Mitaj. Në mesfushë është treshja Asllani, Laçi dhe Shehu. Ndryshimi i vetëm vjen nga krahu i majtë i sulmit, aty ku nuk do të jetë as Bajrami dhe as Hoxha, por Myrto Uzuni, ndërsa krahu i djathtë i është besuar Brojës. Në majën e sulmit do të jetë sërish Manaj.
    Ndërkohë edhe Serbia ka publikuar 11-shen e saj me rreshtimin 3-5-2.
    REZULTATI LIVE:
    SERBI 0-0 SHQIPËRI
    KOMENTI LIVE:
    45′ Akordohet vetëm 1 minutë shtesë.
    42′ Juljan Shehu shkakton në ndërhyrje të gabuar dhe ndëshkohet me kartonin e parë të verdhë të mbrëmjes.
    41′ Broja lëviz bukur në hyrje të zonës serbe, duke kaluar disa lojtarë. Më pas, Asllani gjen topin dhe provon fluturimthi me të majtën, por tentativa e tij shkon lart kuadratit.
    38′ Samardzic provon me një gjuajtje të lehtë në hyrje të zonës, por Strakosha e ndal pa probleme.
    37′ Serbët pretendojnë për 11-metërsh, pas një prekje të Laçit me gjoks. Pas konsultimit me VAR, gjyqtari lejon lojën të vazhdojë.
    30′ Vlahovic godet në hyrje të zonës, me topin që shkon jashtë kuadratit.
    26′ Vlahovic godet nga distanca, por Strakosha arrin ta ndalë topin në dy kohë.
    22′ Asllani hedh një krosim në zonë dhe Mitrovic e devijon duke rrezikuar autogolin, por Petrovic e kontrollon pa probleme.
    21′ Samardzic shkakton një ndërhyrje të gabuar dhe Uzuni fiton një goditje dënimi në një zonë të rrezikshme.
    12′ Hysaj hedh një krosim në zonë dhe Manaj provon me kokë, por topi shkon mbi kuadratin e portës.
    7′ Stankovic provon me një gjuajtje nga distanca, por bllokohet nga Asllani.
    1′ Shkelmohet topi në Leskovc!

  • Serbi-Shqipëri, ja prognoza e supersfidës ballkanike nga mediat e huaja dhe kompanitë e basteve

    Serbi-Shqipëri, ja prognoza e supersfidës ballkanike nga mediat e huaja dhe kompanitë e basteve

    Data e ndeshjes: E shtunë, 11 tetor 2025Ora: 20:45Stadiumi “Dubocica”, Leskovac
    Një tjetër mbrëmje kualifikuese për Botërorin 2026 me tension të lartë. Serbia pret Shqipërinë në një ndeshje që teston krenarinë, durimin dhe fuqinë, por mpleks edhe rivalitete historike e politike. Serbia humbi 5-0 ndaj Anglisë, ndërsa Shqipëria fitoi 1-0 ndaj Letonisë, në sprovat e fundit respektive para përplasjes direkte, vendimtare për vendin e dytë në grup, ose e thënë ndryshe “play off”-in e Botërorit.
    Lajmet pikante mbi dy kombëtaretSerbiaNikola Milenkoviç është i pezulluar, Milos Veljkoviç pritet të zëvendësojë në qendër të mbrojtjes. Dušan Vlahoviç dhe Aleksandar Mitroviç janë gati për sulmin. Aleksandar Pavloviç dhe Sasa Lukiç rikthehen në mesfushë. Serbia do të kërkojë rikthimin te fitorja, pas turpërimit 5-0 ndaj Anglisë.
    ShqipëriaPa shqetësime të mëdha për dëmtime. Kristjan Asllani dhe Armando Broja pritet të udhëheqin ekipin kuqezi. Shqipëria do të qëndrojë e kompaktësuar në fushë, e durueshme dhe do tentojë golin me kundërsulme.
    Formacionet e mundshmeSerbia (4-2-3-1): Rajković; Veljković, Pavlović, Babic, Mladenović; Lukić, Pavlović; Tadić, Kostić, Mitrović; Vlahović.Shqipëria (4-3-3): Strakosha; Hysaj, Gjimshiti, Ajeti, Mitaj; Shehu, Ramadani, Asllani, Bajrami; Uzuni, Broja, Daku.

    Prognoza sipas kompanive të basteveSerbia fiton – avantazh shtëpie.Mbi 2.5 gola – sulmi serb zakonisht funksionon në shtëpi.Të dyja ekipet shënojnë. Shqipëria rrallë krijon raste jashtë fushe.Serbia rikthehet pas humbjes ndaj Anglisë. Mitrović dhe Vlahoviç janë kërcënim kryesor në sulmin serb, Tadiç mund të hapë mbrojtjen shqiptare. Shqipëria do të mbrojë thellë, por pa “magjinë” individuale nga Asllani ose Broja, gjetja e golit duket e vështirë.Rezultati i saktë i sugjeruar: 2–0 për Serbinë (opsioni më riskant: 3-0).
    Statistika kyçeSerbia ka shënuar në 12 nga 13 ndeshjet e fundit kualifikuese në shtëpi.Shqipëria e ka mbajtur vetëm një herë portën e paprekur në 9 ndeshjet e fundit jashtë.Serbia nuk ka humbur kurrë ndaj Shqipërisë në kompeticione zyrtare.Mitroviç ka shënuar 4 gola në 5 ndeshjet e fundit për Serbinë.
    Shqipëri-Serbi, histori e gjatë rivalitetesh dhe sfidash futbollistike ndër dekada