4 Maj 2025
21:32
Telesport
Basel ka fituar ndaj Servette pasditen e sotme, në atë që mund të quhet ndeshja që vendos fatin e këtij sezoni, pasi dy ekipet rivalizojnë për titullin kampion, por, me fitoren e sotme 5-1, gjithçka mund të quhet e mbyllur.
Ylli kryesor i ndeshjes së sotme ishte padyshim Xherdan Shaqiri, i cili hapi serinë e golave në minutën e 28-të, ndërkohë që asistoi dhe në 3 golat e tjerë në vazhdim, dy prej të cilëve u shënuan nga shqiptari tjetër Arlind Ajeti 34′ dhe 38′.
Adams ngushto shifrat për miqtë me golin e tij në minutën e 55-të. Basel shënoi 2 gola të tjerë për 3 minuta në pjesën e dytë, me Traore 76′ dhe Vouilloz 79′, në të dy golat asistoi Shaqiri.
Kur mbeten edhe 4 javë nga fundi, Basel kryeson me 9 pikë dhe mund të shpallet kampion që në javën e ardhshme. Hera e fundit që Basel fitonte titullin në Zvicër ishte 8 vite më parë, në vitin 2017. Padyshim më meritori për rikthimin te titulli kampion pas kaq vitesh është Xherdan Shaqiri, i cili ka shënuar 15 gola dhe ka dhënë 20 asiste.





