Lajmidites.com

Tag: ashtu

  • Presidenti i Republikës Srpska, Dodik: Ashtu siç është, Evropa s’ka të ardhme!

    Presidenti i Republikës Srpska, Dodik: Ashtu siç është, Evropa s’ka të ardhme!

    ‘Europa ashtu siç është nuk ka pothuajse asgjë, ka humbur vlerat e saj dhe nuk ka të ardhme’. Kjo ka qenë deklarata e presidentit të Republikës Srpska, Milorad Dodik, në një intervistë për agjencinë shtetërore të lajmeve ruse, TASS.

    “Me këtë elitë evropiane, është e vështirë të shpëtosh fare, por është e qartë se Evropa nuk ka pothuajse asgjë,” tha ai, kur u pyet nëse Evropa po shkon në rënie dhe si mund të shpëtojnë evropianët nga kjo.

    “Dhe në fund të fundit, Evropa që i pëlqente të promovonte nocionin e vlerave evropiane, i ka humbur ato vlera. Nëse vepron ashtu siç e thamë ne, vepron, nëse është e gatshme të pengojë demokracinë, nëse është e gatshme të manipulojë zgjedhjet, nëse është e gatshme të abuzojë me drejtësinë, është e gatshme të na dërgojë një të huaj, që askush nuk e emëroi dhe nuk qëndron pas tij, atëherë kjo Evropë nuk ka të ardhme për të thënë.”

    Presidenti tha gjithashtu se Evropa nuk ka lider dhe krerët e vendeve individuale, luftojnë për të drejtuar vendet e tyre.

    “Askush nuk e ka paraqitur veten si lider suprem në këtë situatë,” vazhdoi ai. “Pritet që kancelari i ri gjerman të jetë lideri i ri, por vetë Gjermania ka shumë probleme dhe do ta kishte të vështirë të merret vetëm me çështjet evropiane”.

    Sipas presidentit, Evropës i mungon çdo lëndë e parë për industrinë e saj.

    “Është e qartë se ajo ka humbur konkurrencën e saj,” tha ai. “Nëse humbet konkurrueshmëria, humbet edhe inovacioni. Evropa nuk është më një qendër inovacioni për industrinë dhe teknologjinë në përgjithësi”./ TASS.

  • Rama pret në Kryeministri shefen për Politikën e Jashtme në BE: Më në fund e mbajte fjalën

    Rama pret në Kryeministri shefen për Politikën e Jashtme në BE: Më në fund e mbajte fjalën

    Ditën e sotme, shefja për politike të jashtme në BE-së, Kaja Kallas, po zhvillon një vizitë në Tiranë, ku është takuar edhe me kryeministrin Edi Rama në Kryeministri.
    Të pranishëm në takim, kanë qenë edhe ambasadori i BE Silvio Gonzato dhe ministri i jashtëm, Igli Hasani.
    Në një konferencë të përbashkët me kryeministrin pas firmosjes së marrëveshjes për financimin e hekurudhës Durrës-Rrogozhinë, pjesë e Korridori VIII, Edi Rama, u shpreh kanë diskutuar me Kallas për bashkëpunimin strategjik në fushën e sigurisë.
    “Është një nder që të kemi në këtë vizitë të parë në vendin tonë zv.presidenten e këtij komisioni Kaya Kallas. Mirëseerdhe në Shqipëri e dashur Kaya dhe më në fund e mbajte fjalën. Ma kishe dhënë më përpara si përfaqësuese e lartë e vendit tënd. Kemi pasur një takim pozitiv. Ashtu siç tha dhe zv.presidentja, mes nesh dhe BE nuk ka asnjë çështje të hapur.
    Natyrisht që kemi folur për sfidën e madhe të procesit drejt anëtarësimit të BE-së,. Për kalendarin ambicioz për mbylljen e negociatave në vitin 2027.

    Ashtu siç kemi folur për rajonin dhe problematikave në rajon, në një moment kur ne kemi nevojë për destabilitetin e të gjithë rajonin, kur të gjitha vendet kanë si synim anëtarësimin në BE dhe ku ky desitinacion është një pikë referimi e dobishme dhe ndikuese për të ndihmuar në politikën e ditës dhe hapat që duhet të hedhim për t’u anëtarësuar në BE.
    Thënë të gjitha këto, kemi prekur me zv.presidenten dhe çështjen e bashkëpunimit strategjik. Siguria është një temë gjithmonë e më qendrore në jetën e përditshme dhe në politikën e BE. Sikurse e kam ndarë dhe pak kohë më parë me publikun, në një anketë të fundit të bërë me BE-në, për popullaritetin e BE-së. Rezulton që pikërisht që nga viti 1983, mbështetja për BE=-në nga popujt që e përbëjnë është më e lartë ndonjëherë”, tha Rama.
    AGJENDA E KALLAS
    Më pas, Kallas do të zhvillojë edhe takime me ministrin për Evropën dhe Punët e Jashtme, Igli Hasani dhe ministrin e Mbrojtjes, Pirro Vengu.
    Kallas gjithashtu do të marrë pjesë në forumin e dialogut Shqipëri-BE për politikën e sigurisë e më pas në ceremoninë e marrëveshjes me Bankën Evropiane të investimeve.
    Po ashtu ajo do të mbajë një ligjëratë në Shtëpinë e Evropës. Pjesë e turit të saj të parë ballkanik ishin edhe takime në Malin e Zi, ndërsa pas Shqipërisë, ajo do të udhëtojë drejt Bosnjë-Hercegovinës.

  • Laimer flet për “lamtumirën” e Müller: Është lojtar dhe njeri unik, ashtu siç e shihni. 100% i vërtetë

    Laimer flet për “lamtumirën” e Müller: Është lojtar dhe njeri unik, ashtu siç e shihni. 100% i vërtetë

    8 Prill 2025

    10:37

    Alfred Lleshi

    Bayern Munich po përgatitet për një të ardhme pa Thomas Müller, i cili pak ditë më parë njoftoi largimin në fund të sezonit. Në konferencën për shtyp përpara ndeshjes së parë çerekfinale të Champions League ndaj Interit, Konrad Laimer është shprehur kështu, kur u pyet nëse pret ndonjë “magji” nga shoku i skuadrës në largim: “Si gjithmonë, por kemi edhe lojtarë të tjerë që mund ta vendosin një ndeshje si kjo. Jam i bindur se të gjithë mund të bëjnë diçka të jashtëzakonshme. Ne si grup do të përpiqemi të ndihmojmë njëri-tjetrin”.
    Si është të luash me një shok skuadre si Müller?Është një ndjesi e mrekullueshme, edhe të jesh në dhomat e zhveshjes dhe të kalosh kohë me të. Këto dy vitet e fundit kam pasur fatin të ulem pranë tij dhe mund të them se është tamam siç duket, 100% i vërtetë. Ka gjithmonë karakterin e tij të veçantë dhe është kënaqësi të jesh pranë një personi të tillë. Transmeton shumë energji, përmirëson të tjerët, sepse kërkon gjithmonë të përmirësojë edhe veten. Kam mësuar shumë prej tij. Kisha luajtur kundër tij më parë dhe mendoj se është një nga lojtarët më të mëdhenj që kanë ekzistuar. Më ka ndihmuar shumë.
    Si e mësuat lajmin për largimin e tij? Dhe kush mund ta zëvendësojë?Nuk mund të zëvendësohet. Ai është unik, i jashtëzakonshëm. E mësova si ju, përmes mediave. Dua t’i shijoj këto javët e fundit me të, ashtu si edhe shokët e mi të skuadrës. Vazhdojmë të mësojmë prej tij. Ajo që transmeton para një ndeshjeje është e pabesueshme. Kush do të vijë pas tij, do ta shohim, për momentin nuk e kemi mendjen aty.

  • Barcaleta e Frederikut që i bëri të gjithë të qeshin

    Barcaleta e Frederikut që i bëri të gjithë të qeshin

    Ashtu siç e kishim paralajmëruar, natë e dytë e Ferma VIP 2  ka nisur me plot batuta dhe humor. Ndërsa mes fermerëve po diskutohej humori i Frederikut, Luana i ka krkuar këtij të fundit që të tregojë një barcaletë, për të treguar se ai ka një sens të fortë humori.
    Ka mjaftuar vetëm titulli i barcaletës së Frederikut që të shpërthejnë të qeshurat si në Fermë ashtu edhe në studio.
    Pjesë nga biseda:

    Luana: O Frederik më trego noj barcaletë mua, se unë të kuptoj se jam nga Shkodra.
    Frederiku: Mësuesja dhe Beni (Të qeshura në studio)
    Zhaku: Bravo, pra bravo e qave, këto pra janë barcaleta.

  • Berisha: Të gjitha padrejtësitë ligjore në përllogaritjen e pensioneve do marrin fund brenda 3 muajsh

    Berisha: Të gjitha padrejtësitë ligjore në përllogaritjen e pensioneve do marrin fund brenda 3 muajsh

    Në konferencën e përditshme për mediat, kreu i opozitës Sali Berisha shprehu shqetësimin e tij për gjendjen e pensionistëve shqiptarë, duke e cilësuar sjelljen ndaj tyre si një dëshmi të njerëzisë apo ç‘njerëzisë së shtetit. Ai theksoi se pensionistët janë të pa përfaqësuar në mënyrën më të keqe dhe përballen çdo ditë me mjerim, duke shtuar se janë shtresa më e nevojshme që meritojnë më shumë vëmendje dhe përkrahje.
    Kryedemokrati prezantoi disa masa konkrete që do të ndërmarrë Partia Demokratike për të lehtësuar jetesën e pensionistëve, përfshirë vendosjen e minimumit jetik prej 200 euro për pensionistët që marrin më pak se kaq dhe ofrimin e një karte të konsumatorit që do të lehtësojë shpenzimet e pensionistëve.
    Lideri i opozitës deklaroi se pensionistët kanë mbështetur programin e Partisë Demokratike dhe refuzojnë qëndrimin cinik të Edi Ramës ndaj tyre. Berisha theksoi se pensionistët nuk kërkojnë asgjë më shumë se shpërblimin që meritojnë, ashtu siç ndodh në vende si Kosova, Maqedonia dhe Mali i Zi. Sipas tij, një pensionist në Shqipëri dikur merrte më shumë se në Bullgari dhe Rumani, por sot situata është përkeqësuar. Berisha akuzoi administratën e Ramës për mos-pagimin e sigurimeve shoqërore dhe ndarjen e vetëm 16 milionë eurove për pensionistët nga 8 miliardë euro. Ai shtoi se pensionistët kanë vlerësuar paketën e “dhembshurisë” të ofruar nga qeveria.
    Gjatë konferencës për shtyp, kryetari i PD-së denoncoi ashpër kryebashkiakun e Tiranës, Erion Veliaj, duke e cilësuar atë si pjesë të një “shpelle intrigantësh” dhe një grupi kriminal që përfshin individë të inkriminuar. Sipas tij, Veliaj është pjesë e një organizate kriminale që përfshin si strukturat familjare, ashtu edhe ato bashkiake, duke theksuar se ky grup ka mundur të arrijë deri aty sa të orkestrojë kurthe dhe manipulime. Ai u shpreh se reagimi dhe përgjimet e fundit të Veliajt përbëjnë dëshmi të një grupi mafioz, të cilët veprojnë pa asnjë normë, ligj apo rregull.
    Më tej, lideri i opozitës e cilësoi Veliajn si pjesë të një “shpelle intrigantësh” dhe një grupi kriminal që përfshin individë të inkriminuar. Sipas tij, Veliaj është pjesë e një organizate kriminale që përfshin si strukturat familjare, ashtu edhe ato bashkiake, duke theksuar se ky grup ka mundur të arrijë deri aty sa të orkestrojë kurthe dhe manipulime. Ai u shpreh se reagimi dhe përgjimet e fundit të Veliajt përbëjnë dëshmi të një grupi mafioz, të cilët veprojnë pa asnjë normë, ligj apo rregull.
    Kryetari i PD-së Sali Berisha, gjatë konferencës me gazetarët, paraqiti dhe planin e financimeve të programit të paraqitur, duke theksuar se këto fonde do të vijnë nga ulja e korrupsionit dhe keqpërdorimit të parasë publike. Ai shtoi se fondet do të merren nga ulja e shpenzimeve të panevojshme, si djegësit e Tiranës dhe shpenzimet për avion taksi për kryeministrin, dhe nga realizimi i punëve publike me çmime ndërkombëtare. Berisha po ashtu theksoi se ulja e taksave do të rrisë të ardhurat buxhetore deri në 30% të GDP-së në katër vitet e ardhshme. Ai e vuri theksin në luftën me korrupsionin dhe krimin si burimin kryesor të financimit për këto projekte. Sipas tij, administrata e tepërt dhe keqmenaxhimi i burimeve publike do të ndalen, duke kursyer fonde që mund të shpenzohen për zhvillimin e infrastrukturës.
    Kryedemokrati reagoi edhe lidhur me përdorimin e logove të Partisë Demokratike nga Lulzim Basha. Ai e cilësoi këtë akt si një vjedhje pronësie, të diktuar nga padroni i tij, Edi Rama. Berisha theksoi se ky është një i gabuar dhe një gjest i dënueshëm.

  • Conceição nuk dorëzohet: Vazhdojmë betejën për ta fituar Kupën e Italisë

    Conceição nuk dorëzohet: Vazhdojmë betejën për ta fituar Kupën e Italisë

    Sergio Conceição mund ta shohë gotën gjysmë të mbushur pas ndeshjes së parë gjysmëfinale të Kupës së Italisë. Pas humbjes së rëndë ndaj Napolit, trajneri portugez e ka ndihmuar Milanin të rigjejë ritmin dhe të vazhdojë të synojë objektivin e vetëm sezonal, që mbetet i arritshëm. Ky qëndrim do të jetë i domosdoshëm edhe në ndeshjen e kthimit për të vazhduar ëndrrën për finalen dhe siguruar një vend në Europë.
    “Tani presim ndeshjen e kthimit, sepse duam të luftojmë për trofeun dhe ta fitojmë atë. Ishte një ndeshje e ekuilibruar, kundër një kundërshtari të vështirë, që na njeh shumë mirë. Nga ana mbrojtëse arritëm ta menaxhonim shumë mirë, – tha Conceição për “Sportmediaset”.
    – Ashtu si Interi, edhe ne patëm rastet tona, veçanërisht në pjesën e dytë, ndërsa në të parën zikaltrit ishin shumë të rrezikshëm në goditjet standarde, si në këndore ashtu edhe në rivëniet anësore”.
    Një element kyç në menaxhimin e ndeshjes ishte qasja taktike e Conceição, i cili ka shfrytëzuar stërvitjet gjatë javës për të marrë masat kundër Interit dhe për të ndjekur atë paraqitje të mirë që u pa në pjesën e dytë kundër Napolit:
    “E dinim se ata do të tërhiqeshin prapa, sidomos me skemën 3-5-2, ku dy mesfushorët duhet të mbulojnë të gjithë fushën, ndaj u përpoqëm ta qarkullonim topin me shpejtësi dhe të sulmonim nga krahët, ku i vumë në vështirësi. Duhet të bëjmë më shumë, por më në fund pashë një skuadër kompakte, ashtu siç më pëlqen mua.
    Kur mbërrita në stolin e Milanit, luajtëm dy ndeshjet e Superkupës dhe më pas kishim nga një sfidë çdo tri ditë. Më në fund tani kemi më shumë kohë për t’u përgatitur gjatë javës, shpresoj të shoh të njëjtin agresivitet si sonte”.

  • Thirrja e ekspertëve: Fëmijët nën 3 vjeç të mos lejohen asnjë sekondë pranë ekraneve

    Thirrja e ekspertëve: Fëmijët nën 3 vjeç të mos lejohen asnjë sekondë pranë ekraneve

    Fëmijët nën tre vjeç nuk duhet të ekspozohen ndaj ekraneve, kurse ata deri në gjashtë vjeç mund të kenë akses në ekrane, por në mënyrë të limituar.

    Këto janë udhëzimet që ka nxjerrë një grup ekspertësh, i caktuar nga presidenti francez, Emmanuel Macron. Reklama në FieriWeb – “VEGA GROUP”

    Paneli deklaroi po ashtu të martën se fëmijët nën 11 vjeç nuk duhet të lejohen të mbajnë celularë. Po ashtu, sipas tyre, askush deri në 13 vjeç nuk duhet të lejohet të ketë celular me akses në internet.Reklama në FieriWeb – “VODAFONE ALBANIA”

    Ndërkohë, sa i përket mediave sociale, sipas këtyre ekspertëve, ato duhet të ndalohen për fëmijët nën 15 vjeç. Kurse adoleshentët mbi këtë moshë duhet të kenë akses vetëm në platforma etike, si Bluesky.

    Sipas grupit të caktuar nga Macron, mediat sociale mund të kthehen në faktorë risku për përjetimin e ankthit dhe depresionit te të rinjtë. Po ashtu, ata zbuluan se fëmijët mund të përballen me një nivel alarmues ekspozimi ndaj përmbajtjes pornografike dhe dhunës.

    Në raport thuhet se ka një konsensus shumë të qartë sa i përket efekteve negative, si indirekte ashtu edhe direkte, që sjellin ekranet.Reklama në FieriWeb – “PASTIÇERI “RUSTEMAJ”

    Në të thuhet gjithashtu se koha e kaluar në ekrane ka pasoja si për shëndetin e fëmijëve, ashtu edhe për zhvillimin e tyre, por edhe në të ardhmen e civilizimit dhe shoqërisë sonë.

  • Detaje nga hetimi i motrave Nikolli, zbulohet çfarë sekuestroi SPAK

    Detaje nga hetimi i motrave Nikolli, zbulohet çfarë sekuestroi SPAK

    Klan News ka zbardhur detaje të reja nga kontrolli që u zhvillua në 28 Mars në banesën e motrave Xhovana dhe Alda Nikolli. Burime bëjnë me dije se në vendimin e gjykatës ishte specifikuar që të kontrollohet banesa ku jetojnë dy motrat dhe e prindërve të tyre, po ashtu të sekuestrohen edhe aparatet celularë.

    Prokuroria e Posaçme i kërkoi leje gjykatës për kontrolle për shkak të hetimeve që po kryen për shpërthimi i një sasie tritoli në derën e apartamentit ku jetonin me qira më herët motrat Nikolli. Nga shpërthimi fatkeqësisht u lëndua fqinji i tyre Enea Thomaraj, i cili për shkak të plagëve në pjesën e kokën nga rënia e derës së banesës së tij qëndroi 3 muaj në koma dhe humbi jetën në 4 Tetor të 2024. I riu ishte pa asnjë  precedent të mëparshëm penal.  Reklama në FieriWeb – “VEGA GROUP”

    Po ashtu Klan News ka mësuar se operacioni i strukturave të policisë ka nisur që në orët e para të mëngjesit me vëzhgimin e dy motrave dhe të babait të tyre. Në momentin, që ata u ngjitën në një automjet BMV X1 që drejtohej nga babai i tyre, mësohet se forcat e policisë i prenë rrugën dhe informuan se ndaj tyre kishte një urdhër gjykate për kontrollin e banesave.Reklama në FieriWeb – “VODAFONE ALBANIA”

    Pas sekuestrimit të aparateve celularë që në momentin e parë ata janë shoqëruar në banesat përkatëse ku edhe është ushtruar kontrolli. Të njëjtat burime konfirmuan se motrat Nikolli gjatë kontrollit hodhën akuza ndaj të penduarit të drejtësisë, Nuredin Dumani, duke e akuzuar si porositës të ngjarjes.

    Prokuroria e Posaçme ka dyshime se Xhovana Nikolli e fejuara e të penduarit të drejtësisë, Amarildo Nikolli dhe motra e saj Alda që ishte në një lidhje me Nuredin Dumani kanë dijeni se kush është personi që ka vendosur tritolin në derën e apartamentit të tyre, e po ashtu edhe për emrin e urdhëruesit.

    Shpërthimi ndodhi në katin e 4 të pallatit në Lagjen Haxhias të Elbasanit ku banonin motrat Nikolli ndodhi më 14 korrik 2024. Banesa e dy motrave pati vetëm dëme materiale ndërsa komshiu përballë humbi jetën disa muaj më vonë për shkak të plagëve të marra.Reklama në FieriWeb – “PASTIÇERI “RUSTEMAJ”

  • Shqipëri-Greqi, poezia në mes, zërat poetikë femërorë forcojnë dialogun mes dy vendeve

    Shqipëri-Greqi, poezia në mes, zërat poetikë femërorë forcojnë dialogun mes dy vendeve

    Nga Tea Sadiku 
    Mbrëmjen e së martës u organizua një nga eventet më të veçanta kulturore që bashkoi letërsinë dhe artin poetik, mes Shqipërisë dhe Greqisë.
    Kjo iniciativë e rëndësishme për promovimin e poezisë femërore dhe forcimin e lidhjeve kulturore mes dy vendeve u organizua nga Ambasada e Greqisë ne Tirane.

    Organizatorët theksuan se ky aktivitet kishte qëllim krijimin e një dialogu kulturor dhe vënien në dukje të ndikimit të kësaj poezie në skenën letrare ndërkombëtare.
    “Gruaja sot si në Europë dhe ne mbarë botën, pavarësisht arritjeve dhe përparimit, që mund të ketë, ende nuk e ka arritur të plotë konceptin e barazisë gjinore. Megjithatë Shqipëria ka bërë përpjekje te mëdha vitet e fundit për të promovuar barazinë gjinore si në jetën politike ashtu dhe në atë private. Shihet qartë në përbërjen qeveritare si dhe në institucione gjegjëse ku gratë mbajnë poste me peshë. Këtë vit aktiviteti ynë synon të nxjerr në pah një tjetër prirje dinamike në një tjetër fushë ku spikat aktiviteti dinamik i grave si në Shqipëri ashtu dhe në Greqi, atë të letërsisë. ndikimi dhe roli i tyre sot është më i fortë se kurrë”, tha ambasadorja e Greqisë në Shqipëri Kostandina Kamitsi.
    Pjesëmarrëset kryesore në aktivitet ishin poete të njohura nga Shqipëria dhe Greqia, të cilat përmes poezisë, sollën një formë e fuqishme shprehëse, duke nxjerrë në pah ndjenjat e lirisë, pasionit dhe të sfidave që përjetojnë gratë në jetën e përditshme, si dhe ndikimin që ato mund të kenë në shoqëri nëpërmjet artit dhe krijimtarisë.
    “Lexuesi i sotëm si në Shqipëri dhe Greqi ka shumë të rëndësishëm raportin me historinë. Letërsia femërore është jetë, është ajër dhe ndoshta e pasuron shumë botën”, tha poetja Natasha Lako.
    Poetet kërkojnë që në fokus të jetë roli i gruas në krijimin e një letërsie autentike dhe poezia të shërbejë si mjet për të ngritur ndërgjegjësimin për problemet shoqërore. Gjithashtu ato kërkojnë të mos ketë një ndarje gjinore për krijimtarinë e tyre.
    Po ashtu, gjatë kësaj mbrëmje u bë edhe promovimi i antologjisë poetike “Gjysma tjetër e qiellit” e përkthyer nga Maklena Nika, si një përmbledhje poetike e 160 poeteve greke të shekullit XX dhe XXI./vizionplus.tv

  • Berisha uron: Ramazani dhe Bajrami tjetër t‘i gjejë shqiptarët ashtu siç e meritojnë

    Berisha uron: Ramazani dhe Bajrami tjetër t‘i gjejë shqiptarët ashtu siç e meritojnë

    Kryetari i Partisë Demokratike, Sali Berisha ka marrë pjesë mbrëmjen e sotme në një iftar të shtruar për besimtarët myslimanë nga kryetarja e Komisionit të Apelimit dhe njëkohësisht kandidatja e opozitës për Qarkun Tiranë, Adriana Kalaja.
    Gjatë fjalës së tij, ai uroi besimtarët myslimanë për agjërimin e Ramazanit dhe shprehu mirënjohjen e tij për sakrificat e bëra nga ata. Ai theksoi se sakrifica është çelësi i arritjeve të çdo individi dhe kombi, duke shpresuar që viti i ardhshëm të sjellë një Ramazan dhe Bajram më të mirë dhe ashtu siç e meritojnë shqiptarët.
    “Nga zemra, uroj për secilin prej jush, uroj për të gjithë besimtarët e kësaj zone dhe kudo që janë dhe që agjerojnë Ramazanin, që Zoti i madh t’ua pranojë sakrificën e tyre.

    T’ua pranojë sakrificën, sepse njeriu dhe njerëzimi gjithçka të mirë kanë arritur e kanë arritur me sakrificë. Uroj që kjo sakrificë të shndërrohet në mirësi, në të mira për ju, familjet tuaja dhe për shqiptarët kudo që janë.

    Kryetari i Partisë Demokratike uroi që vinin e ardhshëm Ramazani dhe Bajrami ti gjej shqiptarët ashtu siç duhet dhe ashtu siç meritojmë.
    Uroj që muaji tjetër i Ramazanit dhe Bajrami tjetër, vitin e ardhshëm, të na gjejnë ashtu siç duhet dhe ashtu siç meritojmë.
    Kanë qenë vite sakrificash, vite me plot sakrifica dhe dhimbje, por gjithçka që është bërë, çdo sakrificë është bërë për dinjitet njerëzor, është bërë për vlerat që besojmë, për besimin tek Zoti dhe besimin tek ky vend.
    Berisha e mbylli fjalën e tij duke shprehur mirërnjohjen më të thellë për çdo shqiptar për qendrimin e tyre me lutjet se viti tjetër të jetë një viti më i mirë për të gjithë”, u shpreh Berisha.