Lajmidites.com

Tag: asani

  • ZYRTARE/ Befasia e Jasir Asanit, zgjedh të transferohet në Iran

    ZYRTARE/ Befasia e Jasir Asanit, zgjedh të transferohet në Iran

    Jasir Asani është zyrtarizuar në Iran. Klubi i Esteglal ka  gjetur marrëveshjen me Guangju për afrimin e sulmuesit shqiptar.
    Asani ka firmosur një kontratë, e cila do të jetë e vlefshme deri në fund të sezonit 2026-2027.

    Klubi i Esteglal ka sqaruar se lojtari ka kontratë me Guangju deri në janar, çka do të thotë se për debutimin me ekipin e ri, duhet pritur deri në atë muaj.
    ”Pas negociatave mes Esteglal dhe anësorit të sulmit shqiptar Jasir Asani, lojtari firmosi një kontratë me Esteglal për një sezon e gjysmë dhe do të bashkohet me Esteglal sapo të mbarojë kontrata me klubin e tij aktual korean Guangju.
    Lojtari ka kontratë me klubin korean deri në janar dhe drejtuesit e Esteglal po mundohen që të sigurojnë që lojtari t’i bashkohet klubit para fundit të saj”, – shkruan Esteglal.

     

  • Tani është zyrtare/ Jasir Asani largohet nga Gwangju, firmos kontratën e re në Iran

    Tani është zyrtare/ Jasir Asani largohet nga Gwangju, firmos kontratën e re në Iran

    Jasir Asani ka firmosur me ekipin e ri duke nisur një aventurë të re në karrierë. Futbollisti shqiptar nuk do të jetë më pjesë e Gwangju, por e Esteghal në Iran.
    Zyrtarizimi ka ardhur nga faqja zyrtare e Esteghal e cila konfirmon se Asani do të jetë pjesë e tyre për një vit e gjysmë. Një histori transferimi që mbyllet për Asanin, teksa tifozët e Esteghal kishin pushtuar rrjetet sociale të shqiptarit prej kohësh duke kërkuar afrimin e tij. /Sport Ekspres/

  • Jasir Asani fiton kundër Newcastle dhe hedh foton me Tripper, nuk ndalen tifozët e ekipit të Iranit karshi shqiptarit

    Jasir Asani fiton kundër Newcastle dhe hedh foton me Tripper, nuk ndalen tifozët e ekipit të Iranit karshi shqiptarit

    Jasir Asani ka luajtur në ditën e sotme në ndeshjen mes yjeve të Koresë së Jugut dhe Neëcastle. Një ndeshje e fituar nga koreanët në shifrat 1-0, ndërsa në këtë formacion ishin përfshirë lojtarët më të mirë të kampionatit të Koresë së Jugut.
    Cuditërisht, Jasir Asani e nisi nga stoli takimin, pavarësisht se kishte marrë votat e tifozëve për ta nisur si titullar. Megjithatë shqiptarit u hodh në fushë në minutën e 46 dhe në një moment traversa i mohoi golin.
    Në fundin e ndeshjes, lojtari i Shqipërisë ka shkëmbyer fanellën me Tripper, ndërsa menjëherë pas publikimit të kësaj fotografie, tifozët e Esteghal në Iran vazhdojnë “të çmenden” pas Asanit duke kërkuar nëpërmjet komenteve transferimin e tij nga Gëangju. /Sport Ekspres/

  • “River Plate” i Iranit do Jasir Asanin, 15.000 tifozë çudisin shqiptarin, i luten të firmosi me ta

    “River Plate” i Iranit do Jasir Asanin, 15.000 tifozë çudisin shqiptarin, i luten të firmosi me ta

    Jasir Asani mbetet ende në merkato dhe nuk është larguar nga Gëangju. Emri i futbollistit shqiptar është përfolur në disa ekipe, por edhe për shkak të qëndresës që ka bërë skuadra koreane, Jasir Asani nuk është larguar. Ndërkohë në orët e fundit ka qarkulluar lajmi se Asani do t’i bashkangjitet një ekip nga Irani, Esteghal.
    Kjo është një prej ekipeve nga më të mëdhatë në Iran dhe ka një stadium me kapacitet prej thuajse 80.000 vëndesh. Esteghali është një ekip që i përafrohet stilit të River Plate për nga mënyra sesi përjetohet një ndeshje futbolli, me stadiumin e stërmbushur dhe me njerëzit që e përjetojnë ndeshjen, më shumë sesa një lojë, duke ofruar pamje të rralla. Një lajm i dalë në mediat iraniane ka bërë që Instagrami i Jasir Asanit të shpërthejë si kurrë më parë papritur.
    Futbollisti shqiptar është çuditur dhe ka mbetur pa fjalë kur pa se në një fotografi të postuar në Instagram ishin rreth 15.500 komente të bëra. Një fotografi normale nga stërvitja, ndërsa një numër i tillë reagimesh dhe komentesh nuk kishin ardhur as kurrë Jasir Asani ishte heroi i Shqipërisë me golat e shënuara kundër Cekisë dhe Polonisë. Nga 15.500 komente, vetëm 500 prej tyre ishin shqiptarë, ndërsa 15.000 komente vinin nga tifozët e Esteghalit në Iran.?Shumë prej tyre kishin përdorur Google Translate dhe nëpërmjet saj lanë disa komente në gjuhën shqipe në profilin e Asanit. Ata i kërkonin Jasir Asanit që të nënshkruante për Esteghalin dhe i garantonin se në vendin e tyre nuk ka luftë, por është një vend në paqe dhe pa konflikt.
    Kjo e detyroi edhe Jasir Asanin që të mbyll komentet për pak kohë pasi profili i tij është pushtuar me një numër të madh reagimesh të njerëzve nga Irani që kërkojnë firmën e tij. Ndërkohë në mediat iraniane është theksuar se problemi për këtë kalim të Asanit është pikërisht fakti se Irani ndodhet shpesh në një histori konfliktesh si në rastin e fundit me Izraelin dhe për këtë arsye, Asani nuk dëshiron që të shkojë atje. Kështu tifozët e Estghalit janë bashkuar dhe kërkojnë që ta bindin vetë futbollistin shqiptar duke i garantuar paqen dhe se nuk do t’i cënohet siguria e tij në Iran.
    Gjithashtu edhe trajneri i Esteghal po mundet të bëjë gjithçka që të bind lojtarin e Shqipërisë për ta marrë si përforcim në merkaton e verës. Tani vendimi mbetet në duart e Asanit, por e sigurisht është që më një reagim të tillë të njerëzve në profilin e shqiptarit, nëse ky kalim do të ndodhte, një pritje e madhe dhe e çmendur do të bëhej për lojtarin kuqezi. /Sport Ekspres/
     
     

  • Jasir Asani shpërthen me gola në Korenë e Jugut, realizon dy rrjeta në dy minuta

    Jasir Asani shpërthen me gola në Korenë e Jugut, realizon dy rrjeta në dy minuta

    Adriatik BALLA
    Trajneri brazilian i Kombëtares tonë, Silvinjo, po merr sinjale pozitive nga disa lojtarë kuqezinj në këtë periudhë, sidomos ata që i kanë nisur aktivitetet në vendet ku luajnë apo dhe lojtarë që po zhvillojnë ndeshje miqësor enë fazat përgatitore. Duhet thënë se një nga emrat që po spikat gjatë ditëve e javëve të fundit është sulmuesi anësor Jasir Asani, i cili luan me Guangju në Korenë e Jugut. Javët e fundit Asani po shkëlqen me gola, duke shënuar rregullisht dhe duke u përfshirë në listën e më të mirëve të javës. Së fundmi ai shënoi një dygolësh të shpejtë që sollën befasi tek shikuesit dhe teleshikuesit. Por njëri nga golat anulohet. Madje realizimet e Asanit janë spektakolare. Kjo formë e tillë e mirë sportive mund ta ndihmojë atë të rikthehet titullar në ekipin përfaqësues. Ditën e djeshme, ai ka shënuar dygolësh brenda 2 minuta kundër Gimçeon Sangmu. Në minutën e 37-të, sulmuesi i Kombëtares shqiptare kaloi në avantazh Guangjunë me një gol fantastik. Në të 39′ ai dyfishoi shifrat, por pas një rishikimi në VAR, goli i dytë i është anuluar për pozicion jashtë loje.
    Një tjetër shqiptar i bashkohet Luzernës në Zvicër, është Xhemalija
    Në kampionatin zviceran vijojnë lëvizjet e lojtarëve shqiptarë. Madje ka transferime interesante që japin shpresë për cilësi në rritje të kontigjentit shqiptar në superligën zvicerane. Duhet thënë se në këtë vend luan një numër i madh futbollistësh dhe ata janë të shpërndara në të dy kategoritë e futbollit të këtij vendi. Kontigjenti shqiptar në Zvicër ka shumë cilësi dhe një prej më të spikaturve është Xherdan Shaqiri. Ndërkohë, dje ndodhi lëvizja e radhës. Futbollisti 19-vjeçar, Demir Xhemalija, i është bashkuar skuadrës së Luzernës. Ai te Luzerna u transferua nga Bazeli U21. Mesfushori me Luzernën ka nënshkruar kontratë dyvjeçare, me mundësi vazhdimi edhe për një vit tjetër. Xhemalija te Bazeli U21 ishte nga viti 2023. Në edicionin 2024/25 ai me të rinjtë e Bazelit zhvilloi 16 ndeshje ku kontribuoi me një gol. Xhemalija nuk ka bërë paraqitje zyrtare me ekipin e parë të Bazelit. “Demir Xhemalija është lojtar i ri e interesant, që ka potencial të madh për zhvillim. Atij do t’i jepet koha e nevojshme për t’u zhvilluar me kujdes”, theksoi drejtori sportiv i Luzernës, Remo Mejer. Xhemalija ka paraqitje për grupmoshat U16, U17 dhe U19 të Zvicrës.
    Jashari kthehet në stërvitje me Klub Bruzhin
    Portali belg “Het Laatste Nieuws” shkroi për situatën e mesfushorit shqiptar të Zvicrës, Ardon Jashari, i cili është rikthyer në stërvitje me ekipin e tij, Klub Bruzhe, megjithatë jo ende në seanca të plota me grupin, por në një program të personalizuar. Kjo pritet të shërbejë si një fazë tranzicioni, ndërkohë që e ardhmja e tij mbetet e paqartë. Ndërkohë, Milan vazhdon ta ketë në krye të listës së dëshirave. Pas raportimit ku u zbulua për herë të parë interesimi konkret i kuqezinjve për mesfushorin 21-vjeçar, kontakti mes palëve nuk është ndërprerë. Milan shpreson që Bruzh të jetë i gatshëm të negociojë, edhe pse deri tani nuk është dhënë asnjë sinjal zyrtar për pranimin e një oferte.

  • VIDEO/ 4 gola në 5 ndeshjet e fundit! Jasir Asani nuk ndalet më te Gwangju, tjetër super gol me të majtën

    VIDEO/ 4 gola në 5 ndeshjet e fundit! Jasir Asani nuk ndalet më te Gwangju, tjetër super gol me të majtën

    Jasir Asani “ka shpërthyer”! Futbollisti shqiptar ka gjetur një tjetër gol fantastik në kampionat me Gwangju. Këta të fundit barazuan në shifrat 1-1 me Gimcheon, ndërsa Asani shënoi në minutën e 37. E majta e Asanit ishte perfekte, duke gjetur saktësisht cepin e rrjetës.
    Ndërkohë vetëm dy minuta më vonë, Asani realizoi edhe një tjetër gol, por që u anulua për pozicion jashtë loje. Ky ishte goli i katërt i Asanit me Gëangju në 5 ndeshjet e fundit, duke konfirmuar formën ideale. /Elio Hajdari-Sport Ekspres/

  • Gol me Gwangju, Asani vlerësohet si “lojtari i ndeshjes” në Kore

    Gol me Gwangju, Asani vlerësohet si “lojtari i ndeshjes” në Kore

    Gwangju barazoi 1-1 me Gimcheon Sangmu, në ndeshjen e vlefshme për kampionatin korean.
    Sulmuesi shqiptar i Gwangju, Jasir Asani realizoi golin e vetëm për skuadrën e tij, ndërsa gjeti edhe të dytin, por iu anulua.

    Pas sfidës, ai është vlerësuar si “lojtari më i mirë i ndeshjes”.
    Për futbollistin ky është viti i 3-të me Gwangju. Asani është përfolur edhe për një largim nga Kore-ja, por me këtë formë, klubi vështirë se do pranojë të heqë dorë nga shërbimet e tij.

  • Parma futet në garë për Brojën, Laçi merr oferta tunduese nga Turqia

    Parma futet në garë për Brojën, Laçi merr oferta tunduese nga Turqia

    Adriatik BALLA
    Përfaqësuesja do të kthehet në shtator të luajë ndeshjet eliminatore në kuadër të kualifikueseve të Kupës së Botës 2026. Për trajnerin Silvinjo duhet që lojtarët të jenë në formë dhe të kenë minuta në këmbë. Në tërësi ai pret që përfaqësuesja të paraqitet mirë dhe me rezultat maksimal ndaj Letonisë më 9 shtator, por një pjesë e futbollistëve duket se nuk e gëzojnë formën e vet më të mirë, për shkak të problemeve që po kalojnë, një pjesë me dëmtimet e një pjesë me mungesë minutash. Një kategori tjetër lojtarësh po përpiqen të gjejnë skuadër pasi janë ende “në ajër”. Mes tyre Armando Broja, Rei Manaj, Kristjan Asllani e ndonjë tjetër. por ka sinjale pozitive për disa kuqezinj.
    Broja s’ka rrugë tjetër veç të ndahet me Çelsin
    U bën muaj të shumtë tashmë që një prej sulmuesve me pritshmëritë më të mëdha të kësaj periudhe të kombëtares kuqezi, si Armando Broja, nuk po arrin të stabilizohet në një skuadër dhe kjo falë luhatjeve të paraqitjes së tij. Ajo që dihet me 100% siguri është largimi i shqiptarit nga Çelsi, pasi nuk bën pjesë në planet e trajnerit Enzo Mareska. Emri i Brojës për lidhur me disa ekipe këtë verë nga liga të ndryshme, si ato në Angli, ashtu dhe jashtë saj, si PSV dhe Ajaks në Eredivisie, Stuttgart dhe Leipzig në Bundesligë dhe së fundmi ka dhe një ekip nga Serie A që interesohet për sulmuesin kuqezi. Sipas asaj që raporton Nikolo Skira, është pikërisht klubi i Parmës që kërkon sulmuesin kuqezi, por ende nuk bëhet e ditur nëse e do në formë huazimi, apo të blejë përfundimisht kartonin e tij. Megjithatë, duket e vështirë ardhja e Armando Brojës në Serie A, pasi sulmuesi duket i vendosur për të qëndruar ende në Angli. Gjithsesi, ditët në vijim pritet të vendoset përfundimisht fati i sulmuesit kuqezi.
    Laçi drejt kampionatit turk
    Qazim Laçi do e vazhdojë karrierën te Rizespor. Klubi turk ka arritur akordin me Spartën e Pragës, ndërsa së shpejti pritet zyrtarizimi i mesfushorit të Kombëtares. 29-vjeçari është titullar i Kombëtares prej kohësh. Në Turqi do të luajë për herë të parë, ndërsa klube të tjera të elitës ishin interesuar për të. Laçi largohet nga Sparta e Pragës pas 113 ndeshjesh. Gjatë kësaj kohe shënoi gjashtë gola dhe asistoi 18 të tjerë. Mesfushori shqiptar ishte ndër më të vlerësuarit e skuadrës. Tashmë është gati për tjetër aventurë pas kalimit të testeve mjekësore.
    Sulmuesi/ Asani komenton suksesin në Korenë e Jugut
    Sulmuesi kuqezi, Jasir Asani, ka rigjetur golat me Guangju. Për herë të fundit shënoi më 18 korrik, ndërsa Guangju u mposht 2 me 1 në transfertën e Suon. Asani është tashmë në kuotën e shtatë golave në kampionat. Dhe këtë fakt e ka kujtuar sot. “Pa ndjenja, vetëm objektiva”, shkruan fillimisht Asani. Më pas e shoqëron me një tjetër foto: “Kurrë mos e humb buzëqeshjen”. Asani ka kontratë të vlefshme deri në fund të vitit me klubin korean. Pritej shitja e kartonit të 30-vjeçarit në Japoni, por bllokimi i merkatos për Guangju ka bërë që ta mbajnë për shkak të mungesës së alternativave.

  • Asani gjen golin e radhës në Kore, për Dakun nisin polemikat në Rusi

    Asani gjen golin e radhës në Kore, për Dakun nisin polemikat në Rusi

    Adriatik BALLA
    Jasir Asani u është kthyer golave në Korenë e Jugut, pavarësisht se skuadra e tij humbi, ndërsa Mirlind Daku, pavarësisht se nënshkroi kontratë të majme rinovimi me Rubin kazanin, vijon të shkaktojë polemika në Rusi. Nga ana tjetër, sulmuesi Ernest Muçi kthehet në fushë e bën gjërat si duhet, por Beshiktashi se ka në planet e sezonit të ri.
    Daku në qendër të vëmendjes në Rusi
    Dmitri Seliu, i cili është agjent i futbollistëve, foli dje rreth situatës së sulmuesit shqiptar, Mirlind Dakut. Ai ka dhënë mendimin e tij rreth transferimit të tij të ‘dështuar’ te Zeniti, që çoi në zgjatjen e kontratës së Dakut me Rubin Kazanin. “Është mirë për Zenitin që nuk e blenë Dakun. Dhashë një intervistë të bujshme në kohën që donin ta blinin atë. Ndoshta lexuan intervistën time që nuk e morën? Daku do ta kishte vrarë Zenitin në dhomat e zhveshjes dhe kudo. Nuk është as një lojtar i stilit të Zenitit. Po, mund të kesh një nga ata në skuadër. Por Zeniti e ka tashmë Sobolev, pse u nevojitet Daku? Nëse Sobolevi thjesht rri në stol pa shkaktuar probleme, Daku do të niste sherr në dhomën e zhveshjes dhe në stërvitje. E shohim çfarë karakteri ka. Zeniti bëri shumë mirë që nuk e mori atë. “Lojtarë të tillë janë shumë të përshtatshëm për ekipe si Rubini. E gjithë skuadra luan për të, dhe ai jep rezultat. Jam i gatshëm të vë bast që Daku nuk do të shënonte kurrë kaq shumë gola në ekipe si Zeniti apo Spartaku”, u shpreh agjenti Dmitri Seliu. Mirlind Daku së fundmi e vazhdoi kontratën me Rubin Kazanin, deri në vitin 2029, ku do të fitojë mbi 3 milionë euro në sezon. Daku në futbollin kosovar ka luajtur për disa skuadra, ndër to edhe Ballkanin e Llapin, derisa në Shqipëri luajti për Kukësin. Jashtë kufijve shqiptarë, Daku djersiti fanellat e Osijekut e Muras.
    Asani shënon sërish për Guangju,por ekpi i tij humbet
    Sulmuesi i Shqipërisë, Jasir Asani, ka vazhduar me paraqitje të mira individuale, por jo edhe skuadra e tij Gëangju. Asani të premten në mesditë realizoi gol nga penalltia, në disfatën 2:1 të ekipit të tij në udhëtim te Suoni. Ndeshja i ka takuar xhiros së 22-të të kampionatit jugkorean. Asani e kompletoi ndeshjen, ndërsa realizoi nga penalltia në minutën e 78-të për epërsinë 1:0 të Gëangjut. Gëangju pranoi gola në minutën e 85-të dhe të 90-të dhe e humbi ndeshjen. Për Asanin ishte goli i 16-të i edicionit. Shtatë i ka në kampionat dhe nëntë në Ligën e Kampionëve të Azisë. Ai ka kontribuuar edhe me tri asistime. Guangju pas 22 ndeshjeve ka 31 pikë dhe është në mesin e tabelës.
    Muçi realizon por s’është në planet e Beshiktashit
    Ernest Muçit i kanë mjaftuar vetëm 8 minuta në fushë për të gjetur rrjetën në ndeshjen miqësore të Beshiktash ndaj ekipit sllovak FC Petrzalka. Muçi u aktivizua në fillim të pjesës së dytë, në një moment kur ekipi turk po humbiste 0-2. Me energjinë dhe instinktin e tij të zakonshëm, 23-vjeçari përfitoi nga një gabim i mbrojtjes kundërshtare në minutën e 54-t, kur i rrëmbeu topin një lojtari të Petrzalka-s dhe e dërgoi me saktësi në rrjetë, duke ngushtuar shifrat në 1-2. Edhe pse realizoi në miqësore, Muçi ende nuk shihet në planet e Beshiktashit për sezonin e ri, me sulmuesin shqiptar që mund të nisë një aventurë të re këtë verë.

  • VIDEO/ Asnjë shans portierit kundërshtar për të reaguar, Jasir Asani shënon gol tjetër te Gwangju

    VIDEO/ Asnjë shans portierit kundërshtar për të reaguar, Jasir Asani shënon gol tjetër te Gwangju

    Jasir Asani po gjen rrugën e rrjetës te Gwangju! Ndeshje pas ndeshje, futbollisti shqiptar po shënon dhe po rikthehet si në kohën kur u ftua fillimisht nga Kombëtarja Shqiptare. Sot, Gwangju ka luajtur në transfertë ndaj Suëon, atje ku ka humbur në shifrat 2-1.
    Goli i vetëm i takimit u shënua nga Jasir Asani. Në minutën e 78 të takimit, Asani ka realizuar nga 11-metrat. Asnjë shans portierit kundërshtar për të reaguar, teksa topi gjeti cepin e rrjetës. /Elio Hajdari-Sport Ekspres/