Kombëtarja shqiptare ka nisur zyrtarisht grumbullimin në Malaga, në kuadër të përgatitjeve për dy ndeshjet e muajit shtator, miqësoren ndaj Gjibraltarit dhe sfidën kualifikuese për Botërorin 2026 ndaj Letonisë. Kuqezinjtë do të zhvillojnë pasditen e sotme seancën e parë stërvitore, ndërkohë që Jasir Asani dhe Medon Berisha kanë folur për fshf.org nga vendi i grumbullimit.
Jasir Asani e vlerësoi atmosferën pozitive dhe theksoi se janë të fokusuar te ndeshja me Letoninë për të marrë tre pikë. “Atmosfera dihet që është shumë e mirë, sot është dita e parë e stërvitjes. Atmosfera është shumë pozitive dhe të gjithë jemi në maksimumin tonë. Do përgatitemi për Letoninë. Kemi një ndeshje miqësore dhe duhet të përgatitemi të vijmë në formën më të mirë dhe me datë 9 patjetër që duhet të marrim tre pikët në shtëpi.
Të gjithë lojtarët janë të fokusuar te ndeshja me Letoninë, të gjithë do japin maksimumin që t’ia dalim sepse 3 pikëshi në shtëpi mund të ndryshojë edhe tabelën.
Tifozët janë mbështetja jonë e madhe dhe mendoj se do të vijnë plot dhe do e mbushin stadiumin për të na dhënë ne përkrahje të madhe. Ne do japim nga nxehja maksimumin sepse ne duhen ato 3 pikë. Besoj se bashkë me tifozët do ia arrijmë” – përfundoi Jasir Asan për fshf.org.
Mesfushori Medon Berisha foli për atmosferën në skuadër, ndërsa nënvizoi se miqësorja ndaj Gjilbraltarit vlen për të parë gjendjen e ekipit.“Atmosfera është shumë e mirë, po presim skuadrën të grumbullohet për t’u stërvitur sot dhe të përgatisim këto dy ndeshje. Ndaj Gjilbraltarit do e marrim si një test serioz për të parë se ku jemi” – tha Berisha, ndërsa foli edhe për ndeshjen kualifikuese ndaj Letonisë që do të luhet më 9 shtator në “Air Albania” në ora 20:45.
“Letonia është ekip shumë i organizuar dhe kompakt dhe duhet të ruajmë tranzicionin negativ të atyre. Kënaqësi të luajmë në “Air Albania” dhe i mirëpresim të gjithë tifozët të na mbështesin” – përfundoi Medon Berisha.
Tag: asani
-
Asani dhe Berisha të bindur: Marrim 3 pikë ndaj Letonisë, atmosfera në grup është shumë e mirë
-
Ndeshjet kundër Gjibraltarit e Letonisë/ Asani e Berisha: Atmosferë shumë e mirë në skuadër, duam 3 pikët në “Air Albania”
Kombëtarja shqiptare ka nisur zyrtarisht grumbullimin në Malaga, në kuadër të përgatitjeve për dy ndeshjet e muajit shtator, miqësoren ndaj Gjibraltarit dhe sfidën kualifikuese për Botërorin 2026 ndaj Letonisë. Kuqezinjtë do të zhvillojnë pasditen e sotme seancën e parë stërvitore, ndërkohë që Jasir Asani dhe Medon Berisha kanë folur për fshf.org nga vendi i grumbullimit.
Jasir Asani e vlerësoi atmosferën pozitive dhe theksoi se janë të fokusuar te ndeshja me Letoninë për të marrë tre pikë. “Atmosfera dihet që është shumë e mirë, sot është dita e parë e stërvitjes. Atmosfera është shumë pozitive dhe të gjithë jemi në maksimumin tonë. Do përgatitemi për Letoninë. Kemi një ndeshje miqësore dhe duhet të përgatitemi të vijmë në formën më të mirë dhe me datë 9 patjetër që duhet të marrim tre pikët në shtëpi.
Të gjithë lojtarët janë të fokusuar te ndeshja me Letoninë, të gjithë do japin maksimumin që t’ia dalim sepse 3 pikëshi në shtëpi mund të ndryshojë edhe tabelën.
Tifozët janë mbështetja jonë e madhe dhe mendoj se do të vijnë plot dhe do e mbushin stadiumin për të na dhënë ne përkrahje të madhe. Ne do japim nga nxehja maksimumin sepse ne duhen ato 3 pikë. Besoj se bashkë me tifozët do ia arrijmë” – përfundoi Jasir Asan për fshf.org.
Mesfushori Medon Berisha foli për atmosferën në skuadër, ndërsa nënvizoi se miqësorja ndaj Gjilbraltarit vlen për të parë gjendjen e ekipit.“Atmosfera është shumë e mirë, po presim skuadrën të grumbullohet për t’u stërvitur sot dhe të përgatisim këto dy ndeshje. Ndaj Gjilbraltarit do e marrim si një test serioz për të parë se ku jemi” – tha Berisha, ndërsa foli edhe për ndeshjen kualifikuese ndaj Letonisë që do të luhet më 9 shtator në “Air Albania” në ora 20:45.
“Letonia është ekip shumë i organizuar dhe kompakt dhe duhet të ruajmë tranzicionin negativ të atyre. Kënaqësi të luajmë në “Air Albania” dhe i mirëpresim të gjithë tifozët të na mbështesin” – përfundoi Medon Berisha./FSHF/
Vazhdo leximin
-
Jasir Asani kalon zyrtarisht në Iran, prezantohet me fanellën e klubit të Esteghlal
Adriatik BALLA
Sulmuesi i krahut i Kombëtares, Jasir Asani, më në fund ka kaluar në superligën iraniane, duke u bërë pjesë e klubit të njohur, Esteghlal. Natyrisht, kalimi atje nuk ishte i lehtë, pasi lojtari kishte pengesa nga klubi që kishte kartonin, Guangju në Korenë e Jugut, por më në fund erdhi momenti dhe ai e ka bërë lëvizjen e tij edhe zyrtarisht, për të hapur një kapitull të ri në karrierën e tij. Janë vetë mediat serioze sportive që shkruajnë se Jasir Asani është zyrtarisht lojtar i klubit legjendar iranian Esteghlal. Sulmuesi shqiptar kalon nga Guangju për një shifër që raportohet të jetë rreth 1 milion euro, duke nisur kështu një kapitull të ri në karrierën e tij ndërkombëtare.
Ndryshe nga plani fillestar që e parashikonte bashkimin me ekipin në janar, marrëveshja u përshpejtua dhe klubi e ka sulmuesin në dispozicion menjëherë, duke lënë të kënaqura të gjitha palët e përfshira. Esteghlal konsiderohet një nga klubet më të njohura dhe më të mbështetura në Iran, dhe tifozët kanë treguar entuziazmin e tyre duke uruar Asanin në rrjetet sociale. Pas aventurës së tij në Korenë e Jugut, sulmuesi shqiptar nis një eksperiencë të re, ndërsa të gjithë sytë janë tek performanca e tij në kampionatin iranian. Pas muajsh spekulimesh dhe ndryshimesh të datave, historia e transferimit të Asanit te Esteghlal duket se ka gjetur fundin e saj, duke i dhënë këtij kapitulli të merkatos një përfundim të ngjashëm me një telenovelë për futbollin shqiptar.
Mesazhi emocionues për klubin jugkorean
“Thonë se gjithçka është shkruar tashmë, fillimi dhe fundi. Kjo ishte historia jonë me Guangjun, 2 vite e gjysmë të paharrueshme, të mbushura me kujtime, emocione të forta, momente gëzimi, festimesh, por edhe momente trishtimi. Por mbi të gjitha, ishte një histori që do të lërë përgjithmonë gjurmë në jetën time. Tani ka ardhur koha të largohem nga shtëpia ime, klubi që më rriti, më formoi dhe më dha mundësinë të përfaqësoja Kombëtaren shqiptare, ku ëndrra ime e fëmijërisë u bë realitet dhe luajta me krenari në Kampionatin Evropian. Mund të shkruaja për ditë të tëra për atë që ky klub dhe ky qytet do të thotë për mua, por asnjë fjalë nuk do të jetë e mjaftueshme për të përshkruar mirënjohjen time. Përgjithmonë mirënjohës që u rrita përkrah Guangju, përgjithmonë mirënjohës për udhëtimin që patëm së bashku. Forca Guangju!”, shkruan Asani në letrën e tij drejtuar klubit jugkorean.
Kombëtarja
Kalimi i lojtarit në kampionatin iranian ka të mirën dhe të keqen. E mira është se lojtari hap një kapitull të ri në karrierë dhe mund të rezultojë akoma më efikas krahasuar me pjesëmarrjen në kampionatin jugkorean. Nga ana tjetër, kampionati iranian nuk ka cilësinë e mjaftueshme që të mundësojë pjesëmarrjen në ekipin përfaqësues. Pra lëvizja e Asanit mund të mos ketë efekt pozitiv që ai të ruajë ftesën në Kombëtare, pasi rivaliteti është shumë i madh dhe atij i duhet të punojë shumë që ta meritojë ftesën e aq më tepër të aktivizohet në fushën e lojës. -
ZYRTARE/ Jasir Asani merr lejen për të luajtur në Iran, do të debutojë në ndeshjen e radhës
Jasir Asani është zyrtarisht lojtari i Esteghlal-it. Futbollisti që luajti një rol kyç në kualifikimin e Shqipërisë në EURO2024, tashmë do të vazhdojë karrierën në Iran. Klubi iranian ka paguar klauzolën prej 1 milionë dollarësh në llogarinë e Guangju-së dhe ka njoftuar përmes faqes zyrtare në “Instagram” se është marrë me sukses Çertifikata Ndërkombëtare e Transferimit (ITC).
Klubi ka komunikuar se Jasir Asani do të mbërrijë në Teheran së shpejti, për t’ju bashkuar kështu ekipit në stërvitje. Gjithashtu, pritet që futbollisti shqiptar të debutojë që në ndeshjen e radhës, atë kundër Zob Ahanit më 26 gusht./Sport Ekspres/ -
Dorëzohen iranianët, paguajnë shifrën marramendëse për Jasir Asanin (detaje)
Jasir Asani ka mbyllur eksperiencën e tij në Korenë e Jugut me fanellën e Guangzhu dhe tashmë do të udhëtojë drejt Iranit për t’u prezantuar te klubi i Esteglal, me të cilin kishte akord për t’u bashkuar në janar. Sipas mediave koreane, kjo situatë ka qenë krejtësisht jashtë planeve të klubit të Guangzhu, por edhe vetë sulmuesit.
Asani fillimisht kishte kërkuar të shkonte te Esteglal menjëherë pas firmës, por klubet nuk kishin rënë dakord për dëmshpërblimin e tij. Iranianët kishin propozuar pagesën e 100 mijë dollarëve, por kjo ishte refuzuar nga koreanët.
Kësisoj, Asani ishte kthyer në ekip pas dy javëve jashtë, kishte kërkuar ndjesë që kishte trazuar ambientin në klub, si dhe në ndeshjen e kësaj fundjave, ishte në rreshtimin e Guangzhu në fitoren në kampionat. Pas ndeshjes, ai kishte marrë mikrofonin duke festuar para tifozëve dhe nuk dha asnjë sinjal largimi.
Situata ndryshoi plotësisht gjatë ditës së fundit, pasi iranianët u dorëzuan dhe pranuan kërkesën e Guangzhu për të paguar shifrën e 1 milion dollarëve për të lënë të lirë Asanin para përfundimit të kontratës në janar. Pagesa duhet të kryhet brenda një jave nga data e lejimit të transferimit edhe në FIFA. Nëse Esteglal nuk bën pagesën në kohë, atëherë shifra do të rritet menjëherë në 2 milionë dollarë, duke sjellë një fitim shumë të ndjeshëm për klubin korean nga futbollisti shqiptar, i cili do të largohej si parametër zero në janar. -
Gjimshiti në projektin e Tares te Milani, Asani zhgënjehet sërish nga klubi korean
Adriatik BALLA
Lojtarët e Kombëtares po punojnë fort në këtë periudhë për të qenë gati për ndeshjet e sezonit të ri. Ata duan të lenë gjurmë me performancën e tyre, të rrisin minutat në këmbë e njëherësh të fitojnë trofe. Ka prej tyre që ende presin sinjale në merkato, sikurse janë Kumbulla, Muçi, Asllani e ndonjë tjetër, pa harruar edhe kapitenin kuqezi Berat Gjimshiti, një nga më të vlerësuarit e Atalantës dhe Serisë A italiane, i cili është përfshirë në projektin e një Milani të madh të Igli Tares. Nga ana tjetër, duket se për Jasir Asanin Koreja e Jugut nuk është mjaftueshëm dashamirëse, pasi ish-klubi i tij, Guangju, e ka fshirë nga lista sezonale.
Gjimshiti në projektin e ardhshëm të Milanit
Referuar mediave të ndryshme sportive dhe që bazohen nga të dhënat e dala nga klubi i Milanit, pas shitjes së Malik Çau, Milani është kthyer në merkato për të afruar një qendërmbrojtës me eksperiencë. Alegri kërkon një lojtar të besueshëm që njeh mirë kampionatin dhe Igli Tare kësisoj ka piketuar një emër që e njeh mjaft mirë si Berat Gjimshiti. Gazetari i njohur për lidhjet me klubin kuqezi, Karlo Pelegati, ka bërë të ditur se Tare e Gjimshiti janë në diskutime prej javësh për një hipotezë të mundshëm transferimi. Deri tani nuk ka pasur asnjë hap konkret, por me largimin e Çau drejt Njukasëll, Gjimshiti kthehet në një emër shumë të diskutuar në Milano. Vetë Tare raportohet se ka përjashtuar munsësinë që emri që do i bashkohet Tomori, Gabia e Pavloviç të jetë një tjetër i ri. Ndaj eksperienca e Gjimshtit e bën atë kandidatin perfekt për t’iu bashkuar këtij grupi lojtarësh cilësorë.
Asani ndëhskohet pse zgjodhi Esteghlal në Iran
Për Jasir Asanin vijnë lajme jo të mira tek Guangju në Korenë e Jugut. Zgjedhja e tij për të ikur në janar ka bërë që klubi ta penalizojë. Referuar “Panorama Sport”, sulmuesi i Kombëtares gjeti akordin me klubin iranian për transferimin në janar, kur t’i përfundonte kontrata me klubin korean. Këtij të fundit duket nuk i ka pëlqyer vendimi i sulmuesit Kombëtares dhe ka nisur hakmarrjen, duke e lënë Asanin për të dytën javë radhazi jashtë listës së grumbullimit për ndeshjet e kampionatit, edhe pse futbollisti është padyshim ylli i ekipit. Koreanët dëshironin në fakt që Asani të rinovonte kontratën, ose të paktën të fitonin diçka financiarisht nga shitja e tij, ndaj vendimi i lojtarit për t’u larguar si futbollist i lirë, nuk është pritur mirë në klub. Qëndrimi kundër tij është përsëritur edhe sot, në ndeshjen ndaj Pohjang, në të cilën Asani nuk figuron në listën e skuadrës. Zgjidhja e vetme në këtë pikë mbetet që dy klubet të gjejnë akordin që Asani të lejohet të transferohet që tani te Esteghlal, gjë që është edhe qëllimi i klubit iranian, i cili e kishte bërë të ditur këtë hipotezë që kur njoftoi për firmën me të një javë më parë. Mbetet të shihet ky raport në ditët në vijim, por me sa duket koreanojugorët janë të inatosur me sulmuesin shqiptar, Asani, ndaj po e lënë në stol. Nga ana tjetër, lënia në stol dhe mungesa e minutave mund të sjellë mungesën e ftesës në Kombëtare. -
Jasir Asani prezantohet te Esteglal në Iran, Shpendi në “radarët” e Fiorentinës
Adriatik BALLA
Kuqezinjtë rikthejnë jehonën e tyre në merkato, teksa ka lëvizje që janë të forta e të bujshme, por edhe lëvizje që lojtarët vetë i kanë zgjedhur nisur nga shifrat e majme financiare. Ndërkohë, ditët e fundit kanë lëvizur gjërat pozitivisht për Jasir Asanin, Armando Brojën, Kristian Shpendin por edhe disa lojtarë të tjerë kuqezinj.
Asani zyrtarizohet në Iran
Jasir Asani do të jetë pjesë e klubit të Esteglal në Iran duke filluar që nga janari i vitit 2026. Futbollisti do t’i bashkohet klubit iranian pasi të mbyllë kontratën me Guangju në Korenë e Jugut, duke nisur kësisoj një aventurë të re në karrierën e tij. Klubi iranian ishte ai që bëri publik akordin mes palëve, ndërsa më pas, u prezantoi tifozëve të vet blerjen e re me një video ku shfaqeshin golat spektakolarë të shënuar nga Asani. Një video që ka sjellë shumë reagime të tifozëve, por edhe një koment nga vetë Asani i cili u është drejtuar atyre me një mesazh të shkurtër. “Shihemi së shpejti’, ishte fraza e tij për mbështetësit e shumtë të Esteglal. Pas negociatave mes Esteglal dhe anësorit të sulmit shqiptar Jasir Asani, lojtari firmosi një kontratë me Esteglal për një sezon e gjysmë dhe do të bashkohet me Esteglal sapo të mbarojë kontrata me klubin e tij aktual korean Guangju. Lojtari ka kontratë me klubin korean deri në janar dhe drejtuesit e Esteglal po mundohen që të sigurojnë që lojtari t’i bashkohet klubit para fundit të saj.
Shpendi bie në “radarët” e Fiorentinës
Klubi i Fiorentinës është kthyer në merkato në kërkim të një sulmuesi. Pasi është siguruar se Moise Ken nuk do të largohet nga vjollcët, tashmë trajneri Stefano Pioli kërkon një alternativë cilësore për të. Sipas mediave italiane, kërkohet një lojtar i cili të pranojë rolin e “dytësorit”, që do të thotë t’i japë mundësinë herë pas herë titullarit Ken që të pushojë, apo të luajë rolin e zëvendësuesit të tij gjatë ndeshjeve. Një nga alternativat që po shqyrtohet është edhe ajo e Kristian Shpendit. Djaloshi shqiptar ka shkëlqyer te Çezena dhe ka treguar se mund të luajë çdo rol në repartin e avancuar. Ndaj te Fiorentina, ku e ndjekin prej kohësh, po e shohin si një nga prioritetet mbi të cilat mund të vihen në lëvizje në ditët e ardhshme.
Ismajli nga më të vlerësuarit te Torino
Ardian Ismajlit i kanë mjaftuar pak ditë në stërvitje dhe në miqësoret me skuadrën e Torinos për të marrë vlerësimet e para nga shokët e skuadrës. Dhe një prej tyre vjen nga Gujermo Maripan, mbrojtësi i skuadrës së Serisë A i cili është njëkohësisht edhe kapiteni i përfaqësueses së Kilit. Duke folur për “Tuttosport”, ai ka komentuar fazën përgatitore që po kryente ekipi, si dhe është ndalur në emra të veçantë, përfshirë edhe Ismajlin i cili ishte një ndër afrimet e para të merkatos verore. “Kanë mbërritur lojtarë të fortë të cilët duhet të ndihmojnë ekipin për të rritur nivelin. Kam luajtur me Ismajlin në mbrojtje dhe mund të them se është i fortë. Në fushë komunikon mirë dhe kjo është thelbësore për një mbrojtës qendre”, ishin fjalët e Maripan rreth përshtypjeve që i kishte lënë loja me mbrojtësin e Kombëtares shqiptare. -
Jasir Asani shumë pranë një transferimi surprizë, ylli i Kombëtares drejt akordit me klubin e elitës
Jasir Asani zgjedh milionat iraniane! Kalon te Esteglal, por Kuangju kërkon 1 milion euro për ta lënë të lirë
Jasir Asani është shumë pranë një transferimi surprizë në futbollin iranian. Mediat nga Teherani raportojnë se sulmuesi i Kombëtares së Shqipërisë ka arritur një marrëveshje paraprake me klubin e njohur iranian Esteglal, një ndër skuadrat më të mëdha dhe me histori të pasur në vend.
Sipas të përditshmes “Teheran Times”, Asani ka zgjedhur të vijojë karrierën në Iran, pas dy vitesh të suksesshme në Korenë e Jugut me skuadrën e Kuangju. Firma me Esteglal do të jetë për një periudhë 18-mujore, edhe pse hollësitë financiare nuk janë bërë publike. Besohet se pagesa në Iran do të jetë më e lartë se sa rroga aktuale në Korenë e Jugut.
Esteglal është një nga emrat më të mëdhenj të futbollit aziatik. Me 9 tituj kampionë dhe 2 trofe të Champions-it të Azisë, klubi nga Teherani përfaqëson një hap të rëndësishëm në karrierën e Asanit. Emri i klubit përkthehet “Pavarësia”, dhe njihet si skuadra më e vjetër në vend.
Megjithatë, kalimi i tij kërkon edhe marrëveshjen e Kuangju-së, që ka nën kontratë Asanin deri në dhjetor të këtij viti. Klubi koreanojugor kërkon të paktën 1 milion euro dëmshpërblim për të lejuar largimin e tij.
Ky interesim nuk është i pari për sulmuesin nga Shkupi. Jokohama nga Japonia gjithashtu tentoi ta transferonte, por pa sukses.
Performanca e Asanit në sezonin aktual ka qenë mbresëlënëse, 8 gola dhe 2 asist në 21 ndeshje të kampionatit korean dhe 9 gola dhe 1 asist në 10 ndeshje të Champions-it aziatik, ku ndihmoi Kuangjun të arrinte çerekfinalet në sezonin e saj debutues.