Tag: asani

Adriatik BALLA
Përfaqësuesja do të kthehet të mesin e nëntorit për duelet e radhës në kuadër të kualifikueseve të Kupës së Botës, ku do ta mbyllë këtë edicion eliminator me duelet ndaj Andorrës dhe Anglisë, dy ndeshje vendimtare për objektivat që ka skuadra kuqezi, objektiva që lidhen me një kualifikim të mundshëm në Botërorin e SHBA-së, Meksikës dhe Kanadasë. Situata duket në favor të ekipit tonë,q ë ndodhet në vend të dytë, me 11 pikë, një më shumë se Serbia e vendit të tretë dhe me të cilën e kemi duelin për këtë pozicion. Siç dihet, Anglia e ka siguruar kualifikimin si vend i parë pasi ka 18 pikë të plota pas 6 ndeshjesh të luajtura. Natyrisht, dueli me Andorrën shihet delikat, pasi në atë takim skuadrës tonë i del për detyrë ta fitojë ndeshjen. Kurse me Anglinë do të jetë një festë e vërtetë, pasi pritet një stadium i tejmbushur dhe mund të luhet gjithçka për gjithçka, në sensin se në lojë është “play-off”-i dhe kërkohet maksimumi. Për këto duele trajneri Silvinjo kërkon lojtarë në fomë dhe që janë në kulmin e tyre. Me interes duket edhe ecuria e sulmuesit anësor, Jasir Asani, që pavarësisht se luan në Iranin e largët ka statistika mjaft të mira.
Jasir Asani vijon shkëlqimin në Turqi
Sulmuesi i Kombëtares Jasir Asani ka gjetur golin e radhës me ekipin e Esteghlal FC në ligën iraniane. Po luhet pjesa e parë mes Esteghlah – Aluminium Arak, teksa ndeshja vendoset nga finalizimi i shqiptarit. Në minutën e 17 Jasir Asani tundi rrjetën nga penalltia. Ky është goli i 5-të në kampionatin iranian dhe i 3 radhazi në të gjitha kompeticionet. Tregues se 30-vjeçari po përjeton formë të jashtëzakonshme me ekipin e ri. Asani konsiderohet lojtar i rëndësishëm te Kombëtarja dhe me shumë gjasa, marrë në konsideratë rendimentin e treguar në ndeshjet e fundit do të jetë në listën e Silvinjos për kualifikueset e “Botërorit 2026” në muajin nëntor.
Situata pas golit të Asanit
Në analizën e lojës së sulmuesit mund të evidentohet se ai po i kap situatat në skuadër dhe po tregon se është lojtar lider në fushë. I tillë ishte ai edhe me skuadrën e Guangju në Korenë e Jugut. Vetë Asani e fitoi penalltinë, që e ekzekutoi në mënyrë perfekte në minutën e 17-të. Çfarë ra në sy pas golit nga penalltia ishte reagimi i portierit të rivalëve ndaj shokëve të skuadrës. Khalifeh dukshëm kishte rezerva për penalltinë e shkaktuar. Esteghlal në fund fitoi me rezultatin 3-1. Me 3 pikë të arta në garën për titull vijon me rezultatet pozitive dhe ndodhet në krye të tabelës. Për Asanin ishte goli i pestë në kampionat duke e vendosur në vendin e dytë nga golashënuesit.
Silvinjo zbardh listën më 7 nëntor, e konfirmon FSHF
Shqipëria luan fatet e saj në nëntor për ëndrrën e Botërorit. Federata Shqiptare e Futbollit ka njoftuar përmes një postimi në rrjetet sociale se të premten më 7 nëntor, në orën 10:00 trajneri i Kombëtares do të zbulojë listën e fundit për këto kualifikuese. Rikujtojmë që kuqezinjtë luajnë në transfertë me Andorrën më 13 nëntor, ora 20:45. Ndërsa me Anglinë që tashmë është e kualifikuar do të përballen në “Air Albania”, më datë 16 nëntor, ora 18:00.