Federica Mogherini, ish-shefja e diplomacisë së Bashkimit Europian dhe figurë që në politikën shqiptare shpesh është quajtur si mikja e Ramës, është ndaluar nga autoritetet belge në një operacion të madh antikorrupsion që ka tronditur Brukselin dhe institucionet më të fuqishme të BE-s.
Mogherini në Shqipëri njihet për mbështetjen ndaj Ramës në një kohë kur kanabisi kishte mbuluar Shqipërinë anë e kënd vendit. Ajo gjithashtu ka qenë një mbështetëse, pra, ka mbyllur sytë, kur kryeministri shqiptar shkelmoi përpjekjen e arritur me konsensusin e 140 votave në Parlament për të patur një sistem drejtësie të pavarur dhe e shtiu sistemin e thuajse të gjithin në dorën e tij.
Hetimet e Prokurorisë Publike Europiane (EPPO) çuan në bastisje në selinë e Shërbimit të Veprimit të Jashtëm të BE-s (EEAS), në ambientet e Kolegjit të Evropës ku Mogherini është rektore, si dhe në banesat e disa zyrtarëve të lartë. Bashkë me të janë shoqëruar në polici edhe një zyrtar i Kolegjit dhe ish-sekretari i përgjithshëm i EEAS, Stefano Sannino.
DYSHIME TË FORTA – ÇFARË E RREZIKON MOGHERININ
Sipas burimeve të EPPO-s, hetimi përfshin akuza të rënda:
– manipulim të tenderit të Akademisë Diplomatike të BE-s,
– shpërdorim të fondeve europiane,
– përdorim të informacionit të brendshëm,
– konflikt interesi,
– shkelje të sekretit profesional.
Të dyshuarit janë teknikisht të pafajshëm derisa të vendosë gjykata, por zyrtarisht bëhet fjalë për një nga hetimet më goditëse ndaj niveleve të larta të BE-s në histori.
TRONDITJE NË TIRANË – REAGIME
Arrestimi i Mogherinit është ndjekur me intetes të lartë në Tiranë.
Fakti që personazhi i arrestuar ka qenë mbështetëse e fuqishme dhe e dyshimtë për shumë vite e Edi Ramës duhet të shërbejë si sinjal alarmi.
Kjo për vetë faktin se vetëm kohët e fundit Mogherini ka projekt edhe në Shqipëri, pikërisht për Kolegjin për të cilin edhe akuozet dhe dyshohet për korrupsion.
Edi Rama i ka dhënë 17-milionë euro nga taksat e shqiptarëve për një projekt pa transparencë. Kujtojmë këtu se studiuesi i njohur, Taulant Muka ka bërë edhe denoncime në Brukse për këtë projekt.
Nuk dihet ende nëse hetimet do të shtrihen edhe në verifikim të çdo projekti të financuar nga BE në Shqipëri, por gjasat janë që diçka e tillë edhe mund të ndodhë.
PËRSE RASTI BËRI BUJË – NJOLLA E RE MBI BRUKSELIN
Arrestimi i një ish-top-zyrtareje të BE-s është ngjarje e paprecedentë. Çështja vë në pikëpyetje:
– sistemin e prokurimeve brenda BE-s,
– mënyrën e dhënies së kontratave marrë-milionëshe,
– rolin e Kolegji të Evropës në trajnimet diplomatike,
– dhe integritetin e institucioneve evropiane në tërësi.
Për vendet e Ballkanit, përfshirë Shqipërinë, rasti shihet si testim i standardeve që BE predikon shpesh.
ÇFARË VJEN TANI?
EPPO pritet të publikojë të tjera detaje në ditët në vijim. Dokumentet e tenderit, komunikimet e brendshme dhe vendimet zyrtare janë tashmë nën lupën e prokurorëve. Nëse akuzat provohen, pasoja të rënda politike dhe institucionale janë të pashmangshme.
