Lajmidites.com

Tag: arnold

  • La Liverpool për të luajtur me Real, rrëfehet Trent Alexander-Arnold: Ja pse vendosa të vij në Spanjë

    La Liverpool për të luajtur me Real, rrëfehet Trent Alexander-Arnold: Ja pse vendosa të vij në Spanjë

    13 Qershor 2025

    10:50

    Telesport

    Trent Alexander-Arnold tashmë është një lojtar i Real Madrid. 26-vjeçari anglez firmosi deri në vitin 2031 me “los blancos”, ku pritet të jetë një nga shtyllat e skuadrës së trajnerit Xabi Alonso.
    Lojtari u prezantua një ditë më parë nga presidenti Florentino Perez, duke zbuluar edhe numrin që do të mbajë në fanellë: Atë me nr.12.
    “Është një ditë që e kam pritur prej kohësh. Të jesh këtu është një ëndërr, ka shumë punë për të bërë dhe mezi pres të filloj. Jam shumë i emocionuar”, tha ish-lojtari i Liverpool, klub me të cilin fitoi gjithçka në karrierë.
    Por tani ai dëshiron të fluturojë edhe më lart me Real Madrid: “Ka shumë respekt për këtë klub dhe gjithmonë i kam admiruar lojtarët dhe trofetë e tyre. Jam rritur duke parë fitoren e Real Madrid”.
    Në fund, Trent Alexander-Arnold tha: “Doja të isha pjesë e kësaj historie. Ata janë një ekip me mentalitetin e duhur për të fituar tituj”.

  • Do njihet ‘Trent’, futbollisti anglez prezantohet te Los Blancos

    Sikundër Real Madrid kishte njoftuar, sot u zhvillua prezantimi zyrtar i afrimit më të ri te Merengues, Trent Aleksandër-Arnold. Pas axhendës me takime, vizita e firmë, kampioni i Liverpulit doli para mediave teksa për herë të parë foli për klubin e tij të ri, Real Madrid.

    Me një spanjishte shumë të mirë (dukej i mësuar përmendësh, por jo më pak i lavdërueshëm për këtë), Trent Aleksander-Arnold foli gjatë ceremonisë zyrtare të prezantimit si lojtar i ri i Real Madridit:

    “Nënshkrimi për Real Madridin nuk ndodh çdo ditë… është një ëndërr e bërë realitet. E di që të luash për këtë klub është një përgjegjësi e madhe, por jam gati”, tha ai me bindje të madhe.

    Do të mbajë numrin 12 ndërsa në bluzë do të shkruhet vetëm ‘Trent’. Kjo pasi klubi i Realit dhe Spanja kanë disa rregulla ndryshe nga Anglia sa i përket numrave (deri në 25) dhe numrit të karakterëve (deri në 11).

  • Tuchel i prerë: Alexander-Arnold dhe Jobe Bellingham duhet ta meritojnë vendin në kombëtare

    Tuchel i prerë: Alexander-Arnold dhe Jobe Bellingham duhet ta meritojnë vendin në kombëtare

    Thomas Tuchel, trajneri i Anglisë, ka folur hapur për të ardhmen e Trent Alexander-Arnold dhe Jobe Bellingham në kuadër të Botërorit 2026. Tekniku gjerman theksoi se, pavarësisht transferimit veror të Alexander-Arnold nga Liverpool-i te Real Madridi, mbrojtësi i djathtë do të duhet ta fitojë vendin mes të grumbulluarve me paraqitje të nivelit të lartë.
    “Si çdo lojtar tjetër, duhet të jetë konkurrues, të luajë dhe ta meritojë vendin e tij në kombëtare. Talenti nuk mjafton, – tha Tuchel, i cili pranoi vështirësitë e fundit të lojtarit të lindur në vitin 1998, që deri tani është aktivizuar shumë pak në ndeshjet e fundit të përfaqësueses. – Trent është një lojtar special, e dimë çfarë mund të japë. Nëse arrin formën e tij më të mirë, gjithmonë do të jetë në garë për një ftesë”.
    Tuchel komentoi gjithashtu edhe për Jobe Bellingham, vëllai më i vogël i Jude Bellingham, i transferuar te Borussia Dortmund nga Sunderland për rreth 28 milionë paundë.“Funksionon mirë kjo gjë në familjen e tij, – tha me humor Tuchel, duke lënë të hapur mundësinë që ta shohim edhe atë me fanellën e Anglisë. – Sezoni i Botërorit nis në gusht. Nëse do të jetë konkurrues, sigurisht që do të merret në konsideratë”.

  • Aleksandër-Arnold, nesër prezantimi te Real Madrid

    Pas Dean Huijsen, radha e anësorit anglez për t’u prenatuar te Los Blancos. Axhendë e ngjeshur, pritet dyndje tifozësh.

    Prezantimi i Aleksander-Arnold si lojtar i ri i Real Madridit është caktuar: klubi Merengues ka njoftuar se anglezi do të prezantohet nesër, të enjten më 12 qershor, në orën 12:30 në Real Madrid City, ku ai do të veshë fanellën e bardhë para tifozëve për herë të parë që nga përfundimi i transferimit të tij nga Liverpul me të cilin sapo fitoi titullin kampion në Premier League.

    Ky është njoftimi për shtyp që u shfaq në faqen e internetit: “Real Madrid CF njofton se prezantimi i lojtarit tonë Trent Alexander-Arnold do të zhvillohet nesër, të enjten, në orën 12:30 CEST, në Real Madrid City. Përpara kësaj, presidenti i Real Madridit, Florentino Pérez, do të mirëpresë Trent Alexander-Arnold për ceremoninë zyrtare të nënshkrimit që do ta lidhë lojtarin tonë të ri me klubin për gjashtë sezonet e ardhshme. Pas prezantimit, Trent Alexander-Arnold do të flasë me median në sallën e shtypit të Real Madrid City.”

    Vazhdo leximin

  • Arnold zyrtarizohet te Real Madrid

    Real Madridi ka zyrtarizuar nënshkrimin e Trent Aleksander-Arnold. Ish-lojtari i Liverpulit ka nënshkruar një kontratë gjashtëvjeçare dhe do të jetë në dispozicion të Çabi Alonsos për Kupën e Botës për Klube, e cila fillon më 14 qershor në Shtetet e Bashkuara.

    Çmimi që Real Madridi pagoi për Arnold sipas mediave iberike nuk arrin pesë milionë euro. Në fakt diskutohet se shifra e kësaj lëvizjeje shkon deri në 10 milionë eurosh.

    Vazhdo leximin

  • Zyrtare! Real Madrid marrëveshje me Liverpool për të marrë Alexander-Arnold që më 1 qershor, ja detajet

    Zyrtare! Real Madrid marrëveshje me Liverpool për të marrë Alexander-Arnold që më 1 qershor, ja detajet

    30 Maj 2025

    12:11

    Telesport

    Liverpool ka rënë dakord të lejojë Trent Alexander-Arnold t’i bashkohet Real Madrid që më datën 1 qershor, duke i dhënë mundësi të luajë me “los blancos” në Botërorin për klube. Kjo marrëveshje do t’i kushtojë Real Madrid 10 milionë euro.
    Më 1 qershor, kur të çelet merkato, 26-vjeçari anglez do të ketë mundësi të transferohet zyrtarisht. Lajmin e konfirmoi klubi anglez, që tha se Real Madrid do të bëjë një pagesë të vetme si dhe do të paguajë rrogën e muajit qershor.
    Në një deklaratë të klubit anglez thuhet: “Mbrojtësi i krahut është i vendosur t’i bashkohet klubit të La Liga përpara skadimit të kontratës së tij me “reds” këtë verë (kontrata i skadon me 30 qershor, pra do të largohet një muaj më herët)”.
    “Liverpool do të marrë një tarifë për shërbimet e tij, me marrëveshjen që do të mbyllet pasi të hapet dritarja më 1 qershor. Alexander-Arnold largohet nga Liverpool me klubin mirënjohës dhe mirënjohës për kontributin e tij në këto suksese”, thuhet në deklaratë.

  • Alexander-Arnold u vërshëllye nga tifozët, reagon Carragher: E papranueshme, ende vesh fanellën e Liverpool-it

    Alexander-Arnold u vërshëllye nga tifozët, reagon Carragher: E papranueshme, ende vesh fanellën e Liverpool-it

    Një episode, që i ka ndarë tifozët e kuq. Gjatë supersfidës kundër Arsenalit, Trent Alexander-Arnold u fishkëllye nga një pjesë e tifozëve të Liverpool-it, në ndeshjen e tij të parë pas lajmit se nuk do ta rinovojë kontratën, e cila përfundon në fund të këtij sezoni.
    Mbrojtësi anglez hyri në fushë pas një ore lojë, me rezultatin 2-2, por u prit me fishkëllima të forta nga një pjesë e madhe e “Anfield”, ndonëse shumë të tjerë e duartrokitën në fund si shenjë mirënjohjeje për gjithçka ka dhënë në 20 vite me Liverpool-in.
    Jamie Carragher, legjenda e Liverpool-it dhe tani opinionist i “Sky Sports UK”, komentoi ashpër: “Ky është lajmi i vërtetë i ndeshjes. Për këtë do të flasin të gjithë. Jam i sigurt që do ta diskutojmë edhe pas ndeshjes, do jetë në faqen e parë të çdo gazete nesër”.
    Carragher, i befasuar nga reagimi i tifozëve, shtoi: “Kur je mes 60 mijë njerëzve, nuk dyshoj që shumë tifozë janë të zemëruar me këtë situatë. Kjo është e kuptueshme. Sidoqoftë, nuk mendoj se është e drejtë të fishkëllesh një lojtar që mban atë fanellë të kuqe, që hyn në fushë për ta përfaqësuar klubin dhe fituar tri pikë apo trofe.
    E kuptoj hidhërimin e tifozëve, e kuptoj vërtet, sidomos duke qenë dikush nga Liverpool-i. Megjithatë, të fishkëllesh një lojtar tëndin ndërkohë që po luan, për mua është e papranueshme”.

  • Slot: Jam i zhgënjyer për largimin e Alexander-Arnold, por do të vijë një tjetër lojtar i mirë

    Slot: Jam i zhgënjyer për largimin e Alexander-Arnold, por do të vijë një tjetër lojtar i mirë

    Trent Alexander-Arnold njoftoi të hënën largimin e tij nga Liverpool-i, klubi ku u rrit dhe debutoi si profesionist në vitin 2016. Mbrojtësi i djathtë anglez pritet me shumë mundësi të transferohet te Real Madridi, klub me të cilin është lidhur prej muajsh.
    Ndërsa “Reds”, tashmë kampionë, po përgatiten për sfidën ndaj Arsenalit, trajneri Arne Slot ka shprehur zhgënjimin e tij për këtë “firo”, por mbetet optimist për të ardhmen. “Si çdo person që e do Liverpool-in dhe është tifoz i këtij klubi, jam i zhgënjyer nga largimi i tij, sepse nuk po largohet vetëm një djalë i mirë, por edhe një mbrojtës shumë, shumë i aftë”, – tha tekniku holandez në konferencë.
    Slot shtoi se beson në fuqinë e klubeve të mëdha për t’u përforcuar: “Nga përvoja ime, kur një lojtar shumë i mirë largohet, zakonisht në një klub të madh vjen një tjetër po aq i mirë. Ndoshta kjo do të ndodhë edhe këtë herë”.
    Lajmi ka shkaktuar zemërim mes tifozëve, pasi Alexander-Arnold do të largohet si lojtar i lirë (kontrata i skadon në qershor). Slot u përpoq ta qetësonte situatën: “Është normale që njerëzit të kenë opinione për ne; për Trent, për mua apo për këdo tjetër në këtë profesion.
    Ndoshta për të është ndryshe tani, ndoshta komentet janë pak më negative se zakonisht. Sidoqoftë, unë nuk jam këtu për t’iu thënë tifozëve si duhet të reagojnë”.

  • Liverpool gjen zëvendësuesin ideal për Arnold, kushton vetëm 30 milionë £

    Liverpool gjen zëvendësuesin ideal për Arnold, kushton vetëm 30 milionë £

    Sipas gazetarit të besueshëm David Ornstein, Frimpong i Leverkusen ka shprehur dëshirën për t’u transferuar te Liverpool-i.
    Reds kanë qenë të qetë në merkatot e fundit, me Arne Slot që ka bërë shumë pak ndryshime në skuadrën që trashëgoi nga Jürgen Klopp, por mund të ketë një verë me shpenzime të mëdha në horizont.
    Shtypi anglez sugjeron se klubi është i gatshëm të mbështesë Slotin në merkaton e verës, me trajnerin që kërkon të përmirësojë skuadrën e tij në disa reparte, duke përfshirë mbrojtësin e majtë, dhe Milos Kerkez i Bournemouth është në radhë për të zëvendësuar potencialisht Andy Robertson.
    Një sulmues i ri është gjithashtu me interes për Slotin, me një ofertë që po përgatitet tani për Benjamin Sesko të Leipzig, ndërsa Merseysiders janë gjithashtu në garë për Bryan Mbeumo të Brentfordit, i cili mund të lejohet të largohet për rreth 65 milionë sterlina këtë verë.
    Slot do të kishte shpresuar se nuk do të duhej të sillte një mbrojtës të djathtë këtë verë, por me Trent Alexander-Arnold që njoftoi qëllimin e tij për t’u larguar në fund të kontratës së tij, menaxheri do të ngarkohet me gjetjen e një zëvendësuesi.
    Kohët e fundit u zbulua se Liverpool po planifikon të paraqesë një ofertë për Bayer Leverkusen Jeremie Frimpong, dhe tani ka pasur një përditësim pozitiv në ndjekjen e tyre të mbrojtësit të djathtë nga Ornstein.
    Gazetari tha: “Ai ka një klauzolë lirimi prej 35 milionë eurosh (29.8 milionë £), diçka në atë zonë, siç e kuptoj unë. Unë gjithashtu besoj se ai do të ishte i gatshëm për një transferim te Liverpool, nëse ata vendosin të ndjekin atë rrugë.
    “Ata do të kenë edhe opsione të tjera, por Frimpong është përmendur në një numër raportesh deri më tani”.

  • Alexander-Arnold i jep lamtumirën Liverpool-it pas 20 vitesh: Vendimi më i vështirë i jetës sime

    Alexander-Arnold i jep lamtumirën Liverpool-it pas 20 vitesh: Vendimi më i vështirë i jetës sime

    Pas rinovimeve të rëndësishme me Mohamed Salah dhe Virgil van Dijk, Liverpool-i shpresonte të bindte edhe Trent Alexander-Arnold që të vazhdonte kontratën. Sidoqoftë, mbrojtësi i djathtë anglez ka zgjedhur një tjetër rrugë. Ai ka bërë të ditur përmes një mesazhi në rrjetet sociale se do të largohet në fund të sezonit.
    “Ky është pa dyshim vendimi më i vështirë që kam marrë ndonjëherë në jetën time, – shkroi Alexander-Arnold. – Pas 20 vitesh te Liverpool Football Club, ka ardhur momenti që të konfirmoj se do të largohem në fund të sezonit. E di që shumë prej jush pyesin pse, apo janë ndjerë të frustruar që nuk kam folur më parë, por gjithmonë qëllimi im ka qenë të përqendrohem tek interesi i skuadrës, të siguronim titullin e 20-të.
    Ky klub ka qenë gjithë jeta ime, gjithë bota ime, për 20 vite. Nga akademia deri më sot, mbështetja dhe dashuria që kam ndjerë nga të gjithë, brenda dhe jashtë klubit, do të më shoqërojnë gjithmonë. Do t’ju jem gjithmonë mirënjohës”.
    Më tej, Alexander-Arnold shpjegon arsyet që e shtynë drejt këtij vendimi: “Nuk kam njohur asgjë tjetër dhe kjo zgjedhje vjen nga nevoja për të përballuar një sfidë të re, për të dalë nga zona ime e rehatisë. Dua ta shtyj veten përtej kufijve të mi, si në aspektin professional, ashtu edhe në atë personal. Kam dhënë maksimumin tim çdo ditë që kam qenë pjesë e këtij klubi.
    Nga zemra i falënderoj të gjithë: trajnerët e mi, drejtuesit, shokët e skuadrës, stafin dhe tifozët tanë të jashtëzakonshëm për këto 20 vite. Kam qenë me fat që i kam jetuar ëndrrat e mia këtu. Dashuria ime për këtë klub nuk do të vdesë kurrë”.