Lajmidites.com

Tag: armëpushimit

  • Lufta në Ukrainë, SHBA: Mirëpresim zgjatjen e mëtejshme të armëpushimit njëditor nga Rusia

    Lufta në Ukrainë, SHBA: Mirëpresim zgjatjen e mëtejshme të armëpushimit njëditor nga Rusia

    Departamenti i Shtetit i Shteteve të Bashkuara deklaroi të dielën se do të mirëpriste zgjatjen përtej së dielës të një armëpushimi njëditor të Pashkëve të shpallur nga Presidenti rus Vladimir Putin, edhe pse Kremlini njoftoi më herët se nuk kishte urdhër për një zgjatje të tillë.

    Armëpushimi, i shpallur më 19 prill 2025, ishte planifikuar të zgjaste nga ora 18:00 me orën e Moskës deri në mesnatën e 20 prillit. Megjithatë, të dyja palët, Rusia dhe Ukraina, akuzuan njëra-tjetrën për shkeljen e armëpushimit.
    Presidenti ukrainas Volodymyr Zelensky raportoi se forcat ruse vazhduan sulmet, duke përfshirë 59 raste të bombardimeve dhe pesë sulme tokësore përgjatë vijës së frontit. Nga ana tjetër, Ministria e Mbrojtjes e Rusisë pretendoi se forcat e saj respektuan armëpushimin, ndërsa akuzoi Ukrainën për sulme me dron në rajonet ruse.
    Zelensky propozoi zgjatjen e armëpushimit në një periudhë 30-ditore, duke theksuar nevojën për një ndalim të plotë dhe të pakushtëzuar të armiqësive. Megjithatë, Kremlini, përmes zëdhënësit Dmitry Peskov, deklaroi se nuk kishte urdhër për zgjatjen e armëpushimit.

    Top Channel

  • Armëpushimi për Pashkët, reagon Kremlini: Presidenti Putin nuk ka urdhëruar një vendim të tillë!

    Armëpushimi për Pashkët, reagon Kremlini: Presidenti Putin nuk ka urdhëruar një vendim të tillë!

    Bota E Diel, 20 Prill 2025 20:33
    Presidenti rus Vladimir Putin nuk ka urdhëruar zgjatjen e armëpushimit të tij të Pashkëve, sipas zëdhënësit të Kremlinit, Dmitry Peskov.
    Komentet e raportuara nga agjencia ruse e lajmeve Tass vijnë vetëm disa orë para përfundimit të “armëpushimit të Pashkëve” 30 orësh të Putinit.

    Presidenti rus u zotua të ndalojë “të gjitha operacionet ushtarake” nga ora 16:00 (me orën britanike) dje deri në orën 22:00 me kohën e Mbretërisë së Bashkuar sonte, por të dyja palët që atëherë kanë akuzuar njëra-tjetrën për shkelje.
    Mbrëmjen e djeshme, presidenti ukrainas Volodymyr Zelensky bëri thirrje që propozimi të zgjatet, duke pretenduar se 30 orë ishin “të mjaftueshme për të bërë tituj, por jo për masa të vërteta të ndërtimit të besimit”.
    Ai shtoi se një pauzë 30-ditore “mund t’i japë paqes një shans”.

  • Ukrainë-Rusi: Akuza reciproke për thyerje të armëpushimit

    Ukrainë-Rusi: Akuza reciproke për thyerje të armëpushimit

    Pavarësisht armëpushimit të Pashkëve të shpallur nga Moska presidenti ukrainas Volodymyr Zelenski shkroi në platformën X se mëgjesin e së dielës ka pasur bombardime dhe luftime të vazhdueshme nga pala ruse. Forcat e armatosura të Ukrainës raportuan për 59 goditje me granata nga pala ruse si dhe për pesë tentativa për sulme përgjatë vijës së frontit. Po ashtu njoftohet se Rusia po përdor përsëri dronë.Zelenski: Fjalëve të Moskës nuk mund t’u besohet“Ne e dimë shumë mirë se si manipulon Moska dhe jemi të përgatitur për çdo gjë.” – tha presidenti Zelenski. “Çdo goditjeje ruse do t’i përgjigjemi në mënyrë të përshtatshme” – tha Zelenksi, sipas të cilit fjalëve të Moskës nuk mund t’u besohet. Megjithatë presidenti ukrainas pranoi: “Në disa zona situata është qetësuar”.
    Presidenti ukrainas deklaroi njëkohësisht se Ukraina nga e saj është e gatshme të respektojë armëpushimin. “Nëse Rusia është tani papritur e gatshme të angazhohet vërtet për një heshtje të plotë dhe të pakushtëzuar (të armëve), Ukraina do të veprojë në përputhje me rrethanat,” shkroi Zelenski në X. Ai propozoi gjithashtu zgjatjen e armëpushimit përtej së dielës së Pashkëve.“30 ditë do t’i jepnin paqes një shans,” shkroi Zelenski.
    Për miliona ukrainas, Pashka është “një nga festat më të rëndësishme”, shtoi Zelenski në video-mesazhin e tij me rastin e Pashkëve. “Dhe miliona ukrainas do të shkojnë në kishë,” shtoi ai. Por që nga viti 2022 Rusia ka “shkatërruar ose dëmtuar më shumë se 600 kisha dhe vende kulti”.
    Rusia akuzon Ukrainën për shkeljen e armëpushimitNga ana tjetër Rusia i akuzoi forcat e armatosura ukrainase se kanë shkelur armëpushimin dhe kanv vazhduar sulmet, ndër të tjera në rajonin Donetskut. Gjatë natës së të dielës kishte dhjetëra sulme me dron nga pala ukrainase, po sulmet u zmbrapsën, tha Ministria Ruse e Mbrojtjes. “Si rezultat ka të vdekur dhe të lënduar në radhët e popullatës civile dhe dëmtime të ndërtesave civile,” thuhet në një deklaratë të ministrisë./dw

  • “Nuk kemi besim tek Rusia!”/ Zelensky reagon pas armëpushimit të Pashkëve të shpallur nga Putin: Sulmet ruse nuk kanë ndalur akoma

    “Nuk kemi besim tek Rusia!”/ Zelensky reagon pas armëpushimit të Pashkëve të shpallur nga Putin: Sulmet ruse nuk kanë ndalur akoma

    Presidenti ukrainas, Volodymyr Zelensky ka thënë se sulmet ruse kanë vazhduar edhe pse presidenti rus, Vladimir Putin tha se do ketë një armëpushim për Pashkë.

    “Propozimet e pakushtëzuara të armëpushimit pa përgjigje nga Rusia për 39 ditë”
    “Propozimi për një armëpushim të plotë dhe të pakushtëzuar prej 30 ditësh ka mbetur pa përgjigje nga Rusia për 39 ditë. Shtetet e Bashkuara e bënë këtë propozim, Ukraina u përgjigj pozitivisht, por Rusia e injoroi.
    “Nëse Rusia tani është papritur gati për t’u përfshirë me të vërtetë në një format të armëpushimit të plotë dhe të pakushtëzuar, Ukraina do të veprojë në përputhje me rrethanat, duke pasqyruar veprimet e Rusisë. Heshtje në përgjigje të heshtjes, sulme mbrojtëse në përgjigje të sulmeve”, tha Zelensky.
    “Jepini paqes një shans përtej Pashkëve”
    “Nëse vërtet zbatohet një armëpushim i plotë, Ukraina propozon zgjatjen e tij përtej ditës së Pashkëve të 20 prillit. Kjo është ajo që do të zbulojë synimet e vërteta të Rusisë, sepse 30 orë janë të mjaftueshme për të bërë pushtuar faqet, por jo për masa të vërteta të ndërtimit të besimit. Tridhjetë ditë mund t’i japin paqes një shans”, shtoi presidenti ukrainas.
    “Operacionet sulmuese ruse vazhdojnë”
    “Deri tani, sipas raporteve të Komandantit të Përgjithshëm, operacionet sulmuese ruse vazhdojnë në disa sektorë të vijës së frontit dhe zjarri i artilerisë ruse nuk ka pushuar. Prandaj, nuk ka besim në fjalët që vijnë nga Moska. Ne e dimë shumë mirë se si manipulon Moska dhe ne jemi të përgatitur për çdo gjë. Forcat e Mbrojtjes së Ukrainës do të veprojnë në mënyrë racionale, duke u përgjigjur në të njëjtën mënyrë një sulmi rus”, përfundoi Zelensky.

    Top Channel

  • Putin shpall armëpushim për Pashkë

    Rusia ka njoftuar se do të ndërpresë “të gjitha operacionet ushtarake” si pjesë e “armëpushimit të Pashkëve” në Ukrainë.

    Vladimir Putin tha se armëpushimi i përkohshëm do të zgjasë nga sot deri të hënën, shkruan skynews.

    “E udhëhequr nga konsideratat humanitare, sot nga ora 18:00, nga e diela në të hënë, pala ruse shpall armëpushimin e Pashkëve. Unë urdhëroj të ndërpriten të gjitha veprimet ushtarake për këtë periudhë.”

    Moska tha se supozon se pala ukrainase “do të ndjekë shembullin e tyre”.

    Ndërkohë Kievi nuk ka dhënë ende një përgjigje për propozimin.

    “Në të njëjtën kohë, trupat tona duhet të jenë të gatshme për të zmbrapsur shkeljet e mundshme të armëpushimit dhe provokimet nga armiku, çdo veprim agresiv të tij”, shton ai. 

  • Hamasi pajtohet me propozimin e armëpushimit në Gazë nga ndërmjetësimet e Egjiptit dhe Katarit

    Hamasi pajtohet me propozimin e armëpushimit në Gazë nga ndërmjetësimet e Egjiptit dhe Katarit

    Grupi militant Hamas tha dje në mbrëmje se kishte pranuar propozimin e ri për armëpushim në Gazë nga ndërmjetësit e Egjiptit dhe Katarit, ndërsa shtoi se Izraeli kishte bërë një kundërpropozim në “koordinim të plotë” me ndërmjetësuesin e tretë, Shtetet e Bashkuara të Amerikës, sipas “Reuters”.
    Egjipti, në fillim të javës bëri një propozim për të rivendosur armëpushimin në rrugën e duhur, pas rifillimit të befasishëm të luftimeve nga Izraeli.

    Nuk ishte menjëherë e qartë nëse propozimi kishte ndryshuar përpara se Khalil al-Hayah, udhëheqësi i Hamasit në Gazë, të njoftonte se ishte rënë dakord.
    Në fillim të javës, një zyrtar egjiptian e përshkroi propozimin, duke thënë se Hamasi do të lironte pesë pengje të gjallë, duke përfshirë një amerikano-izraelit nga Gaza në këmbim që Izraeli të lejonte ndihmën në territor dhe një pauzë javore në luftime.
    Izraeli do të lironte qindra të burgosur palestinezë. Zyrtari foli në kushte anonimiteti pasi nuk ishte i autorizuar të informonte mediat për bisedimet me dyer të mbyllura.
    Zyra e kryeministrit izraelit, Benjamin Netanyahu nuk dha detaje rreth kundërpropozimit të Izraelit, i cili tha se ishte ofruar pasi Netanyahu kishte zhvilluar konsultime të premten.
    “Në orët e fundit, Izraeli ka paraqitur kundërpropozimin e tij ndërmjetësuesve në koordinim të plotë me SHBA-ne”, tha zyra e Netanyahut në një deklaratë.
    Izraeli, një javë e gjysmë më parë i dha fund armëpushimit me Hamasin duke nisur një valë të papritur sulmesh që shkaktoi vdekjen e qindra njerëzve.
    Shtëpia e Bardhë fajësoi Hamasin për ripërtëritjen e luftimeve. //a.i/ ATSH

  • Egjipti paraqet propozim të ri për rivendosjen e armëpushimit në Gaza, ja çfarë parashikohet

    Egjipti paraqet propozim të ri për rivendosjen e armëpushimit në Gaza, ja çfarë parashikohet

    Bota E Hënë, 24 Mars 2025 14:22
    Egjipti paraqiti një propozim të ri javën e kaluar për të rivendosur armëpushimin në Rripin e Gazës.
    Sipas Reuters, propozimi u hartua pasi Izraeli javën e kaluar rifilloi operacionet e tij ajrore dhe tokësore kundër Hamasit në enklavën palestineze, duke i dhënë fund efektivisht marrëveshjes së brishtë të armëpushimit që kishte qenë në fuqi që nga 19 janari.

    Plani egjiptian kërkon që Hamasi të lirojë pesë pengje izraelite çdo javë, me Izraelin që zbaton fazën e dytë të armëpushimit të rënë dakord.
    Si SHBA ashtu edhe Hamasi e kanë pranuar propozimin, por Izraeli ende nuk është përgjigjur. Propozimi egjiptian përfshin një afat kohor për lirimin e të gjithë pengjeve në këmbim të një afati kohor për tërheqjen e plotë të Izraelit nga Gaza.
    Hamasi akuzon Izraelin për shkeljen e kushteve të marrëveshjes së armëpushimit, por ka thënë se është i hapur për negociata dhe po shqyrton propozimin e të dërguarit amerikan Steve Witkoff.