Lajmidites.com

Tag: ardon

  • Zyrtare: Ardon Jashari transferohet te Milani, kontratë deri në vitin 2030

    Zyrtare: Ardon Jashari transferohet te Milani, kontratë deri në vitin 2030

    Milani ka konfirmuar zyrtarisht transferimin e Ardon Jasharit, mesfushorit me origjinë shqiptare, nga skuadra belge Club Brugge.

    23-vjeçari ka nënshkruar kontratë afatgjatë deri më 30 qershor 2030, duke u bërë pjesë e projektit të ri të kuqezinjve.

    Jashari e nisi karrierën te Luzern, ku debutoi në ekipin e parë në vitin 2020 dhe grumbulloi 102 paraqitje dhe 9 gola, para se të transferohej te Brugge në vitin 2024. Atje u bë titullar i padiskutueshëm, duke shënuar 4 gola në 52 ndeshje dhe duke ndihmuar ekipin të fitonte Kupën e Belgjikës.

    Në arenën ndërkombëtare, Jashari ka përfaqësuar Zvicrën, duke debutuar në vitin 2022 dhe duke grumbulluar deri tani katër paraqitje me përfaqësuesen helvete.

    Ky transferim shënon një hap të madh në karrierën e tij, ndërsa tifozët shqiptarë e presin me entuziazëm paraqitjen e tij në Serie A, me fanellën e Milanit./KultPlus.com

  • Ardon Jashari te Milani për 39 mln euro, zyrtarizimi brenda kësaj jave

    Ardon Jashari te Milani për 39 mln euro, zyrtarizimi brenda kësaj jave

    Adriatik BALLA
    Lëvizjet e kuqezinjve në merkato vijojnë. Ditët e fundit bëri bujë kalimi i Jasir Asanit nga Guangju të Koresë së Jugut te Esteghlal i Iranit. Një lëvizje që duket se ka pasur ingranazh kryesor ofertën financiare. Por lojtari me këtë lëvizje mund të humbasë Kombëtaren pasi kampionati iranian nuk ka cilësi të mjaftueshme që siguron pozitat në përfaqësuese. Ndërkohë, një tjetër shqiptar pritet të lëvizë në treg. Bëhet fjalë për Edon Zhegrovën që ka marrë interesimin e klubit të njohur, Olimpik Marsejë. Lojtarë të tjerë shqiptarë janë në pritje të mësojnë destinacionin e ri të tyre, por padyshim lëvizja e fundit befasuese është arritja e një marrëveshjeje mes Milanit dhe Ardon Jasharit, ku mediat sportive italiane thonë se u arrit falë insistimit të Igli Tares. Nga ana tjetër, mbetet të shihet se kur do të prezantohet Broja te Bërnli në Championship anglez.
    Ardon Jashari te Milani për 39 mln euro
    Zyrtarizmi i transferimit të Ardon Jasharit te Milani do të ndodh së shpejti. Këtë e ka konfirmuar të martën edhe eksperti i transferimeve, Fabrizio Romano. Pas bisedimeve shumë të gjata mes drejtuesve të Klub Bruzhit dhe Milanit tashmë është arritur marrëveshja. Klub Bruzh do t’i fitojë 39 milionë euro nga shitja e Reprezentuesit të Zvicrës. 23-vjeçari Jashari në ditët në vazhdim do të udhëtojë për në Itali për t’i kryer testet mjekësore. Mesfushori i talentuar ka insistuar që t’i bashkohet vetëm “kuqezinjve”. Jashari do të nënshkruaj kontratë pesëvjeçare me gjigantin italian. Do t’i fitojë 2.5 milionë euro në vit. Ai me Bruzhen ka zhvilluar 52 ndeshje duke kontribuar me katër gola dhe gjashtë asistime.
    Asllani refuzon edhe Sasuolon
    Kristjan Asllani nuk ka ndërmend të largohet nga Interi, pavarësisht qëndrimit insistues të klubit për ta çuar gjetkë. Mesfushori shqiptar ka refuzuar fillimisht mundësinë për t’u transferuar jashtë Italisë, pikërisht te Betisi në La Liga. Ndërsa tani bëhet e ditur se ka refuzuar një skuadër të Serisë A, duke mos nisur bisedimet me të, pavarësisht interesit të kësaj të fundit. Bëhet fjalë për Sasuolon e sapongjitur në Serinë A, i cili nën drejtimin e trajnerit Fabio Groso, kërkon të afirmohet përsëri në elitë si në të kaluarën ku ishte kthyer në një ekip mesi tabele. Klubi ka kërkuar informacion për Asllanin por mediat italiane bëjnë të ditur se mesfushorin shqiptar nuk e tërheq si destinacion për të vazhduar karrierën, ndaj nuk ka nisur asnjë bisedim konkret për një transferim të tillë në këtë moment.
    Zhegrova në planet e Marsejës
    Klubi i njohur francez, Olimpik i Marsejës, ka nisur bisedimet me Edon Zhegrovën. Siç raporton Fabrizio Romano, bisedimet mes të dyja palëve kanë filluar me Marsejën që dëshiron të përforcohet në krahun e sulmit. Zhegrova, kishte pasur interesim edhe nga skuadra të mëdha si Napoli dhe Fenerbahçe, por që nuk ishte arritur ndonjë marrëveshje. Sezonin e kaluar, Zhegrova bëri 21 paraqitje me Lilën ku shënoi 8 gola dhe 2 asiste, por sezoni i tij kishte përfunduar më herët seç pritej shkaku i një lëndimi që kishte pësuar.

  • Mungon vetëm zyrtarizimi, Ardon Jashari drejt Milanit. Ja shifrat e marrëveshjes finale

    Mungon vetëm zyrtarizimi, Ardon Jashari drejt Milanit. Ja shifrat e marrëveshjes finale

    5 Gusht 2025

    14:13

    Alfred Lleshi

    Pas më shumë se një muaji negociatash intensive dhe përplasjeve mes palëve, duket se është arritur më në fund marrëveshja mes Milanit dhe Club Brugge për transferimin e Ardon Jasharit, mesfushorit premtues zviceran me origjinë shqiptare.
    Sipas asaj që raporton “Sky Sport”, drejtuesit kuqezinj dhe klubi belg kanë gjetur një akord të bazuar në 34 milionë euro si pjesë fikse, me shtesa prej rreth 3 milionë euro bonuse, disa prej të cilave të vështira për t’u arritur. Kjo shumë është më e ulët se 41 milionët e kërkuara fillimisht nga Brugge, por vullneti i fortë i Jasharit për të veshur fanellën e Milanit ka qenë vendimtar.
    Jashari është stërvitur normalisht mëngjesin e sotëm me shokët e skuadrës në Belgjikë, por buzëqeshja dhe qetësia e tij janë parë si sinjal i qartë: transferimi është shumë afër.
    Tashmë mbetet vetëm të zyrtarizohet gjithçka me firmën dhe prezantimin, me Milanin që fiton një mesfushor modern, teknik dhe me personalitet, ndërsa Jashari bëhet gati për një hap të madh në karrierën e tij. Fundi i “telenovelës” së merkatos verore është pranë. Ardon Jashari do të jetë kuqezi, falë këmbënguljes së vet, por edhe punës së palodhur në negociata të shqiptarit tjetër kuqezi, Igli Tare.

  • Dëshira e Igli Tares nuk po realizohet, paqja mes Ardon Jasharit dhe Club Brugge e largon nga Milani

    Dëshira e Igli Tares nuk po realizohet, paqja mes Ardon Jasharit dhe Club Brugge e largon nga Milani

    Ardon Jashari ishte dëshira kryesore e Igli Tares te Milani. Mesfushori shqiptar i cili luan me Zvicrën shkëlqeu me Club Brruge në Champions League në sezonin e kaluar. Tare e kërkon te Milani, Jashari e dëshiron po ashtu këtë kalim, por ekipi belg po bën qëndresë të fortë.
    Pasi Jashari po insistonte për këtë transferim, Club Brugge zgjodhi që të përjashtonte futbollistin shqiptar. Megjithatë në prag të ndeshjes së turit të tretë në Champions League kundër Salzburg, belgët kanë rikthyer në listë Jasharin. Një zbutje e tensioneve që nuk është aspak një sinjal i mirë për Milanin, duke e vështirësuar akoma më shumë kalimin. /Elio Hajdari-Sport Ekspres/

  • Jashari “armiqësohet” me belgët për Milanin, por klubi nuk harron ditëlindjen: Sot 23, urime Ardon!

    Jashari “armiqësohet” me belgët për Milanin, por klubi nuk harron ditëlindjen: Sot 23, urime Ardon!

    Ardon Jashari është i vendosur, do vetëm Milanin. Mesfushori i lindur në vitin 2002 ka hyrë në një përplasje të fortë me Club Brugge, duke i bërë të qartë klubit të tij belg se nuk dëshiron më të luajë me fanellën bluzi. Thyerja totale ka ndodhur vetëm pak orë para ditëlindjes së tij të 23-të, por pavarësisht situatës së tensionuar, belgët nuk kanë harruar të bëjnë një gjest njerëzor ndaj lojtarit.
    “Sot mbush 23 vjeç, urime Ardon!”  Ky ishte mesazhi zyrtar i Club Brugge në rrjetet sociale, i shkurtër dhe i drejtpërdrejtë, por që tregon një farë elegance nga ana e klubit, pavarësisht “divorcit” që duket i pashmangshëm. Një urim për talentin me rrënjë shqiptare, që tashmë shikon vetëm drejt Milanos për të bërë hapin e madh në karrierë.
    Në rrjetet sociale, menjëherë poshtë postimit të Brugges, kanë shpërthyer tifozët e Milanit, me fotomontazhe të Jasharit me fanellën kuqezi. Ëndrra është e qartë, Milani është destinacioni që ai kërkon me çdo kusht.
    Megjithatë, negociatat janë ende të bllokuara. Milani ka ofruar 38 milionë euro (përfshirë bonuset), ndërsa Brugges kërkon 40 milionë në total. Diferenca është e vogël, por negociatat nuk kanë përparuar në orët e fundit. Klubi kuqezi mbetet i qetë, duke pritur që presioni i Jasharit ta detyrojë Brugges të ulë paksa pretendimet.
    Për Jasharin, ky 23-vjetor është ndoshta më i rëndësishmi i karrierës së tij. Një ditëlindje mes përplasjesh, ofertash dhe ëndrrës kuqezi. Tani, sytë janë te drejtuesit e Milanit për të mbyllur marrëveshjen dhe te Brugges për të mos e penguar më tej dëshirën e një lojtari që ka vendosur: në të ardhmen e tij nuk ka më vend për Belgjikën.

    Turning 𝟮𝟯 today. Congrats, Ardon! 🎂 pic.twitter.com/vgndy6nsvV
    — Club Brugge KV (@ClubBrugge) July 30, 2025

  • Real Madrid i prish punë Milanit, futet në garë për objektivin e madh të kuqezinjve

    Real Madrid i prish punë Milanit, futet në garë për objektivin e madh të kuqezinjve

    29 Korrik 2025

    19:18

    Telesport

    Pas interesimit të gjatë të Milanit për Ardon Jashari, në garë për mesfushorin me origjinë shqiptare është futur edhe Real Madrid, të paktën kështu raporton sot “Defensa Central”.
    Kuqezinjtë kanë kohë që e ndjekin mesfushorin shqiptar, por ofertat e tyre deri tani janë marrë parasysh nga Club Brugge. Klubi belg kërkon 40 milionë euro dhe duket i vendosur në synimin e tij.
    Nëse Milan po heziton të paguajë këtë shifër, Real Madrid nuk e ka aspak problem. Përveç 4 transferimeve që janë bërë deri tani, Xabi Alonso ka kërkuar nga drejtuesit e klubit madrilen edhe një përforcim tjetër në mesfushë.
    Edhe pse deri më sot janë përmendur emra “big” si Rodri, Mac Allister, Enzo Fernandez, Vitinha, Barella e ndonjë tjetër, duket se drejtuesit e Real Madrid po mendojnë për një goditje me kosto më të ulët dhe Ardon Jashari mund të jetë zgjedhja perfekte.

  • Përgjigjja e Club Brugge për Jasharin vonon, por sinjali i qartë vjen nga… dhoma e zhveshjes

    Përgjigjja e Club Brugge për Jasharin vonon, por sinjali i qartë vjen nga… dhoma e zhveshjes

    “Telenovela” për transferimin e Ardon Jasharit te Milani rrezikon të ketë mbërritur në episodin vendimtar. Një “trailer” e ka dhënë Igli Tare, drejtori sportiv i kuqezinjve, i cili dje ka dhënë një deklaratë për “Gazzetta dello Sport”, në të cilën bëri përmbledhjen e negociatave me Club Brugge për Ardon Jasharin:
    “Jemi në marrëdhënie të mira me Brugge, kemi bërë një ofertë të mëtejshme për Jasharin, ofertë që e konsiderojmë shumë të rëndësishme dhe të denjë për vlerën e lojtarit. Nuk kemi ndërmend të shkojmë më tej”.
    Pritja – Rilançimi, pra, ka ndodhur. Milani ka rritur ofertën në 33.5 milionë euro, plus bonuse, duke kaluar shifrën fikse prej 35 milionësh, me shtesa të tjera që mund ta çojnë paketën totale në rreth 38 milionë euro. Tani pritet përgjigjja e Club Brugge. Dje ajo nuk ka mbërritur. Belgët ishin të angazhuar në ndeshjen e parë të kampionatit, në orën 18:30 kundër Genk, të cilën e fituan 2-1, edhe pa Jasharin.
    Sinjali – Sidoqoftë, një tjetër sinjal ka mbërritur. Në videon e shpërndarë nga klubi belg para ndeshjes së djeshme, nuk ka asnjë referencë për Ardon Jasharin midis dollapëve të personalizuar të lojtarëve të Club Brugge në dhomat e zhveshjes të skuadrës vendase. Mesfushori në fjalë po pret dhe shpreson që Milani të marrë dritën jeshile nga klubi i tij pas dy muajsh negociata.

  • Inter i jep “një dorë” Milanit për të transferuar Ardon Jasharin

    Inter i jep “një dorë” Milanit për të transferuar Ardon Jasharin

    17 Korrik 2025

    14:17

    Telesport

    Ardon Jashari ka refuzuar të dalë në stërvitje te Club Brugge, pasi lojtari kërkon të transferohet te Milan. Oferta e fundit e kuqezinjve për mesfushorin shqiptar ishte 32.5 milionë euro plus bonuse, por klubi belg nuk lëviz nga shifra 40 milionë euro.
    Por transferimin e Ardon Jasharit te Milan mund ta afrojë Inter. Sipas asaj që raporton “TuttoSport”, klubi zikaltër është në negociata me Club Brugge për të shitur Aleksandar Stankovic, një mesfushor i ri, që mbulon të njëjtin pozicion si Jashari.
    Me transferimin e mundshëm të Stankovic, hapet rruga për transferimin e Jasharit te Milan. Edhe vetë Inter ka pasur interes për mesfushorin shqiptar, por klubi zikaltër është tërhequr duke ditur qëndrimin dhe vendimin e lojtarit për t’u transferuar te Milan.
    Marrëveshja mes Inter dhe Club Brugge pritet të mbyllet brenda javës që vjen, në këtë datë po ashtu pritet të konfirmohet edhe transferimi i Ardon Jasharit te kuqezinjtë.

  • Daku pjesë e Rubin Kazanit deri në vitin 2029, Ardon jashari i vendosur të pranojë ofertën e Milanit

    Daku pjesë e Rubin Kazanit deri në vitin 2029, Ardon jashari i vendosur të pranojë ofertën e Milanit

    Adriatik BALLA
    Lojtarët me origjinë shqiptare luajnë në shumë kampionate cilësore në Europë dhe më tej. Madje ka plot lojtarë shqiptarë që luajnë në kampionatet e vendeve lindore, sidomos në Rumani, Rusi, deri edhe në Kazakistan, Azerbajxhan e disa vende të Kaukazit. Në kampionatin rus, lojtari më i spikatur i përfaqësueses kuqezi është Mirlind Daku. Ai luan me Rubin kazanin rus, por ditët e fundit ka marrë vendim ta zgjasë kontratën me këtë klub edhe për katër vite të tjera. Ndërkohë, Ardon Jashari, që luan me Klub Bruzhin në Belgjikë, ende po pret që klubi të mirëkuptojë shijen e tij për një transferim të bujshëm në radhët e Milanit në Serie A italiane. Në fakt, Igli Tare prej disa ditësh ishte shprehur se Jashari dëshiron të veshë fanellën e Milanit,duke nënkuptuar se klubi ishte gati të paguante një shumë për të, por jo aq sa theksonte Klub Bruzhi. Klubi belg dëshironte gati 30 mln euro për lojtarin dhe bisedimet për këtë shumë u ndërprenë. Kjo bëri që lojtari të mërzitet me klubin tij belg, pasi e dëshironte fort transferimin. Ndërkohë, disa lojtarë të tjerë janë në pritje të mësojnë destinacionin e tyre për në sezonin e ri.
    Daku zyrtarisht edhe katër vjet me Rubin Kazanin
    Sipas mediave sportive ruse, sulmuesi Mirlind Daku ka nënshkruar kontratë të re me skuadrën ruse, Rubin Kazan. Të dielën, Rubin Kazani, ka njoftuar se Daku do të jetë pjesë e skuadrës deri në vitin 2029. Reprezentuesi i Shqipërisë, Daku, është sulmuesi kryesor i Rubin Kazanit. Daku përfundoi i dyti në listën e golashënuesve më të mirë të sezonit të kaluar të Premier Ligës ruse të futbollit. Shënoi 15 gola. 27-vjeçari Daku pjesë e Rubin Kazanit është nga viti 2023. Ai u transferua nga Osijeku për një milionë euro.
    Ardon Jashari do vetëm Milanin, e konfirmon eksperti i transferimeve Romano
    Merkato po sjell të papritura, por akoma jo për lojtarët shqiptarë. Ndërkohë, eksperti i transferimeve, njëherësh gazetar, Fabrizio Romano, raporton se Ardon Jashari ka refuzuar ofertat nga Uest Hem dhe Notingham Forest, pasi dëshiron vetëm të transferohet te Milani. Jashari dëshiron të bashkohet me Milanin këtë verë dhe ka refuzuar propozimet nga dy klubet e Premier League, Uest Hem dhe Notingham Forest. Romano bëri të ditur në videon e tij të fundit në “YouTube” se të dyja klubet angleze kishin bërë oferta të rëndësishme për lojtarin dhe madje ishin të gatshme të përmbushnin kërkesën financiare të Klub Bruzh. Megjithatë, Jashari aktualisht nuk është i interesuar t’i bashkohet asnjërës prej tyre, pasi synimi i tij është vetëm San Siro. Milani ka qenë në bisedime me Klub Bruzh prej disa javësh, por ende nuk ka arritur një marrëveshje për çmimin e mesfushorit. Jashari, 22 vjeç, nuk mori pjesë në një ndeshje miqësore të Klub Bruzhe javën e kaluar. Milani këtë verë ka shitur Tijani Reijnders te Mançester Siti dhe ka nënshkruar me Samuele Riki dhe Luka Modriç. Riki është prezantuar tashmë si përforcim i ri, ndërsa blerja e Modriç do të zyrtarizohet në ditët në vijim.

  • Ardon Jashari do vetëm Milanin, nuk udhëton me skuadrën e Bryzhit për fazën përgatitore

    Ardon Jashari do vetëm Milanin, nuk udhëton me skuadrën e Bryzhit për fazën përgatitore

    Milani nuk heq dorë nga Ardon Jashari. Igli Tare i ka propozuar Klub Bryzhit një ofertë të dytë për mesfushorin shqiptar. Shifra e ofruar nuk është ajo që belgët kërkojnë, por dëshira e madhe e vetë Jasharit për t’ju bashkuar Milanit e ka ndërlikuar situatën për Klub Bruzhin.
    Tare ka vendosur një ultimatum për përgjigjen e belgëve, ndërsa 22-vjeçari ka ndërmarrë hapa protestues ndaj klubit të tij. Fabricio Romano raporton se Jashari ka vendosur të mos udhëtojë me skuadrën e Bryzhit në Skoci, atje ku do të nisin përgatitjet për sezonin e ardhshëm. Ardoni dëshiron vetëm Milanin dhe po ngulmon që kjo marrëveshje të kryhet sa më parë./Sport Ekspres/