Më shumë se 1000 ekspertë të IA mendojnë se këto janë punët që IA do të zëvendësojë së shpejtiQë kur ChatGPT doli në skenë në nëntor 2022, punonjësit kanë përdorur chatbotin e IA dhe variacione të tjera nga Google, Microsoft, Apple dhe të tjerë, për të mbajtur shënime, për të shkruar emaile dhe për të përkthyer.Por a mundet që mjetet që po përdorni për të ndihmuar punën tuaj t’ju zënë vendin?Goldman Sachs vlerësoi në një raport të vitit 2023 se inteligjenca artificiale mund të automatizojë 300 milionë vende pune me kohë të plotë, ndërsa McKinsey shkroi në të njëjtin vit se deri në 375 milionë punëtorë mund të zhvendosen nga IA deri në vitin 2030.Ndërsa IA mund të marrë përsipër punët në Wall Street ose rolet e zhvilluesit të softuerit në firmat Big Tech, një studim i fundit i Pew Research zbuloi se ekspertët e inteligjenës artificiale konsiderojnë tre profesione më të rrezikuara për t’u zhdukur në 20 vitet e ardhshme për shkak të IA: arkëtarët, gazetarët dhe punëtorët e fabrikës.Pew Research anketoi mbi 5,400 të rritur në SHBA dhe më shumë se 1,000 ekspertë të IA, që folën ose prezantuan në 21 konferenca të lidhura me IA në 2023 ose 2024.Sondazhi, i cili u krye nga gushti deri në tetor 2024, zbuloi se kur bëhet fjalë për profesionet, ekspertët e IA dhe popullata e përgjithshme ndanë pikëpamje të përbashkëta se cilat punë ka më shumë gjasa të zëvendësojë IA. Si 73% e të rriturve në SHBA dhe ekspertëve të IA deklaruan, se IA do të çojë në më pak punë për arkëtarët gjatë 20 viteve të ardhshme, ndërsa gati 60% e secilit grup dhanë të njëjtin parashikim për gazetarët.Më shumë nga publiku, 67% krahasuar me 60% për ekspertët e IA, thanë se inteligjenca artificiale mund të zëvendësonte punën në fabrikë, ndërsa gati gjysma e secilit grup tha se IA mund të zëvendësonte disa punë në inxhinieri softuerike.Më pak se gjysma e ekspertëve të IA dhe publikut të gjerë parashikuan humbjen e punës për terapistët e shëndetit mendor, avokatët, muzikantët, mësuesit dhe mjekët në njëzet vitet e ardhshme.Sondazhi tregoi gjithashtu se ekspertët janë përgjithësisht më optimistë për IA sesa publiku i gjerë.Për shembull, ndërsa shumica e ekspertëve (73%) thanë se inteligjenca artificiale do të kishte një ndikim pozitiv në punë në 20 vitet e ardhshme, vetëm 23% e të rriturve në SHBA thanë se IA do të ndikonte pozitivisht në punën e tyre.Më shumë se gjysma e publikut thanë se ishin të shqetësuar për shkak të humbjes së punës nga IA, ndërsa vetëm 25% e ekspertëve ishin të shqetësuar. Ndërkohë, shumica e të rriturve në SHBA (64%) thanë se IA do të ulte numrin e vendeve të punës, por vetëm 39% e ekspertëve ndajnë të njëjtën pikëpamje.Në përgjithësi, shumica e ekspertëve (56%) thanë se inteligjenca artificiale do të ketë një ndikim pozitiv në SHBA gjatë dy dekadave të ardhshme, ndërsa më pak se një në pesë të popullsisë së përgjithshme (17%) treguan të njëjtën gjë./ Entrepreneur, Shqip.alKy është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.
