Lajmidites.com

Tag: angli

  • “Pse, mendoni se Cristiano nuk e bën dot edhe në Angli?!”

    “Pse, mendoni se Cristiano nuk e bën dot edhe në Angli?!”

    2 Nëntor 2025

    11:19

    Telesport

    Rio Ferdinand mendon se Cristiano Ronaldo edhe sot do të ishte një lojtar i shkëlqyer për kampionatin anglez.
    Portugezi është 40 vjeç dhe po luan në Arabinë Saudite. Ai pritet që, me dy vitet e ardhshme, të arrijë kuotën e 1000 golave në karrierë.
    Ferdinand ka deklaruar se CR7 do të ishte njësoj edhe në Premier League.
    “E pashë golin e tij të fundit dhe ato lëvije para shënimit ishin… Ka plot 25-vjeçarë që ende nuk dinë të lëvizin ashtu. Kur u kthye te Manchester United, Cristiano qe golashënuesi më i mirë. Plus, me kombëtaren e Portugalisë po bën të njëjtën gjë, madje duke shënuar përballë mbrojtësve më të mirë në botë. Edhe sot do të ishte ‘top player’ në Angli”, ka deklaruar Ferdinand.

  • Sulm me thika në një tren në Angli, plagosen 10 persona, 9 prej tyre në gjendje të rëndë

    Sulm me thika në një tren në Angli, plagosen 10 persona, 9 prej tyre në gjendje të rëndë

    Një sulm me thika në një tren pasagjerësh në Angli ka lënë pas 10 persona të plagosur, 9 prej të cilëve ndodhen në gjendje të rëndë shëndetësore.
    Ngjarja e rëndë u regjistrua mbrëmjen e djeshme, kur treni që udhëtonte nga Doncaster drejt London King’s Cross u ndal urgjentisht në stacionin Huntingdon, në Cambridgeshire, pas raportimeve për një sulm me armë të ftohtë.
    Policia e antiterrorit është bashkuar me hetimin, ndërsa ngjarja ka tronditur opinionin publik britanik.

    Incidenti ndodhi të shtunën rreth orës 19:40, kur treni që udhëtonte nga Doncaster drejt London King’s Cross u ndal urgjentisht në stacionin Huntingdon, në Cambridgeshire, pas raportimeve për një sulm me armë të ftohtë.
    Sipas policisë britanike, autori, u neutralizua menjëherë pas ngjarjes së rëndë.  Deri më tani dy persona janë arrestuar.
    Dëshmitarë për Sky News thanë se sulmi nisi rreth dhjetë minuta pasi treni ishte nisur nga Peterborough dhe se pasagjerët panë skena paniku, me njerëz që vraponin ose fshiheshin në tualete për t’u shpëtuar agresorëve. Njëri prej tyre deklaroi se pa njërin nga sulmuesit ndërsa po arrestohej.
    Policia e cilësoi ngjarjen si një “incident madhor”, duke konfirmuar se hetimet po mbështeten nga njësia kundër terrorizmit. Në një moment gjatë ndërhyrjes, autoritetet shpallën kodin “Plato” – sinjali kombëtar që përdoret për të treguar një “sulm terrorist të armatosur në zhvillim” i cili më vonë u tërhoq.
    Kryeministri Sir Keir Starmer e quajti incidentin “të tmerrshëm dhe thellësisht shqetësues”, duke shprehur mirënjohje për reagimin e shpejtë të shërbimeve emergjente./vizionplus.tv

  • “Maratonomaku”Granit Xhaka, ja ndikimi i mesfushorit te suksesi i Sunderland

    “Maratonomaku”Granit Xhaka, ja ndikimi i mesfushorit te suksesi i Sunderland

    Të gjithë mendonin se Sunderland u ngjit në Premier League për të mos qëndruar gjatë, por deri më tani skuadra ku militon Granit Xhaka konsiderohet si një surprizë e këndshme e sezonit pasi mban vendin e katërt edhe pse janë luajtur 9 javë kampionat.
    Pas analizave të ndryshme të bëra rezulton se pas suksesit të “maceve të zeza” qëndron pikërisht mesfushori, i cili u transferua këtë verë në Angli.

    Të dhënat e mbledhura nga lojtarët në fushë tregojnë se dyshja e mesfushës së Sunderland, e formuar nga Granit Xhaka dhe Noah Sadiki, ka përshkuar plot 200.97 kilometra. Xhaka me 100.83 km dhe Sadiki me 100.14 km janë dy lojtarët, të cilët kanë vrapuar më shumë deri më tani në kampionatin anglez.
    Megjithëse në moshën 33 vjeçare, Granit Xhaka vijon të luajë në nivele të larta duke dhënë më të mirën. Duket se rikthimi i tij në Angli pas dy sezonesh në Gjermani te Bayer Leverkusen, i ka bërë mirë mesfushorit me origjinë shqiptare, që në ishull duket i rilindur tashmë.

  • Rrëzohet helikopteri në Angli/ Humb jetën 70-vjeçari, tre persona të plagosur

    Rrëzohet helikopteri në Angli/ Humb jetën 70-vjeçari, tre persona të plagosur

    Një 70-vjeçar ka humbur jetën dhe tre persona të tjerë janë plagosur, pas rrëzimit të një helikopteri në Doncaster në Angli.

    Shërbimet e emergjencës u thirrën në një fushë pranë Ings Lane, Bentley. Helikopteri ishte ngritur nga Aeroporti Retford Gamston, në Nottinghamshire.
    Piloti, një 41-vjeçar, dhe dy pasagjerë të tjerë, një grua 58-vjeçare dhe një djalë 10-vjeçar, pësuan lëndime të lehta, tha Policia e Yorkshire.
    “Mund të konfirmojmë se një helikopter i operuar nga një qiramarrës në vend, është përfshirë në një incident. Nuk kemi informacione të mëtejshme aktualisht”, tha aeroporti Retford Gamston në një deklaratë.
    BBC raportoi se një patrullë policore ishte vendosur dhe një ambulancë private kishte mbërritur në vendngjarje.

    Top Channel

  • EMRI/ U kap duke shitur kokainë, arrestohet 22-vjeçari në Angli

    EMRI/ U kap duke shitur kokainë, arrestohet 22-vjeçari në Angli

     Një 22-vjeçar shqiptar është arrestuar në Angli. I arrestuar është Adi Skura, 22 vjeç me origjinë shqiptare. Autoritetet angleze thanë se më ai u arrestua, pasi u kap në flagrancë duke shitur lëndë narkotike. Sukrra është dënuar me 20 muaj burg.

    Më 18 shtator 2025, oficerë të veshur civilë nga Ekipi Proaktiv i Krimeve të Blerjes e panë Skurën, duke bërë një shkëmbim me një person në Garlick Hill. Oficerët ndaluan Skurën në Rrugën Cannon dhe kryen një kontroll ndaj tij. Atij u gjetën gjithsej 20 qese kokaine, si dhe 270 paund në para të gatshme.

    “Ne po identifikojmë dhe kapim në mënyrë proaktive shkelësit dhe do të vazhdojmë të ndërmarrim veprime për të ndërprerë dhe ndjekur ata që janë të përfshirë në furnizimin me drogë të Klasit A ​​në rrugët e Londrës. Këto përpjekje jo vetëm që i shpëtojnë rrugët nga ky aktivitet i paligjshëm me ndikimin më të madh dhe të dëmshëm, por u dërgojnë një mesazh të qartë atyre që qëndrojnë pas krimit të lidhur me drogën, se do të kapen dhe do të futen pas hekurave.

    Gjithashtu duam të lëshojmë një paralajmërim për ata që blejnë drogë ose e konsiderojnë atë. Jo vetëm që është një vepër penale, por ju po sillni edhe kriminelë të dhunshëm dhe të rrezikshëm në Qytet.” tha detektivi James Crellin, nga Departamenti i Hetimeve Penale në Policinë e Qytetit të Londrës.

  • Sulmuesin e kërkojnë në Angli, gruaja e Harry Kane del kundër rikthimit

    Sulmuesin e kërkojnë në Angli, gruaja e Harry Kane del kundër rikthimit

    28 Tetor 2025

    18:43

    Telesport

    Harry Kane ka gjithë të drejtën për t’u larguar nga Bayern Munich në fund të këtij sezoni për 58 milionë euro, sipas klauzolës në kontratë të nënshkruar mes palëve.
    Në 109 ndeshje me Bayern në të gjitha kompeticionet, Kane ka shënuar 105 gola, duke treguar efikasitetin e tij dhe jo më kot konsiderohet si një nga sulnuesit më të mirë në botë.
    Për anglezin ka interes të madh në Premier League, aty ku Tottenham do e mirëpriste krahëhapur, por jo vetëm, pasi edhe Man. United interesohet për të dhe do ishte i gatshëm të paguante klauzolën e tij.
    Megjithatë, “BILD” raporton se Bayern ka një aleate të fortë për të mbajtur sulmuesin në Munich. Gruaja e Harry Kane është kundër rikthimit të sulmuesit në Angli, pasi familja e tyre është përshtatur shumë mirë në Bavari dhe mbi të gjitha janë shumë të kënaqur me privatësinë, gjë ju mungonte shumë kur ishin në Londër.

  • Arsenal “arratiset” në Angli, por Arteta frenon: Jemi ende në tetor

    Arsenal “arratiset” në Angli, por Arteta frenon: Jemi ende në tetor

    Me Liverpool, Man.City, Chelsea etj, me të gjithë “bigët” e Premier League që po kalojnë një moment të vështirë, Arsenal përfiton në maksimum, me “topçinjtë” që arratisen të vetëm në krye në kuotën e 22 pikëve, plus 4 nga surpriza Bournemouth. Ekipi i Artetas doli me 3 pikë nga kjo javë teksa triumfuan 1-0 përballë Crystal Palace. Golin e fitores për Arsenal e shënoi Eze në minutën e 39-të.
    Londinezët zhvilluan një presion asfiksues në zonën e Crystal Palace në kërkim të golit të qetësisë, por pa sukses. Arteta ka ndërtuar një “bunker” të vërtetë pasi kjo ishte ndeshja e 5-të radhazi mes Champions dhe Premier League që nuk pësojnë gol. Në 9 javë në Angli, kanë pësuar vetëm 3 gola, mbrojtja më e mirë në ishull, një detaj që po rezulton përcaktues këtë sezon.

    Pavarësisht shifrave dhe ecurisë, Arteta frenon, nuk preferon të flas për titull: “Ishte një fitore e madhe, e dinim që do të ishte e vështirë, kjo dhe për meritë të rivalit. Gara për titull? Është shumë herët, jemi në tetor. Gjendja emocionale e ekipit është shumë e mirë, kemi shumë besim, por duhet të përmirësojmë disa gjëra”, u shpreh Arteta pas ndeshjes.
    ()

  • Shqipëria duhet të nxitojë! Talenti i Kombëtares po bën namin në Angli, Armend Muslika shënon golin e 7 në 8 ndeshje

    Shqipëria duhet të nxitojë! Talenti i Kombëtares po bën namin në Angli, Armend Muslika shënon golin e 7 në 8 ndeshje

    Një prej talenteve më të mëdhenj të Shqipërisë në Angli, në ekipet e moshave, është Armend Muslika. Ky futbollist i ka dhuruar fitoren Totenhemit U-18 edhe në ditën e sotme, teksa ia kanë dalë 2-0 ndaj Leicester.
    Goli i Armend Muslikës erdhi në minutën e 6 të takimit, ndërsa ishte goli i 7 i tij në 8 ndeshjet e para të kampionatit. Për më tepër, kjo merr vlerë të madhe pasi roli i tij nuk është qendër sulmues, por mesfushor organizator që vjen pas sulmuesit. Futbollisti 16-vjeçar ka luajtur vetëm 1 ndeshje me Shqipërinë U-17, por tani është momenti për t’i besuar të paktën një vend te Shqipëria U-21 duke parë potencialin e tij. /Sport Ekspres/

  • Arrestohet në Angli 34-vjeçari shqiptar, shpërndante kokainë për 800 klientë në ditë. EMRI

    Arrestohet në Angli 34-vjeçari shqiptar, shpërndante kokainë për 800 klientë në ditë. EMRI

    Një 34-vjeçar shqiptar është arrestuar në Angli, pasi akuzohet se drejtonte një nga rrjetet më të mëdha të shpërndarjes së kokainës në zonën e Chesterit.
    I arrestuari është Meltjan Isufi, me origjinë shqiptare, i cili, sipas hetimeve, shiste doza kokaine për rreth 800 klientë në ditë.
    Sipas mediave britanike, Isufi është dënuar me gjashtë vite burg, pas një hetimi të gjatë të policisë angleze. Hetimet nisën më 23 dhjetor 2024, kur policia arrestoi një person tjetër në Chester dhe gjatë kontrollit në banesën e tij gjeti një sasi të madhe kokaine. Analizat laboratorike zbuluan ADN-në e Isufit në njërën nga pakot, duke çuar më pas në identifikimin dhe arrestimin e tij.
    Gjatë sekuestrimit të telefonit të 34-vjeçarit, hetuesit zbuluan një bazë të gjerë klientësh, me mbi 800 kontakte që tregonin përmasat e aktivitetit të tij të paligjshëm.

  • Të shpallur në kërkim nga Interpoli për drogë, arrestohen në Angli dy shqiptarë (Emrat)

    Të shpallur në kërkim nga Interpoli për drogë, arrestohen në Angli dy shqiptarë (Emrat)

    Dy shqiptarë, Eduart Elezi, 28 vjeç, dhe Xhuljano Hoxha, 30 vjeç, të shpallur në kërkim ndërkombëtar nga Interpoli për kultivim kanabisi, janë arrestuar në Angli.
    Seanca e ardhshme e ekstradimit për Elezin është parashikuar më 16 shkurt 2026, ndërsa për Hoxhën, i cili kërkohet nga drejtësia shqiptare për të njëjtën akuzë, gjykata e Manchesterit do të vendosë masën e dënimit më 20 nëntor 2025.
    Arrestimi i tyre është pjesë e bashkëpunimit ndërkombëtar mes autoriteteve ligjzbatuese për të ndaluar veprimtaritë kriminale jashtë vendit.