Lajmidites.com

Tag: andrew

  • Zbulohen e-mailet tronditëse, Epstein financoi për 15 vite Sarah Ferguson. Ish bashkëshortja e Princit Andrew festoi lirimin e financierit famëkeq me vajzat e saj

    Zbulohen e-mailet tronditëse, Epstein financoi për 15 vite Sarah Ferguson. Ish bashkëshortja e Princit Andrew festoi lirimin e financierit famëkeq me vajzat e saj

    Jeffrey Epstein, dyshohet se ka financuar fshehurazi Sarah Ferguson për më shumë se 15 vite, shumë më tepër sesa shuma prej 15 mijë paundësh që Dukesha e York-ut ka pranuar publikisht se ka marrë nga ai.

    Në e-maile të pazbuluara më parë, të cilat janë pjesë e një dosjeje të madhe nën shqyrtim nga Kongresi Amerikan, Epstein e përshkruan Fergie si përfituese të vazhdueshme dhe “lypëse”, duke pretenduar madje se ajo ishte e para që festoi lirimin e tij nga burgu, madje duke marrë me vete edhe dy vajzat e saj, Princeshën Beatrice dhe Princeshën Eugenie.
    Në atë kohë, Beatrice ishte 20 vjeç dhe Eugenie 19, të njëjtën moshë me shumë prej viktimave të Epstein.
    Emra të njohur dhe përfshirje tronditëse
    E-mailet e siguruara nga “The Mail on Sunday” hedhin dritë mbi një marrëdhënie të gjatë dhe të errët mes Epstein dhe Fergie:
    Dukesha ka kërkuar borxh deri në 100,000 dollarë për të mbuluar “fatura të vogla që po e shtynin drejt greminës financiare”;
    Ka bërë shaka duke pyetur nëse ishulli privat i Epstein ishte “i ndaluar për falimentuesit”;
    Epstein ka shlyer borxhet e Fergie ndaj një ish-punonjësi, por është zemëruar kur ajo nuk ia ktheu siç premtoi;
    Në publik e mohoi miqësinë, ndërsa në prapaskenë kërkonte ndihmë për ngritjen e një fondacioni bamirësie me ndihmën e Epstein;
    Epstein i dërgonte madje edhe “fjalët që duhet të përdorte” përpara një interviste të saj me Oprah Winfrey.
    Daily Mail shkruan se një burim i afërt ka deklaruar: “Sarah dhe Andrew gjithmonë kanë pretenduar se i kanë prerë lidhjet me Epstein pas dënimit të tij. E vërteta është ndryshe, ishte Epstein ai që i la ata, i lodhur nga kërkesat e pafundme për para nga Sarah.”
    Hipokrizi publike dhe përulësi private
    Në vitin 2011, Fergie kishte dhënë një intervistë për London Evening Standard, ku kërkonte falje për marrjen e 15 mijë paundëve nga Epstein, duke e quajtur një “gabim të madh në gjykim”.
    Por reagimi i Epstein ishte i ashpër: në një email dërguar mikut të tij, agjentit të modës Jean-Luc Brunel, i cili më vonë u arrestua për akuza përdhunimi dhe vdiq në burg, Epstein shkruante: “Dukesha që kam ndihmuar financiarisht për 15 vite tani thotë se nuk do të ketë më lidhje me një pedofil.”
    Epstein i kërkoi një letër publike faljeje, duke kërcënuar me padi nëse ajo nuk e dërgonte. Disa versione të letrës ndodhen në arkivat e emailit, përfshirë këtë:
    “I dashur Jeffrey, dua të dish me siguri se shumë nga ato që janë thënë në shtyp për ty dhe që më atribuohen mua janë shpikje të qëllimshme ose ekzagjerime të neveritshme… Nuk pati asnjëherë pretendime për pedofili… Je mik besnik i familjes sime prej vitesh.”
    Në një tjetër email të vitit 2011, Epstein shkruante: “Ajo erdhi e para për të festuar lirimin tim me të dyja vajzat e saj. Më ka kërkuar ndihmë për bamirësi. I bleva edhe emrin e domain-it për ‘Mother’s Army’.”
    Paratë, borxhet dhe Princesha në hije
    Në një komunikim të janarit 2010, Fergie i shkruante Epstein: “Ka ndonjë mundësi të më japësh 50 apo 100 mijë dollarë për të kaluar disa fatura të vogla?”
    Edhe pse Epstein po përballej me kufizime në llogaritë bankare për shkak të mbikëqyrjes ligjore, Fergie këmbëngulte që ai të kërkonte ndihmë nga biznesmeni Giuseppe Cipriani.
    Epstein gjithashtu ka shlyer një pagesë prej 15 mijë paundësh për ish-asistentin personal të Fergie, John O’Sullivan, gjë që u konfirmua edhe në një email me Princin Andrew, ku ai i shkruante: “JS done.” Andrew u përgjigj: “Fantastike!!! Faleminderit. Faleminderit.”
    Rënia e një çifti mbretëror
    Ky zbulim vjen vetëm disa javë pasi Sarah Ferguson dhe Princi Andrew hoqën dorë nga titujt e tyre mbretërorë, pas presionit të madh publik dhe mediatik për lidhjet e tyre me Epstein.
    Një burim pranë hetimeve tha për median britanike: “Sarah dhe Andrew ishin të zhytur deri në fyt në lidhjet me Epstein. E gjithë kjo kishte të bënte me paranë. Ishte e qartë se kjo do të ishte rënia e tyre.”

    Top Channel

  • Pagoi 12 milionë paund për gjyqin, deputetja britanike kërkon shpjegim për të ardhurat e Princit Andrew

    Pagoi 12 milionë paund për gjyqin, deputetja britanike kërkon shpjegim për të ardhurat e Princit Andrew

    Një deputete britanike i ka bërë thirrje familjes mbretërore të shpjegojë se si Princi Andrew arriti të financojë marrëveshjen gjyqësore prej 12 milionë paundësh me Virginia Giuffre, e cila e kishte paditur për abuzim seksual.

    Rachael Maskell, përfaqësuese e zonës York Central, tha se duhet shumë transparencë dhe ndershmëri mbi pagesën e bërë në vitin 2022.  Ajo prej kohësh ka kërkuar që Andrew t’i hiqet titulli i Dukës së Jorkut, për shkak të lidhjeve të tij me Jeffrey Epstein.
    Princi Andrew njoftoi të premten se nuk do ta përdorë më titullin, por zyrtarisht do ta mbajë, pasi ai mund të hiqet vetëm me një akt parlamentar.
    Virginia Giuffre, e cila u vetëvra në prill në moshën 41-vjeçare, kishte deklaruar se ishte trafikuar dhe abuzuar nga Epstein që në adoleshencë, si dhe kishte ngritur një padi civile kundër Andrew në New York, duke pretenduar se ai e kishte abuzuar seksualisht kur ajo ishte 17 vjeç.
    The Guardian raporton se Andrew gjithmonë i ka mohuar akuzat, por zgjodhi ta mbyllë çështjen jashtë gjykatës. Sipas “The Telegraph”, si pjesë e marrëveshjes, Giuffre pranoi të mos përsëriste akuzat për një vit, për të shmangur njollosjen figurës së tij.
    Prej kohësh është përfolur se mbretëresha e ndjerë mund të ketë ndihmuar financiarisht djalin e saj, duke përdorur fonde, por kjo nuk është konfirmuar kurrë.
    “Transparenca është thelbësore. Virginia Giuffre nuk është më mes nesh, por familja e saj meriton të dijë të vërtetën. Nuk duhet të ketë asnjë gënjeshtra, pavarësisht sa e pakëndshme mund të jetë për disa e vërteta”, tha Maskell.

    Top Channel

  • Skandali mbretëror në Britaninë e Madhe/ Princi Andrew hoqi dorë nga të gjitha titujt, por ende do të jetojë në…

    Skandali mbretëror në Britaninë e Madhe/ Princi Andrew hoqi dorë nga të gjitha titujt, por ende do të jetojë në…

    Princi Andrew është detyruar të heqë dorë nga të gjithë titujt dhe nderimet mbretërore pas skandalit të vazhdueshëm që lidhet me marrëdhëniet e tij me Jeffrey Epstein.

    Ish-Duka i York-ut, 65 vjeç, ka konfirmuar nëpërmjet një deklarate zyrtare se nuk do të përdorë më asnjë titull mbretëror, përfshirë edhe atë të Dukës së York-ut, që iu dha nga Mbretëresha Elizabeth II në ditën e dasmës së tij me Sarah Ferguson, më 23 korrik 1986.
    Ai ka hequr dorë gjithashtu edhe nga posti në Urdhrin e Garter, kalorësia më e lartë në Mbretërinë e Bashkuar.
    Vendimi u mor pas bisedimeve me Mbretin Charles dhe Princin William, në një përpjekje për të ruajtur imazhin e monarkisë nga dëmet që skandali i Andrew po shkaktonte prej vitesh.
    Megjithatë, pavarësisht vendimit të fortë për t’i hequr të gjitha titujt dhe përjashtimit nga ngjarjet madhore të familjes mbretërore – përfshirë Krishtlindjet në Sandringham – Andrew do të lejohet të vazhdojë të jetojë në Royal Lodge, rezidencën luksoze me 30 dhoma në Windsor, të cilën e ka me kontratë deri në vitin 2078, shkruan “The Sun”.
    Sipas burimeve pranë pallatit, si Mbreti ashtu edhe Princi i Uellsit kanë shprehur dëshirën që Andrew të largohet nga kjo pronë, e cila ndodhet shumë pranë rezidencës së tyre të re, Forest Lodge. Megjithatë, për shkak të kontratës së tij “të hekurt”, kjo nuk është ligjërisht e mundur për momentin.
    Në deklaratën e bërë publike përmes Buckingham Palace, Andrew u shpreh se akuzat ndaj tij po shpërqendronin vëmendjen nga puna e Mbretit dhe familjes mbretërore, dhe për këtë arsye kishte vendosur të bënte një hap më tej.
    “Me pajtimin e Madhërisë së Tij, nuk do të përdor më titujt apo nderimet që më janë dhënë. Siç kam thënë më parë, i mohoj me forcë akuzat kundër meje”, thuhet ndër të tjera në deklaratë.
    Lëvizja vjen pas një jave tensioni të lartë në pallat, që shpërtheu pas publikimit të email-eve të reja që faktonin se Princi Andrew kishte qëndruar në kontakt me Jeffrey Epstein më gjatë nga sa kishte deklaruar publikisht. Në një nga mesazhet e zbuluara, të dërguara në shkurt 2011, ai i shkruante Epstein: “Jemi në këtë së bashku… do ta kalojmë”.
    Akuzat ndaj Andrew janë ringjallur fuqishëm edhe pas zbulimeve të reja nga kujtimet e Virginia Giuffre, e cila ndërroi jetë në prill të këtij viti.
    Në librin e saj, që pritet të publikohet të martën, ajo pretendon se është trafikuar për të kryer marrëdhënie seksuale me Andrew në tre raste dhe e akuzon atë se e konsideronte seksin me të si “të drejtë që i takonte nga lindja”.
    Familja e saj reagoi menjëherë pas lajmit se Andrew do të hiqte dorë nga titujt, duke e cilësuar këtë një “fitore për Virginia-n” dhe duke bërë thirrje që Mbreti Charles t’i heqë atij edhe titullin “Princ”.
    Pavarësisht vendimit, vajzat e Andrew, Princesha Beatrice dhe Eugenie, do të mbeten zyrtarisht princesha, pasi janë tituj të lindur dhe nuk mund të hiqen.
    Ish-bashkëshortja e tij, Sarah Ferguson, gjithashtu nuk do të përdorë më titullin “Dukesha e York-ut”, megjithëse nuk e kishte përdorur në mënyrë profesionale prej vitesh.
    Kjo nuk është hera e parë që Princi Andrew përballet me masa ndëshkuese nga familja mbretërore.
    Në vitin 2022, Mbretëresha Elizabeth II i hoqi të gjitha titujt ushtarakë dhe patronazhet mbretërore, ndërsa u njoftua gjithashtu se nuk do të përdorte më titullin “Lartësia e Tij Mbretërore” në asnjë funksion zyrtar. Po atë vit, ai arriti një marrëveshje jashtëgjyqësore me Virginia Giuffre, duke i paguar një shumë të panjohur për të mbyllur padinë për abuzim seksual, ndërkohë që vazhdon të mohojë çdo akuzë.
    Në prapaskenë, pallati mbretëror thuhet se ka shtuar presionin ndaj tij për ta larguar nga Royal Lodge, duke i hequr financimin dhe sigurimin zyrtar. Por Andrew ka arritur të qëndrojë aty, falë burimeve të reja financiare që nuk janë bërë publike.
    Sipas ekspertëve të çështjeve mbretërore, ky është ndoshta fundi i rrugës për Andrew brenda familjes mbretërore. Autori Phil Dampier e quajti këtë një “tragjedi greke”, duke shtuar: “Ndoshta do ishte më mirë për të që të niste një jetë të re jashtë Mbretërisë së Bashkuar, pasi këtu nuk ka më të ardhme”.

    Top Channel

  • E BUJSHME / Princ Andrew largohet nga Familja Mbretërore pas akuzave për lidhje me Epstein

    E BUJSHME / Princ Andrew largohet nga Familja Mbretërore pas akuzave për lidhje me Epstein

    Një tjetër tronditje në Familjen Mbretërore britanike. Princi Andrew, djali i dytë i ndjerë i Mbretëreshës Elizabeth II, ka njoftuar sot se po heq dorë nga të gjithë titujt dhe nderimet mbretërore, pas presionit të vazhdueshëm publik dhe akuzave për lidhje me pedofilin e dënuar Jeffrey Epstein.

    Në një deklaratë zyrtare të lëshuar nga Pallati Buckingham, thuhet se vendimi u mor “pas konsultimeve të gjata me Mbretin Charles III dhe anëtarët e tjerë të familjes”.

    Princi Andrew, 65 vjeç, tha se “nuk dëshiron që polemikat rreth emrit të tij të dëmtojnë më tej reputacionin e monarkisë britanike”.

    “Kam vendosur të tërhiqem përfundimisht nga çdo rol mbretëror dhe publik. Do të vazhdoj jetën si qytetar privat, duke respektuar institucionin dhe vendin që i shërbeva për dekada,” – thuhet në deklaratën e tij personale.

    Akuzat dhe rruga drejt rënies

    Emri i Princit Andrew është përfshirë në hetimet që lidhen me rrjetin e trafikut seksual të Jeffrey Epstein.
    Në vitin 2022, ai arriti një marrëveshje jashtë gjykate me Virginia Giuffre, e cila e akuzonte për abuzim seksual kur ajo ishte 17 vjeç — një marrëveshje që, megjithëse nuk përfshinte pranimin e fajit, i kushtoi princit miliona paund dhe reputacionin publik.

    Që prej atij momenti, Andrew ishte larguar nga të gjitha detyrat zyrtare, ndërsa Mbretëresha Elizabeth II ia kishte hequr titujt ushtarakë dhe patronazhet mbretërore. Sot, me dorëheqjen e plotë nga titujt e mbetur, përfshirë edhe “Duke of York”, karriera publike e princit përfundon zyrtarisht.

    Reagimet në Londër

    Burime nga Pallati kanë konfirmuar për mediat britanike se Mbretit Charles i ka ardhur “tepër e vështirë” të pranojë dorëheqjen e të vëllait, por se e ka konsideruar “të domosdoshme për ruajtjen e integritetit të kurorës”.

    Sarah Ferguson, ish-bashkëshortja e Andrew, gjithashtu pritet të mos përdorë më titullin “Duchess of York”.

    Çfarë pritet më tej

    Princi Andrew do të mbetet ligjërisht “Princ”, pasi ky titull rrjedh nga lindja dhe kërkon një akt ligjor të veçantë për t’u hequr. 

    Megjithatë, ai nuk do të ketë më rol apo status zyrtar në monarki dhe pritet të tërhiqet plotësisht nga jeta publike.

    Ky është zhvillimi më i rëndësishëm në sagën që prej vitesh ka njollosur imazhin e familjes mbretërore dhe ka tronditur themelet e një institucioni që për shekuj ka ruajtur me kujdes reputacionin e tij.

  • “Akuzat ndaj meje po dëmtojmë Familjen Mbretërore”/ Princi Andrew heq dorë nga titujt mbretëror

    “Akuzat ndaj meje po dëmtojmë Familjen Mbretërore”/ Princi Andrew heq dorë nga titujt mbretëror

    Princi Andrew ka lajmëruar në një deklaratë se do të heqë dorë nga titujt e tij mbretëror, përfshirë atë të Dukës së Jorkut. 
    “Në diskutim me Mbretin dhe familjen time të ngushtë dhe më të gjerë, kemi arritur në përfundimin se akuzat e vazhdueshme për mua shpërqendrojnë vëmendjen nga puna e Madhërisë së Tij dhe Familjes Mbretërore. Kam vendosur, siç kam bërë gjithmonë, ta vë detyrën time ndaj familjes dhe vendit tim në radhë të parë. I qëndroj vendimit tim pesë vjet më parë për t’u larguar nga jeta publike. 
    Me marrëveshjen e Madhërisë së Tij, mendojmë se tani duhet të shkoj një hap më tej. Prandaj, nuk do ta përdor më titullin tim ose nderimet që më janë dhënë. Siç e kam thënë më parë, i mohoj me forcë akuzat kundër meje”, shkruhet në deklaratën e Princit. 

  • Princi Andrew i tha Jeffrey Epstein-it “jemi në këtë bashkë” në një email të vitit 2011

    Princi Andrew i tha Jeffrey Epstein-it “jemi në këtë bashkë” në një email të vitit 2011

    Princ Andrew dhe fotoja me adoleshenten

    Princi Andrew i ka shkruar Jeffrey Epstein-it në një email: “jemi në këtë bashkë”, pasi në vitin 2011 u publikua për herë të parë fotografia e tij duke përqafuar Virginia Giuffre, atëherë adoleshente.
    Ky email pritet të shtojë më tej presionin ndaj Dukës së Jorkut dhe familjes mbretërore britanike, pasi më herët Andrew i kishte thënë BBC-së se kishte ndërprerë kontaktet me Epstein-in që në atë periudhë.
    Korespondenca mes vëllait më të vogël të mbretit dhe financierit të dënuar për abuzime seksuale, e publikuar nga Mail on Sunday dhe The Sun on Sunday, tregon se kjo nuk ishte e vërtetë.
    Andrew i shkroi Epstein-it më 28 shkurt 2011, një ditë pasi fotografia e njohur e dukës, Giuffre dhe Ghislaine Maxwell u bë publike. Ai i kërkoi Epstein-it të “mbante kontakte të ngushta” dhe shprehu dëshirën “të luanin sërish së shpejti”.
    Në vitin 2019, Andrew i tha programit Newsnight të BBC-së se kishte ndërprerë miqësinë me Epstein-in në dhjetor të vitit 2010, pas publikimit të fotove ku të dy shiheshin duke ecur bashkë në Nju Jork.
    Por në emailin e dërguar pas publikimit të fotos, Andrew shkruante:
    “Jam po aq i shqetësuar për ty! Mos u shqetëso për mua! Duket se jemi në këtë bashkë dhe do të duhet ta përballojmë. Gjithsesi, mbajmë kontakte të ngushta dhe do të luajmë sërish së shpejti!!!!”Thuhet se ai e ka mbyllur mesazhin me nënshkrimin: “A, HRH The Duke of York, KG.”
    Epstein u gjet i vdekur në qelinë e tij në burgun federal të Manhattan-it në gusht 2019, ndërsa priste gjyqin për trafik seksual. Vdekja u cilësua si vetëvrasje.
    Në vitin 2008 ai ishte shpallur fajtor për akuzat e kërkimit të prostitucionit dhe prostitucion me të mitur, për të cilat kishte vuajtur dënim me burg.
    Në janar të këtij viti, një pjesë e emailit të Dukës së Jorkut doli në dokumentet e gjykatës. Në atë kohë u raportua se ishte dërguar nga një “anëtar i familjes mbretërore”.
    Emaili lidhej me një kërkesë të bërë nga Autoriteti i Sjelljes Financiare (FCA), rregullatori bankar britanik, dhe u përfshi në dokumentet gjyqësore për një çështje që përfshinte ish-shefin ekzekutiv të Barclays, Jes Staley. Staley po apelonte kundër një vendimi të FCA-së që e akuzonte për deklarata mashtruese mbi natyrën e marrëdhënies së tij me Epstein-in.
    Në intervistën e nëntorit 2019 me Newsnight, Andrew i tha gazetares Emily Maitlis:
    “E ndërpreva kontaktin me të [Epstein-in] pasi u bëra i vetëdijshëm që ai po hetohej, që ishte më vonë në vitin 2006, dhe nuk pata më kontakte me të deri në 2010.”Ai shtoi se në dhjetor 2010 “duhej të tregoja lidership dhe shkova ta takoja për t’i thënë ‘kjo ishte’.”
    Buckingham Palace dhe zyra e Dukës së Jorkut janë kontaktuar për koment.
    Ndërkohë, këtë fundjavë është bërë e ditur edhe se Tony Blair është takuar me Epstein-in në Downing Street, kur ishte kryeministër, pas një rekomandimi nga Peter Mandelson, i cili muajin e kaluar u shkarkua nga posti i ambasadorit në SHBA pasi dolën të dhëna të reja mbi afërsinë e tij me Epstein-in.
    Takimi i Blair me Epstein-in ndodhi më 14 maj 2002 dhe është dokumentuar në dosje të publikuara nga Arkivat Kombëtare. Ky takim paraprinte dënimin penal të Epstein-it.
    Në atë kohë, Mandelson ishte deputet laburist pa funksion qeveritar, pasi ishte dorëhequr për herë të dytë mes polemikash. Në një email dërguar shefit të kabinetit të Blair-it, Jonathan Powell (tani këshilltar për sigurinë kombëtare në Mbretërinë e Bashkuar), Mandelson e kishte përshkruar Epstein-in si një person “të sigurt” dhe “mik”./ZËRI

  • Princesha Beatrice humb çdo shpresë për t’u bërë pjesë e Familjes Mbretërore, emri i babait të saj del sërish në dosjet Epstein

    Princesha Beatrice humb çdo shpresë për t’u bërë pjesë e Familjes Mbretërore, emri i babait të saj del sërish në dosjet Epstein

    Princesha Beatrice thuhet se ka “humbur çdo shpresë” për t’u bërë një anëtare me kohë të plotë e Familjes Mbretërore, ndërsa skandalet që rrethojnë Shtëpinë e Jorkut vazhdojnë të thellohen.

    Burime pranë saj thonë se vajza e madhe e Princit Andrew dhe Sarah Ferguson, do të kishte qenë e gatshme të ndihmonte në lehtësimin e ngarkesës së Mbretit Charles dhe Princit William, duke marrë pjesë në më shumë angazhime zyrtare në emër të Kurorës.
    Mbreti, që vazhdon të marrë trajtim për një formë të papublikuar të kancerit, raportohet se ka qenë i impresionuar nga eleganca dhe përkushtimi i Beatrices gjatë paraqitjeve të fundit publike. Por qëndrimi i tij i prerë kundër anëtarëve “gjysmë brenda, gjysmë jashtë” të Familjes Mbretërore duket se ka mbyllur çdo derë për përfshirjen e saj më të gjerë. Dhe, sipas oborrtarëve, kjo nuk ka për të ndryshuar.
    Vendimi vjen ndërsa emri i Princit Andrew u përmend sërish në dosje të reja të publikuara në SHBA, që përmbajnë mesazhe telefonike, manifestime fluturimesh dhe regjistra financiarë të përkasin pedofilit të dënuar Jeffrey Epstein. Dokumentet përmendin gjithashtu figura të tjera të njohura si miliarderi Elon Musk.
    Publikimi i këtyre të dhënave, bashkë me detaje të reja nga biografia Entitled e autorit Andrew Lownie, si dhe email-e komprometuese të Dukeshës së Jorkut drejtuar Epstein-it pas dënimit të tij, kanë ringjallur shqetësimet nëse është e përshtatshme që Beatrice – e nënta në radhën për fronin – të ketë një rol më të dukshëm publik.
    Sipas The Mail on Sunday, oborrtarët janë të shqetësuar për zbulime të mëtejshme potencialisht shkatërruese, që mund të dalin nga “Epstein Files”, ku besohet se përfshihen mbi 100 email-e që “mund të shkatërrojnë Andrew-n”.
    Një burim pranë Princeshës Beatrice ka thënë: “Ajo e dëshiron një rol si anëtare punonjëse e Familjes Mbretërore dhe do të donte të ndihmonte xhaxhain e saj. Charles thuhet se e vlerëson përkushtimin e saj… por gjithmonë ekziston frika se Andrew do të përpiqet të ‘hyjë nga dera e pasme’ përmes saj.”
    Megjithatë, Beatrice është përpjekur të mbajë një profil të ekuilibruar publik. Javën që shkoi u pa në një drekë me bashkëshortin e saj, Edoardo Mapelli Mozzi, në Mayfair të Londrës, duke dhënë përshtypjen e qetësisë në publik.
    Nga ana tjetër, Sarah Ferguson – nëna e Beatrices – po përballet me reagime negative pas zbulimit se në vitin 2011, pas dënimit të Epstein, ajo i kishte shkruar atij një email falënderues ku e quante “mik suprem” për ndihmën financiare. Si pasojë, tetë organizata bamirësie i kanë hequr asaj statusin e patrone ose ambasadore.
    Megjithatë, sipas miqve të saj, Beatrice thuhet se preferon të angazhohet në kauzat e veta bamirëse, larg angazhimeve zyrtare mbretërore – të paktën për momentin.

    Top Channel

  • Të tjerë persona në vorbullën e dosjeve të Epstein, zbulohet emri i Elon Musk dhe Princit Andrew

    Të tjerë persona në vorbullën e dosjeve të Epstein, zbulohet emri i Elon Musk dhe Princit Andrew

    Emrat e Elon Musk dhe Princit Andrew janë përmendur në dokumentet e reja të publikuara nga Demokratët e Kongresit lidhur me rastin e financierit të ndjerë dhe abuzuesit seksual Jeffrey Epstein.

    Një shënim nga dhjetori 2014 tregon se Elon Musk ishte planifikuar të vizitonte ishullin privat të Epstein, megjithëse më herët ai ka thënë se refuzoi ftesën.
    Princi Andrew figuron në një manifest fluturimi me Epstein dhe Ghislaine Maxwell në maj 2000, nga New Jersey në Florida.
    Një regjistër përmend dy pagesa për masazhe për një person të quajtur “Andrew” në po atë periudhë, por nuk është konfirmuar nëse i referohet princit.
    Dokumentet përfshijnë referenca për takime të planifikuara me Peter Thiel, Steve Bannon dhe Bill Gates, ndër të tjerë.
    Nuk ka prova që të përmendurit në dosje ishin në dijeni të veprimtarisë kriminale të Epstein.
    Epstein vdiq në burg në vitin 2019, në pritje të gjyqit për trafikim seksual. Demokratët kërkojnë publikimin e plotë të dosjeve për të siguruar drejtësi për viktimat, ndërsa republikanët akuzojnë për përdorim politik të çështjes.

    Top Channel

  • ‘Rikthehet’ skandali Epstein, Elon Musk dhe Princi Andrew përmenden në dokumentet sekrete

    ‘Rikthehet’ skandali Epstein, Elon Musk dhe Princi Andrew përmenden në dokumentet sekrete

    Miliarderi Elon Musk dhe Princi Andrew janë mes emrave që përmenden në dokumente të reja të bëra publike nga demokratët në Kongresin amerikan, të cilat lidhen me financierin e ndjerë dhe të dënuar për pedofili, Jeffrey Epstein.
    Dokumentet, që janë dorëzuar në Komitetin për Mbikëqyrje dhe Reformë të Dhomës së Përfaqësuesve nga përfaqësuesit e pasurisë së Epstein-it, tregojnë se Musk ishte ftuar në ishullin privat të Epstein-it në dhjetor të vitit 2014.
    Ndërkohë, një manifest fluturimi nga New Jersey drejt Floridës në maj të vitit 2000 tregon se Princi Andrew ishte mes pasagjerëve.
    Të dy, Musk dhe Princi Andrew, janë kontaktuar për koment nga mediat. Princi Andrew ka mohuar me vendosmëri çdo gjë. Musk është cituar më herët të ketë thënë se kishte marrë ftesë për të vizituar ishullin, por e kishte refuzuar.
    Këto dokumente përbëjnë pjesën e tretë të materialeve të dorëzuara nga pasuria e Epstein-it. Demokratët në Komitetin e Mbikëqyrjes thonë se dokumentet përfshijnë regjistra të mesazheve telefonike, kopje të regjistrave të fluturimeve dhe manifestet e avionëve, libra financiarë dhe orarin e përditshëm të Epstein-it.
    Përveç Musk dhe Princit Andrew, në dokumente përmenden edhe figura të tjera të njohura si sipërmarrësi i teknologjisë Peter Thiel dhe ish-këshilltari i Donald Trump-it, Steve Bannon.
    Një shënim i datës 6 dhjetor 2014 në dokumente thotë: Kujtesë – Elon Musk në ishull më 6 dhjetor (a është ende në plan?).
    Një manifest fluturimi tregon se Princi Andrew ka udhëtuar me Epstein-in dhe bashkëpunëtoren e tij, Ghislaine Maxwell, nga Teterboro, New Jersey, në West Palm Beach, Florida, më 12 maj 2000. Maxwell u dënua në vitin 2021 për komplot me Epstein për trafikimin seksual të vajzave të mitura.
    Në dokumente përmendet edhe një drekë e planifikuar me Peter Thiel në nëntor të vitit 2017, si dhe një mëngjes i planifikuar me Steve Bannon më 17 shkurt 2019.
    Nuk ka sugjerime se personat e përmendur në dokumente kishin dijeni për aktivitetet kriminale për të cilat më vonë Epstein u arrestua. Jeffrey Epstein vdiq nga vetëvrasja në një qeli burgu në New York në gusht të vitit 2019, ndërsa po priste gjyqin për akuza mbi trafikim seksual.
    Në vitin 2008, ai arriti një marrëveshje me prokurorët, pasi prindërit e një vajze 14-vjeçare e akuzuan për abuzim seksual në shtëpinë e tij në Palm Beach. Ai u arrestua sërish në korrik të vitit 2019 për trafikim seksual.
    Zëdhënësja e demokratëve në Komitetin e Mbikëqyrjes, Sara Guerrero, i bëri thirrje Prokurores së Përgjithshme Pam Bondi që të publikojë më shumë dokumente të lidhura me Epstein.
    “Duhet të jetë e qartë për çdo amerikan se Jeffrey Epstein ishte mik me disa nga njerëzit më të fuqishëm dhe më të pasur në botë. Çdo dokument i ri që publikohet sjell më shumë informacione ndërsa punojmë për të sjellë drejtësi për të mbijetuarit dhe viktimat”, u shpreh ajo.

  • Të tjera emra në vorbullën e dosjeve të Epstein, zbulohet emri i Elon Musk dhe Princit Andrew

    Të tjera emra në vorbullën e dosjeve të Epstein, zbulohet emri i Elon Musk dhe Princit Andrew

    Emrat e Elon Musk dhe Princit Andrew janë përmendur në dokumentet e reja të publikuara nga Demokratët e Kongresit lidhur me rastin e financierit të ndjerë dhe abuzuesit seksual Jeffrey Epstein.

    Një shënim nga dhjetori 2014 tregon se Elon Musk ishte planifikuar të vizitonte ishullin privat të Epstein, megjithëse më herët ai ka thënë se refuzoi ftesën.
    Princi Andrew figuron në një manifest fluturimi me Epstein dhe Ghislaine Maxwell në maj 2000, nga New Jersey në Florida.
    Një regjistër përmend dy pagesa për masazhe për një person të quajtur “Andrew” në po atë periudhë, por nuk është konfirmuar nëse i referohet princit.
    Dokumentet përfshijnë referenca për takime të planifikuara me Peter Thiel, Steve Bannon dhe Bill Gates, ndër të tjerë.
    Nuk ka prova që të përmendurit në dosje ishin në dijeni të veprimtarisë kriminale të Epstein.
    Epstein vdiq në burg në vitin 2019, në pritje të gjyqit për trafikim seksual. Demokratët kërkojnë publikimin e plotë të dosjeve për të siguruar drejtësi për viktimat, ndërsa republikanët akuzojnë për përdorim politik të çështjes.

    Top Channel