Lajmidites.com

Tag: andorra

  • Statistikat “ngrohin” Sylvinho-n, Shqipëria favorite absolute ndaj Andorrës

    Statistikat “ngrohin” Sylvinho-n, Shqipëria favorite absolute ndaj Andorrës

    Në letër, Andorra është një rival që nuk ngjall “frikë”, jo vetëm për pozicionin ku ndodhen në Grupin K, në vendin e fundit me vetëm 1 pikë, por Andorra është gjithashtu si një rival që Shqipëria e njeh mirë. Në të kaluarën jemi përballur 8 herë me shtetin e vogël me afro 81 mijë banorë. Shifrat janë në favor të kuqezinjve teksa kemi fituar 6 ndeshje, 1 barazim dhe vetëm 1 humbje, 4 gola të pësuar 14 të shënuar.

    Në përballjen e fundit, e vlefshme për kualifikueset e Botërorit “FIFA2026”, Shqipëria triumfoi me rezultatin e pastër 3-0 ku Rey Manaj realizoi një “dopietë”.
    Ekipi i Sylvinho-s vjen në këtë përballje me moralin e lartë pasi në 4 sfidat e fundit kanë marrë 4 fitore, ku pa diskutim spikat suksesi ndaj Serbisë. Interesat është fakti që Andorra vjen në këtë takim pas 2 barazimeve dhe 1 humbje në 3 ndeshjet e fundit, diçka e rrallë për një përfaqësuese të vogël.

    Nuk kanë asnjë dyshim kompanitë e basteve në lidhje me suksesin e kuqezinjtë teksa një fitore e Shqipërisë vlerësohet me koeficientin 1,22.

  • Andorra-Shqipëri, Sylvinho mendon për formacionin, ka dilema në mbrojtje dhe sulm

    Andorra-Shqipëri, Sylvinho mendon për formacionin, ka dilema në mbrojtje dhe sulm

    Faza play-off e Eliminatoreve të Botërorit 2026 është më afër se kurrë për Shqipërinë, e cila pas fitores në transfertë përballë Serbisë i duhet sot një tjetër tri pikësh larg “Air Alabania”-s.
    Këtë herë rivalja është Andorra, një ekip modest, por që bazon lojën në mbrojtje. Për këtë motiv formacioni i zgjedhur nga Sylvinho duhet që të jetë si i kujdesshëm në mbrojtje, por edhe i mprehtë në sulm për të gjetur sa më shpejt golin që do të zhbllokonte “këmbët” dhe emocionet e lojtarëve.
    Për këtë takim komisari teknik brazilian do të rreshtojë të tijtë me skemën 4-3-3. Në portë Strakosha është titullar i padiskutushëm ashtu siç janë edhe dy mbrojtësit e krahurt Hysaj dhe Mitaj. Ndërsa në qëndër Gjimshiti ende nuk di se kush do të jetë partneri i tij pasi Sylvinho është në dyshim mes Ajetit dhe Ismajlit.
    Mesfusha është një tjetër repart ku nuk priten ndryshime krahasaur me takimet e kaluara. Shehu, Asllani dhe Laçi rikonfimohen pas provës së madhe të treguar në Leskovac. Sa i përket sulmit Manaj duket i sigurt për vendin e tij në majën e repartit ashtu si edhe Broja, i cili do të aktivizohet në të djathtë. Ky repart do të plotësohet nga Uzuni ose Hoxha, të cilët janë në balotazh për një vend titullari.

  • Andorra mban gjallë shpresat e kualifikimit tonë në Botëror, ja si pritet të luajnë kuqezinjtë

    Andorra mban gjallë shpresat e kualifikimit tonë në Botëror, ja si pritet të luajnë kuqezinjtë

    Për Shqipërinë e Sylvinhos ka ardhur momenti i së vërtetës. Dy ndeshjet e fundit kualifikuese për Botërorin 2026 do të vendosin fatin e kuqezinjve. Në lojë është vendi i dytë në grupin K, që siguron kalimin në “play-off”. Anglia ka siguruar tashmë kualifikimin direkt si kryesuese absolute, ndërsa Shqipëria dhe Serbia luftojnë për vendin e dytë.
    Sfida e pare e nëntorit, sonte kundër Andorrës, është vendimtare për kuqezinjtë, të vetëdijshëm se ndeshja e fundit ndaj Anglisë do të jetë shumë e vështirë, pavarësisht se anglezët janë tashmë të kualifikuar. Serbia, ndërkohë, do të përballet me Andorrën dhe Letoninë në 180 minutat e fundit kualifikuese, ndaj çdo pikë është jetike.

    Tri pikët ndaj Andorrës mund ta mbajnë gjallë ëndrrën e pjesëmarrjes së Shqipërisë në Botërorin 2026. Dy sfidat e fundit janë për t’u ndjekur me emocion, sepse do të tregojnë nëse kuqezinjtë mund ta kalojnë Serbinë në grupin K dhe shkojnë në “play off”. Shumë varet nga këmbët e tyre, por jo gjithçka. Anglia duhet të mos tolerojë ndaj Serbisë, ndryshe fitorja e mundshme e kuqezinjve ndaj Andorrës i humbet vlerat.
    Nga ana tjetër, Andorra konsiderohet një nga kombëtaret më të dobëta të kontinentit. Në shtatë ndeshjet e para të grupit ka arritur të marrë vetëm një pikë. Kuqezinjtë janë favoritë absolutë në këtë përballje dhe synojnë fitore bindëse, për ta mbajtur presionin mbi Serbinë, përpara ndeshjes përmbyllëse kundër Anglisë në “Arena Kombëtare”.

    Formacioni i mundshëm – Porta ka një emër të padiskutueshëm, Strakosha. Edhe dy krahët e prapavijës janë të sigurta me Hysaj në të djathtë dhe Mitaj në të majtë. Në qendër nuk diskutohet kapiteni Gjimshiti, ndërsa njëlloj balotazhi ekziston për qendrën tjetër, mes Ajetit dhe Ismajlit, ky i fundit i rikthyer nga dëmtimi dhe në formë optimale.
    Balotazh ka edhe në mesfushë, mes Berishës, në top-formë te Lecce, dhe Laçit. Dy emrat e tjerë të këtij reparti janë Asllani dhe Shehu, të paprekshëm në planet e Sylvinho. Sulmi do të ketë si krahë Brojën dhe Hoxhën, ndërsa në majë Manaj, “heroi” i sfidës së fundit ndaj Serbisë, në Leskovac.

  • Sot ndeshja kundër Andorrës, Sylvinho dërgon dy futbollistë në tribunë

    Sot ndeshja kundër Andorrës, Sylvinho dërgon dy futbollistë në tribunë

    Këtë të enjte në orën 20:45 Shqipëria e futbollit mund të shkruajë historinë, pasi për herë të parë kuqezinjtë me Sylvinhon në krye kanë shansin të sigurojnë një vend në play-off e Botërorit 2026.
    Një fitore e Shqipërisë në Andorra, kombinuar me humbjen e Serbisë në Angli, do bënte që Kombëtarja kuqezi zyrtarisht të ishte në play-off e Kupës së Botës 2026 si e dyta e grupit, për të kërkuar një biletë në finalet që zhvillohen verën që vjen në Amerikën e Veriut.
    Për duelin e sotëm, Sylvinho ka vendosur mos ketë të gatshëm mbrojtësin Klisman Cake dhe mesfushorin Adrion Pajaziti. Trajneri ka grumbulluar 25 futbollistë për këtë duel, por duke qenë se UEFA lejon vetëm 23 lojtarë të gatshëm, Sylvinho ka sakrifikuar Caken dhe Pajazitin.
    Sot të gjithë sytë e shqiptarëve do jenë në Andorra, me ndeshjen që fillon në orën 20:45.

  • Mesfushori/ Medon Berisha flet për ndeshjen e sotme me Andorrën

    Mesfushori/ Medon Berisha flet për ndeshjen e sotme me Andorrën

    Kuqezinjtë janë gati të zbresin në fushë dhe të realizojnë objektivat e tyre madhorë. Kështu, Përfaqësuesja e Shqipërisë në futboll do të luajë mbrëmjen e kësaj të enjteje me Andorrën për kualifikueset e Botërorit 2026, një ndeshje kjo që ka shumë rëndësi pasi kuqezinjtë mund të sigurojnë pjesëmarrjen në fazën e “play-off”-it. Medon Berisha në një intervistë për ‘Telegrafi’ në Kosovë është shprehur me besim dhe optimizëm për kualifikimin e mundshëm të skuadrës sonë kombëtare.
    ‘Ëndërr e kam pasur të luaja në Kampionatin Evropian, gjë që m’u bë realitet dhe tani po ëndërroj që të shkojmë në Botëror për herë të parë’, është shprehur Medon Berisha më pas foli edhe për fitoren historike të Kombëtares ndaj Serbisë muajin e kaluar. ‘Ndaj Serbisë ka qenë fitore historike, jemi të kënaqur që më shumë punë kemi arritur ta bëjmë realitet ëndrrën e të gjithë shqiptarëve. Tani duhet të fokusohemi vetëm te Andorra dhe t’i marrim pikët e plota pasi kuptohet synimi kryesor mbetet “play-off”-i i Kupës së Botës-vijoi futbollisti kuqezi- Andorra është një skuadër jo e lehtë, që mbrohet mjaftë mirë. Që nga dita e parë do të fokusohemi dhe të punojmë fortë për të marrë vetëm fitore. Synimi është vetëm fitorja’. Përsa i përket ndeshjes me Anglinë, Medon Berisha tha se do të jetë e rëndësishme, por skuadra kombëtare do të japë maksimumin në fushë. ‘Me Anglinë kuptohet do të jetë mjaftë vështirë. Anglia në secilin pozicion ka yje që luajnë në ligat e mëdha evropiane.
    Do ta japim mbi 100 për qind në fushë-tha Medon Berisha. Ndërkaq biletat për ndeshjet e Kombëtares shqiptare si ndaj Andorrës ashtu dhe ndaj Anglisë janë shitur të gjitha, por të gjithë kanë mundësi t’i ndjekin këto ndeshje nëpërmjet platformës Digitalb. Në fakt, Shqipëria ka shumë më cilësi se Andorra, por vështirësia e ndeshjes qëndron në faktin se vendasit do të rreshtohen fort në mbrojtje.

  • VIDEO/ Ka nisur festa dhe kënga e shqiptarëve në Andorra, të gjithë të dedikuar për Shqipërinë

    VIDEO/ Ka nisur festa dhe kënga e shqiptarëve në Andorra, të gjithë të dedikuar për Shqipërinë

    Shqipëria po e përgatit Andorrën ashtu sic edhe duhet, si një finale e madhe. Për ne është e tillë pasi në rast fitore, kuqezinjtë do të shkonin me shumë gjasë për herë të parë në Play Offin e Botërorit. Ajo që vihet re nga stërvitja e Shqipërisë në Andorra është përqendrimi i lart i lojtarëve dhe mungesa e batutave gjatë seancës. Nuk ka as të qeshura dhe ilaritete të shkaktuara, përqendrimi është maksimal. Nga ana tjetër, tifozët kanë nisur që të këndojnë dhe të festojnë një ditë përpara ndeshjes. /Sport Ekspres/?

  • Intervista/ Presidenti Duka: Ndeshja ndaj Andorrës është më e rëndësishmja e edicionit, duhet impenjim maksimal

    Intervista/ Presidenti Duka: Ndeshja ndaj Andorrës është më e rëndësishmja e edicionit, duhet impenjim maksimal

    Presidenti i Federatës Shqiptare të Futbollit, Armand Duka, ka folur në prag të ndeshjes ndaj Andorrës për kualifikueset e Kupës së Botës 2026, në një intervistë për gazetarin Alban Xhihani në TV Klan.
    Kreu i qeverisë së futbollit shqiptar e vlerësoi përballjen e nesërme si një nga më të rëndësishmet e këtij edicioni, duke theksuar se ekipi duhet të jetë plotësisht i përqendruar për të marrë tre pikët dhe për të mbajtur gjallë shpresën për kualifikim në fazën play-off.
    INTERVISTA E PLOTË:Ndeshja ndaj Andorrës? – Çdo ndeshje e ekipit Kombëtar është e rëndësishme. Të gjitha vlejnë tre pikë, pavarësisht se disa kanë emocione të tjera përveç futbollit. Për mua kjo është më e rëndësishmja e edicionit, sepse kjo na mban me shpresën për të luajtur ndeshjet e play-off-it në mars. Padyshim që kemi edhe një sy nga Anglia. Por ekipi duhet të jetë i përqendruar për të bërë detyrën e vet dhe për të marrë tre pikët në këtë stadium.
    Kemi zhvilluar disa ndeshje këtu me Andorrën? – Në ndeshjen e parë kemi humbur në stadiumin e vjetër me rezultatin 2-0 për Andorrën, ka qenë ndeshje miqësore. Ndeshjet zyrtare i kemi fituar në Andorrë në 2019 dhe 2021. Por kanë qenë ndeshje të vështira, nuk kanë qenë të lehta. Në Elbasan Arena në nëntor 2019 kemi barazuar kur kemi qenë në disavantazh 1-2. Nuk ishte ndeshje e lehtë. Andorra sot është më mirë se më parë. Ka një ekip që lufton. Anglia i ka shënuar me vështirësi, 0-1 këtu dhe 2-0 në Angli me autogol. Mbetet një ndeshje e vështirë, por jam shumë i bindur që ekipi jonë e di rëndësinë e ndeshjes. Nuk ka asnjë vend për vetëkënaqësi, vetëm për impenjim maksimal dhe për të bërë detyrën.
    Edicioni kualifikues, ka diçka për t’u përmirësuar në mentalitet? – Analizë e thellë. Ka shumë gjëra se pse nuk jemi gjithmonë në të njëjtin nivel. Ky është ndryshimi me skuadrat e mëdha me më pak të mëdha, siç jemi ne. Nëse do t’i bënim të gjitha ndeshjet në të njëjtin nivel, atëherë nuk do të ishim më Shqipëria. Nuk do të ishim skuadra që lufton për play-off, por do të ishim Anglia që ka siguruar vendin e parë. Për mua, Letonia nuk është një ekip i dobët. Luan i organizuar dhe na ka vënë shumë në vështirësi edhe në Tiranë. Por rezultati i harron gjërat. Kemi fituar 1-0, kur edhe mund të na kishin barazuar. Megjithatë, jemi në Andorra për të dhënë maksimumin dhe për të vazhduar shpresën për në Botëror. Në radhë të parë djemtë për kënaqësinë e vet që mund t’i japë një kampionat Botëror dhe për të gjithë tifozët që e kanë mbështetur dhe e mbështesin, jo vetëm në shkallët e stadiumit, por edhe nëpërmjet televizorit etj. Le të shpresojmë që do të bëjmë detyrën dhe jam i bindur që nuk do të kemi hap fals.
    Andorra është mbushur me plot tifozë shqiptarë – Unë mendoj që ne si tifozë, në një lloj mënyre, kemi fituar kulturën sportive dhe e kemi kuptuar që nuk ka më ndeshje të lehta. Mbështetësit e ekipit Kombëtar e dinë që nuk është një ndeshje e lehtë, por e dinë që duhet fituar. Pikërisht për këtë janë të pranishëm në shkallët e stadiumit, për ta përkrahur ekipin, për ta mbështetur atë, për ta çuar drejt fitores. Besoj se jemi vendi që e ndjen më shumë ekipin Kombëtar. E ndjen vërtet dhe e mbështet atë në çdo moment.
    Faza Play-off e Botërorit, kundërshtarët e mundshëm? – Padyshim, edhe ne kemi menduar për plane, por e kemi përqendruar më shumë vëmendjen për nesër këtu në Andorra. Ta mbyllim historinë dhe të mos mbetet për ta luftuar në Tiranë. Le të mbetet ndeshja në Air Albania kundër Anglisë një ndeshje luksi për ne dhe për Anglinë.

  • “Paralajmëron” Duka: Nesër është ndeshja më e rëndësishme e këtij edicioni, ndaj Anglisë ndeshje luksi

    “Paralajmëron” Duka: Nesër është ndeshja më e rëndësishme e këtij edicioni, ndaj Anglisë ndeshje luksi

    Presidenti i Federatës Shqiptare të Futbollit, Armand Duka, ka folur në prag të ndeshjes ndaj Andorrës për kualifikueset e Kupës së Botës 2026, në një intervistë për gazetarin Alban Xhihani në TV Klan.
    Kreu i qeverisë së futbollit shqiptar e vlerësoi përballjen e nesërme si një nga më të rëndësishmet e këtij edicioni, duke theksuar se ekipi duhet të jetë plotësisht i përqendruar për të marrë tre pikët dhe për të mbajtur gjallë shpresën për kualifikim në fazën play-off.
    INTERVISTA E PLOTË:Ndeshja ndaj Andorrës? – Çdo ndeshje e ekipit Kombëtar është e rëndësishme. Të gjitha vlejnë tre pikë, pavarësisht se disa kanë emocione të tjera përveç futbollit. Për mua kjo është më e rëndësishmja e edicionit, sepse kjo na mban me shpresën për të luajtur ndeshjet e play-off-it në mars. Padyshim që kemi edhe një sy nga Anglia. Por ekipi duhet të jetë i përqendruar për të bërë detyrën e vet dhe për të marrë tre pikët në këtë stadium.
    Kemi zhvilluar disa ndeshje këtu me Andorrën? – Në ndeshjen e parë kemi humbur në stadiumin e vjetër me rezultatin 2-0 për Andorrën, ka qenë ndeshje miqësore. Ndeshjet zyrtare i kemi fituar në Andorrë në 2019 dhe 2021. Por kanë qenë ndeshje të vështira, nuk kanë qenë të lehta. Në Elbasan Arena në nëntor 2019 kemi barazuar kur kemi qenë në disavantazh 1-2. Nuk ishte ndeshje e lehtë. Andorra sot është më mirë se më parë. Ka një ekip që lufton. Anglia i ka shënuar me vështirësi, 0-1 këtu dhe 2-0 në Angli me autogol. Mbetet një ndeshje e vështirë, por jam shumë i bindur që ekipi jonë e di rëndësinë e ndeshjes. Nuk ka asnjë vend për vetëkënaqësi, vetëm për impenjim maksimal dhe për të bërë detyrën.
    Edicioni kualifikues, ka diçka për t’u përmirësuar në mentalitet? – Analizë e thellë. Ka shumë gjëra se pse nuk jemi gjithmonë në të njëjtin nivel. Ky është ndryshimi me skuadrat e mëdha me më pak të mëdha, siç jemi ne. Nëse do t’i bënim të gjitha ndeshjet në të njëjtin nivel, atëherë nuk do të ishim më Shqipëria. Nuk do të ishim skuadra që lufton për play-off, por do të ishim Anglia që ka siguruar vendin e parë. Për mua, Letonia nuk është një ekip i dobët. Luan i organizuar dhe na ka vënë shumë në vështirësi edhe në Tiranë. Por rezultati i harron gjërat. Kemi fituar 1-0, kur edhe mund të na kishin barazuar. Megjithatë, jemi në Andorra për të dhënë maksimumin dhe për të vazhduar shpresën për në Botëror. Në radhë të parë djemtë për kënaqësinë e vet që mund t’i japë një kampionat Botëror dhe për të gjithë tifozët që e kanë mbështetur dhe e mbështesin, jo vetëm në shkallët e stadiumit, por edhe nëpërmjet televizorit etj. Le të shpresojmë që do të bëjmë detyrën dhe jam i bindur që nuk do të kemi hap fals.
    Andorra është mbushur me plot tifozë shqiptarë – Unë mendoj që ne si tifozë, në një lloj mënyre, kemi fituar kulturën sportive dhe e kemi kuptuar që nuk ka më ndeshje të lehta. Mbështetësit e ekipit Kombëtar e dinë që nuk është një ndeshje e lehtë, por e dinë që duhet fituar. Pikërisht për këtë janë të pranishëm në shkallët e stadiumit, për ta përkrahur ekipin, për ta mbështetur atë, për ta çuar drejt fitores. Besoj se jemi vendi që e ndjen më shumë ekipin Kombëtar. E ndjen vërtet dhe e mbështet atë në çdo moment.
    Faza Play-off e Botërorit, kundërshtarët e mundshëm? – Padyshim, edhe ne kemi menduar për plane, por e kemi përqendruar më shumë vëmendjen për nesër këtu në Andorra. Ta mbyllim historinë dhe të mos mbetet për ta luftuar në Tiranë. Le të mbetet ndeshja në Air Albania kundër Anglisë një ndeshje luksi për ne dhe për Anglinë.

  • “Andorra nuk pëson më shumë se dy gola”, Silvinjo i shqetësuar para finales: Nuk rritet vetëm Shqipëria, por edhe të tjerët

    “Andorra nuk pëson më shumë se dy gola”, Silvinjo i shqetësuar para finales: Nuk rritet vetëm Shqipëria, por edhe të tjerët

    Silvinjo ka dalë në konferencën për shtyp para ndeshjes së nesërme kundër Andorrës. Trajneri i Kombëtares ka bërë thirrje për kujdes nga ana e lojtarëve të tij në këtë ndeshje shumë të rëndësishme, duke përmendur faktin se Andorra pëson shumë pak gola.
    “Andorra ka një trajner që po bën shumë kohë me ekipin, di t’i nxjerrë maksimumin. Lojtarët luajnë për cdo top, për cdo centimetër të fushës. është një ekip që nuk pëson më shumë se dy gola, mbrohen shumë mirë. Anglia fitoi vetëm 1-0 këtu, ndërsa edhe Serbia për pjesën më të madhe të ndeshjes ishte 1-1.
    E dimë që nuk do të jetë e lehtë. Edhe në ndeshjen e parë ishte e tillë, pasi shënuam golin e dytë u qetësuam. Shqipëria është rritur shumë, Federata, rezultatet, puna flet vet. Por ndërkohë që rritemi ne, rriten edhe të tjerët. Kur luan jashtë është më e vështirë se në shtëpi, vecanërisht ne kemi më shumë rezultate të mira brenda sesa jashtë”, tha Silvinjo. /Sport Ekspres/

  • “Andorra nuk është e lehtë, mezi e mundi edhe Anglia”, Sylvinho: Ja kur do e vendos formacionin, nuk më shqetësojnë minutat e lojtarëve

    “Andorra nuk është e lehtë, mezi e mundi edhe Anglia”, Sylvinho: Ja kur do e vendos formacionin, nuk më shqetësojnë minutat e lojtarëve

    12 Nëntor 2025

    17:58

    Telesport

    Trajneri Sylvinho bashkë me kapitenin Berat Gjimshiti kanë dalë në konferencën e fundit për shtyp, para përballjes me Andorrën.
    Sylvinho vuri në dukje se Andorra nuk është një kundërshtar i lehtë, edhe pse shumë e mendojnë kështu. Ndër të tjera trajneri braziliani foli edhe për formacionin si dhe për çështjen e zakonshme që është minutat në klubet e tyre për lojtarët e thirrur për dy ndeshjet e fundit kualifikuese.
    “Të tjerët mund të thonë që Andorra është një kundërshtar i lehtë në letër, por në fakt nuk është kështu. Serbia vuajti shumë ndaj tyre, Anglia mezi fitoi 0-1. Jemi të vetëdijshëm që nesër duan të marrin maksimumin nga ky takim.
    Formacioni ndaj Andorrës? Me siguri nesër në drekë do e kem të qartë në mendjen time. Më shumë se skema dhe moduli, fokusohem te karakteristikat e kundërshtarit që kam përballë. Andorra është një kundërshtar që ta bën lojën të vështirë, ndaj do aktivizohen lojtarë që krijojnë hapësira për të tjerët.
    Nuk jam i shqetësuar për minutat që lojtarët kanë në këmbët e tyre. Kemi 4-5 lojtarë që shënojnë”, tha Sylvinho.