Lajmidites.com

Tag: ancelotti

  • 3 ndeshja pa pësuar gol, Ancelotti ngre “murin” te Brazili: Unë jam italian, mos e harroni këtë…

    3 ndeshja pa pësuar gol, Ancelotti ngre “murin” te Brazili: Unë jam italian, mos e harroni këtë…

    8 Shtator 2025

    15:00

    Alfred Lleshi

    Kriza e rezultateve dhe e identitetit që rrëzoi Dorival Júnior, Fernando Diniz dhe Ramon Menezes e çoi Brazilin te trajneri i huaj, Carlo Ancelotti. Me të, “Seleçao” ka gjetur stabilitet: 3 ndeshje, 3 porta të paprekura. Debutoi me barazimin 0-0 ndaj Ekuadorit, mundi Paraguajin 1-0 dhe shkatërroi Kilin 3-0.
    “Unë jam italian, mos e harroni këtë, – tha me humor italiani. – Duhet të vazhdojmë në këtë linjë. Jam i bindur se kemi mundësinë t’i fitojmë edhe sfidat që vijnë, meqë arritëm ta mbajmë portën të paprekur në këto 3 ndeshje. Kemi një ekip kompakt, që mbron mirë. Futbolli modern është në duart e sulmuesve, nëse ata punojnë fort, ekipi mbron mirë”.
    Gabriel Martinelli shtoi: “Ancelotti na kërkon shumë fokusim dhe të japim maksimumin nga minuta e parë”. Casemiro vlerëson ndikimin e italianit: “Me ardhjen e Ancelottit morëm hov, po shkon mirë me tifozët dhe dhomën e zhveshjes”. Gabriel Magalhães përfundon: “Më e rëndësishmja është të mos pësosh gola… Ai është një mjeshtër”.
     
     

  • Maicon: Kemi shumë besim tek Ancelotti, tashmë duket dora e tij te Brazili

    Maicon: Kemi shumë besim tek Ancelotti, tashmë duket dora e tij te Brazili

    6 Shtator 2025

    13:48

    Alfred Lleshi

    Carlo Ancelotti e ka “latuar” Brazilin dhe rezultatet e para e tregojnë qartë. Pas emërimit në qershor, ai ka regjistruar 2 fitore dhe 1 barazim në 3 ndeshjet e para si trajner i “Seleçao”. Suksesi i fundit ishte 3-0 kundër Kilit, falë golave të Estevão, Paquetá dhe Bruno Guimarães, që e ngjitën Brazilin në vendin e dytë të grupit eliminator të Amerikës së Jugut, vetëm një pikë mbi Uruguajin dhe 10 larg Argjentinës.
    Përtej rezultateve, ndjesia është se fryma ka ndryshuar dhe skuadra ka filluar të pasqyrojë dorën e Ancelottit. Ish-mbrojtësi legjendar Maicon, në një intervistë për “Tuttosport”, e konfirmon:“Që kur ai ka ardhur, kombëtarja po luan mirë. Shihet qartë dora e Ancelottit. Kemi shumë besim tek ai, është trajneri i duhur për ta rikthyer Brazilin në nivele të mëdha”.

  • Ancelotti debuton në “Maracana”, i rikthen buzëqeshjen dhe fitoret bindëse Brazilit (video)

    Ancelotti debuton në “Maracana”, i rikthen buzëqeshjen dhe fitoret bindëse Brazilit (video)

    5 Shtator 2025

    8:11

    Alfred Lleshi

    Carlo Ancelotti debutoi në “Maracanã” me një plan të qartë: 4 sulmues, topi lëviz shpejt, dominim i ndeshjes me cilësi. Dhe funksionoi. Estevão shënoi golin e parë me “Canarinha” dhe trajneri italian u pa i qeshur, Brazili i tij po fillon të marrë formë. Kundër një Kili të pafuqishëm, “Selecao” luajti vertikalisht, me shumë topa në krahë.
    Martinelli dhe Estevão kërkonin diagonale të pamundura, ndërsa Raphinha, me fanellën nr.10, shpërndante lojën. Brazilit iu anuluan dy gola të shpejtë, por dominimi ishte i plotë. Goli erdhi nga një shpërthim individual; Raphinha tentoi portën, portieri grushtoi dhe Estevão realizoi me goditje akrobatike.
    Pjesa e parë solli polemika me VAR-in, ndërsa e dyta ndryshoi ritëm vetëm pas hyrjes së Luiz Henrique, i cili krijoi dy gola; Paquetá dhe Bruno Guimarães vulosën 3-0. Me Brazilin tashmë të kualifikuar dhe Kilin jashtë garës, ndeshja vlejti më shumë për Ancelottin, që ende kërkon ekuilibrin perfekt, por në “Maracanã” u pa një ekip që rikthen optimizmin.

  • E la jashtë kombëtares, polemika mes Neymar dhe Ancelotti, trajneri zbulon arsyen e përjashtimit

    E la jashtë kombëtares, polemika mes Neymar dhe Ancelotti, trajneri zbulon arsyen e përjashtimit

    4 Shtator 2025

    12:56

    Telesport

    Trajneri Carlo Ancelotti sqaroi arsyet e përjashtimit të Neymar, duke kundërshtuar një deklaratë të mëparshme nga Federata Braziliane e Futbollit që e kishte lidhur përjashtimin e sulmuesit të Santos me gjendjen e pamjaftueshme fizike.
    “Vendimi im bazohet në atë që ai po bën dhe performancat e tij, lëndimet nuk kanë të bëjnë fare me këtë. Fakti mbetet se vlera e tij teknike nuk është vënë kurrë në dyshim“, tha Ancelotti për mediat braziliane.
    Kontradiktat mes trajnerit Italian dhe sulmuesit filluan pas ndeshjes Santos-Fluminense, kur Neymar deklaroi se ishte fizikisht i aftë, duke fajësuar në mënyrë implicite Seleção-n se nuk ishte e qartë në lidhje me arsyet e përjashtimit të tij.
    Tani do t’i takojë Ancelotti ta menaxhojë më së miri këtë situatë delikate, duke pasur parasysh rëndësinë që Neymar ka pasur në rotacionin e ekipit brazilian për vite me radhë.

  • Nuk u grumbullua nga Ancelotti, Neymar: Zgjedhje teknike dhe jo për dëmtim

    Nuk u grumbullua nga Ancelotti, Neymar: Zgjedhje teknike dhe jo për dëmtim

    Neymar nuk u ftua nga Brazili për sfidat ndaj Kilit dhe Bolivisë, në ndeshjet e fundit të kualifikimeve për Kupën e Botës 2026. Sulmuesi i njohur, ka dhënë mendimin e tij për këtë vendim të trajnerit Ancelotti.
    “Kisha një muskul të irrituar, por nuk ishte asgjë serioze. Unë madje edhe luajta sot.

    Përballë Bahia-s nuk do të luaja pasi isha pezulluar dhe skuadra ime më dha leje të mos paraqitesha në stërvitje kështu të rikuperohesha plotësisht.
    Mendoj se jam jashtë kombëtares për shkak të zgjedhjes teknike të bërë nga trajneri dhe jo për shkak të problemeve të mia fizike”- tha ai.

  • Brazili publikon listën zyrtare për dy ndeshjet e radhës, Barcelona acarohet me Ancelotti-n

    Brazili publikon listën zyrtare për dy ndeshjet e radhës, Barcelona acarohet me Ancelotti-n

    26 Gusht 2025

    18:12

    Telesport

    Ditën e djeshme, Brazili ka publikuar listën me futbollistët e grumbulluar për dy sfidat e radhës eliminatore për Kupën e Botës 2026, por “Selecao” e ka siguruar kualifikimin.
    Në këtë listë ra në sy lënia jashtë e tre lojtarëve të Real Madrid: Eder Miliato, Vinicius Junior dhe Rodrygo. Carlo Ancelotti ka zbuluar se i ka lënë jshtë tre lojtarët në fjalë për të pushuar.
    Ky vendim i Ancelotti-t nuk është pritur mirë nga Barcelona, pasi lojtari i tyre kryesor, Raphinha, është grumbulluar dhe do luajë në këto dy ndeshje. Drejtuesit e Barcelonës e kanë konsideruar si të padrejtë këtë gjë nga Ancelotti. Megjithatë, deri tani nuk ka pasur ndonjë reagim nga ana e Ancelotti-t për këtë akuzë të Barcelonës.

  • Ancelotti nuk e fsheh: Jam i emocionuar për debutimin me Brazilin në “Maracanã”

    Ancelotti nuk e fsheh: Jam i emocionuar për debutimin me Brazilin në “Maracanã”

    “Qartësisht jam shumë i emocionuar, që do të luaj për herë të parë me Brazilin në ‘Maracanã’”. Kështu u shpreh trajneri italian i kombëtares braziliane, Carlo Ancelotti, duke iu përgjigjur një pyetjeje të ANSA-s gjatë konferencës për shtyp për prezantimin e listës së të thirrurve për dy ndeshjet e radhës kualifikuese të Botërorit 2026, që do të zhvillohen më 4 shtator ndaj Kilit, në “Maracanã”, dhe më 9 shtator në “El Alto” kundër Bolivisë.
    Trajneri i mëparshëm i Real Madridit theksoi gjithashtu se pret përmirësim të performancës së të tijve pas dy ndeshjeve të para në qershor, kundër Ekuadorit dhe Paraguajit, të cilat përfunduan përkatësisht me një barazim dhe një fitore.“Brazili mund të përmirësohet akoma në cilësinë e lojës dhe intensitet, kemi kohë për ta bërë këtë, edhe pse jam shumë i kënaqur me atë që pamë kundër Paraguajit”, – tha italiani.
    Ancelotti foli edhe mbi adaptimin personal me realitetin e ri në Amerikën e Jugut: “Nuk kam asnjë problem të tillë. Mjedisi në kombëtaren braziliane është shumë i mirë, shumë familjar, kam gjetur përgatitje dhe organizim. Pra, nuk kam pasur probleme”.
    Sa iu përket lojtarëve të thirrur, surpriza kryesore ishte mbrojtësi i djathtë i Romës, Wesley, i cili shkëlqeu të shtunën me një gol në debutimin e tij në stadiumin “Olimpico”. Ndërkohë, Neymar Jr nuk do të jetë i pranishëm për shkak të një dëmtimi të lehtë. Ancelotti sqaroi menjëherë se kjo nuk është zgjedhje teknike: “Neymarin e njoh, nuk kam nevojë ta testoj. Dua ta shfrytëzoj këtë cikël kualifikuesesh të mbetura për t’i njohur më mirë ata që nuk i njoh”.
    Kjo është lista e plotë e të thirrurve nga Ancelotti:Portierë: Alisson (Liverpool), Bento (Al-Nassr), Hugo Souza (Corinthians)Mbrojtës: Alexsandro Ribeiro (Lille), Alex Sandro (Flamengo), Caio Henrique (Monaco), Douglas Santos (Zenit), Fabricio Bruno (Cruzeiro), Gabriel Magalhães (Arsenal), Marquinhos (PSG), Vanderson (Monaco), Wesley (Roma)Mesfushorë: Andrey Santos (Chelsea), Bruno Guimarães (Newcastle), Casemiro (Manchester United), Joelinton (Newcastle), Lucas Paquetá (West Ham)Sulmues: Estevão (Chelsea), Gabriele Martinelli (Arsenal), João Pedro (Chelsea), Kaio Jorge (Cruzeiro), Luiz Henrique (Zenit), Matheus Cunha (Manchester United), Raphinha (Barcelona), Richarlison (Tottenham)

  • Neymar pëson dëmtimin e radhës, Ancelotti nuk e grumbullon dot

    Neymar pëson dëmtimin e radhës, Ancelotti nuk e grumbullon dot

    24 Gusht 2025

    13:58

    Telesport

    Lajm i keq për kombëtaren e Brazilit. Santos ka njoftuar Federatën Braziliane të Futbollit se Neymar ka pësuar një dëmtim serioz në kofshë.
    Ai nuk mund të grumbullohet me Seleçaon në ndeshjet e shtatorit.
    Sulmuesi raportohet se ka ndier dhimbje gjatë një aktiviteti sportiv dhe, pas ekzaminimeve mjekësore, ka kuptuar se jo vetëm nuk mund të luajë, por as të kryejë seancat stërvitore.
    Neymar ka nisur trajtimin mjekësor dhe nuk pritet të marrë pjesë në stërvitjet e para të javës së ardhshme.

  • Pse Ancelotti nuk po merr asnjë lojtar madrilen në kombëtaren e Brazilit?

    Pse Ancelotti nuk po merr asnjë lojtar madrilen në kombëtaren e Brazilit?

    24 Gusht 2025

    10:35

    Telesport

    Carlo Ancelotti nuk pritet të përfshijë asnjë nga lojtarët e Real Madridit në listën e radhës për kombëtaren e Brazilit për ndeshjet kualifikuese të Kupës së Botës 2026.
    Bëhet fjalë për listën e Selecaos në shtator, ku Don Carlo ka vendosur të mos luajë me ish-lojtarët që drejtonte në Madrid.
    Sipas TNT Sports Brasil, vendimi i ish-trajnerit të Real Madridit ka të bëjë me faktin se Los Blancos kanë kaluar një kalendar super të ngjeshur dhe janë ende jo në formën e duhur fizike.
    Kështu, ai i ka lënë pushim lojtarët si Vinicius Junior, Militao, Endrick dhe Rodrygo.

  • Ancelotti: S’e kisha imagjinuar kurrë që Gattuso do të drejtonte kombëtaren italiane

    Ancelotti: S’e kisha imagjinuar kurrë që Gattuso do të drejtonte kombëtaren italiane

    22 Gusht 2025

    10:09

    Telesport

    Carlo Ancelotti, që prej disa muajsh është në krye të kombëtares së Brazilit, ka mbetur i befasuar nga zgjedhja që Federata Italiane e Futbollit bëri për të vendosur Gennaro Gattuso në krue të “azzurrëve”.
    Ish-trajneri i Milan nuk mund ta kishte parashikuar ishte gjetja e njërit prej ish-lojtarëve të tij si Gennaro Gattuso si koleg, përkrah tij në krye të një ekipi kaq prestigjioz.
    “Nuk e imagjinova kurrë që Rino mund të bëhej trajner i ekipit kombëtar, por ai meriton të nderojë angazhimin. Ai ka karakter dhe personalitet, shpresoj ta takoj në Kupën e Botës. Megjithatë, nuk i prisja vështirësitë që ka hasur Italia“, rrëfeu Ancelotti.
    “Është një krizë brezash, nuk kemi sulmues të shkëlqyer si Vieri, Totti, Del Piero, Inzaghi. Jemi të pozicionuar mirë në mbrojtje dhe mesfushë, por përndryshe kemi vështirësi të prodhojmë talente të vërteta“, shtoi Ancelotti.