Lajmidites.com

Tag: amorim

  • Amorim: Tani jemi më kompaktë, por vazhdojmë të vuajmë mungesën e golave

    Amorim: Tani jemi më kompaktë, por vazhdojmë të vuajmë mungesën e golave

    7 Prill 2025

    10:04

    Telesport

    Manchester United arriti të marrë një pikë në derbin ndaj Manchester City (0-0). Trajneri i “djajve të kuq”, Ruben Amorim, u shpreh se ishte i kënaqur me paraqitjen e ekipit të tij.
    “Skuadra është më komode. Ne po kuptojmë më mirë njëri-tjetrin, duke qenë në gjendje të mbrojmë lojtarë të talentuar si ata të Manchester City. Çdo lojtar mund të përmirësohet ende, sepse ata kanë treguar diçka në klube të tjera”, tha Amorim.
    “Mendoj se ne po përmirësojmë mënyrën se si mbrohemi, jemi më kompaktë. U kemi dhënë rivalëve më pak hapësira në ndeshjet e fundit. Megjithatë, ne vazhdojmë të kemi të njëjtin problem: mungesën e golave”, u shpreh trajneri portugez.
    Më tej, Amorim foli mbi situatën e Harry Maguire: “Ai nuk është ende 100% dhe kjo është arsyeja pse e zëvendësova. Nuk mund të humbasim më lojtarë, duhet të përpiqemi t’i menaxhojmë ata. Kemi një ndeshje vërtet të rëndësishme të enjten”.
    Të enjten, në Europa League do të luajnë ndaj Lion: “Është me të vërtetë e rëndësishme. Ne mund të arrijmë Champions sezonin e ardhshëm dhe të fitojmë diçka, kështu që do të bëjmë gjithçka që të përpiqemi të shkojmë në fazën tjetër”.

  • Man. United guxon dhe i ofron Realit 100 milionë euro për lojtarin e “paprekshëm”

    Man. United guxon dhe i ofron Realit 100 milionë euro për lojtarin e “paprekshëm”

    4 Prill 2025

    14:42

    Telesport

    Ruben Amorim po mendon të forcojë repartin e mesfushës për sezonin e ardhshëm, dëshira e madhe e trajnerit portugez është uruguiani i Real Madrid, Federico Valverde. “Djajtë e Kuq” janë të gatshëm të ofrojnë deri në 100 milionë euro për 26-vjeçarin.
    Valverde është një lojtari polivalent që mund të mbulojë më së miri disa role qoftë në mesin e qofësh, apo dhe në mbrojtje, siç ka bërë shumë herë këtë sezon. Amorim beson se uruguiani do të ishte lojtari ideal për të marrë “frenat” e mesfushës por edhe për të krijuar një themel të fortë për disa sezone rresht.
    Pavarësisht se Man. United është i gatshëm të paguajë një shifër të kënaqshme për Valverde-n, 100 milionë euro, duket e vështirë për të mos thënë e pamundur që Real Madrid të heq dorë nga njëri prej lojtarëve më të rëndësishëm dhe që është shumë i vështirë për t’u zëvendësuar.

  • Amorim i soset durimi me lojtarët: Duhet të shënojmë dhe fitojmë ndeshjet, kështu s’dilet nga kriza

    Amorim i soset durimi me lojtarët: Duhet të shënojmë dhe fitojmë ndeshjet, kështu s’dilet nga kriza

    Duhej të ishte ndeshja e rilindjes së Manchester United, por “djajtë e kuq” u mundën 1-0 në fushën e Nottingham Forest në Premier League. Një rezultat që trajneri i United, Ruben Amorim, nuk e ka kapërdirë.
    “Ne e kontrolluam lojën, por e dinim gjithashtu që ky ekip mund të shënonte gola nga hiçi. Kur ata shënuan, ne e ndryshuam lojën tonë në krahasim me atë që dëshironin. U përpoqëm të krijonim raste, por na mungoi pasimi i fundit”, tha Amorim.
    Më pas ai vazhdon me keqardhje: “Ky sezon është kështu, me probleme. Kemi pasur shumë goditje në portë, e kemi shtyrë kundërshtarin në zonën e tyre, por na ka munguar cilësia kur duhej të shënonim”.
    “Duhet të fitojmë ndeshjet dhe dje meritonim më shumë, kjo është e qartë. Gjithsesi, është faji ynë dhe duhet të jemi më të saktë para porte. Duhet të fitonim, por në fund humbëm tre pikë”, tha Amorim.
    “Unë e shoh në lojë se Manchester United po përparon, nuk mund të gënjej veten. Por është e qartë që ne duhet të fitojmë ndeshjet. Le të kalojmë në ndeshjen e radhës. Kemi Europa League dhe ndeshjen e radhës në Premier League dhe ky është qëllimi ynë”, tha Amorim.

  • “Nuk ka për të ndodhur”, Amorim paralajmëron Real-in

    “Nuk ka për të ndodhur”, Amorim paralajmëron Real-in

    Trajneri i Manchester United, Ruben Amorim është i bindur se Bruno Fernandes nuk është në shitje.
    Kapiteni i United është duke u ndjekur nga Real Madrid, i cili e sheh mesfushorin si një pasardhës ideal për veteranin Luka Modric.
    Reali synon të testojë vendosmërinë e United me një ofertë prej 90 milionë sterlina (rreth 100 milionë euro) për Fernandes.
    Por Amorim tha dje, përpara ndeshjes sonte me Nottingham Forest: “Jo, nuk do të ndodhë.
    “Ai nuk do të shkojë askund, sepse unë i kam thënë tashmë”.
    Ai gjithashtu deklaroi: “Unë e dua Brunon këtu, sepse siç thashë, pavarësisht sezonit që po kalojmë, ne duam të fitojmë sërish Premier League.
    “Pra, ne duam që lojtarët më të mirë të vazhdojnë me ne. Ai është është ende shumë i ri sepse luan 50, 55 ndeshje çdo sezon.
    “Pra, ai është lloji i lojtarit që ne duam këtu, ai nuk do të shkojë askund”.