Lajmidites.com

Tag: altin

  • Altin Dumani vizitë dyditore në Bruksel! BE: Ruajtja e rezultateve të SPAK edhe nën drejtimin e tij, do të jetë kyçe

    Altin Dumani vizitë dyditore në Bruksel! BE: Ruajtja e rezultateve të SPAK edhe nën drejtimin e tij, do të jetë kyçe

    PAMJE NGA TAKIMI

    TIRANË-Kreu i Prokurorisë së Posaçme Altin Dumani ka zhvilluar një vizitë dyditore në Bruksel. Dumani u takua me zyrtarë të lartë të BE-së: Gert Jan Koopman, Drejtor i Përgjithshëm i DG NEAR; Salla Saastamoinen, Drejtoreshë në detyrë e Përgjithshme në OLAF; Irena Moozová, Zëvendësdrejtoreshë e Përgjithshme e DG JUST; Marko Makovec, Shef i Kabinetit të Komisioneres për Zgjerimin Marta Kos dhe Alexander Winterstein, Shef i Kabinetit të Komisionerit për Punët e Brendshme dhe Migracionin, Magnus Brunner.
    Vizita dëshmon për arritjet e SPAK-ut në luftën kundër korrupsionit dhe krimit të organizuar, ndërsa të gjithë bashkëbiseduesit vlerësuan forcën, qëndrueshmërinë dhe besueshmërinë e SPAK-ut, si dhe bashkëpunimin e tij të ngushtë me agjencitë e BE-së, vendet anëtare dhe partnerët e tjerë ndërkombëtarë.
    Ndërkohë ambasadori i BE në Shqipëri, Silvio Gonzato u shpreh se BE do të jetë mbështetëse e fortë e SPAK-ut në luftën kundër krimit të organizuar dhe korrupsionit. Ndër të tjera Gonzato theksoi se rezultatet e SPAK duhet të ruhen edhe pas largimit të Dumanit, pasi janë kyçe për sigurinë e Shqipërisë e për forcimin e sundimit të ligjit.
    Ambasadori Silvio Gonzato: BE-ja ka qenë dhe do të mbetet një mbështetëse e fortë e SPAK-ut në luftën kundër krimit të organizuar, korrupsionit të nivelit të lartë dhe mashtrimit, si dhe në mbrojtjen e interesave financiare të BE-së. Ruajtja e rezultateve solide të SPAK-ut edhe nën drejtimin e tij të ri në vitin 2026 e më tej do të jetë kyçe për vazhdimin e progresit të Shqipërisë drejt anëtarësimit në BE. Kjo është e rëndësishme për sigurinë e Shqipërisë dhe të BE-së dhe për forcimin e sundimit të ligjit. SPAK-u nuk mund ta bëjë këtë i vetëm. Edhe institucionet e tjera shqiptare duhet të bëjnë pjesën e tyre.
    Kujtojmë se mandati 3-vjeçar i Altin Dumanit në krye të SPAK përfundon në 18 dhjetor 2025, pasi këtë detyrë e mori më 16 dhjetor 2022. Pas lënies së këtij posti ai do të ushtrojë detyrën si prokuror i posaçëm i kësaj strukture deri në përfundimit të mandatit 9 vjeçar. Caktimi i kreut të ri të SPAK, ka vënë në lëvizje dy nga ambasadat kryesore në vend: SHBA dhe BE.
    Sipas nenit 20 të rregullores së KLP-së, kandidati që merr më shumë vota zgjidhet kreu i SPAK-ut. Në rast se dy a më shumë kandidatë marrin numër të barabartë votash, KLP kryen një votim të dytë mes kandidatëve me numër të barabartë votash./ZËRI

  • “Mbështesim fort luftën kundër korrupsionit”/Altin Dumani takime me drejtuesit e lartë të BE

    “Mbështesim fort luftën kundër korrupsionit”/Altin Dumani takime me drejtuesit e lartë të BE

    Kreu i SPAK, Altin Dumani, zhvilloi një vizitë dyditore shumë të rëndësishme në Bruksel, ku u takua me zyrtarë të lartë të Bashkimit Europian nga DG NEAR, OLAF, DG JUST dhe kabinetet e komisionerëve për Zgjerimin dhe Punët e Brendshme. 
    Gjatë takimeve, u vlerësuan arritjet e SPAK-ut në luftën kundër korrupsionit dhe krimit të organizuar, si edhe bashkëpunimi i ngushtë me institucionet e BE-së dhe partnerët ndërkombëtarë. 
    Ambasadori i BE-së në Tiranë, Silvio Gonzato, theksoi mbështetjen e fortë të BE-së për SPAK-un dhe rëndësinë e vazhdimit të rezultateve të tij edhe në vitet e ardhshme, veçanërisht pas vitit 2026. Ai nënvizoi se përparimi drejt anëtarësimit në BE varet edhe nga puna e institucioneve të tjera shqiptare, jo vetëm e SPAK-ut. 
    Postimi: 
    Vizitë shumë e mirë dyditore në Bruksel e Kryeprokurorit të Posaçëm të Shqipërisë, Altin Dumani, i cili u takua me zyrtarë të lartë të BE-së: Gert Jan Koopman, Drejtor i Përgjithshëm i DG NEAR; Salla Saastamoinen, Drejtoreshë në detyrë e Përgjithshme në OLAF; Irena Moozová, Zëvendësdrejtoreshë e Përgjithshme e DG JUST; Marko Makovec, Shef i Kabinetit të Komisioneres për Zgjerimin Marta Kos dhe Alexander Winterstein, Shef i Kabinetit të Komisionerit për Punët e Brendshme dhe Migracionin, Magnus Brunner. 
    Vizita dëshmon për arritjet e SPAK-ut në luftën kundër korrupsionit dhe krimit të organizuar. Të gjithë bashkëbiseduesit vlerësuan forcën, qëndrueshmërinë dhe besueshmërinë e SPAK-ut, si dhe bashkëpunimin e tij të ngushtë me agjencitë e BE-së, vendet anëtare dhe partnerët e tjerë ndërkombëtarë. 
    Ambasadori Silvio Gonzato: “BE-ja ka qenë dhe do të mbetet një mbështetëse e fortë e SPAK-ut në luftën kundër krimit të organizuar, korrupsionit të nivelit të lartë dhe mashtrimit, si dhe në mbrojtjen e interesave financiare të BE-së. Ruajtja e rezultateve solide të SPAK-ut edhe nën drejtimin e tij të ri në vitin 2026 e më tej do të jetë kyçe për vazhdimin e progresit të Shqipërisë drejt anëtarësimit në BE. Kjo është e rëndësishme për sigurinë e Shqipërisë dhe të BE-së dhe për forcimin e sundimit të ligjit. SPAK-u nuk mund ta bëjë këtë i vetëm. Edhe institucionet e tjera shqiptare duhet të bëjnë pjesën e tyre.” 

     
     
     

  • “Altin Troplini”, Berisha në SPAK, lexon mesazhin që i la Dumanit: Amnistia e krimit elektoral është atentat ndaj rendit demokratik dhe pluralizmit

    “Altin Troplini”, Berisha në SPAK, lexon mesazhin që i la Dumanit: Amnistia e krimit elektoral është atentat ndaj rendit demokratik dhe pluralizmit

    Kryetari i Partisë Demokratike, Sali Berisha, tre ditë pas refuzimit për t’u paraqitur në SPAK lidhur me hetimet për 21 janarin, u paraqit në Prokurorinë e Posaçme në zbatim të masës “detyrim paraqitje” lidhur me dosjen Partizani”.
    Ai lexoi mesazhin që i la kreut të këtij institucioni, Altin Dumani, të cilin e akuzon se ka amnistuar, sipas tij, krimin elektoral.
    Berisha: Altin Troplinit, Pojës së Skapit, krimi i tij antikushtetues, amnistia e krimit elektoral, përbën atentat në themel të rendit demokratik dhe pluralizmit dhe është faktor madhor në instalimin e narkoshtetit apo shtetit të Troplinëve, Farrukëve, Hajrëve, shërbëtor i të cilëve është Altin Troplini.

    Ky është shënimi që i lashë sot për të gjithë shqiptarët, por edhe për punonjësit e prokurorisë dhe BKH-së dhe të gjithë punonjësit e drejtësisë.
    Berisha pretendoi se nuk kishte marrë thirrje për çështjen e 21 janari, por Prokuroria e përgënjeshtroi këtë deklaratë, duke theksuar se Berisha e ka refuzuar paraqitjen dy herë më parë. Kryedemokrati tashmë ka bërë “traditë” sulmet ndaj SPAK dhe drejtuesit të saj, Altin Dumani.
    Dosja për aferën “Partizani” kaloi për gjykim më 19 maj. Sipas SPAK, Berisha akuzohet për korrupsion pasiv të zyrtarëve të lartë, pasi gjatë kohës që ishte kryeministër ka ndërmarrë veprime konkrete për miratimin e ligjeve dhe akteve nënligjore, nga të cilat, sipas prokurorisë, ka përfituar edhe dhëndri i tij në projektin e ndërtimit të 19 kullave në truallin e ish-kompleksit sportiv “Partizani”.
    /vizionplus.tv

  • Berisha: Ja si funksionon Altin Troplini, ftesën e dërgon më përpara te gazetarët se tek unë

    Berisha: Ja si funksionon Altin Troplini, ftesën e dërgon më përpara te gazetarët se tek unë

    Berisha deklaroi se në rastin e ftesave për hetime, njoftimet shpesh dërgohen më parë te mediat sesa tek ai personalisht.

    Lideri i opozitës theksoi se çdo dokument që i ka mbërritur në adresën e tij apo në zyrën e Partisë Demokratike ka qenë i firmosur dhe i pranueshëm, ndërsa shtoi se nuk ka refuzuar asnjëherë të paraqitet.

    Berisha tha se kjo praktikë tregon mënyrën sesi funksionon Altin Troplini dhe u shpreh se ai është më transparenti në këtë proces.

    Pjesë nga deklarata:

    Tani, këto, pjesën e fundit duhet ta mbash vetë sepse unë nuk kam refuzuar.
    Pjesën e parë, unë kam një adresë dhe këta mburren për adresat.
    E vërteta është që në atë adresë kanë ardhur të gjitha njoftimet.
    Apartamenti im ka një derë, ka një hyrje, ka një adresë dhe ccdo gjë që ka ardhur aty është firmosur.
    E dyta, unë kam një zyrë si kryetar i PD, në qoftë se dikush përcjell njoftim pa emër dhe shkruan aty Partisë Demokratike, sigurisht ajo nuk është…
    Unë po them atë që kanë thënë zyrtarët e PD.
    Tani, këto njëherë. Asgjë nuk kam parë. Po të kisha parë, unë vij këtu ccdo dy javë, pse nuk do vija unë?
    Në fakt, ata që nuk më kanë ftuar mua, kanë pasur një hall, por tani në këtë hetim më ftuan dhe unë absolutisht do vij të dëshmoj gjithçka unë di…
    Se kur jam ftuar, këtë do e mësoni. Keni durim…
    …Ja e sheh që ata njoftojnë më përpara gazetarët se mua.
    Ja, pikërisht këtë doja të di. Doja të di nëse janë njoftuar mediat para meje.
    Urdhëroni se si funksionon Altin Troplini.
    A keni gjetur njeri më transparent se mua?
    Asnjë!

  • Berisha del nga SPAK, lexon mesazhin që i la Altin Dumanit

    Berisha del nga SPAK, lexon mesazhin që i la Altin Dumanit

    Kryedemokrati, Sali Berisha u paraqit mëngjesin e kësaj të hëne në Prokurorinë e Posaçme, SPAK në zbatim të masës “detyrim paraqitje” të caktuar nga gjykata për dosjen “Partizani”.
    Në dalje të SPAK, për gazetarët Berisha lexoi dhe mesazhin që ka lënë për kreun e SPAK, Altin Dumani.
    “Altin Troplinit, Pojës së Skapit, krimi i tij antikushtetues, amnistia e krimit elektoral, përbën atentat në themel të rendit demokratik dhe pluralizmit dhe është faktor madhor në instalimin e narkoshtetit apo shtetit të Troplinëve, Farrukëve, Hajrëve, shërbëtor i të cilëve është Altin Troplini. Ky është shënimi që i lashë sot për të gjithë shqiptarët, por edhe për punonjësit e prokurorisë dhe BKH-së dhe të gjithë punonjësit e drejtësisë’,– është shprehur Berisha.
    Vendimi i Gjykatës së Posaçme të Apelit për t’i caktuar Berishës “detyrim paraqitje” për dosjen “Partizani”, u mor pas shqyrtimit të ankimimit të bërë nga dy prokurorët e SPAK, Arben Kraja dhe Enkeleda Millonai, të cilët kërkonin rikthimin e “arrestit në shtëpi” për liderin demokrat.
    Gjyqtari i Apelit nuk pranoi kërkesën e SPAK, por gjithashtu prishi edhe vendimin e GJKKO-së të marrë nga gjyqtarja Flojera Davidhi më 27 Nëntor, e cila i revokoi të gjitha masat e sigurisë ndaj Berishës.
    Berisha  është marrë i pandehur për akuzën e veprës penale “Korrupsion pasiv i funksionarëve të lartë shtetërore ose të zgjedhurve vendorë”, kryer në bashkëpunim.
    Sipas SPAK-ut, Berisha në kohën kur ka qenë kryeministër ka vendosur në funksion të interesave të dhëndrit të tij Jamarbër  bazën ligjore, si edhe ka ushtruar presion mbi vartësit për të nxitur plotësimin sa më të shpejtë të procedurave të kthimit të pronës dhe privatizimit të godinave të degraduara të ish-klubit sportiv “Partizani”.

  • Berisha lexon mesazhin që i la Dumanit: Amnistia e krimit elektoral është atentat i rendit demokratik dhe pluralizmit

    Berisha lexon mesazhin që i la Dumanit: Amnistia e krimit elektoral është atentat i rendit demokratik dhe pluralizmit

    Kreu i Partisë Demokratike, Sali Berisha është paraqitur këtë të hënë në SPAK, në zbatim të masës së sigurisë detyrim paraqitje. Në një deklaratë për mediat ai ka lexuar mesazhin që sipas tij i la kreut të këtij institucioni Altin Dumani.
    “Altin Troplinit, Pojës së Skapit, krimi i tij antikushtetues, amnistia e krimit elektoral, përbën atentat në themel të rendit demokratik dhe pluralizmit dhe është faktor madhor në instalimin e narkoshtetit apo shtetit të Troplinëve, Farrukëve, Hajrëve, shërbëtor i të cilëve është Altin Troplini. Ky është shënimi që i lashë sot për të gjithë shqiptarët, por edhe për punonjësit e prokurorisë dhe BKH-së dhe të gjithë punonjësit e drejtësisë”, u shpreh Berisha.
    Në fjalën e tij Berisha e cilësoi sërish gjyqtaren Irena Gjoka si personifikim i narkoshtetit
    “Sot do paraqes para jush të gjithë mbrojtjen që Edi Rama apo Ramaduro i Tiranës i bën delinkuentes Irena Gjoka,  e cila është personifikimi më autentik i narkoshtetit shqiptar dhe funksionimit të sistemit juridik të tij”, tha Berisha.

  • I shoqëruar nga bashkëshortja e tij, Altin Dumani ndjek në ‘Air Albania’ ndeshjen ndaj Anglisë

    I shoqëruar nga bashkëshortja e tij, Altin Dumani ndjek në ‘Air Albania’ ndeshjen ndaj Anglisë

    Kreu i Prokurorisë së Posaçme, mandati i të cilit përfundon muajin e ardhshëm, ka vendosur që këtë të diel të shijojë emocionet e ndeshjes Shqipëri-Angli në stadiumin Air Albania.
    I shoqëruar nga bashkëshortja e tij, Altin Dumani është filmuar teksa ndjek nga afër lojën e djemve tanë kuqezinj të cilët janë duke “luftuar” me yjet e Anglisë.
    Kjo nuk është hera e parë që Dumani është parë në stadium, pasi njihet si një tifoz i pandashëm i kombëtares sonë.
     

    Altin Dumani ne stadium

  • Berisha: Çështja e inceneratorit të Tiranës është bllokuar plotësisht nga Altin “Troplini”

    Berisha: Çështja e inceneratorit të Tiranës është bllokuar plotësisht nga Altin “Troplini”Kryetari i PD, Sali Berisha tha se, çështja e inceneratorit të Tiranës është bllokuar plotësisht nga Altin “Troplini”. Gjatë një konference për shtyp Berisha tha se, ai nuk mori asnjëherë në pyetje Erion Veliajn dhe as Edi Ramën.
    “Çështja e inceneratorit të Tiranës është një çështje të cilën e bllokoi plotësisht Altin Troplini.
    Dhe ju si gazetarë u takon të thoni qytetarëve të vërtetën.
    Pse?
    Sepse për inceneratorin e Tiranës, nga zyrtarët e lartë, i vetmi i akuzuar është ish-zëvendëskryeministri Arben Ahmetaj, i cili për hir të së vërtetës, me shkrim e ka refuzuar 5 herë inceneratorin e Tiranës.
    Dhe kur kishte dosjen Altin Troplini, e gjeti të drejtë të lëshojë urdhër-arresti për njeriun që për këtë çështje meritonte lavdërim.
    Mund të kishte dhjetëra afera të tjera, por lëshoi urdhër-arresti ndaj tij, dhe nuk mori asnjëherë në pyetje Erion Veliajn dhe as Edi Ramën.
    Tani, çfarë ka ndodhur mbrapa?
    Prokurori tjetër, Dritan Prençi, mos gaboj, edhe ky u mor me dosjen e inceneratorit dhe rastin konkret midis të tjerash për Erion Veliajn, në mos gaboj.
    Pse ky nuk shkoi më tutje?
    Sepse shefi i tij e kishte në dorë, nuk kreu asnjë veprim, as ndaj Erionit, as ndaj Edi Ramës, përkundrazi urdhëroi arrestin ndaj Arben Ahmetajt, bazuar në disa dokumente, të cila një gazetar shpifës i faktuar me dokumente, u tha, sipas Arben Ahmetajt që i kishte marrë nga Linda Rama.
    Arben Ahmetaj publikisht tregoi edhe restorantin ku ky shpifës profesionist kishte marrë faturat e biletat të udhëtimit dhe të hotelit.
    Atëherë, për këtë dhe pllakat që u gjetën të paguara nga Zoto apo Mërtiri në banjën e ish-bashkëshortes së Arben Ahmetajt, ishin provat për të arrestuar për korrupsion ish-zëvendëskryeminsitrin.
    Kurse vendimi i qeverisë për t’i dhënë 8 pikë, tetë muaj përpara se sa të shpallej fituesi një kompanie që nuk ishte e regjistruar në Shqipëri, dhe për të cilën kryeministri Edi Rama ishte informuar nga ministrja Ermonela Felaj, për të cilën Edi Rama ishte informuar nga ministri Ylli Manjani se kjo çështje nuk është tagër i Këshillit të Ministrave, ia dha me datën 7 dhjetor kompanisë që u regjistrua të nesërmen pasi Edi Rama e shpalli fituese.
    A mundet kush përveç Altin Troplinit të mos përcaktojë përgjegjësi ligjore në këtë rast?
    Asnjë njeri.
    Dhe mbi këtë bazë, prokurori Prençi i tha copë Troplinit se nuk mund të trajtoja në rastin e Veliajt inceneratorin sepse ishte Edi Rama. Dhe ti nuk e trajtove.
    Pra, kemi të bëjmë me një lloj situate, natyrisht ekstraligjore, mafioze.
    Por është Altin Troplini, njeriu përgjegjës direkt për moshetimin e Edi Ramës.
    Në qoftë se, se ata kanë një hierarki aty, ju e dëgjuat që edhe atë të Ballukut, ai u thoshte çdo dy javë prit, prit, dhe ai vendosi pa pritur dhe ky u detyrua të akomodohet.
    Kjo është e vërteta.
    Në qoftë se ka një njeri përgjegjës direkt për moshetimin e inceneratorit të Tiranës, është ai që akuzoi Arben Ahmetaj që e refuzoi 5 herë dhe nuk thirri njëherë të pyesë kryeministrin e vendit, Erion Veliajn apo Belinda Ballukun.
    Ja urdhëro, është e sekuestruar kompania, vazhdojnë t’i japin leje ndërtimi, fonde, të fitojë tendera, etj me radhë.
    Pse? Sepse është e Edi Ramës”, tha Berisha.

  • Alarmi i aktivistit/ Goxhaj: Ligji i ri mund t’ju gjobisë me miliona dhe t’ju marrë fëmijën nga shtëpia

    Alarmi i aktivistit/ Goxhaj: Ligji i ri mund t’ju gjobisë me miliona dhe t’ju marrë fëmijën nga shtëpia

    Alarmi i aktivistit/ Goxhaj: Ligji i ri mund t’ju gjobisë me miliona dhe t’ju marrë fëmijën nga shtëpia
    Një projektligj i ri për gjininë, ka shkaktuar një debat të ashpër publik, ku janë artikuluar pretendime të forta për pasojat e tij në shoqëri, ekonomi dhe në thelbin e familjes. Gjatë një interviste në emisionin Kafe Shqeto në syri tv, aktivisti Altin Goxhaj ka paraqitur një sërë argumentesh tronditëse, duke pretenduar se ligji, nëse miratohet, do të sjellë gjoba milionëshe, do të vendosë kuota absurde gjinore dhe madje do t’i japë shtetit fuqinë për të larguar fëmijët nga prindërit e tyre.
    Sipas aktivistit Goxhaj, një nga pikat më problematike të ligjit lidhet me diskriminimin dhe barrën e provës. Ai solli një shembull hipotetik, ku një person mund të përballet me një gjobë prej 1.5 milionë lekësh nëse nuk i drejtohet me përemrin “zonjë” një burri të veshur si grua. Më tej, Goxhaj theksoi se në raste të tilla, barra e provës bie mbi të akuzuarin, i cili duhet të vërtetojë se nuk ka pasur qëllim të ofendojë, një mekanizëm që sipas tij i përket sistemeve totalitare dhe jo demokracive perëndimore.
    Në bisedë me moderatorin Flavio Qarri ai tha se, “një tjetër pretendim i bujshëm i ngritur në debat ishte ai për vendosjen e kuotave të barabarta gjinore në fusha të paimagjinueshme”. “Analisti deklaroi se, duke e lexuar ligjin “gërmë për gërmë”, ai parashikon pjesëmarrje të barabartë 50/50 të burrave dhe grave në sektorë si minierat apo edhe në ekipin kombëtar të futbollit, gjë që ai e cilësoi si një “budallallëk” dhe “gafë” legjislative”.
    Megjithatë, akuza më e rëndë dhe më alarmante kishte të bënte me ndikimin e ligjit te të miturit dhe autoriteti prindëror. Goxhaj përshkroi një skenar ku një psikolog shkolle, nëse vëren konfuzion të identitetit gjinor te një adoleshent, është i detyruar të njoftojë psikologë të specializuar, të cilët, sipas tij, financohen nga organizata të komunitetit LGBTI+. Këta specialistë më pas do të punonin për t’i “mbushur mendjen” fëmijës për identitetin e tij të ri gjinor, pavarësisht vullnetit të prindërve.
    Sipas këtij interpretimi, nëse prindërit kundërshtojnë këtë proces dhe kërkojnë ndihmë për të adresuar konfuzionin e fëmijës së tyre, ata jo vetëm që nuk do të gjejnë mbështetje, por mund të përballen me ndërhyrjen e shtetit. Pika kulmore e argumentit ishte pretendimi se, në rast mosmarrëveshjeje, “vjen policia me urdhër gjykate dhe të merr fëmijën”, duke e dërguar në një qendër kujdesi shtetëror. Këto deklarata kanë ngjallur reagime të shumta, duke e vendosur projektligjin në qendër të një stuhie debati publik.
    Flavio Qarri: Barazi për të gjithë, një lloj përgjithësimi. Barazi për të gjithë është komunizëm, për shembull, në këtë platformë. Barazi për të gjithë është komunizëm. Njerëzit kanë vetëm shanse dhe barazi para ligjit, jo… Po, Albi, fjala për ty. Ja dha Gjermenit.
    Elsa Ballauri: Aktualisht është tamam mënyra se si ti po e trajton, për mua është baraz me atë që ndodhte në komunizëm, në forma nga më të ndryshmet.
    Flavio Qarri: Dakord. Altin?
    Altin Goxhaj: Flavio, meqë jemi te komunizmi, në komunizëm nxirrnin ligje për të edukuar njerëzit, siç e tha dhe zonja Elsa. Në demokraci nuk nxirren ligje për të edukuar njerëzit.
    Flavio Qarri: Ligjet gjithmonë janë për të edukuar, edhe…
    Altin Goxhaj: Sepse në demokraci presupozohet, në një shtet pluralist, presupozohet që çdokush ka të drejta dhe shteti nuk ka detyrim, po as as detyrë, të bëjë ligje, të bëjë ligje për edukim. Këto i bëhen vetëm në shoqëritë totalitare dhe në komunizëm.
    Pika e dytë. Ky ligj përcakton qartë që në qoftë se ti nuk i thua zonja zotit të veshur si grua, ai ka të drejtë të shkojë të ankohet për ty dhe ti ke barrën e provës të provosh që s’e ke ofenduar.
    Flavio Qarri: Është në ligj kjo?
    Altin Goxhaj: Dhe… Po pra, po. Dhe ti do marrësh një gjobë fillimisht…
    Elsa Ballauri: Ku e marr vesh ti këtë gjë? Si e kupton?
    Altin Goxhaj: Fillimisht 1 milion e gjysmë lekë…
    Flavio Qarri: Ballauri thotë që nuk është në ligj kjo.
    Altin Goxhaj: Po le të thotë tashti, ai nuk do thotë të vërtetën. Se unë po ja u them troç. Unë kam lexuar ligjin dhe të gjithë e kemi lexuar, për këtë kemi diskutuar. 1 milion e gjysmë, se do quhesh i diskriminuar dhe i diskriminuari nuk e ka barrën e provës. Ai vetëm pretendon. Do t’ia mbushësh ti mendjen sistemit që s’e ke bërë ti. Apo që s’e ke ofenduar. Apo s’e ke pasur me qëllim të keq. Por ndërkohë, po nuk i the grua, ti ke shkelur ligjin, sepse është ai termi…
    Elsa Ballauri: Në Amerikën që ti e merr gjithmonë në krahasim, t’i thuash tjetrit ‘n-ëord’ e përkthen gjithë… E përçon ca gjëra më duket.
    Altin Goxhaj: Ky ligj është vetëm në tre vende të Evropës. Ky ligj vetëm në tre vende të Evropës.
    Flavio Qarri: Cilat?
    Altin Goxhaj: Në vendet e tjera s’e kanë miratuar këtë ligj. Vazhdojmë. Elementi i tretë. Sipas këtij ligji…
    Elsa Ballauri: Është e vazhduar kështu pa i analizuar, pa i parë gjërat, është shumë keq.
    Altin Goxhaj: …në kampionatin e futbollit, kombëtarja e futbollit me meshkuj duhet të ketë gjysma gra, gjysma burra. E di pse e them këtë gjë? Se ka dhe budallallëqe në atë ligj, gabime, idiotësira, që kanë vënë pjesëmarrjen e barabartë apo me kuota burrave dhe grave edhe në minierë, edhe te ekipi i futbollit. Po ta lexosh germë për germë ligjin, është siç them unë. Dhe këto janë gafa që po i quajmë të dorës së dytë. Ajo që është e rëndësishme, ka të bëjë me punëdhënësin. Shkon për të kërkuar punë një burrë i veshur si grua. Shkojnë dhe tre burra të veshur si burra, edhe dy gra të veshura si gra. Kujt i ka të drejtë të ankohet? Jo atyre pse s’u punësuan. Sepse ky e quan që e kanë diskriminuar meqë është i veshur si grua. Dhe punëdhënësi fillon të marrë gjobat derisa i mbyllet biznesi.
    Vazhdojmë. Këta kanë përcaktuar burrë dhe grua. Jo mashkull dhe femër, që përcakton mashkulli burrin dhe femra femrën. Po këta nuk kanë përcaktuar moshë. Sapo lind. Që do të thotë, ky përcaktim fillon që 10 vjeç, 15 vjeç. Dhe si e kanë ndërtuar këtë mekanizëm me anë të këtij ligji? Që lidhet me ligjet e tjera. Këta kanë krijuar një manual dhe një rregullore që psikologu, kur i vjen një djalë 12 vjeç, 14 vjeç te shkolla dhe ka një lloj konfuzioni, dhe ju e kuptoni, moshë adoleshente, kanë shumë kriza të identitetit në pubertet. Po. Në qoftë se ai paraqet një moment krize, fluiditeti gjinor, psikologu e ka detyrim të njoftojë psikologët e specializuar sipas urdhrit të psikologut, që financohen nga shoqatat e gejve, që ta marrin në shqyrtim dhe t’i mbushin mendjen që ti nuk je djalë, po je një femër në trupin e gabuar të një djali. Dhe fillon procedura, edhe me këtë ligj, që të trajtohet në qejf të prindit, të përpunohet mendja e tij dhe nëse prindi e konstaton dhe kërkon që të ndryshojë sjelljen e fëmijës, asnjë psikolog nuk e ka merr përsipër, sepse çdo psikolog nuk mund ta trajtojë si sëmundje, nuk mund ta trajtojë si deviancë, as si një krizë identiteti. Po duhet ta ushqejë. Dhe në momentin që prindi s’është dakord, vjen policia me urdhër gjykate dhe të merr fëmijën. Dhe e çon në qendër kujdesi.

  • Arrestimi i ish-ushtarakut, zbardhet dëshmia/ Armët vinin nga Kosova, u shiteshin grupeve kriminale në Fresk dhe Kamëz

    Arrestimi i ish-ushtarakut, zbardhet dëshmia/ Armët vinin nga Kosova, u shiteshin grupeve kriminale në Fresk dhe Kamëz

    Detaje të reja kanë dalë në dritë nga arrestimi i ish-ushtarakut Altin Celami, i cili përfundoi në prangat e policisë dy ditë më parë. Ish-ushtaraku ishte mbajtur prej disa javësh në vëzhgim nga policia ndërkohë qe përdorte një taksi prej kohësh në mënyrë që të kamuflohej për të furnizuar me armë grupet kriminale.
    Altin Celami, prej kohësh zgjodhi që mësimet e fituara në radhët e ushtrisë t’i ushtronte në shërbim të krimit. Në dëshminë e tij, Celami ka deklaruar se armët ishin të tijat dhe i ka pranuar akuzat e ngritura nga policia ndonëse nuk ka dhënë detaje te mëtejshme.
    Burime nga policia bëjnë me dije se armët u shiteshin grupeve kriminale në Fresk dhe Kamëz dhe nuk ishte hera e parë që bëhej një rrugë e tillë. Policia kishte dokumentuar disa raste të tilla, të paktën 10 raste. Gjithashtu mësohet se një pjesë e pistoletave vinin nga Kosova dhe ishin armë që modifikoheshin në banesë, në mënyrë që të përdoreshin vetëm një herë dhe pastaj të shkriheshin ose të hidheshin.
    Kjo ishte një metodë që Çelami e përdorte në mënyrë që grupet kriminale t’i blinin përsëri armët tek ai, pasi kjo lloj arme ishte e vështirë të gjurmohej. Altin Celami nuk ishte një emër i panjohur për policinë, pasi pas një aksioni të policisë në vitin 2022, 15 persona ranë në prangat e policisë së Durrësit — një grup kriminal që merrej me vrasje me pagesë.