Lajmidites.com

Tag: alfred

  • Mbrëmje poetike në Korçë, “Fajet e zemrës” në teatrin “Andon Zako Çajupi”

    Mbrëmje poetike në Korçë, “Fajet e zemrës” në teatrin “Andon Zako Çajupi”

    Vargjet e autores korçare Valbona Lola kanë ngjitur në skenë aktorët e njohur shqiptarë Luiza Xhuvani, Alfred Trebicka, Zamira Kita e të tjerë.Në sallën e teatrit “Andon Zako Çajupi” në Korçë u recituan fjalët me rimë që lidheshin me gjithçka, nënën, fëmijën, bashkëshortin, jetën dhe vdekjen
    “Emra të njohur të skenës, Luiza Xhuvani, Alfred dhe Violeta Trebicka, Zamira Kita dhe Blerta Belliu u japin jetë poezive të mia. Duke qenë se jemi sezon festash, dhurata me e bukur janë ndjenjat. Poezitë janë shkëputur nga vëllimi im i fundit Fajet e Zemrës. Kanë kontekste të ndryshme, lirika dashurie, shoqërore dhe peizazhe, Jam frymëzuar nga gjithçka”, tha autorja e librit “Fajet e zemrës” Valbona Lola.
    Për aktorin e mirënjohur Alfred Trebicka, nje natë poetike në Korçë ka përherë mbështetësit e saj besnikë.

    ” Tashmë është kthyer në normalitet në Korçë, kjo sallë nuk mund të imagjinohet bosh. Jo vetëm për shfaqje teatri por e per mbrëmje speciale poezie, është si muzikë dhome. Edhe spektatori është i veçantë e specifik. Kjo poezi e Valbonës është e prekshme sepse është e thjeshtë, prek emocionin, fenomenet bazike, nene, gruan, brishtesine, raport prind fëmijë, gjërat që gjithësecili i percepton. Zemra nuk bën faje kurrë, fajet i bën mendja”, u shpreh aktori Alfred Trebicka.
    Përgjatë muajit Dhjetor bashkia e Korçës ka organizuar me dhjetëra aktivitete kulturore dhe artistike për banorët dhe turistët që zgjedhin të kalojnë pushimet në juglindje.

  • Reagimi për deklaratat e Berishës, Alfred Lela sulmon komisioneren e BE-së: Na është bërë Marta si Kos ‘Lufra’

    Reagimi për deklaratat e Berishës, Alfred Lela sulmon komisioneren e BE-së: Na është bërë Marta si Kos ‘Lufra’

    Pas deklaratave të Komisioneres për Zgjerimin e Bashkimit Europian, Marta Kos, e cila dënoi deklaratat e kreut të Partisë Demokratike, Sali Berisha, ndaj ambasadorit të BE në Tiranë, ka reaguar zëdhënësi i Berishës, Alfred Lela. 
    Ai ka sulmuar Kos, për qendrimin e saj ndaj Berishës. 
    “Eshte bërë Marta si Kos ‘Lufra’, qumesht pluhur slloven, që shitet me certifikate BE”, shkruan ai. 
     
     
     
     

  • Alfred Moisiu në protestën për UÇK-në në Tiranë: “Thaçi, Veseli, Krasniqi e Selimi kanë kryer detyrën më të lartë – çlirimin e Kosovës”

    Alfred Moisiu në protestën për UÇK-në në Tiranë: “Thaçi, Veseli, Krasniqi e Selimi kanë kryer detyrën më të lartë – çlirimin e Kosovës”

    Ish-Presidenti i Shqipërisë, Alfred Moisiu, ishte sot i pranishëm në protestën e mbajtur në sheshin “Skënderbej” në Tiranë, në mbështetje të ish-krerëve të Ushtrisë Çlirimtare të Kosovës që ndodhen në Hagë.
    Në një fjalim të fuqishëm nga podiumi i protestës, Moisiu deklaroi se Hashim Thaçi, Kadri Veseli, Jakup Krasniqi dhe Rexhep Selimi nuk janë kriminelë, por burra që kanë kryer detyrën më të lartë që njeh historia bashkëkohore: çlirimin e Kosovës dhe mbrojtjen e popullit të tyre.

    “Nuk mund të pranojmë të nëpërkëmbet gjaku i shqiptarëve. Liria e Kosovës nuk është dhuratë, është fituar me gjak, me sakrifica dhe vendosmëri,” – theksoi Moisiu.

    Ai kujtoi vizitën që zhvilloi në vitin 2022 në dhomat e paraburgimit të Hagës, së bashku me ish-presidentët Rexhep Meidani, Bamir Topi dhe Pandeli Majko, ku pati takuar personalisht Thaçin, Veselin, Krasniqin dhe Selimin.

    “Ata trima nuk ishin të frikësuar, por burra të vërtetë, qëndronin të qetë, të gatshëm për t’u sakrifikuar për të mos lejuar që lufta e UÇK-së të njolloset padrejtësisht,” tha Moisiu.

    Sipas tij, akuzat ndaj liderëve të UÇK-së janë të fabrikuara nga qarqe serbo-ruse dhe nuk qëndrojnë mbi asnjë provë serioze. Ai nënvizoi se lufta e UÇK-së është mbështetur nga SHBA, NATO dhe aleatët perëndimorë.

    “Është koha të mos heshtim. Të ngremë zërin sa më lart për të mbrojtur dinjitetin kombëtar dhe luftën e drejtë për liri,” përfundoi Moisiu, duke kërkuar drejtësi për të akuzuarit dhe nderim për dëshmorët.

    Ai e përmbylli fjalën me një mesazh të qartë:“Lavdi dëshmorëve të UÇK-së, liri luftëtarëve të UÇK-së!”

  • Ish-presidenti Alfred Moisiu mbërrin në shesh/ Protesta madhështore pro ish-krerëve të UÇK-së

    Ish-presidenti Alfred Moisiu mbërrin në shesh/ Protesta madhështore pro ish-krerëve të UÇK-së

    Ish-presidenti Alfred Moisiu ka mbërritur në sheshin “Skënderbej” për protestën në mbështetje t ëish-krerëve të UÇK-së që po gjykohen në Hagë.
    Pranë tij shihet kryetari i Prishtinës, Përparim Rama dhe kreu i Grupit Parlamentar të PS-së, Taulant Balla.

  • “Të gjithë njerëzit do të kenë ‘chip’”/ Alfred Cako përplaset me Milaim Zekën, gazetari: Unë dhe Mane duke mos pasur tru…

    “Të gjithë njerëzit do të kenë ‘chip’”/ Alfred Cako përplaset me Milaim Zekën, gazetari: Unë dhe Mane duke mos pasur tru…

    Alfred Cako dhe Milaimj Zeka u përfshinë në një debat gjatë rubrikës “Rrethi Katror” pjesë e “E Diell” në Top Channel.

    Cako shprehu pikëpamjet e tij se çfarë do të ndodhë me botën pas disa vitesh.
    Deklaratat e tij u kundërshtuan nga Bled Mane dhe Milaim Zeka. Zeka u ndal tek teoria e ‘chip-it’, ku tha se “Unë edhe Mane duke mos pasur tru që ulemi këtu dhe dëgjojmë këto histori, ne shpëtojmë.”

    Pjesë nga debati:
    Cako: E keni lexuar librin ‘bota e re e guximshme’, nëse ne nuk zgjohemi dhe të reagojmë, vaksinat me detyrim, një të ardhur bazë ndërkombëtare. Microchip universal i njerëzve, një sistem krediti social botëror. Dhe të gjitha do jenë në një kompjuter gjigant në Bruksel. Do të ketë fund të fermave private të fshatarëve. Do të ndalohen udhëtimet ndërkontinentale veç nëse kanë ndonjë arsye madhore.
    Zeka: Pika më interesante është puna e chip-it, ku sipas Cakos do vendoset në trurin e njerëzve. Unë edhe Mane duke mos pasur tru që ulemi këtu dhe dëgjojmë këto histori ne shpëtojmë nga këto. Në këtë teori nuk besoj.

    Top Channel

  • Zbardhja e vrasjes së Edmir Bregut në 2021, njëri nga ekzekutorët anëtar i grupit të Avdylajve! U vra me kallashnikov në maj në Durrës

    Zbardhja e vrasjes së Edmir Bregut në 2021, njëri nga ekzekutorët anëtar i grupit të Avdylajve! U vra me kallashnikov në maj në Durrës

    DURRËS – Alfred Doka dhe Ermir Dedja vepruan si ekzekutorë të Edmir Bregut në 2021 në Durrës, ngjarje që u zbardh një ditë më parë nga SPAK. Porositësi i vrasjes, sipas Prokurorisë, dyshohet se ishte Astrit Avdylaj në shenjë hakmarrjeje për tentativën për të vrarë nipin e tij, Aldo Avdylaj. Alfred Doka është shpallur në kërkim, ndërsa Dedja, 29-vjeç, u ekzekutua më 20 maj të këtij viti në Durrës.  
    Anëtari i bandës së Avdylajve u vra pranë një qendre shëndetësore teksa po lëvizte në këmbë. Ai u qëllua me plumba kallashnikovi nga një makinë tip “Seat”. Autorët nuk dihen ende por policia ka identifikuar 5 persona si të përfshirë në ngjarje. Dy janë vënë në pranga, Erion Ndoni, 36-vjeç dhe Klodian Berisha, 35-vjeç, të cilët akuzohen se kontrabanduan automjetin që u përdor nga autorët. 
    Në kërkim është shpallur 33-vjeçari Xhuljano Dyrmishi për sigurim të kushteve dhe mjeteve materiale për të kryer vrasje dhe për kontrabandë të mallrave. Dy të tjerët, një shqiptar dhe një maroken, u shpallën në kërkim dy ditë pas ngjarjes së rëndë me akuzën e sigurimit të kushteve për të kryer vrasjen.  
    Vrasja e Edmir Bregut u zbardh pas përgjimeve në Sky ECC të grupit kriminal të Astrit Avdylajt dhe Aleksandër Lahos, i njohur ndryshe edhe si “Rumi i Shijakut”. SPAK thotë se si drejtues dhe koordinator i grupit të strukturuar kriminal, dyshohet të jetë Aldo Avdylaj, si ndihmës dyshohet të jetë Enea Kume (vëllai i deputetit të PS Loer Kume ). Ekzekutorët ishin Alfred Doka dhe Ermir Dedja. SPAK po heton gjithashtu që në këtë vrasje mund të jenë të përfshirë edhe persona të tjerë.  
    Edmir Bregu alias Ilir Kuçi, 32 vjeç, ishte me origjinë nga Kukësi dhe jetonte në zonën e ish-Kënetës në Durrës. Pasditen e 23 janarit 2023, ai po qarkullonte me makinën e tij tip “Porsche Cayene” në lagjen nr.16 të Durrësit. 32-vjeçari u ekzekutua me dy plumba, një në kokë dhe një në gjoks sapo zbriti nga makina e tij. Shqiptarja.com 

  • Alfred Lela revoltohet me Silvën, i kujton protestat e Teatrit: Betejat behen me ‘kap noj gjo’?

    Alfred Lela revoltohet me Silvën, i kujton protestat e Teatrit: Betejat behen me ‘kap noj gjo’?

    Alfred Lela dhe Silva Caka

    TIRANË- Pas lajmit se ish-anëtarja e Partisë së Lirisë, Silva Caka u emërua në postin e zëvendësministres së Brendshme, ka reaguar Alfred Lela që aktualisht mban postin e drejtorit të Zyrës së Shtypit dhe Komunikimit në Partinë Demokratike.
    Përmes një postimi në Facebook ai ka ndarë një foto nga protestat e Teatrit Kombëtar, ku shihet se polcia po tërhiqte Silvën për ta arrestuar, ku Lela i del në mbrojtje. Ai i kujton asaj se e ka mbrojtur dikur nga policët, dhe se nuk është i penduar.
    “Pra, Silva Caka nga e dhunuar ka vendosur te behet shefe e policeve qe e dhunuan. Tani pyes: ka ndryshuar Rama, Policia apo Silva? Apo eshte me e thjeshte: betejat behen me ‘kap noj gjo’? Nuk jam penduar qe u hodha ne folene e patro-policeve te Rilindjes, per t’i dale zot Silves, sepse ne fakt nuk e dija se ishte ajo, por vetem nje vajze, cilado vajze. Si rregull, nje gruaje nuk i permenden kaloresite. Silvave te pushtetit, po!”- shkruan Lela.
    https://www.facebook.com/share/p/1H24nyj6S2/

  • ‘Shpronësimet në disa nga zonat e qytetit të Durrësit’, Berberi: Banorët po humbasin mbrojtjen ligjore dhe pasurinë e tyre

    ‘Shpronësimet në disa nga zonat e qytetit të Durrësit’, Berberi: Banorët po humbasin mbrojtjen ligjore dhe pasurinë e tyre

    Orest Berberi, Anëtar i FRPD Durrës, nga studioja e “Kafe Shqeto”, ka komentuar sot mbi situatën e shpronësimeve dhe vlerësimit të pronave në qytetin e Durrësit, duke kritikuar ashpër politikat e bashkisë.

    Në një deklaratë të drejtpërdrejtë, Berberi theksoi se mënyra se si po zbatohen shpronësimet në disa zona të qytetit është e papranueshme dhe absurd, sidomos për qytetarët me të ardhura modeste dhe pensionistët.

    Ai u shpreh se, ndërkohë që projekti prezantohet si “fantastik” nga pushteti lokal, realiteti është krejt i kundërt, pasi banorët po përballen me humbje të pasurisë së tyre dhe me mungesë mbrojtjeje ligjore.

    LEXO EDHE: ‘Sako i jep oligarkëve pronat e qytetarëve’, Berberi: Banorët autoktonë po dëbohen për interesat e pushtetit

    Berberi theksoi se çmimet reference që po përdoren për shpronësimin janë të vjetruara dhe nuk pasqyrojnë vlerën reale të pronave, duke e krahasuar situatën me një “tallje dhe absurd” për ata që jetojnë dhe punojnë në zonat më të shtrenjta të qytetit.

    Ai paralajmëroi gjithashtu se në janar të 2026, çmimet e reja do të dyfishohen, duke i lënë banorët pa mbrojtje ligjore dhe duke rritur ndikimin financiar të shpronësimeve.

    Orest Berberi:

    “Ideja është që këta banorë shpronësohen në këtë lloj vlera çmimesh dhe është për të qeshur e për të qarë në të njëjtën kohë, sepse zoti Alfred thotë se është një projekt fantastik. Ore, si mund të jetë fantastik projekti kur ti heq njerëzit nga shtëpia?

    Interes publik është kur bën një rrugë, autostradë, një spital, nuk është projekt interesant kur ti prish shtëpitë e pensionistëve me 150 mijë lekë pension, e sot edhe sikur këta të kenë biznes nuk ja dalin dot.

    Jam shumë i sigurt se zoti Alfred, po të ishte në vend të asaj zonjës që pa duke protestuar, do e kishte ngritur bashkinë në ajër.

    Sa i përket pjesës që ne dalim në protestë, është se pikërisht në atë zonë, në bulevardin e Durrësit dhe zoti Alfred e di mirë se është një nga zonat më të lakmuara të qytetit, si dhe më të shtrenjtat, dhe marrësh për çmim reference 675 mijë lekësh që është këtu e disa vite, është tallje dhe absurde.

    LEXO EDHE: ‘Banorët e lagjes nr. 3 në Durrës kundërshtojnë shpronësimet’, Berberi: Proces i padrejtë dhe pa transparencë, çmimet nën vlerën reale të tregut

    Dua t’i theksoj zotit Alfred që në janar të vitit 2026 do hyjnë referencat e reja, që i bie në janar të 2026 metri katror aty, në çmim reference, s’do jetë 675 mijë lekë, por do të jetë 1,240 euro.

    Kjo do të thotë se ajo dyfishohet, dhe i gjithë ky nxitim sa i përket shpronësimeve që po bëhen në atë zonë është që të mos i kapë janari i 2026 dhe banorët të mos kenë mbrojtje ligjore sa i përket rivlerësimit të pronave të tyre në çështje gjyqësore”.

     

  • Silva Caka la opozitën për postin e zv.ministres, Alfred Lela: Betejë ‘me kap noj gjo’, s’jam penduar që…

    Silva Caka la opozitën për postin e zv.ministres, Alfred Lela: Betejë ‘me kap noj gjo’, s’jam penduar që…

    Alfred Lela është zhgënjyer me Silva Cakën, pasi kjo e fundit u emërua zv.ministre e Brendshme.  Ai i kujton asaj se e ka mbrojtur dikur nga policët, kur protestonin për Teatrin Kombëtar. 
    “Pra, Silva Caka nga e dhunuar ka vendosur te behet shefe e policeve qe e dhunuan. 
    Tani pyes: ka ndryshuar Rama, Policia apo Silva? Apo eshte me e thjeshte: betejat behen me ‘kap noj gjo’? 
    Nuk jam penduar qe u hodha ne folene e patro-policeve te Rilindjes, per t’i dale zot Silves, sepse ne fakt nuk e dija se ishte ajo, por vetem nje vajze, cilado vajze.  Si rregull, nje gruaje nuk i permenden kaloresite. Silvave te pushtetit, po”, shkruan ai. 
     
     

  • Tirana rikthehet në stërvitje, sulmuesi gati për Flamurtarin

    Tirana rikthehet në stërvitje, sulmuesi gati për Flamurtarin

    Pas një pushimi të shkurtër, Tirana i është rikthyer dje stërvitjes në kompleksin e saj, teksa skuadra bardheblu ka nisur përgatitjet për sfidën e javës së ardhshme ndaj Flamurtarit. Lajmi më i mirë për trajnerin është afrimi i Alfred Mensah, i cili është bashkuar me grupin dhe pritet të jetë gati për të nisur si titullar. Sulmuesi shihet si një armë e rëndësishme në repartin ofensiv, veçanërisht për një ndeshje delikate si ajo kundër vlonjatëve.
    Ndërkohë, dilemat më të mëdha mbeten te lojtarët e dëmtuar. Meta dhe Dembele vazhdojnë të jenë në dyshim për përballjen e radhës. Burime pranë klubit bëjnë me dije se Meta do të jetë i grumbulluar, por gjasat më të mëdha, janë që ai, ta nisë ndeshjen nga stoli. Sa i përket Dembelesë, stafi mjekësor do të vendosë në momentet e fundit për aktivizimin e tij, ndonëse të gjithë janë optimistë se do të jetë në fushë.

    Bardheblutë synojnë të marrin maksimumin ndaj Flamurtarit, për të konsoliduar pozitat në renditje dhe për të nisur me moral të lartë një seri ndeshjesh të rëndësishme.
    Formacioni- Nëse Dembele do të jetë në fushën e lojës, kompozimi i skuadrës do të jetë i ndryshëm. Kështu, Lleshi me shumë mundësi do të spostohet në mesfushë, ndërsa Soler do të qëndrojë në mbrojtje. Mesfusha do të jetë me Rafael, Lleshi dhe Patsatsia. Në sulm, në njërin krah luan Tabeku, në krahun e djathtë Haxhiu dhe në sulm Alfred Mensah. Gati pritet të jetë Zhunior dhe afrimet e tjera të merkatos.