Ylli i serialit të njohur “Home Improvement”, Zachery Ty Bryan, është rikthyer pas hekurave për herë të gjashtë në pesë vitet e fundit. Aktori 44-vjeçar u arrestua të shtunën në Eugene, Oregon, për shkelje të dyshuar të lirimit me kusht, në lidhje me një dënim të mëparshëm për dhunë në familje. Pas arrestimit, Bryan u dërgua në burgun e Qarkut Lane, ku po mbahet pa garanci dhe pritet të lirohet më 3 dhjetor.
Arrestimi i tij vjen pas një serie incidentsh të shumta me ligjin. Në janar të këtij viti, Bryan u përball me akuza për dhunë në familje të shkallës së dytë në Myrtle Beach, Karolina e Jugut, ku ishte akuzuar për abuzim fizik ndaj të fejuarës së tij. Po ashtu, ai është arrestuar dy herë në vitin 2024 për drejtim nën ndikimin e alkoolit.
Në lidhje me këtë ngjarje, e fejuara e Bryan, Johnnie Faye Cartwright, është gjithashtu në paraburgim. Ajo përballet me pesë akuza, përfshirë drejtimin mjeti në gjendje të dehur dhe tentativën për sulm të shkallës së parë. Cartwright ka qenë në paraburgim që nga 30 nëntori.
Nuk është ende e qartë nëse Bryan ose Cartwright kanë marrë ndihmën e një avokati. Ky incident i fundit është një tjetër kapitull i errët në jetën e aktorit, që ka përballuar tashmë një të kaluar të trazuar ligjore.
Tag: aktorit
-
Zachery Ty Bryan i rikthehet burgut: Arrestimi i aktorit të “Home Improvement” për herë të gjashtë
-
Ndarja nga jeta e aktorit dhe regjisorit Enver Petrovci, Rama: Keqardhje e madhe
Kryeministri Edi Rama ka reaguar në rrjetet sociale për ndarjen nga jeta të aktorit e regjisorit të mirënjohur, Enver Petrovci.
“Aktor i jashtëzakonshëm, njeri i dashur dhe keqardhje e madhe… Prehu në paqe Enver Petrovci”,- shkruan kreu i qeverisë në rrjetet sociale.Është shuar sot (22 shtator) në moshën 71-vjeçare ikona e filmit dhe teatrit, Enver Petrovci.
Enver Petrovci lindi më 28 shkurt 1954 në Prishtinë. Ishte aktor dhe regjisor. Fillimisht ai studioi në Shkollën e Lartë Pedagogjike në Prishtinë në degën e aktrimit, më pastaj mbaroi studimet Universitare për aktor edhe në Fakultetin e Arteve Dramatike në Universitetin e Beogradit.
Gjatë karrierës së tij të hershme, Petrovci u bë i njohur në gjithë ish-Jugosllavinë, sidomos për interpretimet e tij në Teatrin “Atelje 212” në Beograd, ku u vlerësua si një ndër aktorët më të shquar të kohës.
-
Shuhet në moshën 71-vjeçare aktori Enver Petrovci
enver petrovci
KOSOVË- Është ndarë nga jeta në moshën 71-vjeçare aktori i njohur Enver Petrovci. Lajmi është bërë i ditur nga familjarët e aktorit, i cili ka lënë pas një sërë rolesh në teatër dhe kinematografi.
“Me dhimbje dhe pikëllim të madh njoftojmë ndarjen nga jeta të aktorit tonë të dashur, Enver Petrovci. Kjo është një humbje e madhe për familjen tonë dhe për mbarë artin shqiptar. Ai do të kujtohet gjithmonë për shpirtin e tij fisnik dhe veprën e jashtëzakonshme që la pas”, ka shkruar Amir Petrovci, familjar i aktorit.
Gjatë karrierës së tij, ai shkëlqeu si në dramat klasike ashtu edhe në rolet moderne, duke fituar respektin dhe admirimin e kolegëve, kritikëve dhe publikut.
Petrovci lindi më 28 shkurt 1954 në Prishtinë. Fillimisht ai studioi në Shkollën e Lartë Pedagogjike në Prishtinë në degën e aktrimit, më pastaj mbaroi studimet Universitare për aktor edhe në Fakultetin e Arteve Dramatike në Universitetin e Beogradit.
Ai la pas një karrierë shumë të suksesshme në teatër, sidomos në atë “Atelieja 212”.
Pas mbarimit të luftës në 1999-ën, vijoi me sukses karrierën e tij artistike në Kosovë, Shqipëri por edhe më gjerë. /ZËRI -
Vdekja misterioze e aktorit të njohur, autoritetet hetojnë disa pista, përfshirë një akt kriminal
Zbardhen detaje të reja në lidhje me ndarjen nga jeta të aktorit të njohur kinez Yu Menglong, i cili është gjetur i pajetë në rrethana ende të paqarta.
Sipas raportimeve të para nga mediat kineze, trupi i aktorit është gjetur në banesën e tij në Pekin, ndërsa autoritetet kanë konfirmuar se po hetojnë disa pista të mundshme, përfshirë mbidozën, vetëvrasjen dhe një incident të mundshëm kriminal.
Familjarët dhe miqtë më të afërt janë marrë në pyetje, ndërsa kamerat e sigurisë përreth banesës janë sekuestruar nga policia. Deri më tani nuk ka asnjë njoftim zyrtar për shkakun e vdekjes, ndërsa trupi i tij është dërguar për autopsi.
Ndërkohë në rrjetet sociale qarkullojnë pamje nga momenti i ngjarjes, ku aktori shihet duke u torturuar teksa bërtet nga dhimbja.
Yu Menglong, 36 vjeç, ishte bërë i njohur për publikun ndërkombëtar për rolin e tij në dramën “Dashuria e madhe pas vdekjes”, ku portretizoi një histori të ndërlikuar dashurie dhe humbjeje. Ironikisht, roli i tij më i spikatur kishte si temë pikërisht jetën pas vdekjes, një fakt që fansat kanë përmendur me dhimbje në rrjetet sociale pas lajmit tragjik.
Ndërkohë, studioja filmike me të cilën Yu kishte bashkëpunuar së fundmi ka shprehur ngushëllimet dhe ka kërkuar mospërhapjen e spekulimeve derisa të konfirmohen të dhënat nga autoritetet zyrtare.[ NEW EVIDENCE 🍉 INVESTIGATE THE CASE OF #YUMENGLONG ‼️] 9/17-18
I.
When #YuMenglong fell, the clothes he was wearing had once been hung out to dry on the 4th floor balcony (Officially called the 5th floor, but in reality it’s the 4th).
If he had jumped normally, he might… pic.twitter.com/otmIhAUWli
— 미나문🌙 🇰🇷🇹🇼 (@moon_ki95) September 18, 2025Lajmi për vdekjen e tij ka tronditur industrinë e filmit në Kinë dhe më gjerë, duke rikthyer vëmendjen mbi shëndetin mendor të artistëve dhe presionin e madh publik që përballin.
Hetimet janë në vijim, ndërsa publiku dhe fansat presin me ankth rezultatet përfundimtare të autopsisë.Top Channel
-
Trump reagon pas vdekjes së aktorit hollivudian: Për vite me radhë nuk kishte aktor më të mirë se ai, ishte i shkëlqyer
Presidenti amerikan, Donald Trump i bëri homazh të “madhit” Robert Redford. Kjo pavarësisht deklaratës së aktorit në vitin 2019, duke e quajtur presidentin amerikan “një diktator që sulmon vlerat e këtij vendi”.
“Robert Redford, për vite me radhë askush nuk ishte më i mirë”, komentoi Trump para gazetarëve që e pyetën për vdekjen e aktorit.
“Pati një kohë kur ai ishte më i nxehti. Mendoj se ishte i shkëlqyer”, shtoi presidenti.
Meryl Streep gjithashtu donte të kujtonte kolegun e saj të madh, duke thënë: “Një nga luanët është zhdukur. Pusho në paqe, miku im i dashur”.
“Me Robert Redford, një ikonë e kinemasë botërore ka ndërruar jetë. Në vitin 2018, ai mori Luanin e Artë për Arritje të Jetës së bashku me Jane Fonda-n. Ishte një nga duartrokitjet më të gjata që mund të mbaj mend, qartë një shenjë e dashurisë së madhe që të dy gëzonin. Ai ishte një ikonë e kinemasë romantike të shekullit të njëzetë, një nga yjet më të vlerësuar, të njohur dhe të dashur të Hollivudit. Filmat e tij ishin ndër më të paguarit, por në të njëjtën kohë, ai ishte një nga kampionët më të mëdhenj të kinemasë së pavarur me Festivalin e tij të Filmit Sundance”, kujtoi drejtori i Festivalit të Filmit në Venecia, Alberto Barbera.
Barbera ndau gjithashtu një kujtim personal: “Atë vit, Presidenti i Republikës, Sergio Mattarella, po vizitonte gjithashtu Venecian dhe shprehu dëshirën e tij për ta takuar. Kështu që e shoqërova në Hotel Excelsior dhe ishte një moment mjaft intensiv: figura institucionale, karizma e Presidentit Mattarella nga njëra anë dhe një nga yjet më të mëdhenj të filmit nga ana tjetër, u kryqëzuan për një moment, me vlerësim të sinqertë nga të dyja palët”Top Channel
-
E papritur! Arrestohet ylli i “Breaking Bad”
Aktori amerikan Raymond Cruz, i njohur për rolin e tij si Tuco Salamanca në serialet e famshme “Breaking Bad” dhe “Better Call Saul”, është arrestuar në Los Angeles për një incident të pazakontë që përfundoi me akuzë për sulm të lehtë fizik.
Ngjarja ndodhi në lagjen Silverlake të LA-së, pranë banesës së aktorit 60-vjeçar. Sipas raportimeve, Cruz po lante makinën e tij në orët e para të mëngjesit të së hënës kur ndodhi incidenti. Një grua dhe vajza e saj, të cilat thuhet se ishin parkuar pas makinës së Cruz-it, u përfshinë në një debat verbal me aktorin, pasi ai u kërkoi të lëviznin automjetin.
Sipas burimeve për “The Mirror”, pas këtij debati, aktori dyshohet se ka spërkatur qëllimisht nënën dhe vajzën me tubin e ujit që po përdorte për larjen e makinës. Palët e përfshira kanë kontaktuar menjëherë policinë, duke pretenduar se akti ishte i qëllimshëm dhe përbënte agresion.
Përfaqësuesi i aktorit ka mohuar akuzat, duke thënë se ngjarja është keqinterpretuar dhe se Cruz nuk kishte qëllim të dëmtonte askënd. Ai mbetet në pritje të hetimeve të mëtejshme, ndërsa autoritetet po shqyrtojnë pamjet dhe dëshmitë e incidentit.
Ngjarja ka shkaktuar reagime në rrjetet sociale, ndërsa fansat e aktorit janë ndarë mes mbështetjes dhe skepticizmit.
The post E papritur! Arrestohet ylli i “Breaking Bad” appeared first on iconstyle.al. -
‘Mbretëresha e Ketaminës’ pranon fajësinë për pesë akuza në rastin Matthew Perry
Jasvin Sanga, e njohur si “Mbretëresha e Ketaminës”, është deklaruar fajtore për pesë akuza për shitjen e drogës që mund të ketë kontribuar në vdekjen e aktorit Matthew Perry. Gjyqi është duke vazhduar me katër të pandehur të tjerë që dyshohet se ndihmuan në furnizimin e Perry-t me ketaminë, duke shfrytëzuar varësinë e tij për përfitimin e tyre.
Sanga, një shtetase britaniko-amerikane, fillimisht i mohoi akuzat, por e ndryshoi deklaratën e saj në gusht 2025, vetëm disa javë para se çështja të shkonte në gjyq. Pas pranimit të fajësisë, gjykata e akuzoi atë për shitjen e ketaminës që çoi në vdekjen e Perry-t, ndërsa prokurorët e përshkruan shtëpinë e saj në Los Angeles si një “qendër shpërndarjeje droge”. Kontrolli pasues gjeti mbi 80 shishe ketamine dhe mijëra pilula droge, duke përfshirë metamfetaminë, kokainë dhe Xanax.
Ketamina, e njohur për vetitë e saj anestetike, është një substancë që vetëm mjekët e kualifikuar lejohen ta administrojnë.
Perry u gjet i vdekur nga një mbidozë e ketaminës, një substancë që ishte siguruar nga një grup që shfrytëzoi varësinë dhe reputacionin e tij profesional. Zyrtarët e FBI-së thanë se Sanga dhe bashkëpunëtorët e saj përfituan nga gjendja e dobët e aktorit, i cili kishte një histori të gjatë problemesh me drogën.
Pasi pranoi fajësinë, 42-vjeçarja përballet me një dënim me burg që mund të arrijë në 65 vjet , ndërsa procesi gjyqësor për të pandehurit e tjerë vazhdon. Midis tyre janë mjekë dhe bashkëpunëtorë të aktorit të cilët akuzohen për shitjen dhe administrimin e substancës, me gjyqin që pritet të përfundojë në dhjetor 2025. -
Homazhe në nderim të aktorit të njohur Naun Shundi, kolegët: Bota e teatrit do të jetë më e mangët
Në Teatrin “ArTurbina” u zhvilluan sot homazhet në nderim të aktorit të njohur Naun Shundi, i cili nda dje nga jeta në moshën 66-vjeçare pas një sëmundje të rëndë.
Në homazhe ishin të pranishëm miq, të afërm, familjarë, kolegë, qytetarë etj, të cilët i dhanë lamtumirën e fundit aktorit Shundi.
Aktori Bujar Asqeriu në një prononcim për mediet pas homazheve tha se “Nauni jo vetëm si artist universal, regjisor, aktor, dramaturg, por edhe si burrë fisnik që ishte ka lënë mbresa tek ne. Ishte nga këta artistët e mëdhenj, kokulur dhe modestë, që asnjëherë nuk i ra gjoksit që “jam unë”, por vepra e tij, puna dhe talenti i tij vlerësoheshin gjithandej”.
“Rruga e tij artistike është një rrugë që duhet ndjekur, sidomos nga të rinjtë, sepse ai la mesazhe paqe, dashurie dhe artistike në komunitetin artistik. I paharruar emri dhe puna e artistit të madh shqiptar Naun Shundi”, tha Asqeriu.
Vajza e aktorit Shundi tha se “edhe pse iku la diçka, dhe ajo që la është ‘Zonja e Bujtinës’, la jetën për atë teatër. Ai mendoi se do të jetonte. Iku pa na thënë asnjë fjalë. Babi po përgatitej për një shfaqje po nuk e përfundoi”.
Kineasti Edmond Topi u shpreh se “Shundi ishte vërtet i mirë, ishte si kasafortë, nuk fliste. Në optikën time ishte nga aktorët më brilantë që kemi pasur në një kategori të caktuar rolesh. Ai kishte bërë një teatër. Dashuria e tij për teatrin ishte e jashtëzakonshme. Ne takoheshim jo shumë shpesh, ai merrej me teatër, unë me film. Tentuam t’i bashkonim njëherë, por nuk na funksionoi”.
“Një gjë është e vërtetë, që bota e teatrit do të jetë më e mangët”, tha Topi.
Aktori i njohur Bujar Kapexhiu tha se “Naun Shundi një aktor i shkëlqyer i skenës shqiptare dhe i ekranit. Një njeri i mrekullueshëm, një shok i rrallë. Tërë jetën ia kushtoi artit dhe arriti suksese jo vetëm si aktor, por edhe dramaturg. Pasioni i tij bëri që të ngrejë vetë një teatër, të ndërtojë një teatër të vogël shumë komod në të cilin kanë interpretuar dhjetëra e dhjetëra talente të reja. Iku nga kjo jetë shumë shpejt, por ka lënë gjëra që do të jenë një shkollë në artin e teatrit dhe kinematografisë. Qoftë i përjetshëm kujtimi i tij”.
Naun Shundi dha një kontribut të çmuar për më shumë se katër dekada në fushën e aktrimit, regjisurës dhe dramaturgjisë. Gjatë karrierës së tij, Shundi interpretoi mbi 100 role në teatër dhe mori pjesë në rreth 20 filma.
Përveçse aktor dhe regjisor, ai ishte edhe themelues i teatrit të parë privat në Shqipëri, “Zonja e Bujtinës”.
Shfaqja e fundit që vetë Shundi shkroi dhe vuri në skenë ishte monodrama “Njeriu i Pyllit”./atsh/ KultPlus.com
-
“Babin e hëngri kanceri nga brenda”, e bija e aktorit Naun Shundit: Mendoi se do të jetonte
E bija e aktorit të njohur Naun Shundi, mes lotësh dhe dhimbjes së thellë, ka ndarë me mediat emocionet e saj pas ndarjes nga jeta të të atit.
Ajo tha se i ati iku pa lënë asnjë fjalë lamtumire, por la pas një trashëgimi të çmuar për artin shqiptar: veprën dhe jetën e tij të lidhur ngushtë me teatrin.
“Edhe pse iku, la diçka, dhe ajo që la është Zonja e Bujtinës. Ai ia kushtoi jetën teatrit. Mjekët nuk na e thanë dot që babi do të vdiste, askush nuk na e tha. Ai mendoi se do të jetonte. Babain e hëngri kanceri nga brenda. Babi po përgatitej për një shfaqje, por nuk e përfundoi,” u shpreh ajo mes dhimbjes.
Largimi i papritur i Naun Shundit lë një boshllëk të madh në skenën artistike shqiptare, ndërsa miqtë, kolegët dhe publiku kujtojnë me nderim figurën e tij dhe pasionin e pakushtëzuar për teatrit. -
Ndarja nga jeta e aktorit të njohur/ Homazhet për Naun Shundin, mbahen sot tek ArtTurbina
Homazhet në nder të aktorit të njohur Naun Shundin do të mbahen ditën e sotme. Mësohet se ceremonia e homazheve do mbahet tek ArtTurbina, rreth orës 10:30-12:00. Shundi vuante prej kohësh nga një sëmundje e rëndë.
Artisti u dërgua për trajtim të specializuar në një spital në Francë, por kostot e larta financiare detyruan familjarët që të kërkojnë ndihmë. Më pas ai u rikthye në Shqipëri, ku vijoi trajtimin mjekësor në QSUT, shpenzimet e së cilës u mbuluan nga ministria e Shëndetësisë
Naun Shundi është një nga figurat më të vlerësuara të skenës shqiptare, me kontribute të shumta në teatër dhe dramaturgji, si dhe themelues i një hapësire të veçantë kulturore përmes teatrit të tij.