Lajmidites.com

Tag: aktivitet

  • VIDEO/ Turiste, por jo për plazh… Dy shtetase kineze kapen në bazën e prostitucionit në Qerret, procedohen edhe 6 klientët

    VIDEO/ Turiste, por jo për plazh… Dy shtetase kineze kapen në bazën e prostitucionit në Qerret, procedohen edhe 6 klientët

    Foletë e prostitucionit me shtetase të huaja, vijojnë të lulëzojnë në vendin tonë. Tashmë, zonat më të frekuentuara dhe të kthyera si bazë prostitucioni janë ato bregdetare.

    Këtë të shtunë, Policia e Durrësit njofton finalizimin e një operacioni të koduar “Baza”, duke zbuluar dhe ndaluar një aktivitet të paligjshëm që zhvillohej në zonën turistike të Qerretit.

    Pas një hetimi dyjavor, të ndjekur me metoda proaktive, u arrestuan në flagrancë dy shtetase kineze, të identifikuara si C. Y., 42 vjeçe, dhe Y. Sh., 41 vjeçe, të dyshuara për ushtrimin e veprimtarisë së prostitucionit.

    Nga hetimet rezultoi se të arrestuarat kishin marrë me qira një apartament në Qerret dhe, përmes rrjeteve sociale, ofronin shërbime seksuale kundrejt pagesës që varionte nga 80 deri në 200 euro.

    Gjithashtu janë proceduar penalisht në gjendje të lirë 6 shtetas shqiptarë, të dyshuar si klientë që kanë përfituar nga ky aktivitet i paligjshëm.

    Të dyja kishin hyrë në Shqipëri si turiste, por në realitet ushtronin aktivitet të organizuar dhe të qëllimshëm për përfitim financiar.

    Gjatë kontrollit janë sekuestruar para në euro dhe dollarë, si dhe 2 telefona celularë që dyshohet se janë përdorur për komunikimin me klientët.

    Materialet procedurale i janë referuar Prokurorisë pranë Gjykatës së Juridiksionit të Përgjithshëm Durrës, për veprime të mëtejshme.

    Policia e Shtetit bën të ditur se operacionet për goditjen e rrjeteve të prostitucionit dhe trafiqeve të paligjshme do të vijojnë pa ndërprerje në të gjithë vendin.

  • Zaptim hapësirash publike në Vlorë/ 5 persona procedohen për aktivitet të paligjshëm

    Zaptim hapësirash publike në Vlorë/ 5 persona procedohen për aktivitet të paligjshëm

    Drejtoria Vendore e Policisë Vlorë vijon kontrollet për lirimin e hapësirave publike të zëna në mënyrë të paligjshme.
    Pesë persona janë proceduar penalisht për zaptim dhe ushtrim të aktiviteteve tregtare pa regjistrim.
    Rastet janë konstatuar në lagjet “11 Janari”, “Uji i Ftohtë” dhe “10 Korriku”. Policia apelon qytetarët të denoncojnë çdo shkelje në numrin 112.
    Njoftimi i policisë:
    DVP Vlorë
    Vijojnë kontrollet për lirimin e hapësirave publike të zëna në mënyrë të paligjshme.
    Procedohen penalisht nga Sektori për Hetimin e Krimeve Ekonomike e Financiare, 5 shtetas, për zaptim të hapësirës publike dhe për ushtrim të aktiviteteve tregtare pa u regjistruar.
    Strukturat e Drejtorisë Vendore të Policisë Vlorë, konkretisht Sektori për Hetimin e Krimeve Ekonomike dhe Financiare, në kuadër të kontrolleve në terren për lirimin e hapësirave publike të zëna në mënyrë të paligjshme dhe për verifikimin e ligjshmërisë së veprimtarive tregtare, kanë konstatuar 5 raste në shkelje.
    📍Në lagjen “11 Janari” u konstatua se:
    1️⃣ Shtetasi E. H. ushtronte aktivitet tregtar për dhënien me qira të automjeteve, në një hapësirë publike të zënë në mënyrë të paligjshme.
    2️⃣ Shtetasi I. D. ushtronte aktivitetin tregtar të llojit “Fast Food”, po ashtu në një hapësirë publike të zënë në mënyrë të paligjshme.
    📍Në lagjen “Uji i Ftohtë” u konstatua se:
    3️⃣ Shtetasi K. B. ushtronte aktivitet tregtar për parkimin e automjeteve, pa qenë i pajisur me NIPT dhe pa kasë fiskale.
    4️⃣ Shtetasi E. F. ushtronte po të njëjtin aktivitet, i papajisur me lejen e ushtrimit të aktivitetit dhe pa kasë fiskale.
    📍Në lagjen “10 Korriku” u konstatua se:
    5️⃣ Shtetasi M. I., 64 vjeç, ushtronte aktivitet tregtar për parkimin e automjeteve, në një hapësirë publike të zënë në mënyrë të paligjshme, i papajisur me lejen përkatëse dhe me punonjës të paregjistruar.
    Për të pesta rastet nisi procedimi penal ndaj shtetasve E. H., 32 vjeç, I. D., 58 vjeç, K. B., 39 vjeç, E. F., 46 vjeç dhe M. I., 64 vjeç, për veprat penale “Pushtimi i tokës”, “Fshehja e të ardhurave”, “Ushtrimi i një aktiviteti tregtar të paligjshëm ose të paregjistruar në organet tatimore” dhe “Punësimi i paligjshëm”.
    Drejtoria Vendore e Policisë Vlorë do të vijojë kontrollet për të ndaluar çdo shkelje që cënon hapësirat publike. Ftojmë qytetarët të denoncojnë çdo rast paligjshmërie, në numrin 112.

  • Gratë që qepin shpesh nuk do ta besojnë përfitimin që marrin nga kjo veprimtari

    Gratë që qepin shpesh nuk do ta besojnë përfitimin që marrin nga kjo veprimtari

    Për shumë njerëz, shumica dërrmuese prej tyre gra, qepja dhe thurja përfaqësojnë më shumë sesa thjesht një aktivitet i lirë, ato janë një mënyrë për t’u relaksuar dhe për të përmirësuar mirëqenien mendore.

    Sipas një studimi të publikuar në British Journal of Oçupational Therapy, kjo praktikë tradicionale po rikthehet si një mjet terapeutik, me përfitime të shumëfishta, që nga reduktimi i stresit deri te përmirësimi i funksioneve njohëse dhe fizike.

    Qepja dhe thurja kërkojnë përqendrim dhe përsëritje, duke nxitur një gjendje të vëmendjes së plotë (mindfulness), e cila ndihmon në uljen e ankthit dhe stresit dhe sjell një ndjenjë qetësie dhe kontrolli. Në të njëjtën kohë, angazhimi krijues kontribuon në rritjen e vetëvlerësimit dhe besimit në vetvete.

    Praktikimi i rregullt i këtyre aktiviteteve stimulon disa zona të trurit, duke përmirësuar kujtesën, përqendrimin dhe aftësitë për planifikim.

    Gjithashtu, lëvizjet precize dhe të koordinuara që kërkohen përmirësojnë aftësitë motorike të imta dhe koordinimin sy-dorë, përfitime të rëndësishme veçanërisht për të moshuarit, të cilët përfitojnë nga ruajtja e fleksibilitetit mendor dhe fizik.

    Përveç aspekteve individuale, qepja dhe thurja luajnë edhe një rol social. Aktivitetet në grupe, si punëtoritë apo klubet e qepjes, krijojnë hapësira për bashkëpunim, ndarje përvojash dhe ndërtim komuniteti.

    Në përfundim, studimi thekson se përfshirja e qepjes si aktivitet i rregullt mund të jetë një strategji efektive për përmirësimin e shëndetit mendor, zhvillimin e aftësive njohëse dhe fizike, si dhe pasurimin e jetës shoqërore. Syri.net-iefimerida

  • 400 makina luksi në 2 vjet dhe 33 milionë euro të padeklaruara, eksperti: Ku i gjejnë paratë? Shteti të ndërhyjë

    400 makina luksi në 2 vjet dhe 33 milionë euro të padeklaruara, eksperti: Ku i gjejnë paratë? Shteti të ndërhyjë

    400 makina luksi dhe 33 milionë euro të padeklaruara nga të ardhurat në internet, për ekspertin e ekonomisë Fatos Çoçoli janë një kambanë alarmi për strukturat tatimore dhe qeverisëse. Në studion e Ditarit me Bruna Çifligun në A2 CNN ai tha se Ministria e Financave dhe Këshilli i Ministrave duhet të disiplinojnë përmes udhëzime këtë kategori të ardhurash dhe t’i klasifikojë.

    “Kjo është zile alarmi, fakti që nuk i njeh syri i fiskalistit tonë. Të arrish të gjurmosh se ku del dhe si arkëtohet kjo e ardhur duhet të paguash pjesën që të takon. Ka qenë e vështirë edhe në vendet zhvilluara. Këto 2-3 vitet e fundit ka qenë intensifikuar ky aktivitet. Këto 33 milionë euro figurojnë, verifikimi është bërë nga transfertat bankare. Këto klikime në fund të muajit të sjell çekun kompania dhe ti nuk e deklaron duhet të mësojnë të deklarojnë tatimet duhet të bëjnë udhëzim të MF si të disiplinojnë këtë kategori të ardhurash dhe deklarim në DIVA. Duhet vendim i këshillit të ministrave ku të gjithë subjektet që kryejnë aktivitet në internet të klasifikohen. Ndër profesionistët e lirë janë edhe blogerët. Duhet të kenë edhe udhëzim të MF që në rast se nuk e deklaron këtë të ardhur që të vjen nga FB, Instagram atëherë ti je kundërshtim me ligjin. Duhet tatimet të japin orientimet e duhura që të mos jenë në kundravajtje me ligjin. Janë me qindra portale të regjistruara, nuk ka pse të mos regjistrohen edhe blogerët”.

    Një tjetër shqetësim që ngre eksperti Çoçoli janë 400 makinat e luksit të blera në 2 vjet nga të rinj, të cilët sipas tij nuk i justifikojnë se nuk figurojnë në asnjë aktivitet biznesi për t’i merituar.

    “Duhet veprim urgjent i strukturave tatimore që i kanë identifikuar këta 400 pronarë që fakti që nuk janë të regjistruar dhe nuk njihen nga shteti. Duhet të kontaktohen nga struktura tatimore dhe tu kërkohet se me çfarë mënyre është blerë. Nuk besoj se të 400 janë me kontrata dhurimi duhet të zgjohen dhe ta bëjnë është përgjegjësi e strukturave tatimore. Këta 400 persona nuk justifikojnë se nuk figurojnë në asnjë aktivitet biznesi për ta merituar të qenit pronar, të paraqesin dokumentet. Duhet të jenë shumica të rinj të tregojnë burimin e të ardhurave”.

    Kjo sipas Çoçolit tregon edhe pabarazinë e thellë sociale.

    “Pabarazia jonë sociale është shumë e lartë dhe tatimeve u takon detyra që të vënë drejtësi në vend. Për ata që kanë të ardhura dhe nuk figurojnë në regjistrat e shtetit, sigurojnë para shumë më tepër nëpërmjet aktivitetit në internet, ose kanë makinë që vetëm milionerët mund ta përballojnë. Në vendet e zhvilluara nuk janë djemtë e rinj me makina të shtrenjta”. (

  • 400 makina luksi dhe 33 milionë euro të padeklaruara, eksperti: Ku i gjejnë paratë?

    400 makina luksi dhe 33 milionë euro të padeklaruara, eksperti: Ku i gjejnë paratë?

    Janë 400 makina luksi dhe 33 milionë euro të padeklaruara nga të ardhurat në internet, që për ekspertin e ekonomisë Fatos Çoçoli janë një kambanë alarmi për strukturat tatimore dhe qeverisëse. Një tjetër shqetësim që ngre Çoçoli janë 400 makinat e luksit të blera në 2 vjet nga të rinj, të cilët sipas tij nuk i justifikojnë se nuk figurojnë në asnjë aktivitet biznesi për t’i merituar.
    ”Të arrish të gjurmosh se ku del dhe si arkëtohet kjo e ardhur duhet të paguash pjesën që të takon. Ka qenë e vështirë edhe në vendet zhvilluara. Këto 2-3 vitet e fundit ka qenë intensifikuar ky aktivitet. Këto 33 milionë euro figurojnë, verifikimi është bërë nga transfertat bankare. Këto klikime në fund të muajit të sjell çekun kompania dhe ti nuk e deklaron duhet të mësojnë të deklarojnë tatimet duhet të bëjnë udhëzim të MF si të disiplinojnë këtë kategori të ardhurash dhe deklarim në DIVA.

    Duhet vendim i këshillit të ministrave ku të gjithë subjektet që kryejnë aktivitet në internet të klasifikohen. Ndër profesionistët e lirë janë edhe blogerët. Duhet të kenë edhe udhëzim të MF që në rast se nuk e deklaron këtë të ardhur që të vjen nga FB, Instagram atëherë ti je kundërshtim me ligjin. Duhet tatimet të japin orientimet e duhura që të mos jenë në kundravajtje me ligjin. Janë me qindra portale të regjistruara, nuk ka pse të mos regjistrohen edhe blogerët.
    Nuk besoj se të 400 janë me kontrata dhurimi duhet të zgjohen dhe ta bëjnë është përgjegjësi e strukturave tatimore. Këta 400 persona nuk justifikojnë se nuk figurojnë në asnjë aktivitet biznesi për ta merituar të qenit pronar, të paraqesin dokumentet. Duhet të jenë shumica të rinj të tregojnë burimin e të ardhurave”,-tha në ”A2cnn”.

  • Imazhet satelitore tregojnë aktivitet në uzinën bërthamore iraniane, disa ditë para sulmeve amerikane

    Imazhet satelitore tregojnë aktivitet në uzinën bërthamore iraniane, disa ditë para sulmeve amerikane

    BBC raporton se ende nuk janë parë imazhe satelitore me rezolucion të lartë të vendeve të synuara nga SHBA-të në sulmet gjatë natës, por firma satelitore Maxar ka ndarë foto të kapura në ditët e fundit të uzinës së pasurimit të uraniumit në Fordow.

    Maxar thotë se fotot, të kapura më 19 dhe 20 qershor, tregojnë “aktivitet të pazakontë kamionësh dhe automjetesh” pranë hyrjes së objektit ushtarak nëntokësor.
    Në imazhin e mëparshëm, 16 kamionë mallrash është pozicionuar përgjatë një rruge hyrëse që të çon në hyrjen e një tuneli, dhe në imazhin e mëvonshëm, kamionët dhe buldozerët janë të dukshëm pranë objektit kryesor.
    Gërmime të reja mund të shihen aty pranë, me shenja të punimeve dheu, duke përfshirë edhe brenda hyrjeve të tuneleve, duke treguar se Irani mund të ketë qenë duke u përpjekur të përforcojë kompleksin në pritje të sulmeve.
    Një imazh i kapur të premten tregon gjithashtu mbrojtje të ndërtuara rishtazi në rrugë pak më shumë se një kilometër nga i njëjti vend, sipas Maxar.

    Top Channel

  • Dita e Çlirimit të Kosovës, në Gjenevë shfaqet dokumentari prekës

    Dita e Çlirimit të Kosovës, në Gjenevë shfaqet dokumentari prekës

    Me rastin e Ditës së Çlirimit të Kosovës, Konsullata e Përgjithshme e Republikës së Kosovës në Gjenevë organizoi një aktivitet përkujtimor dhe kulturor, ku u shfaq dokumentari me tematikë të thellë historike “Kthimi në Kosovë – Një histori lufte, qëndrese dhe ribashkimi”.Dokumentari ndjek historinë prekëse të Besnik Deliut, një fëmijë pesëvjeçar që i mbijetoi masakrës së Abrisë së Epërme në vitin 1998. Historia rrëfehet përmes përjetimeve të gazetarit britanik Julius Strauss, i cili shpëtoi Besnikun, si dhe përmes pamjeve autentike të dokumentaristit Vaughan Smith.Pas shfaqjes së filmit, u zhvillua një diskutim emocional dhe reflektues me pjesëmarrjen e vetë protagonistit, Besnik Deliu, gazetares zvicerane Veronique Pasquier dhe producente së dokumentarit, Lemane Kamberi-Muriqi.Në këtë aktivitet mori pjesë edhe Ambasada e Shqipërisë në Bernë, e përfaqësuar nga Këshilltarja Monika Zguro dhe Sekretari i Parë Valon Gashi.Të pranishmit theksuan rëndësinë e kujtesës historike, të vërtetës dhe drejtësisë për viktimat e luftës në Kosovë. Dokumentari dhe diskutimi pasues shërbyen si një homazh i denjë për sakrificën, qëndresën dhe dinjitetin e popullit të Kosovës në rrugën drejt lirisë.Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.Me rastin e Ditës së Çlirimit të Kosovës, Konsullata e Përgjithshme e Republikës së Kosovës në Gjenevë organizoi një aktivitet përkujtimor dhe kulturor, ku u shfaq dokumentari me tematikë të thellë historike “Kthimi në Kosovë – Një histori lufte, qëndrese dhe ribashkimi”.Dokumentari ndjek historinë prekëse të Besnik Deliut, një fëmijë pesëvjeçar që i mbijetoi masakrës së Abrisë së Epërme në vitin 1998. Historia rrëfehet përmes përjetimeve të gazetarit britanik Julius Strauss, i cili shpëtoi Besnikun, si dhe përmes pamjeve autentike të dokumentaristit Vaughan Smith.Pas shfaqjes së filmit, u zhvillua një diskutim emocional dhe reflektues me pjesëmarrjen e vetë protagonistit, Besnik Deliu, gazetares zvicerane Veronique Pasquier dhe producente së dokumentarit, Lemane Kamberi-Muriqi.Në këtë aktivitet mori pjesë edhe Ambasada e Shqipërisë në Bernë, e përfaqësuar nga Këshilltarja Monika Zguro dhe Sekretari i Parë Valon Gashi.Të pranishmit theksuan rëndësinë e kujtesës historike, të vërtetës dhe drejtësisë për viktimat e luftës në Kosovë. Dokumentari dhe diskutimi pasues shërbyen si një homazh i denjë për sakrificën, qëndresën dhe dinjitetin e popullit të Kosovës në rrugën drejt lirisë.

  • Xhubleta frymëzon të rinjtë e shkollave profesionale

    Xhubleta frymëzon të rinjtë e shkollave profesionale

    Trashëgimia kulturore shqiptare mori jetë në një aktivitet unik artistik, ku nxënës dhe mësues të shkollave profesionale nga Shkodra, Tirana dhe Elbasani sollën në skenë një spektakël mode të frymëzuar nga xhubleta – veshja e lashtë shqiptare e shpallur nga UNESCO si pjesë e trashëgimisë kulturore botërore.Në këtë aktivitet përmbyllës, tradita dhe moderniteti u shkrinë në një shfaqje krijimtarie e mjeshtërie, ku të rinjtë treguan se aftësimi profesional është një rrugë e fortë drejt vetërealizimit dhe inovacionit kulturor.Ministria e Ekonomisë, Kulturës dhe Inovacionit (MEKI) shprehu mirënjohje për përkushtimin dhe pasionin e nxënësve dhe mësuesve pjesëmarrës, duke vlerësuar këtë aktivitet si një dëshmi të fuqisë transformuese të edukimit profesional në ruajtjen dhe ripërjetimin e trashëgimisë.Xhubleta – veshje e grave të Malësisë, me origjinë që daton nga epoka e bronzit – u kthye në pikënisje për krijime bashkëkohore që ruajnë identitetin dhe shpirtin e saj unik. Aktiviteti tregoi se kjo veshje katërmijëvjeçare nuk është vetëm një relike historike, por një simbol i gjallë që mund të frymëzojë brezat e rinj.MEKI falënderoi për organizimin fondacionin “Tre Mariat”, Qendrën Antropologjike Xhubleta, AKPA për bashkëpunimin me shkollat profesionale, SDC/S4J për mbështetjen, Drejtorinë e Pronësisë Industriale për ndërgjegjësimin mbi mbrojtjen ligjore të krijimeve, si dhe mësuesit e drejtuesit e shkollave për përkushtimin e tyre të përditshëm.“Ky projekt është dëshmi se kur rinia, kultura dhe edukimi bashkëpunojnë, rrënjët dhe krahët ecin bashkë”, u theksua në përmbyllje të aktivitetit, i cili u zhvillua me mbështetjen e Albanian Night – një shtëpi e madhe e artit dhe mikpritjes shqiptare.Xhubleta shqiptare u pranua më 28 nëntor 2022 në Listën e Trashëgimisë Kulturore Jomateriale të UNESCO-s, si një pasuri unike që tashmë i përket gjithë njerëzimit.Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.Trashëgimia kulturore shqiptare mori jetë në një aktivitet unik artistik, ku nxënës dhe mësues të shkollave profesionale nga Shkodra, Tirana dhe Elbasani sollën në skenë një spektakël mode të frymëzuar nga xhubleta – veshja e lashtë shqiptare e shpallur nga UNESCO si pjesë e trashëgimisë kulturore botërore.Në këtë aktivitet përmbyllës, tradita dhe moderniteti u shkrinë në një shfaqje krijimtarie e mjeshtërie, ku të rinjtë treguan se aftësimi profesional është një rrugë e fortë drejt vetërealizimit dhe inovacionit kulturor.Ministria e Ekonomisë, Kulturës dhe Inovacionit (MEKI) shprehu mirënjohje për përkushtimin dhe pasionin e nxënësve dhe mësuesve pjesëmarrës, duke vlerësuar këtë aktivitet si një dëshmi të fuqisë transformuese të edukimit profesional në ruajtjen dhe ripërjetimin e trashëgimisë.Xhubleta – veshje e grave të Malësisë, me origjinë që daton nga epoka e bronzit – u kthye në pikënisje për krijime bashkëkohore që ruajnë identitetin dhe shpirtin e saj unik. Aktiviteti tregoi se kjo veshje katërmijëvjeçare nuk është vetëm një relike historike, por një simbol i gjallë që mund të frymëzojë brezat e rinj.MEKI falënderoi për organizimin fondacionin “Tre Mariat”, Qendrën Antropologjike Xhubleta, AKPA për bashkëpunimin me shkollat profesionale, SDC/S4J për mbështetjen, Drejtorinë e Pronësisë Industriale për ndërgjegjësimin mbi mbrojtjen ligjore të krijimeve, si dhe mësuesit e drejtuesit e shkollave për përkushtimin e tyre të përditshëm.“Ky projekt është dëshmi se kur rinia, kultura dhe edukimi bashkëpunojnë, rrënjët dhe krahët ecin bashkë”, u theksua në përmbyllje të aktivitetit, i cili u zhvillua me mbështetjen e Albanian Night – një shtëpi e madhe e artit dhe mikpritjes shqiptare.Xhubleta shqiptare u pranua më 28 nëntor 2022 në Listën e Trashëgimisë Kulturore Jomateriale të UNESCO-s, si një pasuri unike që tashmë i përket gjithë njerëzimit.

  • “Braktisen” minierat, MIE revokon 12 leje në janar-maj, shumica pasi nuk kryhet aktivitet

    “Braktisen” minierat, MIE revokon 12 leje në janar-maj, shumica pasi nuk kryhet aktivitet

    Ministria e Infrastrukturës dhe Energjisë (MIE) ka revokuar të paktën 12 leje minerare në periudhën janar maj të këtij viti.Sipas listës së bërë publike lidhur me vendimet e revokimit shkaqet e kësaj mase janë dy e para mungesa e aktivitetit minerar për një kohë të konsiderueshme dhe e dyta mospagesa e garancisë financiare që duhet të bëhet nga ata që zotërojnë një leje.Parë më në detaj për të paktën 8 raste është bërë konstatimi se në objektet minerare ku është konstatuar se nuk ushtrohet aktivitet. Konkretisht Agjencia Kombëtare e Burimeve Natyrore, pas verifikimit ka kërkuar në MIE revokimin e Lejeve Minerare të Shfrytëzimit kur është konstatuar se nuk ushtrohet aktivitet prej më shumë se një viti kalendarik. Janë miniera të shpërndara në disa rajone në vend si në Pogradec, Dibër Shkodër.Në të tjera raste, konkretisht katër prej tyre revokimi është kërkuar pas i nga ana e kompanisë që ka fituar të drejtën e shfrytëzimit nuk është bërë pagesa e garancisë financiare për rehabilitimin për vitin 2024. Kjo pagesë sanksionohet me ligj dhe duhet të paguhet çdo vit nga ana e kompanive që zotërojnë një leje minerare mbi një zonë të caktuar. Kjo shumë parash që duhet të sigurohet nga kompania në mënyrë që të përdoret për të kthyer në gjendjen e mëparshme terrenin.Nga sa konstatohet në vendimet e bëra publike pagesa e garancisë për disa prej lejeve të revokuara nuk është bërë për më shumë se një vit duke krijuar kështu detyrime më të mëdha të akumuluara.Më herët gjatë 2024-ës MIE revokoi 19 leje minerare ku përveç arsyeve të lidhura me mos ushtrimin e aktivitetit dhe pagesës së garancisë kishte edhe raste të mospërmbushjes së detyrimit që lidhet me planin e punës apo kur subjektet kanë bërë deklarime të pasakta pranë Agjencisë Kombëtare të Burimeve të Natyrës. Pra deklarimet nuk përputheshin me situatën faktike në terren ku subjekti ushtronte aktivitetin./ N.Maho  Ky është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.

  • Çfarë është ‘mërzitja’? Ja mënyra se si mund ta kaloni shpejt dhe thjeshtë

    Çfarë është ‘mërzitja’? Ja mënyra se si mund ta kaloni shpejt dhe thjeshtë

    Sa herë keni ndjerë mërzi? Ndoshta në pritje të gjatë te mjeku, gjatë një udhëtimi të zgjatur apo thjesht duke lexuar këtë artikull.
    Mërzia është një ndjenjë e zakonshme që në dukje duket negative, por që mund të shërbejë si një “alarm” për të ndryshuar diçka në jetën tonë.
    Çfarë është mërzia?Sipas ekspertëve si James Danckert, profesor i neuroshkencës, mërzia është një reagim ndaj mungesës së interesit ose kuptimit në atë që po bëjmë.
    Ajo na tregon se është koha të gjejmë një aktivitet më të vlefshëm dhe më stimuluese. Disa njerëz ‘dëgjojnë’ më mirë këtë sinjal dhe janë më të suksesshëm në përdorimin e mërzisë për të bërë ndryshime pozitive në jetën e tyre.Erin Westgate, psikologe sociale, shton se mërzia shfaqet kur nuk kemi vëmendje për një aktivitet, qoftë sepse është shumë i lehtë, shumë i vështirë apo thjesht i pakuptimtë.
    Ajo mund të jetë momentale, si gjatë leximit të një libri të mërzitshëm, ose e vazhdueshme, si në një punë që nuk na kënaq.
    Mos e ngatërro mërzinë me mungesën e aktiviteteve!Një nga keqkuptimet më të mëdha është që mërzia ndodh kur nuk ke asgjë për të bërë. Në fakt, edhe një ditë plot detyra monotone mund të sjellë mërzi.
    Dhe ndonjëherë, njerëzit që janë shumë të zënë, me shumë aktivitete, në të vërtetë dëshirojnë pak më shumë qetësi, jo më shumë argëtim.
    Si të shfrytëzojmë mërzinë në mënyrë pozitive?Ekspertët këshillojnë që mërzia të perceptohet si një sinjal për të ndryshuar drejtimin. Mund të ndezësh një podcast gjatë një detyre të mërzitshme ose të kërkosh një aktivitet kreativ në YouTube.
    Në raste kur nuk ke mundësi të largohesh nga situata, përpiqu të gjesh kuptim në atë që po bën.
    Mërzia nuk është gjithmonë e dëmshme, por nëse nuk menaxhohet mirë, mund të çojë në sjellje negative si vetëlëndim, ankth apo varësi nga alkooli dhe substanca të tjera.
    Një tjetër gjetje interesante është se mërzia nuk nxit domosdoshmërisht kreativitetin; në fakt, aktivitete mesatarisht interesante, si dushi apo shëtitja, janë më efektive për frymëzim.
    Çfarë të bësh kur ndihesh i mërzitur?
    1.Merr mërzinë si sinjal për të gjetur diçka që vërtet të pëlqen dhe ka kuptim për ty.2.Përdor mjetet teknologjike për të kaluar momente të shkurtra të mërzisë, por pa e bërë këtë zakon.3.Përpiqu të ndryshosh perspektivën për situatat e mërzitshme, duke i parë si pjesë të rëndësishme të jetës.4.Mos harro: pak mërzi është e dobishme për të zbuluar interesa të reja dhe për të zhvilluar vetveten.
    Jeta nuk ka pse të jetë një mjegull monotone e vazhdueshme, as nuk ka pse të jetë vazhdimisht emocionuese dhe e lumtur. Sipas, Van Tilburg, pak mërzitje është e dobishme për të zbuluar gjëra të reja dhe për të zhvilluar interesa të reja.