Lajmidites.com

Tag: aktin

  • Vrasja e gjyqtarit/ Ambasada britanike: Dënojmë aktin e rëndë, të merren masa urgjente për sigurinë e gjyqtarëve dhe integritetin e gjykatave

    Vrasja e gjyqtarit/ Ambasada britanike: Dënojmë aktin e rëndë, të merren masa urgjente për sigurinë e gjyqtarëve dhe integritetin e gjykatave

    Ambasada e Mbretërisë së Bashkuar në Tiranë ka reaguar pas vrasjes së gjyqtarit të Apelit me Juridiksion të Përgjithshëm në Tiranë, Astrit Kalaja, të hënën e 6 tetorit.

    Përmes një reagimi zyrtar në platformën sociale, Facebook, ambasada britanike teksa shpreh ngushëllime për vdekjen tragjike të gjyqtarit Astrit Kalaja dhe dënuar me forcë aktin e dhunës, bën thirrje për marrjen e masave urgjente.

    ‘Dënojmë fuqishëm aktin e dhunës dhe bëjmë thirrje për masa urgjente për të garantuar sigurinë e gjyqtarëve dhe integritetin e gjykatave’, thuhet në reagimin zyrtar të Ambasadës britanike në Tiranë.

    Kujtojmë se gjyqtari Astrit Kalaja u ekzekutua me tre plumba brenda sallës së gjyqit, teksa jepte vendimin kundër autorit të ngjarjes.

    Të plagosur mbetën edhe dy persona të tjerë, babë e birë, të cilët ishin palë në procesin gjyqësor, që zgjaste prej vitesh.

  • Policia rrethon ambientet e News 24, opozita dhe gazetarët dënojnë aktin si sulm ndaj medias së lirë

    Policia rrethon ambientet e News 24, opozita dhe gazetarët dënojnë aktin si sulm ndaj medias së lirë

    Një zhvillim ka shënuar orët e para të mëngjesit të kësaj të shtune, ku forca të shumta të Policisë së Shtetit kanë rrethuar ambientet e televizionit privat News 24, duke ndaluar gazetarët dhe punonjësit të hyjnë në vendet e tyre të punës. Aksioni, i cili çoi në ndërprerjen e sinjalit të transmetimit, është dënuar ashpër si një akt i paprecedent ndaj medias së lirë.
    Në vendngjarje, ku ndodhen redaksitë e News 24, BallkanWeb dhe Gazeta Panorama, të gjitha pjesë e Hysenbelliu Group, ishte i pranishëm edhe ish-drejtori i Policisë dhe aktualisht drejtues i shoqërisë shtetërore “KAYO”, Ardi Veliu. Ai pretendon se godina i takon institucionit që ai drejton, një pretendim që vjen pas një vendimi të qeverisë për kalimin e pronësisë tek kjo kompani.
    Reagimet e ashpra nga politika dhe gazetaria
    Ky veprim ka ngjallur reagime të forta jo vetëm nga opozita, por edhe nga gazetarë dhe figura publike, të cilët e kanë quajtur një sulm ndaj demokracisë.

    Sali Berisha e cilësoi aktin si “hakmarrje primitive” të kryeministrit Edi Rama ndaj televizionit. Ai akuzoi Ramën se po përpiqet të mbrohet nga lajmet e paanshme dhe investigimet gazetarëve për lidhjet me krimin dhe afera korruptive. Berisha e cilësoi këtë si “akt prej xhelati ndaj fjalës së lirë”.
    Klodiana Lala, gazetare e njohur e News 24, e quajti ngjarjen një “sulm i drejtpërdrejtë ndaj të drejtës kushtetuese për informim dhe ndaj lirisë së shtypit”. Ajo bëri thirrje urgjente partive politike, shoqërisë civile dhe ambasadorëve të huaj në Tiranë të reagojnë.
    Ilir Meta e dënoi aktin si “kriminal” dhe “veprim tepër i rrezikshëm i regjimit represiv të Ramaduros”. Ai shprehu solidaritetin e tij të plotë me gazetarët dhe kërkoi reagim të fuqishëm nga organizatat ndërkombëtare.
    Gazment Bardhi theksoi se ky është një “represion policor ndaj fjalës së lirë” dhe e quajti Ardi Veliun “kriminel” që po udhëheq “aksionin banditesk”.
    Ina Zhupa e cilësoi veprimin si një “akt taleban” që synon mbylljen e zërave kritikë dhe instalimin e diktaturës.
    Adriatik Lapaj shprehu solidaritetin me gazetarët dhe e cilësoi ngjarjen si një “qasje të dhunshme” ndaj një media që ka shërbyer si dritare për mendimin ndryshe.
    Jorida Tabaku theksoi se “kur regjimet kanë frikë nga e vërteta, dërgojnë policinë te dyert e medias” dhe se ky është një sulm i hapur ndaj demokracisë.
    Osman Stafa e cilësoi atë që po ndodh si “DIKTATURË”, duke theksuar se rreth 200 punonjës janë ndaluar të hyjnë në vendet e tyre të punës.

    Aksioni i policisë dhe ndërprerja e transmetimit kanë ndezur një debat të fortë publik mbi lirinë e medias dhe standardet demokratike në Shqipëri.

  • Bitcoin kapërcen vlerën rekord të 120 mijë dollarëve

    Bitcoin kapërcen vlerën rekord të 120 mijë dollarëve

    Bitcoin kapërceu vlerën e 120 mijë dollarëve mëngjesi e së Hënës duke arritur një objektiv madhor për kriptomonedhën më të madhe në botë ndrësa investitorët janë plot shpresa për politika lehtësuese fiskal ndaj kriptoaseteve.

    Kriptomonedha më e madhe në botë u ngjit deri në 122,838 dollarë sipas të dhënave të CoinGecko ndërsa aktualisht këmbehet me 122,568 dollarë.
    Ditën e sotme Dhoma e Përfaqësuesve në SHBA do të debatojë lidhur me një seri projektligjesh që i ofrojnë qartësinë rregullatore industrisë së aseteve dixhitale.

    Krijimi i lehtësirave për këtë industri ishte një premtim i presidentit Amerikan Donald Trump i cili e quan vetveten si presidenti “kripto” dhe bëri thirrje ligjvënësve që të rishikojnë bazën rregullatore.
    Rritja e Bitcoin, e cila këtë vit arrin në nivelet 29 përqind, nisi një furi për mbarë kriptomonedhat. Ether,  kriptomonedha e dytë më e madhe në botë u rrit në 3,059 dollarë, niveli më i lartë në 5 muaj ndërsa XRP dhe Solana u rritën me 3 përqind secila.

    Vlera e plotë e tregut arriti në 3,81 trilionë dollarë tregojnë të dhënat e CoinMarketCap.
    Më herët këtë muaj, Uashingtoni shpalli javën e 14 korrikut si “java e kriptomonedhave”, ku anëtarët e Kongresit pritet të votojnë për Aktin Genius, Aktin për Qartësi dhe Aktin kundër Shtetit të Mbikëqyrjes me CBDC.
    Projektligji më i rëndësishëm është Akti Genius, i cili do të krijojë rregulla federale për stablecoin-et. /PCWorld Albanian

  • Meta: Çdo qytetar, më 11 maj, do të kryejë aktin final të çlirimit të Shqipërisë nga plaçkitësit dhe grabitqarët

    Meta: Çdo qytetar, më 11 maj, do të kryejë aktin final të çlirimit të Shqipërisë nga plaçkitësit dhe grabitqarët

    Gazeta Standard është portali zyrtar i gazetës se përditshme “Standard”. Parimi ynë është informimi i thelluar i mbeshtetur ne objektivitet dhe investigim. “Behu pjese e lajmit”- eshte motoja jone kryesore qe fton lexuesit te jene pjese e jona

  • Meta: Më 11 Maj, qytetarët do të kryejnë aktin e çlirimit të Shqipërisë nga plaçkitësit

    Meta: Më 11 Maj, qytetarët do të kryejnë aktin e çlirimit të Shqipërisë nga plaçkitësit

    Kreu i Partisë së Lirisë, Ilir Meta në një mesazh në rrjetet sociale shkruan se çdo qytetar, më 11 maj, do të kryejë aktin final të çlirimit të Shqipërisë nga plaçkitësit dhe grabitqarët që vjedhin çdo ditë djersën dhe mundin e tij.
    “Vota juaj për mua do të shndërrohet në projekte zhvillimi dhe në mbrojtje, pa asnjë kompromis, të barazisë suaj përpara ligjit dhe në ndëshkimin e narkoqeverisë plaçkitëse dhe shitëse të kufijve të Shqipërisë”m shkruan Presidenti i Partisë së Lirisë.
    Mesazhi
    Çdo qytetar, më 11 maj, do të kryejë aktin final të çlirimit të Shqipërisë nga plaçkitësit dhe grabitqarët që vjedhin çdo ditë djersën dhe mundin e tij.

    Vota juaj për mua është një përgjegjësi e lartë, të cilës do t’i përkushtohem me të gjitha fuqitë dhe eksperiencën time.

    Vota juaj për mua do të shndërrohet në projekte zhvillimi dhe në mbrojtje, pa asnjë kompromis, të barazisë suaj përpara ligjit dhe në ndëshkimin e narkoqeverisë plaçkitëse dhe shitëse të kufijve të Shqipërisë.
    VOTO NR.1 Koalicionin “PD-Aleanca për Shqipërinë Madhështore”
    VOTO ILIR METAJ, deputet në Qarkun Tiranë.

  • Champions League/ PSG një hap larg finales, fiton aktin e parë me Arsenal

    Champions League/ PSG një hap larg finales, fiton aktin e parë me Arsenal

    PSG ka hedhur një hap drejt finales së Champions League, pasi ka fituar aktin e parë përball Arsenal në stadiumin “Emirates”, me rezultatin 1-0.
    Francezët u treguan të aftë të shënonin që në minutat e parë me Dembele dhe më pas përfituan nga tronditja e vendasve për të kontrolluar lojën dhe për të rrezikuar disa herë të tjera portën e Raja në pjesën e parë.
    Në të dytën, ata administruan rezultatin por duke mos lënë shumë hapësira për “topçinjtë”, që u shfaqën larg pritshmërisë në këtë sfidë.

    Kësisoj, me vërshëllimën përfundimtare ishte PSG që festoi një fitore minimale, por që i jep një shtysë të rëndësishme për të arritur finalen e madhe.