Lajmidites.com

Tag: akoma

  • OBSH: Situata në Gaza po vështirësohet, rezervat mjekësore po mbarojnë

    OBSH: Situata në Gaza po vështirësohet, rezervat mjekësore po mbarojnë

    Drejtori i Përgjithshëm i Organizatës Botërore të Shëndetësisë (OBSH), Tedros Adhanom Ghebreyesus, dha alarmin sot duke njoftuar se furnizimet mjekësore po shterohen në Rripin e Gazës, duke e bërë situatën akoma më të vështirë për banorët e këtij territori palestinez, që po përballet me pasojat e një lufte të vazhdueshme.

    Në një postim në platformën X, Tedros theksoi se furnizimet mjekësore janë të nevojshme për të shpëtuar jetë dhe se pa to, mund të përkeqësohen akoma më shumë kushtet e shëndetit publik në Gaza. Ai kërkoi heqjen e bllokadës izraelite që po pengon dërgesat e ndihmave humanitare në këtë zonë të shkatërruar nga lufta.

    Tedros shtoi se ‘jetët varen nga furnizimet mjekësore dhe ushqimore’, duke theksuar se situata është kritike dhe se çdo minutë e humbur mund të ketë pasoja tragjike për ata që janë të bllokuar në Gaza, përfshirë të plagosurit dhe ata që kërkojnë trajtim mjekësor urgjent.

    Kërkesa e OBSH-së për një hapje të menjëhershme të kalimeve për ndihmat humanitare dhe heqjen e bllokadës është bërë më e rëndësishme se kurrë, në një kohë kur shërbimet shëndetësore janë në limitin e kapacitetit dhe infrastruktura e Gaza-s është e shkatërruar. Syri.net-iefimerida.

  • Akoma pa bërë një javë nga Big Brother, Gjesti nis me koncerte

    Akoma pa bërë një javë nga Big Brother, Gjesti nis me koncerte

    Showbiz E Mërkurë, 23 Prill 2025 14:52
    Fituesi i edicionit të katërt të Big Brother VIP Albania, Gjesti, ka qenë sensacion i këtij viti.
    Me 184 ditë izolim nga Big Brother Kosova në atë të Shqipërisë, ai rrëmbeu zemrat e të gjithë publikut.

    Ndonëse nuk ka kaluar akoma një javë që nga përfundimi i këtij reality shou, këngëtari pejan po vazhdon me angazhime.
    Në një postim të ri, ai njofton se më 25 prill do të performojë në një klub të Tiranës.

    Nuk ka dyshim se Gjesti do të jetë një nga artistët më të kërkuar të këtij viti nëpër mbrëmje.
    Ai madje do të ketë edhe një çmim të lartë marrë parasysh famën e fituar këtë periudhë.
    I njëjti vlen të ceket se fitoi çmimin e madh prej 100 mijë eurosh nga Big Brother.

  • Mirëupafshim apo lamtumirë industria e rëndë?!

    Mirëupafshim apo lamtumirë industria e rëndë?!

    Sektori minerar po përballet si një pjesë e mirë e industrive në vend me mungesën e fuqisë punëtore kjo akoma edhe më e theksuar për këtë sektor duke pasur parasysh rajonet ku zhvillohet aktiviteti.
    Raporti i Inspektoratit Qendror, që referohet kontrolleve të bëra nga Autoriteti Kombëtar për Sigurinë dhe Emergjencat në Miniera (AKSEM), vë theksin në faktin se tashmë disa subjekte po mbyllin aktivitetin, kurse punësimet po bëhen në një moshë të madhe dhe pa eksperiencë.
    “Problematikat e hasura në subjektet minerare, janë problematika të cilat vazhdojnë ndër vite dhe sa po vijnë e po thellohen akoma më shumë, si mungesa e fuqisë punëtore, një problem që konstatohet pothuajse në të gjitha subjektet minerare dhe sa vjen e po behet akoma me i mprehtë. Kjo ka sjellë mbylljen e disa subjekteve dhe reduktim të aktivitet tek pjesa tjetër. Punëmarrësit janë të detyruar të punësojnë punonjës me moshë të madhe dhe pa eksperiencë pune në miniera, gjë që rrit riskun në punë”, thuhet në raport.
    Nga ana tjetër dokumenti qartëson se nuk bëhet fjalë më vetëm për minatorë të thjeshtë por për një mungesë edhe të specialistëve, pasi edhe në universitete nuk po diplomohen të rinj duke e bërë panoramën e sektorit pesimist.
    “Mungesa e drejtuesve teknik është përsëri një problem që po bëhet akoma më shumë i ndjeshëm. Mungesa e daljes së specialisteve të rinj nga Universiteti Politeknik po sjell një perspektivë të zymtë për industrinë minerare në vendin tonë”, thuhet në raport.
     
     

  • Minierat vuajnë mungesën e fuqisë punëtore, po detyrohen të mbyllen

    Minierat vuajnë mungesën e fuqisë punëtore, po detyrohen të mbyllen

    Sektori minerar po përballet si një pjesë e mirë e industrive në vend me mungesën e fuqisë punëtore kjo akoma edhe më e theksuar për këtë sektor duke pasur parasysh rajonet ku zhvillohet aktiviteti.
    Raporti i Inspektoratit Qendror, që referohet kontrolleve të bëra nga Autoriteti Kombëtar për Sigurinë dhe Emergjencat në Miniera (AKSEM), vë theksin në faktin se tashmë disa subjekte po mbyllin aktivitetin kurse punësimet po bëhen në një moshë të madhe dhe pa eksperiencë.
    “Problematikat e hasura në subjektet minerare, janë problematika të cilat vazhdojnë ndër vite dhe sa po vinë e po thellohen akoma më shumë, si: Mungesa e fuqisë punëtore, një problem që konstatohet pothuajse në të gjitha subjektet minerare dhe sa vjen e po behet akoma me i mprehtë. Kjo ka sjellë mbylljen e disa subjekteve dhe reduktim të aktivitet tek pjesa tjetër. Punëmarrësit janë të detyruar të punësojnë punonjës me moshë të madhe dhe pa eksperiencë pune në miniera, gjë që rrit riskun në punë” thuhet në raport.
    Nga ana tjetër dokumenti qartëson se nuk bëhet fjalë më vetëm për minatorë të thjeshtë por për një mungesë edhe të specialistëve pasi edhe në universitete nuk po diplomohen të rinj duke e bërë panoramën e sektorit pesimist.
    “Mungesa e drejtuesve teknik është përsëri një problem që po bëhet akoma më shumë i ndjeshëm. Mungesa e daljes së specialisteve të rinj nga universiteti politeknik, po sjell një perspektivë të zymtë për industrinë minerare në vendin tone” thuhet në raport.
    Lidhur me problematikat është konstatuar gjithashtu se pengesa që kanë shumë subjekte sipërfaqësore për fillimin apo vazhdimin e punimeve mbasi janë penguar prej strukturave të pushtetit vendor për heqjen e sipërfaqes së lejes së dhënë për shfrytëzim nga fondi pyjor e kullosor.
    Gjatë vitit 2024, AKSEM ka programuar 626 inspektime dhe ka realizuar 642 inspektime , nga të cilat 622 inspektim janë të programuara dhe 20 inspektime jashtë programi, pra rreth 3 %./ Monitor

  • Shuplaka e Jozit ndaj Gjestit, flet Loredana: Nuk kam folur me të! Distancohem nga ajo ngjarje

    Shuplaka e Jozit ndaj Gjestit, flet Loredana: Nuk kam folur me të! Distancohem nga ajo ngjarje

    Showbiz E Martë, 15 Prill 2025 22:01
    E ftuar në Fan Club, gjysmë-finalistja Loredana Brati tha se ndihet keq dhe distancohet nga veprimi që ka bërë Jozi ndaj Gjestit. Ajo se pas kësaj ka marrë vendime, por nuk zgjodhi t’i ndante, ndërsa tregoi se nuk ka pasur një takim apo komunikim me Jozin pasi dolën nga shtëpia.
    ”Vazhdon tensioni, akoma nuk ka pasur zhvillim situata. Do kisha pritur të shihja klipin, do kisha dashur ta kaloja kohën pas BB me Jozin dhe të diskutonim çfarë ka ndodhur kohët e fundit. Thjeshtë nuk ndodhi.

    Akoma nuk e di mirë se ku jam, ishte një pamje shumë e fortë që nuk është mirë që të shihej nga askush, distancohem komplet nga sjellja që ka pasur Jozi ndaj Gjestit, është e papranueshme dhe më vjen keq që e bëri.
    Familja ime ishte më shumë e preokupuar për qetësinë time. Nuk pendohem për asgjë në jetë, gjithçka ndodh për një arsye dhe duhej të ndodhte kështu. Nëse do kthehesha pas do bëja të njëjtin rrugëtim sepse mësova. Marrëdhënia me Jozin… kam marrë një vendim por akoma nuk dua të shprehem. Më ka bërë që të marr vendimet e mia, nuk dua ta agravoj situatën”, tha ajo.

  • “Tani keni palestra e shkolla europiane”/ Rama të rinjve në Kamzës: Prindërit tuaj i lanë në baltë ata të kënetës

    “Tani keni palestra e shkolla europiane”/ Rama të rinjve në Kamzës: Prindërit tuaj i lanë në baltë ata të kënetës

    Edi Rama: Historia e këtij parku është si historia jonë. Ky park ishte si Shqipëria kur e morëm ne. Ka shumë punime që janë mbjellë por ka akoma punë që duhet të vazhdojë deri sa të arrijmë objektivat tona. Por dua t’iu them diçka konkrete që janë të rëndësishme për kombin tonë me hyrjen në BE. Ajo pasaporta nuk është thjesht një dokument udhëtimi që ka ngjyrë tjetër, është diçka krejt tjetër. Kjo pasaporta këtu është një status i ri për shqiptarët. Me atë që kemi sot, në hyjmë në çdo kufi të BE-së, ne hyjmë në një korridor tjetër dhe fillojnë: Kur do shkosh? Sa lek ke? Dhe kur do ikësh? pa u futur akoma. Kjo ndodh sepse ne kemi vetëm liri vizite, jo qëndrimi. Më këtë pasaportën e re jeni qytetarë të barabartë me bashkëmoshatarët tuaj në Francë, Gjermani, Itali etj. Sot nëse doni të studioni në BE, jeni të huaj. Duhet të pranoheni në kuotat e huaja, nuk kërkoni dot punë sepse nuk keni leje. Duhet të kërkoni azil ose duhet të rrini fshehtas. Ndërkohë që më këtë pasaportën e re mund të shkoni ku të doni, të rrini ku të doni, të punoni apo studioni ku të doni. Pra Europa bëhet pa ekzagjerim si Shqipëria. Te shkosh në Itali apo Gjermani bëhet njësoj si të shkosh në Dibër apo Shkodër. Vetëm kaq sikur të jetë 11 maji, mendoj që është e mjaftueshme të vendosni nëse do votoni dhe pastaj besoj është shumë e qartë se kë duhet të votoni. Ndaj ju edhe moshatarët tuaj sot kanë zërin por edhe pushtetin të vendosin se kush do të rrijë këtu dhe kush jo. Juve ju ra bixha që në shkollë se keni ekip kampion në volejboll e basketboll se keni palestra. Prindërit tuaj dhe ata që s’janë bërë prindër akoma nuk i imagjinojnë dot këto palestra dhe shkolla si këto të Kamzës që janë europiane, po jo si çdo shkollë në Europë, por si shkollat më të mira europiane. Tani ju a mund ta imagjinoni se ata të kënetës që i lanë në baltë prindërit tuaj ta mbështesin Kamzën aq sa e mbështesin ne. Ata dinë vetëm Noc Rrokun se me kanë dëgjuar mua që e përdor dhe e përdorin dhe ata tani. Po do i’ua bëjmë një prezantim me Nocin me 12 maj, por kjo është një temë tjetër
     

    Top Channel

  • ‘Premtimet, të gjitha të realizueshme’, Igli Cara: Qytetarët kërkojnë zgjidhje për problemet reale

    ‘Premtimet, të gjitha të realizueshme’, Igli Cara: Qytetarët kërkojnë zgjidhje për problemet reale

    Kandidati për deputet i Partisë Demokratike në qarkun e Durrësit, Igli Cara, e ka cilësuar si të jashtëzakonshëm prezantimin e kandidatëve të koalicionit “Shqipëria Madhështore”, gjatë një takimi të mbajtur në qytet. Në një intervistë televizive, ai theksoi se ky aktivitet tregoi entuziazmin e madh të qytetarëve për ndryshim dhe gatishmërinë për të ndëshkuar keqqeverisjen.
    Sipas Carës, qytetarët e Durrësit i kanë mirë të freskëta kujtimet për kontributin e PD-së në qeverisje dhe janë të lodhur nga premtimet boshe të qeverisë aktuale. Ai veçoi tri shtylla të rëndësishme të programit të PD-së në këtë qark: zgjidhje për familjet durrsake, zhvillimi i qytetit dhe ndihma për të gjithë Shqipërinë.
    Duke u ndalur te problematikat konkrete, Cara përmendi gjurmët e pambyllura të procesit të rindërtimit pas tërmetit, mungesën e strehimit për mijëra familje, projektet e papërfunduara në arsim dhe mungesën e bonuseve të qirasë për familjet në nevojë. Ai akuzoi Partinë Socialiste për “asfalt elektoral” dhe përpjekje për të deformuar votën përmes investimeve të minutës së fundit dhe premtimeve të pambajtura.
    “Partia Socialiste mundohet që të bëjë truke për të deformuar votën. Nuk është vetëm në aspektin e premtimeve për shtëpitë, por edhe me rrugët që ne i quajmë ‘asfalti elektoral’. Janë investime që nuk do të vlejnë, sepse do të prishen përsëri pas pak kohe,” – u shpreh Cara.
    Ai gjithashtu kujtoi përvojën e tij në zgjedhjet e vitit 2023, kur kandidonte pa mbështetje të plotë strukturore dhe theksoi se tashmë PD është më e bashkuar dhe më e përgatitur për një betejë të vërtetë elektorale.
    “Tani duhet të shohim përpara. Kjo forcë politike ka bërë shumë për Durrësin dhe Shqipërinë, dhe durrsakët e mbajnë mend mirë se çfarë ndodhi në 2005 dhe më pas. Por e dinë po ashtu çfarë nuk është bërë në këto 12 vitet e fundit,” – theksoi Cara.
    Fjala e plotë:
    Dje në Durrës u bë hapja dhe prezantimi kandidatëve të koalicionit ‘Shqipëria Madhështore. Ishte një takim i shkëlqyer, entuziast me pjesëmarrje massive kuptohet por dhe me mesazh të qartë për çdo familje të qytetit të Durrësit për vetë qytetin por dhe gjithë Shqipërinë. Mos harrojmë që në këtë garë, ose në këtë fushatë ne shkojmë së pari, të paktën me tre kolona kryesore në Durrës. Çfarë do të bëjmë për këto familje durrsake, çfarë do të bëjmë për qytetin dhe çfarë do të bëjmë pse jo, për gjithë Shqipërinë.
    Premtimet janë, premtime të gjitha të realizueshme. Në takimet që kemi patur, kam vënë re që qytetarët mezi presin ndryshimin, madje shprehen shumë entuziast për një fitore sin ë vitin 2005. Mos harrojmë që në finale duhet të pranojmë faktin që PD dhe koalicioni, nuk është më si ai i viteve më parë. Tanimë gjërat kanë ndryshuar, sepse unë isha vetë kandidat në zgjedhjet e vitit 2023 dhe kuptova që çfarë do të thotë të jesh pa një forcë politike dhe pa komisionerë në ditën e zgjedhjeve.
    Kuptohet, pa vulë e pa siglën e partisë që përfaqëson. Të gjitha këto ndikuan, por gjithsesi këto i takojnë të shkuarës dhe tani duhet të shohim përpara.
    Kjo forcë politike ka bërë shumë për Durrësin dhe Shqipërinë, dhe durrsakët kanë memorie të qartë. E mbajnë mend mirë sesi ndryshoi në 2005-2009 e më vonë në 2010. Por kuptohet që kanë akoma të qartë se çfarë ka ndodhur në këto 12 vite. Kur çdo familje durrsake sot është më e varfër. Mos të harrojmë që gjurmët e rindërtimit janë akoma prezentë. Mos harrojmë që mijëra familje nuk janë strehuar akoma në shtëpitë e tyre.
    Akoma ne kemi shumë familje që nuk janë sistemuar akoma. Mos harrojmë dhe ato blloqet e apartamenteve që janë bërë në të gjithë zonën e ish-kënetës. Kemi akoma shkolla dhe gjimnaze që nuk janë përfunduar. Kanë prej dy vitesh që nuk kanë marrë as bonusin e qirasë.
    Si gjithmonë, Partia Socialiste mundohet që të bëjë truke për të deformuar votën. Dhe nuk është vetëm në këtë aspekt për premtimin e shtëpive, por mos harrojmë që kemi edhe investime në rrugë të ndryshme që ne i quajmë ‘asfalti elektoral’. Janë investime që nuk do të vlejnë se pas disa kohësh ato rrugë do të prishen përsëri dhe për më tepër kemi bërë shumë denoncime për shumë gjëra që PS i ka në program.

  • Leverkusen ngec në shtëpi dhe e afron Bayern akoma dhe më shumë me titullin, Monchengladbach bën gafën në shtëpi

    Leverkusen ngec në shtëpi dhe e afron Bayern akoma dhe më shumë me titullin, Monchengladbach bën gafën në shtëpi

    12 Prill 2025

    17:40

    Telesport

    Janë luajtur sot ndeshjet e javës së 29-të në Bundesligë. Leverkusen ka ngecur në shtëpi në barazim pa gola ndaj Union Berlin. Me këtë barazim të sotëm, Leverkusen i Xabi Alonsos i ka zbehur akoma dhe më shumë shanset për të mbrojtur titullin kampion.
    Momentalisht Bayern kryeson me 5 pikë më shumë se Leverkusen, por në rast se fiton klasiken ndaj Dortmund, diferenca do të shkojë në 8 pikë.
    Në ndeshjet e tjera, bie në sy humbja në shtëpi e Borusia Monchengladbach 1-2 ndaj Freiburg. Me këtë humbje, Monchengladbach renditet në vend të 7-të, aktualisht jashtë zonës së Europës. Në rast se do fitonte sot, do hynte fuqishëm në garë për zonën Champions. Me fitoren sotme Freiburg renditet në vendin e gjashtë, që të kualifikon në Conference League, por është vetëm 3 pikë larg vendit të katërt që të kualifikon për në Champions League.
    Në 3 sfidat e tjera, Bochum u mund 1-2 nga Augsburg, Hoffenheim fitoi 2-0 ndaj Mainz dhe Holstein Kiel u mund 1-2 në shtëpi nga St.Pauli.

  • Flamur Golemi krah Piro Dhimës: S’keni parë gjë akoma! Shumë më shumë do të jemi në 11 maj

    Flamur Golemi krah Piro Dhimës: S’keni parë gjë akoma! Shumë më shumë do të jemi në 11 maj

    Një ditë para nisjes zyrtare të fushatës elektorale për zgjedhjet e 11 majit, kryebashkiaku i Gjirokastrës, Flamur Golemi, ka mbledhur në një darkë kryetarët e disa organizatave socialiste në lagjen “18 Shtatori”. Mes tyre ishte edhe kandidati për deputet, Piro Dhima.
    “S’keni parë gjë akoma. Shumë më shumë do të jemi përgjatë këtij rrugëtimi të ri dhe sidomos në 11 maj për Shqipërinë në BE”, shkruan Golemi duke shprehur mbështetjen për kandidatin Piro Dhima, i cili garon gjithashtu në listën e hapur njësoj si Tërmet Peci, Shyqyri Hysi dhe Anila Dhimitri.

  • “12 vite në pushtet akoma premtoni si bufi”/ Rama-komentuesit: S’ka më të verbër se ai që i ka sytë, por refuzon të shikojë

    “12 vite në pushtet akoma premtoni si bufi”/ Rama-komentuesit: S’ka më të verbër se ai që i ka sytë, por refuzon të shikojë

    Kryeministri Edi Rama replikoi me një qytetar, që në një koment në rrjetin social “Facebook” i kërkon “të mos bëjë të njëjtat premtime si Sali Berisha”.

    “Po boll se keni 12 vjet në pushtet akoma premtoni njësoj si bufi”, shkruan qytetari, ndërsa kreu i Partisë Socialiste, thotë se gjatë viteve të qeverisjes ka bërë të kundërtën. “Unë bëj ato që them dhe them ato që bëj”, u shpreh Rama.
    “Jo, Vladimir, unë nuk kam 12 vjet që premtoj, po kam 11 vjet e 6 muaj që bëj ato që them dhe them ato që bëj. Se po të isha si bufi, edhe Shqipëria do ishte si e bufit, një vend që s’e merrte askush seriozisht, një vend i zhytur në borxhe dhe në kriminalitet, me mbi 100 e kusur vrasje në vit, me qytete të rrënuara nga harresa, me një turizëm që mbahej gjallë vetëm nga patriotizmi shqiptarëve në Kosovë dhe në Maqedoni. Po sot? Sot vetëm kush nuk do të shohë, nuk sheh dhe s’ka më të verbër se ai që i ka sytë, por refuzon të shikojë. Apo më shurdh se ai që i ka veshët, por nuk do e nuk do që të dëgjojnë”, u shpreh kryeministri.

    Top Channel