Lajmidites.com

Tag: ahmetaj

  • Zhdukja e ish-zv/drejtorit të AKSHI-t/ Berisha: Daniel Shima është tek Rama në Surrel!

    Zhdukja e ish-zv/drejtorit të AKSHI-t/ Berisha: Daniel Shima është tek Rama në Surrel!

    Lideri i PD-së Sali Berisha ka reaguar lidhur me zhdukjen e  ish-zv/drejtorit të AKSHI-t, Daniel Shima. Në një postim në facebook Berisha poston pjesë nga intervista që Arben Ahmetaj ka dhënë për gazetarin Çim Peka, në Syri Tv një vit më parë, ku dëshmon se ai ishte kërcënuar nga Rama për të mbyllur gojën. 

    “Daniel Shima është tek Rama në Surrel!” shkruan Berisha në postimin e tij

    Më 29 korrik 2024 ish-zv.kryeministri Arben Ahmetaj në një intervistë për Syri Tv, me gazetarin Çim Peka

    “AKSHI është tmerr. Danieli është kërcënuar. Tani ata që e kuptojnë e dinë shumë mirë që të mbylli gojën. Danieli është kërcënuar nga vetë kryeministri që të mbyllë gojën. Le të dalë e të bëjë batuta, jo tha…” deklaroi atëherë Ahmetaj.

    Çfarë tha policia?
    ‘Më datë 20.08.2025, rreth orës 17:00, në Komisariatin e Policisë Nr. 1 është paraqitur shtetasja M. Sh., e cila ka kallëzuar se ditën e sotme ka humbur kontaktet me djalin e saj, shtetasin D. Sh., 34 vjeç. Shërbimet e Policisë po punojnë për sqarimin e rrethanave të rastit dhe për gjetjen e tij’, informon policia e Tiranës.

  • Rama i jep monopolin e mjeteve të ushtrisë mikut të tij izraelit Ron Yeffet, si e akuzonte Arben Ahmetaj…

    Rama i jep monopolin e mjeteve të ushtrisë mikut të tij izraelit Ron Yeffet, si e akuzonte Arben Ahmetaj…

    Në 17 qershor ndodhi një transaksion i çuditshëm biznesi. Timak, një kompani që merret me prodhimin, konvertimin dhe montimin e konstruksioneve metalike dhe atyre plastike në automjete shiti 49 për qind të aksioneve të saj.
    Timak është një kompani e promovuar shumë fort nga qeveria kohët e fundit. Pronarja e saj, Arjeta Puca është ftuar në podcastin e kryeministrit Edi Rama, ndërsa ambientet e kompanisë në Kashar janë vizituar disa herë nga ministra të qeverisë.
    Edi Rama dhe Arjeta Puca
    Megjithatë zonja Puca vendosi të shesë 49 për qind të aksioneve të kompanisë së saj flamur, të trumbetuar aq shumë nga qeveria, për një çmim prej vetëm 490 eurosh. Blerësi ishte Ron Yeffet, një izraelit me nënshtetësi shqiptare dhe nën rrogoz shumë i afërt me Edi Ramën.

    Shitja 49 per qind te aksioneve te Timak per 490 euro
    Çfarë e nxiti zonjën Puca të shiste biznesin e saj kaq lirë?
    Gjithçka do të bëhej e qartë vetëm dy muaj më vonë. Shitja ishte një qitje me objektiv të qartë, krismat e të cilës u dëgjuan në zyrën e Ardi Veliut.
    Monopoli i automjeteve të ushtrisë
    Në kulmin e sezonit veror, teksa shumica e shqiptarëve ishin me pushime, saktësisht në datën 4 gusht, shoqëria shtetërore ushtarake Kayo dhe Timak themeluan një kompani të përbashkët. Kompania quhet Timak Defence dhe zotërohet 80 për qind nga Timak dhe 20 për qind nga shoqëria shtetërore Kayo.

    Themelimi i Timak Defence
    Objekti i shoqërisë është prodhimi ose përshtatja e mjeteve motorike te posaçme me një arkitekturë të hapur që lejon instalimin e sistemeve të armatimit dhe çdo sistem tjetër, që kërkohet nga forcat e armatosura apo struktura te tjera te sigurisë, për t’u përdorur nga Forcat e Armatosura të Republikës së Shqipërisë, strukturat e sigurisë dhe të emergjencave civile dhe klientë të tjerë vendas apo ndërkombëtarë.
    Me pak fjalë, kjo është shoqëria që do të ketë monopolin e furnizimit të ushtrisë, policisë, gardës, emergjencave civile etj.. me automjete. Vendi i ushtrimit të aktivitetit të shoqërisë do të jetë në ish uzinën e pjesëve të këmbimit të automjeteve, në Shkozë, në godinën ku ndodhej televizoni News 24.
    Pesë ditë pasi Ardi Veliu dhe përfaqësuesit e Timak formuan kompaninë e përbashkët, qeveria turri policinë dhe forcat ushtarake duke ngritur zgupthi gazetarët e Newsit nga godina.
    Monopoli i furnizimit të shtetit me automjete është një biznes shumë i madh, dhjetra milionë euro në vit. Por akoma mbetet e paqartë se cila është vlera e shtuar që krijon kompania. Duke qenë se Shqipëria nuk prodhon dot automjete, gjasat janë që ky të jetë një tregtim me pak vlerë të shtuar, me kompaninë e re Timak Defence, që importon mjete nga jashtë dhe i përshtat në vend.
    Biznesmen apo sekser?
    Ron Yeffet nuk është një emër i panjohur për publikun në Shqipëri. Ai tentoi të hynte si themelues i kompanisë Air Albania, por pasi bleu 23 për qind të aksioneve të kompanisë mëmë MDN u largua menjëherë pas një muaji. Flitet pas përplasjeve që pati me Sinan Idrizin. Megjithatë kjo ishte vetëm një nga aventurat e Yeffet në Shqipëri. Të tjerat kanë qenë edhe më të bujshme.
    Në janar të këtij viti, ish ministri i Financave, Arben Ahmetaj deklaroi publikisht se Rama i kishte kërkuar t’i shiste borxhin publik të Shqipërisë zotit Yeffet.
    “Kam një episod më kreun e organizatës dhe një mikun e vet izraelit te kopshti i luleve. Se përveç kopshtit të Edenit, ka edhe dhomën e luleve ku ha. Më ka kërkuar në tryezë me mikun e vet, unë isha përpara daljes në Eurobond, në 2018, që t’ia kaloja borxhin privatish (private selement) mikut të vet. Ka këmbëngulur dy herë. I kam thënë nuk bëhet. Nuk është në interes të Shqipërisë,” deklaroi Ahmetaj në një intervistë për Syri Televizion.

    Rama nuk iu përgjigj asnjëherë konkretisht akuzave të rënda të ish zëvendësit të tij Ahmetaj, por u mjaftua duke deklaruar se nuk komentonte akuzat e njerëzve që kanë probleme me drejtësinë. E megjithatë, këtu kishte më shumë se sa thjesht akuzë.
    Përveç borxhit, Ron Yeffet tentoi dhe një tjetër aventurë në Shqipëri. Kjo ishte marrja e ambasadës shqiptare në Shtetet e Bashkuara të Amerikës për të ndërtuar në territorin e saj edhe njësi rezidenciale.
    Edhe ky është një denoncim i bërë nga Ahmetaj, por Kapitali e ka verifikuar atë nga tre burime të pavarura, të cilët ishin të përfshirë në këtë çështje. Në fakt, ky nuk ishte një plan nga hiçi. Zoti Yeffet kishte tentuar diçka të ngjashme në Senegal, me ndërtimin e godinës për delegacionin senegalez në OKB.
    Tentativa e privatizimit të truallit sovran të Shqipërisë në SHBA nuk shkoi në fund, pasi u kundërshtua nga ish ministri i Jashtëm në atë kohë, Ditmir Bushati, i cili refuzoi të firmoste tjetërsimin e ambasadës. Por Ron Yeffet nuk u dorëzua.
    Miku i kryeminstrit
    Zoti Yeffet është një mik i afërt me kryeministrin Edi Rama. Të dy janë parë bashkë në më shumë se një rast.
    Edi Rama dhe Ron Yeffet
    Ndërkohë që disa media kanë raportuar se Rama dhe Yeffet janë takuar shpesh edhe jashtë syve publikë. Një takim i tillë mendohet se ka ndodhur në sallën VIP të një aeroporti.
    Disa zëra afër zotit Rama thonë se Ron Yeffet është si një tip konsulenti i kryeministrit për çështje private financiare. Por sërish këto mbeten gjithmonë në kontekstin e thënieve të pavërtetuara. Ajo që është e vërtetuar, është fakti se Rama dhe Yeffet janë miq si dhe fakti tjetër se zoti Yeffet ka një background jo shumë të kulluar.
    Përveç Edi Ramës, zoti Yeffet është mik edhe i disa udhëheqësve afrikane. Njëri prej tyre është ish presidenti senegalez Macky Sall, i cili u largua nga pushteti vitin e kaluar. Zoti Sally dhe Edi Rama kanë dy të përbashkëta. Përveçse janë të dy miq të Yeffetit, të dy kanë patur fatin të shohin udhëheqësit e opozitës të burgosur vetëm pak kohë përpara zgjedhjeve. Por këto mund të jenë thjesht rastësi.
    Ron Yeffet ne Senegal
    E megjithatë ashtu si në Shqipëri, edhe në Senegal zoti Yeffet kishte arritur të siguronte një llokmë të madhe nga afërsia e tij me udhëheqësin. Qeveria senegaleze e Sallyt i kishte dhënë biznesmenit izraelit 10 mijë metër tokë shtetërore në bregdetin e Dakarit për të ndërtuar aty një marinë dhe kulla rezidenciale. Por projekti nuk shkoi asnjëherë në fund.
    Sepse në Senegal, ndryshe nga Shqipëria, rrotacioni politik nuk është një koncept i huaj. Menjëherë pas ish presidenti Sally u largua nga pushteti, qeveria e re e opozitës e anulloi kontratën me Yeffet dhe e rishtetëzoi tokën me argumentin se marrëveshja ishte aferë e pastër korruptive.
    Por ndërsa nga Senegali e ndoqën, zotit Yeffet i qeshi fati në Shqipëri. Dhe Shqipëria ndryshe nga vendet afrikane, për biznesmenët e këtij soji ofron shkallën më të lartë të sigurisë juridike; mungesën e rrotacionit politik./ Kapitali.al

  • Origjina e Kabashit të Prizrenit

    Origjina e Kabashit të Prizrenit

    Burrat e Kabashit te Prizrenit ne burgun e Nishit

    Me rastin e botimit te librit “Rrustem Kabashi (Rrustë Kabashi) dtl;1835-vd.1910″ vizitova Ferit Kabashin. Feriti eshte djali i Hysenit, ndersa Hyseni eshte djali Zenunit, ndersa Zenuni eshte djali Haxhi Rrustës, e Haxhi Rrusta eshte djali i Rexhepit dhe Rexhepi eshte djali i Balas dhe Bala eshte i Hasan Kabashit. Familja e Ferit Kabashit dhe kusherinjeve te tjere si Xhemil Kabashi, Lulzim Kabashi etj ndodhen ne tokat e te pareve te cilet ia paten ble Iljaz Agez ne verilindje te Prizrenit te cilet vite me vone zbriten ne vendin qe sot quhet Korishë. Ferit Kabashi ka tre djem; Gazmend, Enver dhe Rifat. Ndersa nga brezat e tjere te Haxhi Rruste Kabashit jane ato te Brahimit te cilet jane shtuar ne disa breza dhe me te njohurit nder ta jane: Adem Kabashi. Ndersa ana e breznis tjeter pra te Salihut i cili eshte djali i Selmanit dhe ky i Bala , u shtu Salihu me dy djem, Bala  dhe Selman Kabashi te cilet po ashtu u shtuan ne breza.

    Kabashasit e Korishes , sepaku ato te shtepise se Hasan Kabashit te paret e te cilit jane prej fshatit Kabash i Pukes, Shqiperi. Kujtesa popullore e pukjaneve tregon se; “Fshati Kabash i Pukes ka qene shume i popullur aq sa macet kalonin nga çatia ne çati.” Popullimi i fshatit Kabash u shtua sidomos kur Shkodra pas vitit 1485 u be qender tregtare. Te gjithe tregtaret e Dardanis (Kosoves) pershkruanin kryesisht rrugen e madhe te Kabashit ne Puke. Kjo rruge ka disa emra; Rruga e Karvanave, Rruga e Gjakoves etj.

    Ne fshatin Kabash perveç kishes se Shen Palit , u ndertua rreth vitit 1523 mesxhidi i pare , ku udhetaret mysliman dhe jo vetem mund te kryenin faljen e namazeve. Pas disa vitesh mesxhidi kthehet ne xhami duke u sherbyer myslimaneve per te gjitha ritet fetare islame.  I pari qe u mysliman ne Kabash te Pukes ishte Hadër Leka ,i cili meson se vellau i madh Koka eshte terbuar dhe se do e vras per kete Hadri me nje pjes te familjes vendos te shkoj ne Dardani (Kosove) por Koka i vihet pas dhe e arrin tek Ura e Vezirit ku e vret. Burrat e Kabashit nuk ia falen Kokes krimin e bere duke i heq parin e vendin dhe duke ia dhan drejtimin  e vendit Qaf Lekes i cili po ashtu behet mysliman.Nen shembullin e familjes se Hader Lekes edhe familjaret e Qaf Lekes pranun islamin po ashtu edhe shume familje te tjera fisnike te Kabashit. Me kalimin e kohes ne fshatin Kabash u ndertuan disa hane, si dhe mejtepi i xhamise se fshatit Kabash, madje çdo vit nga xhamia deri afer kishes zhvillohej panairi i tregtis. Ne shume raste mbledhjet e kunvendit zhvilloheshin ne hajatin e xhamise se fshatit Kabash pasi pothuajse te gjithe veprimtarit tregtare, kunvedore etj zhvilloheshin prane xhamise se fshatit Kabash, kjo per faktin se afer saj ndodhej Hani i xhamis (hani i hoxhes), Imarati (vend ku grumbullohej dhe shperndahej ushqim per banoret) si dhe institucione te tjera.Dinamika e jetes ne fshatin Kabash dita dites shtohej, por toka ishte ajo qe ishte. Per shkak te mungeses se tokes shume familje Kabashasish filluan te migrojne si fillim brenda fisit te Kabashit, pershembull i pari i Kopajve (Kopani) u vendosen tek stanet e vjetra te fshatit Kabash, sot ky vend quhet fshati Meçe. Ndersa disa te tjere u larguan totalisht nga zona e fisit te Kabashit duke migruar kryesisht ne: Kosove ne vendet e si: Prizren (Korish, Kabashi i Hasit te Prizrenit), Pejë (Gurrakoc, Tomoc) Viti (fshati me i madh ne Viti quhet Kabash dhe ka mbi 400 shtepi), Skenderaj (fshati Polac), Gjakovë, Anamoravë, Kllokot, Kaçanik, Prigod  etj. Ndersa ne Shqiperi u vendosen ne: Shkoder (Zadrim, Hajmel, Dajç), Kukes (Bicaj, Novosej etj), Has (Krum), Diber, Mat, Elbasan, Gramsh, Durres (te ardhur nga Kosova), sigrusisht edhe ne Ersek (Kolonje) nga ky mendohet eshte edhe origjina e vjeter e Kabashasve. Kabash ka edhe ne Saraj te Shkupit.Nder ato qe u larguan nga fshati Kabash i Pukes ishte nje pjese e familjes se Hader Lekes i cili thuhet se kishte dy djem Ahmeti dhe Zeneli. Disa thone se nga Kabashi i Pukes kan migruan ne Prizren kater vllazni: Hyseni (Cenajt), Bala (Balajve), Muça (Muçajt) dhe Veseli. Gjithsesi Kabashasit e Prizrenit dhe jo vetem jan prej Kabashit te Pukes te cilet thuhet se u vendosen ne Prizren rreth vitit 1730 pikerisht ne verilindje te Prizrenit. Ne verilindje te Prizrenit teksa po kerkon toke per te ble, tokohen me Iljaz Agen prej te cilit i kerkojne blerjen e nje hapsire toke. Pas bisedimeve Iljazi pranoj t’ju jap toke aq sa te mbjellnin nje kale grure (theken), por burrat e Kabashit u treguan te zgjuar duke mbjell grurin aq rralle saqe zun gjithe podinat ne dy anet e lumit. Kur gruri i rrit vjen Iljaz Aga i cili e kuptoj veprimin e zgjuar dhe me veten e tij tha: qenkan te zgjuar. Iljazi u paska thene: Ju paskeni zan gjith vendin! Burrat e Kabashit i thone: Ne çfare te duash te bajme be se ne kemi mbjell vetem nje kal grure.Te lumi afer tokave te Kabashasit ndertuan tre mullinje, keshtu ata u ben te njoftur si mullixhinje te zot. Pasuria e tyre u shtua aq sa blen troje dhe toka edhe ne qytetin e Prizrenit.Tek banimet e vjetra te fshatit Kabash ne majet te kodres ndodhet nje kala e vjeter. Thuhet se i perket shekullit te 6-te. Historianet kan shkruar se eshte vendbanim i vjeter Ilir duke permendur ketu Kishen e Keqe (Kisha e Shen Pjetrit) e cila ndodhet brenda shpelles. Thuhet se pikturat murale te kishes i perkasin shekullit te 6 apo 7. E permenda kete per te treguar se Kisha e Shen Pjetrit nuk eshte kishe Serbe por Ilire. Disa thone se ish kan nje murg shqiptar i quajtur Shen Pejtri i cili jetoj aty si asket me qellim afrimin me perendin. Ndersa serbet per kete vend thone se quhet Sveti Petar dhe eshte manastir serb mirepo kjo eshte trillim. Serbet nen doktrinen famkeq te Stefan Dushanit dhe shume me von nen drejtimin e kryeministrit serb Nikolla Pashiqi ne vitin 1912 ushtria serbe hyri ne Prizren e cila vazhdoj edhe me tej deri ne Flet,Puke. Ndryshe nga disa kufitar te Pukes, pukjanet dhe ne veçanti fshati Flet me ne krye te hoxhes Osman Hoxhen (dtl.1847-vd.1912) luftuan trimerisht kunder ushtrise serbe. Aq trimeri truguan Fletasit dhe Hoxha Osman Hoxha sebashku me muezinin e tij Bajram Neziri sa u thuren keto vargje:

    Kush e nisi luften me serb?Osman Hoxha past rahmet!Osman Hoxha e Bajram Neziri.Qesi djemsh na i ka Fleti!S’i ka krajli, s’i ka mbreti!Gjasht taborre kan mbet prej heri!Gjasht taborre kan mbet prej i ditDy mije vete kan dal komit.

    Ne vitin 1913 brenda shpelles apo Kishes se keqe ushtria serbe masakroj 90 burra te cilet ishin prej breznis se: Ahmetaj, Rexhaj, Kukaj, Balaj, Dullaj, Ukaj, Zekaj, Muçaj, Bobaj etj qe te gjithe fis te Kabashit thote Avdi Ibrahimi (19.9.2009). Sapo hyri ushtria serbe nen drejtimin e Spirrë, ia ndryshoj emrin e fshatit Kabash dhe e quajti “Sveti Petar“. Per masakren e Kabashit rapsodia popullore thuren vargjet:Po vjen Spirra ne kali t’bardh,Bashke me Filen, si bajraktar.Po vjen Spirra tuj u livdu,Per shiptar sa i ka shkurtu.Krali s’ka kapeten si mue,Gradat flake, mi ka çu!Flak mu gradat qi mkan ardh,Se i kam pre nentedhet shqiptar.Po kallxon me goj te vet,I kam pre Kabashin nentedhjet,Kah jane shqiptaret te vertet!”

    Nje pjese e listes se te masakruarve ne vitin 1913 shpella ose Kisha e Keqe , ose manastiri i Shen Markut;

    1. Abaz Iljaz Ahmetaj2. Abdullah Arif Ahmetaj3.Abdullah Deme Rexhaj4.Abdullah Rexhaj-Mehmetukaj5.Abdyl Ram Ahmetaj6.Adem Halit Dullaj7.Adem Uke Rexhaj (Imam-Hoxhe)8.Ali Myrtez Dakaj9.Ali Mehmet Ahmetaj10. Ali Dem Kukaj11.Ali Hajdin Memaj12.Ali Uke Ukaj13.Arif Shaban Ahmetaj14.Arif Uke Ukaj15.Asllan Rrahman Dullaj16.Bafti Hajdar Muçaj17.Bajram Syl Ahmetaj18.Bajram Abaz Ahmetaj19.Beqe Zenel Ahmetaj20.Beqir Adem Rexhaj21.Besim Bajram Dakaj22.Brahim Rexhep Ahmetaj – Zekaj23.Dem Ahmet Ahmetaj24.Fazli Fetah Ukaj25.Hajrullah Arif Ahmetaj26.Hajrush Shaban Memaj27.Hasan Beqir Ahmetaj28.Haxhi Jemin Memaj29.Hazir Adem Dullaj30.Hazir Rrahmman Dullaj31.Hyse Adem Dakaj32.Imer Bajram Dullaj33.Ismajl Rame Bobaj34.Isuf Et’hem Ahmetaj35.Jashar Arif Ukaj36.Kadri Adem Ahmetaj37.Liman Myrtez Dakaj38.Maliq Bajram Balaj39.Maliq Torbani-Lubizhd40.Miftar Hajdar Muçaj41.Mustaf Hajdar Muçaj42.Qerim Rame Ahmetaj43.Ram Rexhep Ahmetaj44.Rame Jemin Ahmetaj45.Rexh Iljaz Ukaj46.Rexhe Rrahman Dullaj47.Rrahman Halil Dullaj48.Rushit Beq Ahmetaj49.Sadik Et’hem Ahmetaj50.Sadri Adem Ahmetaj51.Sali Adem Dakaj52.Sejdi Jemin Memaj53.Selim Rexhep Ahmetaj54.Skender Mal Dakaj55.Syl Abaz Ahmetaj56.Shaban ArifRexhaj57.Shaban Dem Rexhaj58.Shaban Rame Ahemtaj59.Shaban Zenun Memaj60.Sherif Rrahman Dullaj61.Tahir Dervish Muçaj62.Tahir Mal Dakaj63.Xhem Adem Rexhaj64.Zeqir Abaz Bobaj65.Prene Qetaj-fshati LutogllavListe e perpiluar nga Qazim Kabashi me artikull: “Masakra e Kabashit te Prizrenit (mars-prill 1913)” Lista vijon me masakren e bere me date; 01.04.1913 tek ara e Ograj, vijon me masakren tek perroni i Duhit dhe te vrare ne vende te ndryshme.

    Lista e te burgosurve ne burgun e Nishit:

    1.Ali Hasan Ahmetaj2.Liman Beqir Ahmetaj3.Ahmet Sahit Abazi4.Isuf Uk Ukimeri5.Hasan Sali Bobaj6.Beslim Rexhep Ahmetaj – Nura7.Rustem Adem Gegaj8.Veli Izlam Ahmetaj9.Jemin Ram Ahmetaj10.Ahmet Sahit Ukaj11.Uke Imer Ukaj12.Ramadan Haxhi Rexhaj13.Xhun Rrahman Dullaj14.Shaqir Abdyl Ahmetaj15.Miftar Bajram Memaj16.Ahmet Rrustem Ahmetaj17.Gjem Rrahman Dullaj18.Abdyl Ali Kukaj19.Gjem Mustaf Kabashi20.Nje Kabashas i Gjonajve.

    Kjo tregon per trimerin dhe Atedhe dashurin e burrave te Kabashit ne mbrojtje te Fisit e Kombesise. Ne fshatin Kabash vijon tr ruaj  toponimet shqiptare si dhe te pareve me emra si: Curri i Haxhis, Ara e Hysenit, Fusha e thate, Boka, Guri i keq, Kalaisht, Kodra e madhe, Ahishta, Mrizet, Firaj etj.

    Xhamia e fshatit Kabash, Puke. Fotografi e vitit 1940

    Mbi origjinen e Kabashasve te Prizrenit (Korishë) kan shkruan disa historian si: Ippen (ish konsull i Austro Hugaris ne Shkoder) qe thote: “Meqense krahina e fisit te Kabashit ne Puke eshte mjaft e ngushte dhe jo shume e pershtatshme… prej kohesh ka ndodhur te kete pasur emigrim te madh, i cili eshte drejtuar kryesisht ne Prizren. Ne afersi te ketij qyeti ka mjaft fshatra me banore nga fisi i Kabashit , dhe ne qytet gjen mjaft pinjolle te ketij fisi.”Edhe Nopça duke u mbeshtetur ne nje raportim te ish konsullit Rus ne Prizren Ivan Stepanoviç Jastrebov (1839-1894) i cili ka shkruar: “Stergjysherit e Kabashasve kishin ardhur nga Janina 400 vjet me pare. Ne suazen e rajonit te Kabashit ishte edhe nje grup i quajtur Qelza, afer vendndodhjes se tanishme me te njejtin emer. Perfaqesuesi me i hershem i fisit te Qelzes , nese mund te konsiderohet si fis i veçant, ishte nje familje autoktone e quajtur Pervoci qe jetonte afer kishes se famullise se Qelzes (kisha e Shen Palit)…” Sipas Nopçes thuhet se: “Ne vitin 1736 disa banore te Kabashit te Pukes u shperngulen ne Prizren.”Studiuesit Nikolle Gazulli shkruan: “Ne Mollas te Elbasanit gjendet nje lagje Kabash, por nje tjeter lagje (mahall) kemi edhe ne Krume te Hasit qe mund te jete prej Kabashit te Pukes , sikurse ata afer Prizrenit.”Prof. Dr. Mehmet Halimi rreth vitit 1980 duke hulumtuar mbi te folmen e Kabashit te Prizrenit shkruan: “Sipas tradites gojore, qe percillet brez pas brezi, thuhet se Kabashi i Prizrenit dikur mbante lidhje me Kabashin e Pukes.”Abdullah Sulejman Kabashi (1880) thoshte; “Ne , te Kabashit te Prizrenit, te Zenelit jami te Hadrit” cituar prej Qazim Liman Kabashit (diplomuar ne Prishtine per histori 1971) me date 14 tetor 2055 ne fshatin Korishë,Prizren” Dihet se Hardi, pra Hader Leka eshte nje nga kater vellezerit e Kabashit te Pukes, Shqiperi.Me date 2 nentor te vitit 1995 Hasan Hysen Kabashi viziton Puken kjo per shkak te lidhjeve me Kabashin e Pukes i cili ne ate kohe eshte shprehur: “Te rinjte as nuk duan t’ia dine. E quajne Kabashi i Vendit.” Me kete ai deshironte te tregonte : “Kabashi i Vendit eshte i dalur prej Kabashit te Pukes“. Kjo eshte e rendesishme te thuhet pasi disa ngaterrohen me pohimin e Nikolle Gazullit i cili thote se: Gazulloret jane prej Nishit duke e lidhur me Lush Leken, nese do ishte keshtu atehere thote prof. Xhemal Meçi thot se: “Lush Leka eshte i ardhur prej rrethinave te Nishit ku u shperngulen si pasoj e trysnis serbe. Gjate terheqjes neper Kosoven juglindore, disa kan mundur te vendosen neper luginat e maleve rreth Prizrenit, disa te tjere jane vendosur neper “Udhe Puka” drejt Kabashit.”

    Nder burrat e njohur te Kabashit te Prizrenit eshte Haxhi Rruste Kabashi. Ai vazhdimisht dha kontribut nepermjet veprimtarive te tij Atdhetare aq sa ai eshte burgosur 3 here ndersa 1 here per nje vrasje ne Prizren e ndodhur per shkak te nje konflikit me Agen e Nishit ne mexhlisin e Prizrenit. Pas mbledhjes anetaret e mexhlisit i paskan than ages se Nishit; Do ia shofesh sherrin Haxhi Rrustes, por aga i Nishit pa u menduar mir paska thene: Jo, ate e terheq zvarr rrugve te Prizrenit. Keto fjale i shkojn Haxhi Rruste Kabashit i cili i shoqeruar me disa burra te shpis zbret ne Prizren, dhe pasi e kerkon Agen e Nishit e gjen dhe e vret. Per kete eshte kenga; “Po perzihet Prizreni“.

    Na u perzi- e Prizreni – oNa u kan rrok-o zotnit ner vetiNa u perzi-e Prezreni-oNa u kan rrok-o zotnit ner veti:Shaqir Aga e Rrust Rexhepi.

    Rrust Rexhepi naj hipi atit,Gjane e gat pi shkon sakakit,Dy alltija pi dukatit,Gjen e gat pi shkon sakakitshkon sakakit-o , shkon qarshisgjithe tuj ble barut alltise:

    Gjith tuj ble me çat UkshinA s’ma pat kun Shaqir Age Nishin?A s’ma pat kun Shaqir Agen?Te xhamia tuj fal xhenazen.

    Fal xhenazen te xhamija,Liman Ages na i kish dek e bija,Ba hjeksi ç’aj muxhijaKa gjasht here kerset alltija,Krisi pushka n’Bazhdarhane.

    -Aman Rruste, pash jeten tane!Shume xhenaze sot naj bane.Po shkon gjaki, po shkon beteri,Po i nimojka Uk ImeriUk Imeri po i nimon,Rruste Kabashi po lifton,Po lifton e hajmedet!

    -Kam nis luftem me baben mbret.I shkoi haberi shulltan MuratitSulltan Murati, Sulltan Hamitit;Ta kam pre nj tygjar pi NishitSall qi m’dajti prej mexhlisit.Hafiz Pasha i burr plak,Qiti topat ne MushlakKrejt Kabashin e kalli flak.

    Kalli flak, ni flak te verdhe,Kulla Rrustes-o me qemer:Me qemer-o rreth me xhamaPo thote Rrusta; Vet e bana.Vet e bana, s’po kam dertPo baj lufte me çat dovlet.

    Dymbedhjet topa ja kan leshue,Kumin t’shkretes s’un ja kan rrxueHafiz Pasha po bertet:Po bertet e shka ka than:Shume argat me i tubue,Me kazma muret me ja rrenue!Sepse topat s’po mujn me i rrxue.Kush po ngjithet bjeshkes perpjet?Rruste Kabashi me treqin vet,Ka peshtjell kryet me faculetFaculeta topa-topaShaqir Agen jau mloj toka,E kan motra, e kan bija,Te dy gujt ja keputi alltia,Qeksaj lufte kush na i prini?Rruste Kabashi e mulla Brahimi.

    Shefqet Hoxha marr nga libiri i Xh.Kabashit “Çapitje ne proze” (1951-2003)fq.150-151.

    Na u perzie tan Prizreni,na jan çart zotnit ner veti;Shaqir Aga e Rrus RexhepiRust Rexhepi i hypi atit,kish alltin prej dukatit,gjithe tuj bje barut alltis,bjeu barut te Ukshini-Piqem , Zot, agt prej Nishi!Krisi pushka n’at pazarhane.-Aman, Rruste , pash jeten tande!Shume xhenaze sot na i bane.Hafiz Pasha, nje burre plakpo qet topat n’at fushe lakkalli Kabashin tym e flak,tym e flak, flak e verdhe,kulla e Rrustes me qemerr,me qemerr e rreth me xhama.Po thote Rrusta: Vetes ia banavete e bane, spo kam dert,kam nis luften per vend tem-Kesaj lute kush na i prini?-Rruste Kabashi e Mulla Brahimi 

    Version i shkruar nga prof.Xhemal Meçi “Kabashi, Puka qe ne lashtesi-2” viti 2008, fq.448

    Pas kesaj Haxhi Rrusta shpallen ne kerkim. Nder shume raste nje here ai si u shpeton plumbave vendos te kthehet ne Puke tek kusherit e tij. Kur hyri ne fshatin Kryezi,Puke u prit nga shtepia e hoxhes Mustaf Age Kryeziu. Pas disa ditesh qendim ne Kryezi ai niset drejt fshatit Kabash, te Pukes dhe kusherinjeve ne Laçaj,Puke.

    Haxhi Rrustë Kabashi me Sulejman Vokshin

    Ne vitin 1902 ushtaret Osman arriten ta kapin ne Prizren dhe ta dergojne ne burg te Burses te Turqis. Familja u zemeru shume per internimin e Rrustes. Djali i madh i Haxhi Rrustes , Ademi sebashku burrat e famijes si dhe me mbeshtetjen e Lumjaneve arriten te grumbullojn 800 burra duke rrethu institucionet kryesore te ushtrise Osmane ne Prizren. I than: Ose na lironi Rrusten ose ne do veprojme. Ne kete kohe me qellim uljen e revoltes Sulltani duke e ditur deshiren e Rrustes per kryerjen e Haxhit dergon Rrusten ne haxh. Perfaqesuesit Osman ne Prizren i than djalit te Rrustes, Admiet; Rrusta eshte nis per haxh dhe se eshte i lir.Kur Rrusta u kthy ne familje filloj te degjoj do fjale se: Rrusta shkoj prej zori ne haxh. Kur Rrusta degjoj keto fjale vendosi te shkoj me paret e veta per here te dyte ne haxh. Per kete veprim kur u kthye nga haxhi, te gjithe e thirrnin Haxhi Rrusta si dhe Rrustë Kabashi.Ndaj eshte mir qe çeshtjen fetare te mos perdoret per perçarje, pasi besimi eshte e drejte universale e çdo individi dhe besimi islam nuk te pendon te duash Atedhue perkundrazi. Po ashtu besimi eshte garantuar nga te gjitha instancat dhe legjislacionet nderkombetare. Shembull tipik qe besimi nuk pengon ta duash Atedhuen eshte Haxhi Rruste Kabashi i cili ishte kunder osmaneve, por nga ana tjeter ishte besimtar praktikat i fese islame. Aq besimtar ishte saqe ai me paret e tij ndertoj; xhamin ne Korishe, mejtepin si dhe kreu haxhin. Teksa i bente keto Haxhi Rrusta jepte kontribut per krijimin e Lidhjes Shqiptare te Prizrenit. Per keto veprimtari ai dhe shume te tjere me date 18 gusht 1910 ne qender te Prizrenit u ekzekutua. Sot ne fshatin Korish te Prizrenit eshte i ngritur nje monument ne perkujtim dhe respekt te deshmoreve te ren me date 18 gusht 1910, dhe ato te vitit 1913.

    Nga vizita qe kam bere tek shtepia e Ferit Kabashit, viti 2022

    Pergatiti

    Gezim KOPANI

    Po Perzihet Prizereni) Rrust Kabashi – YouTube

    Rrust Kabashi ne kryengritje – YouTube

  • Dosja ‘Buka’/ Gjykata kalon në gjyq themeli çështjen e Arben Ahmetajt

    Dosja ‘Buka’/ Gjykata kalon në gjyq themeli çështjen e Arben Ahmetajt

    Arben Ahmetaj do të gjykohet në mungesë në procesin e themelit, për dosjen e njohur Buka.

    Sipas asaj që raporton gazetarja e Top Channel, Anila Hoxha, vendimi u dha nga gjyqtari paraprak Erjon Çela, që aprovoi kërkesën e prokurorit Elvin Gokaj, i cili ka hetuar prej 2022 rolin e ish-ministrit të Financave që akuzohet se ka shpërdoruar detyrën mbasi me firmosjen e shkresave, i hapi rrugë privatizimit të kësaj shoqërisë përmes ankandit të aksioneve shtetërore.
    Kalimi në gjyq i ish-funksionarit u shpall mbas një odiseje të gjatë të kthimit të çështjes mes SPAK dhe gjyqtarit paraprak, që vazhdimisht për Bukën i ka caktuar detyra Prokurorisë së Posaçme ndaj Arben Ahmetajt.
    Ndërkohë, ish-funksionari prej verës së 2023 është në kërkim nga drejtësia si një i hetuar ndaj të cilit është dhënë arrest në burg në mungesë për dosjen e inceneratorit të Elbasanit.
    Në këtë çështje, Ahmetaj po hetohet për korrupsion, fshehje pasurie dhe pastrim parash, që gjithsesi është një investigim penal që nuk ka përfunduar ende në gjykim paraprak.
    Së fundmi për inceneratorin e Elbasanit, SPAK e shtyu afatin e hetimeve ndaj ish-zv/kryeministrit Ahmetaj edhe për tre muaj të tjerë, duke marrë kohë deri në 23 shtator për veprimet që po kryen, mes tyre ekzekutimi i letër-porosive të përcjella drejt Zvicrës.
    Ahmetaj ka reaguar jo vetëm publikisht për hetimin e tij në inceneratorin e Elbasanit, por edhe përmes kërkesave në gjykata mes tyre edhe në gjykatën kushtetuese, tek e cila ka goditur sekuestrot preventive të pasurive

    Top Channel

  • Dosja “Buka” e Arben Ahmetajt kalon për gjykim

    Dosja “Buka” e Arben Ahmetajt kalon për gjykim

    Arben Ahmetaj

    TIRANË- Ish-zv.kryeministri Arben Ahmetaj do të përballet me drejtësinë në Gjykatën e Posaçme të Shkallës së Parë për Korrupsionin dhe Krimin e Organizuar. Kjo pasi gjyqtari paraprak Erjon Çela e ka kaluar çështjen për gjykim. Bëhet fjalë për dosjen e njohur si “Buka”, në të cilën Ahmetaj akuzohet për veprën penale të “shpërdorimit të detyrës”.
    Bashkë me të do të gjykohen edhe pesë të pandehur të tjerë, të përfshirë në të njëjtën çështje.
    Vendimi i GJKKO:
    Prokuroria e Posaçme kundër Korrupsionit dhe Krimit të Organizuar me datë 21.12.2023 ka paraqitur pranë Gjykatës kërkesën me objekt: “Dërgimin në gjyq të çështjes penale nr. 154, viti 2022, në ngarkim të të pandehurit Arben Ahmetaj, i akuzuar për kryerjen e veprës penale “Shpërdorimi i detyrës” e parashikuar nga neni 248 i K.Penal”. 2. Në seancën e datës 25.07.2025 (seanca paraprake), Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Çela, me vendimin nr. 7/34/124, datë 25.07.2025, vendosi: 1. Pranimin e kërkesës së Prokurorisë së Posaçme kundër Korrupsionit dhe Krimit të Organizuar. 2. Dërgimin për gjykim të procedimit penal nr. 154, i vitit 2022, i Prokurorisë së Posaçme kundër Korrupsionit dhe Krimit të Organizuar, në ngarkim të të pandehurit: – Arben Ahmetaj, i akuzuar për kryerjen e veprës penale “Shpërdorimi i detyrës” e parashikuar nga neni 248 i K.Penal. 3. Urdhërohet formimi i fashikullit të gjykimit duke përfshirë në të aktet e hetimeve paraprake dhe aktet e seancës paraprake. 4. Urdhërohet depozitimi i vendimit gjyqësor të dërgimit të çështjes në gjyq së bashku me fashikullin e gjykimit në sekretarinë e Gjykatës së Posaçme të Shkallës së Parë për Korrupsionin dhe Krimin e Organizuar, si gjykata kompetente për gjykimin e çështjes së themelit, brënda dhjetë ditëve nga shpallja e tij. 5. Kundër këtij vendimi nuk lejohet e drejta e ankimit. Tiranë, më datë 25.07.2025 Gjykata e Posaçme e Shkallës së Parë për Korrupsionin dhe Krimin e Organizuar.
    Arben Ahmetaj, në cilësinë e Ministrit të Ekonomisë, zhvilloi ankandin për shitjen e aksioneve të “Buka” sh.a në vitin 2015, ku iu kalua biznesmenit Fezollari edhe prona që iu është njohur trashëgimtarëve të ish-pronarit të shpronësuar në vitin 1945 nga regjimi komunist. Dëmi që llogaritet nga privatizimi i ish-fabrikës së bukës llogaritet të jetë 700 milionë lekë.
    Ish-zv kryeministri i vendit, Arben Ahmetaj është aktualisht në kërkim ndërkombëtar, prej viti 2023, teksa mbi të rëndojnë akuzat “Korrupsion pasiv”, “Fshehje pasurie” dhe “Pastrim parash”. Ish-numrit dy të qeverisë i janë sekuestruar disa pasuri. Disa prej pronave dyshohet se janë vendosur nga raporti që ka pasur Ahmetaj me pronarët e inceneratorëve, Mirel Mërtiri dhe Klodian Zoto. Vetë Ahmetaj i ka mohuar vazhdimisht akuzat, qoftë për dosjen e inceneratorëve, qoftë për privatizimin e ish-shoqërisë Buka./ZËRI

  • Dosja “Buka”/ Akuzohet për shpërdorim detyre, Arben Ahmetaj kalon për gjykim në themel

    Dosja “Buka”/ Akuzohet për shpërdorim detyre, Arben Ahmetaj kalon për gjykim në themel

    Ish-zv.kryeministri Arben Ahmetaj do të përballet me drejtësin pas vendimit të gjyqtarit paraprak Erjon Cela për kalimin e çështjes “Buka” në gjykim në themel.
    Ahmetaj akuzohet për veprën penale të “shpërdorimit të detyrës”. Bashkë me të do të gjykohen edhe pesë të pandehur të tjerë, të përfshirë në të njëjtën çështje.
    Vendimi për kalimin në gjykim vjen pasi Prokuroria e Posaçme kundër Korrupsionit dhe Krimit të Organizuar (SPAK) përfundoi hetimet për këtë çështje. Tashmë, dosja do të shqyrtohet në themel nga trupa gjykuese, ndërsa mbetet të shihet si do të vijojë procesi ndaj ish-zyrtarit të lartë.

  • Ahmetaj dërgohet për gjykim për shpërdorim detyre

    Ahmetaj dërgohet për gjykim për shpërdorim detyre

    Ish-zv.kryeministri Arben Ahmetaj do të gjykohet për “shpërdorim detyre” për çështjen “Buka sha”. Gjykata ka pranuar kërkesën e SPAK për të kaluar për gjykim dosjen në ngarkim të Ahmetajt. Ndërsa për pesë personat e tjerë, të dyshuat në të njëjtën çështje, vijojnë hetimet. SPAK pretendon se Ahmetaj duke privatizuar ish-fabrikën e miellit, i ka shkaktuar shtetit dëm prej 7 miliardë lekësh të vjetër.
    Në procedurën e privatizimit të vitit 2015 janë shkelur një vendim i Gjykatës Kushtetuese dhe katër vendime gjyqësore, pasi toka dhe ndërtesat në pronësi të familjes Myderzi nuk u kanë njihet sipas ligjit, ndërsa asnjë masë nuk është marrë për kompensim adekuat.

    Ahmetaj reagoi publikisht nga arratia, duke e quajtur çështjen “akt tragji‑komedie” të politiko‑drejtësisë, dhe mohoi çdo shkelje duke argumentuar se në këtë privatizim shteti jo vetëm ruajti, por rriti aksionet, dhe se procedura është ndjekur sipas ligjit në fuqi.

  • Dosja ‘Buka’ trondit politikën/ Ahmetaj në arrati, gjykata nis gjyqin e shekullit

    Dosja ‘Buka’ trondit politikën/ Ahmetaj në arrati, gjykata nis gjyqin e shekullit

    GJKKO ka vendosur të kalojë për gjykim dosjen “Buka” ndaj ish-zv.kryeministrit, Arben Ahmetajt. Gjyqtari Erjon Cela mori vendimin për të kaluar dosjen për gjykim në themel. Pesë personat e përfshirë në këtë dosje do të gjykohen veç nga Ahmetaj.
    Ahmetaj ndodhet në arrati që prej muajit korrik të vitit 2023. Ai akuzohet për kryerjen e tre veprave penale: “Pastrim parash”, “fshehje të pasurisë” dhe “korrupsion pasiv”. Ahmetaj dyshohet se gjatë funksionit të tij si ministër, mori disa akte për t’i mundësuar sipërmarrësve lidhjen e kontratave koncesionare.
    Ndaj tij, ka edhe hetim pasuror dhe janë vënë në sekuestro dy vila, disa apartamente dhe llogari bankare. Në muajin korrik të vitit 2023, organi i akuzës lëshoi urdhër arresti ndaj tij dhe e shpalli atë në kërkim ndërkombëtar, ndërsa në mars të 2024-s i komunikoi akuzat përmes avokatit të tij ligjor.
     

  • Akuzohet për shpërdorim detyre, Arben Ahmetaj kalon për gjykim në GJKKO për dosjen “Buka”

    Akuzohet për shpërdorim detyre, Arben Ahmetaj kalon për gjykim në GJKKO për dosjen “Buka”

    Ish-zv.kryeministri Arben Ahmetaj do të përballet me drejtësinë në Gjykatën e Posaçme të Shkallës së Parë për Korrupsionin dhe Krimin e Organizuar, pas vendimit të gjyqtarit paraprak Erjon Cela për kalimin e çështjes në gjykim.
    Bëhet fjalë për dosjen e njohur si “Buka”, në të cilën Ahmetaj akuzohet për veprën penale të “shpërdorimit të detyrës”.
    Vendimi për kalimin në gjykim vjen pasi Prokuroria e Posaçme kundër Korrupsionit dhe Krimit të Organizuar (SPAK) përfundoi hetimet për këtë çështje. Tashmë, dosja do të shqyrtohet në themel nga trupa gjykuese, ndërsa mbetet të shihet si do të vijojë procesi ndaj ish-zyrtarit të lartë.

  • SPAK merr në pyetje Ergys Agasin, thellohen hetimet për personazhin kyç që Ahmetaj e akuzoi si koordinator të…

    SPAK merr në pyetje Ergys Agasin, thellohen hetimet për personazhin kyç që Ahmetaj e akuzoi si koordinator të…

    Biznesmeni Ergys Agasi është paraqitur dje në ambientet e Prokurorisë së Posaçme. Marrja e tij në pyetje në SPAK vjen pas kontrolleve që agjentët e BKH-së dhe Policia e Shtetit bënë në banesat dhe zyrat e biznesit të tij disa ditë më parë. Atij iu sekuestrua telefoni për llogari të disa hetimeve që ende nuk janë zbuluar zyrtarisht. Çështja po ndiqet nga prokurori Bledar Maksuti.
    Kush është Agasi?
    Kujtojmë  se Ergys Agasi është konsideruar nga Arben Ahmetaj si eminenca gri e kryeministrit Edi Rama, një figurë misterioze që vepron larg kamerave, por me dorën mbi butonat e pushtetit dhe miliardat që rrjedhin nga fondet publike. I njohur si djali i ish-deputetit socialist Bardhyl Agasi, Ergys Agasi u ngjit në pushtet përmes Lëvizjes Socialiste për Integrim (LSI) dhe më pas u afrua me Partinë Socialiste, duke mbajtur poste në administratë si drejtues i Inspektoratit të Mjedisit. Por ndërkohë që profili i tij publik mbetej i ulët, ndikimi i tij rritej në prapaskenë. Po ashtu ai është denoncuar mediatikisht edhe për emërime të njerëzve të tij në poste kyçe në shtet. Gazetarja Klodiana Lala ka ndarë para një viti në rrjetet sociale listën sipas saj të emërimeve të familjarëve që Ergys Agasi ka emëruar në pozicione drejtorësh në shtet, duke filluar nga: Gerti Hoxha (djali i hallës së Ergys Agasit)- Drejtor rajonal i OSHEE-se për Qarkun Durrës; Arsen Agasi (djali i xhaxhait te Ergys Agasit) shef i AKU për Portin; Klesti Cela (kunati i Agasit) Drejtor ASHK Tirana Rurale.
    Denoncimet
    Sipas ish-zv.kryeministrit Arben Ahmetajt, Agasi ka marrë dhe kontrollin mbi Agjencinë Kombëtare të Shoqërisë së Informacionit (AKSHI) përmes lidhjeve të tij politike dhe familjare. Ahmetaj tha se Agasi, një individ pa funksion zyrtar, ka një ndikim të jashtëzakonshëm në vendimmarrjet e qeverisë dhe në strukturat e Partisë Socialiste. Ai ngriti pyetjen retorike nëse socialistët votuan që “Ergys Agasi të drejtojë Shqipërinë”, duke lënë të kuptohet se Agasi vendos për çështje të rëndësishme në drejtimin e vendit. Arben Ahmetajt ka deklaruar se Agasi ka organizuar takime mes politikës, krimit dhe biznesit, duke shërbyer si ndërmjetës mes këtyre sferave. Ai përmendi një rast konkret ku Agasi ka organizuar një festë në një resort në periferi të Tiranës, ku morën pjesë përfaqësues të krimit të organizuar, politikës dhe biznesit. Këto takime, sipas Ahmetajt, janë prova të lidhjeve të ngushta mes qeverisë dhe elementëve kriminalë. Ahmetaj gjithashtu akuzoi Ramën se ka caktuar Agasin për të koordinuar marrëdhëniet me grupet kriminale, duke e bërë atë një figurë kyçe në strukturën e pushtetit. Ai sugjeroi se Agasi është personi që kontrollon Partinë Socialiste dhe administratën publike, duke ndikuar në emërimet dhe vendimmarrjet kyçe. “Ka në fakt një koordinim mes organizatave mafioze. Ata nuk vriten me njëri – tjetrin. Kjo sepse Edi Rama iu ka kërkuar të mos i hapin telashe. A është Rama i lidhur me këto grupe kriminale? Nuk është vetëm i lidhur, por po të jap emrin e koordinatorit, Ergys Agasi. Është një tip që jeton në Durrës, pranë klanit të Durrësit. Tani është bërë për llogari të Ramës, koordinator i të gjithë grupeve,” deklaroi Ahmetaj gjatë një interviste me mediat italajane. Edhe gazetarja Klodiana Lala ka raportuar më parë për një takim të organizuar nga Agasi në një resort luksoz në periferi të Tiranës, ku morën pjesë përfaqësues të politikës, krimit dhe biznesit. Në postimin e saj, Lala shkruajti: “Ergys Agasi është një emër i lakuar për lidhje të ngushta me njerëz të krimit. Ai ka marrë në dorë drejtimin e PS-së në Durrës, duke u kthyer në njeriun më të besuar të Ramës, pas ‘rënies’ së Vangjush Dakos. Sot, ai kontrollon çdo qelizë të institucioneve në qytetin bregdetar. Çdo emërim në poste kyçe në administratë kalon përmes tij. Për të treguar fuqinë e tij, po ndaj një detaj: disa kohë më parë, Agasi organizoi një festë në një resort në periferi të Tiranës, ku mblodhi krimin, politikën dhe biznesin. Policia ka faktet në dorë. Detajet e kësaj feste janë të dokumentuara, dhe SPAK ka mundësinë t’i hetojë.”
    Intevista e RAI 3 me Ahmetajn
    Emisioni investigativ “Report” i kanalit italian RAI 3, përmendi pak kohë më parë se Ergys Agasi, djali i ish-deputetit socialist të Durrësit, është një biznesmen dhe ish-zyrtar, përveç të tjerash pronar i një kompanie që prodhon cigare dhe që merret me logjistikë. Nuk ka qenë kurrë i dënuar apo i hetuar për lidhje me mafian shqiptare, por shpesh mediat kanë folur për lidhje të tij me anëtarë të grupeve kriminale si për shembull narkotrafikantin Xhevdet Troplini. Por Arben Ahmetaj tregoi një anë tjetër që mediat deri dje nuk e kishin raportuar, ndonëse emri i Agasit kishte nisur të përmendej si një nga njerëzit më me influencë në Durrës. “Agasi bën koordinatorin dhe pastaj ai i përdor për zgjedhjet. Ku i takon Rama? I takon edhe në zyrën e tij, në zyrën e mbledhjeve që ka në selinë e qeverisë. Unë nuk kam marrë pjesë sepse nuk kam pranuar kurrë të përfshihem. I kam parë pothuajse të gjithë. Personazhe nga Dibra, Durrësi, Elbasani… Po. Kapo të mafias”, tha Ahmetaj në rrëfimin për RAI3.
    Vera 33 mijë euro
    Ahmetaj bëri një tjetër akuzë të fortë ndaj Ramës. Ai theksoi se në këtë kopshtin e tij të luleve në Kryeministri, Rama pi një lloj vere me një çmim prej 33 mijë e 600 dollarë, bashkë me koordinatorët e krimit (Agasin). “Një ngacmim për të lidhur kopshtin e Edenit me Onkologjikun. Vuajtjen e qytetarëve me kopshtin e Edenit me peshqit e kuq si avatari dhe in betëeen dhoma e luleve ku pihet kjo lloj vere me kordinatorin e krimit,” tha Ahmetaj. Vera që Rama konsumon në vendin e tij të qetësisë në kryeministri është nga kantina ‘Domaine de la Romanée-Conti’. Kjo kantinë verë në rajonin e Burgonjës në Francë është një nga verërat më të famshme dhe më prestigjioze në botë. Kjo verë futet në listimet e verërave më prestigjioze në bote dhe më një çmim prej 33 mijë e 600 eurosh.