Lajmidites.com

Tag: ahmetaj

  • 2 vite pas ‘zhdukjes’ së tij, Ministria e Drejtësisë i kërkon Zvicrës ekstradimin e Arben Ahmetajt

    2 vite pas ‘zhdukjes’ së tij, Ministria e Drejtësisë i kërkon Zvicrës ekstradimin e Arben Ahmetajt

    ARBEN AHMETAJ

    TIRANË- Ministria e Drejtësisë i ka dorëzuar zyrtarisht Zvicrës kërkesën për ekstradimin e ish-numrit 2 të qeverisë, Arben Ahmetaj, i cili është marrë i pandehur në dy raste nga Prokuroria e Posaçme. Ish-zv.kryeministri është marrë i pandehur nga SPAK, për dosjen e inceneratorit të Tiranës, si dhe privatizimin e truallit të ish-shoqërisë shtetërore BUKA. 
    Arben Ahmetaj u largua drejt Zvicrës në Korrik të vitit 2023, disa ditë përpara se SPAK të kërkonte arrestimin e tij në lidhje me dosjen e inceneratorit të Tiranës. Ndërkohë që për dosjen “Buka” ndaj Ahmetajt Prokuroria e Posaçme nuk ka lëshuar masë sigurie.
    Informacioni u bë me dije gjatë seancës së sotme në Gjykatën e Posaçme për dosjen “Buka”.
    Prokurori i çështjes, Elvin Gokaj, paraqiti kërkesën për gjykimin e ish-zyrtarit, duke sqaruar se procedimi është regjistruar në vitin 2022 pas kallëzimit të një qytetari lidhur me procesin e privatizimit të kompanisë Buka Sha. Sipas SPAK, Ahmetaj ka firmosur një urdhër për privatizimin e shoqërisë, edhe pse kishte vendime gjykate që e ndalonin këtë veprim.
    Gjykata po shqyrton edhe pyetjen e disa dëshmitarëve në kuadër të procedurës së zakonshme, ndërsa u lexua edhe shkresa e Interpolit.
    Interpol njofton se Ahmetaj ndodhet aktualisht në Zvicër, vend ku Ministria e Drejtësisë ka dorëzuar kërkesën për ekstradimin e tij. 

    Pavarësisht se ndodhet prej më shumë se 2 vitesh në arrati, Ahmetaj ka dhënë në disa raste intervista televizive, si dhe së fundi ka paditur shtetin shqiptar në Gjykatën e Strasburgut.
    Ahmetaj ka akuzuar qeverinë shqiptare për shkelje të imunitetit parlamentar dhe të së drejtës për privatësi gjatë hetimeve të zhvilluara ndaj tij nga SPAK. Padia është depozituar më 8 maj 2024 dhe çështja i është komunikuar zyrtarisht qeverisë shqiptare më 6 tetor 2025.
    Akuza lidhet me kontrollin e ushtruar më 9 mars 2023 në banesën e Ahmetajt, si dhe me sekuestrimin e telefonit të partneres së tij Erjola Hoxha, mbi bazën e një urdhri të GJKKO. Ahmetaj pretendon se kontrolli ishte i paligjshëm, pasi në atë kohë ai ishte deputet i Kuvendit të Shqipërisë, dhe sipas nenit 73, pika 2 të Kushtetutës, banesa e një deputeti nuk mund të kontrollohet pa miratim paraprak nga Kuvendi. Gjykata e Strasburgut i ka kërkuar qeverisë shqiptare që të sqarojë: Nëse kontrolli i banesës së Ahmetajt është kryer në përputhje me Kushtetutën shqiptare dhe me rregullat e imunitetit parlamentar; dhe nëse ligjet dhe praktika gjyqësore shqiptare ofrojnë mjete të mjaftueshme për vendimet e tilla të kontrollit dhe sekuestrimit.
    Ndërkohë, vetë kreu i SPAK, Altin Dumani, ka deklaruar së fundmi se Ahmetaj mbetet person në kërkim ndërkombëtar, duke shtuar se “kushdo që dëshiron të marrë statusin e të penduarit dhe të bëhet bashkëpunëtor i drejtësisë, është i mirëpritur”.
    Përpos akuzës lidhur me dosjen “Buka”, Ahmetaj është duke u hetuar edhe për tre vepra penale të tjera penale, si “pastrim parash”, “fshehje të pasurisë” dhe “korrupsion pasiv”, në lidhje me dosjen e inceneratorëve. /ZËRI 

    arben ahmetaj ne spakkk 899×720 1 780×439

    532 300 1741601675xarben ahmetaj spak 496

  • Ministria e Drejtësisë dorëzon në Zvicër kërkesën për ekstradimin e Arben Ahmetajt

    Ministria e Drejtësisë dorëzon në Zvicër kërkesën për ekstradimin e Arben Ahmetajt

    Ministria e Drejtësisë ka dorëzuar një kërkesë për ekstradim të ish-zv.kryeministrit Arben Ahmetaj nga Zvicra. Gjatë seancës për çështjen “Buka”, gjyqtarja Irena Gjoka lexoi përgjigjet e zyrës së Interpol Tiranës.
    Sipas institucionit, Ahmetaj ndodhet në Zvicër, vend ku Ministria e Drejtësisë ka dorëzuar kërkesë për ekstradimin e tij. Por Interpoli shpjegoi se nuk ka dijeni mbi ecurinë e procedurave dhe vendndodhjen e tij më saktë.
    Avokati i Ahmetajt, Henrik Ligori, bëri të ditur se për klientin e tij nuk ka asnjë masë sigurie në këtë çështje dhe se masa e propozuar lidhet me një procedim tjetër.
    “Për këtë dosje për Ahmetaj nuk ka asnjë mase sigurie. Masa është për efekt te nje procedimi tjetër,” tha Ligori.
    Më 7 dhjetor, SPAK mbylli hetimet dhe dërgoi në GJKKO dosjen e privatizimit të ish-fabrikës “Buka”.  Lidhur me këtë çështje SPAK akuzon Ahmetajn se i ka shkaktuar dëm prej 7 miliardë lekësh buxhetit të shtetit.
    Asokohet Ahmetaj deklaroi nga arratia se në procedurën e privatizimit të fabrikës së bukës në zonën e ‘5 Majit’ në Tiranë, ka mbrojtur interesat e shtetit dhe nuk e ka shkelur detyrën. Ai e cilësoi hetimin e ri ndaj tij, si aktin e dytë të tragji-komedisë së politiko-drejtësisë.
     

  • Inceneratori i Tiranës, SPAK kërkon ekstradimin e ish-zv.kryeministrit Ahmetajt nga Zvicra

    Inceneratori i Tiranës, SPAK kërkon ekstradimin e ish-zv.kryeministrit Ahmetajt nga Zvicra

    SPAK ka kërkuar zyrtarisht ekstradimin e ish-zv.kryeministrit Arben Ahmetaj nga Zvicra, i shpallur në kërkim për çështjen e inceneratorit të Tiranës.
    Ky fakt u bë me dije gjatë relatimit te fakteve në procesin në themel për dosjen “Buka” ku u vendos të vijojë procesi në mungesë për ish-nr 2 te qeverisë.
    Avokati i Ahmetajt, Henrik Ligori: Për këtë dosje për Ahmetaj nuk ka asnjë mase sigurie. Masa është për efekt te nje procedimi tjetër.
    Për dosjen “Buka” , Ahmetaj akuzohet për shpërdorim detyre me dëm ekonomik 7 miliardë lekë.
    Palët nuk kanë asnjë kërkesë paraprake. Prokurori i SPAK Elvin Gokaj lexon kërkesën për gjykim.

  • “𝐈 𝐡𝐮𝐚𝐣𝐢, 𝐚𝐢 𝐤𝐨𝐬𝐨𝐯𝐚𝐫𝐢” nga Arbër Ahmetaj/ Libër i ri nga Shtëpia Botuese Littera

    “𝐈 𝐡𝐮𝐚𝐣𝐢, 𝐚𝐢 𝐤𝐨𝐬𝐨𝐯𝐚𝐫𝐢” nga Arbër Ahmetaj/ Libër i ri nga Shtëpia Botuese Littera

    “𝐈 𝐡𝐮𝐚𝐣𝐢, 𝐚𝐢 𝐤𝐨𝐬𝐨𝐯𝐚𝐫𝐢” 𝐧𝐠𝐚 𝐀𝐫𝐛𝐞̈𝐫 𝐀𝐡𝐦𝐞𝐭𝐚𝐣/ 𝐋𝐢𝐛𝐞̈𝐫 𝐢 𝐫𝐢 𝐧𝐠𝐚 𝐒𝐡𝐭𝐞̈𝐩𝐢𝐚 𝐁𝐨𝐭𝐮𝐞𝐬𝐞 𝐋𝐢𝐭𝐭𝐞𝐫𝐚

    𝐏𝐞̈𝐫 𝐥𝐢𝐛𝐫𝐢𝐧:

    Fundi i viteve nëntëdhjetë. Një “i huaj”, student enigmatik i arratisur nga Kosova në Shqipëri gjatë kohës së diktaturës, martohet me Doruntinën, një vajzë nga veriu i Shqipërisë dhe largohet me të diku në Perëndim.

    Një gjimnazist, i cili, po aq të thellë sa dashuria platonike për Doruntinën, ushqen dashuri edhe për Kosovën, e përjeton këtë ngjarje si një padrejtësi, jo si simbol i bashkimit të ëndërruar gjatë. Dhjetë vite më vonë, niset në kërkim të vajzës së zemrës, të giysmës së tij të humbur.

    Udhëtimi i tij në Kosové, fill pas luftës, edhe pse i shkurtër është i mbushur me emocione të forta, haluçinacione delirante, mikrodrama rrenqethëse dhe takime me personazhe nga më të pabesueshmit.

    Ky rrefim me intensitet është një pasqyrë dramatike e atyre ditëve të mëdha historike, mbushur me shtresëzime simbolike mbi konfliktin serbo-shqiptar dhe sidomos të përçarjes së rëndë dhe tronditese mes shqiptarëve.

    Në këtë roman, Arber Ahmetaj ngre sërish pyetje, luan me mitet, legjendat, vdekjen, jetën dhe dashurinë!

    𝐏𝐞̈𝐫 𝐚𝐮𝐭𝐨𝐫𝐢𝐧:

    Arbër Ahmetaj lindi në Tropojë në vitin 1965. Është diplomuar për farmaci në universitetin e Tiranës dhe atë të Gjenevës. Në vitin 1986 filloi bashkëpunimin me shtypin shqiptar të asaj kohe dhe më pas punoi si gazetar në departamentin e informacionit në TVSH. Në vitin 1993 iu bashkua Ministrisë së Punëve të Jashtme dhe u specializua për diplomaci në Oksford, Uashington, Gjenevë dhe Maltë. Pas detyrave të ndryshme në këtë ministri u emërua Sekretar i Parë në Ambasadën Shqiptare në Bukuresht. Nga shtatori i vitit 1997 jeton në Sion të Zvicrës, ku ushtron punën si farmacist.

    Disa nga veprat e tij në prozë janë “Fletëhyrje për në varr”, “Varri i braktisur”, “I huaji, ai kosovari”, “Një natë te Luiza”, “69 gra”, “Procesi 3K”, si dhe librat me poezi “Më mori malli e dashur” dhe “Poezi”. Nga viti 2020 është Kryeredaktor i Revistës Letrare.

    #𝐎𝐛𝐬𝐞𝐫𝐯𝐞𝐫𝐊𝐮𝐥𝐭

  • Arben Ahmetaj padit Qeverinë Rama në Strasburg

    Arben Ahmetaj padit Qeverinë Rama në Strasburg

    Ish-ministri i Financave dhe ish-zv.kryeministri Arben Ahmetaj ka paditur qeverinë shqiptare në Gjykatën Evropiane të të Drejtave të Njeriut në Strasburg, duke e akuzuar për shkelje të imunitetit parlamentar dhe të së drejtës për privatësi gjatë hetimeve të zhvilluara ndaj tij nga SPAK.
    Sipas dokumentit zyrtar, padia është bërë bashkë me partneren e tij Erjola Hoxha dhe është depozituar më 8 maj 2024. Çështja i është komunikuar zyrtarisht qeverisë shqiptare më 6 tetor 2025.
    Akuza lidhet me kontrollin e ushtruar më 9 mars 2023 në banesën e Ahmetajt dhe Hoxhës, si dhe me sekuestrimin e telefonit të Hoxhës, mbi bazën e një urdhri të GJKKO.
    Ahmetaj pretendon se kontrolli ishte i paligjshëm, pasi në atë kohë ai ishte deputet i Kuvendit të Shqipërisë, dhe sipas nenit 73, pika 2 të Kushtetutës, banesa e një deputeti nuk mund të kontrollohet pa miratim paraprak nga Kuvendi.
    Në ankesën e tij, ish-ministri dhe partnerja e tij deklarojnë se nuk kishin asnjë mjet efektiv ligjor për të kundërshtuar urdhrin e kontrollit dhe sekuestrimit, duke pretenduar shkelje të nenit 8 (e drejta për respektimin e jetës private dhe banesës) dhe nenit 13 (e drejta për një mjet juridik efektiv) të Konventës Evropiane për të Drejtat e Njeriut.
    Gjykata e Strasburgut i ka kërkuar qeverisë shqiptare që të sqarojë:
    1. A ka pasur shkelje të së drejtës së kërkuesit të parë për respektimin e banesës së tij, të garantuar nga neni 8 i Konventës? Në veçanti, a është kryer kontrolli i banesës në përputhje me nenin 73 (2) të Kushtetutës mbi imunitetin e AP-ve? A ka shteruar kërkuesi i parë ndonjë mjet efektiv juridik në këtë drejtim?
    2. A ofronin legjislacioni dhe praktika vendase mjete procedurale të mjaftueshme për të kundërshtuar ligjshmërinë e urdhrit të kontrollit, mënyrën e kryerjes së kontrolleve të banesës së tyre dhe të personit dhe telefonit celular të kërkueses së dytë, ose sekuestrimin e sendeve në banesën e tyre, siç kërkohet nga nenet 8 dhe 13 të Konventës? Në veçanti, a ishte vendimi gjyqësor i 8 marsit 2023 i ankueshëm?

  • Arben Ahmetaj padit qeverinë në Strasburg

    Arben Ahmetaj padit qeverinë në Strasburg

    Arben Ahmetaj

    TIRANË-Ish-zëvendëskryeministri i Shqipërisë, Arben Ahmetaj dhe bashkëjetuesja e tij Erjola Hoxha, kanë paditur në Gjykatën e Strasburgut shtetin shqiptar. Ahmetaj ka akuzuar qeverinë shqiptare për shkelje të imunitetit parlamentar dhe të së drejtës për privatësi gjatë hetimeve të zhvilluara ndaj tij nga SPAK.
    Padia është depozituar më 8 maj 2024 dhe çështja i është komunikuar zyrtarisht qeverisë shqiptare më 6 tetor 2025. Akuza lidhet me kontrollin e ushtruar më 9 mars 2023 në banesën e Ahmetajt, si dhe me sekuestrimin e telefonit të partneres së tij Erjola Hoxha, mbi bazën e një urdhri të GJKKO. Ahmetaj pretendon se kontrolli ishte i paligjshëm, pasi në atë kohë ai ishte deputet i Kuvendit të Shqipërisë, dhe sipas nenit 73, pika 2 të Kushtetutës, banesa e një deputeti nuk mund të kontrollohet pa miratim paraprak nga Kuvendi.
    Pas padisë së depozituar, Gjykata e Strasburgut i ka kërkuar qeverisë shqiptare që të sqarojë: Nëse kontrolli i banesës së Ahmetajt është kryer në përputhje me Kushtetutën shqiptare dhe me rregullat e imunitetit parlamentar; dhe nëse ligjet dhe praktika gjyqësore shqiptare ofrojnë mjete të mjaftueshme për të ankuar vendimet e tilla të kontrollit dhe sekuestrimit.
    DOKUMENTI:
    Kërkuesi i parë ishte në kohën përkatëse një Anëtar i Parlamentit (AP), dhe kërkuesja e dytë është partnerja e tij. Kërkesa ka të bëjë me kontrollin e kryer më 9 mars 2023 ndaj personit dhe telefonit celular të kërkueses së dytë dhe banesës së përbashkët të kërkuesve, mbi bazën e një vendimi të Gjykatës së Posaçme për Korrupsionin dhe Krimin e Organizuar, të lëshuar më 8 mars 2023. Vendimi përfundimtar është miratuar nga Gjykata Kushtetuese më 12 dhjetor 2023 dhe u njoftua kërkuesve më 12 janar 2024.
    Kërkuesit ankohen se kontrolli i banesës së tyre ishte i paligjshëm, pasi kërkuesi i parë ishte AP në kohën përkatëse, dhe banesa e tij nuk mund të kontrollohej pa autorizim paraprak të Parlamentit (sipas nenit 73 (2) të Kushtetutës); dhe se ata nuk kishin qasje në një procedurë për të kundërshtuar kontrollet në fjalë, në kundërshtim me kërkesat e neneve 8 dhe 13 të Konventës.
    A ka pasur shkelje të së drejtës së kërkuesit të parë për respektimin e banesës së tij, të garantuar nga neni 8 i Konventës? Në veçanti, a është kryer kontrolli i banesës në përputhje me nenin 73 (2) të Kushtetutës mbi imunitetin e AP-ve? A ka shteruar kërkuesi i parë ndonjë mjet efektiv juridik në këtë drejtim?
    A ofronin legjislacioni dhe praktika vendase mjete procedurale të mjaftueshme për të kundërshtuar ligjshmërinë e urdhrit të kontrollit, mënyrën e kryerjes së kontrolleve të banesës së tyre dhe të personit dhe telefonit celular të kërkueses së dytë, ose sekuestrimin e sendeve në banesën e tyre, siç kërkohet nga nenet 8 dhe 13 të Konventës (shih Brazzi kundër Italisë, nr. 57278/11, §§ 41-48, 27 shtator 2018; Giuliano Germano kundër Italisë, nr. 10794/12, § 95, 22 qershor 2023; Mukhtarli kundër Azerbajxhanit, nr. 39503/17, §§ 216 dhe 217, 5 shtator 2024; dhe Posevini kundër Bullgarisë, nr. 63638/14, § 84, 19 janar 2017)? Në veçanti, a ishte vendimi gjyqësor i 8 marsit 2023 i ankueshëm?
    Qeveria ftohet të paraqesë jurisprudencën përkatëse dhe shembuj të shqyrtimit nga gjykatat më të larta të apelimeve të ngjashme.

    Më 9 mars 2023 agjentët e BKH-së kontrolluan në Palasë vilën e ish-bashkëshortes së Ahmetajt Arjola Mançka dhe banesën private në Hamallaj në pronësi të partneres aktuale të Ahmetajt, Erjola Hoxha. Bashkë me urdhërat e kontrollit, SPAK me vendim të Gjykatës së Posaçme ka vënë në sekuestro preventive 6 pasuri, 4 nga të cilat apartamente, njëri i përshtatur si AIR-BNB në pronësi të Arben Ahmetajt në zonën e Shallvareve si dhe 2 llogari bankare të tij në shumën totale që shkojnë në 124.300 euro. Asakohe Kuvendi votoi heqjen e imunitetit për deputetin dhe pranimin e kërkesës së Prokurorisë së Posaçme për arrestimin e tij.

    Ish-zv kryeministri i vendit, Arben Ahmetaj është aktualisht në kërkim ndërkombëtar. Ish-numrit dy të qeverisë i janë sekuestruar disa pasuri. Disa prej pronave dyshohet se janë vendosur nga raporti që ka pasur Ahmetaj me pronarët e inceneratorëve, Mirel Mërtiri dhe Klodian Zoto. Vetë Ahmetaj i ka mohuar vazhdimisht akuzat, qoftë për dosjen e inceneratorëve, qoftë për privatizimin e ish-shoqërisë Buka. Në mars të vitit 2024, Prokuroria e Posaçme ngriti akuzat për “fshehje dhe mos deklarim të pasurisë”, si dhe “pastrim të produkteve të veprës penale” ndaj partneres së ish-zv kryeministri, Erjola Hoxhës./ZËRI

    screenshot 3 8 640×613

    screenshot 2 8 640×803

  • Nga arratia, Arben Ahmetaj padit në Strasburg vendimin e GJKKO-së

    Nga arratia, Arben Ahmetaj padit në Strasburg vendimin e GJKKO-së

    Arben Ahmetaj ka ngritur padi në Gjykatën Europiane për të Drejtat e Njeriut ndaj vendimit të 9 marsit 2023 të Gjykatës së Posaçme për kontrollin e banesës së përbashkët me partneren e tij, Erjola Hoxha, si dhe kontrollit fizik dhe të celularit të saj. Kërkesa është depozituar më 8 maj 2024 dhe është komunikuar më 6 tetor 2025.
    Ahmetaj ankohet se kontrolli i banesës së tyre është i paligjshëm pasi gjatë kësaj kohe ai ka qenë deputet dhe nuk mund të kryhej si veprim pa autorizimin paraprak të Kuvendit.
    Ata po ashtu pretendojnë se nuk kishin akses në një procedurë efektive për të kundërshtuar ligjshmërinë e këtyre kontrolleve.
    Për këtë arsye, GJEDNJ i ka shtruar disa pyetje palëve.
    “1. A ka pasur shkelje të së drejtës së kërkuesit të parë për respektimin e banesës, e garantuar nga neni 8 i Konventës? Në veçanti, a është kryer kontrolli i banesës në përputhje me nenin 73(2) të Kushtetutës, që lidhet me imunitetin e deputetëve? A ka shfrytëzuar kërkuesi i parë ndonjë mjet efektiv juridik brenda sistemit kombëtar në këtë drejtim?
    2. A siguronin legjislacioni dhe praktika kombëtare mjete procedurale të mjaftueshme për të kundërshtuar ligjshmërinë e urdhrit të kontrollit, mënyrën e zbatimit të kontrolleve në banesë dhe ndaj kërkueses së dytë e telefonit të saj, si dhe sekuestrimin e sendeve gjatë kontrollit, sipas kërkesave të nenit 8 dhe nenit 13 të Konventës?
    3. Në veçanti, a ishte vendimi gjyqësor i 8 marsit 2023 i ankueshëm në ndonjë gjykatë më të lartë?”.
    Po ashtu, qeveria është ftuar që të paraqesë jurisprudencën përkatëse dhe shembuj të shqyrtimit nga gjykatat më të larta të ankesave të ngjashme.
    Kujtojmë se Ahmetaj është nën hetim për akuzat e korrupsionit, pastrimit të parave dhe mosdeklarimit të pasurisë, dhe në kuadër të këtij procedimi ndodhet në arrati, me masën e sigurisë “Arrest në burg” të lëshuar nga Gjykata e Posaçme.

  • Arben Ahmetaj padit Qeverinë Rama në Strasburg, ja akuzat e ngritura prej tij

    Arben Ahmetaj padit Qeverinë Rama në Strasburg, ja akuzat e ngritura prej tij

    Ish-ministri i Financave dhe ish-zv.kryeministri Arben Ahmetaj ka paditur qeverinë shqiptare në Gjykatën Evropiane të të Drejtave të Njeriut në Strasburg, duke e akuzuar për shkelje të imunitetit parlamentar dhe të së drejtës për privatësi gjatë hetimeve të zhvilluara ndaj tij nga SPAK.
    Sipas dokumentit zyrtar, padia është bërë bashkë me partneren e tij Erjola Hoxha dhe është depozituar më 8 maj 2024. Çështja i është komunikuar zyrtarisht qeverisë shqiptare më 6 tetor 2025.
    Akuza lidhet me kontrollin e ushtruar më 9 mars 2023 në banesën e Ahmetajt dhe Hoxhës, si dhe me sekuestrimin e telefonit të Hoxhës, mbi bazën e një urdhri të GJKKO.
    Ahmetaj pretendon se kontrolli ishte i paligjshëm, pasi në atë kohë ai ishte deputet i Kuvendit të Shqipërisë, dhe sipas nenit 73, pika 2 të Kushtetutës, banesa e një deputeti nuk mund të kontrollohet pa miratim paraprak nga Kuvendi.
    Në ankesën e tij, ish-ministri dhe partnerja e tij deklarojnë se nuk kishin asnjë mjet efektiv ligjor për të kundërshtuar urdhrin e kontrollit dhe sekuestrimit, duke pretenduar shkelje të nenit 8 (e drejta për respektimin e jetës private dhe banesës) dhe nenit 13 (e drejta për një mjet juridik efektiv) të Konventës Evropiane për të Drejtat e Njeriut.
    Gjykata e Strasburgut i ka kërkuar qeverisë shqiptare që të sqarojë:
    1. A ka pasur shkelje të së drejtës së kërkuesit të parë për respektimin e banesës së tij, të garantuar nga neni 8 i Konventës? Në veçanti, a është kryer kontrolli i banesës në përputhje me nenin 73 (2) të Kushtetutës mbi imunitetin e AP-ve? A ka shteruar kërkuesi i parë ndonjë mjet efektiv juridik në këtë drejtim?
    2. A ofronin legjislacioni dhe praktika vendase mjete procedurale të mjaftueshme për të kundërshtuar ligjshmërinë e urdhrit të kontrollit, mënyrën e kryerjes së kontrolleve të banesës së tyre dhe të personit dhe telefonit celular të kërkueses së dytë, ose sekuestrimin e sendeve në banesën e tyre, siç kërkohet nga nenet 8 dhe 13 të Konventës? Në veçanti, a ishte vendimi gjyqësor i 8 marsit 2023 i ankueshëm?
     

  • Ndarja nga jeta e Fatos Nanos, Ahmetaj: ‘Mik i shtrenjtë për mua, human, demokrat dhe vizionar’

    Ndarja nga jeta e Fatos Nanos, Ahmetaj: ‘Mik i shtrenjtë për mua, human, demokrat dhe vizionar’

    Kronikë E Shtunë, 1 Nëntor 2025 12:21
    Ish-zëvendëskryeministri, Arben Ahmetaj ka reaguar pas ndarjes nga jeta të liderit socialist, Fatos Nano mesditën e 31 tetorit. Me anë të një postimi në Facebook, Ahmetaj shkruan se Fatos Nano la trashëgiminë e një tentative serioze dhe të sinqertë, të liberalizimit të një shoqërie të frustruar nga frika dhe intriga e terrori. Duke e konsideruar një mik të shtrenjtë të tij, Ahmetaj thotë se Nano, ishte një human, demokrat dhe vizionar.
    Reagimi:

    Fatos Nano la trashëgiminë e një tentative serioze dhe të sinqertë të liberalizimit të një shoqërie të frustruar nga frika dhe intriga e terrori. Fatos Nano tentoi, diku-diku dhe i vetëm të referonte diturinë në themel të një shoqërie.

    Shumëkush gatoi, hëngri e “ndërtoi” mbi liberalizmin dhe dashurinë e tij për “armiqtë”, i vetëçarmatosur nga thikat edhe ditën e tij të “Zeusit” të vdekshëm. Human, demokrat dhe vizionar! Mik i shtrenjtë për mua [????] ! U prehsh në paqe!

  • Ndarja nga jeta e Fatos Nanos/ ‘Mik i shtrenjtë për mua’, Ahmetaj: Human, demokrat dhe vizionar!

    Ndarja nga jeta e Fatos Nanos/ ‘Mik i shtrenjtë për mua’, Ahmetaj: Human, demokrat dhe vizionar!

    Ish zëvendëskryeministri Arben Ahmetaj ka reaguar pas ndarjes nga jeta të liderit socialist, Fatos Nano mesditën e 31 tetorit.

    Përmes një mesazhi në rrjetet sociale, Ahmetaj shkruan se Fatos Nano la trashëgiminë e një tentative serioze dhe të sinqertë, të liberalizimit të një shoqërie të frustruar nga frika dhe intriga e terrori.

    ‘Fatos Nano tentoi, diku-diku dhe i vetëm të referonte diturinë në themel të një shoqërie’, shkruan Ahmetaj.

    Duke e konsideruar një mik të shtrenjtë të tij, Ahmetaj thotë se Fatos Nano, ishte një human, demokrat dhe vizionar.

    Statusi

    Fatos Nano la trashëgiminë e një tentative serioze dhe të sinqertë të liberalizimit të një shoqërie të frustruar nga frika dhe intriga e terrori.

    Fatos Nano tentoi, diku-diku dhe i vetëm të referonte diturinë në themel të një shoqërie.

    Shumëkush gatoi, hëngri e “ndërtoi” mbi liberalizmin dhe dashurinë e tij për “armiqtë”, i vetëçarmatosur nga thikat edhe ditën e tij të “Zeusit” të vdekshëm.

    Human, demokrat dhe vizionar!

    Mik i shtrenjtë për mua [💔] !

    U prehsh në paqe!