Qindra trupa të pajetë janë nxjerrë nga shtëpitë e rrënuara si pasojë e tërmetit të fuqishëm në Afganistan javën e kaluar, duke e çuar numrin e përgjithshëm të të vdekurve në mbi 2200 persona, tha të enjten një zëdhënës i Qeverisë talibane.
Tërmeti 6 ballë goditi disa provinca malore në lindje të vendit të dielën në mbrëmje, duke rrafshuar fshatra dhe duke zënë njerëz nën rrënoja.
Shumica e viktimave janë regjistruar në Kunar, ku shumë banorë jetojnë në lugina të pjerrëta lumenjsh, të ndara nga male të larta.
Zëdhënësi i talibanëve, Hamdullah Fitrat, i cili e bëri të ditur shifrën e përditësuar prej 2205 viktimash, tha se përpjekjet për kërkim dhe shpëtim po vazhdojnë.
“Janë ngritur strehimore për njerëzit dhe po shpërndahen ndihma të para dhe furnizime emergjente”, tha ai, sipas raportimit të mediave ndërkombëtare.
Tereni i vështirë po ua bën më të zorshme punën ekipeve për shpëtim. Autoritetet talibane kanë përdorur helikopterë dhe kanë dërguar ushtarë nga ajri për t’i ndihmuar të mbijetuarit. Punonjësit e ndihmës thonë se detyrohen të ecin me orë të tëra për të arritur në fshatrat e bllokuara nga rrëshqitjet e dheut dhe shembja e shkëmbinjve.
Shkurtimet në financim po ndikojnë gjithashtu në reagimin ndaj krizës. Organizatat humanitare e kanë quajtur këtë fatkeqësi “krizë brenda krizës”.
Afganistani tashmë po përballej me pasojat e ndryshimeve klimatike, veçanërisht thatësirën, me ekonomi të dobët dhe kthimin e rreth 2 milionë afganëve nga vendet fqinje.
Tag: afganistan
-
Tërmeti në Afganistan, shkon mbi 2200 numri i viktimave/ Shqetësim për ndihmat humanitare
-
Nuk kanë të ndalur tërmetet, shkon në 1400 numri i viktimave në Afganistan
Dy tërmete të fuqishme goditën provincat lindore të Afganistanit brenda pak ditësh, duke shkaktuar shkatërrim të madh dhe një bilanc tragjik viktimash. Autoritetet raportojnë mbi 1,400 të vdekur, mijëra të plagosur dhe dhjetëra fshatra të shkatërruar.
Pas të dielës ku një tërmet me magnitudë 6 goditi provincën Kunar të dielën në mesnatë, duke rrafshuar të paktën tre fshatra dhe duke izoluar shumë zona malore pranë kufirit me Pakistanin. Vetëm dy ditë më pas, këtë të martë, një tërmet tjetër me magnitudë 5.5, po në një thellësi të cekët, tronditi sërish rajonin, duke shtuar dëmet dhe numrin e viktimave.
Zëdhënësi i Ministrisë së Shëndetësisë, Sharafat Zaman, tha: “Shumë njerëz kanë mbetur ende nën rrënoja. Ne kemi nevojë urgjente për ndihmë ndërkombëtare, pasi shumë familje humbën gjithçka.”
Pamjet nga terreni tregojnë fshatra të rrafshuara, banorë që gërmojnë me duar në rrënoja dhe viktima të mbështjella me qefin e bardhë për t’u varrosur. Helikopterët kanë transportuar dhjetëra të plagosur drejt spitaleve, ndërsa ekipet lokale dhe banorët përpiqen të shpëtojnë të mbijetuarit.
Organizatat humanitare paralajmërojnë për mungesë ushqimi, ujë të pijshëm dhe rrezik epidemish. “Kjo është një garë me kohën për të shpëtuar jetë,” tha Save the Children.
Ekspertët ndërkombëtarë kanë bërë thirrje komunitetit global për mobilizim urgjent, duke theksuar se kapacitetet e shpëtimit në Afganistan janë minimale. Britania njoftoi mbështetje emergjente për të prekurit, ndërsa Shtetet e Bashkuara shprehën ngushëllime, pa bërë ende të ditur nëse do të dërgojnë ndihma.
Kjo tragjedi ndodh në një vend tashmë të goditur nga krizat ekonomike, mungesa e ndihmës ndërkombëtare dhe politikat kufizuese të regjimit taleban, duke e bërë situatën edhe më dramatike për banorët e prekur. -
Shkon në 1400 numri i viktimave në Afganistan, tjetër tërmet lëkund vendin
Një tërmet tjetër, me magnitudë 5.5 ballë, tronditi Afganistanin juglindor të martën, duke shkaktuar frikë për dëme dhe shkatërrime të mëtejshme, pothuajse dy ditë pasi një tërmet i madh në të njëjtin rajon vrau më shumë se 1,400 njerëz dhe plagosi mijëra të tjerë.
Tërmeti i fundit ndodhi në një thellësi relativisht të vogël prej 10 km, në të njëjtin nivel me atë që goditi mesnatën e së dielës me një magnitudë prej 6 ballë. Ky ishte një nga tërmetet më të këqija të Afganistanit në vite, duke shembur shtëpi në fshatra të largëta.
Lëkundjet pasuese shkaktuan panik dhe ndaluan përpjekjet e shpëtimit, pasi shkëmbinj rrëshqisnin poshtë maleve, duke bllokuar rrugët dhe duke e bërë të rrezikshme gërmimin nëpër rrënoja, tha Safiullah Noorzai, i cili punon me Aseel, një platformë teknologjike humanitare me rrjete në të gjithë Afganistanin.Terreni i vështirë i ka penguar shumë përpjekjet e ekipeve të shpëtimit në fshatrat e izoluara.
‘Reuters’ informon se çdo shtëpi u dëmtua ose shkatërrua, me vendasit që ende gërmonin nëpër rrënoja për të mbijetuar. Shumë njerëz ishin ende të bllokuar. Disa shtëpi të dëmtuara pjesërisht u shkatërruan nga tërmeti i dytë, sipas banorëve.
Të paktën 1,411 persona dihet se kanë vdekur deri më tani, 3,124 janë plagosur dhe më shumë se 5,400 shtëpi janë shkatërruar, tha zëdhënësi i administratës talebane, Zabihullah Mujahid.
Koordinatori i OKB-së në Afganistan tha se numri i të vdekurve me siguri do të rritet më tej.
Grupi i ndihmës Save the Children i bëri thirrje bashkësisë ndërkombëtare që të lirojë urgjentisht fondet e emergjencës. Tërmeti ka ndërprerë burimet e ujit të pastër, duke rritur frikën e sëmundjeve dhe duke kufizuar aksesin në ushqim, tha grupi.
“Kjo tani është një garë me kohën për të shpëtuar jetë – për të nxjerrë njerëzit e plagosur nga fshatrat e largëta të izoluara nga rrëzimet masive të shkëmbinjve dhe për të siguruar ujë të pastër, ushqim dhe strehim”, tha Samira Sayed Rahman, Drejtoreshë e Programeve dhe Avokimit në Save the Children.
Afganistani është i prirur ndaj tërmeteve vdekjeprurëse, veçanërisht në vargmalin Hindu Kush, ku takohen pllakat tektonike indiane dhe euroaziatike. Provincat lindore të Kunar dhe Nangarhar u goditën më rëndë nga tërmeti i së dielës në mbrëmje. -
Tërmeti në Afganistan, mbi 1 mijë numri i viktimave, talebanët kërkojnë ndihmë ndërkombëtare
Një djalë afgan mban trupin e një foshnje të vdekur
AFGANISTAN- Ka shkuar mbi 1 mijë numri i viktimave si pasojë e një tërmeti të fuqishëm që tronditi të dielën Afganistanin, ndërsa talebanët kanë bërë thirrje për ndihmë ndërkombëtare në operacionin e kërkim shpëtimit.
Të paktën 1,124 persona u vranë dhe 3,251 të tjerë u plagosën pasi tërmeti me magnitudë 6.0 goditi qytete dhe fshatra pranë kufirit me Pakistanin të dielën, duke shkaktuar lëkundje të forta pasuese në Kabul, raportoi të martën Shoqata e Gjysmëhënës së Kuqe Afgane.
Shirat e rrëmbyeshëm, rrëshqitjet e dheut dhe rrugët e dëmtuara e kanë bërë të vështirë për ekipet e ndihmës të hyjnë në zonat e largëta malore të goditura më rëndë nga tërmeti.
Tërmeti goditi pak para mesnatës së të hënës 27 kilometra në verilindje të Jalalabadit, një qytet i zhurmshëm me rreth 200,000 banorë në Provincën Nangarhar pranë kufirit me Pakistanin, në një zonë malore të njohur për aktivitetin e saj sizmik, sipas Shërbimit Gjeologjik të Shteteve të Bashkuara (USGS).
Tërmeti ishte relativisht i cekët me një thellësi prej rreth 8 km, sipas USGS. Tërmetet e cekëta kanë tendencë të jenë më shkatërruese. Tërmeti shkatërroi provincën fqinje Kunar, duke rrafshuar tre fshatra, raportoi Reuters, duke cituar autoritetet lokale. Dëme dhe lëndime u raportuan gjithashtu në provincat Laghman, Nuristan dhe Panjshir, sipas qeverisë talebane dhe punonjësve humanitarë.
Tërmeti u ndje edhe në disa qytete në Pakistanin fqinj, tha Departamenti Meteorologjik i Pakistanit në një deklaratë.
Ky është tërmeti i tretë i madh që godet Afganistanin që nga viti 2021, i cili përballet me një mori katastrofash të shkaktuara nga njeriu dhe natyra, duke përfshirë varfërinë, konfliktin, thatësirën dhe kthimin e detyruar të miliona refugjatëve nga vendet fqinje si Pakistani dhe Irani.
Sipas disa vlerësimeve, tërmetet e fuqishme në vitet 2022 dhe 2023 vranë më shumë se 3,000 njerëz në provincat Paktika dhe Herat të Afganistanit. Yousaf Hammad, një zëdhënës i Autoritetit Kombëtar të Menaxhimit të Fatkeqësive në Afganistan, tha se numri i të vdekurve dhe të plagosurve ka të ngjarë të rritet.
“Të plagosurit po evakuohen, kështu që këto shifra mund të ndryshojnë ndjeshëm”, i tha ai AP-së.
Fotot nga pasojat treguan radhë shtëpish me tulla të mbuluara nga mbeturinat me baltë, ndërsa banorët ngjiteshin mbi grumbuj të mëdhenj betoni të rënë.Dëshmitarët okularë thanë se po kërkonin të dashurit e tyre të bllokuar nën shtëpitë e shembura, ndërsa prisnin me orë të tëra që punonjësit e emergjencës të arrinin në rajonet më të prekura, sipas AP.
“Isha gjysmë i varrosur dhe i paaftë të dilja”, tha për AP Sadiqullah, një banor i Nurgal, në provincën Kunar. Gruaja dhe dy djemtë e tij u vranë, shtoi ai./ZËRIa
termeti
-
Tërmeti në Afganistan, 622 të vdekur, fshatra të tërë u rrafshuan! Momenti kur toka dridhet (VIDEO)
Të paktën 622 persona kanë humbur jetën dhe gati 1,500 të tjerë janë plagosur pas një tërmeti me magnitudë 6.0 të shkallës Rihter që goditi Afganistanin lindor, sipas zëdhënësit të Ministrisë së Brendshme të Talibanëve, Abdul Matin Qani.
Fatkeqësia e fundit natyrore do ta përkeqësojë më tej krizën humanitare në Afganistan, i cili tashmë po përballet me një krizë humanitare për shkak të një rënieje të ndjeshme të ndihmës ndërkombëtare dhe dëbimit të shumë emigrantëve afganë nga vendet fqinje.Lexo edhe :Related Posts
Pamjet e televizionit Reuters treguan helikopterë që fluturonin mbi zonat e prekura, ndërsa banorët ndihmonin ushtarët dhe mjekët të transportonin të plagosurit në ambulanca.Tre fshatra u rrafshuan në provincën Kunar dhe disa të tjerë u dëmtuan rëndë, tha ministria e shëndetësisë.
Momenti i dridhjeve:CCTV footage shows the moment a magnitude 6.0 earthquake struck eastern Afghanistan. At least 600 people were killed and 1,500 injured, according to the Taliban government. pic.twitter.com/4BuJ5p6DUF
— Al Arabiya English (@AlArabiya_Eng) September 1, 2025Ekipet e shpëtimit kërkojnë të mbijetuar në rrënojat në provincën Khyber Pakhtunkhwa, në kufirin me Pakistanin, ku shtëpi të ndërtuara me baltë dhe gurë u shembën për shkak të tërmetit.
Thellësia fokale e dridhjeve ishte vetëm 8 kilometra dhe epiqendra e tij ndodhej 27 kilometra nga Jalalabad, kryeqyteti i provincës Nangarhar, sipas Shërbimit Gjeologjik të SHBA-së (USGS).
Tërmeti, i cili ndodhi gjatë natës, ishte shumë i fortë, ndërsa janë regjistruar tashmë pesë lëkundje pasuese, njëra prej të cilave ishte me magnitudë 5.2.#AfghanistanEarthquake: Afghan official Bakhtar news agency has reported that Around 250 people have been killed and 500 others injured in the earthquake that struck the districts of Nurgal, Sawki, Watpur, Manogi, and Chapa Dara in #Kunar province last night. Officials say these… pic.twitter.com/KspP2lD2qG
— Tahir Khan (@taahir_khan) September 1, 2025Gazetarët e AFP-së i ndjenë dridhjet në Kabul, si dhe në Islamabad të Pakistanit, 370 kilometra nga epiqendra.
Ndërkohë, provinca Nangarhar u godit javën e kaluar nga përmbytje që vranë pesë persona dhe shkaktuan dëme materiale në zonat rurale.
Afganistani goditet shpesh nga tërmete të fuqishme, veçanërisht në vargmalin Hindu Kush ku kryqëzohen pllakat tektonike euroaziatike dhe indiane.#افغانستان میں حکام کا کہنا ہے کہ #کونڑ سمیت ملک کے مشرقی صوبوں میں زلزلے سے جانی اور مالی نقصان ہوا ہے۔ رات 12 بجے انے والے زلزلے سے کئی عمارتیں گرگئی ہیں۔ افغان حکومت کے ترجمان ذبیح اللہ #مجاہد @Zabehulah_M33 کے مطابق امدادی ٹیمیں علاقے میں لوگوں کو نکالنے میں مصروف ہیں۔ مرکز… pic.twitter.com/DPKcmpUZW3
— Tahir Khan (@taahir_khan) August 31, 2025Një seri tërmetesh në pjesën perëndimore të vendit vrau më shumë se 1,000 njerëz në vitin 2024. Vendi, një nga më të varfrit në botë, mbetet jashtëzakonisht i prekshëm nga fatkeqësitë natyrore./vizionplus.tv
-
Tërmet i frikshëm në Afganistan, më shumë se 600 të vdekur dhe mijëra të plagosur
PAMJE NGA VENDNGJARJA
AFGANISTAN-Më shumë se 600 persona dyshohet se kanë vdekur pas një tërmeti me magnitudë 6.0 që goditi Afganistanin. Tërmeti, në një thellësi prej 8 km (6 milje), tronditi ndërtesat nga Kabuli deri në kryeqytetin e Pakistanit, Islamabad, raporton BBC.
Numri i të vdekurve në Kunar është 610, me 12 të tjerë në Nangarhar , duke e çuar numrin në 622 persona. Thuhet se më shumë se 1600 janë plagosur. Burime nga qeveria talebane thonë se dhjetëra shtëpi janë “nën rrënoja”, ndërsa zyrtarët raportojnë se shumë fshatra janë shkatërruar. Shërbimet e shpëtimit po kërkojnë për të mbijetuar në rrënojat e shtëpive të shkatërruara.
Qyteti Jalalabad, me rreth 300 mijë banorë, është një qendër tregtare e rëndësishme për shkak të afërsisë me Pakistanin. Shumica e ndërtesave janë të ulëta, prej betoni dhe tullash, ndërsa në zonat periferike ka shtëpi prej balte dhe druri. Ndërsa lëkundjet pasuese vazhdojnë, përpjekjet e shpëtimit po ndërlikohen nga rrugët e ngushta malore të rajonit, disa prej të cilave janë bllokuar nga rrëshqitjet e dheut./ZËRI -
Të paktën 76 të vdekur në një aksident trafiku në Afganistan
Të paktën 76 persona kanë vdekur pasi një autobus që po bartte migrantë afganë, të kthyer nga Irani, u përplas me makina të tjera në perëndim të Afganistanit, tha një zyrtar provincial.
“Shtatëdhjetë e gjashtë qytetarë të shtetit… humbën jetën e tyre në këtë incident dhe tre të tjerë janë lënduar rëndë”, tha përmes një deklarate Mohammad Yousuf Saeedi, zëdhënës i Qeverisë provinciale të Heratit.
Policia në qarkun Guzara, që gjendet në periferi të qytetit Herat ku ndodhi aksidenti mbrëmjen e së martës, tha se autobusi u përplas me një motoçikletë dhe një kamion që po bartte karburante. Si pasojë e aksidentit u shkaktua zjarr.Autobusi po bartte afganë që së fundi ishin kthyer nga Irani në kryeqytetin afgan, Kabul.
Të paktën 1.5 milion persona janë kthyer në Afganistan nga Irani dhe Pakistani që nga fillimi i këtij viti. Këto dy shtete po synojnë që të dëbojnë migrantët që për dekada i kanë strehuar, sipas agjencisë për migrim të Kombeve të Bashkuara.
Agjencia shtetërore e lajmeve, Bakhtar, tha se aksidenti i së martës mbrëma ishte një më vdekjeprurësit që ka ndodhur në Afganistan në vitet e fundit.
Aksidentet rrugore janë të zakonshme në Afganistan, për shkak të rrugëve të dëmtuara pas dekadash konflikt, ngasjes së rrezikshme në autostrada dhe mungesës së rregulloreve për trafik.
Dhjetorin e vitit të kaluar, dy aksidente me autobusë që përfshinë një cisternë karburanti dhe një kamion në një autostradë në Afganistanin qendror lanë të vdekur të paktën 52 persona. -
Tragjedi në Afganistan! Autobusi përplaset me kamionin, mbi 70 viktima
Të paktën 71 persona kanë humbur jetën sot në një aksident të rëndë rrugor në provincën Herat, në perëndim të Afganistanit.
Ngjarja tragjike ka ndodhur gjatë orëve të para të mëngjesit, kur një autobus që transportonte migrantë të dëbuar është përplasur me një kamion dhe një motoçikletë, duke shkaktuar një zjarr të madh që përfshiu automjetin.
Sipas zëdhënësit të qeverisë provinciale, Ahmadullah Mutaki, përplasja ka ndodhur në një nga segmentet më të frekuentuara të rrugës që lidh Heratin me Kabulin.
Autobusi, i mbushur me migrantë të rikthyer në vend, ka devijuar nga rruga kryesore për shkak të shpejtësisë së lartë dhe mungesës së kontrollit nga ana e shoferit. Ai është përplasur fillimisht me një motoçikletë dhe më pas me një kamion, duke shkaktuar një shpërthim dhe më pas zjarr të fuqishëm.
Autoritetet konfirmojnë se 71 persona kanë humbur jetën në vend, përfshirë 17 fëmijë. Disa të tjerë janë plagosur rëndë dhe janë dërguar me urgjencë në spitalet e zonës. Shumica e viktimave ishin persona që po ktheheshin në Kabul pas dëbimit nga vendet fqinje.
Policia lokale ka dalë me një deklaratë zyrtare, duke thënë se “shpejtësia tej normave të lejuara dhe pakujdesia e drejtuesit të autobusit ishin shkaqet kryesore të aksidentit”. Hetimet për zbardhjen e plotë të rrethanave janë në vijim.
Pamjet nga vendi i ngjarjes tregojnë skena të rënda – autobusi i djegur thuajse plotësisht, trupat e pajetë të viktimave dhe përpjekjet e zjarrfikësve për të shuar flakët dhe për të shpëtuar ata që mund të kenë mbijetuar.
Ky është një nga aksidentet më të rënda rrugore që ka ndodhur në Afganistan në vitet e fundit. Infrastrukturat rrugore të amortizuara, mungesa e kontrollit të mjeteve të transportit dhe shkeljet e rregullave të qarkullimit janë faktorë që vazhdojnë të kontribuojnë në numrin e lartë të aksidenteve në këtë vend.
Autoritetet lokale kanë shpallur ditë zie në Herat dhe kanë bërë thirrje për ndihmë ndërkombëtare për përballimin e pasojave të kësaj fatkeqësie.Top Channel
-
Raporti përfundimtar i SHBA-së zbulon dështime serioze në misionin në Afganistan
FOTO ILUSTRUESE
SHBA- Një agjenci qeveritare e Shteteve të Bashkuara, e themeluar më 2008, për t’i vlerësuar përpjekjet amerikane për të mbështetur Afganistanin, e ka dorëzuar raportin e 68-të, njëherësh i fundit, në Kongres – në të cilin përmenden shpërdorime dhe “korrupsion i përhapur” gjatë ndërhyrjes 20-vjeçare të Perëndimit, si dhe shqetësime rreth shkurtimeve të ndihmës nga administrata Trump.
Raporti është përpiluar nga Inspektori i Përgjithshëm Special për rindërtim të Afganistanit, agjenci qeveritare, dhe është publikuar më 30 korrik, dy javë para përvjetorit të katërt të ngjitjes së talibanëve në pushtet në Afganistan.
Në kapitullin e titulluar “Gjetjet kryesore në fund të misionit” theksohet se Qeveria afgane e përkrahur nga Perëndimi, me raste nuk i ka pëlqyer projektet që i kanë propozuar Shtetet e Bashkuara.
“Për shembull, agjencia ka gjetur se shumica e ndërtesave në pesë objekte të policisë kufitare afgane në vlerë prej 26 milionë dollarëve, ose kanë qenë të thata, ose janë përdorur për qëllime tjera, në njërin rast si kafaz i pulave”.
Në raportin prej 99 faqeve theksohet se ky vlerësim është i bazuar në hollësi që tregojnë se nëpër çfarë ka kaluar misioni i udhëhequr nga Shtetet e Bashkuara në Afganistan.
“Dhënia fund e raportimeve të agjencisë do të jetë humbje e madhe”, ka thënë Orzala Nemat, hulumtuese e lartë në Institutin Royal United Services me bazë në Londër, në disa përgjigje për Radion Evropa e Lirë.
“Fatkeqësisht, keqpërdorimi i resurseve është fakt që nuk mund të injorohet. Është mirë që të paktën e kemi pasur një burim të besueshëm, dhe që mund ta citonim për këto pretendime teksa e vazhdonim punën”.
Analisti veteran për Afganistanin, Thomas Ruttig, ka thënë se ata që i kanë përcjellë raportet, e kanë pasur idenë e qartë se çfarë është duke ndodhur dhe se si do të përfundonte e gjitha.
“Politikanët i kanë injoruar të gjitha informacionet dhe kanë vazhduar me mesazhet e mira prej Afganistanit derisa trupat janë detyruar të largohen në gusht të vitit 2021. Është një arkivë shumë e vlefshme e asaj se çfarë ka shkuar keq në Afganistan. Do të kishte qenë shumë mirë nëse donatorët apo Qeveria amerikane do ta ndihmonin”, ka shtuar ai.
Në raport përmendet se shtetet evropiane dhe institucionet e ndryshme në botë kanë dërguar sasi të mëdha fondesh në Afganistan, çka e ka rritur ndjeshëm korrupsionin, të cilit zyrtarët amerikanë nuk i kanë kushtuar shumë vëmendje sepse “prioritet e kanë pasur sigurinë”.
Ruttig, i cili ka punuar në Afganistan për Kombet e Bashkuara, Bashkimin Evropian dhe Gjermaninë në periudhën 2000-2006, është pajtuar me vlerësimin sa i përket angazhimit të Perëndimit.
“Të gjithë kanë qenë të vetëdijshëm që korrupsioni është problem i madh, mirëpo ka rënë ndesh me strategjinë politike dhe gjithmonë ka qenë prioritet i dytë. Siguria gjithmonë ka qenë e para”, ka thënë ai.
Politika e Trumpit në Afganistan
Mirëpo, raporti përfundimtar nuk shërben vetëm si reflektim për misionin në tërësi.
Aty përmendet edhe ndikimi humanitar nga vendimet e administratës së presidentit amerikan, Doanld Trump, për t’i ndalur ndihmat për Afganistanin. Sipas raportit, Departamenti amerikan i Shtetit nuk e ka sqaruar pse programe specifike janë pezulluar.
“Byroja për Popullsi, Refugjatë dhe Migrim e Departamentit të Shtetit i ka thënë agjencisë se ata nuk kanë qenë të informuar pse disa programe janë anuluar dhe që as nuk kanë qenë të përfshirë në vendimmarrje”, është thënë në raport.
Radio Evropa e Lirë e ka pyetur Departamentin e Shtetit që të ofrojë më shumë hollësi për këtë dhe detaje tjera që janë parë në raport.
Raporti i Inspektorit të Përgjithshëm Special ka thënë se Uashingtoni “e ka ndalur gjithë ndihmën e huaj që ka pasur të bëjë me Afganistanin” prej muajit prill.
Ky vendim është marrë në përputhje me urdhrin ekzekutiv të janarit që përcaktonte se “ndihma e huaj amerikane dhe burokracia nuk janë në linjë me interesat amerikane, dhe në disa raste janë kundër etikës dhe vlerave amerikane”.
Brenda ditësh, administrata Trump ka marrë hapa të shpejtë për të shkatërruar Agjencinë amerikane për Zhvillim Ndërkombëtar (USAID), e cila ka qenë agjencia kryesore e Qeverisë amerikane për të shpërndarë ndihmë nëpër botë.
“Njerëzit janë në situata dëshpëruese pas ndaljes së ndihmave amerikane në Afganistan”, ka thënë Nemat, e cila ka punuar në projekte të USAID-it për të ofruar strehim për viktimat e trafikimit me njerëz.
“Nuk e di se çfarë ka ndodhur me grupet e cenueshme që kanë qenë duke u strehuar nëpër ato qendra falë atij programi, dhe as nuk e di se çfarë do të ndodhë në të ardhmen”, ka shtuar ajo.
Në raport përmenden edhe “deklarata kundërthënëse” rreth përpjekjeve të talibanëve për të konfiskuar asete, përfshirë makinat ushtarake nga operacionet e USAID-it që janë pezulluar këtë vit në Afganistan.
“USAID vuri në dukje se njësi të blinduara rëndë nga drejtoria e përgjithshme e inteligjencës së talibanëve kanë hyrë me forcë në kompleksin e partnerëve për zbatim projektesh, duke sekuestruar pajisje, para dhe dokumentacion të projektit”.
Mirëpo, ky vlerësim është në kundërshtim me informacionin e lëshuar nga Uashingtoni, sipas raportit.
“As Byroja për Popullsi, Refugjatë dhe Migrim, dhe as Zyra për largim dhe zvogëlim të sasisë së armëve nuk kanë thënë se partnerët janë përballur me ndonjë kërkesë të talibanëve për asete, të dhëna apo të dhëna persona të stafit”, sipas raportit.
Kjo çështje është tejet e ndjeshme, pasi vetë presidenti amerikan, Donald Trump, ka kërkuar nga talibanët që t’i dorëzojnë pajisjet ushtarake që i kanë lënë mbrapa forcat amerikane më 2021.
“Afganistani është njëri prej shitësve më të mëdhenj të pajisjeve ushtarake në botë, dhe a e dini pse? Janë duke i shitur pajisjet që ne i kemi lënë mbrapa”, ka thënë Trump në janar.
“Ne i duam mbrapsht pajisjet tona ushtarake”, ka thënë presidenti amerikan.
Agjencia që bënte vlerësime për këtë mision do të pushojë së ekzistuari në shtator.
Deri atëherë, ajo do të publikojë edhe një raport të fundit për mësimet që duhet nxjerrë nga Afganistani, Gaza, Siria dhe vende tjera, që mund të aplikohen për situatat e së ardhmes, më saktësisht për të kuptuar më shumë për misionet e ndihmës në shtetet jodemokratike./REL -
Dëbime në Afganistan me mbështetjen e Katarit
Për herë të dytë që kur talebanët radikalë morën pushtetin në gusht 2021, Gjermania ka deportuar qytetarë afganë në vendin e tyre të origjinës. Të enjten në mëngjes, një aeroplan me 81 meshkuj në bord u nis nga Aeroporti i Leipzigut direkt për në Kabul. Rreth gjashtë orë më vonë, aeroplani u ul në kryeqytetin afgan.
Sipas Ministrisë së Brendshme të Gjermanisë, këta janë “meshkuj afganë që janë të detyruar të largohen nga vendi” dhe janë dënuar për “krime të rënda dhe shumë të rënda”. Ministri i Brendshëm i Gjermanisë, Alexander Dobrindt (CSU) theksoi në programin “Morgenmagazin” (Revista e mëngjesit) të ARD se ekziston një “interes legjitim i qytetarëve” për dëbime të tilla.
Fluturimi i riatdhesimit u krye, si në operacionin e fundit në gusht 2024, me mbështetjen e Katarit.
Katari ndërmjetëson për riatdhesimet
Kontaktet me talebanët u kryen ekskluzivisht në një “nivel teknik” përmes një zyre ndërlidhëse në Katar. Ministri i Jashtëm Johann Wadephul (CDU) theksoi së fundmi se regjimi islamist është i izoluar ndërkombëtarisht për shkelje masive të të drejtave të njeriut dhe se Gjermania nuk e njeh atë si një qeveri legjitime.Ministri i Brendshëm Dobrindt dëshiron ta ndryshojë këtë situatë. Në fillim të korrikut, ai i tha revistës Focus se synonte të arrinte marrëveshje të drejtpërdrejta riatdhesimi me Afganistanin, pasi një zgjidhje e palës së tretë nuk mund të jetë një zgjidhje e përhershme.
Organizatat e të drejtave të njeriut për refugjatët dhe OKB-në i hedhin poshtë këto plane. Kushtet në terren nuk janë ende të përshtatshme për riatdhesime, tha Arafat Jamal, përfaqësues i Agjencisë së OKB-së për Refugjatët (UNHCR) në Kabul, në përgjigje të deklaratave të Dobrindt-it. Zëdhënësja e Zyrës së OKB-së për të Drejtat e Njeriut, Ravina Shamdasani, vuri në dukje shkeljet e vazhdueshme të të drejtave të njeriut në Afganistan, të tilla si ekzekutimet dhe shtypja e grave.
Organizatat gjermane për të drejtat e njeriut gjithashtu shprehën shqetësimin e tyre. Pro Asyl e quajti dëbimin një “shkelje flagrante të së drejtës ndërkombëtare”. Zëdhënësja e saj, Judith Wiebke, theksoi se talebanët përdorin ndëshkime brutale trupore për shkeljen e standardeve të tyre morale. Julia Duchrow e Amnesty International deklaroi se ekzekutimet jashtëgjyqësore dhe torturat janë të zakonshme në Afganistan. “Të drejtat e njeriut janë për të gjithë ose për askënd”.Politikani i gjelbër Anton Hofreiter paralajmëroi në programin “Morgenmagazin” të ARD për një “rivlerësim masiv të terrorizmit islamist” për shkak të fluturimeve të riatdhesimit. Sipas Hofreiter, “terroristët islamistë” sundojnë Afganistanin.
Mijëra afganë të detyruar të largohen nga vendi
Sipas shifrave aktuale të qeverisë gjermane,në Gjermani jetojnë rreth 446.000 afganë. 11.423 prej tyre janë të detyruar të largohen nga Gjermania, 9.602 kanë leje qëndrimi të përkohshme dhe 1.821 janë pa të. Lejet e qëndrimit të përkohshëm jepen kur riatdhesimi pezullohet përkohësisht, për shembull, për shkak të mungesës së dokumenteve të udhëtimit, sëmundjes ose vazhdimit të një trajnimi.
Para ndryshimit të pushtetit në Kabul, Gjermania kryente rregullisht fluturime deportimi për në Afganistan. Në korrik 2021, u krye fluturimi i fundit, fluturimi i 40-të kolektiv i deportimit që nga viti 2016. Deri atëherë, ishin riatdhesuar gjithsej 1.104 meshkuj./ DW/