Lajmidites.com

Tag: adolescence

  • Filmi “Adolescence”/ Owen Cooper bën histori në Emmy, 15-vjeçari bëhet fituesi më i ri djalë në çmimet Primetime

    Filmi “Adolescence”/ Owen Cooper bën histori në Emmy, 15-vjeçari bëhet fituesi më i ri djalë në çmimet Primetime

    Aktori britanik Owen Cooper, vetëm 15 vjeç, ka bërë histori duke u shpallur fituesi më i ri djalë ndonjëherë i një çmimi Primetime Emmy, për rolin e tij në serialin dramatik të Netflix, Adolescence.

    Ai fitoi çmimin për aktorin më të mirë mbështetës në një serial të kufizuar, për portretizimin e një adoleshenti të akuzuar për vrasje.
    Drama katër-pjesëshe Adolescence dominoi ceremoninë e Emmy-ve të 77-ta, duke fituar gjithashtu çmimet për serialin më të mirë të kufizuar, regjinë, skenarin, si dhe çmime aktrimi për Stephen Graham dhe Erin Doherty.
    Në një fjalim emocional, Cooper tha: “Unë nuk isha asgjë tre vjet më parë, dhe tani jam këtu. Çdo gjë është e mundur nëse del nga zona jote e rehatisë.” Ai falënderoi familjen, ekipin e prodhimit dhe kolegët e tij, duke theksuar: “Ky çmim u përket njerëzve pas kameras.”
    Stephen Graham, i cili fitoi çmimin për aktorin më të mirë protagonist, theksoi ndikimin që mund të ketë përfaqësimi, ndërsa Erin Doherty e quajti projektin “një përpjekje të vërtetë ekipore.”
    Ndërkohë, komedia The Studio theu rekordin për më shumë çmime të fituara ndonjëherë nga një komedi në një sezon të vetëm, me 13 trofe në total, përfshirë çmimin për aktorin më të mirë komik për Seth Rogen.
    Drama The Pitt fitoi si seriali më i mirë dramatik, me çmime aktrimi për Noah Wyle dhe Katherine LaNasa, ndërsa thrilleri Severance u vlerësua me çmime për Tramell Tillman dhe Britt Lower.
    Stephen Colbert, pak javë pas anulimit të The Late Show, fitoi çmimin për serialin më të mirë për biseda, duke falënderuar stafin dhe duke bërë shaka për kërkimin e një pune të re.
    Ceremonia u shënua edhe nga një nismë bamirësie, ku prezantuesi Nate Bargatze njoftoi një donacion prej 250,000 dollarësh për The Boys & Girls Clubs of America, të lidhur me kohëzgjatjen e fjalimeve të fituesve.

    Top Channel

  • Lista e fituesve në edicionin e 77-të të “Emmy Awards”

    Lista e fituesve në edicionin e 77-të të “Emmy Awards”

    Ceremonia madhështore e 77-të e Çmimeve Emmy ka shpallur fituesit më të mëdhenj të televizionit, ku serialet më të suksesshëm dhe aktorët më të talentuar janë nderuar për punën e tyre të jashtëzakonshme gjatë vitit.
    Seriali “The Pitt” ka triumfuar në kategorinë e “Dramës më të mirë” pas një konkurrencë të ashpër, ndërsa “The Studio” është shpallur “Komedia më e mirë”, duke barazuar rekordin e 23 nominimeve të vendosur nga “The Bear” në vitin 2024. Në kategorinë e serive të limituara ose antologjike, çmimi kryesor shkoi për serialin “Adolescence”.
    Disa nga fituesit më të shquar të natës:

    Britt Lower shpallet Aktorja më e mirë në një dramë për rolin e saj në Severance.
    Noah Wyle fitoi çmimin për Aktorin më të mirë në një dramë me performancën në The Pitt.
    Në komedi, Seth Rogen mori çmimin për Aktorin më të mirë për rolin në The Studio, ndërsa Jean Smart e fitoi çmimin e saj të shtatë Emmy për rolin në Hacks.
    Stephen Graham u shpall Aktori më i mirë në një seri të limituar për Adolescence, dhe Cristin Milioti fitoi çmimin për Aktoren më të mirë në një seri të limituar për The Penguin.

    Ceremonia, e udhëhequr nga humoristi Nate Bargatze, u transmetua drejtpërdrejt në CBS dhe në platformën Paramount+, duke ofruar një natë të paharrueshme për dashamirësit e televizionit.
    Disa nga fituesit e kategorive kryesore:

    “Andor”
    “The Diplomat”
    “The Last of Us”
    “Paradise”
    “The Pitt” — FITUES
    “Severance”
    “Slow Horses”
    “The White Lotus”

    Aktor kryesor në dramë

    Sterling K. Brown, “Paradise”
    Gary Oldman, “Slow Horses”
    Pedro Pascal, “The Last of Us”
    Adam Scott, “Severance”
    Noah Wyle, “The Pitt” — FITUES

    Komedia më e mirë

    “Abbott Elementary”
    “The Bear”
    “Hacks”
    “Nobody Wants This”
    “Only Murders in the Building”
    “Shrinking”
    “The Studio” — FITUES
    “What We Do in the Shadows”

    Seria e limituar ose antologjike më e mirë

    “Adolescence” — FITUES
    “Black Mirror”
    “Dying for Sex”
    “The Penguin”
    “Monsters: The Lyle and Erik Menendez Story”

  • Owen Cooper bën histori: Aktori kryesor i serialit “Adolescence” është fituesi më i ri i çmimit Emmy

    Owen Cooper bën histori: Aktori kryesor i serialit “Adolescence” është fituesi më i ri i çmimit Emmy

    Ceremonia e 77-të e ndarjes së çmimeve Emmy u zhvillua në Los Angeles, dhe një nga momentet më të paharrueshme të natës ishte fitorja e 15-vjeçarit Owen Cooper. Ylli i serialit “Adolescence” fitoi çmimin për aktorin më të mirë në një rol kryesor, duke u bërë kështu fituesi më i ri në histori të çmimit të njohur.
    Në fjalën e tij pas marrjes së çmimit, Cooper ndau emocionet e tij dhe tha se kur nisi të ndiqte kurse drame, as që mund ta imagjinonte se do të ndodhte diçka e tillë. “Kur fillova, nuk prisja kurrë të isha këtu në SHBA, e lëre më këtu. Rreth tre vjet më parë nuk isha asgjë, dhe tani jam këtu. Dilni nga zona juaj e rehatisë, kujt i intereson nëse e turpëroni veten”, tha ai, duke i dhënë një mesazh frymëzues audiencës.
    Seriali “Adolescence” u shpërblye gjithashtu me gjashtë çmime, duke përfshirë çmimin për miniserialin më të mirë. Stephen Graham, aktori i serialit, fitoi çmimin për aktorin më të mirë dhe theksoi rëndësinë e barazisë në sheshin e xhirimeve, duke deklaruar se për të ishte thelbësore që të gjithë të ishin të barabartë gjatë procesit të krijimit.
    Ky vit ka qenë i suksesshëm për shfaqje si “Adolescence”, “The Studio” dhe “The Pitt”, që morën çmime të shumta gjatë natës së madhe të televizionit.

  • Kinema/ ”Adolescence” dhe Owen Cooper triumfojnë në Emmy Awards

    Kinema/ ”Adolescence” dhe Owen Cooper triumfojnë në Emmy Awards

    Ylli i “Adolescence”, Owen Cooper u bë aktori më i ri mashkull që fiton një Emmy, duke e fituar çmimin për rolin e tij në dramën britanike të Netflix.
    Cooper, i cili kishte bërë histori si personi më i ri i nominuar ndonjëherë për aktor mbështetës në një serial të kufizuar, i tha audiencës në Çmimet e 77-ta Emmy se ”tri vite më parë isha askushi”.
    “Sinqerisht, kur fillova këto kurse drame disa vjet më parë, nuk prisja të isha as në Shtetet e Bashkuara e lëre më këtu”, tha aktori anglez në fjalimin e tij pas pranimit të çmimit.
    “Por, mendoj se sonte vërteton se nëse dëgjon dhe përqendrohesh dhe del nga zona jote e rehatisë, mund të arrish çdo gjë në jetë”, theksoi ai.
    Yjet e Hollivudit mbërritën në teatrin ”Peacock” në Los Anxheles të dielën në mbrëmje për ceremoninë, të drejtuar nga komediani amerikan Nate Bargatze.
    “Shkruhet emri im në këtë statujë, por në të vërtetë u përket të gjithë njerëzve që punuam bashkë”, tha Cooper.
    Ylli tjetër i filmit, Erin Doherty fitoi çmimin për aktoren më të mirë mbështetëse në një serial të kufizuar.
    “Severance” u nominua 27 herë, ndërsa miniseriali dramatik kriminal ”The Penguin” pati 24 nominime dhe “Adolescence” mori 13.
    Drama britanike, e cila dominoi listën më të shikuar të Netflix në fillim të këtij viti, përqendrohet në historinë e një djali 13-vjeçar të arrestuar për vrasjen e një shoku klase.
    Regjisori i “Adolescence”, Philip Barantini, mori çmimin Emmy për regji të shkëlqyer për një serial ose film të kufizuar ose antologjik, ndërsa shkrimtarët Jack Thorne dhe Stephen Graham fituan për skenar të shkëlqyer në të njëjtën kategori.
    Më poshtë vijon lista e fituesve në kategoritë kryesore për çmimet e 77-ta Emmy, ekuivalenti televiziv amerikan i Oscar-ëve, të prezantuara dje në mbrëmje vonë në Los Anxheles.
    Satira hollivudiane e prapaskenave “The Studio” fitoi 13 çmime, përfshirë Komedinë më të Mirë.
    – Seriali më i mirë dramatik –
    “The Pitt”
    – Komedia më e mirë –
    “The Studio”
    – Seriali më i mirë antologjik –
    “Adolescence”
    – Aktori më i mirë në një serial dramatik –
    Noah Wyle, “The Pitt”
    – Aktorja më e mirë në një serial dramatik –
    Britt Lower, “Severance”
    – Aktori më i mirë në një serial komedi –
    Seth Rogen, “The Studio”
    – Aktorja më e mirë në një serial komedi –
    Jean Smart, “Hacks”
    – Aktori më i mirë në një serial të limituar –
    Stephen Graham, “Adolescence”
    – Aktorja më e mirë në një serial të limituar –
    Cristin Milioti, “The Penguin”.

  • “Adolescence 2” po vjen? Sezoni i ri mund të thyejë çdo pritshmëri

    “Adolescence 2” po vjen? Sezoni i ri mund të thyejë çdo pritshmëri

    Pas suksesit të papritur të serialit “Adolescence”, i cili numëron mbi 100 milionë shikime në Netflix, diskutimet për një sezon të dytë kanë nisur mes producentëve. Një prej zërave më të rëndësishëm në kast, Stephen Graham, i cili interpretoi babain e Jamie-t, ka ndarë mendimet e tij për mundësinë e rikthimit në ekran.
    “Është ende një mundësi,” tha Graham për Variety, duke treguar se ndonëse ka entuziazëm për një vazhdim, ai mbetet realist. “Kjo ndodh një herë në jetë,” shtoi aktori, duke nënkuptuar se suksesi i parë është i vështirë të përsëritet.
    Nëse projekti do të marrë dritën jeshile, Graham është i hapur për një qasje tërësisht të re. “Nëse do ta vazhdonim, do të më pëlqente ta vazhdoja? Plotësisht me një histori të re? Po,” tha ai, duke lënë të kuptohet se sezonit të dytë mund t’i mungojë familja e Jamie-t. Një nga personazhet që me shumë gjasë nuk do të rikthehet është Katie, ndonëse perspektiva e saj mbeti e pashfaqur në sezonin e parë.

    “Nëse do të ishim në një dramë të zakonshme, do ta shihnim nga perspektiva e Katie dhe do të shihnim ç’po ndodhte më pas me familjen e saj. Por ndjeva se e kemi parë këtë. E kemi parë shumë herë. Por nuk kemi parë këtë,” sqaroi Graham, duke sugjeruar se fokusi duhet të mbetet në rrëfimin e rrallë që seriali solli.
    Ai shtoi: “Doja të sigurohesha se Jamie nuk vinte nga një ambient familjar me nënën e alkoolizuar, baba të dhunshëm apo se ishte ngacmuar nga ndonjë i afërm. Pa dashur të shpreh mungesë respekti, por këto janë gjërat që ndodhin në dramat e zakonshme që janë të kuptueshme. Doja ta shkundja paksa kutinë dhe të shihja ç’mund të gjenim aty.”
    Seriali solli një portretizim të një djali të zakonshëm, Jamie, që vinte nga një familje e thjeshtë, ndonëse marrëdhënia me të atin, Eddie, kishte mungesë afeksioni. Ai ishte një fëmijë që nuk binte në sy për probleme, derisa një ditë gjithçka ndryshon kur akuzohet për vrasjen e shoqes së tij të klasës – një ngjarje që trondit edhe vetë shikuesit.
    Me gjithë misterin që rrethon vazhdimësinë, një gjë është e sigurt: nëse “Adolescence 2” bëhet realitet, nuk do të jetë thjesht një përsëritje e së shkuarës, por një përpjekje për të thyer pritshmëritë – sërish.

  • “Adolescence” një pasqyrë e tragjedisë së Martin Canit, nëna e tij: Ende s’na kanë kërkuar falje! Dua dënim për përgjegjësit

    “Adolescence” një pasqyrë e tragjedisë së Martin Canit, nëna e tij: Ende s’na kanë kërkuar falje! Dua dënim për përgjegjësit

    Florina Cani

    TIRANË- Filmi “Adolescence” në Netflix është përqafuar nga publiku i gjerë pasi secili prej nesh gjen një copëz të vetvetes në shoqërinë modern ku jetojmë. E ne shqiptarët e kemi ende të freskët ngjarjen tragjike ku humbi jetën 14-vjeçcari Martin Cani.
    Një adoleshent u vra dhe një tjetër është në burg, e një tjetër bashkëmoshatar i tyre që u plagos, vuan pasojat e një traume të rëndë.
    Pesë muaj nga ngjarja e dhimbshme secili prej nesh reflekton mbi ngjarjet e atij filmi, ndikimi i rrjeteve sociale që shtyn të rinjtë të ndihen të pavlerësuar apo të paaftë për tu përshtatur, konflikte që nisin nga rrjetet sociale, që lindin në shoqërinë e shkollës e që përfundojnë në ngjarje tragjike si ajo e Martinit.
    Mbrëmjen e sotme në studion e Top Story ishte e pranishme nëna e Martinit, e cili me zërin që i dridhej u shpreh se familja e autorit nuk i kanë kërkuar ende një falje.
    Ajo tha se kërkon që autori të marrë dënimin e merituar dhe të mbajnë përgjegjësi të gjitha hallkat që nuk parandaluan këtë tragjedi.
    “Familja e Marios nuk na kanë kërkuar falje, me gjithë atë dhimbje që na ra, që të thonë si të bëjmë që na ra në kjo fatkeqësi, se ai e ka në jetë fëmijën e tij, ndërsa unë jo, dhe kërkojnë dhe ulje dënimi.
    Duhet të vihen disa rregulla. Nuk na është ofruar asnjë ndihmë, asnjë psikolog. Besoj se mes atyre fëmijëve është pakujdesia te shkolla, sepse nëse në shkollë zihen dy fëmijë, patjetër duhet njoftuar prindi. Të më kishin marrë në telefon mua unë isha aq e ndërgjegjshme që të mos kërkoja llogari dhe do e mbaja peshën vete.
    Dua të marrë gjithsesi atë që meriton. Se të mos jetë kështu, unë nuk vij këtu”, tha nëna e Martinin me zërin që i dridhej./Top Channel

  • “Adolescence”, Starmer: Seriali të transmetohet në të gjithë shkollat e vendit!

    “Adolescence”, Starmer: Seriali të transmetohet në të gjithë shkollat e vendit!

    Në takimin e tij me krijuesit e serialit hit të Netflix “Adolescence”, kryeministri britanik Keir Starmer e pranoi se si baba, e kishte pasur mjaft të vështirë ta shikonte me fëmijët e tij adoleshentë.

    Filmi me katër episode që trajton historinë e një djali të akuzuar për vrasjen e një shoqeje të klasës, është kthyer në kryefjalën e momentit, me trajtimin e bërë ndikimit të mediave online tek të miturit dhe mënyrës sesi një akt shokues dhune prek një familje, një komunitet e shoqërinë në përgjithësi.
    “Mendoj se ajo që thekson ky serial është se ndjesia- qe besoj se e kemi të gjithë- se fëmijët tanë mund të jenë më të rrezikuar kur janë jashtë shtëpisë, kur janë në rrugë, diku atje jashtë, ku ne si prindër nuk mund t`i shohim apo t`i dëgjojmë, po kapërcehet tani nga një rrezik më i madh, e që është ajo çfarë ndodh në fakt në shtëpi, në dhomën e tyre, kur janë aty vetëm”, u shpreh Starmer.
    Starmer shprehu mbështetjen e tij për vendimin e Netflix për ta bërë këtë serial “revolucionar” të transmetohet falas në shkollat e gjithë vendit. “Siç e shoh edhe te fëmijët e mi, është thelbësore që të flasim hapur për ndryshimet në mënyrën se si ata komunikojnë, përmbajtjen që shohin dhe diskutimet që bëjnë me bashkëmoshatarët e tyre”, u shpreh ai pas takimit me bashkë-skenaristin e “Adolescence” Jack Thorne, përfaqësues të organizatave bamirëse dhe të rinj në zyrën e tij në Doëning Street, duke nënvizuar se “siç e shoh edhe te fëmijët e mi, është thelbësore që të flasim hapur për ndryshimet në mënyrën se si ata komunikojnë, përmbajtjen që shohin dhe diskutimet që bëjnë me bashkëmoshatarët e tyre”. Drama, episodet e së cilës janë filmuar në një xhirim të vetëm dhe të pandërprerë, bëri histori në televizionin britanik këtë muaj duke u kthyer në serialin e parë të një platforme streaming që kryeson listat e shikueshmërisë në TV.
    Thorne, i cili insiston se fëmijët nuk duhet të kenë telefona inteligjentë deri në moshën 14-vjeçare, e ka cilësuar si një krizë në rritje ndikimin e të ashtuquajturës kulturë “incel”, e cila nxit urrejtjen ndaj grave dhe vajzave.

    Top Channel

  • ‘Adolescence’/ Starmer: Seriali të transmetohet në të gjithë shkollat e vendit

    ‘Adolescence’/ Starmer: Seriali të transmetohet në të gjithë shkollat e vendit

    Në takimin e tij me krijuesit e serialit hit të Netflix “Adolescence”, kryeministri britanik Keir Starmer e pranoi se si baba, e kishte pasur mjaft të vështirë ta shikonte me fëmijët e tij adoleshentë.

    Filmi me katër episode që trajton historinë e një djali të akuzuar për vrasjen e një shoqeje të klasës, është kthyer në kryefjalën e momentit, me trajtimin e bërë ndikimit të mediave online tek të miturit dhe mënyrës sesi një akt shokues dhune prek një familje, një komunitet e shoqërinë në përgjithësi.

    “Mendoj se ajo që thekson ky serial është se ndjesia- qe besoj se e kemi të gjithë- se fëmijët tanë mund të jenë më të rrezikuar kur janë jashtë shtëpisë, kur janë në rrugë, diku atje jashtë, ku ne si prindër nuk mund t`i shohim apo t`i dëgjojmë, po kapërcehet tani nga një rrezik më i madh, e që është ajo çfarë ndodh në fakt në shtëpi, në dhomën e tyre, kur janë aty vetëm”, u shpreh Starmer.

    Starmer shprehu mbështetjen e tij për vendimin e Netflix për ta bërë këtë serial “revolucionar” të transmetohet falas në shkollat e gjithë vendit. “Siç e shoh edhe te fëmijët e mi, është thelbësore që të flasim hapur për ndryshimet në mënyrën se si ata komunikojnë, përmbajtjen që shohin dhe diskutimet që bëjnë me bashkëmoshatarët e tyre”, u shpreh ai pas takimit me bashkë-skenaristin e “Adolescence” Jack Thorne, përfaqësues të organizatave bamirëse dhe të rinj në zyrën e tij në Doëning Street, duke nënvizuar se “siç e shoh edhe te fëmijët e mi, është thelbësore që të flasim hapur për ndryshimet në mënyrën se si ata komunikojnë, përmbajtjen që shohin dhe diskutimet që bëjnë me bashkëmoshatarët e tyre”. Drama, episodet e së cilës janë filmuar në një xhirim të vetëm dhe të pandërprerë, bëri histori në televizionin britanik këtë muaj duke u kthyer në serialin e parë të një platforme streaming që kryeson listat e shikueshmërisë në TV.

    Thorne, i cili insiston se fëmijët nuk duhet të kenë telefona inteligjentë deri në moshën 14-vjeçare, e ka cilësuar si një krizë në rritje ndikimin e të ashtuquajturës kulturë “incel”, e cila nxit urrejtjen ndaj grave dhe vajzave.