Projekti Elite Youth Development Academy vijon në sezonin e dytë me program intensive stërvitjesh, ndeshjesh miqësore dhe takime frymëzuese me figura të rëndësishme të sportit shqiptar.
Këtë javë, kuqezinjtë e vegjël patën mundësi të bisedonin gjatë me futbollistin e KF Egnatia, Albano Aleksi. Gjatë bisedës, Aleksi ndau disa nga momentet më të veçanta të karrierës së tij, iu përgjigj pyetjeve kurioze të djemve dhe ndau këshilla të vlefshme me ta, të cilat do t’i shërbejnë për të arritur objektivat e tyre për të qenë futbollistë profesionistë dhe për të përfaqësuar një ditë vendin me fanellën e Kombëtares.
“Është kënaqësi të ndodhem mes jush. Kur kam qenë i vogël, në përgjithësi më pëlqenin shumë role dhe ndonjëherë mërzitesha kur trajneri më vendoste diku, por roli im ka qenë gjithmonë mesfushor. Unë kam luajtur me ekipin e Butrintit dhe për 6 muaj nuk kam luajtur asnjë minutë, madje kam qenë larg familjes. Shkoja në shtëpi, mërzitesha me veten time, por asnjë ditë se kam lënë stërvitjen, se kam ulur kokën dhe sot që jam 33 vjeç, akoma luaj futboll”, – rrëfeu Aleksi.
“Ti gjithmonë mund të jesh më i mirë se dikush, por në futboll ka edhe pakënaqësi. Forca ime ka qenë gjithmonë vetëvetja dhe puna, sepse në radhë të parë duhet të jesh i ndërgjegjshëm dhe i pastër me veten për të arritur atë që do, sepse puna një ditë shpërblehet dhe trajneri në të ardhmen do të ta shpërblejë punën që bën”, – shpjegoi futbollisti i Egnatias, Albano Aleksi.
Në javët e ardhshme, talentet e Elite Youth Academy do të kenë mundësi të ulen sërish në bisedë me lojtarë të njohur të kampionatit shqiptar dhe trajnerë me eksperiencë, të cilët mund t’i udhëzojnë në karrierën e tyre futbollistike.
Tag: academy
-
Futbollisti i KF Egnatia, Albano Aleksi, takim me Elite Youth Academy. Ndan momente nga karriera e tij & jep këshilla për kuqezinjtë e vegjël
-
Albano Aleksi, takim me Elite Youth Academy. Ndan momente nga karriera e tij
Projekti Elite Youth Development Academy vijon në sezonin e dytë me program intensive stërvitjesh, ndeshjesh miqësore dhe takime frymëzuese me figura të rëndësishme të sportit shqiptar.
Këtë javë, kuqezinjtë e vegjël patën mundësi të bisedonin gjatë me futbollistin e KF Egnatia, Albano Aleksi. Gjatë bisedës, Aleksi ndau disa nga momentet më të veçanta të karrierës së tij, iu përgjigj pyetjeve kurioze të djemve dhe ndau këshilla të vlefshme me ta, të cilat do t’i shërbejnë për të arritur objektivat e tyre për të qenë futbollistë profesionistë dhe për të përfaqësuar një ditë vendin me fanellën e Kombëtares.
“Është kënaqësi të ndodhem mes jush. Kur kam qenë i vogël, në përgjithësi më pëlqenin shumë role dhe ndonjëherë mërzitesha kur trajneri më vendoste diku, por roli im ka qenë gjithmonë mesfushor. Unë kam luajtur me ekipin e Butrintit dhe për 6 muaj nuk kam luajtur asnjë minutë, madje kam qenë larg familjes. Shkoja në shtëpi, mërzitesha me veten time, por asnjë ditë se kam lënë stërvitjen, se kam ulur kokën dhe sot që jam 33 vjeç, akoma luaj futboll”, – rrëfeu Aleksi.
“Ti gjithmonë mund të jesh më i mirë se dikush, por në futboll ka edhe pakënaqësi. Forca ime ka qenë gjithmonë vetëvetja dhe puna, sepse në radhë të parë duhet të jesh i ndërgjegjshëm dhe i pastër me veten për të arritur atë që do, sepse puna një ditë shpërblehet dhe trajneri në të ardhmen do të ta shpërblejë punën që bën”, – shpjegoi futbollisti i Egnatias, Albano Aleksi.
Në javët e ardhshme, talentet e Elite Youth Academy do të kenë mundësi të ulen sërish në bisedë me lojtarë të njohur të kampionatit shqiptar dhe trajnerë me eksperiencë, të cilët mund t’i udhëzojnë në karrierën e tyre futbollistike. -
Lajm i madh për talentet e futbollit, ideohet krijimi i “Inter Academy Albania” në vendin tonë
18 Tetor 2025
12:33
Alfred Lleshi
Ministri shqiptar i sporteve Blendi Gonxhja është i angazhuar për konkretizimin e një akademie zyrtare futbolli të Interit në Shqipëri. Ai është takuar me Juxhinin, që drejton “Inter Club Albania”, fan-klubin më të madh të F.C.Internazionale Milano jashtë Italisë, për konkretizimin e një akademie të tillë. Ky projekt ka për qëllim zhvillimin e talenteve të rinj, përfshirjen e komunitetit dhe ndërtimin e një terreni sportiv multi-funksional të ri në Tiranë.
Bashkëpunimi në fjalë synon të ndërthurë sportin, turizmin dhe zhvillimin komunitar, duke e vendosur Shqipërinë në qendër të vëmendjes ndërkombëtare përmes një marke sportive globale si Interi. Krijimi i “Inter Academy Albania” do të përfaqësonte një hap historik për futbollin shqiptar dhe brezat e rinj në vend.
Projekti nuk do të ishte vetëm bashkëpunim sportiv, por edhe nismë gjithëpërfshirëse sociale e edukative, që do të lidhte drejtpërdrejt klubin legjendar F.C. Internazionale Milano me sportdashësit vendas e rajonalë. Brenda nëntorit, palët do të jenë së bashku në Milano për jetëzimin e këtij angazhimi dhe planin e punës. -
Imobile në vështirësi, ‘Immobile Academy’ sekustrohet, Prokuroria e Torinos nis hetimet
Një fatkeqësi e tmerrshme për Çiro Imobile. Sipas gazzetta.it, shkolla e futbollit e sulmuesit të Bolonjës në Torre del Greco është sekuestruar. Ndër të tjera, faqja online e gazetës ‘rozë’ shkruan se objekti sportiv Immobile Academy – Parlati Sports Center, i inauguruar më 20 mars, është në qendër të një hetimi nga Prokuroria e Torinos.
Akuzat janë shkelje të dyshuara të rregullave të ndërtimit dhe asgjësim i paligjshëm i mbetjeve të rrezikshme. Gjashtë persona janë nën hetim, përfshirë disa anëtarë të familjes së ish-lojtarit të Lacios, por jo Imobile.
Karabinierët e Seksionit Operacional të Kompanisë Torre del Greco dhe Policia Bashkiake kanë ekzekutuar një sekuestro paraprake të lëshuar nga gjyqtari hetues i gjykatës së Torre Annunziata.
Vazhdo leximin
-
Elite Youth Development Academy, ndeshje miqësore me ekipet e Triumph Academy
5 Tetor 2025
12:27
Telesport
Projekti i Federatës së Futbollit për zhvillimin e futbollit të të rinjve, Elite Youth Development Academy, vijon intensivisht përgatitjet në sezonin e dytë.
Këtë vit projekti është transferuar në Durrës, ku të rinjtë kuqezi akomodohen dhe stërviten së bashku, duke rritur çdo ditë e më shumë nivelin e tyre sportiv.
Këtë javë, ekipet e grupmoshës U15 dhe U16 u rikthyen në “Shtëpinë e Futbollit” për të zhvilluar ndeshje miqësore, të cilat i shërbejnë stafit teknik për të vlerësuar gjendjen fizike të lojtarëve dhe për të përmirësuar më tej përgatitjen e tyre teknike. Ekipi U15 i Elite Academy u ndesh me ekipin U16 të Triumph Academy, ndërsa ekipi U16 u përball me ekipin U17.
Në javët në vazhdim, ekipet e Elite Youth Academy do të vijojnë stërvitjet e zakonshme dhe teste të herë pas hershme miqësore për të rritur nivelin e tyre futbollistik. -
Robert De Niro feston 82 vjetorin e lindjes
Robert Anthony De Niro (lindi më 17 gusht 1943) është një aktor amerikan. I njohur për bashkëpunimet me Martin Scorsese, ai konsiderohet si një nga aktorët më me ndikim të brezit të tij. De Niro është marrës i vlerësimeve të ndryshme, duke përfshirë dy Academy Awards, një Golden Globe Award, Cecil B. DeMille Award, dhe një Screen Actors Guild Life Achievement Award. Në vitin 2009, De Niro mori Kennedy Center Honor dhe fitoi një Medalje Presidenciale të Lirisë nga Presidenti i SHBA-së Barack Obama në vitin 2016.
De Niro studioi aktrim nëHB Studio, Stella Adler Conservatory, dhe Actors Studio të Lee Strasberg. Bashkëpunimi i tij i parë me Scorsese ishte me filmin e vitit 1973, Mean Streets. De Niro fitoi dy Academy Awards, një për Aktorin më të Mirë Dytësor për rolin e tij si Vito Corleone në The Godfather: Part 2 (1974) të Francis Ford Coppola dhe tjetri për Aktorin më të Mirë duke portretizuar Jake LaMotta në dramën e Scorsese, Raging Bull (1980). Rolet e tjera të tij të nominuara për Oscar ishin për Taxi Driver (1976), The Deer Hunter (1978), Awakenings (1990), Cape Fear (1991), dhe Silver Linings Playbook (2012).
Ai ka luajtur gjithashtu në filmat 1900 (1976), The King of Comedy (1982), Once Upon a Time in America (1984), Brazil (1985), The Mission (1986), Goodfellas (1990), This Boy’s Life (1993), Mary Shelley’s Frankenstein (1994), Heat (1995), Casino (1995), Jackie Brown (1997), Joker (2019), The Irishman (2019), dhe Killers of the Flower Moon (2023). Ai drejtoi dhe luajti si në A Bronx Tale (1993) dhe The Good Shepherd (2006). Rolet e tij komike përfshijnë Midnight Run (1988), Wag the Dog (1997), Analyze This (1999), filmat Meet the Parents (2000–2010), dhe The Intern (2015)./ KultPlus.com
-
Genti Mahmuti merr Kombëtaren U15
Federata e Futbollit ka arritur marrëveshjen me trajnerin Genti Mahmuti, i cili do të marrë drejtimin e Kombëtares shqiptare U-15.
Mahmuti rikthehet në strukturat kuqezi pas eksperiencës së mëparshme si zëvendëstrajner i ekipeve kombëtare U-19 dhe U-21 gjatë viteve 2012–2016. Ai ka qenë gjithashtu pjesë e stafit të Partizanit, Dinamos dhe shkollës sportive “Loro Boriçi”.
Tekniku kuqezi ka firmosur një kontratë 2-vjeçare dhe do të drejtojë skuadrën U-15 në ndeshjet miqësore dhe ato zyrtare.
Gjithashtu, Mahmuti do të jetë një nga trajnerët përgjegjës në akademinë e FSHF-së, “Elite Youth Academy”. Më konkretisht ai do të jetë trajneri i grupmoshës së datëlindjes 2011.
“Elite Youth Academy” është një nga projektet më ambicioze të Federatës Shqiptare të Futbollit, që synon të ndërtojë një strukturë të qëndrueshme dhe moderne për identifikimin, edukimin dhe zhvillimin teknik të talenteve më premtues në moshë të hershme. Me staf të specializuar, metodologji të unifikuar dhe mbështetje gjithëpërfshirëse, ky projekt përfaqëson një hallkë kyçe në vizionin afatgjatë të FSHF-së për të ndërtuar Kombëtare të forta e konkurruese në të gjitha nivelet e moshave.
Ndërkohë, trajneri Armand Dama do të vijojë punën me të njëjtën grup-moshë duke marrë drejtimin e Kombëtares shqiptare U-16 dhe do të vijojë punën në “Elite Youth Academy” me brezin e datëlindjes 2010.
Sakaq, trajneri Françesko Vitobello do të jetë në drejtimin e grup-moshës së datëlindjes 2012 në “Elite Youth Academy”.
Vazhdo leximin
-
FSHF me njoftim zyrtar, zbulohet trajneri i Kombëtares U-15
Federata e Futbollit ka arritur marrëveshjen me trajnerin Genti Mahmuti, i cili do të marrë drejtimin e Kombëtares shqiptare U-15.
Mahmuti rikthehet në strukturat kuqezi pas eksperiencës së mëparshme si zëvendëstrajner i ekipeve kombëtare U-19 dhe U-21 gjatë viteve 2012–2016. Ai ka qenë gjithashtu pjesë e stafit të Partizanit, Dinamos dhe shkollës sportive “Loro Boriçi”.
Tekniku kuqezi ka firmosur një kontratë 2-vjeçare dhe do të drejtojë skuadrën U-15 në ndeshjet miqësore dhe ato zyrtare.
Gjithashtu, Mahmuti do të jetë një nga trajnerët përgjegjës në akademinë e FSHF-së, “Elite Youth Academy”. Më konkretisht ai do të jetë trajneri i grupmoshës së datëlindjes 2011.
“Elite Youth Academy” është një nga projektet më ambicioze të Federatës Shqiptare të Futbollit, që synon të ndërtojë një strukturë të qëndrueshme dhe moderne për identifikimin, edukimin dhe zhvillimin teknik të talenteve më premtues në moshë të hershme. Me staf të specializuar, metodologji të unifikuar dhe mbështetje gjithëpërfshirëse, ky projekt përfaqëson një hallkë kyçe në vizionin afatgjatë të FSHF-së për të ndërtuar Kombëtare të forta e konkurruese në të gjitha nivelet e moshave.
Ndërkohë, trajneri Armand Dama do të vijojë punën me të njëjtën grup-moshë duke marrë drejtimin e Kombëtares shqiptare U-16 dhe do të vijojë punën në “Elite Youth Academy” me brezin e datëlindjes 2010.
Sakaq, trajneri Françesko Vitobello do të jetë në drejtimin e grup-moshës së datëlindjes 2012 në “Elite Youth Academy”. -
Mbyllet me sukses edicioni i parë i “Elite Youth Development Academy”, Selimi: Rezultate shumë pozitive
“Elite Youth Development Academy” ka mbyllur me sukses edicionin e parë të organizuar nga FSHF. 37 fëmijë të talentuar të datëlindjeve 2010 dhe 2011 u trajnuan nga specialistët e ekipeve kombëtare dhe Drejtorisë Teknike, teksa FSHF u kujdes edhe për akomodimin dhe shkollën ku ata studiuan.
Gjatë gjithë sezonit, u organizuan edhe aktivitete të veçanta me të ftuar specialë nga FSHF për të ndarë eksperiencën dhe për të dhënë këshilla të vlefshme për talentët e vegjël kuqezi.
Pas mbylljes së sezonit të parë, Iris Selimi, përgatitës atletik i Kombëtares, në një prononcim për fshf.org ka folur për testimet e fundit të lojtarëve të akademisë, duke theksuar se rezultatet kanë qenë shumë pozitive.
“Sapo kemi përfunduar ciklin e fundit të testimeve për “Elite Youth Academy”, për grupmoshat 2010–2011. Rezultatet kanë qenë shumë pozitive, si në aspektin individual, ashtu edhe kolektiv, ku janë parë përmirësime në cilësitë fizike të këtyre lojtarëve, për të përmirësuar të ardhmen e tyre si futbollistë profesionistë.
Ky proces na ka treguar një ecuri të mirë dhe një rezultat pozitiv për të ardhmen tonë dhe për futbollin shqiptar. Në këtë proces synojmë që vitin e ardhshëm të punojmë në mënyrë akoma më profesionale dhe për të rritur cilësitë akoma më lart të këtyre futbollistëve.
Falënderojmë të gjithë ata që kanë marrë pjesë në këtë program, si Federata Shqiptare e Futbollit, ashtu edhe stafin teknik, si dhe trajnerët. Falënderojmë lojtarët dhe familjarët e tyre”, – tha Iris Selimi. -
“Barça Academy Camp” sjell shpresë e ëndrra të mëdha për të rinjtë në Prishtinë
Me një premtim për të ndryshuar jetën e qindra të rinjve përmes sportit, “Barça Academy Camp Kosova” rikthehet këtë maj në Prishtinë si një nga iniciativat më ambicioze për zhvillimin e talenteve të reja në rajon. I përshkruar nga autoritetet si një “derë e hapur drejt mundësive të reja”, kampi sjell me vete më shumë se një eksperiencë futbolli – ai përfaqëson një kapitull të ri në formimin e karakterit dhe aspiratave të brezit të ri.Në një konferencë për media, Kryetari i Komunës së Prishtinës, Përparim Rama, e cilësoi kampin si një investim të jashtëzakonshëm në potencialin rinor të Kosovës dhe më gjerë.“Barça Academy Camp Kosova është një derë e hapur drejt mundësive të reja për të rinjtë tanë,” tha ai. “Nuk kemi vetëm pjesëmarrës nga Kosova, por edhe nga Maqedonia, Mali i Zi dhe Shqipëria. Kjo është një mundësi e mrekullueshme për fëmijët, sidomos në një kohë dixhitale kur shumë prej tyre janë të izoluar pas ekraneve. Metodologjia e Barcelonës fokusohet jo vetëm në zhvillimin sportiv, por edhe në vetëbesim, karakter dhe aftësi sociale.”Kampi, që do të nisë zyrtarisht më 26 maj, pritet të përfshijë dhjetëra fëmijë nga e gjithë Kosova dhe rajoni. Sipas përfaqësueses zyrtare të kampit, Armenda Filipaj, struktura e programit është ndërtuar për të balancuar angazhimin sportiv me detyrimet shkollore.“Në datën 27 maj fillon stërvitja. Do të kemi dy orare: nga ora 8:30 deri në 11:30 dhe një tjetër nga ora 16:00 deri në 19:00, në mënyrë që fëmijët të mos humbasin shkollën,” shpjegoi Filipaj. “Në fund të kampit do të zgjedhet lojtari më i mirë, i cili do të ftohet nga vetë Barcelona për të vazhduar stërvitjen – njësoj si vitin e kaluar.”Duke ndjekur filozofinë e famshme të akademisë katalanase, kampi synon të krijojë më shumë sesa futbollistë. Ai synon të formojë qytetarë të përgjegjshëm, të motivuar dhe të përgatitur për të sfiduar botën, brenda dhe jashtë fushës së lojës.Në një kohë kur sporti shpesh shihet si rrugëdalje, si nga vështirësitë ekonomike ashtu edhe nga ndjesia e mungesës së perspektivës, “Barça Academy Camp Kosova” rrezaton një dritë shprese për fëmijët dhe familjet e tyre. Dhe për një prej tyre, rruga drejt ëndrrës mund të nisë pikërisht këtu – në Prishtinë.