Lajmidites.com

Tag: abilekaj

  • Abilekaj ironizon Ramën: Në Ballkan ka qeveri që bëjnë propagandë ngrenë fasada, ka dhe qeveri që marrin investime

    Abilekaj ironizon Ramën: Në Ballkan ka qeveri që bëjnë propagandë ngrenë fasada, ka dhe qeveri që marrin investime

    Analisti Enton Ablilekaj ka reaguar më një shënim në faqen e tij në facebook duke ironizuar me propagandën dhe sjelljet e Edi Ramës.

    “Von der Leyen jep lajmin e madh se dy fabrika të mëdha të Inteligjencës Artificiale do investohen nga BE në Ballkan, një në Serbi dhe një në Maqedoninë e Veriut”, shkruan Abilekaj duke shigjetuar edhe mungesën ne këto vende të një Ministreje si “Diella”.

    Postimi:

    Organizon Konferencën për Investimet e BE ne Ballkanin Perëndimor me paratë tona. Mundohet të fusë një fjalim të Diellës po nuk i ecën. Pastaj del Von der Leyen dhe jep lajmin e madh se dy fabrika të mëdha të Inteligjencës Artificiale do investohen nga BE në Ballkan, një në Serbi dhe nje në Maqedoninë e Veriut. Ata nuk kanë ministre me Inteligjencë Artificiale.

    Ne Ballkanin Perendimor ka qeveri qe bejne propagande dhe ngrene fasada, ka dhe qeveri qe punojne dhe marrin investimet.

  • Kush e pagoi ardhjen e kryebashkiakut të Nju Jorkut në Tiranë? Abilekaj plas ‘bombën’: Rama korruptoi Adams si me..

    Kush e pagoi ardhjen e kryebashkiakut të Nju Jorkut në Tiranë? Abilekaj plas ‘bombën’: Rama korruptoi Adams si me..

    Gazetari Enton Abilekaj ishte i ftuar në njëemision televiziv, ku foli për vizitën e kryebashkiakut në detyrë të Nju Jorkut, Erik Adams, në Tiranë.Përballë moderatores Armela Ferko, Abilekaj deklaroi se marrëdhënia Rama–Adams mund të jetë e ngjashme me atë që kryeministri Edi Rama kishte me ish-drejtuesin e zyrës së kundërzbulimit të FBI-së në Nju Jork, Charles McGonigal.
    ‘Përmendja e McGonigal nga gazetari i Neë York Times ishte një mënyrë për të shpjeguar se çfarë ndodh vërtetë, që kemi të bëjmë me një kryeministër që ka korruptuar, është korruptues dhe marrëdhënia e tij me Erik Adams, ka shumë mundësi të jetë e njëjtë me atë të McGonigal, sipas asaj që Neë York Times na sugjeronte të lexonim. Kjo besoj se është arsyeja e vërtetë,’ u shpreh Abilekaj.
    Sipas tij, vizita e Adams në Tiranë nuk ka të bëjë me nënshkrimin e ndonjë marrëveshjeje apo me çështjen e linjës ajrore Tiranë–Nju Jork.
    ‘Nuk është arsyeja që linja ajrore Tiranë-Nju Jork të marrë firmën e Erik Adams, sepse ai nuk ka asgjë në dorë për linjën ajrore. Ose do të lobohet që ai të marrë një pozicion në administratën amerikane që mund t’i interesojë Edi Ramës, për shkak edhe të një aleance fluide që ai ka me Trump, e cila theksohej tek Neë York Times, që njerëzit e Trump pushuan hetimet për Erik Adams për dy çështje, dhe ndodhi në mënyrë të pashpjegueshme,’ tha Abilekaj.
    Gazetari shtoi se kjo mund të jetë një mënyrë që Rama të kërkojë lidhje me kampin e Donald Trump.
    ‘Mund të jetë një rrugë për tek Trump, dhe Edi Rama po tenton dëshpërimisht të gjejë një shteg për tek Trump. Ajo që kuptojmë ne është se kjo nuk ishte një vizitë diplomatike në të mirë të askujt, por ishte një marrëdhënie private e Edi Ramës, i cili këto marrëdhënie private i zhvillon kryesisht me paratë tona, me një luks të shfrenuar që paguhet po prej nesh,’ theksoi Abilekaj.
    Ai kujtoi gjithashtu se përdorimi i helikopterit gjatë vizitës së Adams në Shqipëri kishte tërhequr vëmendjen e mediave amerikane, të cilat më pas e kishin ‘fshehur’ këtë detaj.
    ‘Siç është përdorimi i helikopterit që medieve amerikane u kishte bërë shumë përshtypje dhe që pastaj ata e fshehën përdorimin e helikopterit për këto arsye,’ tha ndër të tjera, Enton Abilekaj

  • Rama në takime me narkotrafikantë, Abilekaj: Shqipëria është kthyer në ‘varrezë betoni’ të parave të pista

    Rama në takime me narkotrafikantë, Abilekaj: Shqipëria është kthyer në ‘varrezë betoni’ të parave të pista

    Gazetari investigativ italian, Nello Trocchia, ka botuar një libër ku përmendet drejtpërdrejt kryeministri Edi Rama dhe qeveria e tij në biseda të përgjuara me elementë të krimit të organizuar. Sipas librit, Rama dhe njerëz të nivelit të lartë të qeverisë së tij kanë qenë të lidhur me takime sekrete në Aruba me narkotrafikantë. Trocchia thekson se këto referenca janë të dokumentuara nga Antimafia italiane, e cila ka konfirmuar një takim të zhvilluar në vitin 2019.

    Duke komentuar këto zhvillime, gazetari Enton Abilekaj në emisionin “Çim Peka Live” në Syri TV tha se çështja e Arubës është një problem shumë i madh, pasi hetimet janë kryer nga prokuroria e Firences për zyrtarë të lartë shqiptarë. Ai theksoi se minimalisht qeveria shqiptare duhej të reflektonte dhe jo të mbronte apo të censuronte informacionin.

    “Është turp që zyrtarë të lartë të qeverisë shqiptare jo vetëm që nuk u larguan, por u strehuan dhe iu dha imunitet,” deklaroi Abilekaj, duke shtuar se futja e parave të krimit në Shqipëri ka shkatërruar konkurrencën e lirë dhe bizneset e ndershme.

    Sipas tij, ide si amnistia fiskale dhe pasaporta e artë kanë lindur nga presioni i këtyre grupeve kriminale për të investuar paratë e pista në Shqipëri. “Këto politika qeveritare kanë sjellë një ekonomi të ngjashme me atë të Havait, një ekonomi të polarizuar me para që nuk dihet nga vijnë dhe ku do të shkojnë. Shqipëria është kthyer në një varrezë betoni të parave të pista,” theksoi Abilekaj.

    Abilekaj:

    Çështja e Arubës ka një problem shumë të madh për mendimin tim, përveç se atë e hetoi një prokurori e Firences, pra prokuroria e Firences ishte duke hetuar për zyrtarë shumë të lartë shqiptarë, dhe minimalisht qeveria shqiptare duhet të reflektonte diçka nga kjo gjë, jo t’i mbronte ata dhe jo ta mbyllte çështjen dhe jo të censurojë lajmet për këtë gjë, është një fakt shumë i rëndësishëm që na tregon se pse jemi në këtë situatë sot.

    Ata trafikantë të mëdhenj që qarkullojnë para shumë të mëdha, ata investojnë siç thotë dhe gazetari italian, investojnë në gjithë Europën, por të futen në ekonominë shqiptare me ato para, me ato fonde të mëdha, ata shkatërrojnë strukturën ekonomike të vendit, shkatërrojnë konkurrencën e lirë, dhe shkatërrojnë biznesmenët e ndershëm.

    Futja e tyre këtu ka shkaktuar gjithçka që ne kemi sot. Ky është një rast ku ne kemi të gjithë krimin e organizuar shqiptar, në të gjitha vendet ku ndodhet, siç e thoshte gazetari italian, janë territorialë.

    Është turp që janë zyrtarë të lartë të qeverisë shqiptare dhe qeveria shqiptare nuk i largon minimalisht, por i strehon e u jep imunitet.

    Por edhe kjo që ne janë mbledhur paratë e të gjithë këtyre, siç thoshte gazetari italian, që janë territorialë, që ata vërtetë mund të investojnë në vendet ku jetojnë ose ku zhvillojnë aktivitetin, por kanë tendencën gjithmonë që një pjesë të parave t’i investojnë në Shqipëri. Dhe nëqoftëse ju kujtohet 2019, përveç dorëzimit të mandateve dhe zgjedhjeve lokale që u quajtën terroriste nga opozita, në fakt ndërkohë që mazhoranca po bashkëpunonte me krimin e organizuar, atëherë filluan idetë e para të amnistisë fiskale dhe pastaj filloi pasaporta e artë.

    U hodh ideja, këto ide që vijnë nga këto takime, që vijnë nga ky presion për investime të parave të krimit, dhe këto po shndërroheshin në politika qeveritare.

    Dhe këto politika qeveritare sot kanë dhënë një rezultat, kanë sjellë një ekonomi të ngjashme me atë të Havait, një ekonomi të polarizuar me para që nuk dihet se nga vijnë, dhe që nuk dihet ku do ta çojnë. E kanë bërë Shqipërinë një varrezë betoni të parave të pista.

  • Shkarkimi i Veliajt, Abilekaj-mazhorancës: Një grup “Diellash” të mishëruar e që votojnë siç do Rama

    Shkarkimi i Veliajt, Abilekaj-mazhorancës: Një grup “Diellash” të mishëruar e që votojnë siç do Rama

    Tema kryesore e ditës së sotme është shkarkimi i Veliajt nga posti i kryebashkiakut të Tiranës, me arsyetimin se ka mbi tre muaj në mënyrë të pandërprerë që nuk është paraqitur në detyrë, që pas arrestimit të tij me urdhër të SPAK-ut më 10 shkurt 2025. 
    Pikërisht për këtë temë, “Shkarkohet Veliaj, po tani?”, po diskutohet në emisionin “Opinion” në Tv Klan, ku është i ftuar dhe analisti Enton Abilekaj. 
    Veliaj më herët ka kërkuar që të marrë pjesë fizikisht në mbledhjen e sotme të Këshillit Bashkiak që do të votonte për shkarkimin e tij si kryebashkiak, por një gjë e tillë nuk ndodhi. Vetë Këshilli i është përgjigjur Veliajt se mund të drejtojë me letër të gjitha mendimet dhe qëndrimet e tij lidhur me çështjen, e që do të lexoheshin në këtë mbledhje. Opozita, ka kërkuar gjithashtu që Veliaj të ishte i pranishëm, vetëm për t’u përballur me atë dhe akuzat ndaj tij. 
    Abilekaj shprehet se mazhoranca nuk e ka dashur prezencën e Veliajt në sallë, duke e cilësuar në fjalë të tjera të gjithë procesin thjesht një vendim politik nga kreu i qeverisë. Madje, analisti i cilësoi anëtarët e mazhorancës një “kazermë”, si dhe një grup “Diellash” të mishëruar në pozicionet që mbartin dhe që votojnë siç do kryeministri, 
    “Nga mazhoranca nuk presim më asgjë. Ndoshta nuk ka dashur të dëgjojë argumentet e Veliajt. Kanë pasur frikë se ndoshta ai del nga tema dhe flet për çështjet që nuk u intereson. Këtë nuk e dimë. Por, dimë që ata janë një kazermë që nuk mendon më dhe vetëm votojnë. Janë një grup Diellash të rreshtuar, të mishëruar në bashki, Parlament ose qeveri dhe që votojnë siç do Edi Rama”, tha ai. 
    Sakaq, Abilekaj u shpreh se opozita sot duhej të mos merrte pjesë në seancë, e të prisnin për prezencën e Veliajt. 
    “Opozita sot duhej të tregonte një shembull, që nuk duhej të merrte pjesë në seancë, ose nuk duhej të votonte pa shkuar Veliaj, të tregonte të kundërtën”, tha ai. 
     

  • “Rama nuk do të ndalet në projektin e tij”/ Shkarkimi i Veliajt, reagon gazetari: Pra urgjenca këtu është…

    “Rama nuk do të ndalet në projektin e tij”/ Shkarkimi i Veliajt, reagon gazetari: Pra urgjenca këtu është…

    Gazetari Enton Abilekaj, në një intervistë televizive, ka komentuar luftën e ftohtë mes Edi Ramës dhe Erion Veliajt dhe shkarkimin e pritshëm të kryebashkiakut në mbledhjen e nesërme të Këshilli Bashkiak.
    Abilekaj u shpreh në bisedë me moderatoren Armela Ferko, se duhet bërë një ligj që të zgjidhë këto situata, për shkarkimin e zyrtarëve në pozita administrative.
    “Mënyra se si duhet të shkarkohet Veliaj, duhet të parashikohet me ligj, sidomos në raste të tilla. Dikush që është në pozita administruese nuk mund të jetë në burg dhe të administrojë një institucion. Kjo kërkon një ligj, e jo të zgjidhet në mënyrë të paligjshme një rast si ai i Veliajt, meqë është Rama që do patjetër ta heq qafe,’ tha Abilekaj.
    Gazetari theksoi se urgjenca nuk është shkarkimi i Veliajt, pasi Edi Rama tashmë e ka marrë Bashkinë e Tiranës, por krijimi i një ligji që parashikon procedurat për raste të tilla që mund të përsëriten.
    ‘Pra urgjenca këtu është bërja e një ligji për të parashikuar raste të tilla që mund të përsëriten, nuk është urgjenca për të shkarkuar Veliajn, sepse Rama bashkinë e Tiranës e ka marrë,’ shtoi gazetari.
     

  • Rama fut parlamentin në xhep/ Abilekaj: Kabineti i ri, një tufë papagajsh, sekretarë të bindur e pa profil politik

    Rama fut parlamentin në xhep/ Abilekaj: Kabineti i ri, një tufë papagajsh, sekretarë të bindur e pa profil politik

    Gazetari Enton Abilekaj, teksa foli mbi asamblenë e sotme të Partisë Socialiste dhe kabinetin e ri qeveritar, e cilësoi qeverinë Rama 4 si një strukturë të ndërtuar vetëm për t’i shërbyer autoritetit absolut të kryeministrit.Sipas Abilekajt, “të komentosh përbërjen e qeverisë nuk i vlen, sepse është e qartë që kemi një qeveri që gjithmonë e më shumë po i ul profilin, në funksion të rritjes së pushtetit personal të Edi Ramës”. Ai theksoi se Rama jo vetëm që ka nënshtruar qeverinë, por tashmë po synon kontroll total edhe mbi drejtësinë dhe pushtetin legjislativ, duke e futur parlamentin “në xhep”.Gazetari e quajti ekzekutivin e ri një “qeveri papagajsh”, të mbushur me figura pa profil politik, të cilët njihen më shumë si sekretarët e Ramës se sa si individë me qëndrim të pavarur. Sipas tij, Partia Socialiste sot nuk ka asnjë zë kritik, as në qeveri, as në grupin parlamentar: “Asnjë figurë nuk guxon të flasë ndryshe nga Edi Rama, të mendojë me mendjen e vet e jo si ai.”Abilekaj solli shembuj konkretë të asgjësimit të pushtetit lokal nga Rama, duke përmendur Bashkinë e Tiranës, ku sipas tij, kryeministri ka vendosur kandidatë të emëruar nga ai vetë, pa legjitimitet të vërtetë, si dhe rastet e ngjashme në Durrës dhe Vlorë, ku kryetarët e bashkive janë zëvendësuar nga njerëz besnikë dhe sekretarë personalë të tij.“Rama po asgjëson çdo institucion, çdo pushtet dhe çdo figurë politike që ka mendim të pavarur. Ai ka ndërtuar një sistem ku të gjithë janë vetëm zëdhënës të tij, një strukturë papagajsh që i bindet verbërisht,” deklaroi Abilekaj.Ai paralajmëroi se ky model autoritar do të vazhdojë, ndërsa vendi po shkon drejt një kontrolli total të Ramës mbi të gjitha pushtetet.Abilekaj:Të komentosh përbërjen e qeverisë nuk i vlen, sepse është e qartë që ne kemi një qeveri që gjithmonë e më shumë po i ulet profili në shërbim të rritjes së autoritetit të Edi Ramës. Një autoritet i cili është duke u shtuar edhe në pushtetet e tjera, ju e patë që fjala e Ramës sot filloi duke intimiduar një pushtet tjetër që është drejtësia, vazhdoi duke e kontrolluar sesi e ka futur në xhep dhe duke treguar një plan për zgjerim të plotë të pushtetit të pushtetit legjislativ, dhe pastaj filloi me qeverinë e cila është një qeveri kryesisht me profile të ulëta politike, njerëz që njihen më shumë si sekretarët e Ramës sesa si njerëz që kryejnë aktivitet politik të mirëfilltë.Sot Partia Socialiste nuk ka në qeveri as në grup parlamentar, asnjë figurë që të dalë të flasë një fjalë ndryshe nga Edi Rama, mund të mendojë me mendjen e vet dhe mos të mendojë si Edi Rama. Kjo është një qeveri papagajsh, një grup parlamentar papagajsh, asgjësim komplet i të gjitha pushteteve, asgjësim i një partie politike dhe futje në xhep e gjithçkaje. Ajo që është lajm i ri për mua është kjo, që ai po asgjëson çdo njeri në Shqipëri edhe brenda radhëve të PS që ka një lloj pushteti që ja jep institucioni.Pra, ai asgjësoi Bashkinë e Tiranës, Tirana nuk ka më bashki, kandidatura që vuri ai për Bashkinë e Tiranës është një kandidate e një ish-drejtoreshe që ai e mbajti me vete në qeveri si drejtoreshë e si sekretare, që tani e çoi si sekretare të Bashkisë së Tiranës.Sepse kështu ka ndodhur dhe me Bashkinë e Durrësit, ai ka çuar sekretare, sepse kështu ka ndodhur edhe me Bashkinë e Vlorës, ka hequr kryetarin e bashkisë e do çojë një sekretar, sepse ai nuk pranon asnjë njeri që ka mendim të vetin.Pra ashtu si e nisi, ai do vazhdojë me sekretarët. Rama na tregoi që parlamentin do e fusë në xhep fare dhe do e bëjë si e do vetë ai, ai i vendosi të gjitha vetë dhe të gjithë dëgjuan.

  • “Kodi i ri është prova që demokracia në Shqipëri po vdes”, Abilekaj: Qeveria kërkon të shtypë opozitën

    “Kodi i ri është prova që demokracia në Shqipëri po vdes”, Abilekaj: Qeveria kërkon të shtypë opozitën

    Për gazetarin Enton Abilekaj, ekspertët që janë marrë me hartimin e Kodit të ri Penal janë kujdesur që të fuqizojnë në maksimum figurën e shtetarit e të anashkalojnë e dobësojnë qytetarin dhe pozitën e shoqërisë civile në raport me qeverinë.
    Gjatë një interviste televizive, Abilekaj tha se ajo për të cilën vuan Shqipëria sot është fakti se figura e shtetarit është shumë herë më e fortë, madje shkon në kufijtë që pengon median në ushtrimin e detyrës së saj informuese.

    Sipas Abilekajt, gjithë ky kompleks nenesh është kundër çdo oponence të qeverisë, ndaj kjo është arsyeja se përse ekspertët që kanë hartuar Kodin e ri Penal, duan t’i japin më shumë pushtet qeverisë.

    Për Abilekajn, Kodi i ri Penal do të duhet të hidhet poshtë dhe të hartohet edhe njëherë nga e para nën asistencën e BE dhe OSBE.
    Duke argumentuan faktin se ’kryeministri po kërkon me statusin e sotëm të reduktojë hapësirën mediatike në vend’, Abilekaj shpreson që reagimet ndërkombëtare mund të evitojnë një skandal të tillë, që një vend që aspiron për në BE, rrezikon të kthehet pas në një autokraci dhe diktaturë.
    S’ka asnjë arsye që sikur ta pranojmë që s’është iniciuar nga ministra e Etilda Gjonaj dhe mazhoranca s’ka dashur ta ndërtojë një draft si ky, sikurse për të hequr dispozitën për ‘shpërdorim detyre’ në Kodin Penal, ne do të kujtohemi se këto ekspertë të fushës janë pjesë e mazhorancës. Pse këta kanë zgjedhur të mbrojë figurën e shtetarit dhe të heqin mbrojtjen e gazetarit e qytetarit?! Pse mos të bënin të kundërtën?!
    Ajo që vuan Shqipëria, është se figura e shtetarit është shumë e fortë sa pengon media. E shoqëria civile e opozitën të bëjë oponencë. E pengon median të flasë të vërtetën se pronarët e medias janë të lidhur me koncesionet qeveritare. Gjithë ky kompleks ligjesh është kundër çdo oponence të qeverisë. Pse këta ekspertë të pavarur duan t’i japin më shumë pushtet qeverisë?!
    Kjo është një gënjeshtër e Ramës. S’është çudi që Kodi Penal është hartuar për këtë arsye. Që të ketë nene të negociuara, që të mbeten disa të tjera. Qeveria toleron disa nene për të mos u tërhequr nga disa të tjera, ky kod i ri duhet hedhur poshtë e duhet bërë nga e para me grupet e interesit, me prezencën e BE- OSBE.
    Debati demokratik janë ato qe e trembin kryeministrin. Ai mundohet ta kanalizojë në parlament, dhe të gjitha debatet për demokraci minimale do t’i quajë kërkesa të opozitës e të negociojë me opozitën, e jo me shoqërinë civile e median. Kryeministri po kërkon me statusin e sotëm të reduktojë hapësirën mediatike në vend. Shpresoj që reagimet ndërkombëtare mund të evitojnë një skandal të tillë, që një vend që aspiron për në BE është në rrezikun e kthimit mbrapsht në autokraci e diktaturë.
    Askush nga ekspertët s’ka dalë që t’i ketë bërë këto gjëra, përse i ka bërë? Askush se shpjegon për këto nene të diskutueshme dhe represive për qytetarët e censuruese për lirinë e shprehjes. Të negociohet si objekt me negociatat politike në parlament. Të kalojë me 84 vota, pa miratimin e opozitës dhe pastaj shndërrimin e  autokracisë reale në autokraci ‘de jure’.
     
     
     

  • ‘Kodi i ri Penal të hidhet poshtë’/ Abilekaj: Fuqizohet qeveria, jo media dhe shoqëria civile, ndërkombëtarët ta evitojnë një skandal të tillë!

    ‘Kodi i ri Penal të hidhet poshtë’/ Abilekaj: Fuqizohet qeveria, jo media dhe shoqëria civile, ndërkombëtarët ta evitojnë një skandal të tillë!

    Për gazetarin Enton Abilekaj, ekspertët që janë marrë me hartimin e Kodit të ri Penal janë kujdesur që të fuqizojnë në maksimum figurën e shtetarit e të anashkalojnë e dobësojnë qytetarin dhe pozitën e shoqërisë civile në raport me qeverinë.

    Gjatë një interviste me moderatorin Edvin Parruca në edicionin e pasdites në Syri Tv, Abilekaj tha se ajo për të cilën vuan Shqipëria sot është fakti se figura e shtetarit është shumë herë më e fortë, madje shkon në kufijtë që pengon median në ushtrimin e detyrës së saj informuese.

    Sipas Abilekajt, gjithë ky kompleks nenesh është kundër çdo oponence të qeverisë, ndaj kjo është arsyeja se përse ekspertët që kanë hartuar Kodin e ri Penal, duan t’i japin më shumë pushtet qeverisë.

    Për Abilekajn, Kodi i ri Penal do të duhet të hidhet poshtë dhe të hartohet edhe njëherë nga e para nën asistencën e BE dhe OSBE.

    Duke argumentuan faktin se ’kryeministri po kërkon me statusin e sotëm të reduktojë hapësirën mediatike në vend’, Abilekaj shpreson që reagimet ndërkombëtare mund të evitojnë një skandal të tillë, që një vend që aspiron për në BE, rrezikon të kthehet pas në një autokraci dhe diktaturë.

    S’ka asnjë arsye që sikur ta pranojmë që s’është iniciuar nga ministra e Etilda Gjonaj dhe mazhoranca s’ka dashur ta ndërtojë një draft si ky, sikurse për të hequr dispozitën për ‘shpërdorim detyre’ në Kodin Penal, ne do të kujtohemi se këto ekspertë të fushës janë pjesë e mazhorancës. Pse këta kanë zgjedhur të mbrojë figurën e shtetarit dhe të heqin mbrojtjen e gazetarit e qytetarit?! Pse mos të bënin të kundërtën?!

    Ajo që vuan Shqipëria, është se figura e shtetarit është shumë e fortë sa pengon media. E shoqëria civile e opozitën të bëjë oponencë. E pengon median të flasë të vërtetën se pronarët e medias janë të lidhur me koncesionet qeveritare. Gjithë ky kompleks ligjesh është kundër çdo oponence të qeverisë. Pse këta ekspertë të pavarur duan t’i japin më shumë pushtet qeverisë?!

    Kjo është një gënjeshtër e Ramës. S’është çudi që Kodi Penal është hartuar për këtë arsye. Që të ketë nene të negociuara, që të mbeten disa të tjera. Qeveria toleron disa nene për të mos u tërhequr nga disa të tjera, ky kod i ri duhet hedhur poshtë e duhet bërë nga e para me grupet e interesit, me prezencën e BE- OSBE.

    Debati demokratik janë ato qe e trembin kryeministrin. Ai mundohet ta kanalizojë në parlament, dhe të gjitha debatet për demokraci minimale do t’i quajë kërkesa të opozitës e të negociojë me opozitën, e jo me shoqërinë civile e median. Kryeministri po kërkon me statusin e sotëm të reduktojë hapësirën mediatike në vend. Shpresoj që reagimet ndërkombëtare mund të evitojnë një skandal të tillë, që një vend që aspiron për në BE është në rrezikun e kthimit mbrapsht në autokraci e diktaturë.

    Askush nga ekspertët s’ka dalë që t’i ketë bërë këto gjëra, përse i ka bërë? Askush se shpjegon për këto nene të diskutueshme dhe represive për qytetarët e censuruese për lirinë e shprehjes. Të negociohet si objekt me negociatat politike në parlament. Të kalojë me 84 vota, pa miratimin e opozitës dhe pastaj shndërrimin e  autokracisë reale në autokraci ‘de jure’.

  • “Na fut në burg për një status”, Abilekaj paralajmëron për ligjin e ri penal: Po burgoset fjala, jo shpifja

    “Na fut në burg për një status”, Abilekaj paralajmëron për ligjin e ri penal: Po burgoset fjala, jo shpifja

    Gazetari Enton Abilekaj ka ngritur alarmin për përmbajtjen dhe qëllimet e ndryshimeve të reja në Kodin Penal, të propozuara nga mazhoranca, gjatë një interviste për nje emision televiziv.
    Sipas Abilekajt, ky projekt është sjellë tinëzisht menjëherë pas zgjedhjeve, ku Partia Socialiste fitoi 83 mandate dhe ka tashmë mundësinë të miratojë ligje sipas interesit të saj. Ai theksoi se mazhoranca po paraqet një projektligj që kërkon 84 vota dhe synon të ndalojë qytetarët të flasin për vendime gjykatash, duke i kërcënuar me burgim për shprehje të lirë.
    “Nuk është vetëm kjo,” deklaroi Abilekaj, “na fut në burg edhe nëqoftëse shkruajmë ose themi diçka që një person tjetër e konsideron fyerje të rëndë.” Ai i cilësoi këto si nene që godasin rëndë lirinë e shprehjes dhe bien ndesh me çdo konventë ndërkombëtare.
    Gazetari theksoi se në rast se këto ndryshime miratohen, Gjykata Kushtetuese ka detyrimin moral dhe ligjor t’i rrëzojë, pasi përbëjnë një shkelje flagrante të të drejtave të njeriut, që nuk ndodh as në vende me demokraci të konsoliduar si SHBA-ja.
    Abilekaj rikujtoi se që nga nisma për “ligjin e shpifjes”, e prezantuar nga kryeministri Rama, është bërë e qartë se qëllimi nuk ishte ndalimi i shpifjeve ndaj personave publikë apo biznesmenëve, por kontrolli i mediave të regjistruara që ushtrojnë veprimtari ligjore — veçanërisht atyre kritike ndaj qeverisë.
    Sipas tij, media që vërtet shpifin janë shpesh të paregjistruara dhe veprojnë në rrjete sociale pa asnjë llogaridhënie. Por ligji i ri nuk synon ato, por pikërisht zërat kritikë në media. “Kemi të bëjmë me një përdorim selektiv të së drejtës, përmes ligjeve të cunguara dhe preferenciale, që nuk kanë për qëllim forcimin e shtetit ligjor, por kontrollin e fjalës së lirë dhe një gjueti shtrigash ndaj mediave opozitare në Shqipëri”, vijoi Abilekaj.
    Abilekaj:
    Kjo u soll tinëz në një projekt të çuditshëm që u shfaq papritur menjëherë pas zgjedhjeve ku mazhoranca fitoi 83 vota dhe mund t’i bëjë kodet siç do vetë, si do interesi Edi Ramës dmth dhe shfaqet një kod që do 84 vota, që na ndalon të flasim për një vendim gjykate, që na fut në burg po të flasim për një vendim gjykate.Nuk është vetëm kjo, na fut në burg edhe nëqoftëse shkruajmë diçka apo flasim diçka publikisht të cilën personi që preket e quan fyerje të rëndë.
    Këto janë të dyja nenet në të cilat godasin rëndë lirinë e fjalës, lirinë e shprehjes në Shqipëri dhe sigurisht janë kundër çdo konvente ndërkombëtare.
    Kështu që, besoj se këto të dyja nuk mund të kalojnë dhe nëqoftëse kalojnë, duhet patjetër Gjykata Kushtetuese t’i rrëzojë sepse kemi të bëjmë me shkelje të rënda të të drejtës së njeriut dhe që nuk ndodhin në asnjë vend të botës të paktën, sigurisht as në Amerikë dhe në asnjë vend që ka një demokraci normale dhe që të drejtën e shprehjes e ka në bazë të standardeve demokratike.
    Që nga paketa e ligjit për shpifjen që zoti Rama paraqiti u kuptua qartë që qëllimi nuk ishte që të sulmoheshin ose të ndaloheshin shpifjet ndaj personave publikë, ndaj biznesmenëve, por ishte që të kontrolloheshin ato media të cilat janë të regjistruara dhe kryejnë veprimtari të ligjshme, pra të goditeshin mediat opozitare në vend, mediat kritike me qeverinë, sepse mediat që vërtet shpifin për figurat publike etj. etj. janë media të paregjistruara, nuk janë media të regjistruara as në regjistrin ekonomik as në gjykatë dhe nuk kanë llogari, ato përdorin zakonisht mediat sociale dhe ai ligj nuk parashikonte fare këto gjëra.
    Kemi të bëjmë me një përdorim selektiv të të drejtës mbi bazë të ligjeve preferenciale dhe të cunguara të cilat nuk kanë asnjë qëllim që të forcojnë standardet e shtetit ligjor, por kanë qëllim që të bëjnë gjueti shtrigash dhe të marrin nën kontroll të gjithë median kritike që është në Shqipëri.

  • ‘Gjueti shtrigash ndaj mediave opozitare’/ Abilekaj: Kodi i ri i propozuar nga qeveria, një sulm i hapur ndaj fjalës së lirë në Shqipëri

    ‘Gjueti shtrigash ndaj mediave opozitare’/ Abilekaj: Kodi i ri i propozuar nga qeveria, një sulm i hapur ndaj fjalës së lirë në Shqipëri

    Gazetari Enton Abilekaj ka ngritur alarmin për përmbajtjen dhe qëllimet e ndryshimeve të reja në Kodin Penal, të propozuara nga mazhoranca, gjatë një interviste për Syri TV me moderatorin Edvin Parruca.

    Sipas Abilekajt, ky projekt është sjellë tinëzisht menjëherë pas zgjedhjeve, ku Partia Socialiste fitoi 83 mandate dhe ka tashmë mundësinë të miratojë ligje sipas interesit të saj. Ai theksoi se mazhoranca po paraqet një projektligj që kërkon 84 vota dhe synon të ndalojë qytetarët të flasin për vendime gjykatash, duke i kërcënuar me burgim për shprehje të lirë.

    “Nuk është vetëm kjo,” deklaroi Abilekaj, “na fut në burg edhe nëqoftëse shkruajmë ose themi diçka që një person tjetër e konsideron fyerje të rëndë.” Ai i cilësoi këto si nene që godasin rëndë lirinë e shprehjes dhe bien ndesh me çdo konventë ndërkombëtare.

    Gazetari theksoi se në rast se këto ndryshime miratohen, Gjykata Kushtetuese ka detyrimin moral dhe ligjor t’i rrëzojë, pasi përbëjnë një shkelje flagrante të të drejtave të njeriut, që nuk ndodh as në vende me demokraci të konsoliduar si SHBA-ja.

    Abilekaj rikujtoi se që nga nisma për “ligjin e shpifjes”, e prezantuar nga kryeministri Rama, është bërë e qartë se qëllimi nuk ishte ndalimi i shpifjeve ndaj personave publikë apo biznesmenëve, por kontrolli i mediave të regjistruara që ushtrojnë veprimtari ligjore — veçanërisht atyre kritike ndaj qeverisë.

    Sipas tij, media që vërtet shpifin janë shpesh të paregjistruara dhe veprojnë në rrjete sociale pa asnjë llogaridhënie. Por ligji i ri nuk synon ato, por pikërisht zërat kritikë në media. “Kemi të bëjmë me një përdorim selektiv të së drejtës, përmes ligjeve të cunguara dhe preferenciale, që nuk kanë për qëllim forcimin e shtetit ligjor, por kontrollin e fjalës së lirë dhe një gjueti shtrigash ndaj mediave opozitare në Shqipëri”, vijoi Abilekaj.

    Abilekaj: 

    Kjo u soll tinëz në një projekt të çuditshëm që u shfaq papritur menjëherë pas zgjedhjeve ku mazhoranca fitoi 83 vota dhe mund t’i bëjë kodet siç do vetë, si do interesi Edi Ramës dmth dhe shfaqet një kod që do 84 vota, që na ndalon të flasim për një vendim gjykate, që na fut në burg po të flasim për një vendim gjykate.
    Nuk është vetëm kjo, na fut në burg edhe nëqoftëse shkruajmë diçka apo flasim diçka publikisht të cilën personi që preket e quan fyerje të rëndë.

    Këto janë të dyja nenet në të cilat godasin rëndë lirinë e fjalës, lirinë e shprehjes në Shqipëri dhe sigurisht janë kundër çdo konvente ndërkombëtare.

    Kështu që, besoj se këto të dyja nuk mund të kalojnë dhe nëqoftëse kalojnë, duhet patjetër Gjykata Kushtetuese t’i rrëzojë sepse kemi të bëjmë me shkelje të rënda të të drejtës së njeriut dhe që nuk ndodhin në asnjë vend të botës të paktën, sigurisht as në Amerikë dhe në asnjë vend që ka një demokraci normale dhe që të drejtën e shprehjes e ka në bazë të standardeve demokratike.

    Që nga paketa e ligjit për shpifjen që zoti Rama paraqiti u kuptua qartë që qëllimi nuk ishte që të sulmoheshin ose të ndaloheshin shpifjet ndaj personave publikë, ndaj biznesmenëve, por ishte që të kontrolloheshin ato media të cilat janë të regjistruara dhe kryejnë veprimtari të ligjshme, pra të goditeshin mediat opozitare në vend, mediat kritike me qeverinë, sepse mediat që vërtet shpifin për figurat publike etj. etj. janë media të paregjistruara, nuk janë media të regjistruara as në regjistrin ekonomik as në gjykatë dhe nuk kanë llogari, ato përdorin zakonisht mediat sociale dhe ai ligj nuk parashikonte fare këto gjëra.

    Kemi të bëjmë me një përdorim selektiv të të drejtës mbi bazë të ligjeve preferenciale dhe të cunguara të cilat nuk kanë asnjë qëllim që të forcojnë standardet e shtetit ligjor, por kanë qëllim që të bëjnë gjueti shtrigash dhe të marrin nën kontroll të gjithë median kritike që është në Shqipëri.