Lajmidites.com

Day: October 7, 2025

  • Tetori Rozë: Shenjat e kancerit të gjirit te burrat

    Tetori Rozë: Shenjat e kancerit të gjirit te burrat

    Më parë, mjekët mendonin se kanceri i gjirit te burrat ishte më i rëndë sesa te gratë, por studimet kanë treguar se është njëjta gjë. Problemi kryesor është se kanceri i gjirit tek burrat shpesh diagnostikohet më vonë sesa kanceri i gjirit te gratë.

    Kjo mund të jetë për shkak se burrat kanë më pak të ngjarë të dyshojnë për diçka të çuditshme në zonën e gjinjve.

    Faktorë që mund të rrisin shanset për të patur kancer gjiri:

    – kanceri i gjirit te një e afërme grua
    – histori ekspozimi të gjoksit ndaj rrezatimit
    – zgjerimi i gjinve nga trajtimi me ilaçe ose hormone, apo injeksione 
    – marrja e estrogjenit
    – një gjendje e rrallë gjenetike e quajtur sindroma Klinefelter
    – sëmundje e mëlçisë
    – sëmundje të testikujve
    – mbipesha

    Simptomat e kancerit të gjirit te burrat janë të ngjashme me ato te gratë.

    – gjëndër apo kokërr në gji ose nën sqetull
    – ndryshim në formë ose në madhësi të gjirit
    – ndryshim në lëkurën e gjinjve tuaj, si gropëza ose tërheqje
    – skuqje, enjtje te gjinjtë, përreth tyre apo nën sqetull
    – rrjedhje lëngu nga thithka e gjirit
    – kore ose luspa në thithkën e gjirit
    – puçrra të imta në majë të gjirit apo përreth tij
    – dhimbje e vazhdueshme në një pjesë të gjirit ose nën sqetull

     

  • Trump për Greta Thunberg pas deportimit të saj nga Izraeli: Ajo duhet të vizitohet nga një mjek…

    Trump për Greta Thunberg pas deportimit të saj nga Izraeli: Ajo duhet të vizitohet nga një mjek…

    Presidenti i SHBA-së, Donald Trump, u pyet nga gazetarët në Zyrën Ovale në lidhje me deportimin e Greta Thunberg dhe aktivistëve të tjerë pro-palestinezë që u përpoqën të thyenin bllokadën detare të Gazës nga Izraeli.

    “Ajo është thjesht një shkaktare problemesh”, tha Trump, duke iu referuar aktivistes suedeze. “Do të thuash që ajo nuk shqetësohet më për mjedisin, tani shqetësohet për këtë?”

    “Ajo ka një problem me menaxhimin e zemërimit, mendoj se duhet të vizitojë një mjek”, vazhdoi Trump. “Është shumë e zemëruar, është shumë e çmendur.”

    Thunberg mbërriti në aeroportin e Athinës të hënën pasi u deportua nga Izraeli së bashku me një grup prej 135 anëtarësh të Flotiljes Globale Sumud, të cilët u arrestuan ndërsa lundronin drejt Rripit të Gazës me ndihma humanitare.

    Me mbërritjen e saj në Greqi, Thunberg i tha shtypit se “Izraeli po përpiqet të zhdukë një popullsi të tërë”, duke iu referuar banorëve të Gazës dhe palestinezëve.

    “Mund të flas për një kohë të gjatë për keqtrajtimin dhe abuzimin që pësuam gjatë burgosjes sonë, por kjo nuk është historia”, vuri në dukje ajo.

  • Misteri i vrasjes së pronarit grek dhe punonjësit shqiptar, krimi ndodhi në prani edhe të personave të tjerë! Pistat e hetimit

    Misteri i vrasjes së pronarit grek dhe punonjësit shqiptar, krimi ndodhi në prani edhe të personave të tjerë! Pistat e hetimit

    Një ngjarje e rëndë që ndodhi dy ditë më parë në Foinikounta të Mesinisë në Greqi, vijon të tronditë opinionin publik dhe të mbajë në gatishmëri autoritetet. Dy burra, pronari grek i një kampingu dhe punonjësi i tij shqiptar, u qëlluan për vdekje me armë zjarri mbrëmjen e së dielës, në një akt ekzekutimi të pastër.

    Autori i krimit mbetet ende në arrati dhe motivet e vrasjes së dyfishtë mbeten të paqarta. Policia greke po vijon hetimet në disa pista, duke mos përjashtuar as motive personale, as skenarë më kompleksë që mund të lidhen me interesa të tjera, raporton Protothema.

    Sipas të dhënave zyrtare, autori ka hyrë në kamping me një skuter, duke e lënë motorin ndezur. Ai ka qëlluar për vdekje dy burrat me një armë të llojit pistoletë, pa lënë pas gëzhoja. Viktima e parë u vra në vend, brenda zyrës së kampingut, ndërsa tjetri u qëllua pas shpine teksa përpiqej të largohej.

    Një dëshmitar i mbijetuar, nip i njërit prej viktimave, ndodhej në vendin e ngjarjes dhe ka deklaruar se autori qëlloi edhe në drejtim të tij, por pa e goditur. Ai nuk ka mundur të identifikojë vrasësin, i cili sipas tij ishte i veshur me bluzë me kapuç dhe nuk kishte mbuluar fytyrën.

    Kamerat e sigurisë në zonë kanë kapur autorin teksa largohej me motor drejt fshatit Koryfasi, por pamjet janë të paqarta dhe targat nuk dallohen.

    Ndërkohë, autoritetet kanë nisur marrjen në pyetje të personave të afërt me viktimat, në përpjekje për të zbardhur arsyet që çuan në këtë ngjarje të rëndë.

    Autopsia e trupave u zhvillua në qytetin e Korinthit, dhe ndonëse detaje të plota nuk janë bërë ende publike, autoritetet shpresojnë që ajo të ndihmojë në rindërtimin e saktë të ngjarjes dhe të ndihmojë në identifikimin e autorit.

  • SHTYPI I DITËS – Çfarë shkruajnë gazetat shqiptare për ditën e sotme, e martë, 7 tetor 2025…

    SHTYPI I DITËS – Çfarë shkruajnë gazetat shqiptare për ditën e sotme, e martë, 7 tetor 2025…

    Faqet e para të gazetave të përditshme shqiptare, në versionin e tyre print (të shtypur) që mund ta gjeni pranë kioskës së shtypit, ofrojnë këto tituj kryesorë për lexuesit e tyre, për ditën e sotme, e martë, 7 tetor 2025:

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

  • Orban godet BE-në” me një deklaratë të pazakontë

    Orban godet BE-në” me një deklaratë të pazakontë

    Hungaria nuk duhet ta miratojë euron sepse Bashkimi Evropian po “shpërbëhet” dhe Hungaria nuk duhet ta lidhë fatin e saj më ngushtë me bllokun, tha kryeministri hungarez Viktor Orban në një intervistë me faqen e internetit ekonomike EconomX.
    Hungaria, e cila ka modernizuar ekonominë e saj me miliarda euro nga Brukseli që nga anëtarësimi dy dekada më parë, aktualisht nuk i plotëson kushtet për miratimin e euros.
    Ndryshe nga Danimarka, Hungaria nuk ka një përjashtim ligjor nga anëtarësimi në bllokun e monedhës. Disa nga fqinjët e Hungarisë në krahun lindor të BE-së, përfshirë Poloninë, Republikën Çeke dhe Rumaninë, mbeten gjithashtu jashtë eurozonës, të paktën për momentin.
    Zgjedhjet parlamentare në Hungari vitin e ardhshëm
    Orban, në pushtet që nga viti 2010, është bërë një kritik gjithnjë e më i zëshëm i BE-së, e cila ka pezulluar miliarda euro fonde për Hungarinë për shkak të reformave të sundimit të ligjit.
    “Hungaria nuk duhet ta lidhë fatin e saj më ngushtë me Bashkimin Evropian sesa tani, dhe futja e euros do të ishte lidhja më e ngushtë e mundshme”, paralajmëroi Orban.
    Komentet e Orbanit janë në kontrast të thellë me platformën politike të rivalit të tij të opozitës, Peter Magyar, i cili po bën fushatë me premtimin për të shkrirë paratë e pezulluara të BE-së dhe për të afruar një nga ekonomitë më të varfra të BE-së me miratimin e euros.
    Zgjedhjet parlamentare janë planifikuar në pranverën e vitit 2026. Data nuk është caktuar ende. Edhe pse Orban ka shmangur komentet e drejtpërdrejta mbi politikën e bankës qendrore që kur Mihaly Varga, ish-ministri i tij i financave, mori detyrën në prill, ai tha se norma kryesore e interesit të bankës prej 6.5%, më e larta në BE, ishte “më e lartë se sa mund të ishte”. /tesheshi.com/
     
     

  • “Dridhet” pankina e Tudor, dy alternativa për stolin e Juves

    “Dridhet” pankina e Tudor, dy alternativa për stolin e Juves

    Rezultatet e fundit kanë lëkundur stolin e Igor Tudor te Juventus. Për momentin, klubi nuk duket se po e shqyrton shkarkimin e tij, por është e qartë se nëse fitoret vazhdojnë të dështojnë, situata mund të ndryshojë.
    Në rast shkarkimi, dy janë emrat që qarkullojnë si pasues të Tudor. I pari është Lucciano Spalleti,  i cili vjen pas një eksperience në krye të kombëtares italiane dhe do ishte i mirëpritur në Torino. Emri tjetër është ai i ish trajnerit të Fiorentinës, Rafaelo Palladino.

    © BalkanWeb