Lajmidites.com

Month: September 2025

  • Nis mega-procesi ‘Sky ECC’/ Bosi shqiptar del para gjyqit me gruan dhe motrën: Nuk kam bërë operacion plastik dhe nuk kam lënduar njeri

    Nis mega-procesi ‘Sky ECC’/ Bosi shqiptar del para gjyqit me gruan dhe motrën: Nuk kam bërë operacion plastik dhe nuk kam lënduar njeri

    Këtë të hënë ka nisur mega-gjyqi “Sky ECC” në Namur të Belgjikës. Plot 58 persona po ndiqen penalisht për kultivim dhe shitje të kanabisit, pastrim parash, mbajtje armësh dhe për anëtarësim në një organizatë kriminale. Fillimisht janë dëgjuar udhëheqësi i dyshuar, krahu i tij i djathtë, shpërndarësit dhe punëtorët

    Nga Loic Martin, SUD INFO

    Gjyqi i shumëpritur “Sky ECC” nisi këtë të hënë në pallatin e drejtësisë në Namur. Ai mban këtë emër sepse 58 të pandehurit e kësaj çështjeje janë të lidhur me sistemin e mesazheve të koduara “Sky ECC”, i cili për shumë vite u ka mundësuar kriminelëve të kryejnë aktivitetet e tyre të paligjshme duke i shpëtuar hetimeve të policisë.

    Akuzat e ngritura kundër këtyre 58 personave janë të ndryshme: kultivim dhe shitje të kanabisit, mbajtje armësh, vjedhje të energjisë elektrike, pastrim parash dhe pjesëmarrje në organizatë kriminale. Shumica e veprave kanë ndodhur midis viteve 2016 dhe 2024.

    I pari që u mor në pyetje ishte një shqiptar rreth të tridhjetave, i cili konsiderohet si udhëheqësi i dyshuar i organizatës. Ai e mohoi me forcë këtë rol: “Më ngarkojnë me akuza nga të gjitha anët dhe më shumë se ç’duhet,” tha ai. “Kur erdha në Belgjikë kisha nevojë për shumë para, por nuk i kam bërë keq askujt. Më vonë kam komunikuar me të tjerët përmes Sky ECC, por nuk ishin urdhra. Nuk e njoh veten fare në profilin që më atribuojnë”.

    Kirurgji dhe arratisje në Spanjë

    Megjithatë, sjelljet e tij kanë qenë të pazakonta përballë akuzave. Përgjimet kanë treguar se ai koordinoi aktivitetet në plantacionet e ndryshme ku shkonte personalisht. Sipas gjykatësit Hauquier, ai u arratis në Spanjë dhe kërkohej nga policia shqiptare. Thuhet se atje iu nënshtrua një operacioni dhe ndryshoi emrin për të mos u gjetur.

    “Kjo është plotësisht e pavërtetë, dhe operacioni ishte për një problem me septumin e hundës,” shtoi ai.

    Edhe bashkëshortja e tij është dashur të japë shpjegime për dyshime mbi pastrimin e parave dhe pjesëmarrjen në organizatë. Ajo i hodhi poshtë akuzat me vendosmëri: “Nuk kam bërë asgjë të paligjshme dhe nuk kam asnjë lidhje me ndonjë organizatë.”

    Motra e arrestuar në Itali

    Një tjetër anëtare e familjes së udhëheqësit të dyshuar, motra e tij, ishte gjithashtu e pranishme. Ajo duhet të përgjigjej për akuzat e pastrimit të parave. Dyshohet se ajo ka pranuar para në Shqipëri për t’i dërguar më pas në Belgjikë në formë huash familjare.

    Kur vëllai i saj u arrestua, ajo u bë menjëherë e dyshuar dhe u arrestua ndërsa ndodhej në Itali.

    “Jam e habitur që ndodhem këtu,” tha ajo. “Kam përdorur një telefon që ma dërgoi vëllai, por nuk e dija që kishte Sky ECC brenda. Për më tepër, aty kishim vetëm biseda familjare. Duhet të them se që nga arrestimi i tij, ka pasur shumë konflikte në familje. Të gjithë punojnë në fushën e drejtësisë dhe nuk duan më të kenë kontakte me të”.

    Të martën, pritet të dëgjohen edhe të pandehurit e tjerë, përpara se prokuroria të paraqesë fjalën e saj përfundimtare.

  • Gjyqtarja shkodrane përfundimisht jashtë radhëve të “Drejtësisë së re”, KPA merr vendim për Izabela Radovanin

    Gjyqtarja shkodrane përfundimisht jashtë radhëve të “Drejtësisë së re”, KPA merr vendim për Izabela Radovanin

    KPA ka lënë në fuqi edhe shkarkimin e Izabela Radovanit, gjyqtares së Gjykatës së Shkodrës.
    ‘Trupi gjykues i Kolegjit të Posaçëm të Apelimit, i përbërë nga Ina Rama kryesuese, Sokol Çomo relator, Albana Shtylla, Natasha Mulaj, Rezarta Schuetz anëtare, shpalli vendimin për çështjen nr. 34/2023, datë 20.07.2023, që i përket ankimit të subjektit të rivlerësimit Izabela Radovani kundër vendimit të Komisionit të Pavarur të Kualifikimit, nr. 647, datë 14.04.2023.
    Në përfundim të gjykimit në dhomë këshillimi, trupi gjykues, bazuar në nenin 66, pika 1, germa “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi: Lënien në fuqi të vendimit nr. 647, datë 14.04.2023 të Komisionit të Pavarur të Kualifikimit, që i përket subjektit të rivlerësimit Izabela Radovani. Ky vendim është përfundimtar dhe ka efekt të menjëhershëm’, thuhet në njoftim.
    Komisioni i Pavarur i Kualifikimit, më 14 prill 2023 shkarkoi nga detyra Gjyqtaren e Gjykatës së Shkodrës, Izabela Radovani. Radovani dha shpjegime për mospërputhjet në deklarimin e pasurive, mungesat financiare për krijimin e tyre, si dhe për transaksionet për një apartament, të kryera në emrin e saj. Izabela Radovani e ka nisur karrierën në sistemin gjyqësor si ndihmësgjyqtare në vitin 1996 dhe në vitin 2000 u emërua gjyqtare në Shkodër, ku dhe punoi prej më shumë se dy dekadash.

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

  • Ministrja Koçiu mbledh drejtorët e AMP, prezanton Eduart Merkajn si kreun e Agjencisë

    Ministrja Koçiu mbledh drejtorët e AMP, prezanton Eduart Merkajn si kreun e Agjencisë

    albana koçiu

    TIRANË- Ministrja e Brendshme, Albana Koçiu, prezantoi sot drejtorin e ri të Agjencisë së Mbikëqyrjes Policore, Eduart Merkaj. Përmes një postimi në rrjetet sociale, ministria Koçiu ka publikuar foto nga prezantimi,  gjatë të cilit ka theksuar rëndësinë e marrjes me prioritetet të çdo shqetësimi apo ankese të qytetarëve. Eduart Merkaj merr detyrën pas dorëheqjes së Florjan Sulejmanit, i cili dha dorëheqjen në verë. 

    Postimi i plotë:
    Agjencia e Mbikëqyrjes Policore mbetet një hallkë thelbësore në garantimin e integritetit, etikës dhe profesionalizmit të punonjësve të institucioneve që ajo mbikëqyr.
    Gjatë prezantimit të drejtuesit të ri të kësaj Agjencie, z. Eduart Merkaj, theksova se çdo shqetësim apo ankesë e qytetarëve duhet të trajtohet me prioritet dhe përgjegjësi të plotë.
    Qytetarët meritojnë dhe do të kenë një njësi mbikëqyrëse të paanshme dhe profesionale, ky është angazhimi ynë i pandryshueshëm.

    557589186 18532460047040072 6514560005850424930 n

    558262613 18532460014040072 1845160393561016493 n

    556324488 18532460035040072 295706587898648955 n

    556713999 18532460050040072 80949877613772623 n

  • Vrasja e Elis Rroshkodolit/ E shoqëroi në momentet e fundit, dëshmia e shokut: Njëri i maskuar hyri me armë dhe qëlloi, më pas…

    Vrasja e Elis Rroshkodolit/ E shoqëroi në momentet e fundit, dëshmia e shokut: Njëri i maskuar hyri me armë dhe qëlloi, më pas…

    elis rroshkodoli

    TIRANË- Detaje të reja janë zbuluar nga dosja hetimore e Elis Rroshkodolit, i vrarë gjatë një atentati me armë zjarri në një lokal në Shkodër më 30 gusht të vitit 2024. Emisioni “Në Shënjestër” ka zbardhur dëshminë e dëshmitarit të fundit në ngjarje. Bëhet fjalë për shokun e ngushtë të Elisit, Indri Bekteshi. Ky i fundit, rezulton të jetë shok fëmijërie me Elisin. Sipas dëshmisë së nënës së Rroshdolit, Bekteshi ka qenë gjithashtu i pranishëm me të në momentin kur disa ditë para vrasjes, i humbën celësat e banesës. 
    Sa i përket ditës së ngjarjes, Bekteshi ka rrefyer se vetëm 10 minuta pasi ishin ulur në kafe, një përson i maskuar ishte afruar drejt tyre dhe ka qëlluar menjëherë Elisin. Autori është larguar nga lokali, pasi fillimisht ka tentuar të qëlloi dhe dëshmitarin (shokun e Elisit), por ky i fundit i ka thënë se nuk ka lidhje me asgjë dhe ka shpëtua nga atentati.
    “Ditën e ngjarjes kemi qenë te lokali. Rreth 10 minuta pasi ishin ulur dhe po qëndronim aty na është afruar një person rreth 3-4 metra, i cili ishte i maskuar me maskë anticovid, që mbante një armë të gjatë në dorë. Ai na u afrua pa thënë asnjë fjalë dhe filloi të qëllojë në drejtim të Elisit disa herë. U ngrita dhe doja të largohesha, por u pengova dhe rrëzova. Ai më drejtoi armën dhe deshi të më qëllojë, por unë i bërtita duke i thënë se nuk kam lidhje me asgjë. Në këtë moment ai u largua nga ambienti i lokalit”, ka treguar Indrit Bekteshi.
    Indriti e ka shoqëruar Elisin në momentin e tij të fundit të jetës. Si një shok fëmijërie, ai shprehet se Elisi nuk i kishte folur për ndonjë shqetësim, edhe pse qëndronte i stretuar dhe donte të largohej jashtë vendit. Ai tregon se ditët e fundit, Rroshdoli përdorte një automjet Audi Q5. Automjet që e kishte shkëmbyer me një tjetër automjet tip BMë. 
    Dritan Milani, vëllai i personit të plagosur nga Elisi në Belgjikë është një nga personat e dyshuar të interesuar për të kryer këtë vrasje. Por ajo që duket se e lidh Dritan Milanin me rrethanat e vrasjes së Elis Rroshkodolit, është makina e përdorur nga autori në krim. Makina është e njëjta me atë që Dritan Milani ka hyrë dhe ka dalë nga Shqipëria. Ku ata që korespondojnë janë targat e njëjta, të cilat rezultojnë se janë vjedhur në Malin e Zi.

    Në dosjen e hetimore theksohet se nga pamjet e kamerave të sigurisë është arritur të fiksohet fakti se autori i ngjarjes ka përdorur një automjet tip Mervedez Benz me targa BR BL 680. Ky automjet rezulton i vjedhur në Malin e Zi me datë 5 gusht 2024. Gjatë rrugëtmit për t’u larguar nga vendi i ngjarjes drejtuesi i mjetit ka ndryshuar targën e makinën duke i vendosur mjetit targën SOP1095. Edhe kjo targë ka rezultuar e vjedhur në Gjermani. Ka qenë pikërisht ndjekja e kësaj makine, që ka çuar grupin hetues edhe në garazhin ku më pas u fsheh. Garazh që përdorej nga vëllezërit Xhani, tashmë të arrestuar.
    Por zbulimi i automjetit të përdorur në krim do të vinte vetëm falë dëshmisë së pronarit të një aktiviteti tregtar pranë zonës ku ndodhej servisi i vëllezërve Xhani. Ai ka rrëfyer se kishte gjetur një kofano makine pranë biznesit të tij, të cilën më pas kishte futur në brendësi të ambjenteve të sipërmarrjes së tij.
    “Disa ditë më parë, unë dhe punëtorët e aktivitetit tim konstatuam të hedhur pranë biznesit tim një kofano makine, ngjyrë si në gri, Punonjësit nuk e panë se kush e kishte hedhur, por e prekën dhe e hodhën tek pjesa e aktivitetit të tyre.”, thotë pronari i biznesit aty pranë. 
    Kjo kofano makine rezultoi se i përkiste pikërisht makinës Mercedes Benz të përdorur në vrasjen e Elis Rroshkodolit. Çka çoi edhe në zbulimin e lidhjes së vëllezërve Xhani, Xhulio Malos dhe Dritan Milanit, hasmit të Elis Rroshkodolit.
    Voltan Xhani, nga Përmeti, është i dyshuari kryesor për organizimin dhe vrasjen e Elis Rroshkodolit, në gusht të vitit të shkuar në Shkodër. Dosja, e cila u hetua nga Prokuroria e Shkodrës, i ka kaluar SPAK-ut për verifikime të mëtejshme, për shkak të dyshimeve për grup të strukturuar kriminal. Për vrasjen, aktualisht në pranga kanë përfunduar Xhani dhe Xhulio Malo, ndërsa në kërkim janë dy të tjerë, që janë identifikuar me inicialet: J.Xh. dhe D.M.
    Voltan Xhani ishte shpallur në kërkim nga Prokuroria e Shkodrës që prej shtatorit të vitit 2024, por u arrestua vetëm në maj të këtij viti, nga forcat RENEA në Durrës. Ai u kap duke darkuar me disa persona të tjerë të shpallur në kërkim, mes tyre Flobenc Gega dhe Xhevdet Plaku.
    Për vrasjen e Shkodrës, Voltan Xhani ishte shpallur në kërkim, ndërsa nipi i tij Xhulio Malo, u arrestua për sigurim të kushteve për të kryer vrasje dhe pengim të zbardhjes të së vërtetës. Malo ishte i njohur si mbështetës i Shtetit Islamik ISIS. Po ashtu, ai cilësohej si një nga anëtarët e grupit të të rinjve, ish-ushtar i Gate Mahmutajt (i vdekur), në Lazarat. Madje në Lazarat mori pjesë në vrasjen e efektivit të RENEA-s Ibrahim Basha.
    Xhani dhe Rroshkodoli njiheshin herët në shtetin e Belgjikës ku kanë jetuar për vite me radhë. Pikërisht atje kanë pasur edhe përplasjet e tyre për shkak të trafikut të drogës. Xhani ka organizuar krimin, pasi me ndihmën e nipit dhe dy personave të tjerë ka trafikuar makina nga jashtë vendit, të cilat i mbante në një servis në Bërzhitë.
    Elis Rroshkodol u ekzekutua teksa po pinte kafe në një lokal. Ai ishte i njohur për miqësinë e tij me Bajrajt por edhe për grabitjet që kishte kryer në Belgjikë, ndërsa ishte në kërkim nga Rumania për plagosje./ZËRI

  • “Pritet arrestimi i një deputeti”, deklarata “bombë” e Ervin Karamuços: Ja çfarë kanë zbuluar hetimet

    “Pritet arrestimi i një deputeti”, deklarata “bombë” e Ervin Karamuços: Ja çfarë kanë zbuluar hetimet

    ksperti i kriminalistikës, Ervin Karamuço, në një intervistë për një emision televiziv ka zbuluar se pritet të arrestohet një deputet i Kuvendit të Shqipërisë.
    Karamuço theksoi se SPAK po heton në lidhje me një bllok shënimesh ku janë të shkruajtura me detaje ndarjet e parave të korrupsionit.
    Sipas ekspertit, një zonjë e ka çuar në SPAK këtë bllok me “vlerë” dhe pritet që së shpejti të merren masa konkrete.
    Ervin Karamuço nuk dha detaje për emrin e deputetit apo se cilës parti politike i përket ligjvënësi. Sipas tij, në atë bllok shënimesh flitet për shifra të mëdha parash të ngurtësuara në disa prej banesave në rrethinat e Tiranës.
    “Di që së fundmi ka një hetim që po zhvillohet dhe mund të ketë masa konkrete ndaj një deputeti të Kuvendit të Shqipërisë.
    Na është zbuluar një bllok. Në këtë bllok janë vënë re shënime ku ky deputet ka vënë persona të tjerë që mbajnë shënim si do ndahen paratë e korrupsionit të ngurtësuara në disa prej banesave në rrethinat e Tiranës.
    Këtë banesë e ka filani por është për llogari timen. Një zonjë e nderuar e ka çuar në SPAK bllokun. Kanë filluar hetimet dhe pritet shumë shpejt të ketë masa konkrete ndaj këtij deputeti. Nuk mund të them as emër dhe as kujt partie politike i përket.”-tha Karamuço.

  • Skandali ligjor me Veliajn/ Kalaja tregon se ku gaboi Këshilli Bashkiak: Ka shumë shanse që të…

    Skandali ligjor me Veliajn/ Kalaja tregon se ku gaboi Këshilli Bashkiak: Ka shumë shanse që të…

    Adriana Kalaja, Kryetare e Gjykatës së Apelimit të PD, e ftuar në një emision televiziv, deklaroi se Këshilli Bashkiak, me shkeljet që ka bërë, i ka dhënë shkak Veliajt për të fituar gjyqin në Strasburg.
    “Shkarkimet e kryetarëve të bashkisë janë të përcaktuara në nenin 115, ndërkohë që artifica që është bërë me VKM-në është se thuhet “në bazë të nenit 100”. Unë mendoj që PD-ja u nxitua që bashkoi votat me PS-në në Këshillin Bashkiak. Ishte pesha e betejës ndaj Veliajt në njërën anë dhe kërkesës që vetë anëtarët e PD-së në Këshill kishin depozituar në maj. Duke u ndodhur përpara një kërkese për shkarkimin e kryebashkiakut për shkak të mungesës 3-mujore në vendin e punës, nuk mund të ngrihesh pastaj ta kundërshtosh. Në aspektin moral, anëtarët vepruan drejtë. Por, nëse flas si avokate, nuk mund të them se vendimi i Këshillit Bashkiak është vendim ligjor. Për mua është antiligjor dhe për këtë më vjen keq sepse i kanë dhënë shkak Erion Veliajt për të fituar nesër gjyqin në Strasburg”, tha Kalaja.
    “Të gjithë jemi dakord që Veliaj me dosjen që ka, ka shumë pak shanse që të dalë fitimtar, por ligjërisht ai mund të përdorë të gjithë këto shkeljet për ta fituar çështjen në Gjykatën e Strasburgut, që do të ketë shumë kosto”, shtoi Kalaja.
    Sipas saj, “kur analizohet mosparaqitja në punë për 3 muaj radhazi të kryebashkiakut, ligji duhet të tregojë vullnetin e kryetarit për dorëheqje”.
    “Prandaj ne kemi kërkuar që në fillim dorëheqjen e Veliajt, pasi kjo do ta zgjidhte shumë mirë në aspektin juridik. Mbase nuk do të ishte as në arrest me burg sot nëse do të ishte dorëhequr. Vetë votimi që është bërë për Veliajn është bërë i hapur, me urdhër të Edi Ramës, kur duhej të ishte votim i fshehtë. Kjo ndodhi sepse Edi Rama kishte shumë frikë se do t’i dështonte shkarkimi, për shkak se shumica e atyre që ishin prezentë ishin promovuar nga Veliaj”, u shpreh Adriana Kalaja.

  • ‘Diçka luan mes Berishës dhe Veliajt’, Gjikondi zbardh prapaskenat: Opozita po bën avokatinë e ish-kryebashkiakut

    ‘Diçka luan mes Berishës dhe Veliajt’, Gjikondi zbardh prapaskenat: Opozita po bën avokatinë e ish-kryebashkiakut

    Prej shkurtit, drejtimi i Bashkisë së Tiranës mbetet ‘pa zot’ pas arrestimit të Veliajt. Këshilli Bashkiak kërkoi shkarkimin e tij nga qeveria, një hap i cili i adreson drejt zgjedhjeve për drejtuesin e ri të bashkisë më të madhe në vend. Në një intervistë televizive, juristja Brisida Gjikondi tha se Veliaj duhet të jepte dorëheqjen fill pas arrestimit të tij. Më tej, në analizën e saj Gjikondi thotë se opozita nuk po shfrytëzon mundësinë, pas akuzave të njëpasnjëshme ndaj Veliajt gjatë qeverisjes së tij, por po bën avokatinë e ish kryebashkiakut.
    “Opozita është fast foodi që nuk ka vizionin dhe koherencën e vetë. Kanë bërë protesta para bashkisë dhe tani që u erdhi mundësia në dorë, janë bërë avokatë të Veliajt. Ka diçka që luan mes Berishës dhe Veliajt. Që nga momenti që Veliaj del kundër vullnetit të partisë dhe e çon në Gjykatë Kushtetuese nuk mund të ngatërrojë çështjet, nuk arrin dot të rikthehet aty ku ka qenë. Reputacionin e merr vetëm me çështjen e SPAK, jo të Bashkisë. Berisha ka tërë këto ditë që nuk kishte një grup emrash.
    Bashkia e Tiranës ka 100 vite, ka pasur 46 kryetarë bashkie dhe asnjëherë nuk ka qenë personi mbi Bashkinë. Të gjithë merren me Gjykatën Kushtetuese dhe nuk duhet të kishte moral Veliaj pas shkarkimit të Ramës. Vetë duhet të jepte dorëheqjen nëse ka integritet politikani. Nuk e prisja që pas shkarkimit të bënte këtë lojë dhe të ushqente këtë opozitë të lodhur. Begaj edhe mund të dekretojë datat e pjesëve të tjera të Bashkive.
    Fan Noli thoshte që Kolltugofagët janë si krimbat që ushqehen me infeksionin e Shqipërisë dhe nuk ikin nga kolltuku.”

  • 120 “Sali Berisha kandidat për Tiranën”, Lefter Maliqi i përgjigjet ashpër Dash Sulës: Je kthyer në aktor

    120 “Sali Berisha kandidat për Tiranën”, Lefter Maliqi i përgjigjet ashpër Dash Sulës: Je kthyer në aktor

    Ish-deputeti Lefter Maliqi i është përgjigjur në një emision televiziv propozimit të Dashnor Sulës, i cili deklaroi se vetëm Sali Berisha mund të fitojë bashkinë e Tiranës përballë Ogerta Manastirliut. Ai theksoi se Berisha është një personalitet dhe atij i shkon vetëm kostumi i kryeministrit, ndërsa shton se pa pushtetin lokal, nuk mund të fitosh pushtetin qendror.
    “Dash Sula nuk besoj që t’i pëlqejë roli i aktorit. Vërtet mund të ketë bërë gabime PD me Sulën por këto ide që hedh në media po ua them prerë saktë; Berisha është personalitet. Kostumi i Berishës është ai i kryeministrit dhe ka një mision për të rrëzuar Ramën dhe do ta çojë deri në fund. Dhe ta dinë shqiptarët në këtë gjendje që është PD dhe opozita e bashkuar, pavarësisht gabimeve që kemi ne duhet t’u themi shqiptarëve që nuk kemi bërë zgjedhje lokale në 2019 dhe 2023. Pa pushtet lokal nuk mund të fitosh pushtetin qendror”, u shpreh Maliqi.
    Parimisht ai shprehet se në Tiranë mund t’i fitojë zgjedhjet çdo kandidat i PD-së, pasi sipas Maliqit kryeministri e qeveria janë kalbur politikisht nga krimi e betoni.
    “Në Tiranë është e lehtë për t’u fituar bashkia se Rama është kalbur politikisht nga skandalet e krimet, qeveria de facto e ka mbuluar krimi. Tirana është betonizuar parqet mungojë. Kështu që çdo kandidat i PD që caktohet përballë ministres së Covidit. Unë mendoj që Berisha ka pjekurinë politike shumë të madhe dhe Berisha dyshon që do të bëhen zgjedhjet dhe pret kur të marrin formë të prerë zgjedhjet”, tha Maliqi.Ish-deputeti Dashnor Sula propozoi emrin e Sali Berishës si kandidatin e vetëm që mund të fitojë zgjedhjet në bashkinë e Tiranës.

  • Kurti dhe senatorja Shaheen flasin për raportet Kosovë-ShBA

    Kurti dhe senatorja Shaheen flasin për raportet Kosovë-ShBA

    Kosova E Martë, 30 Shtator 2025 20:50
    Kryeministri në detyrë i Kosovës, Albin Kurti, vazhdoi edhe këtë të martë takimet në Washington D.C.. Ai bashkë me zv/ministren e Punëve të Jashtme dhe Diasporës, Liza Gashi, dhe ambasadorin e Republikës së Kosovës në ShBA, Ilir Dugolli, takoi senatoren demokrate nga New Hampshire, Jeanne Shaheen. Marrëdhëniet bilaterale, zhvillimet e fundit në vend, progresi ekonomik, investimet në mbrojtje, përmirësimi në siguri dhe sundim të ligjit ishin ndër temat e diskutimit.
    Kurti veçoi bashkëpunimin me Shtetet e Bashkuara të Amerikës në fushën e mbrojtjes, vendimin e Qeverisë për heqjen e tarifës doganore ndaj të gjitha produkteve me origjinë nga ShBA-ja dhe vazhdimin e programit Kompakt të Korporatës së Sfidave të Mijëvjeçarit për Kosovën nga administrata e re amerikane, si zhvillimet kryesore dhe me interes të përbashkët në kuadër të raporteve dypalëshe Kosovë-ShBA. Diskutuan edhe për mundësitë që vendi ynë ofron për kompanitë dhe investitorët amerikanë.
    Senatorja Shaheen kishte vizituar Kosovën pas sulmit terrorist dhe paramilitar të 24 shtatorit 2023 në Banjskë të Zveçanit dhe ka bërë thirrje të vazhdueshme për arrestimin e Millan Radoiçiq i cili, siç theksoi kryeministri, edhe dy vjet pas sulmit dhe pranimit të fajësisë vazhdon të jetë e të lihet i lirë në Serbi. /Kosovapress/

  • Profesori italian nga burgu i Fierit: Shëndeti im mendor dhe fizik është në rrezik

    Profesori italian nga burgu i Fierit: Shëndeti im mendor dhe fizik është në rrezik

    Kronikë E Martë, 30 Shtator 2025 21:14
    ”Po jetoj me një ndjenjë të thellë mirënjohjeje ndaj atyre që më mbështesin dhe shprehin atë që ka ndodhur, në mënyrë që të krijohet qartësi”. Kështu shprehet Michele D’Angelo, një profesor universiteti nga L’Aquila, në një mesazh të ndarë nga bashkëshortja e tij, Vanessa Castelli, e cila e vizitoi sot në burgun shqiptar të Fierit, ku ai mbahet në paraburgim për afërsisht 50 ditë pas një aksidenti rrugor më 8 gusht.
    “Nuk mund ta mohoj se masa e paraburgimit në burg është, sipas mendimit tim, e tepruar”,-shkroi ai. ”Është një gjendje jashtëzakonisht e vështirë, e bërë edhe më e vështirë nga fakti që jam larg shtëpisë, në një vend gjuhën e të cilit nuk e flas. Duke marrë parasysh sjelljen time, historinë time personale dhe profesionale, si dhe ekzistencën e metodave alternative që mund të sigurojnë pajtueshmërinë me procedurat pa kompromentuar më tej shëndetin dhe ekuilibrin tim psikologjik, shpresoj vërtet që ky reflektim të pritet me kujdes”.

    Në zemër të mesazhit është mbështetja e shumë njerëzve. ”Mbështetja që po marr nga Vanessa, nga kolegët, nga studentët, nga institucionet është ajo që më mban larg shembjes. Është spiranca ime. Çdo fjalë që vjen nga jashtë, çdo gjest, çdo shenjë shqetësimi është si një dritare që hapet. Vanessa më mban të informuar, më tregon se çfarë po ndodh dhe më jep forcën e dikujt që nuk ka pushuar kurrë së besuari në mundësinë e një interpretimi të ekuilibruar të fakteve”.

    D’Angelo përfundon me një kujtesë për nevojën për proporcion: “Dhe unë, që këtej e tutje, vazhdoj të jetoj këto ditë me disiplinë, me durim dhe me shpresën se kjo vëmendje mund të transformohet në qartësi. Nuk po kërkoj dhembshuri, por të vërtetë. Nuk po kërkoj privilegje, por proporcion.”