Lajmidites.com

Day: September 14, 2025

  • Skandal i ri për Vuçiçin dhe qeverinë/ Provat flasin, policia serbe përdori gazin toksik të ndaluar CN ndaj studentëve protestues

    Skandal i ri për Vuçiçin dhe qeverinë/ Provat flasin, policia serbe përdori gazin toksik të ndaluar CN ndaj studentëve protestues

    Studentët e Fakultetit të Shkencave Natyrore dhe Matematikës (PMF) në Novi Sad kanë bërë publike një zbulim tronditës: analizat kimike të gëzhojave të gjetura në kampus pas protestave të 5 shtatorit tregojnë qartë se policia serbe ka përdorur gaz CN, një substancë e vjetër, toksike dhe jashtë standardeve moderne të kontrollit të turmës.

    Ky fakt ngre pikëpyetje serioze mbi brutalitetin shtetëror dhe sjelljen e forcave të rendit ndaj qytetarëve, ndërkohë që Ministria e Punëve të Brendshme, në stilin tipik të mohimeve të regjimit të Vuçiçit, ka deklaruar se nuk posedon dhe nuk përdor gaz CN. Ky version është kundërshtuar nga vetë rezultatet e analizave, duke lënë hapur dyshimet për mashtrim institucional dhe fshehje të provave.

    Gazi CN (kloroacetofenon) është i njohur për efektet e tij të rënda dhe të rrezikshme: verbëri e përkohshme, dhimbje të forta në sy, kollë, vështirësi në frymëmarrje dhe dëmtime serioze të traktit respirator. Në hapësira të mbyllura, ekspozimi ndaj tij mund të jetë kërcënues për jetën. Pikërisht për këto arsye, shumë shtete e kanë hequr nga përdorimi prej dekadash, duke e zëvendësuar me gazin CS, më pak toksik.

    Fakti që policia e Vuçiçit dyshohet se përdor ende mjete të rrezikshme dhe të dala boje kundër studentëve e qytetarëve është një sinjal alarmi për gjendjen e shtetit të së drejtës dhe respektimin e të drejtave të njeriut në Serbi. Studentët tashmë kërkojnë një hetim të menjëhershëm dhe transparent, ndërsa opinioni publik pret përgjigje se kush dha urdhrin për të përdorur gazin e rrezikshëm kundër protestuesve.

    Ky skandal shton një tjetër njollë të rëndë mbi imazhin e Vuçiçit dhe qeverisë së tij, të cilët gjithnjë e më shumë po akuzohen për shtypje brutale të protestave dhe trajtim të dhunshëm të qytetarëve.

  • Shpenzimet për interesa, cilat janë bankat më “dorështrënguara” dhe “dorëlëshuara”

    Shpenzimet për interesa, cilat janë bankat më “dorështrënguara” dhe “dorëlëshuara”

    Të dhënat e Bankës së Shqipërisë treguan se, për herë të pas pandemisë, të ardhurat neto të sektorit bankar nga interesat pësuan rënie në 6-mujorin e këtij viti. Kjo ndodhi sepse shpenzimet për interesa u rritën më shumë se të ardhurat prej interesave.Duke qenë se struktura e detyrimeve të sektorit bankar dominohet nga depozitat e publikut, në pjesën më të madhe shpenzimet për interesa i takojnë pikërisht depozitave.Raporti mes shpenzimeve për interesa dhe të ardhurave nga interesat për sektorin bankar në 6-mujorin 2025 ishte afërsisht 22%, nga më pak se 20% që kishte qenë për të njëjtën periudhë të një viti më parë. Por, të dhënat e Shoqatës së Bankave tregojnë se raporti mes shpenzimeve për interesa dhe të ardhurave nga interesat ka diferenca të konsiderueshme mes bankave të ndryshme.Banka që kishte raportin më të ulët mes shpenzimeve për interesa dhe të ardhurave nga interesat ishte Raiffeisen Bank Albania, në nivelin 9%. Kjo tregon që për çdo 100 lekë interesa të përfituara nga kreditë apo investimet në letra me vlerë, Raiffeisen shpenzon vetëm 9 lekë për interesa të depozitave apo detyrimeve të tjera.Banka me raportin e dytë më të ulët është Banka OTP Albania, në nivelin 12%.Ndërkohë, për bankat e tjera ky raport rritet ndjeshëm dhe është sipër nivelit të 20%. E treta renditet Intesa Sanpaolo Bank Albania, me 22%, e ndjekur nga BKT, me 23%.Nga ana tjetër, bankat që kanë raportin më të lartë mes shpenzimeve për interesa dhe të ardhurave nga interesat janë Banka e Bashkuar e Shqipërisë (UBA), me 52%, e ndjekur nga ProCredit Bank, me 39% dhe Banka e Parë e Investimeve Shqipëri (Fibank), me 35%.Një raport i ulët mes shpenzimeve për interesa dhe të ardhurave nga interesi ka më shumë gjasa të shpjegohet me norma më të ulëta interesi të paguara për depozitat, duke qenë se të ardhurat nga interesi tentojnë të jenë më të ndjeshme ndaj konkurrencës dhe ecurisë së treguesve benchmark të tregjeve.Shpenzimet për interesa mund të ndikohen edhe nga elementë specifikë, si struktura e depozitave sipas maturitet dhe ato sipas monedhës. Depozitat me afat kanë norma më të larta interesi krahasuar me llogaritë rrjedhëse ose ato pa afat. Gjithashtu, në terma mesatarë depozitat në Lekë kanë norma interesi më të larta krahasuar me depozitat në Euro.Një element tjetër mund të jetë edhe shkalla e përdorimit të instrumenteve të huamarrjes që njihen si pjesë e kapitalit rregullator, kryesisht të obligacioneve. Veçanërisht në rastin kur këto instrumente klasifikohen si borxh i varur, ato kanë norma interesi më të larta krahasuar me depozitat e të njëjtit maturitet.Shpenzimet për interesa janë edhe një lloj barometri i konkurrencës në sektorin bankar. Në përgjithësi, raporti mes shpenzimeve për interesa dhe të ardhurave nga interesat është më i lartë për bankat e mesme dhe të vogla dhe sidomos ato që kanë ambicie për të rritur pjesën e tyre të tregut. Kjo kërkon domosdoshmërisht zgjerim të bazës së depozitave për të siguruara burime për financimin e huadhënies ose të investimeve në aktive të tjera financiare. Elementi kryesor për rritjen e depozitave është ofrimi i normave më të larta të interesit.Një gjë e tillë është shfaqur qartë edhe gjatë sezonit veror, periudhë që historikisht shoqërohet me rritje të prurjeve të depozitave në sektorin bankar. Disa prej bankave kanë dalë me oferta agresive për të tërhequr sa më shumë depozita gjatë kësaj periudhe.Nga ana tjetër, bankat që kanë pjesë më të madhe tregu në depozita kanë më pak stimuj për të ofruar interesa më të larta. Pavarësisht se paguajnë më pak për depozitat, ato mund të shfrytëzojnë avantazhin që u jep madhësia, reputacioni apo edhe status quo-ja, duke qenë se jo të gjithë depozituesit udhëhiqen nga niveli i normave të interesit në zgjedhjen e bankës ku mbajnë paratë.Megjithatë, ndoshta në një masë më të vogël, raporti mes shpenzimeve për interesa dhe të ardhurave nga interesat mund të ndikohet edhe nga struktura e aktiveve. Një oreks më i madh për rrezik, nëpërmjet investimit në hua apo instrumente me rrezik më të lartë, mund të sigurojë kthime më të larta dhe të ardhura më të mëdha nga interesat.Marzhi neto nga interesat (si burimi kryesor i të ardhurave për bankat) është parakusht i rëndësishëm për ecurinë e fitimeve të një banke. Në fakt, Raiffeisen dhe OTP Albania janë ndër bankat me fitimet dhe kthimet më të larta për gjysmën e parë të këtij viti.Nga ana tjetër, një marzh i ulët neto nga interesat e bën të vështirë sigurimin e fitimeve të kënaqshme për aksionerët dhe për të mbështetur me kapital rritjen e bankës.  / E.ShehuBurimi: Shoqata Shqiptare e BankaveKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Më mirë në shtet, apo në privat, si po ndryshon hendeku i pagave

    Më mirë në shtet, apo në privat, si po ndryshon hendeku i pagave

    Në vitin 2024 paga mesatare në sektorin privat ishte 22.7% më e ulët në se në sektorin shtetëror, duke thelluar me tej diferencën në krahasim me vitin 2023 prej 19.9% dhe në 2022 me 16.3%.Në 2024 punonjësit në sektorin publik morën mesatarisht 20.8 mijë lekë në muaj më shumë se të punësuarit në privat, në vitin 2022 kjo diferencë ishte 16.3 mijë lek.Të dhënat zyrtare të INSTAT, tregojnë se paga mesatare mujore bruto në sektorin shtetëror arriti 92,069 lekë më 2024 ose rreth 12.4 për qind më shumë se në vitin 2023. Në sektorin privat paga bruto mujore shënoi 71,179 lekë me rritje vjetore 8.5 për qind më shumë se në vitin 2023.Hendeku i pagave mes sektorit shtetëror dhe atij privat në vitin 2024 u thellua kryesisht për shkak të rritjes së fortë të pagave në administratën publike, ndërkohë që sektori privat nuk mundi të ndjekë të njëjtin ritëm për shkak të kostove të larta.Të dhënat më të fundit mbi pagat mesatare mujore në Shqipëri për periudhën 2014–2024 tregojnë një rritje të ndjeshme të pagave si në sektorin shtetëror, ashtu edhe në atë privat, megjithatë diferenca mes tyre vijon të mbetet e dukshme. Në vitin 2014, paga mesatare mujore në sektorin shtetëror ishte 53,025 lekë, ndërsa në sektorin privat 41,970 lekë, duke krijuar një hendek prej 11,055 lekësh ose rreth 20.8% në favor të administratës publike.Gjatë viteve në vijim, të dy sektorët kanë shënuar rritje të konsiderueshme të pagave, por dinamika ka qenë e ndryshme. Në vitin 2018, paga mesatare mujore në shtet arriti 61,023 lekë, ndërsa në privat 45,759 lekë, duke e thelluar hendekun në 15,264 lekë ose 25%. Kjo tendencë vazhdoi deri në vitin 2021, kur diferenca në përqindje arriti mbi 24%.Të dhënat tregojnë se pas vitit 2022, sektori privat ka shënuar një ritëm më të shpejtë rritjeje të pagave, duke ngushtuar përkohësisht diferencën me sektorin publik. Në vitin 2022, hendeku ra në vetëm 16.8%, duke shënuar nivelin më të ulët në dekadën e fundit. Kjo lidhet kryesisht me rritjen më agresive të pagave në sektorin privat, e nxitur nga konkurrenca më e fortë për fuqinë punëtore, rritja e kërkesës dhe emigrimi i lartë.Situata ndryshon sërish në vitet 2023 dhe 2024. Në 2023, paga mesatare në sektorin shtetëror arriti 81,887 lekë, ndërsa në privat 65,566 lekë, duke rritur sërish hendekun në mbi 16,300 lekë ose rreth 19.9%. Tendenca është edhe më e fortë në vitin 2024, ku paga mesatare në administratë ngjitet në 92,069 lekë, ndërsa në sektorin privat 71,179 lekë, duke krijuar një diferencë prej 20,890 lekësh, që përfaqëson rreth 22.7%.Në vitin 2024, qeveria ndërmori një nga rritjet më të mëdha të pagave në sektorin shtetëror gjatë dekadës së fundit. Kjo lidhet me reformën e pagave, e cila synon të tërheqë dhe mbajë profesionistët në administratë, sidomos në sektorë strategjikë si arsimi, shëndetësia, drejtësia dhe siguria kombëtare.Ndërkohë që administrata publike përfitoi rritje të ndjeshme, sektori privat nuk arriti të mbajë të njëjtin ritëm. Shumë biznese, sidomos të vogla dhe të mesme, janë përballur me kosto të larta operacionale për shkak të inflacionit dhe shtrenjtimit të burimeve dhe rënies së kërkesës nga jashtë./ B.HoxhaBurimi: INSTATKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Shqiptarët zgjedhin blerjet, jo dijen; Aplikacioni më i shkarkuar gjatë vitit 2024

    Shqiptarët zgjedhin blerjet, jo dijen; Aplikacioni më i shkarkuar gjatë vitit 2024

    Shqipëria ka ndjekur të njëjtën tendencë me pjesën më të madhe të vendeve europiane gjatë vitit 2024, duke e renditur “Temu” si aplikacionin më të shkarkuar.Të dhënat e publikuara nga Maps Interlude tregojnë se platforma kineze e tregtisë online ka dominuar tregun europian, përfshirë edhe vendin tonë, falë ofertave të shpeshta dhe çmimeve të ulëta, që kanë tërhequr një numër të madh përdoruesish.Në rajon, situata paraqitet e larmishme; në Serbi ka kryesuar aplikacioni financiar “AllRecovery”, në ndërsa në Mali të Zi, “Tiktok”.Në Europë, “Temu” ka qenë aplikacioni kryesor pothuajse në të gjitha vendet e mëdha si Franca, Gjermania, Italia dhe Spanja. Përjashtime të dukshme janë Italia, ku më i shkarkuari ka qenë “TikTok”, Belgjika me “Klarna” dhe Zvicra, Austria ku ka kryesuar “ChatGPT”.Fakti që “Temu” është aplikacioni më i shkarkuar edhe në Shqipëri tregon se tregu vendas po ndjek trendin e konsumatorëve europianë, duke u orientuar gjithnjë e më shumë drejt blerjeve online dhe platformave që ofrojnë zbritje masive. Sipas të dhënave të marra nga drejtuesi i Shoqatës Shqiptare të Tregtisë Elektronike në Shqipëri, dërgesat e TEMU në vendin tonë kanë arritur në 15 mijë pako në ditë, për periudhën e pyetur qershor 2025. Aktualisht përbën 1/3 e tregut të dërgesave online.  Sipas të dhënave nga Banka e Shqipërisë, transaksionet në e-commerce janë rritur me 30% çdo vit.Temu është një platformë shitjesh online në pronësi kineze, i lançuar në vitin 2022 nga PDD Holdings, që ofron një gamë të gjerë produktesh, nga moda dhe elektronika deri te artikujt për shtëpinë, me çmime dukshëm të ulëta.17 vende të Europës kanë pasur “Temu” si aplikacionin kryesor të shkarkuar. 11 të tjera kanë shkarkuar “Chat GPT”, ndonëse ky i fundit u prezantua vetëm në fund të vitit 2024. “ChatGPT” është një model i zhvilluar nga OpenAI, i prezantuar për publikun në nëntor 2022.Ai përfaqëson një sistem inteligjence artificiale të bazuar në gjuhë natyrore, i trajnuar për të kuptuar dhe gjeneruar tekste të ngjashme me ato njerëzore. “ChatGPT” përdoret gjerësisht për komunikim, kërkime, përkthime, shkrim kreativ dhe asistencë në punë apo studime, duke u bërë një nga aplikimet më të njohura dhe më të përdorura të inteligjencës artificiale në botë./ D.HykaKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Myftiu i Shkodrës: Të futet edukata fetare si lëndë në shkolla, të mësojmë për Zotin

    Myftiu i Shkodrës: Të futet edukata fetare si lëndë në shkolla, të mësojmë për Zotin

    Në një intervistë, Myftiu i Shkodrës, Muhamed Sytari, foli në lidhje me ngjarjet kriminale që kanë tronditur qytetin në ditët e fundit.
    Në këtë kontekst, Myftiu hodhi një propozim të rëndësishëm për të reflektuar mbi rolin e fesë dhe edukimit shpirtëror në shoqëri duke shprehur idenë për futjen e një lënde të edukatës fetare në shkolla, e cila do t’u mësojë fëmijëve për ekzistencën e Zotit.
    Myftiu Sytari theksoi se kthimi drejt Zotit dhe edukimi mbi besimin janë thelbësorë për të ndalur degradimin moral që, sipas tij, sjell pasoja të drejtpërdrejta në shoqëri.
    Ai theksoi se bashkë me përfaqësues të besimeve të tjera fetare, kanë ngritur zërin prej vitesh për përfshirjen e një lënde mbi edukatën fetare në shkolla, me qëllim që fëmijët të mësohen me koncepte themelore si ekzistenca e Zotit dhe përgjegjësia shpirtërore.
    “Prej vitesh kemi ngritur zërin, bashkë me fetë e tjera, pranë autoriteteve të vendit, që lënda e edukatës fetare, e mësimit të besimit, të jetë pjesë e kurrikulave të arsimit. T’u mësohet fëmijëve që ka Zot. Thirrja ime dhe mesazhi im është që njerëzit të kthehen nga Zoti” – u shpreh ai.
    Duke respektuar karakterin laik të sistemit arsimor, Myftiu theksoi se fetë nuk janë në kundërshtim me dijen dhe shkencën, përkundrazi – ato e nderojnë dijen si një dhuratë hyjnore.
    “Ne e respektojmë shkollën si laike, të gjithë e kemi bërë atë. Por dijen e kemi të shenjtë. Këtë dije na e ka shenjtaruar Ai Zot që ne nuk kemi kurajon ta lejojmë të hyjë në shkollat tona. Ai Zot na e ka dhënë jetën, Ai Zot e ka shenjtëruar dijen.”
    Në fund të intervistës, mesazhi i Myftiut ishte i qartë: “Kthimi tek Zoti dhe edukimi shpirtëror janë rrugë të domosdoshme për një shoqëri të shëndetshme dhe të sigurt.”

  • “Rruga e pulës”, skema e re e mashtrimit online që po zhvat shqiptarët

    “Rruga e pulës”, skema e re e mashtrimit online që po zhvat shqiptarët

    Teksa Policia zbuloi autorët pas skemave piramidale që mashtronin shqiptarët duke i joshur të investonin në kriptomonedha, një tjetër formë mashtrimi po përhapet online. Bëhet fjalë për një lojë që quhet “Rruga e pulës”. Qytetarët ftohen ta luajnë lojën duke fituar para e më pas iu kërkohen të dhënat bankare me argumentin se aty do iu jepen fitimet.
    “Është skema e radhës për të cilën unë parashikoj se do të flasim si forma e re e mashtrimit online”, thotë Nadia Elbasani, pedagoge e sigurisë kibernetike.
    E përkthyer në shqip do të ishte “Rruga e pulës”. Ndryshe nga skemat e fundit piramidale që mashtruan shqiptarët duke i joshur të investonin në kriptomonedha, “Rruga e pulës” është një lojë.
    “Deri më tani ne kemi parë mashtrime ne kemi parë mashtrime që ndodhin në emër të kriptovalutave. Një sektor që ende mbart një mister dhe jo secili nga ne e kupton. Por industrinë “gaming” e kemi shumë të thjesht për ta përqafuar të gjithë . Ndaj probabiliteti që të biem pre e kësaj skeme është edhe më i lartë”, u shpreh Nadia Elbasani.
    Ajo po përhapet veçanërisht në rrjetet sociale “TikTok” dhe “Telegram”. Shqiptarët ftohen ta luajnë lojën duke fituar para e më pas ju kërkohen të dhënat bankare me argumentin se aty do ju jepen fitimet.
    “Luajtja e një loje “online” dhe dhënia e të dhënave personale dhe bankare me pretendimin se duke luajtur këtë lojë kaq të thjesht do të fitosh para dhe duke e domostruar edhe personazhe të caktuara që janë personazhe shqiptare në fakt, e shton rrezikun për të rënë pre e mashtrimit të ardhës që është në industrinë “gaming”, theksoi ajo.
    “Mashtrimi”, me gjithë format apo mënyrat i ka rrënjët aq të thella aq sa vetë njerëzimi. Ndër vite, duke iu përshtatur ndryshimeve sociale, ekonomike e politike, ai ka pësuar “mutacione”, por efekti për të infektuar individë në veçanti e shoqëri në përgjithësi ka mbetur i njëjtë.
    “I bëj thirrje kujtdo që e dëgjon këtë intervistë sot si dhe autoriteteve përgjegjëse të marrin masa sot para se të jetë vonë”, apelon pedagogia.
    Joshja për të fituar sa më shumë e më shpejt është “mikrob” që me sa duket, gjendet në mendjen e çdo njeriu dhe mekanizmave të funksionimit të çdo shoqërie. /A2 CNN

  • “Ku dreqin do t’i gjeni shoferët e taksive?!”, Rama vijon debatin për emigrantët shqiptarë me politikanin britanik (VIDEO)

    “Ku dreqin do t’i gjeni shoferët e taksive?!”, Rama vijon debatin për emigrantët shqiptarë me politikanin britanik (VIDEO)

    Kryeministri Edi Rama ka dhënë një intervistë për radion britanike “Times Radio”, ku ka folur lidhur me çështjen e emigrantëve shqiptarë në Mbretërinë e Bashkuar dhe debatin e tij publik për këtë çështje me liderin e partisë Reform UK, Nigel Farage.
    Lidhur me këtë çështje Rama tha se deklaratat e politikanit britanik ishin absurde:
    “Ka shumë absurditet në të gjithë këtë, sepse nuk ka një numër të madh të burgosurish shqiptarë në Mbretërinë e Bashkuar që dallohen disi nga numri i përgjithshëm i të burgosurve në Britani dhe nga kombësitë e tjera të tyre. Pra, është një pjesë e vogël e mozaikut më të madh të gënjeshtrave dhe argumenteve vetëmashtruese që u përdorën për të bindur popullin britanik të largohej nga Bashkimi Evropian”.
    Më pas ai shton:
    “Të shkojmë faktet reale. Kemi bërë shumë punë me disa qeveri britanike dhe numri i shqiptarëve është ulur në një total jo relevant për një diskutim të tillë. Në anën tjetër vras mendjen, ku dreqin do t’i gjeni njerëzit për t’ju ndërtuar shtëpitë, për t’ju shërbyer kafen, për të qenë shoferët tuaj të taksive, shoferët tuaj të kamionëve? Kjo nuk është një pyetje që duhet t’i përgjigjem unë, por është për politikanët tuaj.“
    Kjo intervistë vjen vetëm një javë, pasi politikani britanik Nigel Farage deklaroi se do takohet për drekë me kryeministrin Edi Rama. Takim që sipas tij do zhvillohet javët e ardhshme me shpresë për të arritur një marrëveshje për dëbimin e të dënuarve shqiptarë. Farage provokoi duke thënë se ndoshta kur të vijë në Shqipëri do të marrë dhe disa të burgosur shqiptarë me vete dhe do të rezervonte një avion të madh që të nxërë sa më shumë prej tyre.
    Në intervistën e sotme, kryeministri shqiptar përsëriti gjithashtu ftesën e tij për Farage që ta vizitojë vetë Shqipërinë: “Ai ka thënë se do të vijë për vizitë dhe do të jem shumë i lumtur ta shoh. Plani i tij është të vijë dhe të bëjë gjestin e tij të pabesueshëm dhe plot talent teatral të politikës.”
    Rama shton: “Do të jetë vërtet një mundësi e shkëlqyer për të takuar një njeri që ka shumë talent, është shumë inteligjent, për të lënë mënjanë teatrin e tij dhe gjithashtu për t’i treguar sa e bukur është Shqipëria dhe për ta bindur atë ta bëjë Shqipërinë një vend për pushimet e tij.”

  • Digjet një makinë në Ksamil

    Digjet një makinë në Ksamil

    Një incident ka ndodhur mbrëmjen e sotme në Ksamil, teksa një makinë me targa të huaja është djegur në mes të qytetit.
    Mjeti ishte i parkuar në një lagje të Ksamilit. Sipas burimeve paraprake, mjeti ishte me targa rumune. Zjarrfikësja erdhi për shuarjen e mjetit, duke qetësuar banorët që lajmëruan. Ende nuk dihet shkaku dhe pronari i mjetit.
    Po verifikohet arsyeja pse mjeti mori flakë dhe një grup pune po punon për këtë qëllim. Duke qenë se ishte me targa rumune, dyshimet e para janë që mjeti është i turistëve.

  • Duke nisur nga 12 tetori, 29 vende europiane heqin vulat në pasaporta. Ja çfarë duhet të dini në kufi

    Duke nisur nga 12 tetori, 29 vende europiane heqin vulat në pasaporta. Ja çfarë duhet të dini në kufi

    Nga 12 tetori 2025, 29 vende europiane do të prezantojnë një sistem të ri kontrolli të vizave që do t’i bëjë vulat e pasaportave një gjë të së kaluarës. Teknologjia moderne do të zëvendësojë kioskat manuale, duke ofruar procese më të shpejta, më të sigurta dhe më dixhitale për të gjithë udhëtarët.
    Ndryshimi është pjesë e futjes në përdorim të sistemeve EES (Sistemi i Hyrjes/Daljes) dhe ETIAS (Sistemi Evropian i Informacionit dhe Autorizimit të Udhëtimit). Pas regjistrimit online para udhëtimit – një kërkesë që do të kërkohet nga të gjithë udhëtarët nga vendet e treta – të dhënat biometrike të turistëve, pasi të miratohen, do të ruhen në mënyrë të sigurt, duke eliminuar nevojën për të vulosur fizikisht çdo pasaportë.
    Kjo do të thotë që pikat manuale të kontrollit për dokumentet dhe rrjedhimisht edhe vulat, të cilat ishin shumë të dashura dhe të çmuara për udhëtarët që donin të kishin në duar prova fizike të vendeve që vizitonin, do të bëhen të papërdorshme, të zëvendësuara nga pikat elektronike të kontrollit që do të përshpejtojnë kohën e pritjes në kufij.
    Qëllimi kryesor i kësaj inovacioni është i dyfishtë: së pari, të thjeshtojë dhe përshpejtojë kontrollet e pasaportave; së dyti, të rrisë sigurinë kufitare. Pavarësisht nostalgjisë për vulat, ky ndryshim shënon një hap të rëndësishëm drejt një përvoje udhëtimi më të qetë dhe moderne.
    Sistemi EES do të regjistrojë automatikisht hyrjet, daljet dhe qëndrimet e udhëtarëve, ndërsa ETIAS do t’u lejojë udhëtarëve të marrin autorizim udhëtimi në internet para nisjes, duke shmangur radhët e gjata pas mbërritjes. Kjo do të thotë që udhëtarët do të kenë më shumë kohë për të shijuar pushimet e tyre dhe më pak stres në kufi.
    Sipas ekspertëve, pullat e letrës do të bëhen një gjë e rrallë. Kushdo që dëshiron ta mbajë këtë “suvenir” tradicional ka kohë deri në tetor për të bërë një udhëtim të fundit dhe për të marrë edhe një tjetër – të paktën për udhëtarët që kalojnë nëpër BE.
    Pas asaj date, kujtimet në letër do t’ia lënë vendin teknologjisë dixhitale, e cila ofron avantazhe konkrete, por zvogëlon disi sharmin e vjetër që lidhet me udhëtimet dhe aventurat nëpër botë.
    Ndryshimi do të prekë 29 vende në zonën Schengen, duke përfshirë 25 vende anëtare të BE-së dhe katër vende jo-anëtare të BE-së. Ja lista e plotë: Austri, Belgjikë, Bullgaria, Kroacia, Republika Çeke, Danimarka, Estonia, Finlanda, Franca, Gjermania, Greqia, Hungaria, Islanda, Italia, Letonia, Lihtenshtejni, Lituania, Luksemburgu, Malta, Holanda, Norvegjia, Polonia, Portugalia, Rumania, Sllovakia, Sllovenia, Spanja, Suedia dhe Zvicra.
    Këto vende do të miratojnë sistemet e reja dixhitale duke filluar nga 12 tetori 2025, data që do të shënojë zyrtarisht fundin e pullave fizike. Udhëtimi do të jetë më i lehtë dhe më i shpejtë, falë kontrolleve të automatizuara që do të zvogëlojnë radhët dhe do të sigurojnë siguri më të madhe.
    Për udhëtarët e përkushtuar ndaj traditës së pullave postare, rekomandohet të shfrytëzojnë këtë muaj të fundit për të mbledhur sa më shumë të jetë e mundur. Për ata që e shohin të ardhmen me entuziazëm, kjo risi premton ta bëjë udhëtimin më modern dhe më të përparuar teknologjikisht, duke konfirmuar se udhëtimi po hyn vërtet në epokën dixhitale.

  • “Skuqet” Allegri. Milan i falet Luka Modric dhe fiton ngushtë ndaj Bologna (video)

    “Skuqet” Allegri. Milan i falet Luka Modric dhe fiton ngushtë ndaj Bologna (video)

    14 Shtator 2025

    22:47

    Telesport

    Milan ka fituar 1-0 në “San Siro” ndaj Bologna, sfidë e vlefshme për javën e tretë në Serie A. Një pjesë e parë e jo e mirë për kuqezinjtë, pa shumë raste, e cila mbyllet në barazim pa gola.
    Në minutën e 55-të, Mike Maignan lë fushën e lojës i dëmtuar në pulpë dhe në vend të tij futet Pietro Terracciano, ndeshja e parë me kuqezinjtë. Në vijim do mësohet edhe shkalla e dëmtimit të portierit francez dhe sa kohë do mungojë.
    Në minutën e 60-të, Luka Modric e bën “sefte” dhe shënon golin e parë me fanellën e Milanit. Kroati shënoi me një goditje të bukur pranë zonës së penalltisë, pas asistit të marrë nga Saelemaekers.
    Në fund të kohës së rregullt, Max Allegri ndëshkohet me karton të kuq për shkak proteste. Kuqeznjtë pretenduan për një penallti të padhënë, por VAR dhe arbitri kryesor i takimit menduan ndryshe.  Milan fiton 1-0 dhe ngjitet në vendin e 5-të me 6 pikë, Bologna renditet në vendin e 13-të me 3 pikë.
    SHIKOGOLINEMODRIC