Lajmidites.com

Day: September 13, 2025

  • Në “arrest me burg” për masakrën e Shkodrës, autori Ragip Gila në masa të rrepta sigurie…

    Në “arrest me burg” për masakrën e Shkodrës, autori Ragip Gila në masa të rrepta sigurie…

    Ragip Gila, autori i vrasjes së 2 personave dhe plagosjes së 2 të tjerëve në ambientet e jashtmë të një lokali në qendër të Shkodrës, mëngjesin e 8 shtatorit, është transferuar në paraburgimin 302 në Tiranë, ku po mbahet në kushte të posaçme sigurie.
    Gila është vendosur në një qeli të veçuar prej 2 ditësh, pas masës së sigurisë “arrest në burg” të dhënë nga Gjykata e Shkodrës, për të shmangur çdo incident të mundshëm, duke pasur parasysh rrezikshmërinë e tij dhe krimin e rëndë që ka kryer.
    Nga breshëria e plumbave, Erogen Brajoviç, i cili ishte shënjestër e atentatit, mbeti i plagosur rëndë, ndërsa truproja i tij, Liridon Kraja, me mbiemër më herët Lushi, si dhe një tjetër i pranishëm në tavolinë, Armando Pali, humbën jetën. Në këtë përplasje u prek nga plumbat edhe kamerierja 25-vjeçare, Meri Kacerri, e cila mbeti e plagosur aksidentalisht gjatë sulmit. Familja e së resë ka kërkuar ndihmën e shqiptarëve për shërimin e saj, për shkak të pasojave që plumbat i kanë shkaktuar në gjymtyrë.

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

  • Mogherini takim kyç me Rezidencën Studentore Nr.1 për partneritete akademike

    Mogherini takim kyç me Rezidencën Studentore Nr.1 për partneritete akademike

    Në ambientet e e Rezidencës Studentore Universitare Nr.1. është zhvilluar takimi i Rektores së Kolegjit të Europës, Federica Mogherini, ish-Përfaqësuese e Lartë e BE-së për Politikën e Jashtme dhe Sigurinë me Drejtorin e Përgjithshëm, Olsi Shahini.
    Ky takim u vlerësua si një hap i rëndësishëm në zgjerimin e bashkëpunimit akademik dhe në përmirësimin e standardeve të akomodimit për studentët ndërkombëtarë.
    Në kuadër të këtij bashkëpunimi, vetëm gjatë këtij viti në Shqipëri kanë mbërritur mbi 200 studentë të huaj nga vende të ndryshme të Europës dhe më gjerë, të cilët po akomodohen në RSU Nr.1. Kjo rritje e ndjeshme e numrit të studentëve ndërkombëtarë vjen si rezultat i një strategjie të qëndrueshme dhe të koordinuar mes institucioneve shqiptare dhe atyre europiane.
    Shahini bëri të ditur se deri më tani janë nënshkruar tre marrëveshje bashkëpunimi me universitete dhe kolegje prestigjioze, duke përfshirë dhe Kolegjin e Europës, për të mundësuar shkëmbime akademike dhe për të garantuar kushte cilësore jetese për studentët e huaj. Këto marrëveshje jo vetëm lehtësojnë procesin e akomodimit, por edhe nxisin programe të përbashkëta studimore, praktika profesionale dhe projekte kulturore.
    Gjatë diskutimeve, palët ndanë ide për zgjerimin e mëtejshëm të bashkëpunimit, duke vlerësuar Tiranën si një destinacion gjithnjë e më tërheqës për studentët ndërkombëtarë. Mogherini u shpreh e impresionuar nga përkushtimi i autoriteteve shqiptare për të krijuar kushte moderne dhe një mjedis të favorshëm për jetën studentore, duke e cilësuar këtë eksperiencë si një model të shkëlqyer për rajonin.
    Ky takim shënon një moment domethënës në marrëdhëniet mes Kolegjit të Europës dhe institucioneve shqiptare, duke hapur perspektiva të reja për projekte të përbashkëta në fushën e arsimit, kulturës dhe diplomacisë rinore, si dhe duke forcuar rolin e Shqipërisë si një qendër në rritje për shkëmbimin akademik dhe kulturor në Ballkan.

  • Gjiko rrëfen historinë e dashurisë me Elitën: Ishte dashuri me shikim të parë

    Gjiko rrëfen historinë e dashurisë me Elitën: Ishte dashuri me shikim të parë

    I ftuar ne ‘S’e luan topi’ ka qenë artisti i njohur Gjiko. Këngëtari ka ndarë me publikun histori të veçanta nga jeta e tij, duke filluar nga fëmijëria, pasioni për muzikën, deri tek krijimi i familjes. Gjiko tregoi se takimi i tij me moderatoren Elita Rudi ishte një moment vendimtar. Ai pranoi se që në intervistën e parë i kishte thënë se ajo do të bëhej gruaja e tij. “Ka qenë dashuri me shikim të parë,” – tha ai, duke shtuar se energjia, humori dhe traditat familjare ishin ato që i bashkuan.
    Për këngëtarin, cilësia më e veçantë e bashkëshortes së tij është fakti që nuk lëkund bindjet e saj për askënd. “Kjo e bën një nënë të vendosur dhe një grua me karakter të fortë, gjë që unë e admiroj jashtë mase,” – u shpreh ai.
    Në fund të intervistës, Gjiko dha edhe një premtim publik: së shpejti do t’i dedikojë një këngë Elitës. “Ajo e meriton, e meriton gjithë botën,” – tha artisti, duke e përmbyllur bisedën me një deklaratë dashurie.
    ‘Ishte me të gjitha. Unë si njeri gjithmonë e kam ditur se çfarë dua në jetën time dhe nuk është se kam gabuar ndonjëherë me ndonjë gjë. Me Elitën ka qenë edhe energjia, gjeneza. Në kuptimin që si familje ata janë shumë të mirë, kur përputhet sensi i humorit, aspiratat për jetën dhe tradita familjare atëherë nuk besoj se mund të ketë diçka që të mund të shkojë keq.

  • VIDEO/ Shtatë gola në Torino, fitore spektakolare e Juventusit ndaj Interit

    VIDEO/ Shtatë gola në Torino, fitore spektakolare e Juventusit ndaj Interit

    Gola, spektakël dhe emocione. Juventus fiton 4-3 ndaj Interit, në Torino, në supersfidën e Serie A. Të parët realizuan bardhezinjtë me Kelly, ndërsa Calhanoglu vendosi ekuilibrat. Pjesa e parë u mbyll në favor të Juves, pas golit të Yildiz.
    Në pjesën e dytë, golat e Calhanoglu dhe Markus Thuram ndezën festën zikaltër. Ndërkaq, Khephren Thuram i riktheu buzëqeshjen Juventusit. Goli i fitores për ekipin e Tudor u realizua nga Adzic në fund.

     

    © BalkanWeb

  • Merr fund martesa e Getoar Selimit dhe Marina Vjollcës?

    Merr fund martesa e Getoar Selimit dhe Marina Vjollcës?

    Prej disa ditësh ka qarkulluar lajmi në media dhe në rrjetet social se martesa mes Getoar Selimit dhe Marina Vjollces ka marrë fund, duke ngjallur kureshtje të madhe tek publiku. Arsyeja kryesore që ndezi dyshimet ishin mungesa e postimeve të përbashkëta në rrjete sociale dhe fakti që çifti nuk është parë shpesh në publik kohët e fundit.
    Megjithatë, fotot e fundit tregojnë krejt të kundërtën. Çifti është parë krah njëri-tjetrit në kryeqytet, të buzëqeshur e të qetë, duke ecur dorë për dore si gjithmonë. Pamjet e tyre flasin vetë: mes tyre nuk ka asnjë krizë dhe lidhja e tyre vazhdon më e fortë se kurrë.

    Geti dhe Marina shfaqen të natyrshëm, duke treguar se dashuria nuk ka nevojë gjithmonë të ekspozohet në rrjete sociale për të qenë e vërtetë. Përkundrazi, ata e ruajnë privatësinë dhe e jetojnë marrëdhënien aty ku ka më shumë rëndësi, në jetën e përditshme, në Tiranë, por edhe në Prishtinë, aty ku dhe u fotografuan.
    Ky nuk është hera e parë që përflitet për një ndarje mes tyre, por duket se të gjitha zërat mbeten thjesht spekulime të kota. Realiteti është se Geti dhe Marina vazhdojnë bashkë, duke ecur përpara si çift i konsoliduar dhe i dashuruar.

  • Përmbysje e madhe në Shkodër, Vllaznia përmbys Partizanin

    Përmbysje e madhe në Shkodër, Vllaznia përmbys Partizanin

    Vllaznia thyen 4-1 Partizanin në Shkodër, në ndeshjen e kampionatit. Isgandarli i dhuroi epërsinë të kuqve, pas 26 minutash lojë.
    Të besuarit e Edi Martinit barazuan shifrat me të zakonshmin Balaj, në fund të pjesës së parë.

    Për përmbysjen e madhe duhet të vinte fundi i ndeshjes. Golat e Balaj, Hakaj e Bismark nderuan Vllazninë, me këta të fundit që koleksionojnë 3 pikët.
    © BalkanWeb

  • Asist dhe gol, sulmuesi i harruar nga Sylvinho shkëlqen në Angli (Video)

    Asist dhe gol, sulmuesi i harruar nga Sylvinho shkëlqen në Angli (Video)

    Anis Mehmeti nuk është preferuar nga trajneri Silvinjo në grumbullimet e fundit, edhe pse futbollisti shqiptar po kalon një formë të jashtëzakonshme në Championshipin anglez me fanellën e Bristol Sitit. 

    Shqiptari nuk u mjaftua me kaq, teksa në minutën  e 32-të, shënoi një gol me shumë klas duke vulosur rezulatin në 0-3.
     
    Në këtë edicion Mehmeti ka realizuar 3 gola dhe 2 asist në vetëm 5 ndeshje.  
    © BalkanWeb

  • Napoli feston në Firenze, kampionët e Italisë tregojnë forcën

    Napoli feston në Firenze, kampionët e Italisë tregojnë forcën

    Napoli ka mundur 1-3 Fiorentinën në Firenze. Për kampionët e Italisë, belgu De Bruyne dhe Hojlund vendosën ndeshjen në shinat e duhura që në pjesën e parë. Beukema thelloi shifrar në fillimin e pjesës së dytë.
    Goli i Ranierit futi në lojë violët por vetëm kaq, pasi nuk bënë diçka më shumë. Napoli renditet në vendin e dytë me 6 pikë, ndërsa Fiore në vendin e 13-të me 2 pikë. Nesër Serie A ka në program ndeshje mjaft interesante.

    © BalkanWeb

  • FIFA njofton ndryshime në kalendarin e sezonit të ardhshëm

  • Çfarë efekti ka në shëndet nëse i zhyt arrat në ujë para se t’i konsumosh

    Çfarë efekti ka në shëndet nëse i zhyt arrat në ujë para se t’i konsumosh

    A e dinit se një ritual i thjeshtë i zhytjes së arrave në ujë mund ta përmirësojë shumëfish shëndetin tuaj?
    Nutricionistët po rekomandojnë gjithnjë e më shumë arrat e zhytura në ujë sepse ato zbërthejnë frenuesit e enzimave dhe acidin fitik, i cili lehtëson tretjen dhe rrit shfrytëzimin e lëndëve ushqyese.
    Tretje më e lehtë dhe thithje më e mirë e lëndëve ushqyese

    Arrat e zhytura në ujë përmbajnë më pak acid fitik, kështu që trupi thith mineralet si magnezi, zinku dhe hekuri në mënyrë më efikase. Kjo do të thotë që do të merrni sasinë maksimale të lëndëve ushqyese nga çdo grusht arrash.
    Ndihmë me kontrollin e peshës
    Falë tretshmërisë më të lartë dhe çlirimit të ngadaltë të energjisë, arrat e zhytura në ujë ju mbajnë të ndiheni të ngopur për më gjatë. Më pak dëshirë për ushqime të lehta midis vakteve mund të kontribuojë në menaxhimin më të lehtë të peshës.
    Rregullimi i niveleve të sheqerit në gjak
    Yndyrnat e shëndetshme dhe fibrat tek arrat ngadalësojnë tretjen e karbohidrateve, duke parandaluar rritjen e shpejtë të sheqerit në gjak. Kjo i bën ato një zgjedhje të përshtatshme për njerëzit që monitorojnë indeksin glicemik të vakteve të tyre.
    Mbështetja e shëndetit të zemrës
    Acidet yndyrore Omega-3 në arra ndikojnë në uljen e kolesterolit të keq dhe në krijimin e një raporti optimal të fraksioneve LDL dhe HDL. Konsumi i rregullt i arrave të zhytura në ujë mund të kontribuojë në një sistem kardiovaskular më të shëndetshëm.
    Forcimi i funksioneve njohëse
    Arrat e zhytura në ujë janë të pasura me antioksidantë dhe vitamina B, të cilat mbrojnë qelizat nervore dhe përmirësojnë kujtesën dhe përqendrimin. Përfshijini ato në mëngjesin ose ushqimin tuaj të lehtë për një qartësi më të mirë mendore gjatë gjithë ditës.
    Mbrojtje antioksiduese
    Vitamina E dhe polifenolet nga arrat neutralizojnë radikalet e lira dhe zvogëlojnë stresin oksidativ në qeliza. Ngadalëson procesin e plakjes dhe ndihmon në parandalimin e sëmundjeve kronike.
    Mbështetje e kockave dhe nyjeve
    Magnezi, fosfori dhe kalciumi që gjenden në arrat e zhytura në ujë kontribuojnë në ruajtjen e një strukture të fortë kockore, ndërsa efektet anti-inflamatore lehtësojnë artritin dhe dhimbjet e kyçeve.