Day: July 21, 2025

Nga Ilir Dako
Udhëheqësi Ram më në fund do dalë mëngjesin e të hënës “Sy m’sy”. Aty ka vendosur të përballet drejtpërdrejtë me publikun e zgjedhur me kujdes ku do sqarojë gjithçka, nëpërmjet përgjigjeve shteruese, për këdo që ka pyetje, që nga zgjedhjet deri te prishjet e Thethit, Tiranës, Vlorës dhe gjithë Shqipërisë. Udhëheqësi Ram pasi sabotoi turizmin në gjithë Shqipërinë dhe ka rrënuar imazhin e Shqipërisë me prishjet e tij skandaloze të plazheve dhe hoteleve, kërkon të justifikojë nën ombrelën e vënies së ligjit shkakun real që fshihet pas kësaj “mirësie”. Strategjia e Udhëheqësit Ram me prishjen e plazheve dhe siteve turistike në prag të sezonit, mesa duket fshihet në pazaret e tij të fshehta, për të mbytur turizmin shqiptar në interes të palëve fqinje që u vendosën në vështirësi nga dyndja e qytetarëve të tyre në plazhet shqiptare. Djalli fshihet në detaje, por Udhëheqësi Ram ka futur kokën në rërë si një struc dymetrosh dhe i ka mbetur prapanica zbuluar dhe pa brekë. Pyetja retorike është shumë e qartë, pse çdo fillim sezoni nis prishjet  ky gjeni, ndërkohë që mund ti identifikojë të gjitha objektet dhe bizneset abuzive dhe ti prishë kur turistët të jenë larguar në mbyllje të sezonit?  Në fakt Udhëheqësi nuk mund të durojë paligjshmërinë. Ai në modelin e tij të qeverisjes autokratike ka treguar se nuk e njeh ligjin. Ligji për të është një leckë që duhet fshirë prapanica kur nuk i duhet dhe kur do  të degjenerojë turizmin shqiptar, ta përdorë si kartabiankë për të shkatërruar gjithçka duke kthyer vendin në një Gazë pas bombardimeve.
Së dyti ka disa ditë që qarkullon një vendim i Bashkisë Vlorë, ku do të jepët me qera 830 hektarë kullotë në Kaninë të Vlorës në dispozicion të Sandrit. Udhëheqësi Ram i cili është i dashuruar me lirinë e mediave ka vendosur të bëjë një dhuratë për median e Sandrit, ashtu siç i ka dhënë ca fonde nga AZHBR për të ndërtuar vilat në Dhërmi fshat, apo dhjetëra ndërtime të cilat kanë rritur lirinë mediatike të kazanit të Sandrit. Nga ky moment gjeli Sandër do i këndojë bëmave të udhëheqësit Ram me iso nga puseta e tij mediatike, ku padyshim marifetet e misionarit do të lartësohen si heroizimi i popullit ndër shekuj. A nuk ja vlente prishja e Thethit, apo shkarkimi i drejtorëve të pushtetit lokal për të kamufluar grabitjen e kullotave të Kaninës në interes të Sandrit për të ndërtuar dhe ai centralin e tij energjitik? Çduan kaniniotët të kullosin bagëtitë e të lodhen  skërkave  të kullotave, kur këtë pasuri mund ta posedojë Sandri nga Lezha që do bëhet denbabaden kaniniot? Në fund është krenari të kesh në gjirin tënd  kazanin kryesor mediatik të udhëheqësit Ram.
Post Partum
Udhëheqësi Ram ka shkuar në Surel së bashku me misionaren Lindë. Sot kanë përgatitur një darkë me verë nga  ajo e Agasit dhe do presin për darkë  ministrin e mbrojtjes, Pirron e Pojës që do diskutojnë ca probleme interesante për ushtrinë. Punë pronash që do ja japë një grupi të fortë, si ata që i pëlqejnë udhëheqësit Ram të kenë minimumi nga katër a pesë vrasje, që ti kandidojë dhe për deputetë në të ardhmen.  Të fala Sandrit udhwheqës.