Khloe Kardashian ka zbuluar të gjitha operacionet e saj plastike në të kaluarën në një koment në Instagram.
Një mjeke estetike spekuloi rreth ndërhyrjes kirurgjikale që i është nënshtruar Khloe. Dr Jonny Betteridge tha: “Khloe ka ndryshuar shumë gjatë viteve të fundit”, përpara se të rendiste se çfarë nderhyrje besonte se mund të kishte bërë ajo.
Në video, ai shfaqi foto të ndryshme të Khloe-s që mendonte se ishin para dhe pas procedurave të caktuara.
Ndër spekulimet e tij, Dr. Betteridge spekuloi se Khloe mund të ketë bërë një “ngritje të fytyrës dhe qafës”, si dhe një “implant mjekre”, “rinoplastikë” dhe “blefaroplastikë të sipërme”, si dhe një “ngritje të përkohshme të vetullave”.
Por Khloe nxitoi të korrigjonte Dr. Betteridge dhe të zbulonte procedurat e sakta që i ka nënshtruar gjatë viteve.
“E marr këtë si një kompliment të madh,” tha ajo në përgjigjen e saj ndaj postimit dhe spekulimeve të mjekut në Instagram.
Ajo vazhdoi: “Së pari, mendoj se këto foto janë rreth 15 vjet larg njëra-tjetrës, por ja një listë me gjërat që kam bërë. Khloe më pas renditi çdo ndërhyrje kirurgjikale dhe ndërhyrje që i është nënshtruar.
Ajo zbuloi se ka bërë një operacion në hundë, ka trajtuar flokët me lazer “në vijën e flokëve dhe kudo tjetër”, ka bërë botoks dhe ka bërë skulpturë “ku më është hequr tumori në fytyrë në faqe”.
Khloe shtoi se i ishte nënshtruar edhe lazerit me valë të buta për shtrëngimin e lëkurës dhe “mbushësit në të kaluarën, por jo gjatë viteve të fundit (kam dëgjuar se nuk zhduket kurrë, kështu që jam e sigurt se është ende aty, por është qetësuar)”.
“Në vitin 2025 ka shumë gjëra të tjera që mund të bëjmë para operacionit, por kur të vijë koha, dhe nëse zgjedh ta bëj, njoh disa mjekë të shkëlqyer”, përfundoi ajo.
Day: June 30, 2025
-
Khloe Kardashian zbulon të gjitha operacionet plastike që ka kryer
-
Peko Banjaja, i zhgënjyer: Vendi i tretë është i hidhur
Françesco Banjaja e përfundoi i treti Çmimin e Madh të Holandës në Moto GP, një rezultat që i la një shije të hidhur pilotit të Dukatit, i cili synonte për më lart në garën e djeshme në Asen.
“Pak i hidhur, sepse mund të kisha bërë më shumë dhe pata vështirësi. Ritmi nuk ishte i keq dhe u përpoqa ta ngushtoja diferencën me kryesuesit, por nuk ia dola. Vendi i tretë ishte rezultati më i mirë që mund të merrja në këto kushte. Duhet të marrim gjërat pozitive nga kjo fundjavë dhe të vazhdojmë kështu”, u shpreh Peko Banjaja, i cili më pas shtoi:“Për mua, që gjithmonë kërkoj më shumë, pranoj një vend të tretë si ai në Aragon krahasuar me të sotmin, sepse ishim më të shpejtë dhe më të fortë dhe nuk mund të shtyja sa do të doja. Hyra në garë shumë vonë, duhet të marr shumë rreziqe për t’u afruar atyre që janë përpara dhe situata është e ndërlikuar.
Motori më kufizon në frenim në hyrje, pastaj gjatë garës jam i shpejtë, por humbas xhirot e para të garës sepse në tre të parat jam gjithmonë konkurrues, pastaj kam rënien dhe më tej kthehem përsëri i fortë. Kishim ritëm, mendova edhe për fitoren, dhashë gjithçka, por nuk ia dola në fund. Motori është i ndërlikuar, por duhet të punojmë për të bërë hapa përpara”, deklaroi ndër të tjera Banjaja. -
Deklarata e ASAP Rocky që “tradhtoi” gjininë e fëmijës që pret me Rihannën
ASAP Rocky duket se e ka zbuluar aksidentalisht gjininë e fëmijës së tretë të tij dhe Rihannës. Gjatë premierës së filmit “Smurfs” në Belgjikë reperi u pyet nga prezantuesi i Entertainment Tonight nëse fëmija që pret është vajzë.
Ai buzëqeshi dhe u përgjigj: “Po, vëlla, është “. Pastaj i tregoi kamerës një lodër Smurfette, personazhin që Rihanna luan në film, duke komentuar “këtu, këtu” dhe duke treguar kukullën, duke lënë të hapur mundësinë që po konfirmonte gjininë e foshnjës.
Rihanna u shfaq gjithashtu në premierë, pranë të dashurit të saj, me barkun që dëshmonte për shtatzëninë e saj të avancuar.
Çifti njoftoi se presin fëmijën e tyre të tretë në maj të vitit 2025, në Met Gala, me një burim që i tha People se janë të emocionuar për zgjerimin e familjes së tyre dhe se Rihanna gjithmonë ka dashur të ketë shumë fëmijë, duke dashur që ata të jenë të afërt në moshë në mënyrë që të rriten bashke. -
Emocionet e Champions në stadiumin e Egnatias, kampionët e Shqipërisë bëjnë thirrje për ndeshjen historike
Egnatia do të përfaqësojë Shqipërinë në turin e parë të Ligës së Kampioneve. Do të jetë ndeshje historike kundër Breidablik, pasi do të luhet për herë të parë në stadiumin “Arena Egnatia”. Sfida e parë është programuar më 8 korrik ora 21:00. Dhe rrogozhinasit bëjnë thirrje për pjesëmarrje masive në stadium.
“Ndeshja e parë historike, në qytetin tonë, për turneu më prestigjoz europian. Të gjithë në stadium, për të shkruar historinë”, shkruan Egnatia. -
Drejtuesit e filmave të James Bond ‘ngushtojnë listën e tyre në vetëm TRE kandidatë’
Drejtuesit e filmave të James Bond thuhet se e kanë ngushtuar listën e tyre në vetëm tre emra, pas një mori spekulimesh.
Besohet se ylli i Saltburn, Jacob Elordi, Tom Holland i Spider-Man dhe aktori i Babygirl, Harris Dickinson, janë në krye të listës së dëshirave të Amazon, sipas Variety. Burime të brendshme thuhet se studioja dhe producentët janë të interesuar të zgjedhin një aktor britanik nën moshën 30 vjeç.
Edhe pse Jacob, 28 vjeç, është australian, ai ende besohet të jetë në garë pasi aktori tjetër australian George Lazenby e ka luajtur më parë rolin e Bondit në filmin “On Her Majesty’s Secret Service” në vitin 1969.
Denis Villeneuve, i njohur më së miri për regjinë e adaptimit dypjesësh të Dune nga Warner Bros, ka nënshkruar kontratë për të drejtuar filmin pa titull, nëpërmjet një njoftimi për shtyp të Amazon. Regjisori franko-kanadez, 57 vjeç, do të shërbejë gjithashtu si producent ekzekutiv i projektit së bashku me Tanya Lapointe.
Amazon më parë kishte caktuar Amy Pascal dhe David Heyman si producentë të filmit, pasi studioja u nda nga kujdestarët e hershëm të 007, Barbara Broccoli dhe Michael G. Wilson.
Lajmi vjen pak më shumë se tre vjet pasi Amazon përfundoi blerjen masive prej 8.5 miliardë dollarësh të MGM Studios, që përfshinte edhe ekskluzivitetin e James Bond.
Nuk ka pasur një film të ri për 007 që nga filmi “ No Time to Die” i vitit 2021, filmi i fundit me Daniel Craig si agjentin sekret. -
VIDEO/ Fluminense befason Interin, kryeson pas 45 minutash
Fluminense po fiton 0-1 ndaj Interit, në ndeshjen e vlefshme për Botërorin e Klubeve.
Brazilianët e nisën ndeshjen “zjarr” dhe ndëshkuan zikaltërit që në minutën e 3-të, me anë të Canos.Ekipi i Chivu-s provoi të reagonte dhe u hodh në sulm, teksa Dimarco “flirtoi” me golin, por vetëm kaq.
Fluminense shënoi të dytin me Ignacion, me fat italianët, pasi goli u anulua për offside.
-
VIDEO/ Zhgënjim total i Interit, Fluminense “fluturon” në çerekfinalen e Botërorit të Klubeve
Fluminense triumfon 2-0 ndaj Interit, duke shkuar kështu në çerekfinalen e Botërorin të Klubeve.
Brazilianët e nisën ndeshjen “zjarr” dhe ndëshkuan zikaltërit që në minutën e 3-të, me anë të Canos.Ekipi i Chivu-s provoi të reagonte dhe u hodh në sulm, teksa Dimarco “flirtoi” me golin, por vetëm kaq.
Fluminense shënoi të dytin me Ignacion, me fat italianët, pasi goli u anulua për offside.
Hercules i dha goditjen fatale Interit në fundin e pjesës së dytë, duke dërguar kështu në shtëpi gjigandin italian.
-
Takimi Trump-Netanyahu më 7 korrik në Shtëpinë e Bardhë
Presidenti i SHBA-së, Donald Trump, do të takohet me kryeministrin izraelit Benjamin Netanyahu në Shtëpinë e Bardhë më 7 korrik, raportoi të hënën faqja e internetit amerikane Axios, duke cituar një zyrtar izraelit.
Më herët, faqja e internetit e lajmeve, duke cituar zyrtarë amerikanë dhe izraelitë, raportoi se administrata Trump po zhvillon “bisedime paraprake” me Izraelin dhe Sirinë rreth një marrëveshjeje të mundshme sigurie midis dy vendeve.
Donald Trump do të nënshkruajë një urdhër ekzekutiv sot për t’i dhënë fund sanksioneve të SHBA-së ndaj Sirisë, tha zëdhënësja e Shtëpisë së Bardhë, Caroline Levitt.Presidenti republikan vendosi në maj të lehtësojë sanksionet ndaj Damaskut për të ndihmuar në rindërtimin e Sirisë pas luftës së saj shkatërruese civile./vizionplus.tv
-
Përplasja për emigrantët, Nigel Farage intervistë për TCH: Iu përgjigja Ramës sepse sulmoi Brex-it! E pranoj ftesën për drekë
Nuk është vetëm çështje shifrash të shqiptarëve në Britaninë e Madhe debati në distancë mes Nigel Farage dhe Edi Ramës, por edhe një qejfmbetje e kreut të partisë “Reform UK”, ndaj kritikave të kryeministrit shqiptar për nismat ndaj emigrantëve.
Në intervistën ekskluzive për Top Channel dhënë gazetarit Muhamed Veliu, Nigel Farage këmbëngul se e ka fituar bastin me Edi Ramën, por ndërkohë e thotë hapur se nuk i kanë pëlqyer qëndrimet kritike të shefit të qeverisë shqiptare ndaj BREX-it, referendumit që e nxori Anglinë jashtë BE.
Muhamed Veliu- Zoti Farage, çfarë ju bëri të komentoni atë që Kryeministri Edi Rama tha në intervistën e tij për The Guardian, ku ai kritikoi qeverinë aktuale britanike për çështjet e imigracionit, ashtu siç bëni ju çdo ditë?
Nigel Farage- Shiko e gjithë çështja me të burgosurit e huaj është diçka e madhe këtu në Britaninë e Madhe. Ne kemi mbi 10.000 të burgosur të nacionaliteteve të huaja në burgjet tona dhe kjo ka çuar të tejmbushje. Ne për të liruar vende po nxjerrim parakohe nga burgu ata që kanë kryer krime serioze. Pra për këtë ka një debat. Dhe të rastin e Shqipërisë janë shumë shqiptarë në burgjet tona dhe unë besoj se ata nuk duhet të jenë në vendin tonë por duhet të kthehen në Shqipëri. Tani, kryeministri juaj zoti Rama i cili asnjëherë nuk ka turp dhe është argëtues dhe natyrisht është kundra Brexit paçka se Brexit nuk ka të bëjë fare me të. Këtë kurrë nuk e kam kuptuar, ai vuri në pikëpyetje shifrat e mia. 1 në 50 shqiptarë në Britani është në burg duke thënë kjo është çmenduri. Zoti Rama më sulmoi mua dhe më pas tha se nëse shifrat e mia janë të vërteta ai u angazhua ti marrë ata në Shqipëri. Unë kam bërë kontrollet dhe ri-kontrollet e mia të shifrave dhe statistikat zyrtare të qeverisë të tetorit 2024 tregojë se janë afërsisht 53.000 shqiptarë në Britani dhe prej tyre 1.200 në burgje. Pra ekzaktësisht 1 në 50 është në burg. Tani Rama na thotë se janë më shumë shqiptarë në Britani sepse shumë kanë ardhur ilegalisht me gomone. Pra kjo e bën shifrën e atyre që s’duhet të jenë në Britani më të madhe. Unë dua tju them se kryeministri juaj e ka gabim në të gjitha çfarë ka thënë. Ne kemi këtu një shqiptarë të dënuar për 50 krime. Hajde tani Edi pasi me premtove unë i nxora shifrat ata tashmë të tutë ti marrësh.
Muhamed Veliu- A u befasuat kur morët dy përgjigje në X nga Kryeministri shqiptar Edi Rama, pasi ju, në emisionin tuaj në GB News, i kërkuat që të marrë të dënuarit shqiptarë nga Mbretëria e Bashkuar për t’i kthyer në Shqipëri?
Nigel Farage- Ai kritikoi vendin tim duke thënë se jemi zhytur në një vend me errësirë duke marrë në konsideratë dërgimin e emigrantëve jashtë. Unë i thash se kjo është hipokrizi pasi vendi juaj ka negociuar me Melonin e Italisë për të marrë emigrantë. Ai nuk mund të jetë kritik dhe standarde të dyfishta dhe për këtë duhet të marrë të burgosurit shqiptarë e kthejë ata në vendlindje. Ai po e shijon përballjen me mua në Tëitter. Unë ju premtoj ju se kur ai thotë se shifrat e mia janë të gabuara unë i them. Jo. Ai i ka shifrat gabim. Unë jam me të drejtën dhe mëzi pres ta mbaj premtimin.
Kemi parë në të kaluarën që zoti Rama ka kritikuar politikanë britanikë si Suella Braverman dhe Robert Jenrick. Tashmë duket se edhe ju jeni përfshirë në një shkëmbim replikash me Edi Ramën mbi shqiptarët në Mbretërinë e Bashkuar. Kush mendoni se do ta fitojë këtë debat?
Nigel Farage- Ai, bën shumë zhurmë se është një burrë i madh. Natyrisht i përket krahut të majtë, ka pikëpamje glogaliste dhe kundra Brexit. Më lejoni tu them se kjo nuk është puna e tij. Nuk është arsye të kritikojë Britaninë e Madhe. Shiko, unë dua shqiptarët e mirë të vinë në Britani. Ne nuk duam njerëz që vinë nga Shqipëria të cilët janë të këqinj. Çdo vend i përgjegjshëm duhet ta bëjë këtë. Dhe unë mendoj se në të gjithë këtë përplase- ju keni të drejtë kur thoni se Rama ka kritikuar Suelën dhe Robert Xhenrik dhe unë e kam parë atë në të shkuarën por Rama ka ndezur me mua një përplasje për një çështje të gabuar. Shifrat e mia janë në rregull. Numrat e Edi Ramës janë gabim. Ai ka bërë një premtim dhe unë dua që ta respektojë.
A jeni i gatshëm të debatoni ballë për ballë me Kryeministrin Edi Rama mbi disa shifrat që ju po flisni?
Nigel Farage- Shiko edhe pse unë tani nuk pajtohem me filozofinë e tij dhe shifrat i ka gabim unë nuk e kam takuar akoma. Për mua ai është një figurë argëtuese. Kështu, nëse unë ftohem në Tiranë për drekë me Edi Ramën unë do të vij.
Muhamed Veliu- Nëse rezulton që shifra që keni përmendur – që 1 në 50 shqiptarë në Mbretërinë e Bashkuar është në burg – është e pasaktë, a do të kërkoni falje?
Zoti Rama dje deklaroi se në Mbretërinë e Bashkuar ka një vlerësim prej mbi 140,000 shqiptarësh, shifër e cila iu referua edhe një seance dëgjimore dhe raporti të Dhomës së Komunave në vitin 2023 – dhe nga përvoja ime si gazetar që jetoj dhe punoj në Londër prej më shumë se 11 vitesh, mund të them me siguri se afërsisht 200,000 shqiptarë jetojnë sot në Mbretërinë e Bashkuar – qoftë me leje qëndrimi apo ilegalisht.
Nigel Farage- Nëse ata janë ilegalisht atëherë numri kriminelëve shqiptarë nuk është 1 në 50 por 1 në 2 dhe nëse kjo është çështja ata duhet të kthehen në Shqipëri. Shifrat i kam në rregull. Ato janë shifra të rregullta zyrtare. Nëse mbrojtja e Ramës është se Nigel është gabim sepse shumë prej tyre janë ilegalë kjo e bën çështjen në favorin tim dhe në mënyrë fondamentale gabim për Ramën.
Muhamed Veliu- Që nga viti 2023, Shqipëria dhe Mbretëria e Bashkuar kanë një marrëveshje për transferimin e të dënuarve, e cila është funksionale, dhe më shumë se 15 shtetas shqiptarë të dënuar me mbi 4 vite burg tashmë janë kthyer në Shqipëri. Shqipëria është i vetmi vend që pranon një fluturim të posaçëm (charter) nga Home Office i Mbretërisë së Bashkuar, me emigrantë të paligjshëm të dëbuar çdo javë. Për më tepër, SPAK (Prokuroria e Posaçme kundër Korrupsionit dhe Krimit të Organizuar) dhe NCA (Agjencia Kombëtare e Krimit e Mbretërisë së Bashkuar) kanë një njësi të përbashkët hetimi – e vetmja e këtij lloji në Ballkan. A i jepni meritë qeverisë së Shqipërisë për bashkëpunimin kaq të ngushtë me Mbretërinë e Bashkuar?
Nigel Farage- Është një fillim. Është një fillim. Dhe nëse flasim për këtë bashkëpunim e bën edhe më të çuditshëm pse kryeministri juaj më sulmon mua. Kjo nuk bën sens. Është vetëm një fillim zoti Rama. Kur unë do të vij tju takoj për drekë do të flasim gjatë dhe do të kemi marrëdhënie të mira mes dy vendeve natyrisht nëse ai ndal sulmin ndaj Brexit.Top Channel
-
Ola Xama: Dosje ‘Partizani’, mjaft e dobët dhe pa fakte!
Gazetarja Ola Xama ka komentuar në studion e Ylli Rakipit gjyqin politik ndaj lideri të opozitës Berisha.
Gjatë fjalës së saj gazetarja theksoi se ligji kolegjial i qeverisë Berisha nuk është ligj personal, por ligj që kanë përfituar mijëra familje ish-pronare.
Xama tha gjithshtu se dosja ndaj Berishës është e dobët dhe pa fakte.
Xama: Dy akuzat janë korrupsion dhe pastrim parash. Zoti Malltezi akuzohet se është favorizuar për t’i kthyer një tokë nga familja e gjyshit dhe është favorizuar nga Berisha, në atë kohë kryeministër, përmes përfitimit të një prone, që sipas dokumentave, prona ka qenë e familjes së tij, por është favorizuar me disa vendime nga qeveria. Për të shpallur terrenin tokë ku mund të ndërtohej, por gjithashtu duke futur procedurën e pagesës me bono privatizimi, duke përfituar tokë ku më pas është bërë investitor dhe është ndërtuar një kompleks me 19 pallate. Ka përfituar para që i konsideron produkte të veprës penale. Për këto para prokuroria pretedon se Berishës i janë mbuluar disa shërbime shëndetësore, pushime dhe për fondacionin e zonjës Liri Berisha. Po kështu edhe fatura për shpenzime gjyqësore për heqjen e non-gratës në Britaninë e Madhe apo procesin në Francë ndaj ish Sekretarit Blinken.
SPAK e akuzon zotin Berisha se ka krijuar Agjencinë e Kthimit dhe Kompensimin të Pronave, ndër të tjera për të ndihuar edhe dhëndrin e tij për ti dhënë tokën, pork jo është pak qesharake sepse ka qindra mijëra familje që kanë përfituar pronën prej kësaj.