Në një ditë përvëluese qershori era e rëndë e gazit ndihet që në rrugën nacionale Selenicë-Tepelenë, segmenti Vllahinë-Poçem. Zbresim në këmbë drejt grykëderdhjes së Përroit të Madh si i thonë vendasit. Në fakt ky fare mire mund të quhet “përroi i zi”, pasi më shumë se sa ujë, këtu rrjedh ‘llumi i naftës’ që del nga puset, lart në kodrën e Gorishtës.
Një banor i zonës pranon të na shoqërojë në rrugën me kalldrëm por në kushtet e anonimatit, pasi tashmë që media ka mbërritur në fshat, ai i druhet daljes publike.
Ecim përreth 30 minuta në këmbë derisa mbërrijmë në këtë pikë. Këtu Përroi i Madh derdhet në lumin Vjosë, që siç shihet në pamje është plotësisht i ndotur.
Aroma kundërmon dhe bëhet e padurueshme. Prej 30 vitesh është në këtë gjendje na tregon banori, i cili shton se ‘Albpetrol’ asnjëherë nuk është shqetësuar për pasojat.
Gjithçka që na tregon banori vërtetohet më së miri. Për shkak të derdhjes së vazhdueshme mbetjeve hidrokarbure këtu është krijuar një llavë e nxehtë dhe e thellë. Ka helmuar gjithçka, kemi frikë të vadisim tokat, të nxjerrim dhentë në kullotë, tregon ai, ndërsa për peshq as që bëhet fjalë.
Me këtë bisede, ngjitemi lartë drejt puseve. Gjithë rrjedha e përroit të madh është e mbuluar nga llumi i naftës. Shohim një eskavator, që banori thotë se është i Albpetrol-it, i cili po përpiqet të pastrojë disi por sërish masakra nuk mbulohet dot. Është e dukshme se me dhjetëra ton mbetje të hidrokarbureve derdhen në lumin ‘Vjosë’, shpallur Park Kombëtar. Në kompaninë shtetërore të naftës “Albpetrol” dhe në Agjencinë Kombëtare të Mjedisit askush nuk përgjigjet për masakrën mjedisore.
Ndërsa nga të dhënat e publikuara në faqen zyrtare mësojmë se vendburimi i Gorishtës ka gjithsej 284 puse por 142 prej tyre janë aktive dhe nxjerrin naftë e gaz. Thellësia e puseve është nga 700 m – 1500 m.
Në 6 muajt e parë të këtij viti këtu janë nxjerrë mbi 11 mijë ton naftë, ndërsa viti 2024 është mbyllur me një prodhim prej më shumë se 32 mijë ton naftë./ Report Tv
Day: June 27, 2025
-
Masakër mjedisore/ Llumi i naftës ‘helmon’ Vjosën!
-
Presidenti i Komitetit Olimpik Kinez vizitë zyrtare dy ditore në Tiranë, firmoset memorandumi i bashkëpunimit
Me ftesë të Presidentit të Komitetit Olimpik Shqiptar, Fidel Ylli, ka mbërritur në Tiranë për një vizitë pune Presidenti i Komitetit Olimpik të Kinës dhe njëherësh Ministër i Sportit, Gao Zhidan. Në një ceremomi të veçantë, presidenti Gao Zhidan është pritur në zyrat e KOKSH nga presidenti Fidel Ylli, zv/Presidenti Erlind Pëllumbi, Sekretari i Përgjithshëm Gerti Shima, zv/Ministri i Arsimit dhe Sportit, Endrit Hoxha, Rektori i Universitetit të Sporteve Agron Kasa, Drejtoresha e Akademisë Olimpike, Enkelejda Caushi dhe anëtarët e Komitetit Ekzekutiv.
Presidenti i KOKSH, Fidel Ylli, në fjalën e tij ka vlerësuar miqësinë mes 2 popujve ndër vite dhe kontributin e ndërsjellë në disa fusha të jetës dhe cilësoi këtë vizitë si një moment historik, për të thelluar edhe më shumë bashkëpunimin në sport. Presidenti Gao Zhidan është shprehur i impresionuar nga pritja që i është bërë në Tiranë dhe theksoi se miqësia mes Kinës dhe Shqipërisë është shumë e rëndësishme dhe bashkëpunimi mes dy Komiteteve Olimpike do të vijojë të forcohet edhe më tej.Presidenti i Komitetit Olimpik Shqiptar, z. Fidel Ylli dhe Presidenti i Komitetit Olimpik Kinez, z. Gao Zhidan, kanë firmosur një Memorandum bashkëpunimi, me qëllim çuarjen më tej të shkëmbimeve dhe bashkëpunimit sportiv, si dhe promovimin e mirëkuptimit të ndërsjellë dhe miqësisë tradicionale midis dy vendeve dhe dy Komiteteve Olimpike.
Përmes këtij Memorandumi do të inkurajohet shkëmbimi i eksperiencave të profesionistëve të sportit, në disiplina të ndryshme, trajnime, shkëmbime eksperiencash në administrim sportiv, si edhe një vëmendje e shtuar në shkencë dhe mjekësinë sportive, që do të realizohet përmes Universiteteve të Sportit të të dy vendeve.
Presidenti Fidel Ylli e cilësoi firmosjen e këtij Memorandumi një moment historik për sportin shqiptar dhe se ndihma që do të ofrojë Kina, si një superfuqi botërore, do të jetë shumë e vlefshme për federata dhe disiplina të ndryshme sportive.
Presidenti Gao Zhidan e vlerësoi përpjeket e Komitetit Olimpik Shqiptar për të bashkëpunuar me Kinën dhe se Komiteti Olimpik Kinez e konsideron Komitetin Olimpik Shqiptar një partner të rëndësishëm.
Në agjendën e vizitës 2 ditore në Tiranë, Presidenti i Komitetit Olimpik Kinez dhe Ministër i Sportit, Gao Zhidan ka zhvilluar një takim në Ministrinë e Arsimit dhe Sportit. Shoqëruar nga Presidenti i KOKSH, z. Fidel Ylli, Sekretari i Përgjithshëm z. Gerti Shima, delegacioni kinez është takuar me Ministren Ogerta Manastirliu, ku është diskutuar për Memorandumin e Bashkëpunimit mes dy Komiteteve Olimpike dhe investimet e bëra në sport.
Një vëmendje e veçantë gjatë bisedës i është kushtuar edhe mbështetjes që Qeveria Shqiptare përmes Ministrisë së Arsimit dhe Sportit, po i bën Projektit të Ekipeve Sportive në Shkolla, si një investim i rëndësishëm për të ardhmen e sportit shqiptar.
() -
Nga PSG te City dhe Inter, superkompjuteri llogarit favoritët për triumfin në Botërorin e Klubeve
Interi i Chivu-së është rivali i parë i PSG-së dhe Manchester City-t për Kupën e Botës për Klube. Të paktën kjo është ajo që thotë “Opta Supercomputer”, që duke analizuar të dhënat e performancës së secilës skuadër, llogarit probabilitetet relative të suksesit: kampionët në fuqi të Evropës kanë një shans prej 20.6% për të ngritur trofeun, ndërsa skuadra e Guardiolës ndalet në 20.4%.
Në vendin e tretë, megjithëse me një diferencë të madhe, janë zikaltrit, me një probabilitet prej 12.4%, përpara skuadrave si Bayern Munich (11.3%) dhe Real Madrid (9.7). Ndërkohë, kualifikimi për në çerekfinale i Lautaro-s dhe shokëve të tij të ekipit duket të jetë pothuajse një formalitet, duke pasur parasysh se shanset e tyre për të kaluar fazën e parë eliminatore janë 84.4 %, kundrejt 15.6% për Fluminense-n.Kompjuteri
Po Juventusi? Humbja dërrmuese kundër Manchester Cityt e ka komplikuar rrugën e Zonjës së Vjetër, të cilët do të përballen me Real Madridin në raundin e 16-të. Një pengesë që është mjaft e vështirë për t’u kapërcyer, sipas Opta-s, duke pasur parasysh se shanset për të arritur në çerekfinale janë vetëm 37.7%. Fitimi i turneut, pra, duket pothuajse utopik: vetëm 2.5% probabilitet, më i ulëti ndonjëherë midis klubeve evropiane.
() -
Rasti i përfitimeve kapitale, ish-kreu i Juventusit kërkon marrëveshje për pranimin e fajësisë
Ish-kreu i Juventusit ka kërkuar një marrëveshje pranimi fajësie në kontekstin e hetimit ‘Prisma’ mbi llogaritë e kompanisë, i cili u nis nga prokurorët e Torinos dhe më pas u transferua në Romë për juridiksion.
Ndër subjektet e përfshira, rreth dhjetë, janë emra të shquar nga e kaluara drejtuese e Juventusit: ish-presidenti Andrea Agnelli, ish-zëvendëspresidenti Pavel Nedved, ish-drejtori sportiv Fabio Paratici dhe ish-drejtori ekzekutiv Maurizio Arrivabene. Për këtë të fundit, prokurori publik Lorenzo Del Giudice ka kërkuar shkarkimin nga detyra, një pozicion që do ta dallonte atë nga ish-trajnerët e tjerë të përfshirë.Akuzat, të ngritura në cilësi të ndryshme, përfshijnë manipulimin e tregut të aksioneve, pengimin e mbikëqyrjes dhe faturimin e rremë. Në qendër të hetimit janë fitimet e dyshuara fiktive të kapitalit dhe transaksionet e paligjshme të lidhura me menaxhimin e pagave të futbollistëve gjatë emergjencës së Covid-19, kur klubet po përballeshin me presion të fortë ekonomik.
Vendimi i gjyqtares për seancën paraprake dëgjimore, Anna Maria Gavoni, pritet më 22 shtator. Në atë datë do të dihet nëse kërkesat për marrëveshje pranimi të fajësisë do të pranohen apo nëse do të zhvillohet gjyqi i zakonshëm.
() -
Ja cila është shenja më me fat e horoskopit për muajin korrik
Një shenjë duket se do jetë e favorizuara e muajit korrik. Bëhet fjalë për shenjën e Luanit. Gjatë gjithë muajit, dhe veçanërisht në gjysmën e dytë të tij, personat e kësaj shenje kanë shansin më të madh për të marrë lajmet më inkurajuese dhe pozitive të vitit.
Sezoni i Luanit fillon në gjysmën e dytë të korrikut dhe sjell me vete energjinë e fuqishme të Diellit, duke i ofruar shenjës vitalitet, vetëbesim dhe sharm të shtuar.
Në të njëjtën kohë, kalimi i Venusit në Luan rrit dashurinë për veten, kreativitetin, lidhjet emocionale dhe aftësinë për t’u dalluar si në jetën personale ashtu edhe në atë profesionaleJupiteri, planeti i fatit dhe zgjerimit, është në Binjakët, një shenjë e lidhur me Luanin, duke formuar aspekte pozitive astrologjike. Kjo shtrirje hap rrugë për mundësi të reja profesionale, avancim, njohje dhe madje edhe realizimin e planeve të vonuara prej kohësh.
Fushat në të cilat Luanët janë më të favorizuar këtë muaj janë puna, studimet, marrëdhëniet dhe projektet krijuese. Është shumë e mundur që të lindin propozime që do të shënojnë një kërcim cilësor, shpërblime për përpjekjet ose zhvillime të rëndësishme në marrëdhëniet personale që deri më tani dukeshin të “ngrira”.
Periudha nga 22 korriku e tutje konsiderohet vendimtare. Është një periudhë jo vetëm ndryshimesh të jashtme, por edhe zbulimesh të brendshme, të cilat mund të ndryshojnë mënyrën se si Luanët e shohin dhe e vendosin veten në botë.
Edhe pse Luani është në qendër të vëmendjes, shenja të tjera të zjarrit, si Dashi dhe Shigjetari, gjithashtu mund të përfitojnë nga të njëjtat lëvizje astrologjike. Korriku mund të sjellë lajme të rëndësishme edhe për ta, veçanërisht në çështjet e zhvillimit personal ose profesional. -
“Vrasësi i Twitterit” që vrau dhe copëtoi 9 persona ekzekutohet me varje, ja si i gjente viktimat e tij
Një burrë i dënuar me vdekje nga një gjykatë është ekzekutuar në Japoni, në ekzekutimin e parë në arkipelagun aziatik që nga korriku i vitit 2022, raportoi sot transmetuesi publik NHK dhe dy media të tjera kombëtare.
Ministria e Drejtësisë, e kontaktuar nga Agence France-Presse, as nuk e konfirmoi dhe as nuk e mohoi informacionin, duke shpjeguar se do të mbahej një konferencë për shtyp.
Sipas tre mediave, burri i varur ishte Takahiro Shiraishi, 34 vjeç, i dënuar me vdekje në fund të vitit 2020 për vrasjen e nëntë personave në vitin 2017.
Burri shënjestroi gra të reja ose burra të rinj që shprehën qëllimin e tyre për të kryer vetëvrasje. Ai u tha atyre se mund t’i ndihmonte, madje të vdiste me to. Ai rrëfeu se kishte vrarë dhe gjymtuar viktimat e tij adoleshente ose të reja. Në pothuajse të gjitha rastet, ato ishin vajza dhe gra, përveç njërës.A Japanese man known as the “Twitter killer” was sentenced to death for murdering 9 people.
Prosecutors say he used Twitter to lure people who expressed suicidal thoughts to his home, promising to help them die. They say he also sexually assaulted his victims, mostly women. pic.twitter.com/0Pn9p1OwUC
— AJ+ (@ajplus) December 15, 2020Në gjyqin e tij, mbrojtja propozoi një dënim me burgim të përjetshëm, duke argumentuar se viktimat e tij, të moshës midis 15 dhe 26 vjeç, kishin shprehur qëllime vetëvrasëse nëpërmjet rrjeteve sociale: ato donin të vdisnin.
A Japanese man known as the “Twitter killer”, (@/hangingpro) was sentenced to death for murdering 8 women, 1 man.
He used Twitter to lure suicidal people to his home, promising to help them die.. he robbed, sexually assaulted, and murdered them. #Femicide https://t.co/6gnftSd7Ly pic.twitter.com/K3WbNT5DMx
— Anonymous (@YourAnonCentral) December 15, 2020Gjykata e hodhi poshtë argumentin, duke argumentuar se çështja kishte “shkaktuar shqetësim të madh në shoqëri, pasi faqet e rrjeteve sociale janë kaq të përhapura”, dhe e dënoi atë me vdekje me varje – e vetmja metodë e përdorur në Japoni për të ekzekutuar dënimin me vdekje.
I dënuari nuk bëri apel.
Takahiro Shiraishi i copëtoi trupat e viktimave dhe i ruajti në apartamentin e tij në Zama, një periferi jugperëndimore e kryeqytetit Tokio.
Më 31 tetor 2017, kur policia kontrolloi apartamentin e tij, ata gjetën 240 copëza trupash njerëzorë, të fshehura në frigoriferë dhe kuti veglash, së bashku me kashtë për të mbuluar erën e dekompozimit.
Gërshërë, thika, një sharrë dhe mjete të tjera të ndryshme, kryesisht zdrukthëtari, u gjetën gjithashtu në apartament.
Rasti shkaktoi tronditje në Japoni, një vend ku krimi është shumë i ulët, dhe një sensacion ndërkombëtar.
Policia e arrestoi atë gjatë hetimit për zhdukjen e një gruaje 23-vjeçare, vëllai i së cilës arriti të hynte në llogarinë e saj të atëhershme në Twitter, ku vuri re biseda me një llogari tjetër që dukej e dyshimtë. Ishte një nga ato të përdorura nga Takahiro Shiraishi – i cili e prezantoi veten si një ” ekzekutues profesionist”.
Përpara se të bëhej vrasës, burri në dukje i zakonshëm që nuk tërhiqte vëmendjen, rekrutonte gra të reja për të punuar në klube për të rritur në lagjen famëkeqe Kabukicho të Tokios për vite me radhë.
Rasti i “Vrasësit të Twitterit”, siç e quajti shtypi japonez, ka rindezur një debat në Japoni në lidhje me kontrollin e rrjeteve sociale, si dhe vetëvrasjen dhe parandalimin e saj. Japonia ka shkallën më të lartë të vetëvrasjeve midis vendeve të G7.
Japonia është gjithashtu një nga dy vendet e industrializuara, së bashku me Shtetet e Bashkuara, që ende përdor dënimin me vdekje. Ai në përgjithësi u bëhet njerëzve të shpallur fajtorë për vrasje të shumëfishta.
Autoritetet e justifikojnë faktin se dënimi me vdekje mbetet në fuqi duke theksuar se qytetarët e duan atë, pavarësisht kritikave nga jashtë, veçanërisht nga organizatat e të drejtave të njeriut.Top Channel
-
Air Albania me 105 milion USD humbje, mbulon fluturimet me charter të Ramës – pse SPAK e ILDKP nuk e heton
Nga Ola Xama
Sipas të dhënave të Drejtorisë së Thesarit, mes Drejtorisë së Shërbimeve Qeveritare dhe Air Albania apo ortakëve të saj (Turkish Airlines, MDN Investiment dhe Albcontrol), nuk ka asnjë pagesë për shërbimin e fluturimit që kompania i ofron kryeministrit Edi Rama.Teza më e mundshme është një shpjegim që ka dhënë vetë z.Rama dikur, kur ka thënë se ka lidhur një marrëveshje promocionale me kompaninë, ku Air Albania përfiton publicitet e klientelë, ndërsa kryeministri mbulon shpenzimet për udhëtimet luksoze.Pyetja që lind natyrshëm është se përse nuk e ka deklaruar këtë marrëveshje në Deklaratën Vjetore të Pasurisë dhe Interesave Privatë kryeministri?
Një vit më parë, për një rast të ngjashëm kryebashkiaku i New York ,Eric Adams, është akuzuar zyrtarisht nga prokuroria për rryshfet pasi ka marrë bileta të klasit “business” e ku për koicidencë pala që i ka ofruar ka qënë kompania Turkish Airlines.Po të shohësh të dhënat financiare të kompanisë Air Albania, kupton se deri më sot kompania rezulton me humbje të vazhdueshme prej vitit 2019 deri në 2024.Humbjet kapin vlerën 52 milion USD dhe kalojnë me 1000 herë vlerën e kapitalit.Pra, ‘de facto’ kompania është në faliment! Po t’i shtojmë kësaj shifre dhe 53 milion USD detyrime që ka ndaj palëve të treta, gropa financiare e Air Albania arrin në 105 milion USD.Atëherë çfarë ka përfituar kompania nga promovimi që i ka bërë kryeministri Edi Rama pasi nuk ka asnjë teori ekonomike që të shpejgojë rritjen e buxhetit të marketingut kur gropa financiare thellohet?!Si ka mundësi që asnjë nga institucionet e pavaruara si ILDKPKI dhe SPAK nuk hetojnë një konflikt të mundshëm interesi dhe nuk shtrojnë këto pyetje?P.S.
Në koment gjendet një kronikë nga emisioni Piranjat, të cilët e kanë trajtuar në detaje këtë temë. -
A qëndroni në shtëpi gjatë gjithë fundjavës?/ Ja çfarë tregon kjo për ju
A ka ndodhur ndonjëherë të mos lëvizësh fare nga divani për tërë fundjavën? Mos u shqetëso, nuk je vetëm. Kjo sjellje është më e zakonshme sesa mendohet, por shpesh pas saj qëndrojnë arsye më të thella sesa thjesht dëshira për t’u çlodhur.
Pushimi nuk është përtaci
Sipas disa studimeve, qëndrimi në shtëpi gjatë fundjavës është një mënyrë natyrale për të rimbushur energjitë dhe për të mbrojtur mirëqenien emocionale, sidomos pas një jave të lodhshme. Për ata që kanë një stil jete të ngjeshur dhe dinamik, fundjava është një periudhë e nevojshme për rimëkëmbje mendore.
Psikologët Ryan Bernstein dhe Warren Brown theksojnë se aktivitetet e përditshme e shterojnë energjinë mendore, çka krijon një nevojë të brendshme për të ngadalësuar ritmin. Në vend që të përballen me angazhime të reja apo me ndërveprim shoqëror, shumë njerëz zgjedhin aktivitete të thjeshta e relaksuese si të qëndruarit në shtëpi, shoqëruar me një film, muzikën e preferuar apo ushqime të ngrohta.
Për disa është zgjedhje e vetëdijshme
Disa individë, veçanërisht ata me prirje më introverte, gjejnë qetësi dhe balancë në kohën e kaluar vetëm. Kjo nuk do të thotë domosdoshmërisht se duan të izolohen, përkundrazi, është një mënyrë për të kujdesur për veten dhe shëndetin emocional.
Sipas ekspertëve të faqes shëndetësore Su Médico, “ky lloj pushimi është një mënyrë shumë normale dhe e zakonshme për njerëzit që ndjekin një rutinë intensive gjatë javës. Ai i ndihmon të rifitojnë energji pa ndjenja faji”.
Efekti i pandemisë
Pandemia përforcoi këtë model. Puna nga shtëpia dhe mungesa e presioneve shoqërore e kthyen qëndrimin në shtëpi gjatë fundjavave në normë për shumëkënd. Për disa, kjo solli një ndjesi rehatie dhe kontrolli mbi kohën e lirë.
Kur pushimi fsheh diçka më shumë
Megjithatë, jo çdo fundjavë e kaluar në shtëpi është një sinjal i shëndetit mendor. Psikologët paralajmërojnë se nëse kjo shoqërohet me ndjenja trishtimi, izolimi apo mungesë interesi për çdo aktivitet, mund të jetë shenjë e depresionit, ankthit ose lodhjes emocionale. Në këto raste, kërkimi i ndihmës profesionale është i domosdoshëm.
Bernstein dhe Broën theksojnë se fundjava është për shumë njerëz e vetmja kohë ku mund të ushtrojnë kontroll të plotë mbi ditën e tyre, pa kërkesa të jashtme për produktivitet. Për disa, kjo është një formë shërimi.
Rëndësia e ndërveprimit shoqëror
Megjithatë, edhe pse pushimi është i vlefshëm, ndërveprimi shoqëror ofron përfitime të pamohueshme. Takimet me miqtë ndihmojnë në reduktimin e stresit, rritjen e vetëvlerësimit dhe krijimin e një ndjenje përkatësie. Ato luajnë gjithashtu një rol kyç në përballimin e sfidave jetësore, si humbjet, ndarjet apo vështirësitë në karrierë.
-
SHBA/ Gjykata e San Antonios dënon dy kontrabandistët përgjegjës për vdekjen e 58 emigrantëve
Dy persona, anëtarë të një rrjeti ndërkombëtar kontrabande, u dënuan sot për rolin e tyre në një nga tragjeditë më të rënda të emigracionit ilegal në SHBA.
Ngjarja ndodhi në vitin 2022 në Teksas, ku 53 emigrantë humbën jetën në një kamion pa ajrim.
Gjykata federale në San Antonio shpalli fajtorë Felipe Orduna-Torres, 30 vjeç, dhe Armando Gonzalez Ortega, 55-vjeç.
Torres, i konsideruar udhëheqësi i rrjetit, u dënua me burgim të përjetshëm, ndërsa Ortega, që ndihmoi në koordinimin e operacionit, u dënua me 83 vjet heqje lirie.
Vendimi u shpall pikërisht tre vjet pas ngjarjes tragjike, që ndodhi në fund të qershorit 2022, kur një kamion me rreth 60 emigrantë nga Guatemala, Hondurasi dhe Meksika, përfshirë tetë fëmijë dhe një grua shtatzënë, u gjet në kushte ekstreme.
Sistemi i ajrit të kondicionuar në automjet nuk funksiononte dhe gjatë udhëtimit nga kufiri meksikan drejt San Antonios, temperatura brenda kabinës u rrit ndjeshëm.
Migrantët filluan të thërrisnin për ndihmë dhe godisnin muret metalike të kamionit, por askush nuk iu përgjigj.
Pesëdhjetë e tre persona humbën jetën ku 48 vdiqën brenda kamionit dhe pesë të tjerë ndërruan jetë në spital. Vetëm 11 persona arritën të mbijetojnë.
Pesë të pandehur të tjerë në të njëjtën çështje janë shpallur fajtorë dhe pritet të dënohen në nëntor ose dhjetor.
Ndërkohë, një anëtar tjetër i dyshuar i rrjetit, Rigoberto Miranda-Orozco, u arrestua në Guatemalë në gusht 2024 dhe u ekstradua në SHBA, ku do të dalë në gjyq më 29 shtator.
Sipas akuzës, emigrantët u paguan kontrabandistëve nga 12,000 deri në 15,000 dollarë për kalimin e paligjshëm të kufirit.
“Këta kriminelë do ta kalojnë pjesën tjetër të jetës së tyre në burg sepse bënë zgjedhjen mizore për të përfituar nga tragjedia njerëzore,” tha Prokurorja e Përgjithshme Pam Bondi, duke përshkruar rastin si një nga më të tmerrshmit e dekadës së fundit. Syri.net-Protothema
-
Kosova ndaloi simbolet serbe për Vidovdan, Vuçiç të rinjve: Mos i jepni Kurtit rast për t’ju arrestuar
Presidenti i Serbisë, Aleksandar Vuçiç, ka thënë se “do të vijë dita kur serbët do të jenë në gjendje të veshin fanella serbe dhe të bartin flamuj serbë kudo dhe krejt të lirë”, teksa ka komentuar paralajmërimet e autoriteteve të Kosovës për shënimin e Vidovdanit në Gazimestan.
Reagimi erdhi pak pasi kryeministri në detyrë i Kosovës, Albin Kurti, ka paralajmëruar se tubimi i të shtunës për Vidovdan do të jetë masiv dhe se mund të shfrytëzohet nga pushteti në Serbi për të nxitur incidente në Gazimestan.
Ai ka thënë se për këtë paralajmërim bazohet në vlerësimet e institucioneve të sigurisë dhe inteligjencës. Ka shtuar se ka përpjekje që tubimi të jetë masiv dhe se janë organizuar grupe nga Serbia, Mali i Zi e Bosnjë-Hercegovina që të vijnë në Kosovë. Kurti ka kujtuar se tradicionalisht grupe të tilla kanë qenë provokuese dhe bartin simbole nacionaliste serbe e ruse.
Ndërkohë Vuçiç duke komentuar vendimin e Gjykatës Themelore në Prishtinë që javë më parë shfuqizoi vendimin e Komunës së Graçanicës për shfaqjen e flamurit të Serbisë për nder të Vidovdanit, u bëri thirrje qytetarëve serbë që do të vijnë në Kosovë “që të mos i japin mundësi Kurtit për t’i arrestuar”.
“U kërkoj të rinjve e të rejave nga Serbia që do të shkojnë nesër në Kosovë që të mos i japin shans Kurtit për t’i arrestuar. E dini se sa serbë i kemi nxjerrë nga burgu dhe kemi pasur vështirësi në këtë”, ka thënë ai për “TV Pink” duke cituar edhe shembullin e djalit të tij, Danilo. Siç ka thënë ai, “do të vijë koha kur të gjithë do të mund të veshim fanella serbe e të bartim flamuj serbë kudo dhe tërësisht të lirë”.
Në arsyetimin e gjykatës është theksuar se komuna i ka tejkaluar kompetencat e saj dhe ka vepruar në kundërshtim me ligjet e Kosovës, pasi ka miratuar një vendim për shfaqjen e flamurit të Serbisë më 28 qershor, ditë që nuk është e përcaktuar si festë zyrtare në Kosovë.
Kryeministri në detyrë, Albin Kurti, ka theksuar se tubimet për Vidovdan duhet të mbahen në përputhje me ligjin, “jo të shndërrohen në mjet për instrumentalizim politik nga autoritetet në Beograd”.
Tubimet e serbëve për shënimin e Vidovdanit rëndom janë siguruar nga pjesëtarë të Policisë së Kosovës. Në Polici kanë njoftuar të premten se për ngjarjen e së shtunës, 27 qershor, janë planifikuar masa, në mënyrë që ajo të kalojë e qetë dhe pa incidente.
Vitin e shkuar, festimet e Vidovdanit në Gazimestan kanë kaluar pa ndonjë incident. Por, viteve paraprake ka pasur arrestime për nxitje të urrejtjes fetare dhe kombëtare, ndërsa më 2023, Vidovdani nuk është festuar në Gazimestan, për shkak të përkeqësimit të situatës së sigurisë në veri.
Gazimestani në Kosovë njihet edhe për fjalimin e ish-presidentit të Serbisë, Sllobodan Millosheviç, i cili më 28 qershor 1989 nuk i përjashtoi “betejat e armatosura”.Ky fjalim u pat parë nga shumë njerëz si paralajmërim i luftërave që kanë pasuar në vitet ‘90 në ish-Jugosllavi shkruan Koha.net