Komisioni i Ankimimeve dhe Sanksioneve ka rrëzuar një tjetër kërkesë të bërë nga koalicioni opozitar PD-ASHM.
Sipas KAS nuk do të ketë rinumërim të votave për qarkun Shkodër.
Opozita kishte kërkuar shpalljen e pavlefshme të tabelave përmbledhëse të rezultateve zgjedhore të 11 majit, dhe rinumërim të kutive.
Top Channel
Paqja dhe stabiliteti rajonal ishin në fokus të Samitit “Ukrainë–Evropa Juglindore”, ku Shqipëria përfaqësohej nga kryetarja e Kuvendit, Elisa Spiropali.
Në fjalën e saj, Spiropali ripërsëriti mbështetjen e Shqipërisë ndaj Ukrainës, duke thënë se lufta e tyre është edhe lufta jonë.
“Sot dua të përcjell jo vetëm fjalë solidariteti, por një premtim: Shqipëria qëndron përkrah Ukrainës – sot, nesër dhe për aq kohë sa do të jetë e nevojshme. Lufta juaj është edhe lufta jonë. Shpresa juaj është edhe shpresa jonë. E ardhmja juaj është e ardhmja jonë e përbashkët. Uroj të kthehet së shpejti paqja, drejtësia dhe liria në Ukrainë!”.
Gjatë fjalimit në samit, Spiropali vlerësoi qendrën e Ukrainës përballë mizorive ruse, duke thënë se frymëzoi botën, ndërsa shtoi se Moska duhet të japë llogari.
“Pavarësisht vuajtjeve të mëdha dhe shkatërrimit të pamasë, populli i Ukrainës ka qëndruar me një guxim të pashoq. Qëndresa e tyre përballë mizorive ka frymëzuar botën. Ne nuk mund ta bëjmë një sy qorr përpara këtyre krimeve. Rusia duhet të japë llogari për çdo predhë, për çdo krim lufte, për çdo jetë të humbur. Heshtja është bashkëfajësi, dhe bota nuk mund t’ia lejojë vetes të rrijë e heshtur”.
Ky është Samiti i Katërt “Evropë Juglindore-Ukrainë”, ku i pranishëm ishte Presidenti i Ukrainës, Volodymyr Zelenskyy, Presidenti i Serbisë, Vucic, kryeministri i Greqisë, Mitsotakis, si dhe krerët e shteteve të tjera të rajonit.
Top Channel
Kryesocialisti Edi Rama në takimin në Pallatin e Brigadave me deputetët u tha se ata të rinjtë do të kalojnë në akademinë politike të PS.
Pas kësaj kërkese të Ramës më 26 maj, drejtuesit e Akademisë Politike të PS kanë punuar për hartimin e programit të trajnimit të deputetëve të rinj.
Top Channel ka mësuar se deputetët e rinj socialistë fitues të 11 majit do ta zhvillojnë trajnimin në ambientet e qendrës TUMO, në ish-ndërtesën e Piramidës.
Parashikohet data 19 qershor për nisjen e Akademisë Politike me deputetët e rinj, e cila do të zgjasë 30 ditë.
Krahas senatorëve të PS, të cilët do të jenë të ftuar si lektorë, pritet të ketë edhe të huaj nga partitë simotra europiane të PS.
Mësohet se, krahas aspektit legjislativ të Kuvendit në ligjbërje, pjesë e trajnimit do të jetë edhe komunikimi publik.
Kjo pasi deputetët e rinj, pasi të jenë betuar në shtator, do t’i shohim edhe në dalje publike për median me qëndrime për çështje politike të caktuara.
Megjithëse Sara Mila e kaloi me sukses testin e parë e të vështirë në Elbasan, duke u shpallur kandidatja më e votuar, ajo do të ulet në bankat e Akademisë Politike, ku me të gjitha gjasat do të ndajë eksperiencën e këtyre zgjedhjeve.
Ardit Bido, studiues dhe drejtues i Arkivës Shtetërore, me kontribute publike, nuk do t’i shpëtojë leksion-marrjes politike prej senatorëve të PS, me të cilët ka pasur përballje në debatet televizive publike.
Pavarësisht se ka një eksperiencë shumëvjeçare në biznes, Vasill Llajo duhet t’i kthehet bankave të shkollës, kësaj here për të mësuar si të bëjë mirë politikë.
Tërmet Peci, një figurë me kontribute shumëvjeçare në PS, do t’i duhet të edukohet tashmë se si të luajë në një tjetër “ligë”, atë të parlamentit në Tiranë, larg batutave në Tepelenë me Edi Ramën kur i thoshte “po komandant”.
Sikurse edhe ish-kolegët e tij kryebashkiakë, Agron Malaj dhe Evin Demo, me eksperiencë në drejtimin lokal, tanimë do të duhet të edukohen me disiplinën e grupit parlamentar socialist.
Me gjasë, pjesa më e bukur e kësaj akademie mund të jetë ulja pranë njëra-tjetrës e dy zonjave debutuese në parlamentin e shtatorit.
Në bankat e Akademisë Politike do të duhet të ulet edhe pedagogia e njohur Iris Luarasi, me një eksperiencë të gjatë në auditoret e universitetit, të cilën e kemi parë ndër vite në debatet me karakter politik.
Top Channel
Mes dhimbjes për humbjen e madhe, vajza e Leka Bungos, Alba, është shprehur se regjisori, aktori dhe skenaristi i njohur, “iku nga kjo jetë duke punuar”.
Në një intervistë për gazetaren e Top Channel Sara Hila, vajza e regjisorit tregon se deri në momentet e fundit, Leka Bungo besonte se do e fitonte betejën me sëmundjen e rëndë.
“Për ne është dhimbja më e madhe që kemi kaluar ndonjëherë. E donte punën, e donte artin, e kishte shumë të shenjtë. Iku duke punuar. Ishte dashuria më e madhe e tij, dha çdo gjë.
Pasioni ishte i madh. Lufta ishte e madhe, e shkurtër por u duk shumë e gjatë.. Kjo sëmundje nuk fal artistë të mëdhenj, nuk fal asnjë qenie njerëzore. Kjo sëmundje nuk njeh emra. Leka Bungo nuk pati pengje. Ishte ndër vetmit që jetoi ashtu si deshi, si diti, si e meritoi,. Dha maksimumin dhe mori maksimumin nga jeta.
Ai nuk e besoi asnjëherë se nuk do jetonte, mendoi se do ta mundte sëmundjen dhe nuk la asnjë amanet. Ishte shumë luftarak, e donte jetën. Fatkeqësi, humbje e jashtëzakonshme”, u shpreh vajza e Leka Bungos, Alba Bungo.
Top Channel
Ligjvënësi demokrat, Tritan Shehu ka bërë homazhe në nder të mjekut dhe mikut të tij që ndërroi jetë, doktor Fatmir Prifti.
Përmes një postimi në rrjetet sociale, teksa ka vlerësuar karrierën dhe kontributin profesional në fushën e mjekësisë, Shehu shkruan se doktor Prifti ka shërbyer me devotshmëri të lartë si në sallat e operacionit, veçanërisht në spitalin Onkologjik, ashtu sikurse dhe në kujedsin ndaj pacientëve për t’u lehtësuar dhimbjen.
Statusi
Homazh per anestezistin, kolegun, mikun, Dr. Fatmir Prifti!
Nje mjek me vlera te spikatura profesionale, etike, morale.
Qe ka sherbyer me devocion qofte ne sallat e operacionit, ne reanimacionet spitalore, vecanerisht te onkologjise.
Por dhe ne kujdesin e metejshem kronik per lehtesimin e dhimbjeve, vuajtjeve etj, atyre pacienteve me shume probleme.
Ngushellimet me te sinqerta familjes se tij, kolegeve, miqve, te gjithe atyre qe e kane njohur…
Dhe qe pa dyshim ruajne mendimet me te mira per ate.
Si çdo mëngjes, ora 08.00 kryeministri Edi Rama e nis ditën me një postim në Facebook. Në sezonin e verës, Rama zgjedh çdo ditë nga një destinacion turistik për publikuar, shoqëruar edhe me propagandën qeverisëse.
Sot Rama tha mirëmëngjes nga plazhi i Spillesë. ‘një tjetër perlë e bregdetit tonë, ju uroj një ditë të mbarë’, shkroi Rama.
Ajo që bie në sy, veç komenteve formale të militantëve, ishte numri i shtuar i qytetarëve që e shfrytëzojnë facebook-un e kryeministrit si dritare për të shprehur ankesat e tyre dhe problemet që ndeshin, në dukje të pazgjidhura nga organet kompetente.
Më poshtë, ju sjellim disa prej tyre që nisur nga postimi i Ramës për bregdetin, qytetarët i kujtojnë shefit të qeverisë se realiteti nuk është vetëm propaganda e mureve brenda kryeministrisë.
Ata i sjellin në vëmendje probleme me plazhet publike, hapësirat e zaptuara padrejtësisht, apo edhe ngërçi me Asamblenë e fundit të qindra psikologëve që i dhanë kartonin e kuq Valbona Treskës, ish presidentja që nuk e lëshon karrigen. /Politiko.al
Për shumë pacientë me skizofreni, sëmundje të tjera mendore apo kronike si hipertensioni dhe astma, marrja e përditshme e barnave është sfiduese. Për ta lehtësuar këtë proces, studiuesit e MIT-it kanë zhvilluar një pilulë që merret vetëm një herë në javë dhe lëshon ilaçin gradualisht nga stomaku.
Në një provë klinike të Fazës III, zhvilluar nga kompania Lyndra Therapeutics, e lindur nga MIT, pilula u përdor për të shpërndarë risperidonën, një ilaç i zakonshëm për menaxhimin e skizofrenisë. Studiuesit zbuluan se ky trajtim mbante nivele të qëndrueshme të ilaçit në trup dhe ishte po aq efikas sa dozimi i përditshëm.
Rezultatet u publikuan në Lancet Psychiatry.
“Kemi shndërruar një trajtim ditor në një trajtim javor, duke përdorur një teknologji që mund të përshtatet për ilaçe të ndryshme,” tha prof. Giovanni Traverso i MIT-it. “Një sistem i tillë e bën më të lehtë sigurimin që pacientët marrin terapinë e tyre.”
Kapsula, sa një multivitaminë, pasi gëlltitet, hapet në formë ylli dhe qëndron në stomak për një javë, duke lëshuar ngadalë ilaçin. Pas një jave, “krahët” e kapsulës shkëputen dhe kalojnë nëpër traktin tretës.
Në provën klinike, kapsula përmbante risperidonë. Në përgjithësi, pacientët e marrin këtë ilaç çdo ditë ose përmes injeksioneve periodike, që jo gjithmonë janë të pranueshme për ta.
Qëllimi i studiuesve ishte të ofronin një alternativë më të përshtatshme për pacientët dhe kujdestarët e tyre. Skizofrenia shpesh e bën të vështirë kujtesën për marrjen e terapisë, ndaj një opsion oral javor shihet si përparim i madh.
Në studim u përfshinë 83 pacientë në pesë vende të SHBA-së, prej të cilëve 45 përfunduan trajtimin pesëjavor me një kapsulë në javë. Niveli i risperidonës në gjak qëndroi brenda intervaleve optimale gjatë gjithë kohës dhe pati më pak luhatje krahasuar me dozimin ditor.
Simptomat e pacientëve u vlerësuan me metodën PANSS dhe mbetën të qëndrueshme gjatë gjithë studimit. Efektet anësore ishin minimale, disa patën refluks të lehtë dhe kapsllëk, por kaluan shpejt.
Kjo përfaqëson një hap të madh drejt një qasjeje të re për shpërndarjen e barnave, tha Traverso. Studiuesit synojnë të kryejnë prova më të mëdha përpara se të kërkojnë miratimin nga FDA-ja, dhe po planifikojnë edhe prova për ilaçe të tjera, përfshirë kontraceptivët.
“Është emocionuese të shohim që kjo teknologji, e nisur në MIT, ka arritur në Fazën III të provave klinike,” tha bashkëthemeluesi i Lyndra Therapeutics, Robert Langer. / Medical Xpress – Syri.net
Ministri izraelit i Mbrojtjes, Israel Katz, i bëri thirrje Egjiptit të bllokojë një marshimin global me qindra aktivistë pro-palestinezë që po shkonin drejt Gazës, ndërsa grupi mbërriti në kryeqytetin libian, Tripoli.
“Pres që autoritetet egjiptiane të parandalojnë mbërritjen e protestuesve xhihadistë në kufirin midis Egjiptit dhe Izraelit dhe të mos i lejojnë ata të kryejnë provokime ose të përpiqen të hyjnë në Gaza, një akt që do të rrezikonte sigurinë e ushtarëve (izraelitë) dhe i cili nuk do të lejohet”, tha Israel Katz në një deklaratë.
OJQ-ja që përfaqëson shumicën e aktivistëve në anijen Freedom Flotilla tha se dy nga aktivistët u vendosën në izolim në Izrael. “Autoritetet izraelite transferuan dy nga vullnetarët – brazilianin Thiago Avila dhe eurodeputeten franko-palestineze Rima Hassan – në ambiente të ndara burgjesh, larg të tjerëve, dhe i vendosën ata në izolim”, tha në një deklaratë OJQ-ja izraelite Adalah. Kur u pyet për koment, autoriteti izraelit i burgjeve ia referoi kërkesën Ministrisë së Jashtme, e cila tha se po verifikonte pretendimet e OJQ-së.
Katër militantët francezë pro-palestinezë që ende mbahen në Izrael, përfshirë Rima Hassan, një eurodeputete e lëvizjes së ekstremit të majtë La France Insoumise, do të dëbohen midis nesër dhe të premtes, njoftoi Ministri i Jashtëm Jean-Noël Barrot në X. “Faleminderit agjentëve tanë për mobilizimin e tyre të admirueshëm që lejoi këtë zgjidhje të shpejtë, pavarësisht ngacmimit dhe shpifjes ndaj të cilave iu nënshtruan.” La France Insoumise akuzoi autoritetet franceze se nuk vepruan, pasi Izraeli sekuestroi një anije që shkonte për në Gaza me 12 militantë pro-palestinezë në bord të hënën.
Mbrojtja Civile e Gazës, e udhëhequr nga Hamasi, thotë se 31 persona u vranë dhe dhjetëra të tjerë u plagosën nga zjarri izraelit pranë një qendre ndihme humanitare pranë pikës së kontrollit Netzarim në Rripin qendror të Gazës, raporton Wafa. Ushtria izraelite qëlloi “të shtëna paralajmëruese” ndaj palestinezëve që iu afruan forcave dhe “paraqitën kërcënim” në zonën e korridorit Netzarim në Gazën qendrore gjatë natës, tha ushtria izraelite. Autoritetet shëndetësore të Gazës thanë se rreth 25 persona u vranë nga zjarri izraelit, ndërsa iu afruan një vendi ndihme të drejtuar nga Fondacioni Humanitar i Gazës i mbështetur nga Izraeli dhe SHBA-të në të njëjtën zonë. IDF thotë se është në dijeni të raporteve për viktima në zonë dhe po heton më tej incidentin.
Patriarku Pizzaballa: ‘Në Gaza ekziston një situatë çnjerëzore’
Në Gaza “situata mbetet katastrofike, dramatike dhe çnjerëzore”. “Sistemi shëndetësor është shembur plotësisht, mungojnë ilaçet, higjiena, uji, ushqimi mungon prej muajsh dhe popullsia është e uritur”. “Jam i habitur, nuk mund ta kuptoj domethënien e gjithë kësaj që shkon përtej çdo kufiri të kuptueshëm”. Kjo u tha nga Patriarku Latin i Jerusalemit, Kardinali Pierbattista Pizzaballa për Rainews24. Kjo luftë “po paguhet nga të fundit, të varfrit, gratë, fëmijët që – të mos harrojmë – jo vetëm që janë të uritur, por as nuk shkojnë më në shkollë: është një situatë çnjerëzore”, “është diçka që ne fetarët e thërrasim në prani të Zotit”./ ANSA.
Shqiptarët vijojnë të jenë eksponentët kryesorë në trafikimin e drogës në Itali. Thuajse çdo ditë arrestohen shtetas me origjinë nga Shqipëria, në sasi të vogla dhe të mëdha.
Arrestimi i fundit ishte më 1 qershor 2025, ku një shqiptaru kap me 10 kilogramë kokainë në makinë.
I riu u ndalua në autostradë ndërsa drejtonte një Alfa Romeo. Droga u gjet nën mbulesën e ndarjes së rrotës rezervë, Vlera e ‘tullave” të kokainës nëse do të shitej në treg me pakicë do të kapte të paktën 1 mln euro të ardhura, shkruan media italiane.
FOTO ILUSTRUESE
TIRANË-Prokuroria e Tiranës ka regjistruar procedim penal për ‘Zbulim të akteve ose të dhënave sekrete’, pas publikimit të videos së vrasjes së 14 vjeçarit Martin Cani, pas një konflikti në Shkollën ‘Fan Noli’, ngjarje e ndodhur më 18 nëntor 2024 në Tiranë. Pamjet u publikuan ditën e djeshme (10 qershor) nga gazetari Eraldo Harlicaj, ku tregohej momenti kur të miturit hyjnë në një rrugicë për tu “sqaruar”, te vendi, ku dhe ndodhi vrasja.
Sipas Prokurorisë, pamjet e publikuara përputhen plotësisht me materialet filmike të administruara si prova në fashikullin hetimor, të cilat janë siguruar përmes kamerave të sigurisë që mbulojnë zonën ku ndodhi ngjarja. Prokuroria sqaron se pamjet filmike i janë dorëzuar më herët avokatit të familjes së viktimës, në përputhje me procedurat ligjore dhe kundrejt një deklarate për mospublikimin e tyre.
NJOFTIMI:
Prokuroria pranë Gjykatës së Shkallës së Parë të Juridiksionit të Përgjithshëm, Tiranë regjistroi procedim penal për veprën penale ‘Zbulimi i akteve ose të dhënave sekrete’ parashikuar 295/a pas publikimit në media dhe portale të ndryshme të një video mbi ngjarjen në shkollën 9-vjeçare ‘Fan Noli’, ku humbi jetën i mituri M.C.
Video e publikuar në disa media përmban pamje filmike të datës 18.11.2024, ku shfaqen të miturit me etiketimet e gjeneraliteteve të tyre përkrah secilit. Në kuadër të veprimeve hetimore të kryera në lidhje më këtë procedim, janë administruar në cilësinë e provës materiale edhe një CD me pamjet filmike të regjistruara nga kamerat e sigurisë që kanë fushëpamje në rrugën ku kanë kaluar të miturit drejt vendit të ngjarjes, veprim i cili është dokumentuar me procesverbalin për këqyrje dhe marrje të provës materiale nga ana e policisë gjyqësore. Pamjet filmike, që u publikuan dy ditë më parë në media e shpërndarë edhe në disa portale on-line, përmbajnë të njëjtat pamje filmike që ndodhen edhe në CD-në që u administrua në fashikullin hetimor’.
Në përfundim të hetimeve, CD-në me pamjet filmike të disponuara nga prokuroria, i janë vënë në dispozicion mbrojtësit të familjarëve të viktimës, avokatit, i cili e ka marrë atë dhe të gjitha aktet e fashikullit, kundrejt nënëshkrimit të deklaratës për mospublikimin e saj. Kjo çështje aktualisht është në gjykim në Gjykatën e Shkallës së Parë të Juridiksionit të Përgjithshëm Tiranë, ku po zhvillohet gjykimi në themel me dyer të mbyllura.
Konstatohet se në rastin konkret, me publikimin e videos, janë shkelur të dy detyrimet e parashikuara në nenin 103/1, 2 të Kodit të Procedurës Penale pasi janë publikuar prova (video) që janë akte të shqyrtimit gjyqësor me dyer të mbyllura si dhe janë publikuar me video, foto dhe gjeneralitete të pandehur, viktima dhe dëshmitarë të mitur të kësaj çështjeje. Nisur sa më sipër, ka të dhëna të mjaftueshme se janë konsumuar elementët e figurës së veprës penale “Zbulimi i akteve ose të dhënave sekrete”, të parashikuar nga neni 295/a i Kodit Penal’