Lajmidites.com

Day: May 8, 2025

  • VIDEO/ Shkullaku: As ne as Berisha nuk paskemi qenë anti-amerikanë; koha na dha të drejtë

    VIDEO/ Shkullaku: As ne as Berisha nuk paskemi qenë anti-amerikanë; koha na dha të drejtë

    Analisti Armand Shkullaku i ftuar në ‘Çim Peka LIVE’ në SYRI TV, u shpreh se, vendimi i Departamentit të Shtetit Amerikan u ka dhënë të drejtë, Sali Berishës dhe atij vetë.

    Gjatë bisedës në studio, Shkullaku deklaroi se, koha u dha të drejtë njerëzve që kundërshtuan non gratën e Sali Berishës.

    ‘Pse është i rëndësishëm njoftimi që u dha mbrëmë. Nuk e shoh të rëndësishëm për fatin e Berishës, edhe pse lidhet me një simbolikë, përpjekjen e një njeriu që para 4 vitesh të gjithë e dinin të vrarë politikisht, me Amerikën mbi shpinë, që çdo fushatë do dilte do duronte dhe Yuri Kimin që bënte thirrje, mos votoni non gratën.

    Me një njeri që i përçanë partinë, kur kryetari i partisë, e përjashtoi nga grupi parlamentar, kur një zallamahi e madhe njerëzish dilnin e thonin, mori fund Sali Berisha, një katastrofë, si mund të jeni me Sali Berishën, si mund të mbështesni Sali Berishën dhe të dilni kundër Amerikës.

    Kjo ishte e gjithë beteja dhe nga pikëpamja personale ka një vlerë për Sali Berishën, që në moshën e tij me vullnetin e tij, doli të tregojë diçka që në botë, por dhe në Shqipëri po zbehet, pra fuqinë e votës, fuqinë e përfaqësimit, fuqinë që të delegon votuesi jo fermanët e paguar.

    Unë kam qenë personalisht në një pozitë të vështirë për vite me radhë, përballë njerëzve që më thoshin, që si mund të jesh kundër Amerikës. Ti mund ti thoje sa të doje, që Amerika nuk është një, por janë disa Amerika.

    Më e rëndësishmja në deklaratë është fjalia; marrëdhëniet e SHBA-së me Shqipërinë, nuk mund të merren nga vendimet politike të ish-administratës Biden. Pra është e qartë  dhe pse? Çod të thotë merren peng. Për vendime politike të caktuara, për qëllime thellësisht politike të Edi Ramës dhe sponsorëve të tij në Uashington.

    A ka pasë ndonjëherë pikë më të ulët në marrëdhëniet shqiptaro amerikane se sa momenti i shpalljes së Sali Berishës non grata. Unë nuk kam parë ndonjëherë një vërshim në faqen e Ambasadës, kundër ambasadores në atë kohë, dhe Antoni Blinken.

    Pse, sepse te shqiptarët ishte krijuar perceptimi se këtu po bëhej një padrejtësi dhe Sali Berisha nuk ishte simboli i korrupsionit në këtë vend. Ishte e qartë që ajo gjë po bëhej për ti hapur rrugën dhe noterizuar një masakër elektorale në 2021. Ne e dimë se si i mori votat, Rama në 2021’, tha ndër të tjera, Armand Shkullaku në SYRI TV.

  • ‘Inteligjenca artificiale do t’i bëjë kafshët të komunikojnë si njerëzit’, thotë kompania kineze

    ‘Inteligjenca artificiale do t’i bëjë kafshët të komunikojnë si njerëzit’, thotë kompania kineze

    Kompania teknologjike kineze Baidu, e njohur si motori më i madh i kërkimit në Kinë, ka njoftuar se është duke zhvilluar një sistem që mund të përkthejë tingujt e kafshëve në gjuhë njerëzore duke përdorur inteligjencën artificiale (AI).

    Projekti ambicioz është zbuluar përmes një patente të re të regjistruar në Administratën Kombëtare të Pronësisë Intelektuale të Kinës, e cila u bë publike këtë javë. Sipas dokumentit të patentës, sistemi i propozuar do të mbledhë të dhëna të ndryshme nga kafshët, përfshirë vokalizimet, sjelljet dhe sinjalet fiziologjike, për t’i analizuar me një algoritëm të avancuar AI.

    Qëllimi i teknologjisë është të identifikojë gjendjen emocionale të kafshës dhe më pas ta përkthejë atë në fjalë të kuptueshme për njeriun, duke hapur rrugën për një komunikim më të saktë ndërmjet njerëzve dhe kafshëve, veçanërisht atyre shtëpiake.

    Një zëdhënës i Baidu konfirmoi se përkthyesi është “ende në fazën e kërkimit”, por theksoi se ka pasur ‘interes të madh’ për këtë iniciativë, si nga publiku ashtu edhe nga studiuesit.

    Megjithatë, reagimet në mediat sociale kineze janë përzier. Disa përdorues kanë shprehur entuziazëm për mundësinë e rritjes së mirëkuptimit me kafshët, ndërsa të tjerë janë më të rezervuar.

    “Ndërsa tingëllon mbresëlënëse, do të duhet të shohim se si do të funksionojë në praktikë,” shkroi një komentues.

    Përkthimi i ‘gjuhës së kafshëve’ në fjalë njerëzore ka qenë për shumë kohë një ëndërr e dashamirësve të teknologjisë dhe kafshëve, por vetëm me avancimin e AI-së po bëhet gjithnjë e më i arritshëm. Projekti i Baidu mund të shënojë një hap të rëndësishëm drejt asaj që dikur dukej si fantashkencë. Syri.net-CNN.gr.

  • Zelenski dhe Trump zhvilluan një bisedë telefonike, ja çfarë diskutuan

    Presidenti i SHBA-së, Donald Trump, zhvilloi një bisedë telefonik me homologun e tij ukrainas Volodymyr Zelenski, ku në fokus ishin marrëveshja për metalet e çmuara në Ukrainë.

    Siç njoftoi Kievi, biseda telefonike midis Zelensky dhe Trump erdhi pasi parlamenti i Ukrainës miratoi këtë marrëveshjen të nënshkruar fillimisht me palën amerikane.

    “Zelensky zhvilloi një bisedë telefonike me presidentin amerikan Donald Trump. Ne do t’i bëjmë publike detajet”, tha zëdhënësi i presidentit ukrainas, Serhiy Nikiforov. Syri.net-iefimerida

  • “Pres me padurim të takoj Papa Leonin XIV”, Trump: Nder për vendin tonë!

    “Pres me padurim të takoj Papa Leonin XIV”, Trump: Nder për vendin tonë!

    Donald Trump

    SHBA- Presidenti amerikan Donald Trump ka reaguar pas zgjedhjes së Papës së Ri, Robert Francis Prevost. Trump është shprehur se është një nder i madh se Papa i Ri është një amerikan.
    “Urime Kardinalit Robert Francis Prevost, i cili sapo u emërua Papë. Është një nder i madh të kuptojmë se ai është Papa i parë amerikan. Çfarë emocioni dhe çfarë nderi i madh për vendin tonë. Pres me padurim të takoj Papën Leo XIV. Do të jetë një moment shumë domethënës!”, shprehet Trump.
    Kardinali Protodeakoni Dominique Mamberti e shpalli atë në Lozhën e Bekimeve në Bazilikën e Shën Pjetrit, me formulën “Annuntio vobis gaudium magnum, habemus Papam”. Ka kaluar shumë kohë që kur kemi pasur një papë me këtë emër: Leoni i fundit, Leo XIII, u zgjodh në 1878 dhe shërbeu deri në vdekjen e tij në 1903./ZËRI

  • ‘Berisha nuk ka dalë nga lista e zezë e Shteteve të Bashkuara të Amerikës’, Buzhala: Është thjesht leje për vizë

    ‘Berisha nuk ka dalë nga lista e zezë e Shteteve të Bashkuara të Amerikës’, Buzhala: Është thjesht leje për vizë

    Gazetari kosovar Berat Buzhala ka komentuar deklaratën e gazetarit amerikan Mark Caputo, i cili përmes një postimi në Twitter ka pretenduar se ka komunikuar me një përfaqësues të Departamentit Amerikan të Shtetit për çështjen e udhëtimit të Sali Berishës në SHBA. Caputo ka lënë të kuptohet se udhëtimi i Berishës në disa raste nuk përjashtohet plotësisht.
    Sipas Buzhalës, kjo deklaratë nuk përbën një dalje të Berishës nga “lista e zezë”, por më shumë një lehtësim që lidhet me çështjen e vizës. Ai e quajti deklaratën ofenduese në formën e saj dhe vuri në dyshim seriozitetin e saj duke thënë se, po të ishte një zhvillim real dhe zyrtar, do të ishte bërë publik nga figura të nivelit të lartë si senatori amerikan Marco Rubio.
    “Kjo s’është dalje nga lista e zezë, kjo është një shkurtim për vizën, domethënë që mundet me shku. Edhe pse forma e deklaratës është goxha ofenduese. Po është ofenduese sepse Marco Rubio ka Twitter dhe Berishën, së paku, që e kishte futur Blinken-i, tani Marco Rubio do e postonte në Twitter që ‘ne ja hoqëm non gratën Berishës’”, tha Buzhala.
    Ai shtoi se gjithsesi, zhvillimet e fundit po shkojnë në favor të Berishës dhe se tani opozita nuk ka më hapësirë për t’u ankuar në rast humbjeje në zgjedhjet e 11 majit.
    “Gjithë yjet janë rreshtuar për Berishën dhe tani le ta shohim rezultatin të dielën. Mos ta bëjmë qaramanin pas zgjedhjeve – ‘nuk na votuan se ishim në listë të zezë’, ‘nuk na votuan se ishim në arrest’ – dhe Berisha me i pas kurdisur vetë yjet nuk do e bënte gjërat kaq mirë. Kështu kisha bërë dhe unë po të isha si Berisha: kisha qëndruar në paraburgim, kisha dalë nga paraburgimi, kisha dalë nga lista e zezë tre ditë para zgjedhjeve”, përfundoi Buzhala.

  • “Mos u bëni mish për top”, Basha: SPAK dhe BKH në qendrat e votimit, kush prek votën, përfundon në burg

    “Mos u bëni mish për top”, Basha: SPAK dhe BKH në qendrat e votimit, kush prek votën, përfundon në burg

    Në emisionin “360 gradë”, drejtuesi politik i Koalicionit Euroatlantik, Lulzim Basha, është shprehur se shitblerja e votës është një plagë që ka prokur çdo zgjedhje në Shqipëri, por kësaj radhe SPAK mund edhe ta parandalojë. Basha tha se sipas informacioneve që ka, plani i SPAK është që goditjet ndaj personazheve që mund të trysnojë votuesit apo numëruesit do të vazhdojë edhe gjatë votimit edhe gjatë numërimit.
    Sipas tij, ky është një inkurajim për qytetarët që të dalin të votojnë dhe është një paralajmërim për të gjithë ata që përdorëen si vegla nga korrupsioni, nga qeveria e korruptuar e Edi Ramës dhe nga banditët që duan pushtet.
    “Shitblerja e votës apo problemet me sigurinë e votës janë plagë që ka prekur zgjedhje pas zgjedhje Shqipërinë, kjo tashmë është e faktuar. Ndaj, në përgjigje mund të them vetëm respekt dhe mbështetje totale ndaj SPAK-ut dhe ky është një mesazh edhe për votuesit. E di që plani i SPAK-ut përfshirë jo vetëm goditje të tilla, por edhe goditje gjatë ditës së votimit dhe gjatë procesit të numërimit. Kam informacione, sepse në rrugë zyrtare i jemi drejtuar SPAK-ut me disa shqetësime dhe me sa e kuptoj, SPAK dhe BKH do të jenë të pranishëm me pranga me vete, për t’ia vënë çdokujt për arrestime në flagrancë qoftë në qendrat e votimit, qoftë në qendrat e numërimit të votave. Kështu që ky është inkurajim për qytetarët shqiptarë që të dalin të votojnë dhe është një paralajmërim për të gjithë ata që përdorëen si vegla nga korrupsioni, nga qeveria e korruptuar e Edi Ramës dhe nga banditët që duan pushtet, për t’i goditur. Është një thirrje që mos u bëni mish për top sepe do të përfundoni aty ku e keni vendin parapa hekurave” – tha Basha.

  • Nga distanca personale tek mbështetja politike, Kryemadhi flet pa ‘doreza’: Ja pse vendosa të mbështes Ilir Metën

    Nga distanca personale tek mbështetja politike, Kryemadhi flet pa ‘doreza’: Ja pse vendosa të mbështes Ilir Metën

    Ish-kryetarja e LSI-së, Monika Kryemadhi, e ftuar në  një emision televiziv, sqaroi pse vendosi të dalë në mbështetje të Ilir Metës, edhe pse tashmë është ndarë me të.
    Kryemadhi u shpreh se në aspektin moral dhe njerëzor kërkon votë për Ilir Metën dhe nuk i intereson aspak se çfarë thonë njerëzit.
    “Mund ta kem gabim, aktet politike nuk mbarojnë. Në marrëdhënie me votën time nuk kisha ndërmend të bëja fushatë, por kur babai im doli në listë të hapur, më bëri të jap kontributin tim. Normalisht do të isha me opozitën, por në të tilla kushte vendosa kështu. Prandaj po kërkoj një votë për Ilir Metën, nuk më intereson se çfarë thonë njerëzit. Kujtimet janë më shumë të mira, kështu që në aspektin moral e njerëzor vendosa kështu, por edhe në aspektin politik.
    Më parë kam bërë fushatë derë më derë. Njerëzit e kanë mendjen për të cilin votojnë, janë të qartë. Mbetet vetëm një 2%, që ndodh që edhe blihen. Tashmë po kërkoj votë për babain e fëmijëve të mirë, për ish-bashkëshortin dhe ish-presidentin e vendit tim. Kam konstatuar se votuesi është më i zhdërvjelltë dhe më i organizuar se vetë partitë. Një në 4 persona njëherë ka votuar LSI ose për Ilir Metën. Ka shumë emigrantë që kanë votuar sërish. Probabiliteti më i madh i blerjes së votës ka qenë në Greqi, sa i përket votës së Diasporës.
     

     
    Fryma është shumë e mirë, punoj në Qarkun e Tiranës. Kjo ka ardhur edhe si pasojë e atij presioni që vinte nga Bashkia e Tiranës, pasi janë 15 mijë punonjës, pa harruar presionin nëpërmjet lejeve” – tha ndër të tjera Kryemadhi.
     

  • Kërkohej nga Interpol Tirana për kultivim narkotikësh, arrestohet 73-vjeçari shqiptar në Janinë

    Kërkohej nga Interpol Tirana për kultivim narkotikësh, arrestohet 73-vjeçari shqiptar në Janinë

    Një shtetas shqiptar 73-vjeç është ndaluar nga policia greke në qytetin e Janinës, pasi rezulton i shpallur në kërkim ndërkombëtar nga autoritetet shqiptare.
    Sipas njoftimit zyrtar, ndaj të moshuarit ekziston një urdhër arresti i lëshuar nga Interpol Tirana për veprën penale “kultivim i bimëve narkotike”. Ai kërkohej nga drejtësia shqiptare që prej muajit korrik të vitit 2022.
    Ndalimi i tij është kryer nga oficerët e policisë të Nëndrejtorisë së Hetimit Penal dhe Ndjekjes Penale në Janinë. Autoritetet greke pritet ta ekstradojnë 73-vjeçarin drejt Shqipërisë.

  • Prel Dedaj: Dy fjalë për ata që shesin, ata që blejnë e ata që nuk e ushtrojnë të drejtën e votës

    Prel Dedaj: Dy fjalë për ata që shesin, ata që blejnë e ata që nuk e ushtrojnë të drejtën e votës

    -Nga Prel Dedaj, kandidat për deputet në qarkun e Lezhës për “Koalicionin Euroatlantik”-
     

    Dy fjalë për ata që shesin, ata që blejnë e ata që nuk e ushtrojnë të drejtën e votës.
    Për atë që shet votën, edhe ai që ia blen, bile edhe ai  i madhi fare që jep paratë, mendojnë që “çfarë mund të mos shesë ky njeri i mjerë” duke i ngelur grushti me gishta mbledhur, ndërsa numërojnë gjërat e pashitshme të tij…
    Ai që blen votën është përfituesi i gjithë çfarë vjen më pas, është realisht përfituesi deri i ekzistencës si njeri, të atij që e shet votën.
    Ai që nuk voton, do të thotë që pranon të qeveriset nga “ata që blejnë ata që votojnë”…
    Lincoln mësonte djalin e tij të shesë talentin e vet, tek ofertuesi më i lartë, por mos të pranojë asnjë lloj çmimi për shpirtin, zemrën dhe dinjitetin e vet…
    Në këto elementët paçmin, është edhe e drejta për të vendosur se çdo bëhet me jetën tënde, me jetën e fëmijëve tu dhe brezave që vijnë.
    Në rast se ti i vendos çmim një diçkaje, do të thotë që t’i pranon idenë që mund të mos e kesh atë që po shet për të pasur ato dy lek në vend të saj, por problemi është që vota dhe dinjiteti janë ato lloj “mallrash” që sapo i shet mundësia për t’i blerë nuk ekziston…
    Atëherë pyetja pse nuk ka siguri as fizike, është pa vend: ti ke pranuar që ai që të bleu ty të jetë shef policie.
    Atëherë pyetja pse ilaçet nuk japin efekt e ka një përgjigje: janë fallco sepse ti ke pranuar vetë të jenë ashtu, që kur lejove të ngrihet një shtet që nuk e kontrollon cilësinë e asgjëje.
    Kështu mund të themi për çdo fushë të jetës, për korrupsionin, për nepotizmin, për punësimet klienteliste, për hapësirat e lirisë që zaptohen me të fortë, si territori nga kullat e korrupsionit, etj etj.
    Epilogu është i dhimbshëm: hemoragji shoqërore, varfëri extreme, shtëpi me prindër që flasin me mall për fëmijët që kanë larg, kujtojnë me nostalgji kohën kur kanë jetuar…
    Por është vonë.
    Edhe protestat nuk zgjidhin gjë, sepse ti nuk vjen dot, jo vetëm sepse ai që të bleu ta bën me gisht, po edhe sepse këpucët që pate blerë me lekët që more për votën t’u kanë grisur…
    Ndaj refuzojini ofertat!
    Ju bëj lutje e thirrje bashkë!
    Shihni projeksionet e jetës që duam të ndërtojmë, jo në rrugët e “pashkelura” dhe as me sfond fasadat që fshehin qëllimisht kalbësinë e thelbit. Por në hapësirat e qytetërime që njerëzimi krijoi në të cilin shteti nuk blen vota por krijon mundësi të   barabarta.
    Ta bëjmë Shqipërinë me votën tuaj vend tek i cili nuk janë vetëm toka dhe brigjet e saj euroatlantike, por edhe njerëzit, edhe jeta e tyre.

  • “Nuk më vjen keq për Ilir Metën, por për fëmijët e mi”/ Monika Kryemadhi: Për Shqipërinë shkatërrova familjen

    “Nuk më vjen keq për Ilir Metën, por për fëmijët e mi”/ Monika Kryemadhi: Për Shqipërinë shkatërrova familjen

    Monika Kryemadhi, ish-bashkëshortja e Ilir Metës, presidentit të Partisë së Lirisë ka deklaruar në emisionin “LOG.” se sot i vjen keq vetëm për fëmijët e saj që ngrihen në mëngjes për të mbledhur votat për babain e tyre.
    Kryemadhi tha se nuk i vjen keq për Ilir Metën, por vetëm për fëmijët e saj.

    E pyetur nga analistët, nëse i vjen keq për shqiptarët, zonja Kryemadhi tha se ajo ka qenë e vetmja që ka denoncuar e para inceneratorët dhe sipas saj nëse Shqipëria do të presë nga një grua e divorcuar me 3 fëmijë, ka marrë fund.
    “Shqiptarët qeshin kur Rama u shan burrat cyrykë, ata duhet të dalin të votojnë”, tha Kryemadhi.