Lajmidites.com

Day: April 29, 2025

  • Emri/ Laborator droge në Britani! U kap me kokainë dhe armë, burg për 41-vjeçarin shqiptar

    Emri/ Laborator droge në Britani! U kap me kokainë dhe armë, burg për 41-vjeçarin shqiptar

    Shqiptari Lorenc Lika është dënuar më 8 vite e 9 muaj burg pasi është kapur në një laborator kokaine në qendër të Birminghamit në Britaninë e Madhe.

    Gjatë kontrollit fizik, autoritetet britanike gjetën një gamë të gjerë pajisjesh të përdorura për procesin e prodhimit të paligjshëm, brenda apartamentit në Bell Barn Road. Mes tyre u gjetën sasi kokainë dhe një pistoletë, të fshehura Brenda një kutie bizhuterish.
    Arrestimi i 41-vjeçarit u bë më 25 shkurt, ndërsa në 24 prill u dha dënimi nga gjykata e Birminghamit.

    Top Channel

  • Rama: Unë nuk kam asnjë lekë të padeklaruar, ndërsa ‘Këneta’ nxori nga barku 6 milionë $

    Rama: Unë nuk kam asnjë lekë të padeklaruar, ndërsa ‘Këneta’ nxori nga barku 6 milionë $

    Kryeministri Edi Rama, njëkohësisht kryetari i Partisë Socialiste, gjatë komunikimit “Sy m’sy” me qytetarët në rrjetet sociale, theksoi se nuk ka asnjë lekë të padeklaruar, duke ironizuar më tej Partinë Demokratike.

    “Unë nuk kam lekë të padeklaruara, çfarë kam, e kam të deklaruar! Kurse këneta nxori nga barku 6 milionë dollarë”, tha Rama.

    Top Channel

  • Pa program, pa bilanc, Rama vijon më tallavanë e tij politike në Sy m ‘Sy: Hajdutët e PS edhe pse në burg nuk duhet të dorëhiqen

    Pa program, pa bilanc, Rama vijon më tallavanë e tij politike në Sy m ‘Sy: Hajdutët e PS edhe pse në burg nuk duhet të dorëhiqen

    Kryeministri Edi Rama, gjatë rubrikës së tij të propagandës Sy m’Sy, iu është përgjigjur një qytetari, i cili i kërkoi të japë dorëheqjen duke u shprehur se “Erion Veliaj është në burg”.

    Kreu i qeverisë u shpreh se teoria që jep dorëheqjen se është ky apo ai në burg nuk funksionin.

    Në tashmë e dimë se të gjithë hajdutët që Rama solli në qeverinë qendrore dhe lokale për të vjedhur, kanë vjedhur pa dijeninë e tij. Po të gjithë ama. Dhe nuk janë pak shumat e abuzimit, kapin miliona e miliona euro. Por përgjegjësia është personale. Se SPAK akoma nuk ka mundësi ta thërrasë e ta pyesë Ramën për gjithë këtë batërdi. E lë më, ti marrë telefonin. Ju kujtohet kërcënimi që bëri në mbledhjen e grupit të partisë së tij aty ku jepte urdhërat për SPAK që të prangoste opozitën. Dhe ka në çdo dalje publike që thotë se Dumani është i mirë…

     “Atë që nuk e realizojnë dot në fushën e ballafaqimit elektoral me popullin mendojnë se mund ta realizojnë duke nxitur SPAK dhe duke shpresuar se SPAK do të shkrijë PS”, deklaroi Rama.

    Por kreu i rilindjes përveç fyerjeve për shqiptarët nuk ka ofruar ndonjë gjë që nga dita e para e fushatës. Opozita ka program të qartë. Kurse ai ka tallvanë e tij mendore, intelektuale, dhe programore me të cilën kërcen nga qyteti në qytete duke sharë e fyer shqiptarët, gratë dhe burrat. Nuk flet as për program as për zhvillim, s’ka bilanc. Deri para pak ditësh kishte recitalin “pasaporta” por duket se e ka harrura këtë çështje. Ishte mashtrim shumë i trashë dhe e kuptoi. Tani iu kthye fushatës se modelit të klounit që të manipulojë edhe një herë mendjen e votuesve. Por duket se edhe kjo nuk po i funksionon. Pasi njerëzit i kërkojnë llogari për hallet e tyre e jo për hallet e tij që nuk kanë asnjë lidhje me njëra – tjetrën. Ai ka hall si të vjedhë me shumë me bandën e tij. Ndërsa qytetarët, përveçse nuk duan të vidhen,  duan më shumë punë, ujë, dhe investime që fëmijët e të rinjtë të mos e braktisin këtë vend.

    Edi Rama:  Dhe nga ana tjetër duke bërë presion qesharak, si mund të votohet ky, ka gjysmën e qeverisë në burg, gjysmën e partisë në burg, pikërisht pse populli është një shkallë më lart se më i zgjuari dhe i bukuri nga të gjithë ju, nuk e ha këtë lloj propagande.

    Pra sipas liderit global. Nëse vjedh, arrestohesh kjo quhet vlerësim. Nuk është aspak problem. Biles njerëzit duhet të të votojnë për këtë. Një forcë politike që siç e thotë ai gjysma janë në burg e gjysma tjetër janë me njërën këmbë në SPAK, është bërë problem për vend,  e tjetrën jashtë nuk duhet të qeverisë. Kjo nuk ka nevoje për shumë analiza. Por Rama ka modelin e etërve për qëndruar.

  • Kanceri oral dhe pijet e gazuara: Studimi i ri tregon një lidhje të mundshme

    Kanceri oral dhe pijet e gazuara: Studimi i ri tregon një lidhje të mundshme

    Shumica e njerëzve janë të vetëdijshëm se pijet e ëmbëlsuara me sheqer, si ato me gaz, nuk janë ndër zgjedhjet më të shëndetshme ushqimore. Tani, një hulumtim i ri ka zbuluar një rrezik të mundshëm tjetër që lidhet me këto pije të ëmbla: kancerin e zgavrës së gojës.

    Studimi, i publikuar muajin e kaluar në revistën JAMA Otolaryngology–Head & Neck Surgery, zbuloi një lidhje mes konsumit më të lartë të pijeve të ëmbëlsuara me sheqer dhe rrezikut më të lartë për zhvillimin e kancerit të zgavrës së gojës (OCC) te gratë.

    Studiuesit analizuan të dhënat e 162,602 grave, prej të cilave 124 zhvilluan OCC gjatë periudhës së vëzhgimit.

    Ata zbuluan se gratë që konsumonin të paktën një pije të ëmbëlsuar me sheqer në javë kishin një rrezik 4.87 herë më të lartë për OCC, krahasuar me ato që konsumonin më pak se një pije të tillë në muaj.

    Ky rrezik i shtuar mbetej i pranishëm edhe nëse gratë nuk kishin sjellje të tjera të dëmshme si pirja e duhanit apo konsumimi i alkoolit. Në fakt, te gratë që nuk përdornin as duhan as alkool, konsumimi i të paktën një pije të ëmbëlsuar çdo ditë lidhej me një rrezik 5.46 herë më të lartë për zhvillimin e OCC-së, krahasuar me ato që pinin më pak se një në muaj.

    OCC përfshin kanceret që zhvillohen në pjesë të ndryshme të gojës, si gjuha, mishrat e dhëmbëve, faqet e brendshme apo bajamet. Kjo formë kanceri është më e zakonshme tek burrat dhe zakonisht lidhet me pirjen e alkoolit ose përdorimin e produkteve të duhanit. Në SHBA, pritet që në vitin 2025 të ketë rreth 60,000 raste të reja me kancer të zgavrës së gojës dhe të orofaringut (zona e fytit të mesëm).

    Megjithatë, në mbarë botën, ekspertët po vërejnë një rritje të rasteve me kancer oral te gratë jo-duhanpirëse, tha për Health autorja e studimit, dr. Brittany Barber, profesoreshë në Departamentin e Otolaringologjisë në Universitetin e Uashingtonit.

    Sipas saj, ky studim mund të shërbejë si një pikënisje për hulumtime të tjera që do të shqyrtojnë më thellë rolin e dietës dhe zakoneve ushqimore në zhvillimin e këtij lloj kanceri. / Health – Syri.net

     

     

  • Depresioni dhe sëmundjet kardiovaskulare u kushtojnë mbi 100 miliardë euro në vit në BE-së për shkak të kushteve të këqija në punë

    Depresioni dhe sëmundjet kardiovaskulare u kushtojnë mbi 100 miliardë euro në vit në BE-së për shkak të kushteve të këqija në punë

    Një studim i Institutit Evropian të Sindikatave (ETUI), i publikuar të hënën, ka vlerësuar koston ekonomike të depresionit dhe sëmundjeve kardiovaskulare të shkaktuara nga pesë faktorë psikosocialë në vendin e punës. Sipas këtij raporti, Bashkimi Evropian humbet mbi 100 miliardë euro në vit si pasojë e depresionit të lidhur me punën.

    Pesë rreziqet psikosociale të identifikuara janë: stresi në punë, orët e gjata të punës, pasiguria në vendin e punës, mungesa e balancës mes përpjekjes dhe shpërblimit, si dhe ngacmimi moral. Këto rreziqe, sipas të dhënave të mbledhura që nga viti 2015, mund të kenë pasoja tragjike.

    Sipas studiueses Sonia Nawrocka nga ETUI, rreth 6,000 vdekje nga sëmundjet e zemrës dhe mbi 5,000 vetëvrasje të shkaktuara nga depresioni janë rezultat i ekspozimit ndaj këtyre rreziqeve psikosociale. Në të njëjtin vit, janë humbur më shumë se 400,000 vite jetë për shkak të sëmundjeve kardiovaskulare dhe depresionit.

    “Bëhet fjalë për vdekje të parandalueshme,” thekson Dimitra Theodori, drejtuese e sektorit të shëndetit dhe sigurisë në ETUI.

    Instituti vlerëson se 8% e rasteve me sëmundje kardiovaskulare dhe 23% e rasteve me depresion kanë si shkak këto rreziqe në vendin e punës. Kostoja e depresionit bie rëndë mbi punëdhënësit, për shkak të mungesës së produktivitetit, sëmundjeve të vazhdueshme dhe mungesave nga puna. Por edhe prezenca në punë pa produktivitet (presenteeism) për shkak të gjendjes së dobët mendore, shton koston.

    Sipas raportit, vendet më të prekura për nga kostoja për çdo 100,000 punëtorë janë Franca, Belgjika, Finlanda, Irlanda dhe Holanda.

    Studimi është i pari që përllogarit ndikimin ekonomik të depresionit dhe sëmundjeve të zemrës të lidhura me faktorët psikosocialë në punë. ETUI po pret rezultatet e reja nga sondazhet e Eurofound, të cilat janë shtyrë për shkak të pandemisë së vitit 2020, për të vazhduar me analizat krahasuese.

    Në përfundim, ETUI i bën thirrje Komisionit Evropian që të propozojë një direktivë të re për shëndetin mendor në punë, e cila të përfshijë udhëzime për parandalimin e këtyre rreziqeve dhe përfshirjen aktive të vetë punonjësve në këtë proces.

  • Kalimet e paligjshme të migrantëve: Cila po bëhet rruga më e vështirë për në Evropë?

    Kalimet e paligjshme të migrantëve: Cila po bëhet rruga më e vështirë për në Evropë?

    Kalimet e paligjshme të migrantëve drejt Bashkimit Evropian kanë pësuar një rënie të ndjeshme me afro një të tretën në tremujorin e parë të vitit 2025, sipas të dhënave të publikuara nga agjencia evropiane e mbrojtjes së kufijve të jashtëm, Frontex.

    Sipas raportit, gjatë kësaj periudhe janë regjistruar rreth 33,600 raste të kalimeve të paligjshme, një rënie prej 31% krahasuar me të njëjtin tremujor të vitit të kaluar. Ulja është vënë re në të gjitha rrugët që çojnë drejt kontinentit.

    Rënia më e madhe është shënuar në rrugën e Ballkanit Perëndimor, me një ulje drastike prej 64%. Ekspertët e lidhin këtë me disa faktorë, përfshirë kontrollet e shtuara kufitare nga vendet e Ballkanit, kushtet e vështira klimatike gjatë dimrit dhe vetëdijësimin në rritje për rreziqet e shkeljeve të të drejtave të njeriut.

    Analistja e migracionit pranë Qendrës për Politika Evropiane, Helena Hahn, përmendi gjithashtu ndikimin e faktorëve gjeopolitikë, si ndryshimi i regjimit në Siri, që solli një ulje prej 17% të aplikimeve për azil në vitin 2024. Ajo megjithatë paralajmëroi se numrat mund të rriten sërish drejt fundit të verës dhe në vjeshtë.

    Një tjetër rënie e ndjeshme është regjistruar në rrugën e Afrikës Perëndimore drejt Spanjës, konkretisht Ishujt Kanarie, me 30% më pak tentime. Ulje të ngjashme ka patur edhe në rrugën e Mesdheut Lindor, që lidh Afganistanin, Sudanin dhe Egjiptin me Qipron, Greqinë dhe Bullgarinë – me 29% më pak kalime.

    Në vend të tretë për rënie vjen rruga e Mesdheut Qendror (nga Afrika Perëndimore dhe Qendrore përmes Nigerit dhe Libisë drejt Italisë), me një ulje prej 26%.

    Sipas të dhënave të Frontex, rruga më aktive në tremujorin e parë ishte ajo e Mesdheut Lindor me 9,267 tentativa kalimi, ndjekur nga ajo e Afrikës Perëndimore me 9,205 – kryesisht nga Mali, Senegali dhe Guinea – dhe rruga e Mesdheut Qendror me 8,542 tentativa, kryesisht nga Bangladeshi, Pakistani dhe Siria.

    Megjithatë, Mbretëria e Bashkuar vazhdon të jetë destinacioni final për shumë migrantë, pasi vetëm në katër muajt e parë të vitit janë regjistruar 11,000 tentativa kalimi nga Franca drejt Britanisë përmes Kanalit.

  • Banorët e Qafë Gjashtë ankohen në Saranda Web: Kemi 3 ditë pa ujë

    Banorët e Qafë Gjashtë ankohen në Saranda Web: Kemi 3 ditë pa ujë

    Banorët e Qafë Gjashtë ankohen në Saranda Web: Kemi 3 ditë pa ujë
     
    Një qytetar nga lagjja 6 në zonën e Qafë Gjashtës ka dërguar një ankesë pranë Saranda Web, duke ngritur shqetësimin për mungesën e ujit të pijshëm në këtë zonë prej tre ditësh.
     
    “Përshëndetje Saranda Web. Jam një banor i lagjes 6 në Qafë Gjashtë. Kemi 3 ditë pa ujë. As fqinjët nuk kanë ujë. Uji ka 3 ditë që nuk vjen. Ju lutem publikojeni ankesën tonë,” – thuhet në mesazhin e dërguar.
     

     
    Banorët kërkojnë vëmendjen e autoriteteve përgjegjëse për të ndërhyrë menjëherë dhe për të zgjidhur këtë problem, i cili po ndikon në jetën e përditshme të familjeve në këtë zonë. Ata theksojnë se mungesa e informacionit dhe ndërprerjet pa njoftim paraprak e bëjnë situatën edhe më shqetësuese.
     
    Saranda Web fton institucionet përkatëse të japin një sqarim mbi këtë mungesë dhe të njoftojnë publikun për shkaqet e mungesës së ujit.
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb

  • “Shqipëria në fokusin europian”, IPPF dhe ACPD angazhohen për shëndetin riprodhues dhe të drejtat e çdo individi

    “Shqipëria në fokusin europian”, IPPF dhe ACPD angazhohen për shëndetin riprodhues dhe të drejtat e çdo individi

    Qendra Shqiptare për Popullsinë dhe Zhvillimin (ACPD) ka mirëpritur dy përfaqësues të lartë të Rrjetit Evropian të IPPF, Z. Alvaro Bermejo dhe Micah Grzywnowicz. Takimi u zhvillua në Ambasadën Hollandeze, ku u theksua rëndësia e të drejtave të shëndetit seksual dhe riprodhues në Shqipëri. Ky bashkëpunim është një hap i rëndësishëm për të siguruar qasje të barabartë dhe cilësore për çdo individ, veçanërisht për të rinjtë dhe grupet në nevojë.
    ACPD dhe IPPF janë të angazhuar për një të ardhme më të shëndetshme dhe më të drejtë për shoqërinë shqiptare. ““Qendra Shqiptare për Popullsinë dhe Zhvillimin (ACPD) pati kënaqësinë të mirëpriste dy përfaqësues të lartë të Rrjetit Evropian të IPPF (International Planned Parenthood Federation): Z. Alvaro Bermejo, Drejtor i Përgjithshëm IPPF, dhe Micah Grzywnowicz, Drejtor Rajonal IPPF @ippf_global . Vizita nisi me një takim në Ambasadën Hollandeze Embassy of the Netherlands in Albania me Ambasadorin z. Reinout Vos, ku u diskutua rëndësia e të drejtave të shëndetit seksual dhe riprodhues në Shqipëri. Ky bashkëpunim i vazhdueshëm është një dëshmi e përkushtimit tonë të përbashkët për të garantuar qasje të barabartë dhe cilësore për çdo individ, veçanërisht për të rinjtë dhe grupet në nevojë. #IPPF #ACPD #humanrights #sexualreproductivehealth #collaboration”, njofton ACPD.

  • Arrestimi i Kryebashkiakut Veliaj/ Rama u përgjigjet komentuesve: Kjo është shpresa e kënetës, që SPAK-u të shkrijë…

    Arrestimi i Kryebashkiakut Veliaj/ Rama u përgjigjet komentuesve: Kjo është shpresa e kënetës, që SPAK-u të shkrijë…

    Në bashkëbisedimin “Sy m’sy”, Kryeministri Rama u përgjigjet komentuesve në lidhje me dorëheqjen e tij, pas arrestimit të Kryebashkiakut Veliaj.Ai ironizoi opozitën duke theksuar se proceset hetimore janë shpresa e vetme e kënetës së madhe, por edhe e moçaleve të vogla. Kreu i qeverisë u shpreh se teoria që jep dorëheqjen se është ky apo ai në burg nuk funksionin.
    “Atë që nuk e realizojnë dot në fushën e ballafaqimit elektoral me popullin mendojnë se mund ta realizojnë duke nxitur SPAK dhe duke shpresuar se SPAK do të shkrijë PS”, deklaroi Rama.
    Edi Rama: Ku u ke parë këto dorëheqjet me asosacion se nuk të kuptoj, e di që tani më kjo historia e proceseve hetimore e gjyqësore është shpresa e vetme jo vetëm e kënetës së madhe por edhe e moçaleve të vogla. Atë që nuk e realizojnë dot në fushën e ballafaqimit elektoral me popullin mendojnë se mund ta realizojnë duke nxitur SPAK dhe duke shpresuar se SPAK do të shkrijë PS.
    Dhe nga ana tjetër duke bërë presion qesharak, si mund të votohet ky, ka gjysmën e qeverisë në burg, gjysmën e partisë në burg, pikërisht pse populli është një shkallë më lart se më i zgjuari dhe i bukuri nga të gjithë ju, nuk e ha këtë lloj propagande. Sepse populli ka një kujtesë, pse nuk ndodhnin më para këto procese, që dikush të hetohej e dënohej. Pse ndodh sot? Kjo teoria që jep dorëheqjen se është ky apo ai në burg nuk funksionin, fare, hiç, zero, dhe një nga arsyet pse PS do të marrë rezultatin më të mirë nën drejtimin tim është se për herë të parë populli shqiptar po shikon përpjekje për të vendosur barazi para ligjit.

  • Rritet paga minimale në Rajon, Shqipëria mbetet e fundit

    Rritet paga minimale në Rajon, Shqipëria mbetet e fundit

    Vendet e Rajonit kanë vijuar me rritje të fortë të pagave edhe pse produktiviteti i punës nuk po ecën më të njëjtin ritëm.
    Bosnja dhe Hercegovina kishte diferencën më të madhe paga-produktivitet, ndërsa Serbia më të ulëtën, pasi rritja e pagave shoqërua me një rritje të ngjashme të produktivitetit prej 7 për qind, sipas një analize të fundit të Bankës Botërore në raportin e fundit ekonomik për 6 vendet e Ballkanit Perëndimor.
    Që nga janari i vitit 2025, rritja më e madhe në rajon e pagës minimale u vu re në Federatën e Bosnjës dhe Hercegovinës (FBiH), ku paga minimale u rrit me 60 për qind në 892.3 euro.
    Në Republikën Srpska, paga minimale arriti 1,023.5 euro nga rreth 687.4 euro që ishte më parë, pavarësisht nga niveli arsimor i punonjësve.
    Si pjesë e indeksimit të rregullt, pagat minimale në Serbi dhe Maqedoninë e Veriut u rritën me përkatësisht 13.2 dhe 8.1 për qind për vitin 2025. Paga minimale më e lartë në rajon mbetet në Mal të Zi pas rritjes së vitit të kaluar, e cila gjithashtu i diferencon punonjësit bazuar në nivelin e tyre të arsimit.
    Ndërkohë, paga minimale në Shqipëri mbeti e pandryshuar në rreth 404 euro, ndërsa paga minimale e Kosovës, me 350 euro me diferencë të larta nga rajoni.
    Serbia regjistroi rritjen më të lartë mesatare të pagave reale në vitin 2024, me 9.1 për qind, e ndjekur nga Maqedonia e Veriut, me 9.0 për qind. Shqipëria, dhe Bosnja dhe Hercegovina regjistruan një rritje mesatare të pagave reale prej rreth 8 për qind, ndërsa Mali i Zi pasoi me një rritje prej 6.9 për qind.
    Rritja e pagave ishte të paktën dyfishi i rritjes së produktivitetit në shumicën e ekonomive të Rajonit.
    Banka Botërore sugjeron se 6 vendet e Ballkanit Perëndimor mund të rrisin perspektivat e tyre duke përshpejtuar zbatimin e reformave strukturore. Vendet vazhdojnë të përballen me sfida të konsiderueshme, të tilla si pjesëmarrja e ulët në tregun e punës, nivelet e larta të informalitetit dhe rritja e ngadaltë e produktivitetit.
    Këto çështje pengojnë progresin ekonomik dhe kufizojnë potencialin për zhvillim të qëndrueshëm.Zhvillimit të sektorit privat vendas është thelbësore për gjenerimin e mundësive të punësimit dhe nxitjen e inovacionit, të cilat janë thelbësore për rritjen afatgjatë.
    Pavarësisht progresit në uljen e papunësisë gjatë dekadës së fundit, rajoni ende përballet me sfida të rëndësishme strukturore. Në vitin 2024, papunësia ishte mesatarisht 10.1 për qind, me ndryshime të dukshme midis vendeve (duke filluar nga 8.6 për qind në Shqipëri dhe Serbi, në 12.6 për qind në Bosnjë dhe Hercegovinë.
    Punësimi i të rinjve mbetet një shqetësim kritik, me një shkallë mesatare papunësie prej 25 për qind, ndërsa pjesëmarrja e femrave në fuqinë punëtore është vetëm 45 për qind, krahasuar me 64.2 për qind për meshkujt. Inaktiviteti arrin mesatarisht 45.4 për qind të popullsisë në moshë pune.Shkallët e larta të informalitetit dhe emigrimi i jashtë i punëtorëve të kualifikuar kufizojnë më tej perspektivat e rritjes.
    Sakaq, rritja e rreziqeve nga moti, siç janë nxehtësia ekstreme, thatësira, përmbytjet dhe ndryshimi i modeleve të reshjeve zvogëlojnë më tej produktivitetin e punonjësve, rrisin rreziqet e shëndetit në punë, dëmtojnë asetet prodhuese dhe prishin sektorët kryesorë ekonomikë që varen nga kushtet e qëndrueshme të motit, siç janë bujqësia, ndërtimi dhe turizmi./Monitor